شوفوا افعال زوجها وافيدوني..
 

السلام عليكم

وحده من قريباتي زوجها يكلم بنااات لدرجه انه احيانا يواعدهم بسوق او باي مكان المهم هي اكتشفت انه يكلم وحده من قبل كم سنه وزعلت وراحت لاهلها المهم زوجها مااقدر يصبر عنهاووعدها انه ماراح يكلم مره ثانيه لكنه ماوفى بوعده مره سمعته يكلم وتهاوشت هي واياه لكن مافاد قالت باصبر عليه يمكن ربي يهديه المهم من قبل كم يوم اكتشفت انه يشرب خمر تخيلوا وقالتله وقال هذا مو خمر هذا يسمونه عبيله المهم هي تقول اني اشم ريحته واخر الليل يسوي حركات غريبه والحين هي عند اهلها لها شهر وعندها منه بنتين والحين حامل وزوجها ولا فكر يراضيها مسوي نفسه زعلان لانها فضحته قدام اهلها وقدام اهله حاولت تراضيه برسايل جوال بس مارد عليها وبناته ياخذهم يمشيهم من فتره لفتره ... حبيت اخذ ارائكم لاني محتاره مدري وش اقولها تقعد عند اهلها والا ترجع لبيتها ...

المفروض انها تستر عليه لكن مادام الاهل عرفو خلاص اذا كلها زعل كم شهر ويعود

هذا زوجها يعني لا زم تستر عليه

على الاقل هذا ياخذ بناته بين فتره وفتره ويمشيهم يعني حاس ان عنده عيال

وانا متاكد جدا انه يموت في زوجته ولا يقدر يتخلى عنها بس قال اتركها شهر ول
ا
اثنين وبعدين ارجعها

فيه ناس اذا تهاوش هو وزوجته يوديها عند اهلها ولايسئل عن بناته

على عكس الرجال يمر بين فتره وفتره ويمشيهم

الله يهديه ويخليهم لبعض وبعدين ها لمشكلة ولا شي امام المشاكل العائلية الي نفرا عنها

الله الله بنفسها وتفكر في كلام (اخو الكل)

قولي لها تعود لزوجها لانه سالفتهم تنحل بينهم وبيلقون حل لاني متاكد انه مافيه
امل تتخلى عنه وهو زيها

مايعيش بدونها لان مالهم الابعض والله يوفقهم .........

رأي من راي اخواني اللي ردوا قبلي

مو معقول كل مشكلة تشيل اغراضها وتروح بيت اهلها

صحيح اللي سواه شي خطير (شرب المسكر) لكن ليس هكذا تورد الابل

الان بما انها راحت بيت اهلها ...وبما ان اهلها عرفوا المشكلة

فليكم واحد من اخوانها او ابوها ...ويكون الكلام بينهم بشكل هادئ

ويشرطون عليه ان يترك هذه الافعال الحرام

ويطلبون من ابنتهم ان لا تستعجل بتركها البيت

خاصة انها الان هي اللي تحاول انها ترضي زوجها بدل ما هو اللي يحاول يراضيها و يندم على فعلته

والله يهدي الجميع

اختى اخواتى لم يقصروا معك بشئ وكلمهم صحيح مئه بالمئه خليها ترجع الافضل انها تاخذ بايديه ولا تتركه وتعينه على ترك المعاصى فما ادرها بما هو فاعل الان لوحده تخلى الشيطان بجانبه يحلل له المعاصى الحقيه قبل فوات الاوان

طيب انا معك قريبتي سترت عليه سنه كامله ولا تركه وبعدين وش المفروض تسوي مو المفروض تعلم اهلها او اهله عشان يتدخلون وينصحونه وبالنسبه لكلامك ان المشكله هذي مو شئ فانتي غلطانه مع احترامي لرايك كيف تكون مو شئ وشرب الخمر من كبائر الذنوب وهذا شئ مو هين ... الف شكر على مرورك

بالعكس انا مااقتنعت بردود الاخوه مع احترامي الشديد لهم لكني أأيدك في تدخل الاهل ونصحه وفعلا الاهل نصحوه بس لحد الان ماصار شئ... مشكوووره اختي

الف شكر اختي شهيرا على مرورك بس تخيلي هو عنده بنتين الكبيره عمرها 8 سنوات والصغيره 4 سنوات ومره من المرات اللي جاء يمشيهم فيها قالتله البنت الصغيره بابا بتتزوج امي <<( يعني بترجعها) قال لا منيب متزوجها <<( بالله عليكم هذا رد لبنت عمرها 4 سنوات ) ونفس الشئ الكبيره مره من المرات قالتله بابا امي بترجع الاسبوع الجاي ( طبعا من نفسها قالت الكلام هذا يعني مو توصيه من امها) قال مو على كيفها ................... وتقولون خلليها ترجع لا والله تقعد ببيت اهلها ابركلها ولاتهين نفسها

دام الموضوع وصل لشرب المسكر فالأفضل عدم العودة له حتى يتوب من ذلك لأن الخمر أم الخبائث فكيف تأمن على نفسها وبناتها معه في حال سكرة

بصراحه هذا الرد من أفضل الردود مع إحترامي للبقيه

اخي كلامك مضبووووط مئه بالمئه والف شكر على المرور.......

