|
زوجي وعدم تحمله لمسؤليتي
عااااااااااااااااااااااااجل...
تكفون ابي ردودكم ابي ارائكم زوجي في مرحله تحول غريبه وصارت عدة مواقف ابيكم تكونون معي وتعلموني الصح من الغلط ربما تكون مشاكلي تافهه بس الغرض من مضمونها بعمق لانو يبين تغير سلوك زوجي شوي شوي... انا ساكنه في جده لحالي واهلي في الرياض وقال انه بيروح يحضر زواج صديقه في تبوك وبيخليني لحالي انام في بيتي وانا ماعندي لا اطفال ولا اعرف جيران ولا اي احد بالبت فقط لحاالي احس زوجي صاير بارد وشوي شوي صاير مايتحمل مسؤليتي... هذا اول مشكله قولولي ايش اسوي؟؟ قلت له بروح معك... قالي وين احط هناك ماتعرفين احد قلت له اخذ شقه قالي لا: بروح مع اصحابي وارجع من بكرى طيب وانا ... لحالي اقعد بالبيت<< قال عاد ي من بياكلك.... انا بروده هذا يرعبني ا اخاف استسلم له واضيع من بعدها,, الشي الثاني: دائما مامعه فلوس رغم ان راتبه ولله الحمد يناسبنا وزياده ولمى اطلب منه شي قال مفلس.. وتجنبا للمشاكل اسكت واتحمل هالايام بالجامعه انا ادرس اتفقو البنات يكرمون دكتوره وكل وحده لازم تدفع مبلغ وقدره طيب انا من فين لي المبلغ وزوجي كذا؟؟ اخاف افتح معاه الموضوع يسبب مشاكل كله بسبب تكريم دكتوره بالجامعه.. وماقدر انسحب لان ي بنفضح بين البنات لانهم قسمو الهديه الي تكلف مثلا5000 على خمس بنات وكل بنت تدفع 1000 مابي انفضح واقول مابي اهدي.. او مااقدر... صعبه ومحرجه!! طيب ايش اسوي؟؟ معقوله اقوله تدينن على شي تافهه؟؟ ومابي اتسلف من اختي او اخوي... مابي افتح مجال له ويتخلى عن مسؤليتي لانو على وشك الانحدار من هالناحيه... الشي الثالث: لمى تصير مناسبات او رحلات تبع اي نادي انا مشتركه فيه.. احب اني اروح واشارك لكن للاسف دائم القروب الي معي مايروحون صعبه اروح لحالي احب اختلط واجتمع.. لكن دائما مامعي احد لاني اسكن في منطقه لحالي بدون اهلي او اهله او حتى معارف وجيران.. فهل انحرم من الرحلات؟؟ ام ماذا؟؟ دلوني على الطريق الصحيح.. والي يخلي شكلي محترم بين الناس ومايبين اني هبله ولحالي بهالاماكن.. وزوجي... انا احس ان سلوكه صاير يبرد ويتغير وكانه دائما يقولي انتي تحملي مسؤلية نفسك.. انا ابي اعوده.. كيف؟؟ ماذا افعل في موضوع سفره؟؟ ومبلغ تكريم الدكتوره؟؟ الشي الرابع: مره كنت في بلد اهلي وقلت له ان خالي اهداني قيمة تذاكر مجانيه لانو يشتغل في الخطوط اسافر مجاني .. وبعد ايام خبرتو اني ابغى فلوس قالي خلي خالك يعطيك مو هو وعدك بتكلفة التذاكر... قلت: ربما قالها مزحه لكن الي الان لم ارى التذاكر ,,اريدك تحول فلوس لكي اتي بالطياره اليك...فقال انتظري خالك لين يعطيك ردوده ترفع الضغط.. ساعدوووووووووووووووووووني ارجوكم اتمنى الرد السريع... لان المشكله حلها عاجل تم تعديل العنوان بما يتناسب مع النص |
الله يكون بعونك صعب الزوجه لا تعمل وتشحد المصاري من زوجها كالطفل اللي خايف يطلب ابوه
ان شاء الله الامور تتصلح بالنسبة لنومك لوحدك بيخوف لكن اتعودي ولا تحرميه لمة اصحابه حاولي التودد اليه حتى تقل ردوده الفظة |
عفواً .. هنا المكان الأفضل .
|
اصبري اختي وتحملي مع الايام بيلين
وبعدين 1000هديه كثير مره مره فكري فيها الهديه شي رمزي مو شي غالي |
انا معاك انه متعبك لكن هديه بـ 1000 ؟؟ كأنها غاليه كثير ؟؟ وترى ياختي بهالوقت العيشه صعبه كل شي غالي ...
