هذا ما فعله اهل زوجي مساء يوم العيد
 

صراحة اختي بدون زعل ..أيا كانت الأسباب المفروض زوجك بعد صلاة العيد فورا عند أمه وأبوه ويحبهم على راسهم ويعايد عليهم
أنا أخواني الله يجزاهم الخير بعد صلاة العيد على طول كلن يجي من بيته يعايد على الوالدة

يمكن تصرف أم زوجك وأهله غلط وطريقتهم ماهي حلوة ..بس زعل أم زوجك أنا أشوفه مبر ويتهيأ لي لو امي مكانها بتسوي نفس الشي خصوصا انها مرة كبيرة وعصبية
وعموما مالي إلا أدعي لك
الله يصلح حالكم ياااااااارب

كلامك صحيح يا ختي مليون بالمية وانا قلت لزوجي قلتلهم امك رح تزعل وهيك حكالي لاء اصلا همي رح يكونوا نايمين وهوي قبل الصلاة كان عندهم وشافهم وعايد عليهم كان نايم عندهم ليلة العيد واتصل عليها بالنهار مرتين ولا تلات مرات وماما اتصلت وعايدت عليها ، ابنك غلطان ليش ما تقولي بينك وبينه لازم تفضحينه صح ولا لاء انا ما بقول انه عمل زوجي صحيح مع انه سلم عليهم قبل الصلاة بس لازم راح بعد الصلاة بس علشان المواصلات لانه بعد الصلاة يوم العيد ما في مواصلات وانا بقولك ومعترفة انه غلط بحقهم بس هيك بكون عقاب الابن ؟؟؟ وهيك بكون احترام اهلي ؟؟؟

اختي ضعي نفسك مكان اهل زوجك..
يعني لو اخوك يروح يوم العيد مباشرة لأهل زوجته ويقضي يوم العيد كله عندهم!!! وش بيكون شعورك؟؟!!!
جاوبي نفسك بنفسك...

اختي كل الغلا كلامك على عيني وراسي زوجي غلط بس ليش يبهدلونا هيك ليش لما اتصل عليهم مرتين ولا تلاته ما قالتله انها زعلانه وغير هيك ليش هانوه قدام اهلي انا هاد الي مزعلني وهي مش زعلانه علشان ما قضى العيد عنهم لاء هي زعلانه ليش ما طلع مع ولاد عمه يعيد ومع انها بتعرف انا كل عيد منروح انا وياه نعيد عند اعمامه افهمتي قصدي يا اختي

مهوي عايد عليهم قبل الصلاة وغير هيك انا قلتله تعال نروح عند اهلك حكالي مهم نايمين وعلشان شغلهم يصحو العصر تقريبا الساعة 3 او 4 يعني وكلها ساعتين وهمي يجو عنا ومش حلوة نروح عندهم واخوته نايمين وامه كمان ليلة العيد ما بتنام وبتنام الصبح يعني انا متاكدة لو رحنا هناك رح ننام كمان افهمتي يا اختي ،، وبابا ما قصده حرمة البيت بس كبيرة انه زوج بنته يتبهدل وهوي موجود على الاقل احترام لو غلطان هوي مو مزوج ولد هوي مزوج رجل بعدين الام او الاب ما بمونو على ابنهم يحكو معاه بالنهار ويقولوله اطلع

هو معايد عليهم قبل العيد وكمان لو رجع بعد الصلاة رح يكونو نايمين علشان هيك احنا مثلا الكل بضل صاحي ببيتنا عند اهلي اما اهله لانه شغلهم بضلوا للصبح بصلوا الصلاة وبروحوا وبضلوا نايمين علشان هيك ولا انا اصلا كنت بحكي معاه وبقوله زم نغير عادة اهلك ونصير نفطر مع بعض علشان نحس بالعيد

زوجك غلطان 100 مرة وأهل زوجك كمان كانت ردة فعلهم غلط

المفترض يروح يعيد على أمه وأهله أول شيء ثم اصهاره وأنتي تكوني تبع لزوجك

وثاني يوم تقضوه عند اهلك ..

وبعدين تقولي في رد أم عبدالله أن زوجك عايدهم قبل العيد ... فسريها يا أختي وش لون يعايدهم قبل العيد ..!!!!

