|
لماذا يرفض الفتيات الزواج من مبتعث؟
السلام عليكم
هلااااااااااااااا وسهلااااااااااااااااااااا بجميع الأخوات و أرجو من الجميع المشاركة و إسداء النصح لأن لي فترة وأنا نفسيتي تعبانه مرة . أنا شاب تخرجت من الجامعة بمعدل عالي والله الحمد وتعينت معيد في الكلية ومن المعروف ان الي يتعين معيد لازم يكمل ماستر ودكتوراة وهذا طموحي منذ الصغر قالت لي الوالدة ياوليدي لازم نخطبلك قبل متسافر لبريطانيا قلت شورك وهداية الله فعلاً بدأت أخذ الموضوع بشكل جدي جلست مع أحد الأصدقاء المقربين مني وذكرت له موضوع الخطبية قالي زوجتك عندي .قال عندي بنت ولد عمي حلوه وشياكة وطموحة و عاقلة قريبة من عمرك ( عمري 26 ) قلت توكل على الله دقت الوالدة عليهم رحبو فيني زرت أبو البنت قالي عطيتك أنا الصراحة تقطعت من شدة الفرحة وستمرت الخطبة 6 اشهر وتفقت مع أبو البنت اني أبغى أروح لبريطانيا لمدة 5 شهور ثم أرجع قالي مافيه أي مشكلة اتصلت عليهم قبل كم يوم قلت أبغى أوادعهم قبل ما أمشي الأمور تمام دقت أم البنت على الوالدة قالت ابغي اعلمكم بكم شغلة ترى بنتي مدلعة مرررررررررة وأبوها تاركها على كيفها وتسافر مع بنات خالتها برا البلاد لوحدهن وترى إذا راحت لبريطانيا لازم تكشف وجهها ؟؟؟؟؟؟؟؟؟؟؟؟ أنا الصراحة أنصدمت خاطب لمدة 6 شهور وماقالت إلا في الحظات الأخيرة قلت للوالدة قولي لأمها الله يرزقها ولد الحلال الي يسعدها . قالت لي الوالدة الحمدالله أننا عرفنا البنت قبل مانتورط معاهم وقالت لي ألف وحدة تتمناك وعندي لك وحدة حلوة وسنعة وبنت حموله قلت موافق دقت عليهم أمس وطلبت يد البنت دقت أم البنت اليوم وقالت إن البنت ماتفكر في الزواج علماًان عمر البنت 24 ومع ذلك ماتفكرفي الزواج؟؟؟؟؟؟؟؟؟؟؟؟ أن صراحة منقهر من ذا المجتمع والله العظيم إن ماقربت الحرام في حياتي و ماعملت شيء يغضب الله ولا يوم في حياتي رقمت بنت ولا دخلت مجمعات لان مالي إلا أخت وحدة ومتزوجة وان دايم مثالي في حياتي وجاد و ابغى الحلال وماني عارف ليش المجتمع يعاملني بذا السلبية أنا ماني عارف هل الي طالع بعثة سمعته سيئة الا هذا الحد . أرجو من الجميع التفاعل مع الموضوع . هل أنا متشائم أم ماذا؟؟؟؟؟؟؟؟؟؟؟؟ الاشراف: تم تعديل العنوان ليناسب النص. |
لا لسه نصيبك لم يأت بعد بالعكس منصبك مغري لاي بنت بالذات لو انسانه مثقفه
وبعدين انت الرجل يعني بيدك تخطب وتتقدم ادعي في جوف الليل الله يرزقك الزوجه الصالحه التي تعفك وتستاهلك وفقك الله ورزقك بزينه البنات |
بارك الله فيك
جزاك الله خير اختي زوجة احمد وأسأل الله سبحانه وتعالى أن يجعل أيامك كلها سعادة. أختي الكريمة دايم أهلي يقولون لي ألف وحدة تتمناك وأنتي تقولي منصبك حلو لكن الكلام شيء والواقع شيء آخر .
|
أخي أبو علي .....
