|
هل هذا حشيش؟؟
السلام عليكم ورحمه الله وبركاته
المشكله هذي مشكله صديقتي مع زوجها وماتعرف مين تسال لانو الموضوع هذا مره حساس ارجو انو تلقولها حل --راح اتكلم على لسانها لسرد قصتها انا متزوجه من سنه ونصف زوجي يدخن بالخفاء يعني عايلاتنا مايعرفو انو يدخن المهم اول زواجنا اكتشفت انو يدخل الحمام ويدخن فيه بس يجلس في الحمام اكثر من نصف ساعه لما شكيت في الموضوع حاولت اعرف الحكايه من غير مايحس المهم اكشفت انو يخلط ماده لونها اسود او بني غامق وهي زي العجينه يخلطها مع الدخان حاولت اعرف في النت ايش هيا واكتشفت انها حشيش سكت عالموضوع لمده سنه وبعدها واجهته وانكر ...مرات يهيج علي ويقول ليش تتجسسي على اغراضي ومرات ثانيه يقنعني ويقول هذا دخان عراقي وانا للامانه لحد الحين ما اتاكدت ايش هذا الي معاه والله يزيدني جهل في الاشياء هذي المهم لحد الحين زوجي ما بطلها ويروح يدخنها مع اصدقائه وانا مادري كيف احل الموضوع واخليه يبطل هل بالترهيب او الترغيب ملاحظه زوجي ولد عمي ويهمه سمعته كثير عند اهلي ويحب انو يكون كامل في كل شي قدامهم من كلامه معاي احسه يبغى يتغير بس مايقدر هل هذه الماده الي يدخنها يدمن عليها الانسان وهل هيا فعلا حشيش وهل يقدر يتخلص منها بسهوله الله يجزاكم خير ساعدوني كيف ااثر عليه ويبطل السموم هذي والله اني ادعي له في اخر الليل انو ربي يتوب عليه ويكرهه في هذي الاشياء انا ما اقدر اصارح اهلي لانو ابغى زوجي يبين عندهم بصوره محترمه متامله انو يترك الشي الخطير هذا من غير ما احد يعرف عنه شي انا معاي قطعه من الشي الي يستخدمه هل تنصحوني اواجهه فيها مع انو العواقب يمكن ماتكون طيبه بس سكوتي خلاه مايفكر يبطل |
اختي المباركة : في الحقيقة ان هذا البلاء قد عم الكثير من بلاد المسلمين وخاصة بلد الحرمين وقد وقع فيه الكثير من الشباب وسبب ذلك اعداء الدين الذين يريدون ان يفسدوا شباب هذه الامة لذلك هو متوفر في بلد الحرمين باسعار اقل من الدول البعيدة . ولايفهم من كلامي السابق ان الامر منتشر اننا نكتفي بالستر على مستخدم هذا الشئ , بل ان الامر خطيييييييييييييييييييييييييير ويجب معالجته باسرع وقت وطرق ذلك كثيرة عن طريق اخوه او ابوه او اخته اقناعه بدخول مشتشفى الامل(علما ان متعاطي الحشيش لاينوم في المستشفى بل يصرف له العلاج ويكتفي بمراجعة المستشفى ) المقصود الشخص الذي يكون قريب الى قلب هذا الشخص ويستطيع ان يؤثر عليه . وافضل وسيلة هو ان يذهب مع شخص (قريب الى قلبه ) الى المستشفى وينظر الى حال المدمنين على الحشيش وغيرهم وكيف اصبحت حالهم . وهذه الطريقة كانت سبب توبة الكثير من المدمنين . وجوابا على سؤالك هل يسبب ادمان ؟ الجواب / يسبب ادمان للشخص ومن يتطور في الادمان يؤدي الى قتل خلايا المخ ومن ثم يسببالهلوسه والتخيلات الوهميه والشكوك والظنون السيئة . وهناك بعض العلامات التي تدل على المحشش منها : 1- اطراف اليدين سوداء . 2- بعد استخدام المحشش الحشيش تصبح كلتا عيناه حمراء . 3- دائما يدخن الحشيش في مكان مغلق مثلا في حمام ويغلق مروحة التهويه او غرفة ويغلق النوافذ حت لايخرج الدخان ويجلس مدة من نصف ساعة واكثر . 4- اذا انتهى من التدخين يكون رايق . 5- يكون فيه رعشه في اطراف يديه . 6- شارد الذهن . ارجوا ان اكون افدتك هذا ماسعفتني ذاكرتي به . واسال الله ان يحفظ شباب المسلمين من كل شر وان يردهم الى الحق وان يرد هذا الشاب الى صوابه وان يشفيه عاجلا غير آجلا . واعتذر للاطالة . |
لاحول والاقوة الابالله العلي العظيم
الله يفرج همها ياااااااااااااااارب ويهدي زوجهاااااا |
لاحول ولاقوة الابالله
الله يفرج عليها ويهدي زوجها |
الله يهدي زوجها ويفرج همها ويشفيه من هالسموم
|
حبيبتي هذا حشيش
الله يكون بعونها |
الله يفرج همك أختي ويبعد زوجك وشباب المسلمين عن هذي السموم
|
نعم هذا حشيش وهذا الواحد ان كثر منه يدمن عليه ...................... فا لحقي على جوزك قبل لايدمن
