|
في عريــــس لقطه... بس نريد طريقه لإصطياده..!! dandOOn
السلام عليكم ورحمة الله وبركاته
بصراحه الموضوع اللي جيت اليوم أكلمكم فيه هو موضوع مهم جدا جدا .. ومضحك أيضاً إلى حد ما.. بس بغيت رايكم فيه أخي العزيز.. متزوج ومستقر حاليا في فرنسا لإكمال تخصصه الدراسي.. والحمدلله ملتزم.. نزل إلى مكة قبل أشهر لأداء فريضة العمره.. وهناك إلتقى صدفة بصديق قديم له لم يره منذ مدة طويييييله جاء أيضاً لأداء فريضة العمره.. وصديقه هذا عايش في بريطانيا.. أيضاً لإكمال التخصص يعني مؤقتاً مثل أخوي.. وواضح إن هالصديق أيضا ملتزم.. لين هني وكل شي تمــــــــــــــــام:22: أخي العزيز أعجبته شخصية صديقه ودرجة إلتزامه.. وأراده أن يكون إحم إحم :d زوجاً لأختي.. والمثل يقول اخطب لبنتك قبل ما تخطب لابنك....... خصوصاً إذا كان والله أعلم هذا الشاب باين عليه ملتزم.. سأله أخوي إذا كان مرتبط قاله كلا.. لأن وضعه المادي متوسط أو أقل نظرا لأنه يدفع تكاليف تخصصه ومعيشته في بريطانيا ومعتمد على نفسه.. بدوووووون ما أطول عليكم... أخوي أقنعه قبل فتره إنه ينزل إلى الدوله الخليجيه اللي إحنا فيها لأن أخوي أيضا عنده أجازه.. ويعني تغيير جو.. المهم هذا الشاب وافق.. وهو لا يعلم شي عن إن أخوي يرغب به زوجاً لأختي.. المشكله هي.... إن أخوي مستـــــــــــــــحــــــــــــــــــــــــي إنه يفاتحه في الموضوع!!!!!!!!!:o يعني أكيد تعرفون الموضوع محرج بصراحه.. ومو سهل.. خصوصا في مجتمعاتنا.. أخوي كلم أمي وكلمنا وقال لنا اللي صار.. بس ما جبنا سيره حق أختي المستهدفه هههههههههه مع إنها والله مو كبيره 22 سنه وعلى قدر كبييير من الجمال بس سبحان الله كل اللي جاؤوا لخطبتها درجة تدينهم وإلتزامهم مو كبيره كما ترغب هي.. سؤالي هو::::: هل تؤيدون ما قام به أخي؟؟؟؟ وماهي الطريقه المثلى اللي يفاتح فيها الشاب أو يبينله أو يلمحله عن الموضوع؟؟؟؟؟ أريد أفكاركم كيف يفاتحه ويخليه يشوف أختي ومايكون فيه إحراج لها أو له؟؟ ساعدوناااااا ....:30: واللي ما عنده أفكار يترك حتى دعاء الله ييسر ويجيب لها الخير :) دمتم بخير،،، |
لا أؤيد .....
