|
لو انتي مكاني بتزعلين؟؟؟؟؟
السلام عليكم ورحمة الله وبركاته
ابدخل بالموضوع سيده انا جبت ولد والحمد الله باتم الصحه والعافيه بس انه اسمر وابوه اسمر وانا فاتحه واهلي بعد المهم زوجي واهله انواع الازعاج اسمر اسمر وعيارات وشين ومدري ايش مع اني لما اروح فيه برا كثييييييييير ناس ينجنون عليه ويقولون مرررره حلو وانا داااايم ارقع لهم وامشي لانها سخافه انو الواحد يعلق عالموضوع كثير وكان اذا احد قاللي يشبه مين اقول يشبه ابوه يزعلون تخيلو صرت والله اخاف اقولها ومن يومين زوجي طلع ند امه وشايله بنت اخوه وقعد يقول ماشالله متشبه اخوي طالعه على امها واهل امه انا اولا انقهرت لانه يتكلم عن امها كذا مع انها ابدا مو لهالدرجه ثاني شي بعدها قال والله انا اللي خايف اجيب بنت سودا وهو معجب بنفسه بس قصده السواد مني ومن اهلي انا سكت وبعدين كلمته الموضوع قلتله كان تزوجت وحده تجيبلك عيال بيضان ليش تزوجتني والله جرحني وهذا ولده مفروض ميتكلم عنه كذا وبالذات قدام امه لانها دايم تتكلم زيه انا طفشت منه قسما بالله ومن كلامه الدفش بالله شرايكم |
كبري عقلك يالغالية ،، طنشي ولاكأنك تسمعين
بعدين بيستحون على دمهم ويخلون سخافاتهم .. وإذا كان بخاطرك تردين قولي: أهم شي الصحة والعافية هذا أبوه أسمر وماضره شي :d |
الله يكون بعونك
احكي له ان الناس راح تظل تردد اقواله وما راح تنساها وكمان سنين راح يتندم لانه راح يعقد اولاده |
طنشي يا اختي
قولي لهم ...ولدي واللي هو لونه انا فدية بعمري وربي يخليه لكم |
اموت فى السمر
ربنا يخليهولك :22: |
حبيبتي ... اولا الف مبروك و ربي يحفظه و يخليه لكم و يجعله من الذرية الصالحة
سبحان الله البيبي يتغير و كلما كبر راح يفتح لونه و راح تشوفي اختي الوسطى لما انولدت .. والله والله تخوف سمراااااااا بشكل فظييع و عيونها صينية و فطسه رغم ان العيلة كلها بيض و عاديين .. الوالد ماكان يشوفها .. نفر منها اول فترة و جدتي االله يرحمها كانت تقول لامي .. من وين جبتيها .. ليكونوا بدلوها بالمستشفى :) بس سبحان الله كل يوم يمر كانت تحلى و تفتح تعالي شوفيها الان عمرها 17 و ماشاء الله تبارك الله احلانا و اجمل وحدة في الاسرة كلها و كثيير من صديقاتي ماشاء الله اوادهم لما انولدوا كانو مرة غامقين و ملامحهم مش حلوة والحين ماشاء الله اقمار حبيبتي اذا اتكلم زوجك او علق قولي له .. احمد الله على هذه النعمة اللي ما يدري عنها الا اللي ما عنده اطفال ... روح شوف كم ناس قاعدين بالسنين يتمنون و يدعون الله عشان بس طفل و مايهمهم لا لونه و لا جنسه .. المهم طفل يحسسهم بنعمة الامومة و الابوة .. شوف كم ناس يصرفوا الملايين عشان يتعالجوا للانجاب ..وربي ما اراد لهم و انت جالس تتشرط و تتامر بدل ما تحمد الله على هذا الملاك كفاية انه عندنا ولد يحمل اسمك من بعدك كفاية انه تام الخلقة و معافى ربي يحفظه.. و الانسان بالنهاية مش ابيض و لا اسمر .. طويل و لا قصير اهم شي تربيه التربية الصالحة و بعدين هذه جينات ... يعني ابوه اسمر و يش بيطلع هو ؟؟؟ و ان كان على حماتك .. ا قولي لها على راي المثل جابو الولد و قلبوه .. طلع شبه ابوه :) :) و الناس طنشيهم ... ابنك عندك بالدنيا و لا لا؟؟ صدقيني اللي بيعطي اذنه للناس .. بينجن خالتي ماشاء الله مرة بيضاء و زوجها اسمر وولدها طلع ابيض ماشاء الله مثل الاجانب عارفة في ناس بدأو يتكلموا عليها و العياذ بالله ليش انه ابيض ما نقذها الا ان ملامح الولد مثل ابوه و لا كانت راحت فيها مسكينة .. الناس مالهم الا الكلام .. خذي ابنك بحضنك و طنشي الله يحفظ لك ابنك و يخليه لك و يجعله من الذرية الصالحة |
ياقلبي انتي
معك حق طبعا تتضايقي من الموضوع وما احد يلومك بس انا لو منك قولي اشوا انه ولد و جا اسمر على ابوه ان شاء الله البنت تجي علي :25: والله يحفظ لك ابنك ان شاء الله |
غريب زوجك
ولده طالع يشبه له و ينكر عادي لو أحد من أهله سألك الولد طالع لمين أو يشبه مين قولي لهم طالع لولدكم لا السمار مهم ولا البياض يهم أهم شئ يكون الولد بصحة وعافية الله يحفظه لكم |
والله حبيبتي هكذا قالو عن ابنتي والمشكله انه مالها دخل بأهلي وغصب يبوها تشبهم كل الي يشوفها يعرف انها بنت زوجي قبل ما يعرف بنت مين هي تصدقي
هو بيني وبينك شي يقهر لكن طنشي وقولي لهم هذا خلق الله لو بيدي كان خليته يشبهني علشان يطلع ابيض:o وترى الاسمر يا اختي بس يكبر يطلع يجننننننننن انا كانو اخوات زوجي يقولو لبنتي شنعه شو رأيك بهذا الجمله لكن طنشتهم وخليتهم يقولو الي يبوه فما تهتمي لهم ولكلامهم الناس الي كذا اصلا يكونو مقهورين من البيبي علشان كذا يجلسو يطلعو عيب في رعايه الله |
السلام عليكم...
أختي ذكريهم بنعمة الله عليهم .. ولو انه جاء أبيض لكن لا قدر الله معاق وإلا مريض بيفرحون؟؟!! والله يخليه لكم ... أم حمزة |
ادري يالغالية شي يعور القلب ويرفع الضغط .. بس صدقيني يقولون هالكلام من قهرهم .. لان الكلام على كلامك واضح وضو الشمس ويبين ان السمار جاي منهم .. كل مايقولون هالكلام .. اضحكي وحسسيهم بان كلامهم غلط من ضحكتك .. يبون يقهرونك شكلهم ..
|
حبيبتي والله كلنا حاسين فيك بس انت اوزنيها بعقلك هما مستحيل يشوفون عيوبهم و النقص اللي فيهم بس انت لاتزعلين طول مانه الولد بصحه وعافيه ها اهم شي وربي يجعله من مواليد السعاده عليك وينور دربك يارب
|
شوفي طنشي أنا حاسه فيك
لأن اهل امي كلهم بيض معضمهم ولدي يجنن كل من يشوفه يقول ما شاء الله من طالع عليه بس من ادخل عند اهل امي على طول يالأسمراني يالي طالع على ابوك وضحك انا اتضايق بس اطنش |
والله اني حاليااعاني نفس مشكلتك.ولدي الكبيرماشاءالله ابيض بالمره وملامحه نفس ملامح زوجي(ابوه)بس بالبياض طالع لي( وحده فرحانه في نفسها)وسماه زوجي على اسم ابوه وبينجنون عليه عشانه على اسم ابوهم.وولدي الثاني عمره اربعه شهورسميته باسم بابي ويشبه اخواتي بشكل كبيرلكنه اسمرهوسماره عادي حتى ماتسمينه سمارلكن بالنسبه لأخوه الكبيرلأنه ابيض مع ان كل من شافه يقول ملامحه احسن من اخوه.لكن تعالي عنداهل زوجي يعايرون انه اسمر انقهر قبل كنت اسكت لكن الحين ماأتحمل اردعليهم.لأنهم مقهورين عشان سميته بسم ابوي.
