|
وصلني ان هناك من يتكلم علي ، هل هذا سيؤثر علي كبنت الله يرد كيدهم يارب
السلام عليكم
احبابي في الله اتمنى جميعكم انكم بخير وصلني كلام انه هناك من يتكلم عني بسووء ومن مصدر ثقه لا اعلم كيف اتصرف لو احد بيخطب فيكم وسمعتو عن البنت كلام مشكوك فيه ماذا تفعلون بعد الله اوصيكم تدعون لي الله يخليكم ابي ربي يعصمني من كل فتنه ومن كل غلط ويرزقني الستر آمييييييين يارب |
والله يانايت مدري وش اقول
لكن مادامك تعرفين الله ... فما عليك من احد قولي : حسبنا الله ونعم الوكيل فوضت امري اليك ياربي |
نايت حيااااتي.. ربج فووق وشايف كل شي ولا راح يظلمج ابداً ابداً..
|
اخي الفاضل والعزيز والنعم بالله والنعم بالله
اللي كنت دايما اخافه واسمعه كل يصير اخو ابتلاء اكيد انا لله وانا اليه لراجعون ادعي لي اخي ينصرني ويرسل ربي انسان ما يلتفت لكلام الحاقدين ياربي ارحمني |
مرحبا...
اختي العزيزة لا تضايقي نفسك و خلي الله نصب عينيك, و أدعي بهذا الدعاء اللهم من ارادني بسؤ فأشغله في نفسه و اجعل كيده في نحره , طبعا مع التحصين بايات الله وبإذن الله لن ولم يمسك اي سؤ . ودمتم سالميـــــــــن |
أختي الفاضلة نايت
لا تدعي كلام الناس يؤثر عليك أبداً فهذا حال الناس عامة يحبون القيل والقال إلا من رحم ربي |
جزاكم الله خير اخواني واخواتي
انا حزينه لأن اعاني من تاخرزواج ولا يوجد خطاب وفوق هذا طالعين فيها وسوالف علي الله ينصرني يارب |
السلام عليكم ورحمة الله وبركاته
اقتباس:
{ يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }الحجرات6 وإياكم والقيل والقال فإنها متعبة و أثرها سيء على الإنسان اقتباس:
لم يسلم أحد من الكلام وهذا رسول الله صلى الله عليه وسلم نالوا منه.. والإنسان إذا أراد ان يخطب يسأل الكثير ومن ثم يستخير وعلى الله التدبير والله ولي التوفيق |
قولي :
حسبنا الله ونعم الوكيل فوضت امري اليك ياربي |
وعليكم السلام ورحمه الله وبركاته
ياناااااايت يالغاليه كم مرة قلتلك تاخيرك بزواج ماله دخل بالكلام الى الناس تقوله يابعد عمري انتي هذا انا الى جالسه اكلمك الحمدلله ماعندي مشاكل مع قرايبنا والا حاجه لا انا والا خواتي ومع ذلك مانخطبناااااااااااااا معناتها الناس تتكلم عننا لا والله بس هذا النصيب تاخر اشووووي ويجي بأذن الله لك ولنا بحول الله وقوته وبعدين مافي انسان بالدنيا ماتعب من كلام الناس حتى لو كان بقمه الجبال راح يتكلمون عنه خير البشر الرسول صلى الله عليه وسلم تكلموا وسبووووة الكفار واليهود ومع ذلك صبر واحتسب الاجر عند الله اصبري يالغاليه هذي الحيااااااااة صعبه يبغالها صبر يبغالها تحمل عشان نعرف نتعايش مع كل الناس على حسب شخصياتهم وبعدين رزقك ورزقي انا وخواتي وكل العالم تدرين وينه مو عند العالم الى تتكلم لا والله عند الى خلقنااااااااااااااااا ربنا يالغاليه تدرين يبغالك جلسه مع نفسك تحاولين تتصالحين معاها لانك انتي ونفسك اصلاً مو متفاهمين عندك مشاكل انتي واياااااها انسي فكرة الانتقاااااااام انسى ان قرايبك لهم يد بتدميرك او تاخر زواجك انسي كل شي وافتحي صفحه جديدة مع الله اولاً ومع نفسك ثانياً اجلس مع نفسك بغرفه لحالك تكلمي جيب ورقه وقلم اكتبي الى مو عاجبك بشخصيتك والى عاجبك حاولي تغيرين الى مو عاجبك وتمسكي بالي عاجبك فيها تقربي من الله بالنوافل كثري منها عشان ربي يحبك اكثر واكثر ان شاء الله واعرفي اذا حبك الله هالحياة شفتي وش كبرها وش كثر مشاكلها تصير عندك ماتسوى جناح بعوضه يالغاليه يانايت الحياة دار فنااااااااااااااء فانيه والله كلها رايحه والاخرة هي الدار الحقيقيه دار البقااااااااااااااااء يعني ان اسالك الان تقولين ابغى اتزوج واتزوج عشان اعرف السعادة كلنا نبغى نتزوج وكلنا نفسنا نجيب عيال بس برضووووا نفكر ان كل تاخيرة فيها خيرة الله ماخرنا للوقت هذا غير عارف وين الخيرة