مواصفاتك تزداد رفعة وسمو بمقدار قربك من الله أكثر و أكثر وخليك مع الله سبحانه وتعالى دائما وتضرع له بالدعاء وخلي ثقتك بنفسك عالية ولا تقنط اقتباس:
وإحنا متابعين لكم والله ولي التوفيق |
شوف يا اخي
هو المشكلة عندك بس في سوء الأختيار البنت الأولي عمر الأم ما تذم في بنتها بس هي كانت حجة عشان تنهي الخطوبة للأسف اختيار الوالدة ليك مش صحيح بعدين انت تختار لنفسك واضح من شخصيتك أنك أنسان ملتزم و هادي شوية و البنات اليومين دول مش بيحبوا الرجالة الهاديين بيحبوا الناس الرغاية اللي بتتكلم كتير أنت أن شاء الله تدور بنفسك وبمساعدة الأهل برده بس لازم تختار بقي أنسانة هادية جدا جدا ويكون سنها صغير معلش هو أحساس أن الواحد أترفض ده بيحبط و يضايق وطبعا خايف تتقدم لواحدة تاني و يحصل نفس اللي حصل أن شاء الله مش حيحصل بس أنت أختار كويس الأنسانة اللي تناسبك و ربنا يكرمك أن شاء الله و تلاقيها |
مرحبا اخوي ابو علي
بالنسبه لموضوعك عادي جدا انا اقلب الموضوع بالنسبه للبنات مثلا تلقى بنت محترمه ومتعلمه وجميله وخلوقه وذوق وشياكه ومتدينه ومافي شي ينقصها ومع ذلك تلقى الى اقل منها في التدين والتعليم وفي الشكل وفي كل شي تنسعد وتنبسط وتزوج احلى زواجه وهي بعدها ماتزوجت ياخي هذا قسمه ونصيب يمكن تكون لك خيره وياما ياخوي شفنا العجب بس مع الوقت صدقني رب العالمين راح يعطيك الى تستحقها وصدقني هم الخسرانات ويمكن مايستحقونك ويمكن لو تزوجت وحده منهن تندم طول عمرك ولا تستغرب هذا حال الدنيا وانما هو اختبار من رب العالمين واشكرك على اخذك برأي البنات :d اةة لو تسمع معاناه البنات والتجارب الى مرينا فيها تقول الحمدالله انا اهون على تجربتين فاشله وياريتهم يستحقو سويت كذا اجل لو مريت بتجارب عديده كان وش سويت:23: اما بخصوص شي ينقصك فارد عليك واقولك خليك واثق من نفسك اكثر اكيد الرجال ماينعاب فما بالك بمنصب وتعليم مثلك فبدون حتى ماتسال الحين بوقتنا البنات يتمنون الى مثلك بتاكيد اما بنسبه للبنات الي رفضوك ليش طيب مايكون السبب انهم اقل منك مستوى بكثير وخافو انهم مايكنون بمستواك التعليمي وخافو تشوف نفسك عليهم ليش ماتفكر بهذة الطريقه :25: ثق بنفسك ياخي وزوجتك تنتظرك بتاكيد بس انت حاول تبحث عنها وربي انشاءالله راح يعوضك صبرك |
الأخ علاء الدين تشرفت بمررورك وأسعد بتوجيهاتك
الأخوات جورية و بنفسج شكراً لكن على إسداء النصيحة و أسأل الله أن يجعل الجنة داركما . |
اخي الكريم لماذا التشاؤم انت فعلا كما قلت متشائم
المهم انت تبي بنت ناس ومحترمه وملتزمه هذا الي فهمته من كلامك صح؟ طيب هالزمن نادر ما تلاقي بنت بهالمواصفات صح؟ انت شايف كيف الدنيا سارت شو عليك تدور وتتعبلك شوي علشان تلاقي وحده ترتاح معها طول حياتك في العجله الندامه وفي التأني السلامه انا ما اقول لك اترك الموضوع بالعكس خلي الام هي الي تدور لك واهم شي صاحبه خلق ودين علشان مثل ما قلت لك ترتاح معها للأبد فما تستعجل وابقى ادعي على طول اللهم ارزقني زوجه صالحه مصلحه وفقك الله لكل خير في رعايه الله |
شوف يا ابو علي انت بهذه المواصفات فعلا الف بنت تتمناك <<<
