|
يصرخ علي في المطار وامام أخي ..المشكله حلت ولله الحمد)
السلام عليكم ورحمة الله وبركاته
اخواني واخواتي في منتداي الغالي اكتب لكم و الدموع في عيني و الألم يعتصر قلبي و مو مصدقه اللي صار معي نبذه عن حياتي عمري 26 ومتزوجه من 7 سنين ونصف عندي 3 أطفال و زوجي عمره 38 من بداية الملكه ما حبيته بس ما كرهته لكن كنت حابه حالة الخطوبه يمكن لاني ملكت بدري وماعندي اي خلفيه عن الزواج و الملكه و كنت فرحانه بالشي اللي يصير بالرغم من المشاكل اللي كانت ايام خطبتي بسبب اهله وترتيبات الزواج بعد الزواج بدينا نتهاوش على اشياء سخيفه بعد شهر العسل و حتى بشهر العسل كنت ابكي وماكان يهمه اني ابكي و احيانا ماكان ينتبه اصلا اني ابكي انا رومانسيه و اعشق الاشياء الرومانسيه وهو شاطر بس بالكلام بس ما يجيب لي هدايا ابدا حتى لو طلبت منه الا ما ندر وحتى لما نسافر مع اهله مثلا اشوف دلع اخوه و اهتمامه بزوجته مع انهم متزوجين من 11 سنه ماشاء الله و المح واطلب منه شوية اهتمام بس مافيه امل ومع ان علاقتي باهله حلوه وممتازه بس دايم يحسسني اني اكره اهله و اني مقصره معاهم بصراحة اللي بينا اقدر اسميه احترام و مع الوقت عشره المشكله اللي صارت الحين اني يوم الخميس الماضي كنت راجعه من عند أهلي واهله وهو سبقني على المطار عشان يظبط الحجز عشان حجزه غير حجزي انا و الاولاد وقالي اطلعي مع اخوكي قبل الاقلاع بساعه قلت له اطلع قبل ساعه و ربع قال لا عادي وبالفعل طلعت بنفس الوقت و تاخرنا على الطريق و فجاه وصلت المطار وشفته ورمى شنطة بنتي الصغيره بوجهي و قعد يهاوش و يصرخ قدام اخوي ويقولي اني تاخرت وانه ماراح يقدر يروح معنا و بنروح لحالنا !!!!!!!!! وقالي وين مفاتيح البيت قلت له بالشنط ما توقعت اني احتاجهم لاني معاك وهاوشني قالي انا مو اعطيتك المفاتيح و قلت لك خليهم معك بصراحه انا كل هذا ساكته و ماقدرت اتكلم و ماقدرت ابكي وبس مذهوله وناظرت لخوي لقيته مختبص ومو عارف وش يسوي خاصة لما ناظرنا انا و اخوي ولقيت مجموعة شباب واقفيتن يناظروني وانا اتهزا وساعدني اخوي لحد ما ركبت الطياره وانا بحالة ذهووووووول .. قفلت جوالي وما كلمته يوم وصلت بس كلمت امي و طمنتها وهو رجع اتصل على البيت يهاوش لاني ما كلمته صراحه ساعتها انهرت وحسيت انه لو يحترمني عالاقل ما هزاني قدام الله و خلقه قمت قلت ما ابغا ارد بكيفي قالي كيفك بعينك بس احمدي ربك لو اني مو عند ناس كان وريتك قلت له احمد ربك اني ما خليت الاولاد بالمطار ورجعت عند اهلي بكرامتي وسكرت السماعه و باليل ارسلت له ( الله ياخذ الساعه اللي عرفتك فيها و اللي بسببها انهنت و قل احترامي ،، والله ياخذ عمري اللي مو راضي يخلص معك ) رد الأخ وقال ( ما احد ضربك على ايدك !!!) جا ثاني يوم الصبح و ماتكلمت معاه وهو ماحاول يتكلم معي ولاول مره من تزوجت اطلع من غرفتي وانام بغرفه لحالي بس والله مضايقه منه و كارهته وهو اصلا شايفني نفسيتي تعبانه من سفري عشان اهلي وماقدر شعوري كالعاده قولو وش الحل مرررررررررره تعبانه و حاسه حياتي معاه بدات اولى خطوات النهايه اسفه عالاطاله بس لا تطنشوني و اقل شي ادعو لي دعوه تنفعني تم تعديل العنوان ليكون بالفصحى .. |
