|
زوجه مهووسه بالطلعات والسفر
بالله وشرايكم فيها دايما تقول خلنا نطلع خلنا نسافر المكان الفلاني
انا ماعندي ماااااااااااااااااااااانع بس بحدود المعقول مو دااااااااايم طفشانه من البيت لدرجة اني الغي بعض الطلعات والسفريات اللي انا مخطط عليها علشانها قالت (خلنا نروح) قبل ما اخبرها اني مجهز لعيونها سفرة وانا ماودي اردها بخاطرها بس تجبرني على كذا افتوني بحل لهذي الحاله ولعلمكم تراني احبها حيييييييييييييييل |
الله يسعدكم ويخليكم لبعض
اكيد هي عندها وقت فراغ كبير وماتدرس ولا تشتغل حاول تشغلها بدراسة كمبيوتر او تحفيظ |
حاول تشغل وقتها .. بشي مفيد .. أما الفراغ فهو إما أن يضيع الوقت بلا فائدة .. أو يوصل أمراتك إلى أمر سيئ في النهاية ... لا تكثر من السفرات والطلعات ... حتى لا تعتاد على ذلك ... وحتى لا يصبح هذا الامر مفروض عليك .. إن أردت أن تأنسها فهذا من طيبك وليس واجب عليك .. إذا أردتها أن تفرح ... فباعد قليلا بين السفرات ... أدام الله المحبة بينك وبينها ... ورزقكما الذرية الصالحة التي تشغلكما وتأنسكما .. دمت بحفظ الرحمن ... |
أخي عندكم عيال ؟
|
ما فيها شي
انا مو شايفه ايش المشكلة انك تسوي لها شي تحبه ويدخل الفرحة بقلبها .. انا عن نفسي مجنونه طلعات وسفرات ومطاعم واسواق وكلش اذا السبب اللي يمنعك مادي مو شرط بكل طلعة تصرفون .. انا مثلا اطلع مع صديقاتي مول وتنمشى وناكل فاست فود او شي مره خفيف .. واحيانا مانشتري ولا حاجه وبالنهايه ماتكلفنا الطلعة ولا شي بس غيرنا جو وننبسط اذا هي متعودة على هالشي ببيت اهلها ليش تجي انت وتحرمها وعلى سالفه انك تلغي السفره انا مافهمت هو عناد ولا وشو بالضبط انت لو كنت تحبها بتتسلى بالطلعة معاها وبتنبسطوا جرب فاجأها انت بالسفره او الطلعة .. لا تخليها هي اللي تلح عليك تطلعها صدقني بيقربكم من بعض وبيحببكم ببعض اكثر بالتوفيق |
صــــــــباح الخــــــــــير جميعا
بغض النظر عن حالتك الماديه ممكن تقول بمعدل كم طلعه فى الأسبوع زوجتك تبي تطلع وبمعدل كم سفره فى السنه هل زوجتك عندها اطفال موظفه ام ربه منزل عشان نقدر نجاوبك تحياتى |
قد تسمع من صديقاتها واخواتها..
ولكن عندى لك طريقة اخبرها انك مستعد ان تسفرها طوال الوقت ولكن اطلب منها الاقتصاد بالمصروف حتى تتمكن من ذلك.. واذا اصرت على سفرة معينة قول لها حاظر ولكن اعرفى انك ستعيشين بعد ذلك ايام تقشف وحسسها بذلك.. قد ينفعك هذا الحل باحساسها بالميزانية.. |
عفواً .. هنا مكانه المناسب .
|
حلول رائعه
كنت أود ذكرها لكن الأعضاء سبقوني بها بارك الله فيهم |
اقتباس:
أوصيك باستعمال العين الحمرا .. ترا المرأة إذا شافت حبيبها عسل تلحسه كله .. أخي لاتتهاون بهذا الموضوع كثرة السفر والخروج من المنزل للمراة ليس في صالحك ولا صالح مستقبلك .. إذا أرخيت لها الحبل وتعودت على هذا الحال ستجدها تكره أبناءها إذا رزقكم الله الذرية .. لأنهم وبلا شك سيحرمونها مما كانت فيه .. إنتبه للموضوع ولاتعتبره شيء بسيط .. |
اتفق معاك يا خوي (ابو فلان)..