واعتقد انه ساير مزااااااجي صح ولا لااااااااا واعتقد انه يغضب بسررعه ... لاكن هدديه بانك سوف تتركي البيت اذا لم يتركه وبالذات يترك الصحبه الي هو معهم لانو اذا تركهم بيترك الحشيش .. فهدديه بأنك سوف تتركي البيت ياااختي بكرة النهار بيجوه عيال ممكن عندكم عيال بس لما يكبره صدقيني راح يتعلم الولد من ابوه وتكون مصيبه ويقول الاب ياليت الي جرا ماكان ................ فانصحكي هدديه بترك البيت وفضح امره والله يكون بعووووووووونك |
الله يفرج همك ويبعد الشر عنكم
|
شكرا للكل على التفاعل بس عندي سؤال يا اخي( الطبيب )هل ترك ذا الشي صعب وهم سافرو برا اكثر من مره وماكان ياخذ الشي هذا لاكثر من اسبوعين يعني اذا ادمان كيف قدر يستغني عنه ارجو الافاده وصديقتي والله تحاول معاه بس ماتعرف الطريقه الي تحل مشكلته من غير ماينفضح امره ياريت الي عنده اسلوب وطريقه تبدا فيها مع زوجها يفيدنا فيها الله يجزاكم خير
|
إذا صج كانت المادة الي تتكلمين عنها حشيش ,,
فـ هذي مشكلة كبيرة جداً ,, ولازم ما تسكت عنها ,, لأن كل ما تسكت عن المشكلة ,, راح تتعقد اكثر واكثر والزوج يدمن عليها أكثر وما راح يقدر يستغني عنها .. في رأيي الشخصي تحاول قد ما تقدر تقنع زوجها بترك السم هذاا بالهدوء والراحة والمناقشة ,, وتبين له حبها له وإنها خايفة عليه وتآخذ من النت القصص والعبر الكثير الي نجوفها بكثرهـ وتوريه ايهاا يمكن يتأثر مثلا ً ! وإذا ما فاد معاه الطيب .. لازم تلجأ للقوة !! تهدده مثلاً إنها تروح بيت اهلها .. او تهدده حتى بفضح أمره جدام العائلة ! وخصوصاً إنه قريب لها ويهتم لسمعته بين الناس مثل ما ذكرتي .. والله كسرت خاطري مسكينة الله يرفج همها .. ويصلح زوجها ويهديه |
اختي الكريمة
اولا : اعتذر عن عدم الرد وذلك لوجود خلل في جهازي لعدة ايام . ثانيا : ممكن لمتعاطي الحشيش ان يترك الحشيش ولكن يحتاج الى احياء قلبة بالايمان فان هذه الوسيلة القوية التي تمثل اغلب حالات الشفا من هذا البلاء وقد ذكرت لك انه يكون بالاشرطة والمواعظ وزيارات مستشفى الامل (مهم جدا ) اما سفرهم خارج البلاد فليس دليل فانه قد يشرب في الليل او يتركه مدة السفر وهو يستطيع ان يتركه كما ذكرت لك ولكن لابد ان يترك اصدقاء السوء . وتساعدينه على ذلك وتقفين معه . ويمكن الكشف عنه بطريقة التحليل (دم , او بول ) علما انه يجلس في الدم اربعين يوما . ارجو ان اكون افدتك . الطبيب |
لاحول ولا قوة الابالله العلى العظيم
|
الله يعينك ياااارب
|
والله أعرف واحد من الاقارب يسوي نفس الحركة ولما اكتشفنا وخبرنا والده ما أشوفه سوى شي بس المهم اني صرت اخاف من هاي الريال وما اسلم عليه ابد واعتقد انه حشيش وهو ادمان ويخلي الواحد يعيش في حالة من العصبية ، الله يحفظ الجميع
|
اقتباس:
ليه مافيه تفتيش!!!!!!!!!!!! ناسيه انه اذا سافر بالطياره راح يتفتش واذا سافر بالسياره برضو راح يتفتش .. لو انمسك سجن على طول .. قولي لصاحبتك تفتح مخها زييييييييييييييييييييين .. هذا حشيش والحشيش مصيبه كبيره .. راح يضيع مخه ويضيع حياته ويضيع شغله ويضيع فلوسه .. وفي الأخير هي واطفالها الي بيروحو في الرجلين .. |
حبيبتي المدمن الحياه معاه صعبه
فااذا حبيتي تحبينه تحملي كل العذاب الي راح يجيك من ادمانه للحشيش اولا راح تروح كل افلوسه علي الحشيش ثانيا راح يهملك ويقضي حياته بالنوم وراح يهمل الصلاه مايصليها الا اذا كان صاحي وشي اخر راح يكون معاج شكاك راح تلاحظين انه راح يعاني مع كثرة الادمان من هلاوس سمعيه وبصريه يعني ممكن في مره يتخيل وضع ماصار واصحاب الحشيش والادمان يكرهون النصيحه يعني اذا مافي ود ونصحتيه راح يكرهج وراح يعلق عليج شماعة اخطاءه ويحس انج عائق وراح تكونين علي جنب حياته وممكن جدا تلاقينه في يوم باليج في مصيبه او بالي نفسه فحبيبتي حكمي عقلج وانصحج قبل ان تنجبي اطفال |
| الساعة الآن 11:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©