بحياتنا يمكن يالغاليه لو تزوجتي بدري جاك رجال سكار او راعي سوالف مو زينه وراح يعيشك بجحيم لانهايه له لكن ربي اخر زواجك عشان بالاخير تفوزين بالجائزة باذن الله وهو زوج صالح تقي نقي يحطك بعيونه ويقفل عليهم والجائزة الاكبر والاروع بأذن الله هي بكرة بالاخرة على قد صبرك وتمسكك بعفتك وسترك بالحلال تدرين الله مو غايب عن عينه سبحانه وتعالى انه يشوفك كيف قابضه على الجمر عشان متنهارين بالحرام وتنغمسين بملذات الدنيا لكن مخبيلك حاجه حلوووووووووة انتي بس انتظريها وادعي اخر الليل ربي يقربها لك بأذن الله وابشري الفرج قريب قريب جداً والكلام الى يتكلمون عنك الناس مصيرة يروح مع الايام وتنطوي صفحته مثل ماانطوت صفحات كثيرة بحياتنا ويبقى بس الشي الصح والحقيقي صح والا لا بالاخير مايصح الا الصحيح ربي يرزقك يانايت ويهدي بالك ويفرج همك ويزوجك الرجال الصالح الى يحطك فوق راسه ويعينك على الطاعه اللهم امين |
:11:
مين هنا:11: حبيبة قلبي انا هنا :11: يامرحبا يامرحبا نورك طفى الكهرباء:d:17: حبيبة قلبي انا نايتي الطعمه:) اسمعي كلامي ،، قصدي شوفي :d حبيبتي في صديقه لي من سنين انا وهي مع بعض واعرفها اكثر من اختي المهم من 7 سنوات اتخطبت لواحد من عائلتهم ورفضته لانه غير مناسب وبدأت ام الولد تفضح في البنت وتطلع كلام ماااااااااااااااااااااله داعي البنت تعرف شباب ، البنت فيها وفيها وفيها المهم صديقتي كانت كل ماتسمع كلام تجلس تبكي وتقول انا مارح احد يتزوجني بعد هذا الكلام وكنت اصبرها وهي الحمدالله مؤمنه وطول وقتها تدعي ربها وتصلي وتحتسب المهم الاسبوع اللي فات مثل هذا اليوم كان عقد قرانها اول ما ملكت صارت تبكي تبكي تبكي تبكي تقول ماني مصدقه اني بعد هذا الكلام اللي طلع علي اتزوج واحد احسن الرجل وماشاء الله تبارك الله الله يوفقها ويتمم عليها وعقبالك يارب وعقبال بقية البنات يارب صدقيني يانايتي انت حافظي على نفسك وماعليك من كلام الناس ولا تبرئي نفسك ولاشي طنشيهم اعتصمي بحبل الله والله يحفظك بما حفظ به السموات والارض وربي كريم بيرزقك الزوج الصالح اللي يخاف الله فيك ويسعدك ويصونك وينسيك اللي فات كله توكلي على الله ياعمري وقرب الفرج بس ارجوك التفااااااااااااااااااااااااااائل والتوكل على الله الله ينور بصيرتك ويشرح صدرك ويسخرلك من في السموات والارض ويكفيك شر من اراد بك شرا ويكفيك شر الحاسدين وشر شياطين الجن والانس والله الواحد الاحد يفتح لك ابواب رحمة وينصرك على من ظلمك ويريح بالك ويفرج همك ويرزقك ربي الزوج الصالح الهين اللين الدين الحليم الكريم الحنون العطوف السخي المرفوع ذكره بالسموات والارض العاشق لله ورسوله ويرزقك منه الذرية الصالحه الباره |
اقتباس:
اختي الكريمة انا اشوف رد الاخت غموض السنين السابق وافي وكامل والاخت الكريمة لم تتزوج مثلك والاخوات اللاتي لم يتزوجن كثير وانظري من حولك وانت تعرفين . والامر المهم الذي اود ان اضيفه هو احفظي الله يحفظك وهذه وصية المصطفى صلى الله عليه وسلم فهي وصية عظيمة جدا تامليها ثم طبقيها . واسال الله ان يوفقك لابن الحلال الصالح الذي يكون سبب لسعادتك في الدارين اللهم آمين آمين آمين |
أختي
أن كانوا كاذبين فأتركيهم للعدل الجبار المنتقم أن كانوا صادقين فأتقي مواطن الشبهات و أصنعي لنفسك حياة جديدة واضحة كوضوح الشمس أمام الناس |
عزيزتي نايت اسئل الله رب العرش العظيم ان موضوع الثاني تنزلينه ببشاره تقول انخطبت وتملكت يارب من كل قلبي ادعيلك
انتي مصيبتك ان الناس تحكي عنك انا مصيبتي اشد الناس تحكي بسوء عني وعن اهلي واخواني واخواتي احنى عندهم مثل مرتكب الكبائر لكن ما ننسى ان نتحسب عليهم وندعي عليهم ان ربي يشغلهم في انفسهم ومصايبهم تصبري يا عزيزتي وما بعد الضيق الا الفرج |
| الساعة الآن 05:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©