أختي الفاضلة لا أؤيد فقط إنما وبقوة .. أسأل الله أن يبارك في أخيك ويكتب له الأجر بصراحة موقف رائع منه جدا وخاصة وأن الكثير في هذا الزمن يعتبرون ذلك عيب بالرغم من أن ذلك ماهو إلا من فعل السلف رحمهم الله وقبلهم الصحابة رضوان الله عليهم أجمعين .. أختي ببساطه على أخوك أن يتجرأ ويفاتحه في الموضوع وممكن يقول له يافلان أنا لي أخت في سن زواج وبصراحة ماألاقي أفضل منك دينا وخلقاً وأتمنى إنك تستخير الله وتعطيني خبر وإذا فيه خير لك ولأختي الله يجمعكم وإذا مافي خير لكم مع بعض الله يوفقك كل واحد ... ووقتها لو مافي خير في الموضوع أو الشاب مثلا مرتب نفسه على فتاة ثانية بيرد ويقول أستخرت الله والظاهر مافي نصيب بيننا ... وترى أخبري أخوك إن الموضوع جدا عادي خاصة زي ماذكرتي أن الشاب ملتزم وبإذن الله راح يتفهم الوضع وممكن يكون ماهو جديد عليه ومر عليه في المجتمع مواقف زي كده .. أسعدكم الله وبارك فيكم .. |
الاخت الكريمة
في هذه الأيامم الصالحين من الرجال والنساء عملة نادرة اقتباس:
اقتباس:
وعليكم بصلاة الإستخارة واذا عزمتم فتوكلوا على الله سبحانه والله ولي التوفيق |
ان شاء الله اللي في خير يجي لها
واذا الله كاتبه لها ان شاء مابتكون غير له ويما انه ماعندي طريقه اقول الله يوفق اخوها ويصيده ويسيرها اللي في خير لها في الدنيا والاخره |
الله ييسر لها الخير ,,
ويرزقها الرجل الصالح وجميع بنات المسلمين ,, |
خطوة حلوة بس لاتخلو من الحرج
الله يوفقهم |
اكيييييد وبقوه والله يكتب لكم مافيه الخير
دمتم بحفظ الله اخوك هلال العالم |
الاخت الفاضلة
لا شك بداية ان الموضوع محرج قليلا خصوصا في ظل هذه العادات والتقاليد التي تحكمنا في تصرفاتنا والتي لا تمت لسنة الرسول صلى الله عليه وسلم وصحابته بصلة هذا الموضوع بحاجة لان نتوكل على الله آخذين باسباب التوكل يعني انا شخصيا ارى ان المصارحة بين اخوك وصديقه هي الحل الامثل والانجع لا مانع من المصارحة فالامر لا يشكل عيبا ولا حراما انما حرجا بسبب نظرة المجتمع لمن يعرض ابنته للزواج لكن ثقي تماما ان كان الرجل ذو خلق ودين فان هذا الامر سيسعده خصوصا وان كانت الفتاة ذات دين \\ فاختياره من قبلكم لان يكون زوجا لها تشريف له حيث انه اهلا للثقة وانه يستحق ان يكون زوجا لجوهرة رفضت الكثيرين ممن تقدموا لها بحجة التزامهم وبما انه ملتزم فهذا الامر سيبعد عنكم انتقادات المجتمع التي لا تبرير لها لذلك كما ذكر اخي علاء الدين عليكم بالمصارحة والاستخارة والابتعاد عن التصنع وان كان بالامر خيرا فنسال الله ان يسخرهما لبعض وان لم يكن فنسال الله ان يقضي ما هو قاض ويرحمهما به |
صحيح ان الموضوع فيه شوية احراج بس عادي هذا مافعله السلف الصالح
وهذا مافعله الصحابة وعلى قول المثل الشعبي اخطب لبنتك قبل ابنك وما دام ان اخوك مقتنع في الرجل و باخلاقه و دينه عادي يتجرأ ويفاتحه في الموضوع وممكن يقول له يافلان أنا لي أخت في سن زواج وبصراحة ماألاقي أفضل منك دينا وخلقاً وأتمنى إنك تستخير الله وتعطيني خبر وإذا فيه خير لك ولأختي الله يجمعكم وإذا مافي خير لكم مع بعض الله يوفقك كل واحد ... ويتوقع القبول او الرفض .. ربي يكتب لكم اللي فيه الخير وطالما ان اختك مركزة على مسألة الدين الله ماراح يخيب ظنها فالطيبات للطيبين و الطيبون للطيبات وفقكم الله |
الموضوع فيه إحراج لكن الرجل الطيب ينشرى ..
