|
أرغب بالزواج ولكن لدي عوائق،مشورتكم
السلام عليكم ورحمه الله
دخلت ولقيت منتدى المقبلين على الزواج (المتصفحون حاليا)عددهم 122 وشفت منتدى المتزوجين ولقيت عددهم 534 وتصدقون انه ضاق صدري وبنفس الوقت انبسطت ...ضاق صدري قلت ياليتني مكمل للرقم 534 واصير 535 :d وانبسطت ان منتدى عالم المتزوجين كثير والعزاب اقل يعني بكذا نكون قضينا على العنوسه:14: ندخل بصلب الموضوع اخواني اخواتي الكرام انا عمري25 سنه طبعا اعزب ليس هناك ادنى ريب:cool: وموظف وراتبي 4000 ريال <<< مابقى الا تصور بطاقه الاحوال وتحطها هنا:dو طبعا ان شالله مقبل على زواج ولكن الى الان ماخطبت وبيني وبينكم انا محتار وابي شوركم بعد توفيق الله,انا سبق وان خطبت خطبه بس شخابيط ^_^ يعني كلام بين الحريم هم وافقوا وانا الي رفضت وقالوا بنتنا ماهي لعبه ومادري ايش واشوى ان السالفه ماوصلت لابوها كان علوووم:16: وسبب رفضي هذا هو انها تدرس بالجامعه وباقي لها 3 سنوات وتتخرج وفوق هذا عمرها 24 لكن العمر ماهو مهم مادام الموده موجوده ,, الشاهد اني انا مابغى وحده جامعيه لييييييه!! لاني انا مستواي التعليمي اقل وحط تحت التعليمي خط يعني ثانوي مع العلم اني درست 4 سنوات بالجامعه متواصله مره ارسب لاهمال او تاخير او نوووووووم عموما تركت الجامعه وتوظفت ونويت اتزوج بس الي رافع ضغطي اني ماني جامعي يعني لو اخذت بنت جامعيه وصارت مدرسه بتصير هي الي تصرف على البيت وهي الي كافه نفسها وانا وراتبي بصير عندها طرطور وانا بصراحه انسان عزيز نفس حتى البنت لو ماقالت شي !! اهلها راح يتكلمون مثلا صار شي او صار خلاف لاقدر الله بيقولون البنت هي الي تسوي وتفعل وانت مالك شغل ...!!! <<<ضاق صدره وبنفس الوقت ابي وحده مثقفه جدااااااااا لاني ولله الحمد مثقف ومطلع وفاهم وابي بنت بمستواي الفكري<<< استرح:25: ومحتار والله ... طبعا هذي مشكله وكلها كوووم والمشكله الثانيه كوم المشكله الثانيه وهي اني انا ساكن بالرياض يعني ماني عند اهلي اصلا والبنت لازم تكون عندي مو كل خميس وجمعه اتردد لها..!! وابي اسكن واعيش بس مادري هل الراتب الي استلمه انا يكفي؟؟؟؟ سؤال مخصص للمتزوجين^_^وانا اخاف اتزوج وبعدها اتوهق اجار وغلا اسعار ومصاريف جوال وكهرب ومصاريف السياره حدث ولا حرج ( ولاتنسون اشتراك نسما^_^) وغيره وغيره وغيره عموما انا شكلي طولت عليكم لكن ابيكم تاخذون الموضوع على محمل الجد تحياتي لكم جميعا واخيرا ادعوا لي بظهر الغيب تراني محتاج لدعواتكم محمد- الرياض الاشراف: تم تعديل العنوان ليناسب النص. |
اعقلها وتوكل
واللة راح ييسر امور زواجك كلها لاتفكر بشي تجي الزوجة ورزقها معها وردة الورود |
هلا فيك أخوي من ناحية انك ماتبغا وحده جامعية مو شرط انها تتكبر عليك بالعكس ،، عندك أنا جامعية وخطيبي ثانوي والحمدلله زي العسل هو مثقف وأحس كأنه جامعي اكثر مني ،، ومن ناحية الراتب مو شرط ان زوجتك تشتغل وإذا اشتغلت وصرفت على نفسها ماراح تصير طرطور زي ماقلت ترا كل الناس كذا ،، بس أهم شي تختار البنت الطيبه والعائلة الطيبه