بارك الله فيك. لكن........ وش العين الحمرا..!! ماذا قال الرسول_صلى الله عليه وسلم...؟(رفقا بالقوارير)... |
اقتباس:
مافي ام تكره ابناءها اللي من لحمها ودمها تراها مجرد طلعة يا عالم سويتوها قضية خطيرة وتحتاج تأديب وعين حمرا !! انتو جربوا اجلسوا اسبوع كامل بالبيت لا تكلموا احد ولا تشوفوا احد ولا حتى تروحوا البقاله القريبه وشوفوا وش يصير فيكم ترانا بشر حالنا من حالكم ومن حقنا نشم هوا وين المشكله الحين! |
اخي هاوي خيال
اذا انت ما عندك مشكله من الناحيه الماديه فليش تحرم زوجتك من شي هي تحبه واذا انت كنت ناوي الطلعه والا السفره وبعدها طلبتها زوجتك ليه ماتقولها انا كنت مجهز الطلعه وكان ودي اسويها مفاجئة وبس مو تلغيها واذا عندك ظرف او موعد او نفسك في طلعه مع ربعك وطلبت زوجتك في نفس الوقت طلعة وانت وزوجتك من فتره قريبه طالعين او كانت زوجتك مو محتاجه ضروري للطلعه بينلها هالشي وعادي صارحها باللي انت تحس فيه واللي انت نفسك فيه باسلوب حلو وبنفس حلوه يعني ماتكون زعلان ومتضايق عشان تتفهم زوجتك وبعد هي ماتتضايق يمكن بالعكس لو تسوي كذا مع زوجتك راح تتقبل وبتكون مبسوطه اكثر بالنسبه لي لو يطلع زوجي معاي طلعه وطلع عشاني وعنده شغل ثاني ماراح اكون مبسوطه مثل لو انه أجلها وشرح لي سبب التأجيل احس الزوجه تتضايق لو الزوج الغى طلعه هي طالبتها مثلا لو كان الزوج يطلع مع ربعه باستمرار وما يطلعها والله يسعدكم دنيا وآخره ويبعد عنكم مايكدركم |
اقتباس:
لا يا أختي الأمر ليس طلعة وخلاص .. الأمر أن المراة إذا عودتها على الخروج متى أرادت هي فسيصبح عندها الجلوس في البيت طويلا مصيبة وهذا الشيء لابد أن يحدث لكل زوجة .. الرجل بطبيعته يجب عليه الخروج ففي الزمان القديم كان الصحابة يخرجون للقتال والعمل وطلب الرزق .. أما المراة فطبيعة عملها في بيتها يعني شغلها الشاغل هو بيتها وزوجها .. والخروج لابد منه ولكن ليس كل يوم أو كل يومين .. يعني في الاسبوع لها يوم لأهلها ويوم تخرج فيه مع زوجها وغير الزيارات والمناسبات الأخرى .. نحن لانقول أجلسوا في البيت لاتطلعون لا .. نقول الأصل هو البيت والطلعة تكون من فترة إلى فترة .. أما صاحب المشكلة فزوجته تريد تسافر كثيرا وتخرج للمطاعم وكأنها متزوجة للسفر والمطاعم فقط .. |
زوجتك عكسي ههههههههههههههه زوجي يرغمني على السفر و انا ما ابي
لكن تدريييي إذا ما عندكم عيال لحد اللآن ... والله اطلع و سافر معاها و استانسوا و اخذوا الدنيا طول بعرررض روحوا سفرات عبادة ... عمرة مثلا أو حج .... قبل لا يجون العيال و يخلون كل طلعة محسوبة بألف حساب .... تحياتي لكم و الله لا يحرمكم من بعضضض |
اسف جدا على عدم الرد
ادري طولت عليكم بس اعذروني والله غصب عني شكرا لكم جميعا على ارائكم المفيده لي بشكل ماتتصورون يعني والله افادونا الاخوان بتجاربهم وان شاء الله نستفيد اود ان اخبركم انا لللحين مارزقني الله بعيال اخوي ابو فلان ---- شكر خاص لك وابغاك تفيدني هل اتركها بالبيت حتى وههي طفشانه؟ مع العلم اني اطلعها 3 مرات بالاسبوع مرات بكيفي ومرات بكيفها ادري ان واضح علي الطيبه الزايده وهذي هي عيبي الوحيد بحياتي فعلشان العين الحمرا هذي ايش تبغاني افعل |
نسيت اقولكم
هي لازالت طالبه وعدد السفرات ياخوي ياشين العزوبيه يعني من 5 الى 6 بالسنه |
| الساعة الآن 06:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©