الله يسعدك ... هموووم |
الله يهديكم لبعض حيبتي ويسعدكم يمكن الريال في بداية الحياة يكون اسلوبه بهالطريقه لانه يفكر انه بهالطريقة بيحط النقاط على الحروف الى الابد
انتي من متى متزوجة الله يهنيكم ويصلح حالكم بحق طه المصطفى واله الطيبين الطاهرين |
الله يكون بعونك
اهم شي انك تشتغلين بعد ماتخلصين دراسه لانك كانك بتشحذي منه او انه يعطيك مصرووف شهري 1000 ريال على الاقل وانتي تضبطي مصروفاتك ومثل ما قالو الاخوات 1000 ريال للتكريم دكتوره كثييييييييييييييييييييييييييييير جدا ** عندك تاكل قال لا ، عندك تغرم قال ايه ** وبالنسبه لزوجك شكله صغير ومو عارف كيف يتحمل مسؤلياات وشكلكم عرسان باقي بس مع الايام والحياه راح يتغير بس لو انا زوجي بيسافر عني يوم كامل وانا بغربه ، للآنشب فيه بصراحه يا ياخذني يا اكلم اهلي ياخذوني لآني اخاف انام الليل بروحي صراحة وعندي نصيحه ، لا تستعجلي بالخلفه اذا زوجك لساتوو على كذا ،، اللي مو قادر يتحمل مسؤلية زوجه كيف راح يتحمل مصاريف ومعيشه الاطفال ،، فكري الف مره واحسبيها كويس قبل لا تخلفي منو عيال من بدايتها بخل ومهملك ،، شلون تاليها ربي يهديه عليكي ويالف بينكم ان شاء الله دايما اقري الايه ( وجعلنا بينهما مودة ورحمه ) على ملابسه ونتي تغسلينها على اكله وشربه عليه وادعي من رب العالمين يهديه عليكي |
الزواج ليس كله حلو
وحال زوجك افضل بكثير من غيره اما الفلوس لتكريم الدكتوره فلا تدعيه مجالا للمشاحنات |
الله يكون بعونك بالنسبة للجلوس لوحدي تعودي وحاولي تشغلي وقتك بالداسة والقراءة00والهدية حاولى ما تتدخلي قطات مع احد نظرا لظروفك وحياتك اولى من نزعات وبالنسبة للبرود حاولي تغيري من حياتك
http://www.5aial.net/a7adeth/20.gif |
الابنوسه: تسلمي واشكرك لردك السريع لتطمنيني وتساعديني
واشكرك على كلامك اللطيف والله يحسن الالحوال.. |
اختي شباصة ...اسمك حلو
بالنسبة للنوم لحالك ...فلازم تحطي من الان النقط فوق الحروف قولي له ..آمنا بالله ...ليلة ورد غطاها راح افوتها لكن مو معناته اني رضيت هذه المرة ...يعني راح تتكرر هذه السالفة ...لا ,,,المرة الجاية رجاء لا تتفق مع اصحابك ...انا اولى ... يعني عشان المرة الثانية يحسب لك حساب قولي له ما ابغي اكسر كلمتك امام ربعك ...لكن انا فعلا اخاف انام لحالي والمرة الجاية خذ شقة لك ولي ...واطلع اسهر مع اصحابك و ما عندي مانع لو تتأخر شوي ...ابغيك تنبسط مع اصدقائك و في نفس الوقت انا اكون معك اما بالنسبة للهدية ...فملبغ 1000 ريال كثير يا اختي ..حاولي انك تتفقين مع صاحباتك على ان يزيدون عدد البنات عشان يقل المبلغ على كل واحده فيكم والمرة الجاية لا تخجلي اختي ...قولي لهم ميزانيتي لا تسمح الا بملبغ معين ... مو عيب ...احسن من انك تدخلي في مشاكل مع زوجك .. او انك تحمليه فوق طاقته ..او انكم تقصروا على انفسكم في مصاريفكم عشان هدية نصحية مني اختي ...لا تعودي زوجك انه يتهرب من مسؤوليته المالية اتجاهك دائما حسسية انه مسؤول عنك ... لا تترددي في طلب احياجاتك منه ابدا ...لانه اذا تعود انك تعيشي على الكفاف راح يتعود و بعدين لو تطلبين منه اقل القليل راح يستثقل انه يعطيك اذا قال لك ما عندي قولي له ..انت السؤول عني ..ما لي احد غيرك ...وبدلال وغنج قولي انك محتاجة هذا الشي بشكل ملح ...يعني انت و شطارتك ويفضل انك تطلبين منه مبلغ شهري تتصرفين فيه على راحتك ...لكن ارجع و اكرر لا تترددي في طلب احتياجاتك ...مرة يعصب وانت اصري والمرة الثانية يوافق لكن بصعوبة والمرة الثالثة يكون تعود على طلباتك ...لكن لا تيأسي ..ولكن يبغي له شوية صبر عشان يتعود على انه يعطيك احياجاتك الحياة الزوجية يا اختي يبغي لها طولة بال وشوية صبر وربي يسعدكم |
