|
باقول شي بس لا تغضبوا مني
انا مو جاييني نوم
دخلت النت وجدت بنتان يكلمون احبابهم بالشات اتصلت على صديقتي خطها كل مشغول ارسلت مسج انها مع حبيبها لا احسد بس لماذا اللي يكلمون بنصايف اللليالي راح يتزوجون وامثالنا لا وبكره بالهار اكيد راح يقولون شوفي لك احد الله يعطينا الحلال يارب |
الأخت الكريمة...رزقك الله من فضله
اقتباس:
اقتباس:
قال الله تعالى { الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ }النور26 ومن قال ان الشاب الذي يحب على النت يثق بمن أحبها.....فكما أحبتني ممكن تحب غيري إلا من رحم ربي وهذا قليل يكاد يكون معدوم اقتباس:
والله المستعان |
شكلكم غضبتو علي
كتبت عشان افضفض اجل ذاك الأسبوع اللي انخطبو كل عن حب والحب معناته علاقات وانا بس كلام مثل السم يعني مايعرفون بناتهم يغازلون عشان كذا عرسوا بدري مشكله والله معاهم الله يعطيني واياكم خواتي بالمنتدى |
اخوي والله عقلتني
انا ساعت تجيني حالات اكاد ان اختنق منها والله مو بيدي غريبه الحين فيها ملتزمات يكلمون شباب بماسنجر وبعدين يتزوجون اشكرك والله وارجوك ادعي لي |
يخدع نفسه وضميره من يتزوج بنت كان يكلمها ويعرفها قبل الزواج
البنت تتعرف على الولد وتكلمه بقصد الزواج أما هو فقصده التسلية واللعب وقضاء الوقت طبعا هذه المخدوعة فيه تظن نفسها الوحيدة في حياته وهي في الحقيقة واحده من ضمن العشرات المسجلات في جواله لو واحده منهم طلبت من حبيبها المزيف يتقدم لخطبتها صدقيني راح يقدم لها 100 عذر أو يهرب من أقرب باب ثانيا مستحيل ربنا يبارك في زواج بدأ بمعصية حتى وإن استمر الزواج لا بد يعيشون في مشاكل مستمرة صدقيني وقت الجد إذا فكر هذا الشاب يتزوج ما يبحث إلا عن الجوهرة الخجولة العفيفه الصالحه |
اتمنى فعلا يبحثون عن جوهره مثلي
لأن اللي اشوفه جالسين ياخذون بنات مو متحجبات واللي متحجبات كل وحده عندها حبيب واتصالات ومسجات ومسانجرات كان بامريكا مودوله مسلمه تسملين اختي العزيزه |
اقتباس:
اقتباس:
وهذا المشاهد .. |
اختي والله اعرف تبغين الخير لي
بس ابغي اصدق اشوف الواقع مختلف ما ابي اسوي كذا للكن اتحسر على مثيلاتي نبغي الحلال وبس |
أختي الكريمة أنا رجل في عقدي الثالث وسأخبرك بمايدور في صدري وصدر كل رجل
والله الذي لا إله غيره لا أثق في بنت تعرفت عليها بأي طريق سواء في النت أو الهاتف أو السوق حتى لو تزوجتها ... سيضل يشك فيها وسيأتي اليوم الذي تنتهي حياتهما أختي الكريمة ها أنت في الثلث الأخير من الليل أدعي الله وأكثري من طرق الباب .. فمن أدمن طرق الباب يوشك أن يفتح له وإدعي الله وانتي موقنة بالإجابة لدي إقتراح للأدارة إذا كانت ستتبنى هذا الموضوع يكون هناك مراسلات ومنتدى خاص لايطلع عليه إلا المشرفين .. يكون فيه التوفيق بين الشباب بشان الزواج لعل الله أن يكتب لهم الخير على يد أحد هنا .... |
اسعدني والله اخوي مرورك ونصيحتك وراح احاول اقوم عن النت وربي يكون بعوني
بس ابي اقول امر آخر انا ولد عمتي تزوج زوجته بعد مكالمات وصله اني اقول كيف تزوجها وهي كلمته بالتلفون فقال لهم اعلم انها لم تكلم غيري وولد خالي يقول ما عندي مانع لو تزوجت وحده اقامت علاقه هاتفيه مدام لم تخرج وانا بس يقولون لأخواتهم صيرو مثل نايت لكن حق الزواج ينسوني الله يرزقني واتمنى تدعي لي |
انا شاب واعرف شباب يكلمون بنات