لكن وش تقولين على العقليات المتخلفه. |
ما شاء الله الأخوات ما قصروا..أختي لا تتضايقي حاولي تطنشي..بعدين الأطفال بتغيروا كثييير لما يكبروا :)
اقتباس:
|
أى حد يقول لك حاجه تانى ردى عليهم :
على ماذا تتأمزون .. الخلق أم الخالق؟؟ و سبحان الله اقتباس:
اقتباس:
|
اختي لا تسمعي لكلامهم وقولي لزوجك احمد الله على النعمة اللي انت فيها والله في ناس تتمنى ولد او بنت يملى عليهم البيت
|
اقتباس:
تسلمي حبيبتي اجنحه الامل عيونك الحلوين شفتي يا سردينه ما تصدقي احد اكيد غيرانين علشان كذا يعلقو في رعايه الله |
الحمد لله على سلامتج بعد الزحمة ^.^ ويتربى بعزكم إن شاء الله ..
اهو صج كلام يزعل وخصوصاً إذا جى من ابوه وام الأب ولكن انتي لو فكرتي فيها شووية,, بتلاقينهم ما عندهم سالفة (سوري على الكلمة) ^.^ بس صج شي غريب !! هذا بدل ما يحمد ربه كل لحظة الف مرة إن الله عطاه ولد الحلال وبكامل صحته ويحمد ربه انج قمتي بالسلامة .. ابيض وإلا اسود ,, كلها سوالف بتنتهي مع الوقت .. وملامح الطفل تتغير واايد كل فترة اصغيرة ,, مثل ما قالو العضوات قبلي وبتلاقينه جدام عينج ان شاء الله يكبر ويحلوو .. مع إني متأكدهـ إنه قمر فديته وصاار خاطري ارصع خدودهـ بعد ^.^ وبعدين الريااال الأسمر يمدحوونه على فكره ! |
بنتي الكبيره سمرا طالعه على ابوها (الله يحفظه)من كثر كلام الناس واسالتهم البنت اتعقدت من لونها
رغم ان ملامحها تجنن وشعرها رائع بس الناس دائم تنظر من زاويه واحده ما لقيوا شئ يتسلوا فيه واحيانا اذا انقهرت منهم اقول فى قلبي الله يبلاكم بلذي ذميتوه عشان تعرفو ان هذا الشئ بيد الله سبحانه وتعالى |
خواني واخواتي
سجال تعبت من كثر ماكبر عقلي والله بس على فكره كلمتك هذي دااايم اقولها بس متاثر فيهم ومشكوره fafiوانا بجد افديه بعمري الله يخليك تسلمين عالرد الابنوسه السودا فعلا لاني انا خايفه من هالاشياء واكثر شي اخاف ليتعقد الحين عمره سنتين وبدى يفهم وتسلمين nooraانا عارفه حالة خالتك الله يعينها وبالنسبه لولدي فتح لونه مرررره الحين صار عادي بس هم مستمرين وتسلمين يالغلا فوفو الله يخليك يافوفو ويحفظلك بنتك يارب شكلك من جد حاسه فيني ودامها كذا بخطبها لولدي كم عمرها احلى الايام هذي كلمت امي الولد على ابوه والبنت تجي عليك انشالله مع اني عن نفسي احب السمر والله بالذات اذا جت ملامحهم حلوه ام_حمزه دائما اقولهم هالاكلام ويتهموني اني معصبه وانهم يمزحون بس الله المستعان وتسلمين المصريه الله يخليك ياعسلللللللل فرح عيييين العقل وانا كذا تفكيري بس انا طفشت ضغغغغغط معنوي ومشكوووره حبيبتي وداد انا عارفه انهم يبون يقهروني بس الله يبلاهم باللي تهزو فيه انشالله مها الله يجزاك الف خير وتسلمين يعمري ندى ام سعد الله يعينك وانا زيك اتضايق واكتم بس افضفض هنا هههههه فوز البكري الله يعينك وفعلا لايشعر بالمشكله الا اللي تحصلله والله يخليهم لك منت عاجبني هههههههه والله انك عسلللل ومن يوم قريت اللاسم عرفت انك عسل الفادي الله يخليك تسلممممم عالمرووور serenaانا لما اقولهم كذا يقلبونها علي ويقولون احنا نمزح وانتي معصبه وهم بااااين ان هذا تفكير هم مو مزح wings_of_hopeا انا مطنشه بس الضغط يولد الانفجاااااار الفارسه جوري الله يخلي لك هالبنت والله اني اموت عالبنات اللي زي كذا وتسلموووون جميعا عالمرووور والله يخليكم لي |