لاحول ولاقوة الا بالله العلي العظيم
أختي الكريمه.......... لا اعرف ماذا أقول لك ... لكن هديء نفسك وكل مشكله لها حلال الله يعينك ويهديك ويهدي زوجك ... ويجعله قرة عين لك ويجعلك قرة عين له طمنينا عنك |
السلام عليكم ورحمه الله وبركاته
اختي انتي محتاجه لراحه وهدوء لوحدك وترا الدنيا ما تسوي كل هذا الزعل واضح من كلامك ان زوجك هذا طبعه ما يهتم حتى ولو بكيتي مفردك 000وماشاء الله لك 7 سنوات وما تفاهمتم مع بعض وبينكم اطفال اختي يمكن تكون في ظروف نفسيه او انك حساسه زياة عن الزوم ما عليك الا ان تتعوذي من الشيطان وتتوضئ في حال الزعل وكبري عقلك 000وربي يوفقكم ويحنن قلب زوجك لك |
اقتباس:
اشكر ردك و دعاءك جزاك الله خير |
لاحول ولاقوة الا بالله العلي العظيم
هذه مش النهاية هذه البداية استعدي>>>:25: اختي الكريمة جميعا يغضب ويغلي>>>:19: وفي هذه الساعة سبحان الله يصيب الانسان العمى >>>:cool:لايعرف مايقول ويندم لاحقا ليس دفاعا عنه<<<:18: ان معك مع الاحترام<<<<:26: المتبادل وخاصة الاماكن العامة وامام الناس لاكن اصبري اختي يومين 3 الى ماتهدى الامور والحل بالتفاهم معك والله صعبة بس مافي كرامة بين الازواج خليه وان شاء الله تنصلح الامور بس شيلي من راسك فكرة نهاية الزواج اقول ابتسمي فالحياة مستمرة ربي يسهلها:D |
اقتباس:
والله تعبت نفسيتي ،، المشكله انه هو بس كذا معي يعني يهتم بمشاعر كل الناس و خصوصا اهله بس انا لأ دايم اقوله اني اخر اهتماماتك يعني لو هالموقف صاير لاخته بيسكت ؟؟؟ مستحيل طبعا ولو امه اللي تاخرت بيعصب ؟؟؟ مستحيل جدا بس اخوي كبر راسه و سكت ياربي يقولون اللي زين مع اهله زين مع زوجته بس هذا لا ياربي ابغا نفس اهتمامه باهله يكون لي مثله مو اكثر و لا اقل يارب فرج كربتي يارب الف شكر على مرورك ودعاءك عزيزتي |
السلام عليكم ...
الله يعينك يا اختي ... هذه مشكلة الزواج بعمر صغير جدا ما في خبرة والبنت تشوف قدامها مظاهر الفرحة وما تنتبه للأمور اللي زي كذا ,,, الله يعينك ويصلح زوجك ... طيب خلي أبوك أو أخوك أو أحد له كلمة مسموعة وأحترام لدى زوجك يكلمه عن هالتصرف اللي صدر منه ... وخليه يعرف انك مش للإهانة والإحترام والتقدير لازم يكون أساس العلاقة حتى لو ما في حب على الأقل الرحمة والتفاهم .. والله يصلح حالك ... أم حمزة |
اقتباس:
انا صابره من يوم الجمعه انام لحالي و ماتغدا وما انام معاه انام بغرفه لحالي وابكي لحالي و مشتاقة لأهلي وامي قلبها زي النار علي ومو قادره اطمنها وهو مطنش و لا حتى يكلمني وبس ساكتين ما ادري لمتى ،،، طلعت روحي يارب ساعدني يارب فرج كربتي مشكوره حبيبتي الله يجزاك خير |
انتي حاولي انك تسمعين اي كلمه يقولها مثل المفتاح مثلا مثل الموعد
وبعدين حاولي انك تهدين الوضع اللي بينكم و الله يستر عليكم |
هونيها يااختي
