|
مقهور من زوجتي. لايهمها رضاي (المشكلة حلت ولله الحمد )
مادري كيف ابدا
بس حاب افضفض شوي.زوجتي تحبني موت وانا كمان. بس المشكله انو لما ازعل ماتعبرني. مايهمها تبغاني ارضى من نفسي. والله انا حتى رضاي سهل مرررررررره وانا دايم اقوللها ترا انا بس لو تكلميني كويس لما ازعل بس يكفي. يعني ابغى احس انو زعلي يهمها يعني تكلمني كلام حبيبي يابو.... حقك علي ولا يهمك خلاص ياعمري ماتسوي ولله الزعل تراي ماقصدت ...... فيه اسهل من كذا تصدقوا مره ثقيله على لسانها ما تقدر تقولها. وبعدين اول ماتشوف انو على بوادر زعل تقلب الموضوع علي وتحسسننى اني انا الغلطان. تعبت منها بصراحه. وبعدين ياليتها لما تزعل ترضى على طول . لا لازم تجلس فتره يعني يوم يومين على حسب المزاج. بالله اش اسوي معاها. لا تقولوا لي اهجرها لما تزعل من نفسها طنشها.. لاني اعرفها نفسها طويل في المواضيع هذي وماعندها مشكله تجلس عادي. اه يالقهر . ناس بس تبغى الكلمه الحلوه وتموت عليها وهذي تتغلى علي كاني ابغى اموت لو ابعد عنها. الشوكي لله مادري متى يتعدل حالها وتحس ان رجل لي احاسيسي. بس هي دايم تفكر اني احبها واني ماراح افكر بغيرها. مادري هي ليه ضامنتني . يعني تحتاج شي عشان ازعزع الثقه هذ واخليها تدراي عليه |
اخي الكريم الله يصبرك بس والله احمد ربي على كل شي واصبر معاها وان شاء الله ربنا ح بعوضك خير
وادعو الله ان يهديها ويصلح حالها |
corazon
شكرا على المواساه |
يا اخي اذا زوجتك زعلتك لا تكلمها الا اذا هي جات واعتذرت .. واذا ما جات طنشها ..ولا تنفذ لها اي طلب الا اذا اعتذرت لكن انت على طووول تتنازل هذا اللي راح يجيك ..
وربي يسعدك .. |
اميرات شكر ا على المرور.
ولا يجي على بالها انها تعتذر اصلا . لانها دايم تشوف نفسها مو غلطانه حتى لو هي عارفه انها غلطانه تكابر علي. |
ههههههههه والله من جد جاتني الضحكه فجأه تتوقع ليييييييييه لان انا معي نفس الشي بالضبط بس انا عكسك تماما يعني انا لما ازعل ريلي ابد ما يفكر يرضيني واذا هو زعل اداريه وآخذ بخاطره ؟؟؟؟؟؟؟!!!!!!!!!!!!!!!!!!!!!!!!!!!!!!!!!!! ;) والله انو الدنيا اكبر عبره للانسان |
اقتباس:
ادخل واطلع من البيت ولا كأنها موجودة مو بزعل طبعا ولكن لاتجعلها أول اهتماماتك .. يعني اهملها.. |
شوف اخوي عبادي .. غلط عن غلط يفرق .. يعني اذا كانت كل مره تتمادى وتكرر نفس الغلط لازم هنا توقف لها وقفة رجال وتعطيها كم كلمه في العظم وتزعل عليها ولا تكلمها .. طنشها .. لان مو معقول ما تحس انك زعلان .. خلي نفسك طووويل واصبر لحد ما هي تحس وتجي تسأل وتحاول تتصالح معك .. ترى التطنيش اكثر شي يتعب الزوجه ويحرق اعصابها ..
اما اذا كانت اخطائها بسيطه وانت من النوع اللي ممكن تطوّف عليها و تسامحها فهذا شي راجع لك انت .. وربي يسعدك .. |
جردينيا كويس دخلنا البسمه على احد.
