اذا قررت تخطب تعال شف وش لازم تجيب لخطيبتك يوم الملكه
 

بسم الله الرحمن الرحيم
السلام عليكم ورحمة الله وبركاته

هناك مشكلة يقع فيها الكثير من الشباب المقدمين على الزواج خصوصا من ليس لهم أخوات بنات فقد يقف الشاب محتارا ماذا يقدم لخطيبته يوم الملكه

أضع هذا الموضوع بين أياديكم لمعرفة ماهي الهدايا المناسبة التي يقدمها الرجل لخطيبته يوم الملكة .
وبهذه الطريقة يضمن الشاب أنه ماراح يجيب أشياء مالها داعي أو يكون نسي أشياء أساسية تتمناها أي بنت .

أرجوا من جميع البنات التفاعل وكذلك الشباب المتزوجين ويقولون لنا ماذا قدموا لزوجاتهم يوم الملكه.

سبحان الله وبحمده سبحان الله العظيم

احييك على هالموضوع الرآئــع

و بإنتظـآركم .. !

الصراحه تختلف العادات و التقاليد في هذا الموضوع...
يعني انا زوجي قدم لي عقد ذهب بسيط.. هدية..
طبعا هذا غير تكفله بمصاريف حفلة الملكه و الفستان و الحلويات و طقم الملكه ( غير عن الهدية ) ... الخ
و اكيد جاب لي موبايل جديد..


بس في ناس عاداتهم تختلف يعني لازم يجيب للبنت طقم الماس و خاتم الماس .. و طقم ذهب .. غير انه يوزع حلوى على فريج الحرمه كلهم...كل بيت بالطاسه مالته..
و يجيب هدية لام العروس

انا هديتي بعد الملكه كانت ساعه وطقم عطورات وخاتم...طبعا تختلف من شخص لشخص واغلبهم يهدون جوالات بس كان عندي في هالفترة وبالتوفيق ان شاء الله

أنا أهداني طقم ذهب خفيف
بس
والله يعطيه العافية يكفيني بس انه ساتر علي ومنور بيتي ان شاء الله مايعطيني شيء

السلام عليكم ....
عن نفسي بعطيك اقتراح حلو لتقديم المهر
أنا زوجي قدملي مهري في علبة خشب راقية وحط فيها ورد مجفف ريحته حلوة وحط الفلوس داخل العلبة
وبعد أهداني شنطة صغيرة حطلي فيها جلابية راقية وشيلة وعلبة صغيرة فيها (عود) وعطاني بعد عطر وساعة حلوة
بس الصراحة فاجئني وكانت الحركة وايد حلوة وفرحت وااااااايد والأهل كلهم ستانسوا من الحركة لأن أول مرة حد يسويها عندنا وحتى أخوي يوم خطب سوى نفس الشي حق زوجته
على العموم مبرووووووووووووك والله يهنيك وأتمنى أكون أفدتك

أنا خاطب ولله الحمد

وناوي أشتري جوال لخطيبتي لأنها ما عندها جوال

وأحط معاه شريحة جوال

يعني مثل الأخ العضو ( أبوفلان )

بعد الملكة اهداني زوجي طقم ذهب خاتم الماس ساعة الماس عطرين فرنسي عطور عربية وعود وبخور قدمت في حفلة الملكة على حامل مزين بالورد الطبيعي


وها الشيء عادة في الامارات يعني معروف ((ذهب و عطورات))

السلام عليكم انا مشيت على عادات وتقاليد اهل البنت .... حنا عندنا يوم الشوفه اهديها ذهب خفيف
لكن الحرمه اللي كانت واسطه قالت لي لا مايصير كذا بتحرجهم يعني حتى لو مابتوافق صعبه
بعد الموافقه اديتها خاتم وتعليقه على شكل قلب ذهب اصفر والماس...
ومره جبت لها عقد من تيفاني بداخل علبة مجوهرات...( علبه متوسطه تحفظ فيها المجوهرات)
ومره عطر.........
ولكن الشبكه كانت عباره عن طقم الماس والدبله ايضا الماس....
في الصباحيه اهديتها طقم ذهب...........
وبس....
الله يقدرني وأعوضها عن جفاف الهديا في الفتره الاخيره

لا يكلف الله نفسا إلا وسعها

انا زوجي طالب فـ بيوم الملكه قدم لي الدبله "خاتم ذهب أبيض فقط ! "
وكم كنت سعيده بهذا الخاتم ولم أزل سعيده به =)

بعد الملكه قدم لي ساعه ولم تكن ذات سعر غالي ولكن أيضاً كنت سعيده بها جداً

فيا اخوان اللي ماعنده ليقدم لزوجته اللي يقدر عليه لايكلف على نفسه وان كانت انسانه قنوعه ومتواضعه بترضى بأي شي منك
نصيحه لا تبدا حياتك بالقرض والدين !
واللي عنده لا يبخل على زوجته بشي

والله يرزق الجميع بالزوجه الصالحه والذريه الصالحه يارب

انا بصراحه ما عطاني شي بالملكه ولا بعد الملكه اللهم الشبكة والمهر كان جايبهم قبل الملكه بوقت وبس..

انا بصراحه ما عطاني شي بالملكه ولا بعد الملكه اللهم الشبكة والمهر كان جايبهم قبل الملكه بوقت وبس..

قال صلى الله عليه وسلم : (( أكثرهن بركة أقلهن مؤنة )) زوجات وبنات نبينا محمد صلى الله عليه وسلم كانت مهورهم قليلة فهل هم أقل الناس أم أشرفهم ؟! بل أشرفهن ومع ذلك كانت المرأة تقدر أنها تأخذ رجلاً يعفها وتعفه ، وأما اليوم الزوج الذي يقدم شيئًا يسيرًا يتهم بالبخل ولا يحب زوجته مع أنه فعل ما أمره سيد الخلق محمد صلى الله عليه وسلم .

مرحبا اخي اذا كنت تقصد الهدية اللي في يوم الملكة مع المهر
بالنسبة لي زوجي اهداني صندوق خشب متوسط الحجم راقي جدا يحتوي على بخور فاخر ودهن عود وموضوع المهر بداخله
وعلبه على شكل جورية فيها دبلة الماس

اخي بالنسبة لمحلات التغليف فيه شارع كامل لمحلات التغليف بالرياض عند مستشفى الحمادي وكل محل احلى من الثاني
وبالنسبة للعربيه تحصلها عند محلات البخور ودهن العود
والصناديق تحصلها عند محلات دهن العود وبعض محلات التغليف لديها صناديق وتقدر تشتريها من محلات اكسسوارات البيت والاثاث