|
بالعكس كذا الاخوة ولا بلاش
المشكلة كيف يخليه يفكر في الموضوع اممممم خلي اخوك يصاحبه اكثر واكثر وفي خطوة فيها شويه جراءة يعني تطلع اختك في الخط بشكل طبيعي يعني لما تعرف انه اخوك موجود مع صاحبه تتصل على اخوك وكانها تسال عنه وعن احواله وتبين انها الاخت الحنون الي تخاف على اخوها وتطمن عليه وعلى دراسته وبعدها تتنتهي مهمتها ويسكر اخوك وهو يضحك ويقول الله يخليكم لي ومايحرمني منك يالغاليه ياوختي وخلي يشددد عليها عشان يسمعها الاخ كويس يالله روحي ادرسي نبغى نزوجك وتفرغي حنانك لزوج المستقبل ونفتك من هالحنان الزائد بضحك طبعا <<فلم عربي بعد فترة يكون اتصال من اخوك يقولها ايش تبغي اجيبلك معي لما انزل بالاجازة وكذا يخلي صاحبه يفكر شوي ويلفت انتباهه بشكل غير مباشر كذا انتهى دورها وجاء دور اخوك لما يجيو بالاجازة خليه يعزمه عندكم بالبيت ويقوله من كثر ماكلمت الاهل عنك امي صممت تتفضل تزورنا ولما يزوركم تسوو العزيمة الي هيه وخلاص هذه النهاية ولا تخلي اخوك يلمح ولا باي شكل انه يبغاه يخطب عندكم وغير الدعاء والاسغفار والصدقة اذا فيه خير لها الله يجمعهم بالحلال |
أخوي إنسان غير..
عقب ما كتبت الموضوع.. انتظرت أول رد.. وشرفتني بمرورك وردك.. بس في البدايه بصراحه انصدمت وللحظات جاني احباط.. هههههههههه.. بصراحه كانت حركه قويه:eek: ولكن عندما أكملت قراءة الرد إنشرح صدري:14: لأنه كما تفضلت إن هالموضوع عيب عند الكثيرين.. ولكن نظرا لأنه ملتزم فممكن تكون نظرته واسعه للموضوع ومتفهمه.. وإذا كان الكلام بين أخوي وصديقه فإن شاء الله بيخف الإحراج خصوصا إن أخي من النوع اللي يمزح وممكن بعد عرض الموضوع إنه عن طريق المزاح والتعليقات يخفف من الإحراج اللي راح يسود الجو.. جزاك الله خيراً على ردك وجعله في ميزان حسناتك: ) |
أخوي علاء الدين2008
فعلاً الأسلوب المباشر يشرف الطرفين صدقت.. إن شاء الله الله يكتب لها اللي فيه الخير.. ووالدتي تسوي استخاره إذا فيه خير نقدم على هالخطوه ولا لأ.. والله ييسر.. شاكره لك ردك:) |
:21:السلام عليكم
انا بصراحه مع المثل اللي يقول اخطب لبنتك ...........نظريا..بس فعليا كتير وضع محرج:21::o:o وبعدين الخوف انه يؤثر على علاقته بأخوكي لو ما صار نصيب او لو صار وربنا يسر الموضوع, ان يقول لها كلام ك اهلك اللي ركضوا ليجوزوكي اياني والله وضع صعب وبنفس الوقت اذا كويس وصالح حرام يتفوت:) عليكم بالدعاء و الاستغفار وربنا يختار لها الاحسن |
بجد في ها الزمن الرجل الصالح والذي يكون على دين وخلق ينشرى اما انه الموضوع محرج فليبعد الخجل ويستهل كلامة بتذكيره بفعل عمر رضي الله عنه وهذي مقدمة جيدة تبعد عنه الحرج إن شاء الله من وجهة نظري
والله الموفق |
نقل الى عالم المقبلين على الزواج حيث مكانه الأنسب ان شاء الله
بوركتم ,, |
ماشاء الله تبارك الله بصراحه تفكير اخوك ايجابي..........