كل الغلا. والله سويت هالشي معاها بس مانفع. هي هي. ماتغيرت. لا وبعدين اذا شافتني اني ابغى ازعل تقولي ترا انت اللي بديت الزعل. تهددني يعني اي شي يطلع مني لا تلومني والله حاله. احس انى احيانا اللي معاي مو زوجه تخاف على زعل حبيبها. لا وحده تترصد لي. |
الله يعينك ويقويك جرب تتبع سياسة انك تقلها الاشياء بالتلميح مو بالتصريح واذا ما نفع الجأ للتصريح ولو كان ممكن يجرح شوي
|
يا الحبيب ..
أنت الرجل .. وليست هي ..!! لا أعتقد أن مشكلتك حلها صعب ... خذ مني بعض هذه الامور لعلها تنفع .. يا أخي .. إذا زعلتك بشي وما جت راضتك .. فخلهاااااااااااااااااااااااا إلى أن تأتي لك لكي تعتذر ... بتقولي نفسها كبير ... أقولك كبر نفسك ... حتى تأتيك وتعرف عظم حقك عليها .. ما أقول لك اضرب وهزأ ... لا ... لكن حسسها بأهميتك ... يبدو أنك عودتها على هذا الامر ... أنك أنت من يعتذر دائما ... أعرف شخص منذ بداية الزواج ... حدث أمر أغضبه .. وزوجته شكلها من شاكلة زوجتك ... وانا عزيزة نفس ومن هالكلام الماصخ ... تركها حتى أتت إليه تعتذر وهم في بداية زواجهم ... تعلن كم جلس تاركها حتى أتت تعتذر ...... 5 أشهر كاملة ...:eek::eek: بعد ذلك تعلمت .. والآن هم في سعادة ورزقوا بولد .. الله يتمم عليهم .. من الآن عودها بانك لست كالسابق ... وإذا كان خطئك فأنت من يعتذر .. أما إن كان خطئها فلا تتنازل وتعتذر ... ( على الأقل في هذه الفترة حتى ترتدع ) ... يا اخي نتعب أنفسنا أولا حتى نرتاح آخرا .. أسأل الله عزوجل أن يألف بين قلوبكم ... ويصلح ذات بينكم .. ويهديكم سبل الرشاد. دمت بحفظ الرحمن ... |
اجعلها تقرأموضوعك يمكن تتأثر
|
لمحت وزعلت وصرحت بلطافه وبدون تجريح وما عجبها. بس اش سوي. شكرا mnarmn على مرورك.
|
شكلك طيب حيييل .. ونفسك قصير ....
|
بو نبيل صح لسانك. لكن هذا الكلام ممكن يكون سهل في بداية الزواج لكن انا لي متزوج اربع سنوات يعني عارفتني زين زين.
الا اذا انا وريتها اني فعلا تغيرت . هذا شي انا فعلا جالس اسويه من فتره. وان شاء الله ان الامور تمشي معاي ديمه . كلامك ممكن لو كانت وحد عاقله. بس هي تفكر زي الاطفال مع احترامي لها. يعني مايهمها. |
اقتباس:
بس مايمنع اني اوريها الجانب الاخر مني اذا دعت الضروره. بس على قولك نفسي قصير. والله وانا زعلان منها اني افكر لها بهديه. بس اقول ذحين لو جبتها لها على طول تحسبني ابغى ارااضيها فيها. وهذا طبعا يخليها تتطاول اكثر. سبحان الله مادري ليش افكر كذا بس يمكن من حبي لها. تمنيت انى لو كنت متزوج وحده ماحبها بس احترمها كزوجه. عشان يرتاح دماغي. |
Its Never Too Late