بس انا ما اتمنى اني اتزوج واسافر برا بالذات بداية حياتي الزوجية ---- قبل خطوبتي هذه اتقدم لي واحد وكانت من شروطه انه يسافر استراليا يدرس ستة شهور او سنة ويضبط الوضع و يجي يتزوجني واطلع معاه هناك.... فكرت واستخرت ؟؟؟ ماناسبتني الفكرة ورفضت اولا انا اتمنى اكمل الماجستير هنا ثانيا اتمنى اني ما ابعد كثير عن اهلي وخاصة في بداية حياتي الزوجية ؟؟ وثالثا: إنها بلاد فيها الاسلام مرة ماهو منتشر كثير ؟؟؟خفت على نفسي وعلى ديني؟؟ ورابعا: انا ما اقدر ادرس هناك اذا رحت معاه ؟؟ والحمدلله ربي عوضني بعريس مستقر هنا وادعي لي أن الله يتمم الملكة والزواج على خير .... على العموم: يا اخوي الزواج قسمة ونصيب وترى في الديرة بنات كثير يتمنوا انهم يتزوجوا ويسافروا وهم بكامل حجابهم رفض عروستين من ضمن 3 ملايين بنت ماهو نهاية العالم ؟؟؟ امكن مالك خير فيهم والحمدلله انه من بدري ربي صرفهم وإلا احسن يوافقوا وبعدين ماتتفق مع بنات الناس؟؟ انت ادعي واستخير وحاول قبل كل شيء انك تبين لأهل عروستك فكرة السفر والدراسة في الخارج؟؟ عشان تعرف ردهم وانت على البر؟؟ طالما أنت طالب الحلال زي ما قلت تأكد بأن ربك الكريم الرزاق لن يخذلك وخلي املك بالله قوي وابشر بالسعادة ان شاء الله الله يسخرلك الزوجة الصالحة التي تكون خير عونا لك على طاعة ربك والله يجمع بينكم على خير ومودة ورحمة؟؟ |
السلام عليكم ورحمه الله وبركاته
والله يااخووووووووي نصيبك للان ماجااااااااااااااااااااااك ربي للان ماكتبلك زواجك لاتقول متشائم او شي من هذا القبيل كثير يصير معاهم نفس الى صار معاك واكثر يعني انت ماشاء الله بس مرتين مريت بخطوبه المرة الاولى الرفض منك والمرة الثانيه هي رافضه فكرت الزواج الان يعني ماشاء الله مامريت بتجارب فاشله تخليك تقول عن نفسك انك متشائم اعرف والله شخص خطوووووب له اكثر من مرة لاحول والاقوة الا بالله ولكن نصيبهم مااااااااااااااااااجاء وسبحان الله واخر شي اخذ بنت خالته يعني كان مكتوب له بنت خاله بس يدور من بيت لبيت الين وصل بيت خالته شف كيف النصيب وكثير غيرررررررة بالعشرات المرات يخطبون ومايصير نصيب حتى البنت مو بس الشباب ياكثرهن خلاص حتى النظرة الشرعيه تصير وسبحان الله يتفركش كل شي تدري ليش لان نصيبها ماجاء الى الله كاتبه لها وله من هم في بطن امهم اجنه ماجاااااااااء ولاتنسى الزواج كله نصيب وتوفيق من الله يعني الان انا مو متزووووووجه اقول عن نفسي متشائمه لا والله مااقولها والا شي باذن الله بالعكس اقوووووووووول نصيب ماجاء للان الحمدلله وراح يجي ان شاء الله ومصيري بحول الله وقوته يجيني ويجيك ويجي كل العزااااااااااااااااب بس بالصبر والدعاء راح ينفتح كل باب مقفل قدامناااااااااااااااااا وانت ماشاء الله مواصفاتك رائعه وكافي الخلق والدين الله يثبتك عليهم بس يبغالك تبحثلك عن زوجه تخاف الله تعينك على الطاعه صالحه تحافظ على بيتك بالغربه تعلم اولادك على الدين والتمسك فيه وهذا النقطه بالذات ركز عليهااااااااااا لاتنسى انك ببريطانيا ان شاء الله تنشغل بالدراسه والكلاسات الله لايشغلنا غير بطاعته وراح يكون اغلب وقتها هي مع