يعني في الومن هذا الناس تحرم ماأحل الله لمجرد عادات وتقاليد......... الاخوات والاخوان كفوا ووفوا والطرق متعدده بس يبي لها جرأه........ الله يوفقهم يارب ويجمع بينهم على خير ويسعدكم ويقر عينكم بزواجهما..... بس عندي ملاحظه ...أذا كان الرد من صديق أخوك بأنه لا يوجد نصيب على أخوك أن لايقطع علاقته بصديقه بالعكس الوضوح من البدايه شيء رائع ,,, وربما يكونون أهله شايفين له بنت يعني لازم الواحد يفكر في جميع الاحتمالات والحمدلله أنكم مابلغتم أختك عشان نفسيتها لو لا سمح الله ماتم الموضوع.......... الله ييسر الموضوع ويتم على خير بس لاتنسين تطمنينا بآخر المستجدات |
والله انا ضد المصـآآرحة نهاائيـآ يالغالي !!
تخيل تصـآرحه و يروح يخطب اختك .. و مـآ ( تعجبه ) < اعذريني بس انا افترض الموضوع فيه احرااااج لـ الررجـآل .. لأا تصـآرحوونه .. اعزموا اهله في بيتكم .. و خلي اختك ( تتكشخ ) .. و بإذن الله ربي بـ يكتب لكـم نصيب ! |
السلام عليكم ..
تصدقين dand00n إن ذا الموضوع أنا الآن أعيش فيه .. يعني كون أن الأخ يخطب لأخته يحتاج وقت .. يعني أنا الآن عندي واحد من ربعي وده يتزوج وصراحة الرجل عالي في أخلاقه ودينه ودراسته وكل شي .. يعني أنا أبيه لأختي .. لي تقريبا سنه وأنا وإياه كل شغلي تلميح من بعيد لبعيد.. وما فاد في الرجال .. يعني رفيقي هذا يجلس معي دايم .. ولا يعرف من اخواني أحد إلا أنا .. إلى أن حصل هذا الموقف: مرة من المرات شاف واحد من اخواني (( اخواني كلهم عطاهم الله جمال ووسامة والطول إلا اثنين أنقص شوي أنا واحد منهم )) لما شاف رفيقي أخوي وجلسنا جلسة طويلة .. بعدها بمدة جاني واحد من رفقاي يقول لي : ((إ ن فلان اللي هو خوينا يمدح فيكم ولا صدق إن اخوانك فيهم جمال.)). بعده بمده بدا يسألني عن نفسي ويقول أنت شكلك غير عن اخوانك من ناحية الوسامة .. بعدها حسيت إن الفكرة في راسه وأنا هالحين شغال عليه .._ عسى الله يسهل _ بس مثل ما قلت لك المسألة تحتاج شوية وقت .. والله يوفقكم .. |
صراحه مؤيدة اخووووووك بقوة
ماشاء الله ربي يكثر من امثاله الله يسر امركم ويكتبلهم الخيرة وحاسه انها غير تتيسر هالزواجه باذن الله لاتنسين طمنينا وش راح يصير قلبي معاكم والله <<<<هذا انا اذا عجبتني سالفه او شغلت بالي يصير بالي معاكم تلاقيني هاة وش عملووووووو وش قرروا عليه :oشاغله بالي بالعالم كلهم وهم ولا هم عارفين بهواء داري يالله مصيرها تحلووووو |
يااااااااااااااااااااااااااااااااسلام بصراحه احي اخيك هذا صراحتنا اخ تفكيره سليم جدا
ومو غلط ولاعيب يفاتحه بالموضوووع لاكن من رائي ان يكلمه ترا بيكبر في عينه وعلى فكره موضوووعك رهيب ومميز اجل ارمو السنااااااااااره ولا تستنووا ترا بيطير هههههههههههههههههههههههههه الله يوفقكم ويرحمو الابو الي ربكم قولي امين اخوكم ابو ملاك |