حبيبتي أنا أرى انك كبرتي الامور شوي ،،
يعني في الموضوع الاول هو رايح العرس مع ربعه وأنت مكانج رايح يكون غلط اذا رحتي معاهما وهو بادي الواجب ويرجع ،، وبالنسبة للموضوع الثاني الهدية بصراحة مالها داعي انج تأخذين حقها بهاي المبلغ يعني حتى أنا بهاي المبلغ 1000 ريال ماعطي وحدة مالي معاها علاقة هي مجرد دكتورة اتأدي الي عليها ،، وبالنسبة للرحلات انت بنفسج ذكرتي انه القروب الي معاج مايروح ومو عدلة انج انت ابروحج اتروحين يعني المشكله مو في زوجك ،، والتذاكر ربما كان يمزح معك ،،، الله يحنن قلب زوجها عليها ،، |
fafi:
ردك مره عجبني وحسيت انك فاهمتني وفامه وضعي بالنسبه للتفاهم معاه..فلغة الحوار معاه اتعب جدا عليه دائم يصرف ,,او ينهي الموضوع..اوو يقوم من مكانه ,, تعتبت معااه ابغى نجلس نتفق على اشياء وهو دائما مشغول ومو فاضي ولا حتى يسمع تعبت جداااا صرت اسكت.. وعارفه انه مو حل بس شسوي.. برجل لو بستمر ازن عليه واتكلم او اتحاور بمواضيع هامه قام وترك لي ابييت مابي زوجي يكرهني ولا يكره الجلسه في بيته.. لكن مابي اكون ضيعه بعد؟؟ ايش الحل |
أما موضوع السفر فمعك حق المفروض مايسافر ويخليك لحالك حاولي تخوفيه عليك قولي مثلا أنا بخاف لحالي أو فرض دخل البيت حرامي أو مرضت أو احترق البيت وش اسوي لحالي
أما الهدية فأنت واسلوبك فمثلا تقولي له عندي موضوع يا عمري بس منحرجة منك وصلحي نفسك منحرجة ثم قولي خلاص مافي شيء ثم بعد ساعة عيدي نفس الحركة وهكذا حتى يلح عليك وش الموضوع قولي له بس توعدني تلبية ثم اخبرية وقولي هذا المرة الاولى والاخيرة ومن هذا الحكي وان شاء الله مايرفض |
اقتباس:
وانا اشتغل بشركه تعمل بمشروع بتروكيميكال 160 كيلو عن جده وهالشركه مافيها واحد يتكلم عربي..حتى لهجتي نسيتها واذا ابي اصقلها اكلم اهلي. المهم حبيت اقولك اختي ((ماهكذا تورد الابل)) بمعنى كل حديثك يدور يدووووور ويرجع لموضوع الفلوس ومتى كانت الفلوس اختي هي مقياس لتحمل المسؤوليه حفظك الله..(من كلامك هديه للدكتوره...هديه للنادي...طلعتي مع الجرووووب) ..لما قريت عنوان موضوعك قلت شوف هالزوج ايش عامل بهالمسكينه..ولكن عندما قريت المحتوى شفت ان نقدك لزوجك مع احترامي يخص امور سطحيه لا اكثر ...وكل النقد حول موضوع الفلوس. عموما انا ماادافع عن زوجك حشى..بالعكس هو مقصر معاكي والمفروض مايردلك طلب لكن من كلامك (وهذا مجرد تحليل طبعا..ولاتزعلين مني) زوجك ينظر اليك بان نظرتك للامور سطحيه(هديه..جروب..نادي) يعني باختصار ازعلي على شي يستاهل.. واخيرااااااا اقول يااختي الكريمه ياليت عندي الوقت اللي عندك..والله ابحث انا عن ساعه ولاني محصل من كثر ضغط العمل عندي..يعني اذا زوجك راح وتركك في يوم استغلي هاليوم..كتب ..مطالعه..انترنت..تلفاز.. اقووووووول يااختي الكريمه كل من على همه سرى وانا على همي سريت..صارلي 7 شهور اشتريت كتاب واقسم بذات الله ماعندي وقت اقرأ..وحاز في نفسي اقول لو عندي بس ساعه في يوم اقراه.((ابغاك تستغلين وقتك بشي مفيد) حفظك الله وزوجك وطرح الموده والالفه بينكم |
الله يكون فعوونج
|
الناصر والمتهالك... اشكركم جدا لصراحتكم الي تريحني
