|
ياأخوي وياعزوتي... أنا مو زوجتك لتعاملني هكذا!! [ المشكلة حُلت ]
السلام عليكم
ياعالم طقيت وبأنفجر لا مو أنفجر الا انفجرت وأنتهيت أنا ( أكره ) أخوي ومااطيقه , أكره أسولف معه , انكتم اذا اتكلمت معاه, ليش؟؟ هذا ردة فعل لتعامله الجاف معي, اخوي مايطيقني من خمس سنوات اتغير علي اذا قعدت بمكان يغمض عينه عني اذا جلسنا بغرفه يحاول يخلي ركبته يم وجهي ك حاجز اذا قعدنا على الاكل قدام التلفزيون مسك الكنترول ورفعه لوجهه ك حاجز يرتبك كثير اذا دخلت عليه واذا كلمني ملامحه على طول تتغير ساعات يطالع فيني وهو شاد عينه بقوه يمي اكتب لكم وانا عيوني تدمع , ليش يااخوي ليش وتعامله مو معي بس, لاحظت انه يغمض احيانا عن امي الا انه اذا قعدت انا وامي وهو بغرفه يختارني ويغمض عينه اللي من جهتي اتخيلوا انه لو لسى صاحي من النوم وهو بوجهي على طول يفتكر ويغمض وحده من عيونه بأفهم , هو مريض؟ عجزت أحلل ليش يعاملني كذا.؟ هو شايف مني شئ غلط و كاتم عني واخذ الصد ك حل ؟؟؟؟ هو كذا فجاه حس انه مو متقبلني شكليا فاخذ يهرب بعينه عني.؟؟<<<مااشوف انه سبب لكن والله من قلة الحيله قمت اجيب لي احتمالات سخيفه, والا الشكل ماله علاقه مو زوجته انا العام حصل بينا تتش كبير وانفجرت ابكي ومن الكللم اللي قلت الّه انتا مو طايقني ولاتحترمني اختك بالسن هذا كذا تعاملها فين الاحترام؟ وهو يرد ويحلف انه غصب عنه ومو بس انا <<تابعت تصرفاته وهي هي ماتغيرت تجاهي ووحده من خواتي الثانيات مايعاملها كذا اذا قعدت انا وياها وهي على طول يغير جلسته ويغمض عينه من جهتي :( :( :( عارفين كم اعمارنا.؟ بنص العشرينات يااخوي لييييييييييييييييييييييييييييييييييييييييييييييييي ييييييييييييييييييييييييش بعد كل سفره ارجع منهاره بسببك عارف يااخوي اني ابكي الليل كله كل مااتذكرت اللي عملته معي بالنهار؟ عارف يااخوي اني فجأه أتدمع عيوني ولو كنت عند احد وهذا بسبب مااكتم من افعالك معي ليييييييييييييييييييييييييييش حرام عليك حرام عليك |
تصرفاته مو طبيعية وإذا قال لك أنه غصب عنه فأكيد مريض!!
اجلسي معه جلسة هادئة وحاولي تفهمين منه... |
مره قلت له
ايش فيها عيونك ؟ مارد علي وانا ماألحيت لاني مابيه يحس انه هامني أتبعت شئ مضاد له , أتعمد اعمل تصرف أخليه يشك بنفسه واذا سالني وش فيك سويتي كذا ؟ اقوله لا مو قصدي واتعذر بشئ, ( اهو شاك انه فيه شئ مو زين , ابغاه يشرب من نفس الكاس , لكن شكله مافهم ! ) |
الله يعينك لكن اكيد في شي
ياهو مرض ياهو عين ياهو حسد طيب ليش مايقراء عند شيخ يمكن فيه شي والله اعلم اجلسي معاة اساليه اذا رفض يجاوبك ارسلي احد يثق فيه اختك اخوك عمك اي احد يثق فيه يسال ليش يعاملك كذا بس عندي سؤال كيف معامله زوجته معااااااااااااااااااااك تحبك تحترمك تكرهك يمكن نلاقي راس الخيط عندهاااااااااا |
اخوووووووووووووك غرررررررررررررريب
مهما شااف الأخ من أخته شي زين او مو زييييييييين!! ما يتصرف هالتصرف واسمحيلي اقوول (تصرف غبي) وإذا تبين تعرررفين السبب خليه هو ينفجر بعيد عن المووضوع حاولي تزززززززعلينه أقصد أثيري غضبه مثلاً تكلمي عليه تلفظي عليه..................... أي تصرف المهم بحضووور نااس من اهلــ:ــ:كــــ؟؟ >>>> من شاان يفكوونك لا يتوطأ فبطنك هههههههه والله هذا الحل ............................ لإن الشخص إذا غضب راااح يقوول اللي عنده ..........فهمتي بلا شك إنه راح يقووووووووووووووووول وشششششششفيه . وبالأخير رااح يكوون أخووك ووواجب عليك الأعتذااار له ,,,,,,,,,,,,,,,,,,,,,,,,,,,,,,,,,, والله يستر عليكم. |
اختي كلنا ودك نساعدك بس مشكلتك غريبة
حاولي تتذكرين وشو الموقف اللي بعده صار كذا يعاملك يمكن نعرف وشلون يفكر |
فعلا غريب اخوك يمكن عين انتي تكلمي معه بصراحه قولي له انت شايف علي شي علشان تعاملني كذا مو معقول اخوان وفي بيت واحد يصير بينهم كذا بدون سبب!!