بصراحة وبدون مجاملة .... زوجك غلطان

أهم غلطانين مفروض أحترموا البيت اللي هم فيه فالبيت له حرمته وبعدين يحاسبوا ولدهم

ما بنكر انه غلطان ،، وغير هيك مع انه احنا عارفين انهم رح يضلوا للمغرب نايمين اهله يعني رواحنا وعدمه واحد ومع انه اتصل مع امه تلات مرات بالنهار او مرتين وعلى الاقل تقوله بالتلفون انها زعلانه وانا مطنشة كل هالحكي ومش قايله شي بس انا زعلانه على طريقة كلامهم وبسسسسس وموقفنا قدام اهلي ولا لو بهدلوه ببيتهم همي احرار وبضل ابنههم شو ما صار عايديهم قصدي قبل صلاة العيد يعني قبل ما ينزل على الصلاة افهمت قصدي لانه كان نايم عندهم

ا اختي هم قاصدين يسوا هيك عشان يربوا ابنهم ويصير يفكر 100 مره قبل مايجي عند اهلك بعيد و غير عيد


احسن شي المعامله الرسمي ..

شو صار بالنسبه لعزومه الخميس رحتي؟

لا طبعا ما رحت ساعدتها يوم الخميس ولا هي اصلا اتصلت وسالت ولا حتى الجمعة كانت العزومة واهلي المفروض يروحو همي لا اتصلوا ولا حكو مع اهلي ولا حتى معاي يعني ما همهم نيجي او لاء

أنا اريد حل لهذه المشكلة ماذا افعل ؟؟؟

اعتذري من أم زوجك وحبي على راسها وقولي لها أنك وزوجك غلطانين بعدم معايدتهم .. بعد ماتشوفيها لانت قولي لها أنك زعلانة من تصرفها وأحراجها لك ولزوجك قدام اهلك...

انا مش عارفة ما حد فاهمني انا مش قايله انه زوجي مش غلطان هوي غلطان بس انا اقصد اهانة اهله لي وليه ولاهلي في بيتنا واول ايام العيد وفوق كل هاد المفروض هي لما اتصلنا عليها تقول لابنها او تلفت نظره انا مقهورة كتيررررررر

صراحة اختي بدون زعل ..أيا كانت الأسباب المفروض زوجك بعد صلاة العيد فورا عند أمه وأبوه ويحبهم على راسهم ويعايد عليهم
أنا أخواني الله يجزاهم الخير بعد صلاة العيد على طول كلن يجي من بيته يعايد على الوالدة

والكاظمين الغيظ والعافين عن الناس والله يحب المحسنين

فمابالك اختي فى الله اذا كظمتي غيظك وعفيتي واحسنتي لاهل زوجك سوف يرتفع معدل المحبه عندهم تجاهك

تدرين ليش لانك طبقتى آيه في كتاب الله سبحانه وتعالى

ولا تنسى ان الله سوف يحبك لانك احسني وطبقتيى كلامه

بارك الله فيكم جميعا ، ومشكورة على كلامكم ،، بس بحب اعلق على كلام اختي redrose_22 زوجي اول مرة يعمل هيك واول مرة نكون مع اهلي بالعيد بالعكس كل عيد نكون عندهم اهله نايمين واحنا نضل قاعدين وما نعمل شي المهم نكون قاعدين معهم حتى وهمي نايمين المهم ما نكون عند اهلي هاي شغلة وشغلة تانية انا ما بدي اقولك اني بحسن معاملة حماتي بالاخص لانه ما عندها بنات وانا من يوم ما اتزوجت وانا بعاملها متل امي واحسن حتى ليلة العيد لما نزلت على السوق جبت لها متل ما جبت لي تماما مع انه بعرف انه زوجي متدايق ماليا ،، بس هي الله يهديها ويسامحها دايما تسمعني كلام ودائما تبهدل زوجي وتقلل من قيمته قدامي وانا بدايق لانه زوجي الكبير ولما تعمل هيك هيبته بتروح قدام اخوته وبالعكس تماما تعامل اخوه الاصغر منه بسنتين تعامله كانه الكبير هاد عدل ؟؟؟ (( نحن متزوجين ولكن لظروف خاصة كل احيانا اذهب واجلس عند اهلي فترة واحيانا عند اهله وربنا يعين على هذه الحال))
بعيد الفطر انا ضليت عند اهلي وزوجي عند اهله هوي فضل نايممممممم طول النهار متله متلهم واجى عندي المغرب ليش انا يومها ما زعلت ؟؟ ولا سمعته ككلام ؟؟