اذا حد قال لك كذه قولي له لا اعتراض على خلقت ربنا واذا الواحد بيرفض رزقه ما بيربح
قولي الحمد لله ناس محرومه من الانجاب وطنشي ربي يحفظة لك . |
والله يا اختي انتي مكبرة الموضوع
قولي له عاجبني يجننن واللي مش عاجبه يجيب احلى منه |
عندك حق انك تزعلي بس ما تضايقيش من كلامهم قوليلهم الانسان مش بالشكل بل باخلاقه و دينه
و ادعي ربنا يحفظهولك و يديه الصحة و العافية و يجعله صالحا هو ده المهم و الاساس |
عادي حبيبتي
انا بنتي اول ماولدتها بيضاااااااااااااااء بس كل ماتكبر تسمر شويه لكن عندي اولاد اخواني اصغر من بنتي لما انولدوا سمررررررررررررررررررر..والحين كبروا ماشاء الله عليهم ايش بياض الله يحفظهم |
و الله يا أختي أنا مثلك جبت ولد و ما بنادونه إلا يا أسود و أنا اتضايق كثييييييييييييير بس الشكوى لله
|
يعني ما يعرف ان ولده يشبهه
|
السلام عليكم ...
أختي الكريمه الاخوان والاخوات ماقصروا... والحمدلله أهم شي السلامه والخلقه التامه... بس بقول لك شي انا عندي بنتين الكبيره تشبه أختي سمرا ومدبدبه... وفي عيون اهلي ملكة جمال الكون لما جات الثانيه بياضها ثلج ماشاء الله على أمها(اخوك اسمراني) وتحولوا صاروا يقولون قدام زوجتي ماشاء الله عليها ست البنات بياضها يجنن.... وطبعا البياض نسبوه للوالده الله يحفظها... نسوا يمكن أن أمها بيضاء... واذا رجعنا لبنتي الكبيره اذا قالوا حلوه يقولون تشبه عمتها وملامحها كلها أمها بس انها مو سمرا لا بس مو ببياض اختها وامها ... يعني اللي ابيك تفهميه أن شوفي اهلي والله لايحرمني منه نفس الطريقه البنت لاصارت حلوه عليهم.. واذا بيدورون فيها عيب قالوا طالعه على أمها... أنا طبعا ملاحظ هذا الشئ من زمان لكني مستغرب انا ابوها وهذول اهلي وانقهر وأمها ولا ترد وان ردت تقول اي ماشاء الله طالعه تجنن على عمتها؟؟؟؟؟؟؟ أحسها تنقهر بس ماعلقت أبدا ... يمكن ماتبي تلفت نظر أحد أنها حاطه كلامهم في بالها ... بس طول الوقت ماشاء الله وتبارك الله وتقرأ عليهم وتحصنهم.. أدري أنه ضغط نفسي لكن اذا خايفه الولد يتعقد لا تركزين على الموضوع بالذات بوجوده ... والله ان اعرف ناس لهم عشر وعشرين سنه وربي مااطعمهم هذي نعمه من الله تعالى والاطفال ملائكه اهتمي بولدك وبنفسك عشان يتربى احسن تربيه وش الفايده لو طلع ملك جمال وكبر و طلع لاسمح الله اخلاقه تعبانه... الجمال جمال الروح والاخلاق العاليه... الله يحفظ لك ولدك ويجعله من الصالحين واولاد المسلمي اعذروني على الاطاله |
ياختي خذيها بمزحة... صح الموضوع ينرفز الواحد...
لكن إذا لقوا تطنيش... راح يملوا..... وذكري زوجك أنه يحمد ربه عنده ولد .... نااااس كثييييير يجرون من مستشفى للثاني ويدفعون الآلاف عشان يجيهم طفل.... يحمد ربه إن عنده طفل سليم معافى.... وذكريهم بالمثل............ من شابه أباه فما ظلم........... والبنت تجي عليك إن شاء الله............... الله يصلح لك ذريتك ويرزقك برهم وصلاحهم.... ويجعلهم أهل شأن في الدين والدنيا..... :) :) :) |
| الساعة الآن 04:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©