ومن ناحية السكن اللي تتزوجها لازم اتسافر معاك وتعيش معاك ليش تقعد في بلد وهي في بلد ،، انت تزوج وربي راح يسهلك أمورك المادية ( تزوجو فقراء يغنيكم الله ) ،، وكل الناس تبدأ حياتها وحالتها الماديه بسيطه وترا الزواج يجلب الرزق ،، الله يوفقك ويسهلك الزوجه الصالحة الطيبه اللي تحبك وتصونك وتخلي حياتك جنة ،،، نصيحــــه : توكل على الله واتزوج ( وربي راح يسهلك أمورك كلهــا بإذن الله ) بالتوفيــق تحياتـي لينــــــــــا |
مكبر السالفه وهي صغيره , الم تعلم ان الرسول صلى الله عليه وسلم يقول ( ثلاث حق على الله عونهم .. وذكر منهم
الناكح يريد العفاف ) , ثم مسألة التعليم , ليس بقضية بقدر ما يهم أمر الدين , فالبنت ليس بتعليمها فقط بل بدينها وتذكر غدا أولادك من يعلمهم اذا كانت امهم تعليمها بسيط |
المستوى التعليمي ليس عائقاً للزواج اعرف كثير شهاداتهم أقل بكثير من زوجاتهم وعايشين بسعادة..
|
ورده والورود
كلامك عين العقل لينا الله يسمع منك يارب ولك مني جزيل الشكر والتقدير رادع الف شكر لك وماقصرت يالغالي وكلامك صواااااب تحياتي لك كل الغلا مشكوره اختي وماقصرتي لكن هذا تفكيري والله يعين طبعا انا بودي اشوف مشاركات اكثر لاني محتاج كل مشاركه لاني راح اتابع الموضوع وارجو انكم ماتبخلون علي بمشاركتكم ودعواتكم تحياتي |
توكل على الله اهوي
لا داعي للخوف ابدا |
بالنسبة للجامعية.........عادي جدا
انا جامعية وزوجي ثانوية عامة وهو بعد دخل الجامعة وتعب من الانجليزي و قرر انه يتوظف واختي جامعية و زوجها اول ثانوي وتوظف بعد ما مل من الدراسة وااايد واايد بنات جامعيات و ماخذين ناس تعليمهم حتى اعدادي ودامك مثقف لا تخاف ولا تحاتي ...توكل على الله وخذ الجامعية اصلا اللحين محد يتكبر بانه جامعي صار ها الشيء عادي خاصة عند البنات وحتى لو زوجتك تشتغل انت اصرف عليها براتبك حتى لو بسيط المهم تحس بقوامتك و مصروف زوجتك يكون للكماليات وانت الاساسيات نصيحة اهم شيء بالبنت دينها واخلاقها ركز على هاي النقطة و لا ترى كل البنات واحد |
وعليكم السلام
اخي الكريم،،،، الله يحفظك ويحميك ويقر عينك بالزوجه الصالحه الحنون اخوي بالنسبه للتعليم الجامعي وفرق التعليم بينكم اعتقد ماهو عائق ابدا ابد ابدا مادامك مثقف ومتفتح ومرن وقبل هذا كله دينك واخلاقك اهم شي وعند بحثك للعروس ابحث عن ذات الدين والاخلاق والحكمه صدقني هذا اهم شي لانها راح تعرف تتعامل مع زوج وراح تكون مربية اجيال وبالنسبه انها راح تشتغل وراح يكون راتبها اعلى منك خليها دحين تتخرج واذا لقت وظيفه يصير خير:d ومع الاطفال والبيت راح تلتهي فيكم وتنسى الوظيفه اهم شي خليك سلس وسهل إذا لقيت الجامعيه المناسبه لاتعترض اذا طلبت انها تتوظف قول لهم براحتها اللي يناسبها تعمله اهم شي ماتقصر لا علي ولا على البيت والاولاد:22: وتوكل على الله واذا على المصاريف تدبر وربي وحده الرزاق انت خلال هذي الفتره فترة العزوبيه اشتغل عمل اضافي وجمع مبلغ للمستقبل وبعدين حاول تكون اقتصادي وغير مبذر واكثر من الاستغفار الله يفتح لك ابواب رحمة ورزقه ويرزقك من اوسع ابوابه ويرزقك ربي الزوجه الصالحه الحنونه الرضيه القنوعه |