|
المشكله محيرتني من سنييين وكنت كابته ,شوي شوي لمحت له ولخواتي انه اخوي هذا تلاحضون عليه شئ تجاهي؟
لو اعرف الموقف قلت لكم , وبعدين ايش هذا الموقف اللي يخليه يتصرف مثل كذا؟ باقولكم عن شئ مهم , اخوي ظاهريا رائع معي , اذا احتجت شئ مايردني لو هو سفر يضرب فيني مشوار علشان اللي ابيه وعمله هذي الاشياء مايعني تغاضيي عن هذي المشكله خلوا نفسكم مكاني, اجي لأخوي اطلب منه نروح لمكان , مثلا وافق , عارفين انه هذي الموافقه حاصله وهو مغمض عين ناحيتي؟ رحنا للمكان ونقول انبسطت هناك, رجعنا للبيت أمر من غرفته , اذا هو جالس بسرعه يعدل عمره ويجهز ركبته , أو عينه , يشوف اي جهه امر من ناحيتها الروحه و الطاعه كلها أتنكدها لما ارجع واشوف هذي الحركات وبشكل يومي |
اول مره اسمع بكذا سالفه
صراحه غريب ماله الا امه او احد يعز عليه يكلمه طريقته مو طبيعيه والله ..ابد مو طبيعي(كنت اقرا وبحلقت في الشاشه من استغرابي حتى امي وخواتي استغربوا يقولون اشفيك اقري لنا ...قريت لهم ونصار فيهم نفس الطريقه ...استغراااااااااااااب) الله يكون في عونك سؤال:هو متزوج؟ ويسوي كذا في زوجته؟ هل صار بينكم شي والا هو كذا من صغرتكم؟؟؟؟؟؟؟؟؟؟؟ |
المشكله محيرتني من سنييين وكنت كابته ,شوي شوي لمحت له ولخواتي انه اخوي هذا تلاحضون عليه شئ تجاهي؟
لو اعرف الموقف قلت لكم , وبعدين ايش هذا الموقف اللي يخليه يتصرف مثل كذا؟ باقولكم عن شئ مهم , اخوي ظاهريا رائع معي , اذا احتجت شئ مايردني لو هو سفر يضرب فيني مشوار علشان اللي ابيه وعمله هذي الاشياء مايعني تغاضيي عن هذي المشكله خلوا نفسكم مكاني, اجي لأخوي اطلب منه نروح لمكان , مثلا وافق , عارفين انه هذي الموافقه حاصله وهو مغمض عين ناحيتي؟ رحنا للمكان ونقول انبسطت هناك, رجعنا للبيت أمر من غرفته , اذا هو جالس بسرعه يعدل عمره ويجهز ركبته , أو عينه , يشوف اي جهه امر من ناحيتها الروحه و الطاعه كلها أتنكدها لما ارجع واشوف هذي الحركات وبشكل يومي |
إسأليه وألحي بالسؤال.. هذا مو تصرف حلو منه.. بس أكيد في شي ولا حد قايله شي عنك..