واخوي المتهالك انا من زمان محتاجه انسان يعلمني منو الصح والخطاء وماتصدق شلون كلامك جميل اثبت اني الف حول نفسي ومايستاهل هالي يصير بيننا انه ينكد.. هذا الي احيان كثيره المراه تحتاجه تكون ملخبطه مشوشه او مشحونه احيان وللاسف يبقى هالشي فيها وكلام الناس وتتنكد في حياتها انا من زمان محتاجه احد يواجهني ويقولي انتي سطيحه وهو عادي وضعه قول امين.. الله يريحك ويسعدك يارب طمنتني وشكرا لكم الي ردو..الله يفرج همومكم |
اختي الكريمة لو على النوم لوحدك تعودي عادي الراجل لو يغيب يوم او حتى كم يوم يرجع مغير جو وتشتاقو لبعض اكثر ماهو مثل لو كل يوم وجهك فوجهه
ثانيا انتي قلتي انك طالبة فالجامعة اذن انتي فامس الحاجة لوقت اضافي للدراسة اهتمامك ببيتك بنفسك اما عزيزتي عن هدية الدكتورة مو عيب انك تهادي دكتورتك لكن على قد ميزانيتك مو تتكلفين فوق طاقتك على هدية دكتورة لا هي قريبتك ولا صديقتك ولا جارتك صح استاذتك لكن اتصور ما انت بالنسبة لها الا طالبة من بين مئات الطالبات وشئ ثاني لا تنحرجي او تستحي تقولي لصديقاتك ميزانيتي ما تسمح ليس فقط على هذا الموقف لكن على اي شئ فحياتك يكون فوق طاقتك كي لا تجعلي الاخرين يدخلون فحياتك الخاصة بشكل غير مباشر وتلاقي نفسك فمواقف وضغط انتي في غنى عنه ويمكن تتحاشيه شرط انت تكوني صريحة وواضحة ( شئ يناسبني اوكي شئ ما يناسبني ما يناسبني ) اما على الرحلات عزيزتي انتي قلتي ان كل لكروب مايطلع يعني كل ها الناس ماعندها وقت الا انتي لوحدك فاضية ما وراكي شئ اذكر عزيزتي لما كنت ادرس بالكلية بالانتساب لاني كنت اشتغل من وانا ادرس بس لاحظت ان رغم اني اشتغل الا انه عندي وقت كثير فراغ فدخلت معهد ادرس بالليل ثلاث ايام بالاسبوع (ادرس محاسبة كان لها علاقة بشغلي) بالنهار كنت ادرس كومبيوتر فالسنة الاولى كنت ادرس بس 4 ساعات من 2 الى 6 فالسنة الثانية كنت ادرس الكومبيوتر الصبح من 9 الى 12 الظهر ملازمة مع الشغل اضافة الى دراستي بالكلية (الكلية كانت فمدينة ثانية اضطر اسافر لها بس شهر فالسنة شهر ماي ) والحمد لله مرت السنتين الاولتين خلصت فيهم كومبيوتر (كانت مدة دراسته سنتين ) السنة الثالثة خلصت محاسبة (كانت مدة دراستها 3 سنوات) السنة الرابعة خلصت جامعة(مدة دراسة الجامعة 4 سنوات) وللعلم لست موهوبة جدا ولا فائقة الذكاء بل مجرد فتاة عادية ماكنت احب الفراغ انا حبيبتي ذكرت لك قصة دراستي و عملي نفس الوقت مع دراسة 3 تخصصات فقط لانبهك انك تهدرين وقتك عالفاضي خصوصا ان لسه ماعندك اطفال ولا حمل فلهذا الوقت كله ملكك فاثبتي مواهبك وشيلي من تفكيرك انك سطحية او غيره انتي فقط عزمي وحطي رجلك فاول الطريق والله ولي التوفيق |
أختي لايضيق صدرك ترى الرجل في اول الزواج يبي يثبت لزوجته انها لايمكن تسيطر عليه يعني يحط قواعد ويبيك تمشين عليها واما عن تذكرة الطيران غلطتي لما قلتي له خالي بيعطيني التذكره كانك اهنتيه وانك ماتقدر خالي يقدر او انه هو فهمها كذا رغم برائتك في الموضوع وعدم قصدك وهذا دليل رده عليك وترى مع الوقت بيتغير كثير بس مو للأسوء بالعكس للأحسن أنا أول زواجي توقعت انه لايمكن أكمل بسبب الاختلاف بينه وبينه لكن الحين الحمدلله فهمني وفهمته وصرت اتجنب الامور اللي تضايقه ومافيه شي اسمه تنازل بين الرجل وزوجته اسعي لرضاه يسعى لرضاك
|
| الساعة الآن 06:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©