بالعكس أنا جدا أؤي هالشيء وبالعكس لو عرفت بعدين اللي سواه اخوي بيزيد غلاه عندي وراح ادعي له في كل صلاه
ممكن اخوك يخلي الولد يشوفها من دون مايدري الأثنين وهو انه يقول لأمك تخليها تتزين لانكم بتسيرون على قرايبكم ويكون عازم صديقة من دون ماتدري وبعدين يقول لها احد منكم وكان مايعرف انه فيه احد غريب بالمجلس فلانه جيبي مفتاح سيارتي مثلا وبعدها يبدأ اخوك يمهد للموضوع بأن يتكلم في الزواج وفوائده ويبدا يقول عن تيسير الزواج وهالامور لين الولد يفهم وأذا مافهم الشكوى لله الفائده من شوفة الولد لها انه كثير صارت مع ناس تدخل البنت بعفوية من دون ماتدري فتعجب الرجال وبعدها كل شيء يتيسر |
المصارحة أفضل شئ يا اختي
وفقكم الله |
أؤيد بقوووووووه
بالأول خلي اخوكي يستخير الله ، وبعدها ،،، اممممم والله مادري اشلون يفاتحه طيب ممكن يقرا بكتب السلف يشوف اشلون كانوا يسوون ؟؟؟ بقولك شغله قريبنا هو اللي زوج اخته ، لما جاه واحد من اصحابه يقوله ابي اتزوج وحده طيبه وبنت حلال ... بصراحه التفاصيل ما اذكرها ، بس بالأول لمح له على كم وحده ، وعقب قاله ، ايش رايك باختي ؟ وصار القبول سبحان الله العظيم فانتي ايش رايك بالأول يفتح معاه سيرة الزواج وانه لو كان ميّال لوحده من الأهل او المعارف وعقب يشوف رأيه شنو بالنسبه للي يخطبون لبناتهم بس لا يتكلم كثير عن هالسيره عشان ما يحس الولد بشي وعقب يتوكل على الله ويفاتحه حبيبتي ، عسى الله يوفقكم يارب ، بس خليه يتوكل على الله ان كان فيه خير ربي بيجيبه سواء باقترانهم ام لا عسى الله يرزقكم جميييع بالزوج الصالح وعسى الله ييسر لي واحضر زواجكم ياكريم : ) |
اعزموه وخل اختك تدخل عليهم بالصدفه
ان اعجبته تقدم لخطبتها وبدون احراج لكم ولا له بس لاتكون متكشخه مره علشان مايعرف الطبخه وسلامتكم |
صراحه انا احيي اخوك .. الله يكتب لكم الخير
|
ياليت كل الشباب مثل اخوكي
كان قضينا على العنوسه |
السلام عليكم ورحمة الله وبركاته,
أخوي "dandOOn"...أمير المؤمنين عمر بن الخطاب رضي الله عنه عرض بنته أم المؤمنين حفصه لابي بكر وعثمان بن عفان رضي الله عنهما بعد وفاة زوجها الأول وكان نصيبها في سيد الخلق أجمعين محمد -صلى الله عليه وسلم-. الموضوع عادي جدا ومافي اي احراج...بالتوفيق. |
وانا بعد اقول الرجل الطيب ينشرى
وتوكلوا على الله |
ابد الوضع عايدي اذا كان يمون عليه
بس هذي يبي لها جلسه خاص اهو وياه بعدين يسحبه في سوالف العرس بعدين يعرض عليه |
أول شيء تأكدوا من رغبة أختكم
يمكن بعد ما تكلموه أختكم ترفض !! و عليكم بالتلميح إذا هو يستحي التصريح مثلا يفتح معه موضوع زواجه ويتكلم وياه فيه ثم في أثناء الحديث يقول والله لو تبي أختي مانردك ومثل هالحكي بالتوفيق |
ما شاء الله على أخوج ,, يا ليت كل الأخوان جذيه ,, عالأقل يفكرون بخواتهم
|
اهنيك بأخوك ما شاء الله عليه