بس انا كل قصدي والله انها تحترمه لانه احترامه من احترامي وغير هيك هوي غلط على عيني وراسي هي احنا اتصالنا فيها مرتين يوم العيد وزوجي كلمها لوحده ليش ما قالتله ماما عيب تبقى طول النهار اطلع عنا ليش يعني اول ما دخلت بيتنا اول ما دخلت بدل كل عام وانتم بخير قالت ليش انت هون وما عايدت مع اخوانك (مع انه كل عيد بروح انا وهو تاني يوم نعايد على الاقارب)

الانسان مش معصوم عن الغلط وانا مسامحتها وعافية عنها بس ما بحب زوجي يكون مقهور لانه من النوع الي يحط بقلبه وانا لا سمح الله لو صار لزوجي شي بموت

واليوم لما راح عندها زعلته كمان مرة علشان ذاكرة الجوال الي فيها صوري وصوره الخاصة
يوم ذكرى زواجنا عملنا حفلة بسيطة انا وزوجي واتصورنا بجوال اخوه والذاكرة طبعا مع زوجي انا قلت لزوجي احسن الذاكرة تضيع لا سمح الله انا رح اخبيها عندي وقبل هيك امه قالتله بس هو علشان فيها صور خاصة قالها لاء بخليها معاي
واليوم لما سالته عنها وقالتله ما أمنتني عليها قالها هاي امور خاصة بيني وبين مرتي ما اقتنعت وقالتله شو يعني ما انا بصحلي اشوف زوجتك حكالي صور خاصة قالتله عادي .

انا مش هامنني نفسي انا ما بحب زوجي يكون مدايق بالذات هاي الفترة وهي كل شوي تطلع بشغلة تهينه فيها هي ما بتهين الي مباشرة بس بتسمع كلام ،، لسى اليوم قبل ما يروح زوجي عند امه بقوله رضا الله يا رضا الوالدين شو ما قالت امك اتحمل وما تقول شي وهدي حالك والام بضل ام بس هي مش عارفة ليش هيك بتعمل بابنها مع انه اكتر واحد بحترمها هي وعمي اكتر واحد بولادها

وانا ما بدي احكي انا شو بعملها بس ربنا وحدة يشهد اديش بعاملها بشكل منيح واديش بساعدها وكمان كل فترة والتانية باخدلها هدية ولما بقضي النهار عندها بضل طول الوقت معها يعني ما في سبب نهائيااااااااااااااااا انها تعاملنا هيك

لو لا سمح الله احنا عاطلين معهم نقول
لسى كل ما اشتغل شغل مؤقت (لانه زوجي ما اتوظف) تبدا تسحب اجرة شغله اول باول مش عارفين حتى نصمد سعر بيت وهي مش سائلة حتى عمي بقول وقال اكتر من مرة انا بحقلي اكتب عليك ورقة تعطيني ربع معاشك ،، هاد كلام بنحكى ؟؟ والله انا من دون لا يقول بحكي لزوجي انه بس تتوظف بشكل رسمي لازم يكون جزء من المعاش لاهلك مع انه اهله ما دفعوله شي من دراسته بالجامعة ومع كل هاد بقوله اهلك وواجب عليك تعطيهم وما تحرمهم من شي واحنا مش عارفين نلاقي بيت نسكن فيه هاد ظلم ولا لاء ؟؟؟؟؟؟؟

وانا بقوله اصبر واتحمل وعادي هو اصلا حرام كل اشي بتقوله امه بعد ما ياخد اجرة على شغله بقولها حاضر مرة قالها انتي اخدتي مني مبلغ وقلتي رح ترجعيه وانا علي دين يومها ما خلتله بهادل انا حزنت عليه لانه هي معها فلوس من اهلها واخوانها وما بتكون بحاجة حد وعمي بشتغل والحمد لله طيب ليش تعمل هيك بانبها ليش بتحب تعمل فيه هيك هوي الوحيد باخوانه مع انه الحمد لله اتقاهم وادينهم وربنا شاهد