و مو غلط تبينين له إنك مهتمه فيه مارح ينقص من كرامتك شي.. هذا أخوك أولا وأخيرا.. إمزحي معاه سايريه إكتبي له مسج (اشتقت لك) والله مافيها شي.. بالعكس رح يلين قلبه.. وإذا إنت ترفعتي عن القيام بذلك وهو ترفع وكلاكما تحججتما بكرامتكما.. فوالله رح تمضي الأيام والسنوات وإنتوا عايشين بجفاء يزداد مع مروور السنوات.. يا حبيبي الدنيا ما تسوا.. خلي قلبك قوي وحاولي مره وإثنين وعشره.. والله يحنن قلبكم على بعض :) |
^
علاقتنا ظاهريا مثل ماقلت رائعه اخت تسوي اي يبيه اخوها اخو مايقصر مع اخته يعني مافيه خلاف بينا ومشاكل ماعمري اتلفظت عليه , ولاعمره مد ايده علي انا مره مشتته مااعرف ليش طبعه كذا؟ ليش يهرب بعينه عني ؟ ليش يرتبك ويبين فيه يشيل همي اذا مريت من ناحيته؟ من حقي ازعل اذا شفت اخوي يحتقرني تغميض العين , والركبه بوجهي , مو فيها قلة احترام ليا؟ اقعد على السفره وبيوم عرفه , واجي باعطيه القهوه , ويقوم ياخذ الفنجال بيد والكنترول بيد ثاني رافعه على حد شوفه لي هذا التصرف مايجرح انا مااتحملت اخذت الفنجال كني باروح اعمل شغل بالمطبخ , واهربت لي في غرفه وبكيييييييييييت كطففففففففففففففففففل صغييييييير قمت من فطوري وجمعتنا بسببه |
طنشيه ولا كانك تشوفينه
الين يتعدل من نفسه سوي له نفس حركاته بالضبط عشان يحس مااقول لك قاطعيه لاااااء بس عامليه بنفس معاملته بالضبط وشوفي اخرتها |
شكلك حساسه وهو يستانس يستفزك ومعطيته وجهه وتتجاوبين معاه في الإستفزاز أنا من رأيي خلك عاديه جداً وعامليه كأن هذا طبع فيه وخليه هو لو مو معبرك ماكان سوا كذا معاك بالعكس بعدين في السن هذا تصير بين الأخوان حركات هيك تلقين فيه اثنين في كل بيت دائماً مسوين أفلام وخصوصاً بين بنت وولد انا ووحده من أخواتي نمزح هيك ونستفز بعض بس حبايب والحمدلله انتي لاتطورينها في راسك يا (((حساسه))) ليه تنكدين على نفسك ادخلي عليه ومتبرقعه في يوم من الأيام وقولي له مايحتاج الركبه متبرقعه ياحلو احس يوم من الأيام بتكسر خشمك بركبتك هذي واقلبيها فله ماعليك منه أو حطي الطرحه على وجهك فجأة هبلي فيه انتي وخلي وحده من خواتك تساعدك في مزح كذا عليه يعني انتي واختك تغطوا عنه خلي خواتك يساعدونك في المزح معاه (((((((((اهم شي اعتبريه مزح))))))))))) وشيلي من راسك اي شي ثاني مهما يكون اعتبريه مزح ودخلي اخواتك معاك لاحظي اخواتك مو اخوانك ولما يشوفكم كذا كلكم عليه بالشكل هذا هو يحس اصلاً انه (بايخ) ويفتقر لإرضاء العنصر الأنثوي في البيت كله ويصير عدل بعدين لاتجلسون متجافين لأنها حتكبر السالفة وانتم ماتحسون في بعض ،، وعشان نفسيتك كمان لاتفسرين اي حركه منه همشيه وكأنه مرفوع القلم عنه وحتشوفين كيف بس تساعدي انتي وخواتك عليه من غير ماتقولين لهم نبغا نخليه يتأدب معايه جرجريهم في المزح ضده وحاولوا تدخلون غرفه وتقفلون على انفسكم يالبنات وخلوه أو قولوا له فجأة اطلع برا الغرفه شوي عندنا شغل خاص حنا بنات أو طلعوه بالقوة وسكروا عليه الباب. والله استطردت في السالفة معكم انسجمت المهم اشوف كذا كفاية.