الله يسر امورك بصراحة .. ( انا اخبرلك واحد متزوج وساكن في اجار ومرته غير موظفه وراتبه 3500 وعليه اقساط سياره )
الله يسر امورك اذا اتكلت عليه ودعيت ربك كثير ان الله يسرها .. كل شي بينحل باذن الله لك لك تحياتي |
الاخ جبيب 8 الامس
تحية طيبة احب أن احدثك عن نفسي ولعلك تصل الى غاية من خلال ما حدث معي أنا شاب تخرجت من الجامعة قسم علوم ارض ثم حصلت على وظيفة ولله الحمد والمنه كان راتبي في البداية 5500 تقريباً بعد ولدي سيارة بيوك 82 حالته حاله بعد 6 شوهر قررت شراء سيارة أفضل من الاول ثم بعد سنه قرر الزواج و منى الله علي بان تزوجت فتاة شرطوا أهلها كل شي علي من الالف الى الياء وقبلت وتوكلت وسلمت أمري الى الله وقد فرجها الله علي واستطعت تسديد ديون خلال 3 سنوات الخلاصة أن الله عز وجل سوف يفرجها عليك فلا تحمل هم الرزق والرزاق في السماء موجود أسال الله أن يفتح عليك ويرزقك بنت الحلال |
انا معاك بمخاوفك اخوي انت اعلم بنفسك وكل انسان وله طاقات
اذا نفسك ماتتحمل تكون اقل من زوجتك بالراتب او التعليم وتحس هالشي ممكن يسبب فجوه بينكم بلاه احسن يامكثر الله البنات المخلصات ثانوية وجالسات بالبيوت بالنسبه لراتبك ممكن تعيش فيه لكن عالحد مرره انا مااقول هالكلام تحطيم او اي شي .. انا بنت وجربت العيشه في الرياض اول مابديت بالوظيفه كان راتبي 5 الاف والاجارات غاااااااليه ورفعوها الحين .. طبعا انت ماراح تامن على زوجتك الا لما تسكنها بمكان نظيف ومحترم والمصاريف الثانيه .. وانتو راح تكونوا شخصين مو شخص واحد يعني حط ببالك انو مافيه ترفيه مافي كماليات الا بشكل قليييييييييل الين يفتحها عليك ربي انت بعد لازم تدعم وظيفتك بدورات وخبرات حاول تجمع مبلغ حلو وتاخذ كورس برى السعوديه علشان تحسن وضعك بعدين والبنت اللي بتخطبها لازم تكون من عايلة قنووعه وخلاص دام نيتك طيبه صدقني ربي ماراح يخيب املك بالتوفيق يارب |
الف شكر لكم مجميعا ومازلت متابع للموضوع وبإنتظار العديد والعديد من المشاركات
شكرا لكم |
مافيه مشكله ان شاء الله
دور لك بنت معاها الثانويه بس و ساكنه بالرياض و بالنسبه لحالتك الماديه فأبحث عن ذات الدين ألي راح تصبر معاك و ربي وعدك بالإعانه إذا أخلصت النية مثل ما جاء في الحديث ألي أورده رادع |
الف شكر لك اختي عبير الرياض
|
السلام عليكم جميعا