بصراحه فكره توتي فروتي فكره سينمائيه بس روووووعه وممكن تضبط فيه كم فكره عندى لاكن قبلما اعرض الافكار لازم تتأكدو من كم حاجه اولا .......اختك لازم تعرفو هل هى راغبه ام لا بهالطريقه ثانيا......... اخوك لازم يعرف هل الرجال ناوى على على الزواج يعني يعرض عليه بسؤال بسيط ......هاااااااه يافلان مو ناوى تتزوج الفكره الاولى انكم تحاولو تخلو اخوك يعزم الولد واهله وكلكم تتجمعو يعني يتعارفو الاهالى مع بعض بحكم ان الاخوان اصدقاء واكيد ام الولد تشوف اختك وبتعجب فيها ( يمكن تكون الفكره صعبه بحكم وضعه المادى وصعب يسفر اهله عندكم ) لاكنها مختصره وبتريح اخوك من الاحراج. او العكس........ انتو كلكم تزورو المنطقه الى فيها اهل الرجل خلينا نقول مثلا سياحه او تسوق ويتقابلو الاهالى بس لازم يكون العريس موجود وقتها. فكره ثانيه.........ممكن ماتعجبك انك انتى تتعرفى على اخته اذا انتو من نفس المنطقه تعارف عادى .....وبعده زيارات وبعدها الى يكتبه ربي بيصير او ممكن يلعب اخوك دور الخطابه ويمازح صديقه ويقله انا ابي ارشح لك وحده واذا سال من هى يقول اختى او انه يختصر هذا كله ويصارحه بشكل واضح يافلان انا اعرفك من فتره ومعجب فيك وفى اخلاقك وما اظن انى راح القى احسن منك لا اختى والى كاتبه ربي فى الاخير هو الى بيصير واذا النيه صافيه ربي بييسر اموركم ان شاء الله تحياتى |
يقولوا اخطب لبنتك قبل تخطب لولدك واذا كان ملتزم يستاهل اني اعرض عليه بنتي او اختي واسهل عليه في المهر واجراءات الزواج ولنا في سعيد بن المسيب القدوة لما زوج ابنته من طالب العلم الفقير ابو وداعة حيث عرضها عليه لما افتقده بسبب وفاة زوجته حتى انه بهر بهذا الامر وذهب الى بيته غير مصدق ان تكون ابنة سعيد له على مالها من صفات الجمال والخلق والعلم والتي رفضت ابن الخليفة زوجا وتتزوج به!!!!
ولم ينته الأمر عند ذلك بل اتى يها ابيها اليه من الغد قائلا له كرهت ان تبيت وحدك يقول ابو وداعة لما طرق الباب وقلت من ؟ قال سعيد قال ابو وداعة خطر لي كل واحد اسمه سعيد إلا شيخي لان له اربعين عاما لم يذهب لمكان غير المسجد وبيته فلما فتحت صدمت واذا ببنته خلفه فادخلها وفال لي خشيت أن تبيت وحدك , فأخذتها أمه فأصلحتها ثلاثة أيام ثم دخل بها . لا كوافييير ولا قاعة ولا حفلة . دعواتي لكم بالتوفيق |
بسم الله الرحمن الرحيم
السلام عليكم ورحمة الله وبركاته حياك الله أختي الكريمة ؛؛ هي الطريقة سليمة ومافيها حرج أبداً ....ومثل ماقال المثل أخطب لبنتك ولاتخطب لأبنك ؛؛ ولكن في رأي صعب في زماننا هذا ....على أختك بالذات ...ولذلك { لا أؤيد ذلك } للأسباب الآتية .... @ - لوحدث خصاماً مستقبلاً بينهما سيقول لها هذا الجملة { أهلك عرضوك علي } وهذا ليس جيداً لها .....