العياااااااال باذن الله الى راح ربي يرزقكم اياااااااااااهم ان شاء الله فحاول تكون زوجتك صاحبه دين تخاف الله وهذا اهم شي لانك راح ترقد وتأمن باذن الله وانت تارك بيتك في بريطانيا مع مجريااااااااااات العصر الغريبه والعجيبه وخصوصاً بالغرب الله يوفقك ويسر امرك ويفرج همك ويرزقك الزوجه الصالحه وراح تلاقيها باذن الله بس مع الصبر والبحث الصحيح وكل امك بالامر قلها ماابغى غير صاحبه الدين والخلق لان كل شي يروح مع الايام والعشرة الا الخلق وحسن العشرة رح تضل باقيه مابقي الانسان |
الأخوات فوفو و لوليتاااا
كلامكم تاج على راسي . أما الأخت غموض السنين كلامك يكتب بماء الذهب كلامك ريحني كثير . |
أخي الفاضل..أبوعلي
لو كانت هاتان الفتاتان من رزقك لتزوجت واستقريت لكن لأن الله قد كتب لك الافضل فأخر زواجك لاتقنط من رحمة الله وتأكد أنه سييسر لك أمرك.. اصبر وتقرب الى الله ومادمت تحافظ على الحلال والحرام فلا تخف.. موفق ان شاء الله أختك حائزة |
أخي أبو علي
يقول الله تعالي في كتابه العزيز (الطيبون للطيبات والخبيثون للخبيثات)) فإن علمت معنى هذه الآيه وتمعنت بها جيدا لاقتنعت أن ولا واحدة منهن تنفعك وتصلح أن تكون زوجتك إذا كنت بهذه الأخلاق الكريمة. الأيام أمامك وهناك الكثيرات من الجواهر ابحث عنهن وأكيد ستلقى نصيبك... ووفقك ربي |
المسألة ليست لها علاقة بكونك مبتعث أم لا إنما هي رزق من الله
يا أخي أنا مثلك مبتعث وفي الحقيقة لا أريد أن أبالغ في التفاؤل لكن الأمور تمشي على ما يرام ولله الحمد نسأله أن يتمها على خير ثم اسمح لي أخالفك في مسالة رفض الفتيات الزواج من مبتعث لأن الذي أراه حالياً وفي أرض الواقع أن فرص الشاب المبتعث تكون أفضل من غيره وطبعاً يرجع ذلك إلى البعثة ومميزاتها من سفر وغيره بل أن بعض الفتيات يرغبن في الشاب المبتعث زوجاً لهن طمعاً في البعثة حيث ان نظام البعثات يسمح للمبتعث المتزوج بإلحاق زوجته في البعثة بغض النظر عن معدلها التراكمي، على العكس أرى أن المبتعث إذا أراد الزواج قبل البعثة أن يكون حريصاً وحذراً في إختيار الفتاة |
هذا امتحان من الله ولازم تصبر
انا اخويا خطب من 13 بيت وماصار نصيب الا بعد 3 سنوات من الخطبة انت لسا في اول الطريق اصبر ان الله مع الصابرين |
السلام عليكم
أنا أرفض الزواج من مبتعث إذا كان بيتزوج ويسافر مباشرة لسبب واحد وهو أن الزوجان لم يعتدوا على بعض ولم تتضح أخلاق الزوج .أما لوكان الابتعاث بعد سنة أو سنتين من الزواج فهذا ممكن. مع أنني لا أتصور أن أفارق منطقة أهلي . يسر الله امرك ووفقك لكل خير. |
انت معطي الموضوع أكبر من حجمه ... ولا المبتعث نادر ما أحد يرده خاصة انك ما تشرطت وحده صغيرة ( تدرس ) ... ولسا ربي ما كتب رزقك ... وأنا أكتب في ردودي .دائما هالعبارة ( يمكن اللي مايقرى اسمي ويقرى ردي يعرفني مباشرة ).. اني استغرب وأستهجن انكم يا معشر الرجال .. تشعرون بالتحطيم عشان كم خطبة فاشلة .. أجل احنا يالبنات وش نسوي ... اللي الأمر كله بعد الله بيد واحد يجي يشوف البضاعة ويروح .. أخوي ... أنا كل زميلاتي اللي لسا متخرجات ما عندهم مانع في الموافقة على مبتعث على العكس يبون يققون لغتهم .... نصيحة عشان ما تنرد .لأن شكلك على ما يبدو حساس من الرفض.. دور على العوايل المحترمة اللي ما تهمها المظاهر وهذي الأشياء تفهم فيها الحريم أكثر ... ثانيا : دور على وحده متخرجة عشان ما يتحججون بالدراسة ... وأكيد عليك بالنبت الخلوقة ....والله يكتب لك اللي فيه الخير ويهنيكم ببعض مقدما ويوفقنا وياك لخيري الدنيا والآخرة