الله يعينك عليه ويوفقك. |
موحتاره
عملت حركه ضده , مو كثير اعملها معاه , وهو لاحظها وشك بنفسه, هو يحسبني مو متعمده لكن كنت قاصدتها طيب وبعدين؟ ماتغير هوا هوا بسفر ببيت بحرم , تصدقي حتى ب ( عيد ) مايتسى حركته هذي ايش اسوي له, هو مو غبي اكيد فاهم اني تضايقت منها لكنه ( كأنه) مو قادر يتخلص منها سحر الغرام حبيبة قلبي , فيه وحده عاديه تتحمل اخوها كل ماشافها , وكل ماقعد معها , يغمض عينه اللي في جهتها؟ اللي يسويه مو عناد والا استفزاز , اعرف اخوي مو هذا طبعه وتصدقي اني فكرت بالبرقع , بعدين هونت , خفت أصدق واستمر لابسته ويجيبني وسواس كم مره البس كاب , واذا جا اتعمد انزله على وجهي, هو يتضايق ويقول وش فيك مغطيه وجهك؟( يكون مرتبك شوي وهو يسأل , كأنه حاس انا ليش غطيته؟) اذا كلمته احيانا , اسوي نفسي مااطالعه ,اناظر اي حاجه واكلمه كني اسولف مع الحاجه بداله ( نفس الشئ مايرتاح من حركتي ,) ياناس لاتقولون لي انتي حساسه , يتهيأ لك ومااعرف كيف انا اتكلم عن فعل غريب , فعل ماشفته الا معه , فعل صار فجأه , فعل ذبحني وذبحني وذبحني, ابي له تفسير , ابي له حل ياخوفي نظل طول عمرنا وهو يرفع ركبته والا يغمض عينه, بالثلاين, الاربعين, الخمسين , الستين , بنستمر عليها؟ اذا من اول العشرينات وحنا على هالحاله ولافيه تقدم ولاتغيير ,مو من حقي اتشائم من بكره اي دكتور متخصص يشوف انه يقدر يساعدني يطلب من الاداره الايميل حقي,أو عيادته و لازم يعرف بنفسه قبل باخبركم عن طريقه ناويه اعملها معاه, بعد ماقريت ردودكم شجعتوني اتوكل على ربي واطبقها اخوي هذا عندي بالماسنجر, افكر اواجهه بالماسنجر, هو بياخذ راحته بالكلام ويمكن يقدر يفسر اللي يسويه افضل من فيس تو فيس كل اللي ابيه , بأففففففهم ليش يعاملني كذا, باقوله في وجهه انتا سامع شين عني ؟ |
اختي ماعندك إلا المصارحه..
طريقة الماسنجر يمكن مجدية لأنه مايبغى يشوف وجهك مثل ماتقولين:d اخوك مو طبيعي صدقيني ويمكن يعاني نوع من أنواع الوسواس القهري.. ماقلتي إذا متزوج ولا لا؟ لأنه لو متزوج يمكن زوجته تقدر تساعدك على الأقل تعرفين السبب!! طمنينا وش يصير معك وربي يشفيه إن شاء الله.. |
^
الله يقلع بليستس ضحكتيني :d وقلتي انه وسواس قهري؟! , ايش اعراضه؟ لانه كرر التصرف ؟؟ |
اول شي اختي ياريت تغيرين العنوان لانه خوفنا شوي
نحسب اخوكي سوا شي ما يليق الا بين الرجل وزوجته !!! اختي اخوكي لا هو مريض ولا شي ولا يحاول يستفزك أبدا !!! دام عندك أخ رائع بهالمواصفات ليش يستفزك اختي صدقيني في سر يكتمه اخوكي هو سبب الاشياء اللي يسويها ودامه يقول غصب عنه يعني في شي يحتفظ به لنفسه لا تسوي حركات مضادة ولا شي ولا تطنشيه ولا شي هو يمر بموقف او سر مؤثر عليه ويمكن هالشي يتعلق بالنساء مدري عن الطريقة الي توصلكم لسره لكن أسأل الله ما يكون شي كبير ودعواتنا لكم ولاخوكم >>>>> كاتب الرد أبو حسن |
اقتباس:
اي تصرف كرر؟ طيب غريبة اهلك ساكتين على تصرفاته هذي!! مايستغربون؟ مايسألونه؟ هذا تعريف لمرض الوسواس القهري ما هو الوسواس القهري؟ يعتبر اضطراب الوسواس القهري مرضاً سلوكياً - عصبياً، ويتميز هذا الاضطراب برغبة قوية من الشخص للسيطرة على المحيط الخارجي الذي حوله، وكذلك وجود أفكار مكررة ، لا يرغبها الشخص، وتأتي رغماً عنه ، حتى بعد محاولته إبعادها والتخلص منها، ويعلم الشخص أن هذه الافكار هي أفكاره. ويقوم الشخص المصاب بهذا المرض بعمل افعال قهرية لا يستطيع الامتناع عنها نظراً لأن هذه الافعال تخفف قلقه. هذا القلق يخف لفترة محدودة ثم يعود مرة أخرى مما يستدعي المريض بالوسواس القهري الى تكرار أفعال بصورة مبالغ بها عموما مالك إلا المصاااارحة.. |