بعض الرجال يهتممم جدااا في بعض الاوقات مثل السفر والمناسبات وغيره ويفقد اعصابه لو انحاس شي منها <<<اختك في الله مثل حالتك في الاوقات العاديه حياتنا عسل بس خل يجي سفر او عزيمه او او او على طول تنقلب الاوضاع 180درجه والحل انك تنطشيه وقت ما يعصب وتحطين باذن طينه وبالثانيه عجينه لان المشكله بتنتهي بانتهاء السبب |
اقتباس:
اهلي مستائين جدا من تصرفه بس ما ودهم يصيرون جزء من الموضوع عشان ما يكبر هو اخذ موقف مني و سوى انه الحق علي مو عليه و لاكانه غلط من عشرتي معاه اعتقد انه بسبب اني ماطمنته اول ما وصلت وبسبب رسالتي بس والله اني حاسه اني خىص بطق و بنفجر و كارهه حياتنا بهالشكل شاكره اهتممك عزيزتي جزاك الله خير |
اقتباس:
شكرا لمرورك اخي |
اقتباس:
والله انا اعرفه لما يعصب بسبب السفر او اي شي ثاني و اطنشه واعاتبه فيها بعدين بس هالمره تمادى بزياده وبالذات انه بمطار والناس تتفرج علي و قدام اخوي بصراحه ماهانت علي نفسي و انقهرت وكرهته وفقد احترامه عندي مشكوره يالغاليه على الرد و الاهتمام ادعو لي انا بحاجة ماسه لدعائكم |
الله يسخر لك زوجك ويهدي سركم
|
الله يعينك اختي
في رجال كذا ...اذا عصب ما يدري من اللي قدامة انت اذا شفتيه عصب ...بسرعة حاولي انك تهداي الموقف ...مو عشانه ..,لكن عشانك انت ..وخاصة في الاماكن العامة يعني ..بسرعة قولي له ..لا تعصب ...صلي على النبي ...لا تحرق دمك ...وحاولي انك تحطي يدك على كتفة بشكل حنون ..قولي له بسرعة انتبه احنا في مكان عام ...صدقيني راح ينطفي بركانه بعدين اختي انت يبغي لك شوية خبرة في كيفية التعامل مع الزوج من هذا النوع باين ان زوجك انسان طيب ...يعني ما قلتي انه يضربك او ما يصرف عليك او لا سمح الله انه يخونك ... اللي باين من مشكلتك انه عصبي حبتين والزوجة الشاطرة هي اللي تعرف متى وكيف تهدأ من عصبية زوجها صدقيني المشكلة صغيرة ... ولا تتوقعي انه يجي يعتذر لك ...انسي انت ارجعي غرفتك ... بدون كلام .. واجلسي كلي الوجبه معه .. خليك هادئة ..و اذا شفتيه رايق تكلمي معه انك اخذتي في خاطرك عليه بسبب اسلوبه معك و قولي له انك ما تبغي يتكرر هذا الموقف مرة ثانية والله يسعدكم |
اقتباس:
|
مســــــــــــاء الخيرات
تقولى ان هاذى اول خطوات النهايه ............مو انتى الى تقولى هذا الشيطان الى يقول لك وطبيعي لانك مقهوره من تصرفه وتعامله لاكن صدقيني وخذيها منى لو كلامك صدق ومثلا رحتى لبيت اهلك انك مابتكملى يوم ولا اثنين الا وانتى تتمنى ترجعى ولو هو بعد فكر يطلق راح يراجع نفسه اكثر من مره الطلاق مو سهل لاتفكرى به المبدء ابد كل الى بينكم ان مافيه تفاهم واحترام التواصل بينكم شكله معدوم المفروض تتناقشو بمشاكلم لان الى سواه فى المطار مو اسلوب ودليل انه مشحون منك سابقا او يمكن هو من طبيعه الناس الى ينفلعو فى الاماكن العامه والمطارات المفروض انك عارفه زوجك 7 سنوات كافيه انك تتحاشي مثل هالمواقف وهو الله يهديه المفروض يغير اسلوبه مايحتاج نقول يعترف لأن اللي بعمره صعب يعترف لوحده بعمرك انه أخطأ في حقك ( طبيعه الرجل الشرقى ) وهاذى بالذات صعب تتغير هالكبرياء موجود فيه لازم تتحمليه لاكن على الاقل يناقشك يبرر يوضح حتى لو كانت مبررات غبيه بس عالاقل يفتح مجال للنقاش معك وهنا المفروض أنتى لما تعطيه المجال تختارى عبارات مؤدبه ذكيه تحسسيه بخطأه بحبك له ...