يا حبيبي هم الزواج شيء لا بد منه ولا كان ما قوالو الناس ((ما هم إ لا هم الزواج. ولا وجع إ لا وجع الضرس)) يا سيدي كلنا همينا وسهرنا ودعينا ان الله يسترنا ويوفقنا ببنت الحلال الي تعينك علي الدنيا ومتاعبها والله هو الي يسمع الدعاء ويوفق ويعين.. بس ترا انا ما أحب الي يخاف من الزواج ..ولا زم الرجل يكون واثق في نفسه شوية مي يكون خايف من كلا م الناس من بدري.. ياحبيبي والله ثم والله ماراح تسلم من كلام الناس وتعليقاتهم ولقافتهم حتى لو كنت ملك....وانت عارف ان رضى الناس غاية لا تدرك...يعني خلي الناس عنك وشوف لك البنت الطيبة التي حثنا الرسول صلى الله علية وسلم على نكاحها ((قال صلى الله عليه وسلم : تنكح المرأة لدينها ولجمالها ومالها وحسبها فاظفر بذات الدين تربت يداك)) يعني لا تخلي شوشو (الشيطان) كل يوم يجبلك هواجيس وافكار مارح تفيدك في حياتك الزوجية بكرة....جامعية...ومتكبرة..وتصرف على نفسها....هذه كلها من الشيطان..... ياخي اهم شي ان اهلك عارفين البنت واخلاقها ودينها توكل عالى الله وانظرها واذااعجبتك فلا تردد ويلعب في راسك الشيطان..... فالمرأة المسلمة المؤمنة بحق زوجها راح تخليك تحبها مهما كان تعليمها أو مالها وجمالها..... الجوهر ياسيدي والمعدن الأصيل يا حبيبي هو الي يبقي اما المال والجمال و غيرها كل راح تتبدد مع امواج الدنيا العاتية... وفي هذه الأيام المتعلمات يفظلن عن الغير متعلمات....لأن عصرنا اليوم غير عن امس وبكره غير عن بعده والمتعلمة تكون والعلم عند الله افضل في طريقة تعاملها مع متغيرات الحياة وخصوصا التقنية وفي طرق تحصيل العلم .... وما تتعب في تثقيفها وتفهيما وراح تختصر وقت طويل كنت بتقضيه تعلمها وتفهمها عن متغيرات وتقلبات الزمن الحديث المليء بك ما هو جديد وغريب... اما من ناحيت الخسارة فالله يعوض عليك وعلينا والله صارت الزواجات مكلفة جدا ومتعبة لكاهل الزوج المسكين.... وترا لا زم انه يكون مصيرك مثل مصيرنا الا ان الله يحطك في يد واحد يقدر الرجال ويقد الهدف من الزواج...والا الله يعينك تمشي بعد الزواج فترة بسيطة على الجنوط وبعدين ربي يقضي عنك ديونك انشاء الله ...ولا تخاف ياحبيبي الله تكفل انه يعينك وييسر لك....توكل بس وخل توكلك قوي ولا تنسا تدعي في الثلث الأخير ان ربي يستر ك بوحدة تعوضك عن تعب الدنيا وتنسيك....امين والله اعلم وصلى الله وسلم على نبينا محمد |
السلام عليكم ورحمه الله وبركاته
اخوي اول شي الله يوفقك وتاكد ان ربي غير يسهل ويسر امر زواجك لانه وعد من الله بالحديث الى ذكرة الاخ رادع ان يعين ويسهل الى يبغى يتزوج ومن اصدق من الله حديثاً بعدين مااشوف مشكله نهائي بان راتبك 4000 طيب راتب ممتاز كل اغلب الشباب الايام هذي رواتبهم تتراوح مابين 4000 الى خمس الاف ومتزوجين وفاتحتين بيوت ماشاء الله واذا على البنت تزوج من اهل الرياض وماشاء الله البيوت مليااااااااااااااااااانه بس اهم شي اختار صاحبه الدين والخلق لانها راح تعينك على مصاعب هالحياة لاتقول ابغاها مزيونه شعرها