الهدى 10
فكرت اانه ممكن يكون عنده مشكله ناحية المراه, لكن لما اتذكرت انه ماعنده هذا التشنج مع وحده من خواتي المتزوجات , شلت الاحتمال من راسي ,مشكور لدعواتك كل الغلا اعرف ان الوسواس القهري هو عمل شئ بشكل متكرر, وسالتك انه اذا تقصدي ان اخوي لما كرر تصرفه ( تغميض عين وحده ), دل على انه يعاني من الوسواس!؟ واهلي مالاحظوا لأنه مايجلس معانا. نادر نقعد مع بعض واذا حصل يكون مركز بالتلفزيون او النت عموما.كان قبل أشد, اذا ركبت معاه في السياره او اي وحده منا, كان يسحب الشماغ لقدام شوي !!,(لاحظي نكون متغطين ) |
اعتقد فيكي شي يجذبه واذا نظر لك تشديه علشان كذا يغمض عيونه علشان ما يحس انه اخته وتجذبه
والله اعلم هذا السبب يعني ما يبي ينظر لك علشان ما يفكر بشي غلط والله اعلم في رعايه الله |
اتفق مع فوفو مية بالمية
عشان جذي زوجوووووه |
دامه يقول غصب عني, شكل عنده وسواس قهري,,
|
فعلا اختي ممكن يكون وسواس قهري؟؟؟
يمكن حركة عينه لا اراديه وهو مستحي منها؟؟؟ الله اعلم لكن عليك بمصارحته وتقولين له انا ماراح ازعل قول اللي في خاطرك انت اخوي وعزوتي ولما احس بالصد منك اتضايق اشرحي له كيف حركته تضايقك وكيف تبكين وهذا كله لانه عزيز عليك... لاتتركي علاقتك تتوتر معه اذا هي الان ماشاء الله حلوه الضغوط النفسيه عندك من هذا الموضوع سوف تتسبب بتوترها...... والله يهديه ياااااااااااااااااااارب |
يمكن انت تشبهي وحده او تذكريه بوحده كان مثلا يريدها زوجه
|
شكرا لكل اللي ردوا علي
كلمت اخوي اليوم ماسنجر, وتجرأت اسأله كل اللي سألته نفسي بهذا الموضوع رد علي بالحرف الواحد (والله العظيم إنه عن الناس كلهم مهوب أنتي لحالك) رديت عليه,انه فلانه وفلانه ها اللاارادي مايحصل معهم؟ مارد علي,انحاش كثير ,وانا حزنت لأني شكيت انه فعلا ضدي انا بس : ( ألحيت بالسؤال, وقلت قول لي أعطني اي تبرير منك , وحلف مره ثانيه واللي خلق سبع سموات انه ضد الناس كلهم حتى اخوياه يقول بعض اخوياه سالوه , واتعذر بكم عذر وان هالثنيتن اللي توقعت انه مايغمض عنهم عصب علي وقال , الا , بس هم مايدققون مثلك وقالي اذا بتعرفين نزلي موضوع بمنتدى وشوفي ايش يقولون لك قلت له اني نزلت, وتحمس يعرف ايش قلتوا وقلت له البعض قال يمكن سبب موقف والبعض قال يمكن اذكرك بحبيبه سابقه هههههه (بغى يمسح الايميل من وجه الارض يوم قلت هالاحتمال ) و قلت له وسواس قهري واستغرب من اخر احتمال, وضحك باستهزاء من محادثتي ,عرفت أن أخوي يبحث عن حل لمشكلته ( الان ) ( يوم سالته اذا هذا كلام اللي حولك, ماتلاحظ ان الفعل يضايقنا يضايقك؟ ) سكت ومارد , وسكت أنا مشكلتي اعتبرها أنحلت , شكرا لكل من تعنى وضغط زر اضافة رد, شكرا لكل من فكر علشان يسعدني ويهون علي شكرا لكل من شجعني على المواجهه واني اتنازل عن قناعه لو استمريت عليها يمكن تؤدي الامور لشئ أكبر وش ضارني لو اني منزله مثل هالموضوع من اول ماحسيت انه بينا شئ غلط؟ لو كنت من خمس سنوات منزلته , هل من الممكن أني أتجرأ وأقول ( ماأطيق أخوي ) يارب أحفظه لنا, وواجبي من اليوم أساعده , وأول مساعده له أني ماأبين أني أتضايق منه ( أتأقلم مع سلوكه ) ويارب رب الناس أذهب الباس عن أخوي وأشفه , يارب تعلم أن هذا الفعل متعب لمن حواليه كيف وهو يعاني الأمرين يارب ألطف بحاله, ياربي دلنا على العلاج يارب |