|
مرحبا اخي
الله يوفقك يارب ويرزقك بنت الحلال اللي تستاهلك وثق تماما انه موضوع الزواج قسمة ونصيب وماله دخل بالبعثات برأيي الشخصي اللي ترفض مبتعث تضيع على نفسها اعظم فرصة بحياتها خاصة اذا كان جامع بين الخلق والدين لانه بالابتعاث تعيش منفردة مع زوجها تفهمه اكثر وتحتويه بدون اي تدخل خارجي وبعيدا عن المشاكل لاسمح الله وتقدر تكمل دراستها وتزيد لغتها خاصة انك طالع لبريطانيا ولاتعمم الموضوع يااخي انشاء الله ربي يرزقك العروس قبل السفر بالنسبة لي ولخواتي وصديقاتي كلنا مبتعثين سواء الزوجة المبتعثة او الزوج استفدنا بالحالتين من البعثة مع ازواجنا لدرجة انه ازواجنا اذا طلعت لنا البعثة يتخلون عن اشغالهم لانهم حبو الموضوع لما فيه من فايدة كبيرة تفيدنا بحياتنا العملية انصح كل فتاة لاتجعل بعثة الرجل المتقدم لها عائق بالعكس راح تكون فترة حلوة وممتعة انشاء الله وتزيد ثقافتها وتفيد اولادها بالمستقبل |
أول ماقريت موضوعك
حسيت انك الحاله المعاكسه لحياتي ان شاءالله أنا مبتعثه واللي حصل معايا ان واحد خطبني بس علشان رايحه البعثه يبغى يروح يكمل دراسته والله البعثات هذي لها سلبيات وايجابيات تضحك زي مافي ناس طمعانين في البعثه في ناس نافرين منها مشي حالك الدنيا كذا المهم انت لاتتشائم ولاشيء بس صدقني نصيبك ربي لسى ماكتبلك هو وربنا ان شاءالله يرزقك بالزوجه الصالحه اللي تناسبك وتصونك |
اولا مبروك على البعثة
و اهلا و سهلا فيك عندنا :) ماعندي رد ابلغ من قوله تعالى و عسى ان تكرهوا شيئا ليش متشائم ... افتكيت منهم :) ربي يحبك و رزقك جاي لك ان شاء الله الله يوفقك بالزوجة الصالحة |
noora
مغرورة بأمي ( الله يخليلك أمك ) صمت الهوى وقودي أمل بنت الشريعة ؟؟؟؟؟؟؟؟؟؟ دلوعة السعودية المؤمن بالله حرم فلان فلاني حائزة الأمل سعدت بكلامكن . الله يوفقكن دنيا وآحرة |
بالعكس اللي مثلك مليون وحده تتمنااك
لا تتشائم تفاؤلوا بالخير تجدووه وبالتوفيق لك ان شاااء الله ولا ننسى الانسان ما ياخذذ الا نصيبه من هالدنيااا . والله يكتبلك اللي فيه الخير ان شاء الله .. |
هلافيك اخوي ابو علي
نفس حالتك بالتمام الا اني عمري اصغر منك 24 ومعيد وبعثتي قريبه وبديت احس بفتور وانزعاج شديد من هالموضوع حتى الاان تقدمت لثلاث بيوت والكل يرحبون بالبداية وبعدين يرفضون ما ادري ليه السبب .. مع ان كل مقومات الرجل موجوده فيني ان شالله من سمعه وخلق ودين ورزانه ورجوله احيان اعذر البنات لانه صعب السفر والزواج من شخص غير معروفه اخلاقه وطبعه وفجأه تكون معه بالغربه بس والله تعبت انااا :( لكن ما قول الا الله يرزقنا بالزوجات الصالحات |
الاولى انت غلطتك انك ماسئلت عن هالتفاصيل لما خطبت يعني كان ممكن تعرف نظرتها في الحجاب والسفر