طرحت سؤال على واحد منهم هل تتزوج الي تكلمها؟ الجواب قاعد يضحك فيني مستغرب السؤال !! اكيييييد لا ماخذين الامور طقطة ووناسة وانتم الله يهديكم مصدقات انهم بيتزوجون حتى وان رغب اهله مايرضون ترى حالة من الف يصير زواج واذا صار مصير غالبا الفشل لانه بيشك ويشك نسبة نجاح زواج الحب ماتتعدى ال12% والله العظيم يا يعلمون امور تعووور في القلب وتكدره مثل انه يطلع بنت بكر ويغتصبها ويتركها والبنت تابت ويجيها خطاب وترفضهم !! ووراني بيتها مو من وكالة يقولون !! انتبهي من الذئاب البشرية لاترحم |
شوفي الزواج عن طريق حب سابق حسب المجتمع , فيه مجتمعات ممكن يتزوج الشاب فيها وهو مكلمها قبل , وفيه مجتمعات يندر فيها هالشي , فيه مجتمعات الرجل فيها مايحط بباله إن اللي تكلمه تكلم غيره , وفيه مجتمعات يحط الرجل هالشي بباله , على العموم يبدو أن المجتمع اللي أنتي عايشة فيه يتزوج كثير عن طريق علاقات سابقة , ويقولون نفس الكلام مانشك وماعليه لو ماطلعت , لكن الحق يقال الطريق هذا (وضع علاقات حب سابقة ) محفوف بالمخاطر , أولا فيه معصية لله عز وجل , ثانيا النجاح غير مضمون , ممكن يتسلى معك ويريد الحرام بس والباقي تعرفينه الله يعصمك منه , ولذلك أقول لك (درء المفاسد مقدم على جلب المصالح ) قد تكون حسب ثقافة مجتمعك هناك مصلحة (الزواج ) لكن هناك مفسدة عظيمة ( المعصية , ممكن لاقدر الله الزنا ) لذلك اهربي بيديك ورجليك من العلاقات والله يوفقك لطريق الحق ويزوجك عاجلا بالزوج الصالح الذي تتمنينه (آمين)
|
No 1
اشكرك اخي جزيل الشكر بس والله ما بالغت الل يعندنا كلمو وتزوجو وفوق كذا عندي ولد عمه الله يهنيه كل يقولي لا تتزوجين ويقول لخطيبته صيري مثل نايت وخطيبته كلمها بانصاف الليالي لمده سنه تقريبا والحين يبغيها تصير مثلي عجل ليش ماتزوجتني اذا انا قدوتها |
اختي حبيبتي اقدر مشاعرك جيدا لاني كنت مثل حالك واختي التي تصغرني بسنه تزوجت قبلي بسنتان وكنت احس بالوحده الشديده لكن سبحان الله الذي انزل السكينه لحظات تمر كما ذكرتي لكن اثبتي علي اللدعاء مع يقين الاجابه اللهم ارزقني الزوج الصالح والذريه الصالحه وانا وكل شباب المسلمين والحمد لله ربنا انعم علي بنعم الزوج وانا واثقه ان الله لن يحرمني الذريه الصاحه ايضا ليكوني لي قره عين ي الدميا والاخره باذن الله ليس المهم ان تتزوجي الهم ان تتزوجي انسان تحمدي الله انه زوجك وان لا تندمي علي اليوم الذي تزوجتي فيه كما رأيت بعيني من اصحاب الزواجات التي كانت بدايه قصتهم علاقات وهم الان في مآسي ولا يوجد في حياتهم سبيل للسعاده او الحب ربنا يهيدكي ويوفقك ويرزقك الزواح الصالح ويلهمك الصبر ويعوض عليكي عوض الصابريم انتي وشباب المسلمين الهم امين اللهم امين اللهم امين
|
السلام عليكم ورحمه الله وبركاته
حبيبتي :d غاليتي :23: اختي نايت:22::22: كل عام وانتي بخير وان شاء الله عيد السنه الجايه باذن الله وانتي بيت الزوج الصالح التقي النقي الى يخافك الله فيك اللهم امين امين امين حبيبتي كل الكلام الى يقولون لك عنه كذب بكذب لان مابني على باطل فهو باطل والباطل لايصح صح كلامي والا لا يعني ارقدي وامني انك انتي الى بنهايه تفوزين ان شاء الله بالدنيا والاخرة والله يطمن قلبك ويريح بالك ويسر امرك اللهم امين ولاتخلين شياطين الانس مثل الناس الى قلتي عنهم وخوياااااااااتك يهزون ثقتك بالله اولا وبنفسك ثانياااااااااااااااااااااااا |
وهل تقبلين برجل يكلمك؟؟؟
لاني والله وعن تجربة بموقع الزواج( محادثة بالماسنجر) يرون البنت التي تكلمهم حقيرة ولا يثقون فيها بل يريدونها جسد او على الاقل وسيلة لتفريغ شهوتهم الجنسية بكل فسق وفجور فهل تسمين ذلك حب؟؟؟؟ والله الله كرهت نفسي مع اني لم اتعدى حدود الاخلاق وكانت محادثتي عن طريق ااضفتهم من موقع زواج مشهور فما بالك بمن تحادث من يعطيه رقمه ليتسلى معها وليس له نية للزواج بل يتسلى بها ثم يرميها كالكلب |