الوقت ليس متأخر ابد اخوي .. اجلس مع نفسك و فكر في اسلوب جديد للتعامل مع زوجتك يكون اسلوب لمدى الحياه .. ما ابغاك تكون يدك طووويله او لسانك بذيئ .. بس لا تلغي شخصيتك .. خل لك كلمه اخوي .. بكره العيال يكبرون ويشوفون ما لك كلمه على امهم .. والله مصيبه .. الطيبه مو في كل وقت تنفع .. احيانا العين الحمرا هي اللي تخلي المرأه تمشي على العجين ما تلخبطوووش .. خليك اخوي حمش شوي .. خلها تعاملك مثل الملك .. وتعمل لك حساب واحترام .. يعني اذا زعلت منها حسسها انك زعلان و متضايق واذا كلمتك طالعها بنص عين ولا ترد عليها .. واذا طلبت منك شغله اسفطها تجاهلها كثر ما تقدر .. وقول لها بصريح العباره انك زعلان و ماراح ترضى عنها الا اذا اعتذرت .. واذا نامت وانت زعلان منها الملائكه تلعنها .. الرسول عليه السلام يقول معنى الحديث .. لو كنت امر احد يسجد لغير الله لامرت المرأه ان تسجد لزوجها .. باين ان زوجتك ما عندها فكره عن اسلوب فن التعامل مع الزوج .. الله يعينك .. |
احسنت يا اميرات ... أختصرت كثيرا مما أريد قوله ... بارك الله لك في أهلك ومالك وزوجك واولادك .... دمت بحفظ الرحمن .. |
اخي في الاسلام هههه
صراحه من دون زعل انت الغلطان لانك انت السبب في اللي هيا في الحين لمن انت تزعل منها اوتزعل منك لاتكلمها ابد لا نو حصل معاي الشي ذا طنشها يوم يومين ولو طلبت منك شي لاتلبيه وصدقني راح ترجع وحتحس انو في احد في البيت.. |
اخي ...يا انك تزعل على الفاضي والمليان وهذا طفشها وخلى زعلك ما له قيمة عندها
يا انك انسان طيب جدا جدا ...في هذه الحاله اتبع نصيحة اختي اميرات والله يعينك |
الحل بالتطنيش والتجاهل
كلمة بسيطة قولها :انا زعلان منك وبس اسكت استحمل اذا تريد حل هي في بالها ومتاكدة انك تزعل وترضى من نفسك اكثر مايقهر الزوجة عدمالاهتمام وتطنيش الزوج لها جرب اخرج من البيت طنشها بس اقضى وقتك في الحلال زيارة الاهل او الاصدقاء لاتقول لها لاتكلمها بكلمة الا السلام وانت داخل البيت بدون كيف حالك اخوي لاتنام معها على سرير واحد واذا ماتقدر مافي مكان خذلك فراش 2 اصبر اصبر استحمل صدقني بتجيك تعتذر وبتشكرنا ان شاء الله بعد رب العالمين |
المفروض انك تحاول تضغط على نفسك وتطنشها عشان هي تحس واكيد انها بتحس بس ماراح تبين لك
يعني اذا انت كنت غلطان اعتذر لها اما اذا كانت هي غلطانه لاتعتذر لها لازم هي اللي تجي وتعتذر والا ترى بتتعود علي الزعل . |
كثير حريم قالولي
لي زعل لاتراضينه ترا يشوف نفسه عليك ويبعد عنك شوفي فلانه كيف زوجها يراكض وراها وشوفي هذي وهذي وانا اسمع كلامهم لين شفت زوجي بدا يبعد كل ما ابعد عنه وكل شي له حد ! هي خايفه لاتخسر حنيتك فـ ابالها لا سوت كذا راح يكبر غلاها بقلبك باختصار "تتغلى عليك" خذها باللين واقعد معها قعدة صراحة وقولها كل اللي بخاطرك وان لاسمح الله على يوم صار بينكم زعل يا اخي لاتراضيها ولاتنام معها بنفس الغرفه غير مكانك واهجرها ولا تقعد معها لين تجي بنفسها وتعتذر قوّ قلبك شوي وتذكر عزة نفسك ! وخلك صبور اصبر كم يوم لمن هي تحس انك طفشت ومليت منها صدقني بتركض وراك تخاف لاتخسرك ,, وقولها "النار بالماي تنطفي والغلا بالاهمال ينتهي _عباره حطيها في بالج_ " والله يوفقك ويخليكم لبعض ان شاء الله |
الله يصلحها ،،،
|
الله يعينك اخي .. حاول اتباع سياسة خاصة معها و فهمها انه هادا بغضب رب العالمين قبلك انت
|
تعرف اخوي وانا اقرا الموضوع كنت بروح لزوجي واقول له انت اللي كاتب عني بالمنتدى !!