خيتو دانه وانا بعد اشوف انه من الافضل انها ماترجع الا فحال تركه للمسكر خاصة انه متكبر وشايف نفسه بس ماودي اخرب بيتها واقولها تقعد عند اهلها ومشكوووووره حبيبتي على المرور

لاحووووووووووووووووووووول ولا قواه لابالله يانااااااااس يارجاجيييييييييل هاذا حاااااااااال تسعين بالمئه منكم
الخياانه بدمكم
ابصم بالعشره ان كل الرجاجيل يخونون حريمهم وهااااذا حالنا مساكين نصبر على خيانتكم لين يضيع العمر بس والله العضيم انو احنا صابرين عشااااان اطفالنا

مساء النور
اختي الغالية مياااااااا
الصراحة انا اشوف انو راي اختي الاسطورة طيب وتمام المفروض تستر عليه
بس انو افضل شئ لازم تعمله دحين انو تحاول ترجع بيتها مو عشان شي عشان زوجها واطفالها
يعني مهما يكن دا يفضل بيت زوجها اللي من حقها عليه واللي راح يدخلها الجنة عشان كدا خليها تستهدي بالله وترجع بيتها وتحاول بقدر الامكان انها تتناقش مع زوجها باسلوب جميل ولطيف وتفهم منو الموضوع كلو ويحاولو هما باسلوبهم يصلحو ما بينهم من غير ما تدخل احد من العائلة يكون بينها وبينو والله يارب ييسرلهم امرهم ويرجعها لزوجها سالمة غانمة سعيدة مبسوطة وراضيه والله الموفق ..

حبيبتي لغة الزهور اصابع يدك مو وحده بالعكس فيه رجاجيل تحطينهم على الجرح يبرى , والف شكر حبيبتي على المرووور...

اختي الغاليه انا قلت لكم سابقا انها سترت عليه سنه ولا تاب مو المفروض الاهل يتدخلون ومثل ماقلتي هي وزوجها يصطفلون .. انا بصراحه زوجها قاهرني وانا لو منها اطلب الطلاق لكن ماودي اخرب بيتها بس ماراح اقولها ترجع,,, تبغى ترجع ترجع من نفسها عشان اذا صار شئ مايحطون المسؤؤليه علي والف شكر حبيبتي

الله يعينها على ماابتلبت به ويصبرها ويرده لها ردا جميلا

السلام عليكم ورحمة الله وبركاته
هو كل لما يطلع الراجل بره نقول العيب في ا لزوجة
على فكرة في رجال ما يعتبروا النظر ومكالمة الفتيات خيانة لزوجاتهم بل يعتبرونها نوع من التسلية
او ................ والله ما اعرف كيف بيفكروا
لكن في النهاية على قريبتك ان تعود لزوجها
وباين عليه فيه خير والله يهديه

الف شكر لك اختي ورده .. الله يسمع منك حبيبتي ...

(هو ك لما يطلع الراجل بره نقول العيب في ا لزوجة )<< مافهمت

الله يهدي النفوس ومشكور على المرور

شلون تزعل عليه بعدين تراضيه
اذا زعلت لاازم تكون قدها لكن شكل قريبتج تحب زوجها
وهذا الشي هو اللي خلاه يتركها شهر ولا يسأل لانه درا انها ميته فيه
الله يصلح حالهم

قريبتي انا اعرفها خبله ومخفه وماتقدر على زعله وتحبه وتموت فيه لكن هو شايف روحه على وشو مادري ... الف شكر على المرور

الله يكون بعونها انامن رأيي ماترجع له لأنها لو رجعت من حاله راح يتمادى وراح يهينها اكثر الا بحال اذا تاب وحافظ على نفسه وبناته وخاصه انه مجروح منه الله يهدي سرهم

خليها تادبه ويعرف قدرها

انا اأيدك ومعك حق في كل كلمه قلت(ي) ــها لكني تعبت وانا اقولها اسفيه بس على ماقالوا هذا ابو عيالها وكل شئ عشان الاطفال يهون... الف شكر لك