اختي الغاليه ensaan
آمين يارب يرزقني ويرزقك وكل من تريد العفاف صدقتي مجتمعي عادي يتزوجون بعد علاقات والأهل صارو يشحعون على هذا الشي ويفرحون له لما بناتهم يحصلون معجبين وانا فعلا اتحسر واتقطع لان تاركين اللي خايفات الله بدون اهتمام ولا يدلون الخطاب لهم وحتى الشباب همه انه تحبه ومو شرط متحجبه يعني وين اللي يقولون نبغي وحده خلوقه ومتربيه راح هالزمن الله يستر |
صدقين يا نايت
لا يحدث زواج بهذه الطريقة وحتى وان حدث مصيرها للطلاق لان الرجل مهما كان متفتح لا يثق بمن تكلمه هاتفيا او شات والله يستر عليج وعلينا والله اني خااايفة ان الحرمان يخلينا نبحث عن اي وسيلة للاشباع حتى لو محرمة بس ياليت يسترني الموت ولا اوصل لهذه المرحلة |
mashamesho
اختي الحبيبه آمين يارب العالمين الله يرزقك الذريه ا لصالحه يارب اختي العزيزه والحبيبه غموض سنين ، وانتي بخير يا غاليه الله يرزقني ويرزق اخواتك ويرزقك عاجل غير آجل اسعدني مرورك والله يعقلني |
No 1
شكرك اخي جزيل الشكر بس والله ما بالغت عندنا كلمو وتزوجو وفوق كذا عندي ولد عمه الله يهنيه كل يقولي لا تتزوجين ويقول لخطيبته صيري مثل نايت وخطيبته كلمها بانصاف الليالي لمده سنه تقريبا والحين يبغيها تصير مثلي عجل ليش ماتزوجتني اذا انا قدوتها |
ياقلبي يانايت
انا عارفه انتي ايش بتحسي لاني مره من المرات قعدت افكر بنفس هذي الطريقه وقلت يعني اللي يخافو الله ومحترمات قاعدين والبنات اللي خارجين ويتكلمو مع شباب هم اللي يتزوجو في الأخير بس حصل كم موقف خلاني اتراجع عن كلامي هذا وقلت الحمدلله اني كذا وحقولكم هما وبدون مبالغه والله العظيم اول واحد وحده اعرفها مره كويس معايا في الجامعه حبت واحد وكلمته لمدة كم شهر وفجأة خطبها وكلنا باركنالها وسحبت نهائي من الجامعه واتزوجتو ولها سنه ونص متزوجته وجابت منه ولد وكل يوم في مشكله معاه وتخيلي ولدها ماكمل 3شهور الا زوجها طردها من البيت في الليل وبملابس النوم هي والولد وطلقها وقالها انا ماابغى اشوفك وجهك تاني لانتي ولا الولد كنت تسلية وقلبتي غم تخيلي وربي مااتشمت بس هذ النهاية الله يساعدها يارب ويلطف فيها ان شاءالله مااتغير صح الفتن قدامي كثير بس بإذن الله حتمسك بنفس مبادئي واحترامي لنفسي ولا حتغير ولاحخلي احد يتسلى فيا ان شاءالله وانتي ياليت ماتفكري فيهم واعتبري نفسك جوهرة في صندوق غالي ماياخذها الا اللي يستاهلها ويارب ياكريم مع هذا الفجر يارب ان ترزقني وترزق اختي نايت وترزق جميع اخواتي في المنتدى الرجال الصالحين النقيين التقيين اللي يخافو الله يارب يارحيم وماتجي السنه الجايه الا وكلنا في عالم المتزوجين والمقبلين على الزواج يارب ياسامع النداء ياارحم الراحمين اجبر ضعفنا واسترنا وابعدنا عن الفتن |
الصبر الصبر
لا تحزني ربنا مطلع على الكل وعالم بنوايانا وأعمالنا أكيد ربنا حيعوضنا اللهم عوضنا عن كل لحظة ألم أو ضعف اللهم ارزقنا الإخلاص وأعظم لنا الأجر أنا ونايت 2005 وكل بنات المنتدى |
يا قلبي هذا الشيطان قاعد يزين لك هيك شي
فما تعطيه فرصة ونصيبك بيجيك وإنت معززة ببيتكم وان شاء الله ربي يرزقك برجال يقدر هالجوهرة بس بدها صبر عيوني الله كريم وما بينسى حدا ام وليد |
اقتباس:
اختاري من الصديقات من تعينك على أمور دينك وتقوي طاعتك وصلتك بالله... |
ترى اغلب البنات يفكرون بهالطريقة والله