سبحان الله ,, كأنك تتكلم عني للاسف الشديد انا فيني هالطبع اللي اكرهه حيل وزوجي يحاول يرضيني حتى لو انا الغلطانة هو يعتذر بس دايما انا اضمن ان هو بيعتذر اخر شي حتى لو انا غلطت وبيظل يحبني ,, هذي المشكلة لما افكر بهذي الطريقة هالشي اللي يخليني لما ازعل منه ما اخاف من شي اكون متأكده ان بيرجع لي وفي قلبه حب اكبر بس في مرة تزاعلنا وانا كنت غلطانة شفته مطنشني لا مسج ولا اتصال اول مرة يسويها ,, صبرت وصبرت وظل يوم كامل على هالحال (نحن كاتبين كتابنا) وقلت اليوم اللي بعده ما بيتحمل بيتصل وما اتصل انا اخر شي اتصلت ما قدرت اتحمل مع اني بالعادة لما هو يحاول يراضيني اقعد يومين ومارضى بس هالمرة رضيت بدون ما يراضيني عشان جي اقولك اخووووي مافي غير حل واااااااااحد انك تظنش لاكلام ولاسؤال ولاعتاب ولا نقاش مهما كاااااااانت قوية بتضعف ومهما كان نفسها طويل بيضعف هالمرة نفسها يطول لما انت تيي تراضيها بس لما انت تطنش هي مابتقدر تطنش واااااااايد وخااااااصة انها تعودت عليك انت تراضيها دااايما |
music
صح لسانك fafi بصراحه انا كنت مره حساس في بداية الزواج وكنت ازعل على اشياء بسيطه , بس بعدين تغيرت وصرت بالعكس اعدي كثير وما اهتم. يعني تغير تفكيري. وبنفس الوقت انا بصراحه فعلا طيب لدرجة اني اكره نفسي احيانا بسبب الطيبه هذي. |
love006 كلامك صحيح
اخضر . كلامك مية بالميه صحيح. سبحان الله. والله كلامك مبين انك طيبه بس فعلا زي ماتقولي هي خايفه لا تفقد حناني . بس انا جلست معاها جلسات صراحه كثير. بس مانفع شي. libra محمد هيا. جزاكم الله خير. الجمال الاسر. شكرا على المرور. اميرات. كلامك روعه وفعلا انا بديت هالسياسه. الله يوفقكم جميعا على نصايحكم. |
اخر التطورات في السالفه اللي صارت لي اخر زعله.
اني انا زعلت من سالفه معينه وهي كانت غلطانه ميه بالميه. وسبحان الله انا كنت واعده بكم شغله وكنا في اليوم الثاني . اللي هو اليوم. حنروح . بس انا قلت لها مافييه روحه خلاص انا بطلت ما راح اسوي لك اللي تبغى لين ما تعرفي انك غلطانه وتعتذري لي عن الغلط والا ماراح اسوي لك اللي تبغى. اش قالت زعلت وقالت انت تبغى تهيننى وقعدت تتكلم وقالت خلاص انا ابغالك توديني لاهلي انا ابغى اجلس مع واحد يهننى.؟ |
لا حول ولا قوة الا بالله
اخي في الله اذا تبغى نصيحتي قولها وصار بين الأزواج كرامه وعزة نفس ! تبغين تروحي لاهلك روحي بس انا مو راضي عليج اذا رحتي |
على فكره احنا في بلد اجنبي. بحكم دراستي.