الظاهر انه هو اللي بيأدبها... جوزيت خيرا

الاختلاف في الراي لايفسد للود قضيه ...عشان مااظلم زوجها انا ماقلت انه يزني انا قلت يكلم بنات واحيانا يتواعد معهم بسوق او باي مكان والله يهديه ويحنن قلبه على زوجته .... ومشكور على المرور

حبيبتي مياااااااااا المشكله كبيره وليست بهينه ويجب فيها التأني والعقلانيه إذا كان علي كلام البنات بالرغم إنه غيرمقبول لكن يمكن السيطره عليه أو على الأقل يمكن حله مع الأيام والتغاضي عن الخطأ السابق في سبيل العشره والأطفال أما عن شرب الخمر فهو لابد له من وقفه كبييييييييييييييييره لأنه أدخل نفسه في دائره الشيطان ونعوذ بالله من الشيطان في ومن همزه ولمزه أن يحضرون وليس من الضروري أن يكون هذا الشيطان من الإنس ممكن يكون جدا أح من أصدقائه من هو وراء هذه الأفعال ومشجعه عليها وأريد أن أسأل كيف تزوجته أصلا وكانت على درايه بأفعاله هذه قبل الزاج هل على أمل أن يتغير ما علينا هل تمادى في أفعله هذه منذ أن تزوجها أم إنها طرأت عليه وأخيرا لست أرى غير أنها لا بد أن تظل ثابته على موقفها لكي يدرك مدى خطأه ويحاول أن يصلح من نفسه إلا ولم تركت له البيت أصلا وعليها بالدعاء لهدايدته والإستخاره وأدعو الله لها أن يهدي زوجها إلي طريق الهدايه والبعد عن الشيطان وأن يؤلف بين قلوبهم ويحنن قلبه عليها وبناتها وبيهم ويردهم لبعض ردا جميلا وطمنينا على أخبارهم والله الموفق وأعانك دائما علي فعل الخيرات ورزقكي الله من حيث لا تحتسبي الذريه الصالحه الباره وحفظ عليكي زوجك

عزيزتي الست العاقلة ما تفشي اسرار اهلها او اخوانها عند زوجها ونفس الشئ لا تفشي اسرار او عيوب زوجها خارج بيتهم


لربما تسرعت كانت ممكن تلعب على هاي النقطة وتهدده انها بتفضحه اذا ما تاب عن اللي هو فيه (والتهديد هون بحسن نية يعني هي ما مفروض تفضحه لكن تسويها حركة لتساعده يتوب ويتراجع عن خطاياه)


الله ييسر لها و يصلح حالهم

اختي مشاميشو كلامك منطقي جدا وبالنسبه للخطا الاول فقريبتي تغاضت عنه لانها اعتادت على ذلك بالرغم من انه اهانه لها ولكن تجري الرياح بما لاتشتهي السفن اما بالنسبه للخطا الثاني وهو شرب المسكر فانا ارى انه وكما يقال بالعاميه ( اللي عقله براسه يعرف خلاصه) وزوج قريبتي ليس في سن المراهقه حتى نقول ان رفاق السوء من ساعدوه على تلك الفعله وبالنسبه لسؤالك ( هل كانت على درايه بافعاله ) ؟ لا لم تكن تعرف بانه يفعل ذلك وعلى فكره هو ابن خالتها
اما سؤالك الثاني فانا ارد عليكي بجمله بسيطه ( من اعتاد على شئ عاد عليه ) هذا بالنسبه لمكالماته اما شرب الخمر فاعتقد انه لم يبدا بشربه الا منذ سنه تقريبا

اما بالنسبه لرايك فانا معك وارى انه راي سديد وموفق وفقك الله ويسر لك امرك ... مشكووووره حبيبتي

الف شكر على مرورك واتمنى ان تقرأي ردودي على الاخوه

استغفر الله انتم كذا ذئما المراءه تتحمل وتصبر وتستر
الى متى الى ان تصير كلها امراااض واوجاااع وبعدين يروح يدور غيرهاااااا
حسبى الله ونعم الوكيل

بهذي صدقتي حبيبتي ولو الحرمه سوت اللي سواه زوج قريبتي كان قوموا الدنيا وقعدوها ( طبعا مو الكل ) يحسبون الشئ هذا حلال عليهم وحرام على غيرهم .. مشكوووره اختي

أنا أشوف ( و ما أحط شئ على ذمتي ) لو إنها رجعت له دحين

فراح يزداد و ما راح يوقفه شئ

خلي أحد من الأهل يتكلم معه بما إنه الموضوع وصل لهم

لا ماراح ترجع الحين خصوصا انه قال خلوها تجي مع السواق شوفوا الاهانه يطردها وبعدين يقول تجي مع السواق فعلا( اصحاب العقول بنعمه ) .. الف شكر على المرور