|
بغير في بيتي ومالي غنى عن مشورتكم ياصاحبات الذوق
هلا أخواتي
أنا بصراحة ودي أعيد ترتيب بيتي من جديد وراح أنقل غرفة النوم من غرفة لغرفة بس قبل أنقلها أبي رايكم في لون الموكيت والستارة غرفتي لونها بيج وعلى أطرافها بني خفييييييف جدا بس بصراحة مليت من الألوان القريبة منها بيج عسلي بني أبغى لون جريء فكرت بلون بنفسجي غامق بس خفت يطلع مو حلو وأفكر بالألوان الهادية نفسي أصور لون الغرفة وأوريكم إياها بس البلوتوث عندي مايشتغل ياليت تساعدوني بأفكاركم ولو فيه صور ياسلاااااااام:22: أنتظركم سرييييعاً تم تعديل الأخطاء الإملائية |
اذا تبين ألوان جريئه
احب الاحمر مع البيج :22: واذا ألوان هاديه وردي فاتح حييييييل :15: |
مشكورة غلاتي
ماقصرتي بانتظار المزيد |
عزيزتي
بأمكانك تختاري مثل ألوان السرير لكن بطريقة أفضل وأجمل وأروع عندي لك صورتين وحدة تمثل غرف نوم مودرن(1) وحدة تمثل الأثاث الكلاسيكي(2) إن شاء الله تساعدك وإذا لقيت صور بنفس لون غرفتك إن شاء الله ماراح أبخل عليكي (1) http://www.m5zn.com/uploads/3edd5c4a9e.jpg (2) http://www.m5zn.com/uploads/1ffae92198.jpg |
تبين لون جرئ (التركواز) والله ان خطير في غرف النوم
أنا غرفتي مثلك ودخلت الفرش تركواز طلع رهيب واختي نفس الشي عندها جدار صغير في غرفتها دمجت بين التركواز والبني والبيج طلع شي رهييييييييب ومع هالالوان تقدرين ادخلين الذهبي في الاكسسوارات والاباجورة... بالتوفيق ان شاء الله |
مشكورة ياقلبي يا ana
ولون غرفتي قريب جدا من الصورة الثانية لكن مليت من البيج والبني ودرجاتهم |
حرم فلان الفلاني
تصدقين والله إنه أمس طرا في بالي هاللون بس خفت أتوهق ولاأحصل مفرش مناسب أو ستاير مناسبة وبعد زوجي كنه طارت عيونه يوم اقترحت عليه ذا اللون إن شاء الله راح أطلع هاليومين وأقولكم وش جزمت عليه |
اقتباس:
اختي مب لازم الستارة اتكون تركواز دايما الستائر والسرير والأثاث خليها بني والبني الغامق أو المحروق أحلى وأما بالنسبة للستائر خليها مدرجة يعني عندك طبقة الشيفون اختاري الشيفون البيج الفاتح المطرز شوي بالذهبي أو البني الفاتح وبعدها غمقي اشوي مو كثير في الطبقات الأعلى... وبالنسبة لهاللون التركواز دخليه في مفرش السرير المفارش الباقية واذا عندك حيطة بارزة ناديلك صباغ ماهر يدمجلك هالالوان فيها.... وزينيها بلوحة فنية بروازها يإما ذهبي أو بني بس الذهبي يعطي شكل بارز وأحلى |
وش رايك فى الاورنج والاصفر اتوقع ها اللونين دمجها مع اللون البيج والبني مقبول مثلا يكون الموكيت اورنجي وتحطي له سجادات صغيرة باللون الاصفر مع البني ممكن تلاقيها على شكل زهرة دوار الشمس مثلاً وتكون الستاير مموجه باللونين ومسكات الجوانب كمان بزهرة دوار الشمس وترمي بعض المخدات الصغيرة على السرير لها اللوان نفسها اصفر بني واورنج وتكون الاكسسوار مثل الابجورات على هيئة دوار الشمس وبجانبها شموع اورنجية على صحن بني يتخلله عروق ذهبية تحياتي |
حرم فلان الفلاني
مشكورة ياقلبي بس الدهان مالي شغل فيه لأن البت إيجار ومانقدر نتعبث فيه وبججرب أفكاركم بإذن الله |
توتا
تسلمين على الرد وفكرة دوار اشمس حلوة وغريبة بس ماأتوقع ألاقيها بسهولة |
الآن في بالي 4ألوان الأحمر على عنابي -- التركواز -- البنفسجي الغامق مع لمعة -- الزهر
أي واحد اختار شرايكم؟؟ |
الأحمر على عنابي
(من رأيي قديمة ما في شي جديد في هاللونين) التركواز (مجرب شخصيا كما ذكرت لك) البنفسجي الغامق مع لمعة (حلو وفخم بس هاللون مايريح الصبح في نظري لما تدخل أشعه الشمس الصبح الغرفة هاللونن قد يمتص الأشعه وماتنور الغرفة كثير أحسه مزعج الصبح ابحثي عن الوان تجيبلك الراحة الصبح ههههه آسفه إذا تفلسفت شوي بس حقيقة اللون البنفسجي والعنابي تنفع للعقدات والعزايم يعني الصالة او المجلس عشان كذا اتشوفين المطاعم الراقية والكافيهات هالايام تميل لهالألوان) الزهر (حلوة بس ما أعرف كيف راح تركب مع البيج يمكن ما تعجب زوجك كثير لأن رجل والرجال ما يمبلون لهالالوان) شكلي فريت راسك وتوهتك اكثر سامحيني |
أشكر لك اهتماك يامشرفتنا
بالعكس مافريتي راسي ولاشئ بإذن الله راح أصورها بعد التزيين وأنزله خصيصا لك وبتعجبك بإذن الله |
انا في الانتظار
لا شكر على واجب...على الرحب والسعه في أي وقت |
في البداية لون البنفسجي رائع بصراحة لكن لازم تشوفي مداخل الضوء في الغرفة
يعني إذا كانت الدرايش , النوافذ كبيرة... تقدرين تحطين ألوان غامقة و العكس صحيح وبما إنج تبين لون جريء نصيحتي لا تمزجين لونين بس امزجي 3-4 ألوان .. مثلا البنفسجي الغامق + الأخضر المشبع + البيج الغامق ....أو الوردي المشبع صحيح بتكون على نقشة شوي لكن حلوة ... وإذا كنت محتارة.. دوري طقم السرير اللي يعجبج .. وبعدين من ألوانه وحركاته غيري الديكور وألوانه كنت أدور على الدروس اللي تعلمناها هالكورس مصورة عن الاثاث واختيار الألوان .. لكني تذكرت إني سويت فورمات للابتوب .. يا حسافة كنت بفيدج أكثر على العموم بصراحة الناس أذواق .. شوفي زوجج شو يحب وانتي شو تحبين ونفذيه ... يمكن اللي تختاريه ما يعجبه .. لازم يكون فيه اختيار متفق منكم الاثنين بارك الله فيك ووفقك الله وأسعدك.. يارب |
مشكورة يالغلا الأمير
بس الغرفة إضاءتها مش ولابد لأنه داخلية ونافذتها على منور وماتجيها الشمس يعني أشيل البنفسجي والأحمر من راسي؟؟ مممممممممم والله احترت |
اانا اشوف انه الاخضر الاخضر اللي هو لون العشب يطلع حلو
و البرتقالي يطلع احلى و ممكن المزج |
| الساعة الآن 09:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©