سؤال للمتزوجين
 

السلام عليكم .

أنا الأن في فترة الملكة طبعا بعد ملكتي بأربع أيام

جاء زوجي عندنا وهذي أول مرة أشوفه وأجلس معه

بس أنا أحس أني مو طبيعيه يعني عاااااااااااااااادي الأمر عندي وما أرتبكت

وكأني أسولف مع صديقه لي ما توقعت نفسي كذا تتوقعون زوجي ينقد علي

والأن لي شهر وزيادة متملكة وما شفته إلا ثلاث مرات بس عادي معه أسولف

وأضحك وأرسل رسائل غرام إلا الموضوع الخاص ماتكلمنا فيه ولو تكلم فيه أحس ما عندي مانع هل في أحد زيي أنا ناقده على نفسي ولا الأمر عادي فهموني .

الشي الثاني زوجي يرسل لي رسائل غرام ويسمعني كلام غرام ويقول أنه يحبني مرة بس أنا خايفة ينقلب الأمر بعد الزواج لأني أسمع كثير يقولون فترة الملكة كانت
ممتازة وبعد الزواج تغير الوضع .

انا مثلك بالضبط ,وكنت مستغربه من نفسي وبعد الزواج سألت زوجي وقالي كنتي جريئه ما توقعت تكونين كذا بس عادي حلو ...
وبالنسبه انك تخافين يتغير عليك بعد الزواج, انا كنت اخاف ولا اصدق كلامه بس مو صحيح بالعكس بيبين حبه اكثر بعد الزواج...
وبالتوفيق يا حلوه

انا كنت جريئه برضه كتير في فترة الخطوبه لكن عادي لاتغير الوضع ولا شيء .. مو كل اصابعك زي بعض يعني مو الكل بيحكي عن الزواج انه تعيس بعد ما كانت فترة الخطوبه رائعه .. وهادا شيء بيرجع للمخطوبين نفسهم.

انتبهي لنفسك

الرجال يختلفون وفيه رجال يخوفون

انا كنت جريئه كتير في فترة الخطوبه لكن عادي ......،

انا كنت جريئه كتير في فترة الخطوبه لكن عادي ......،كان يفرح دائما لما اكون جريئةمعه ......هههههه .....و الرجال يختلفون

خليك على طبيعتك وزي ما انتي

حتى تكونين مرتاحه معاه

والله يجعلك سبب سعاده لزوجك ويجعله سبب سعاده لك

دنيا وآخره

تفائلي بالخير تجديه
 

حبيتي انا كنت طبيعيه كثير في أيام الملكه..و الحمد زوجي ما أخذ فكره عني بلعكس كان يستانس كثير لما اجلس اسولفله و افرفش لا نه الرجال يحبو البنت الي دمها خفيف و تسوي جو لانهم ما يميلو يجلسو معاها..و صراحه لحد الحين ما تغير احب اسويلو دائم جو في البيت..الله يوفقكم ان شاء الله و يسعدكم..و ان شاء الله ما يتغير عليكي تفائلي خير حبيبتي..الله يسهل عليش ان شاء الله

بالنسبه لي انا كنت وسط ساعات اكون في قمة الخجل واحيانا اخفف من خجلي قليلا وهذا ما كان يجعله سيجن علي
والحمد لله بعد الزواج زاد حبه لي بشكل واضح والحمد لله

أنا الآن في فترة الملكة

في حفلة الخطوبة كنت عادية فيني جرأة ممزوجة بالخجل<<<يعني لاجريئة مرررره ولاخجولة مرررره
وبعدها أول يوم شافني كنت جدا خجولة إلا درجة أني استحي ارفع راسي حتى سأل أختي الصغيرة يقول لها متأكده هذه أختك نفسها اللي كنت واقف يمها في الحفلة ولا وحده ثانية؟؟
ومع الأيام شوي شوي تعودت عليه وصرت أسولف معاه

الله يسعدكم ويهنيكم

تطمني أختي الكريمة ، كل شي ماشي معاك تمام

وهذا من واقع تجربة لي شخصيا مع زوجتي ، وأنا متأكد تمام الثقة انك الآن شاغلة

باله ولايفكر في أي أحد إلا فيك انت فقط ، بل وينتظر الزواج بفارغ الصبر ، وهو يعيش

الآن أحلى أيام حياته ، وبتكون أفضل وأحلى بعد زواجكم ان شاء الله ، وهذا الكلام كما

قلت سابقا من واقع تجربة لي شخصيا وأيضا من خلال تجارب العديد من الأخوان

والأصدقاء

تمنياتي لكم بحياة زوجية تسودها المحبة والمودة والرحمة والألفة

كلامك صحيح 100%

عليكم السلام ورحمة الله وبركاته الف مبروووووووووووووووك وعقبال الزواج قريب ان شاء لله ربى يجعل كل ايامك سعادة لاتخافين وخير الامور اوسطها ان شاء الله الاخوات يفيدوك بالرد لانى اتملكت شهر واحد وتزوجت مالحقت اجلس ولا اسولف بس الحمد لله انى الحين اسعد زوجة وعقبالك انت وكل الاخوة والاخوات بالسعادة من الله