وهي دايم لما تزعل وتنكد تعزف على هذا الوتر. اما حكاية عزة النفس هذي فحدث ولا حرج كانت دايم تتهمني اني متكبر. تخليوا فيه احد يتكبر على زوجته. بس انا كنت اعذرها لانها تشوفني انسان ناجح وواثق من نفسي . فهذا الشي كان يولد عندها شعور بالنقص مع اني دايم احاول ادعمها واحسسها انها كويسه وانها انسانه لها مستقبل. بس هي لما تزعل على طول تنسى كل الكلام اللي انا اقوله لها. |
اقتباس:
يعني والله ياجماعه بدون مبالغه صاير لنا متزوجين من اربع سنين . كلمه اسفه اللي اسمعتها منها اقدر اعدها . |
أخي الفاضل:
بالنسبه لي.. لو أعطيت زوجي المجال.. كل يوم والثاني بيزعل لي من شي وبيسويلي قصه.. لأت في ناس شخصياتهم "زعوله"، إسمحلي أخوي بس إنت شكلك من هالنوع.. يمكن لأنك تبي تلفت إنتباهها لك.. يمكن هي تسوي هالشي حتى ما تعطيك مجال كل شوي تزعل وتسوي لها سالفه.. وحتى لو قعدتوا 10 سنوات وهي ما قالت لك أنا آسفه فيها غير مرتين.. مافيها شي.. طالما متفاهمين وطالما في اعتذارات بطريقه غير مباشره.. وهي عارفه غلاها عندك وإنك دائما بترجع لها.. وهذا مافيه شي.. لأنه ماجابته من برا.. إنت اللي عودتها عليه..صح؟ و برأيي إنك قاعد تترصدلها.. يعني بصراحه بينك وبين نفسك.. كم معدل الزعل بينك وينها كم مره بالأسبوع مثلاً؟ عموماً.. إذا إنت لقيت هالكلام مو فيك ومو صحيح بالنسبه لك.. فأنا أنصحك بما نصحك به إخواني واخواتي من تطنيشها.. والله يجيب لك الخير |
السلام عليكم
أخي الله يفرج همك. من خلال كلامك زوجتك عندها أعتـزاز بالنفس ومـعتزه برأيها أخي كيف تعامل زوجتك مع من حولها ؟ |
الفرس من خيالها ,. انت من خلقت فيها هذا الطبع , لأنها لو رأت فيك حزم الرجال ما تجرأت عليك
لكنها تعرف أنك ما تقدر على ذلك , ونقطة ضعفك , أصبح الأمر لا يفرق عندها لأنك راد لها مهما طال الأمر |
dandoon انا مو زعول.
منادي الف شكر لك |
مادامك منبسط عادي
وشكلك يوحي بالانبساط الحل خلك وسيع بطانه الرجل اكثر وساعة صدر من المرأه ( خل هذا حلقه في اذنك ) اذا زعلت ولم تجد تفاعل : *اخرج في رحله واتركها او خلها عند اهلها مده الى ان تنتهي رحلتك . * حرك مشاعرها اذا رايتها زعلانه ولا تبالي .... مثال الف لك سالفه عن أمراه وقل اعجبتني ( بس خل السالفه مالها دخل بالزعل .) * قل زميلي تزوج الثانيه ابي اروح اباركله . لاتخاف معليك الامور هذه حل ان شاء الله بس خلك وسيع صدر ( يعني حذ حقك وعط الدنيا ايزي ) بالتوفيق |
اقتباس:
والله انها مو سهله ابدا .. لو انا مكانك ...كان قلت لها فورا احجز لك و روحي مع الف سلامة زوجتك يبغي لها موقف قوي يصحيها ويهزها و تعرف ان الله حق بعدين اخوي ...خفف زعل شوي ...يعني مو على كل شي تزعل وتبغي اعتذار بعض الاحيان تكفي نظرة حلوة من الزوجة تعبر عن اعتذارها والله يا اخوي كثر الزعل يجفي القلوب الطرية انت اذا صار بينك وبينها موقف ...في وقتها عبر عن ضيقك و بعد ساعة خلاص المفروض ينتهي الزعل و ترجعون سمن على عسل لا انت تعتذر ولا هي تعتذر خاصة اذا كانت المواقف بسيطة الدنيا ما تسوى الواحد يضيع فيها لحظة زعل الله يسعدكم |
السلام عليكم ورحمة الله