طويل مادري ايش اهم شي صاحبه الخلق والدين وهذا نستمدة من حديث الرسول صلى الله عليه وسلم فيما معناة واظفر بذات الدين تربت يداك واذا على انها جامعيه وانت لا طيب كل اغلب الشباب السعودي متزوجين جامعيات وخريجات بكالريوس وهم معاهم اغلبهم الثانويه مافيها بعد شي واذا تقول تصرف علي لا يااخوي مو لازم تصرف عليك هذا اذا كانت متوظفه بعد من اول يوم زواجكم قلها يابنت الحلال من الان راتبك احتفظي فيه لنفسك ان رب البيت وماابغى نقاش بالموضوع هذا <<<<من اول يوم بين لها الكلام هذا عشان تعرف وضعك وتفكيرك بعدين بنهايه الزواج كله توفيق من الله وتيسير عليك بالدعااااااااااااااااااااااااااااااء واعقلها وتوكل وابداء من بكرة بالبحث لك عن زوجه مناسبه تخاف الله فيك وتعينك على الطاعه |
الله يكتب لك الي فيه الخير ،،،
|
يا اخى حسب عقليه البنت
والذكيه لا تحسس زوجها بالفرق |
المهم المودة والتفاهم من البداية وبعدها تصير الحياة ناجحة بأذن الله سبحانه
|
طالما نصحتموني بكلمات قليلة
و لكنها في الحقيقه غيرت الكثير الكثير مما كنت عليه تحياتي لكم وتحيتي الخاصه لمن تعب من اجلي في كتابه حلٍ او مشوره وليتي استطيع ان ارد جزءً من جميلكم الحار لكني سادعوا لكم من اعماق قلبي شكرا |
يا خوي انا راتبي فوق العشرين و ماني محصل حتى حقة الثانوية. أقول صلي استخارة و استشير و توكل على رب العالمين
|
الف شكر لك اخوي اكسبلورر
تحياتي لك يالغالي وماقصرت على النصيحه |
وعليكم السلام 00 يااخوي اولا : لو كان قليل اللي مستواهم ثانوي ياخذون بنات جامعيات 00 كان قلنا مشكلــــــــــه !! لو كانت البنت نفس الولد طلعات وروحات :: ماشفت كل البنات جامعيات :) __________ طبعا مو تبرير لكم اللي اشوفه ومن خلال المجتمع اللي ذكرته كثير شباب مستواهم ثانوي متزوجين من جامعيات وصدقني ياخوي الرجل المثقف يطور نفسه بالدورات مو شرط جامعه المثقف الواعي بالقراءه 00 بالاسلوب الراقي مع البنت 00 بالاحترام 00 بمعاملة الناس اللي حوله برقي وادب تربية اولاده باسلوب حديث ( اقصد بالدين لكن مو بالتقاليد الخطا ) العشره تبن الجاهل من المثقف اللي عنده دكتوره وعقليته صغيره واللي ماعنده شهاده خير شر وعقليته كبيره الناس جوهرهم داخلي تكشفه بمجالستهم :: والله يوفقك يارب |
توكل على الله بس انا من راى ان الزوجه لازم تكون من نفس المستوى التعليمى للزوج
|
ياخوي اتمنى لك التوفيق لكن مثل ماقالت مشاعر ان الثقافه تبين من العشره
|
الف الف شكر للجميع الف شكر
تحياتي |
الاخوان والاخوات ماقصروا في الرد كفوا ووفوا لكن ابي اعلق على شي واحد وهو الفارق التعليمي من وجهة نظري مو عائق فانا جامعيه ولله الحمد وزوجي شهادته الكفائه ووضعنا ماشي وهو في عيني سيد الرجال
يعني بالعربي اهم شي الثقافه العامه لكلا الزوجين |
| الساعة الآن 12:46 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©