لاغلفتى العتاب بكلمات حب يصير اخف على النفس وينقبل واذا انتى من قبل حاسه اساسا بفجوه بينك وبينه بسبب فرق العمر فخلاص تتنازلى والزواج اصلا تنازلات عشان اطفالكم ولاتقولى بنفسك انه انا بس الى قاعده اتنازل لأنه مليون بالميه هو جالس يتنازل بعد عن اشياء تعتبريها انتى تافهه في نظرك او يمكن من الاصل ما لاحظتى اهميتها عنده لأنه رجل مهما حاولتى له نظره للأمور غير تحملى واصبري وحاولى تهدى الوضع هالايام ولاتحتكي معاه حتى مايزيد الطين بله وبيجي يوم يكون فيه رايق تتناقشو فيه ولازم يجي عشان عايلكم اقلها غير كذا انتى ودك يعاملك مثل ما يعامل اخواته وامه وبقيه الناس وصدقيني لو انتى تصرفتى مثل تصرفات اخته ما راح يتغير شئ لان الموضوع تراكمات المشكله مو فى شخصيتك المشكله تراكمات اكتبي فى ورقه وش الاشياء الى تسبب مشاكل بينكم وش هو يكره مع الوقت حاولى تبعدى عنها يمكن يتغير شي بعد فتره مشكلتك اتوقع يمر فيها كل المتزوجين وروحى تمشي فى المنتدى ومشاكله بتلقى زوجك ارحم كثير من غيره الله يهدى صدوركم ويصلح بالكم ويبعد عنك المشاكل يارب تحياتى لك |
اقتباس:
|
اقتباس:
الف شكر اخي الفاضل جزاك الله خير لاهتمامك و ردك |
كل الزوجات يتعرضو لمثل هذه المواقف بس لازم الصبر
ولاتتركي الفجوه تكبر والصبر يااختي الصبر ولاتنسي ان تدعي الله ان يسخره لك |
لا تلومين أخوك لانه إذا تدخل راح يكبر الموضوع
|
اقتباس:
جزاك الله خير |
اقتباس:
الله يعين بس شاكره اهتمامك و ردك |
عزيزتي الله يعينك ، هذا الزواج شقاه وتعبه اكثر من راحته
انا زوجي مثل زوجك عصبي ، لكني الحمدلله، قدرت اتفادى عصبيته معليش اسمحيلي ترى الرسالة اللي ارسلتيها قوية مرة ، زين انك ما رديتي عشان تبينين انك زعلانة بس الرسالة شينة ، اتوقع معصب من شي قبل وانتي كلتيها ؟ معليش بسأل سؤال : زوجك يدخن ؟ لأن له تأثير قوي في العصبية اذا طول ما اخذ سيجارة ، الله يعطيهم حريمته يارب ترى الرجال ما يجون بالعناد ، كل ما طال زعلك ، زاد عناده ! ، يعني انسي يجي هو يعتذر !! بس انا عندي لك فكرة ، أنا جربتها مرة ونجحت ، تنفع مع الرجال العصبيين اللي ما يعطونك فرصة توضحين وجهة نظرك او تبررين تصرفك! اكتبي له رسالة حب ، تبينين فيها مدى حبك واهتمامك فيه و انتبهي تنتقدينه ، ووضحي فيها شعورك تجاه التصرف اللي سواه ، وانك انجرحتي والشي اللي صار ما يستاهل العصبية هذي كلها، قولي مثلا انك قلبك طيب وحبيب وما يطلع منك هالتصرف ، وان هذا ينعكس عليه هو ، خاصة قدام اخوك وقدام الناس ، لانهم بينظرون له هو ، مهوب انتي ،،، حاولي انك تمتصين غضبه الله يوفقك يا رب ويسعدك وصدقيني مافيه احد مرتاح ، انا قاعدة انصحك وانا عندي مشكلة مع زوجي واحاول احلها .... بس نعين ونعاون ونستفيد من مشاكل بعض ، عسى الله لا يجيب زعل بينا وبين ازواجنا وازواج المسلمين اجمعين آمين |
فرج الله همك ..