أخي في الله أعرف جيدا أن هذه المشاعر تترك في نفسك أقسى الآثار، ولكن أولا هل أنت محق في زعلاتك.فهناك بعض الأشخاص الذين يعانون من حساسية مفرطة تجاه أي أمر مما يؤدي إلى كثرة غضبهم. فعليك بالصدق مع نفسك وإن كنت من ذلك النوع فكن حليما كما أمرك نبيك وهذا الأمر ليس صعبا فلقد اخبرنا المصطفى صلى الله عليه وسلم أن الحلم بالتحلم أي بمحاولة عمل ذلك حتى يصبح طبعا لك. أما إذا كنت هينا لينا ومع ذلك حين تغضب تقسو عليك زوجتك فهي إما زوجة تحبك وتحرص عليك ولكنها لا تعرف كيف تصالح وهنا لابد لك من مصارحتها عما يضايقك ويؤثر في نفسك في جلسة صفا ولكن لا تهول الأمور أمامها وإذا كان هناك خلاف ما فحاول أن تتفق معها أن تأخذا الأمر ببساطة وأن تمرا عليه مرور الكرامة ولا تعملوا منه زعلة ولا حاجة ولا تكدرا صفو حياتكما بخصام ليس له داع . وإن كانت من النوع الذي لا يصالح حتى مع من حولها غيرك لقسوة معينة في قلبها ونوع من الكبر وعدم الاعتراف بالخطأ ولأنها ترى أنها لا تخطئ . فهنا أنت بحاجة للتغيير حتى لا يأتي اليوم الذي تشعر فيه بإنكسار داخلك. وبحزن عميق ربما يغيرك تجاهها إذا حدث بينكما خصام وكنت متأكدا أنها هي المخطئة وكان الخصام لسبب يستحق وليس أمرا تافها عليك بمعاتبتها عتابا رقيقا هادئا فإن اعتذرت فاقبل اعتذارها وإن اصرت انها ليست مخطئة تجنب الكلام معها فلا تطلب منها مثلا طلباتك العادية بل قم واعملها لنفسك لا تهجرها وتنام في حجرة أخرى لأن العلماء فسروا الهجر بأنه هجر في نفس الفراش ولكن حين تنام إلى جوارها إعطها ظهرك اقض اليوم الذي انت على خصام بها في مكان آخر تحدث معها في أوقات الصفا عن زميلك وكيف يشكر ويمدح في زوجته التي تمتاز بالسلاسة والرقة وعدم التعنت كن قويا ولا تضعف ولكن لا تمتنع عن القاء السلام وقت دخولك وخروجك وعن التزاماتك الاسرية لا تتكلم بأسلوب شديد يجرح شعورها ولكن تعامل مع الموقف بلا مبالاة عبر لها عن حبك دائما فربما لديها إحساس بأنها ينقصها شيء ما تعوضه من خلال هذا السلوك وحاول ان تجعلها تشارك في شيء تنجح فيه ويا حبذا لو كان عملا خيريا يرقق قلبها ويدخل فيه المزيد من الرفق والحنان. احضر لها هدية تحبها في وقت صفا ومعها كارت جميل به حديث الرسول صلى الله عليه وسلم: نساؤكم من أهل الجنّة الودود الولود العؤود على زوجها، التي إذا غضبت جاءت حتى تضع يدها في يد زوجها وتقول: لا أذوق غُمضاً حتى ترضى" أي لن أعرف طعماً للنوم حتى ترضى قربها من الله أكثر وأكثر أخيرا حين ترى في زوجتك هذا العيب تذكر أن بها الكثير والكثير من المميزات التي جعلتك تحبها وأنه ما من إنسان إلا وبه عيب فلتحمد الله أن عيبها ليس كبيرا وأنها ليست من تلك النساء اللاتي يجعلن الرجل يكره حياته ويكره الزواج ويكره النساء. وتذكر أنك أنت لابد وأن بك عيبا هي تكرههفلابد لكل واحد منا كأزواج أن لا ينظر الى القشّة التي في عين الآخر وينسى العود التي في عينه هو. ثم أخبرنا ماذا حدث وهل حلت مشكلتك أم لا. دعواتنا لك |
اخوي ساري10 والله انك انسان كووووووووووووول بصراحه. وشكرا على النصايح
|
| الساعة الآن 07:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©