الله يشافي أخوك ويذهب عنه البأس
بس أنتي ياتشوكلت خذي الأمر ببساطة يعني مثلا لو خلى الريموت بوجهة أسحبي منه الريموت وطلي بوجهه وابتسمي واضحكي خذيها بمزحة ولو مديتي له الفنجال وصد غيري مكان الفنجال طلعيه فوق أو نزليه تحت ومابيقدر ياخذه إلا لما يلتفت حاولي تساعديه قدرالإمكان على التخلص من هذه العادة وخلي روحك مرحة أكثر وربي يساعدك يارب |
اقتباس:
|
الألمعيه
مشكوره عزيزتي على دعوتك ونصيحتك, أكيد انه الأمر أنتهى بالنسبه لي : ) ,وبأنظر له من ناحيه ثانيه ( كيف أخوي يتخلص منه ؟ ) كل الغلا الله يستر يااختي |
بصراحه مرررررررره غريب
وغريبه انه يغمض عين علشان مايشوفك انا اشوف ياحبيبتي انه محسود وجاته عين يمكن علاقتكم كانت حلوه وناس غارو منكم يمكن والله مااعرف ايش اقولك بس لازم يقرا عليه شيخ يمكن ربي يشفيه ويبعد عنكم الشر والعين |
يمكن اخوك من النوع الخجول جدا واللي مايقدر يحط عينه في عين احد اذا حس ان هذا الشخص اللي قدامه مثلا نظراته ترعب فيحاول يبعد عينه عنه اوكان شخصية الطرف الاخر قويه
وهذا يفسره انه مايصير الموقف مع الكل انما مع فقط اشخاصمعينين |
اخوك اكيد مررريض
|
معقولة
اختي انتي لازم تكلمينه وتصارحينه وتسألينه عن السبب بأي طريقة |
انا صراحه قرات الموضوع ومره مستغربه منوو مررره
لكن لاحظن وانا بقراء الردود انو اي احد يسالك متزوج هوا ولاء كانك ما تقراي السؤال لا تجاوبي لا بايوه ولا ب لاء والله يرد الحال ان شاء الله زي ماكنت واحسن يارب |
اقتباس:
الله يعينك ياختي على أخوك اذا كان لبسك فيه اغراء او حاجة من كذا فلازم تلبسين لبس محتشم. انا عارف انك ممكن تقولين معقولة ؟؟ البس محتشم وعند مين عند اخوي ؟؟ وانا اقولك ايه البسي لبس محتشم لأن ترا اخوك آدمي ومهوب حيوان واكيد عنده احساس و الله يديم المحبة بينكم |
اللي ردوا بالأخير , يعطيكم العافيه لارائكم وتفاعلكم
ووالمشكله بالنسبه لي أنحلت, لأنه أخوي طلع يعاني من الأمر مع أشخاص ثانين و (ذكور ) بعد تعتبر الان مشكلة أخوي الله يفرحني بشفائه قريب : ( وهذا ردي اللي وضحت فيه كل شئ شكرا لكل اللي ردوا علي اقتباس:
|
يمكن انه يعاني من" عدم الثقه بالنفس" لا تستهينون بالحاله عشان ماتتطور والله يخليه لكم ويعافيه يااااااارب.
|
الله يشفيه من ها العله
|
تصرف مشكور ياتشوكلت اهنيك عليه وأهم شيء انك عرفتي وبشكل كبير تشخيص للمشكلة وهذا بحد ذاته يبعث على الإطمئنان لكِ وله ايضا لأنه هو بنفسه يعاني وانتي بتصرفك معه ومواجهته بطريقة غير مباشرة استطعتي ان تكسري الحاجز الذي كان يمنعه من البث والبوح بهذه المشكلة ..الآن الحل أصبح أقرب من أي وقت مضى ..أنا أهنئ أخوك على ان لديه أخت مثلك...
وفقكم الله...واتمنى عاجلا ان تطقطقون دلة قهوة كاملة موب فنجال بس :d |
الحمد لله ، [ يُقفـل الموضوع ]
نسخـة لعالم المشاكل المحلولة .. |
| الساعة الآن 07:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©