وانا كنت منهم كل مافكرتي هالتفكير تذكري ان: فيه من يعرف حالك00 يعرف تفكيرك000 يعرف حاجتك00 ومشاعرك 00 وغريزتك يسمع صوتك 00 ويعلم بمكانك00 الجأي له دائما ودوما قولي يااااااارب ماتركت هالشي الا لرضاك فارضني يارب وابشري يالخير00 بيجي يوم وربي يفرج عليك وتذكرين هاللحظات ان شاءالله وتقولين الحمدالله ماسويت اللي سووه هالبنات لأن هالبنات شوفي نهايتهم وشوفي نهايتك يارب ياكريم فرحنا بنايت |
اختي القابض على دينه كالقابض على جمره!!!!!!!!!!
اللهم ثبنتا اجمعين بعدين لا تظني ان اللي بيقولوا تجوزنا عنحب او عن طريق الشات او ............او..........او................ سعداء حتى لو مثلوا ذلك مابني على خطأ فهو خطأ حتى لو استمروا رح يبقى كل طرف يشك بالاخر الله يرزقك ابن الحلال اللي يفرح قلبك عاجلا غير اجل... |
عادي حبيبتي نايت
صدقيني نفس الوضع انا مريت فيه ... اناوزميلاتي ...ثلاث كلهم كانوا على علاقات مع شباب مكالمات وناسه (على حد كلامهم ) اما انا وحده ثانيه قال عنا بنات حمايل :25: زميلاتي الثلاث الحين كلهم عندهم اطفال صحيح اثنتين لم يتزوجون من كانوا على علاقه معهم ... اما انا وزميلتي الاخره مازلنا ننتظر الفرج من الكريم......... فرج يليق بجلاله .... صحيح اني ايام الجامعه كان اللى يمنعني اني اكون مثلهم سمعتي وثقة اهلي فيني وحبي الشديد لوالديني .... اما الان المانع اكبر وهو حبي لله سبحانه ... لذلك اقول لكي اختي اصبري وما بعد الصبر الا الفرج باذن الواحد الاحد .... واعظم الصبر هو الصبر على مانهى الله عنه .... وكل هذي الافكار من الشيطان .... كوني قويه ...... اقهري مشاعركِ .... .اقهري احاسيسك ..... اقهري عواطفك ..... اقهري الشيطان .... اسأل الله الكريم رب العرش العظيم ان يرزقني وياكِ وجميع اخواتي هنا بالازواج الصالحين ...والذريه الطيبه ... واسال الله الكريم رب العرش العظيم الثبات على الحق ... |
اللهم ارقزنا بحلالك وابعدنا عن حرامك
|
الله يرزقنا ويرزقكم الحلال
ويبعدنا ويبعدكم عن الحرام |
مغروره بأمي اختي الغاليه
مشكوووووووره كثييرا وربي يجزيك الخير وزين سردتي تجربتك عشان اعرف ليس انا من اواجه هذه الصعاب اخي الغالب، ردوردي مكرره كنت تعبانه ولا اعرف لماذا كتبتها عده مرات لان ضغطت ربما علىالرد اكثر من مره |
اختي الغاليه الحلم الطموح
الله يسمع منك ويجعل فرحنا قريب آمين انك كريم قدير اختي الحبيبه سلامات يا قلبي مو بس الشيطان حتىاقاربي يزينون سوالف العلاقات والحب قبل الزواج الله بصراحهم يجزيهم يخربون افكارنا غصب عنا اختي كل الغلا ،ما ابغي احلف بس ااؤكد لك انهن ملتزمات خارجيا ، وموضه عندنا في ... اللي ملتزمات يتزوجون عن حب اختي الحبيبه شوبارد أسال لكي ربي الذريه الصالحه وان يحفظ لكي بيتك اشكرك على النصيحه والله يهديني |
الأخ رئبال جزاك الله خير على المداخله اخي الفاضل
تصدق اهم كل يحسسوني اني مخلتفه وانهم السعداء بس الله يسعدني اخواتي الغاليات د مشاعل، بحور الصمت،حلم الأحلام الله يرزقنا الحلال وعنجد ما اتمنى لكم ما امر به صعب ان تعيش وسط اقاربومجتمع يشجع هذا الوع منالزواج ويبارك لها وانتي العفيفه ودهم يدوسونك حسبي الله فيهم الله يرزقنا يارب العالمين يارزاق ياكريم مكشووورين كلكم والله يثبتني وما اخفي عليكم محتاره من اللي يصير شباب يتزوج بنات ما فيهن حياء |
يا اخت نايت
صبرا جميل ان شاء الله ستجدى ان الله مدخر لك زوج صالح تحسدك عليه كل البنات ولكن لم يأذن الله بعد هذا اختبار فأثبتى يا اختى هانت والفرج قريب بأذن الله اعلم انك فقط تريدى ان تفضفضى لذلك فقط انا اذكرك واكثرى من الاستغفار |
يارب ابو مريم
الله يثبتني ويرزقني انك على كل شي قدير جزاك الله كل خير |
اللهم ثبتها علي دينك واغنها بحلالك عن حرامك ..