و الله يا ام عبد الله سرد جميل و تفصيل ممتاز

سلوكيات اهله ليست طيبة بخصوص المعاش و غيره و لكن في جميع الاحوال أنا لم أقصد ما فهمته انت بالضبط

أنا اقصد


فذهابه الى بيت أهله في العيد لا يشترط أن يكون صباحا وقت نومه

و ذهابك أنت اليهم لا يشترط ان يكون من الصباح الى الرباح على قولة أهل نابلس

يعني تذهبي في المساء بعد أن ينتهي معيدييك من الحضور

أما بالنسبة لزوجك فيجب أن يقوم بمشاويره الخاصة مع اخوانه اولا و يتفق معهم عليها مسبقا ثم ينفرد بك


أما بالنسبة لتدخلات حماتك لا تشعري بأن ما يحدث لك لا يحدث لغيرك فأنت لم تجربي بعد زوجات الأخوة و علاقاتهم مع الحماة

المهم و الخلاصة


يجب التعامل على الأقل كأن شيء لم يكن و عدم التحزز من أقل شيء

لتستمر الحياة و تمضي فالحياة ليست يوم وليلة فقط الحياة العمر بأكمله ان شاء الله

اختي الغالية redrose_22 امس ذهبت عند اهل زوجي زيارة ،، وحماتي استقبلتي استقبال لا احسد عليه وهي سلمت علي بقرف ،، لم تتكمل نهائياااااااااااااااااااااا معي ضيفتني عصير وشاي جلست معي ولكنها لم تتكمل نهائيا بل جلست تشاهد التلفاز ومع العلم ان موعدي الخميس عندهم اقضي النهاء كامل الا انها لا هي ولا عمي قالولي اتفضلي ولا حتى عزموني متل العادة مع اني تكلمت معها بشكل عادي وضحكت وسلم عليها بحرارة وكنت عادية جدااااااااااااااا وكانه ما في شي بيني وبينها

أنا و زوجى فى نفس الموقف
بس أحنا و جدنا حل يرضى جميع الاطراف

بالبداية ليلة العيد نقضيها سوياً فى بيتنا,,,,

يوم العيد صباحاً , أهلى يصلوا العيد و يظلوا صاحيين ,, نذهب لنفطر سوياً،،، نظل هناك حتى العصر,,,

أهلة لما يصحوا الساعه 4 أو 5 عصرا ً,,, نروح لتناول الغذاء معاهم,,,

كده ,, ما فى زعل,, الأهل أول ما يصحوا بنكون عندهم,,,

و باقى أيام العيد , نروح نشوف الاصحاب و أولاد العم

بس الان لازم تروحى أنتى و زوجك عند مامته و تصالحيها,,, و الله الموفق

رحنا عندها وراضيناها على الفاضي بالعكس كل يوم تطلع بموال جديد

بعدين كيف بدك نروح عندهم وهمي كمان ساعة زمان جاين عند اهلي يعني لما اروح رح يفكرو انه اهلي باعتينا عندهم علشان ما يجو عندهم هيك همي بفكرو

حسبي الله ونعم الوكيل انا تعبت اصلا ،، انا هلاء رايحة عندهم ورح اشوف شو رح يصير اليوم كمان

الله يستر ,, منتظرة أعرف الأخبار

أقصد خلى كده خط السير فى المستقبل, إن شاء الله

لا أتكلم فى الماضى

و إذا أرادوا يزورا أهلك,, قوللى لهم نروح مع بعض نتعشى سوا هناك ,, أمى و أبى فى أنتظاركم..

لا أبغى سوى المساعدة و لو بالقليل,, الله معك

مشكورة حبيبتي اللقاء كان نوعا ما منيح يمكن لانه رايحين مشوار رسمي ومعاي قريباتي

بس صار مشكلة بيني وبين زوجي

مش عارفة ليش هيك صايرين احنا التنين ما منتحمل كلام بعض وزوجي كمان صاير كسول جدا وغير مبالي مش عارفة حاسة كل المشاكل بتيجي من اشياء مش عاملتها اي حساب

ادعولي بالله عليكم