{ وهذا محبط جداً لنفسيتها } ... تسعد المرأة بإحساس من يريد خطبتها أنه هلك حتى حصل عليها وليس عكس ذلك ومن وجهة نظري يجب على أخوك عمل الآتي ... { أولاً } أجعلوا أخوك يقرب منه أكثر وأكثر ؛ ويحكي له عن أسرته وبعض الأقوال التي يقول الأصدقاء مع بعضهم ومن ثم إذ يرغب الشاب بالإرتباط فسيطلب أختك للزواج ولكن { لايعرض أخوك أختك عليه بتاتاً} ... { ثانياً } ممكن تكون أختك أيضاً ليس لها رغبة بهذه الطريقة للزواج بما أنها صغيرة وذات 22 عاماً والأرزاق بيد الله ورزقها في السماء كما قال الله تعالى :- (وَفِي السَّمَاءِ رِزْقُكُمْ وَمَا تُوعَدُونَ (22) الطور { ثالثاً } عليك ياغاليتي أن تجعلي أخوك { يكثف أسهم الليل } ويتحرى أوقات الإجابه ويدعو أن يجعل هذا الرجل من نصيب أخته ويجعلة صالحاً لها ... الله العظيم ياغاليتي أمرنا بالدعاء ووعد الإجابة كما قال تعالى :- (وَقَالَ رَبُّكُمُ ادْعُونِي أَسْتَجِبْ لَكُمْ (60) غافر ^*^*^*^* الله يسعدك ويسعد أختك ويرزقكم وجميع عزاب وفتيات المنتدى خاصة بالأزواج والزواجات الصالحين .. ودمت بحفظ الله وتوفيقه ... |
إذا الرجال ينشرى وأخوك متأكد من أخلاقه
فتوكلوا على الله ولازم يتأكد من رغبته بالزواج وخلي أخوك يتكلم عن الزواج وبعدها يسأله : ما عندك نيه تتزوج ؟ إذا شاف أنه عنده رغبة بالزواج ممكن ينسق كلام معين ويرسل له بالجوال لو كان حاس أنه محرج من المواجهة طمنينا بعدين والله يوفقكم |
اختي الغالية
عندي طريقة تضيف على اقتراح الأعضاء الجميلة أولا: خلي اخوكي يتأكد انه ليس على وشك الأرتباط يسأله اذا اهله شايفين له وحدة أو انه حاط عينه على واحدة واذا لا.. فليسأله ان كان الأن يرغب بالزواج لو وجد الأنسانة المناسبة..وأن كان نعم.... فليسأله لو يحب يرى اخته للنظرة الشرعية ويوضح له ان اخته لا تعرف بالموضوع أصلا ويمكن هي أيضا تقبل أو ترفض..ولكن يجب ان يعرفون مبدأيا هو ما رأيه لكي يسأله الأخت يعني بهذه الطريقة لن يكون احراج لأي جانب لأانكم موضحين له ان الرفض ممكن يكون منه أو من اختكم..يعني انتم تريدون ان تتوسطون لهما الثنين وبالباقي عليهما والله يكتب لأاختكم اللي فيه الخير لها..ويرزقها الزوج الصالح الذي يحبها..امييين |
اختي الفاضلة اؤيد بشدة بل ادعو الى شراء الصالحين و الصحابة رضوان الله عليهم كانوا يفعلون ذلك و أرى ان يتم افتعال موقف ما يرى فيه الشخص المستهدف الفتاة في كامل حجابها مكشوفة الوجه فقد يبادر هو الى السؤال من هذه ويكون هو من يبدي رغبته وكفى الله المؤمنين القتال وقد يكون بسؤاله بطريقه غير مباشرة مثلا يقول له صديقه ألم تفكر يا فلان في الزواج و ماهي موانعك من اكمال نصف دينك و النساء كثر و -----و و و ما الى ذلك .
|
الرجل الصالح ما يتفوتت يقول له صراحه
فان رضى او رفض العلاقات بكل الاحوال طيبه بين الطرفين |
يصارحه والله الموفق
|
| الساعة الآن 06:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©