وابعدها ويانا عن طريق الحرام وفعل المنكرات وارزقنا يارب بل الأزواج الصالحين ياارب صبرنا صبرنا ففرج علينا انك انت السميع المجيب ... عند هذا التفكير وسواس الشيطان تذكري ان الله يراقبك .. |
ليش مين حكالك انه اغلبهم ينتهون بالزواج ؟؟
حتى لو شفتي بعينك اخرتها بتنتهي بالطلاق او عدم الراحه النفسيه والشك والله الوحده تبقى معززه عند اهلها ولا تنهان عند زوجها ويطلع يعرف عشرين وحده ويخون الله يرزقك ابن الحلال يارب وما تنسى تدعي اللهم اغنني بحلالك عن حرامك وما تنسي الشيطان قاعد بغريكي بالحرام وبزينلك الحرام انه احلى واسهل والله يوفقك في رعايه الله |
اختي نايت احبج في الله
واتمنى الله يرزقج الزوج الصالح عاجلا يارب |
الله يهديج ويهديني ويهديهم ..خلج أقو من جذي ..أحس انج ضعيفة واااااااايد
الله أعلم بضروفج بس انا بديت أخاف عليج والله .. الله يستر عليج ياااااااارب انا اعرف بنات تزوجوا عن طريق اللي يسمونه حب قبل الزواج وألحين مستورات وموفقات الله يسعدهم ويوفقهم زود الحمد لله ربي ستر عليهم وهذا نصيبهم وانا ماأقعد أحاسب رب العالمين أو أتمنن عليه اني سويت وإني أحسن منهم بس ليش مارزقني ترى ربج يرزق الواحد على نيته .. كوني أقوى..ادحري الشيطان واستعيني برب الكون سبحانة القوي الجبار .. ربي يسترج ويوفقج بس حكي للدنياا شوي ترى الزواج والله مو كل شي كلنا نتمناه ونتمنى الستر بس مو معناه اقعد أطالع غيري واقارن نفسي فيهم طول يومي وأتحسر احمدي ربج انه عطاج دين وحجاب وهداج انتي اللي المفروض تنحسدين مو هم ترى الدنيا ممر واخرتها قبر والله يعينا على الحساب هناك .. اتعوذي من الشيطان |
نايت اذكري الله اشوف كأن الشيطان بدأ يوسوس لك تعوذي منه وأسأل الله العلي القدير ان يرزقك زوج خيرا من ازواجهم عاجلا غير آجل.
|
هذا امتحان من الله ليرى من يصبر
انت حرمت نفسك من الحرام وانت قادره عليه أسأل الله أن يعفك بالحلال واكثر من قول (اللهم اغنني بحلالك عن حرامك وبفضلك عن من سواك ) ( اللهم اغنني عن من اغنيته عني) انا جربتها بعد ماكنت متعلقه بصديقاتي اشد تعلق وافقدهم ودايم ادورهم سبحان الله صار الموضوع عادي وصرت ما القى وقت ادورهم فيه بعد ما كنت دايم احس ان الكل مشغول عني (اللي بزوج واللي بعيال واللي بدراسه) لكن الحمدلله الحين صرت عادي |
| الساعة الآن 10:31 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©