|
الله يفرج همك ويسر امرك ويسخر زوجك لك يارب
بس الطلااااااااااااااااق يالغاليه اخر شي تفكرين فيه لانه والله مو سهل :19::19: والمشكله بسيطه ان شاء الله تنحل خلال هاليومين باذن الله:d:d لانكم دامك بيت واحد اليوم والابكرة ترضون:29::29: لانها معادله عكسيه :eek:عصب من هنا :19:بوجهك وين ماتروح من هنا :30: ارضوووووووووووا من هنا:14::14::14: هي الحياة هواش ومشاكل فرح وسعادة رضا وحزن وبالخير تلاقينها ماشيه :d |
يا حبيبتي ولا تهتمي ولا عبالك عاااااااااااااااااااااااادي
زوجي يعمل اكثر من كذا والمشكله انه ما يهتم في ناس او لاء وكان على اقل شي يعمل حفله بنص الشارع ما يهمه لكن الان والله سرت اتمسح مع الوقت فما تأخذي ببالك كثير اهم شي انتي طنشيه بس يبدأ بالشتم والكلام والصوت العالي والصراخ طنشيه واعملي نفسك مو شايفتيه انا كنت الهي نفسي ببنتي اقعد اتكلم معها وهو مولع مثل النار علشان يعرف انه الي يعملو ما يهم حد غيره الله يهديهم بس وفقك الله لكل خير في رعايه الله |
المرجو كتابة موضوع بإسمي في قسم الرسائل الخاصة للأهمية
بوركتم |
حبيبتي الله يعينك ويساعدك ان شاء الله ..
ويهدّي سرّكم ..وان شاء الله ربي يوفقكم .. وترجع الميّه لمجاريها .. والله ماني عارفه ايش اقولك .. بس الله يهدّي بينكم .. مافي بيت يخلو من المشاكل .. والله يسهل حبيبتي .. |
اختى لكم سبع سنوات بعدها صادفك هذا الموقف الوحيد منه الذى احرجك
ممكن يمر الانسان بلحظه غضب يفقد السيطره على اعصابه طنشيه بما انها اول مره ومشى حياتك طبيعى اختى الزواج يمر بمطبات كثيره والعاقله التى تستطيع ان تعديها |
الله يهدي زوجك ويسخره لكي
ياختي الرسالة اللي ارسلتيهالزوجك فيها مخالفة شرعية الرسول عليه الصلاة والسلام نهى عن سب الدهر (( لاتسبوا الدهر )) اوكما قال وانتي قلتي الله ياخذ الساعة اللي عرفتك فيها .. الرجاء الانتباه فرب كلمة اودت بصاحبها سبعين خريفا في النار |
الله يعينك حبيبتي..
يصرخ عليك في المطار .. انواع الفشلة .. هونيها واتهون حبيبتي.. وان شاء الله تتراضون عن قريب |
برأيي أخوك كان ممكن يتدخل بطريقه لطيفه..
كأن يقول له.. طول بالك ماصار شي.. هدي أعصابك.. أو مثلا بنبره حازمه يقول له شوي شوي لا تصرخ.. لأنه مهما كان ما يبغى مشاكل لكن كان مسك أعصابه وعرف إن تصرفه هذا لا يجوز.. ويحط اعتبار لأخوك.. شوفي الموضوع بصراحه يحز بالنفس.. بس إنتي طولي بالك ومايستاهل الطلاق وما الطلاق.. كلنا نمر بهالمرحله :) ومره ثانيه ما كان لازم تطلعي من غرفة نومك.. لأن رجعتك الحين جدا صعبه.. يعني كان ممكن تاخذين لك زاويه في سريرك.. طولي بالك والموضوع بيهدى من نفسه.. وطمنينا عنك إيش بيصير معك.. وفي شي حابه إني ألفت انتباهك عليه: إن لا تشغلي قلب امك عليك.. لأن حرام بتقعد متضايقه ومقهوره عليك ومو بيدها شي.. وترى والله الأمهات ما يستحملون:) الله يهدي بالك ويفرج همك يا غاليتي.. |
ياسبحان الله كأنك تتكلمين عن زوجي.بس ماتوصل انه يهزأني قدام اخوي.مايسترجي.
الرجال اغلبهم كذانفخه عالفاضي.تلاقيه زعلان من شي وحط حرته فيك. خليه لما يهدأوعاتبيه. رددي هذا الدعاءدوما (ربنا هب لنا من ازواجنا وذرياتنا قره اعين واجعلنا للمتقين اماما) الله يهديهم ويسخرهم لنا. |
ادعي الله بالفرج
الرجال هادي الايام الله المستعان بس |
اقتباس:
مشكوره غاليتي على الرد اللي ان شاء الله انه بيساعدني |
اقتباس:
|
اقتباس:
|
اقتباس:
مشكوره غاليتي على الرد وانا عارفه ان الطلاق اخر شي بس هو كرهني حتى بنفسي |
اقتباس:
|
| الساعة الآن 11:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©