والثانيه اتوقع اهلها قالوا ماتفكر بالزواج لانهم رافضينك بس مايبوا يسببوا لك احراج عموما انت خطبت ثنتين ويئست وحكمت انو بسبب البعثه ... مع ان الاولى اهلها موافقين على سفرها والثانيه ماوضحوا لك السبب اغلب الرجال حاليا دين واخلاق وجمال وشهادات ومع ذلك يظل سنه يخطب وممكن ينرفض كذا مره مشكله اغلب الشباب الثقه الزاااااااااايده ومتوقع انه متفضل عالبنت اللي خطبها وعلى اهلها ولازم غصب يوافقون يمكن فيه اسباب ثانيه اخوي مثلا النسب .. التدين .. التدخين وغيره وغيره بالنسبه للزواج من مبتعث معاي كثيررررررررر شباب ينزلوا بالاجازات ويرجعوا مع زوجاتهم ماشاالله ولا هو عائق ابد وان كنت انت رايح 5 شهور غيرك رايح 5 سنوات والتوفيق من الله تحياتي |
أختي موحتارة
شكراً على مرورك أما بالنسبة للنسب فأنا ماني دلخ الى هذي الدرجة ؟؟؟؟؟؟؟؟؟؟ أنا من قبيلة شمر يعني إذا حبيت أخطب وحدة لازم تكون بنت قبيلة ألامر الاخر بالنسبة للتدين فالحمد الله محافظ على فروضي وعلى سمعتي أما بانسبة للبعثة فأنا بعثتي 8 سنوات شكلك ماقريتي الموضوع زين بالنسبة لموضوع ان الشاب لازم تقبل فيه اي بنت هذا الموضوع متروك للبنت نفسها صدقيني الشاب ماراح يبلش بعمرة لكن البنت تقعد تتشرط لين مايفوتها قطار الزواج وتقعد تدور عن أي رجل يعني حي الله رجل والدليل القنوات الفضائية الي جالسة كل وحدة تعرض نفسها فيها أختي يقول الرسول صلى الله عليه وسلم من جاءكم من ترضون دينه وخلقه فزوجوه أو كما قال عليه الصلاة والسلام سلااااااااااااااام |
السلام عليكم ورحمة الله تعالى وبركاته
لا تتشائم اخي ولا شئ بل احمد الله والخيرة فيما اختاره الله ويمكن من طيب اصلك وخلقك الله كاتب لك الانسانة المناسبة خلقة وخلقا وانشاء الله تكون افضل من البنات الي سبق وخطبت فلا تحبط نفسك او تضايق عسى ان تكرهو شيئا وهو خير لكم ويمكن تاجل ارتباطك لين ترجع فشئ اجازة وعطيك مثال من نفسي والله العظيم اني انخطبت اكثر من اي بنت فعائلتي واقسم لك بالله اني ما ابالغ ان قلت لك اني انخطبت عشرات المرات (لاني كنت متميزة فدراستي وعملي بفضل الله سبحانه وتعالى) وفكل مرة ما يحصل نصيب فدونا عن جميع خواتي صار ما يفرق مع الاهل خطبتي من عدمها من كثرة فشل خطباتي بسببي ( كل ما شفت شئ ما يريحني في العريس اعتذر او قلبي ما انشرح للخطبة اعتذر واتراجع) وفي الاخر اتزوجت قريبي تمت الخطوبة وعقد القران في ظرف 10 ايام (وقريبي طول عمره قدامي وانا قدامه ) ولا عمر ايا منا كان واضع الثاني حتى كاخر اهتماماته ولا بينا حتى سلام ووالله العظيم انا بعد كتب الكتاب ب3 ايام جيت لامي ابكي قلت الها ما ادري كيف وافقت بدون تفكير طويل (لكن صراحة قبل الارتباط كم ليلة استخير لانه كان متقدم لي فنفس الوقت شخص اخر و من اول استخارة حسيت برضا عمري ما حسيته وكنت اسال الله فكل ليلة ان كان لي فهذا الشخص خير ان ييسر امري) بس ما نقول غير النصيب وتاكد اخي الكريم يوم الله ياذن بزواجك ( يقول للشئ كن فيكن) اتمنى لك التوفيق باذن الله |
| الساعة الآن 02:52 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©