|
زوجي يخوفني!!
ساعدوني شسوي زوجي يخوفني
صار له فتره كل ماينام يصيح بطريقه تخوف اتطير النوم مني !! واللحين ماكتبت لكم الا بعد ماموتني رعب نايم وفجأه وهو نايم ومغمض عيونه يصيح بدون دموع وبصوت عالي وكلامه مو مفهوم مادري شيقول بس مايسكت ويتم يصيح وشكله يخوف صحيته من النوم علشان يسكت مابي اسمع هالصوت منه يخوفني كثير هزيته بالقوه ولمن فتح عينه قلت له شفيك كالعاده اظن انه كابوس واني انقذته منه لمن صحيته بس طالعني مستغرب قلت له ترى كنت تصيح طالعني ورجع ينام!! وانا انحشت من عنده وطلعت من الغرفه خايفه منه تكررت هالحاله عنده وتخوفني كثير وانا اصحيه من النوم بس علشان يسكت وعلشان اشوفه طبيعي ومايصيح ويتكلم بكلام يخوف والله خايفه منه لانه تكرر كثير منه وصوته وشكله هو يبكي وكأنه مرعوب ويعاني تخلي قلبي يطيح من الخوف وكل ماطول احس اني اموت من الرعب علشان جذيه بسرعه اهز ايدينه وبالقوه علشان يصحى بسرعه ويسكت لدرجه مره قالي عورتيني من كثر ماشديتي يدي قلت له شسوي كنت مرعوبه منك وبعدين انت حسيت بقوة هزي لك وماحسيت بنفسك وانت تصيح !! فرد وقالي يمكن كنت احلم بس مو متذكر !! وانا ماعندي مانع يحلم بس مايصيح ويهذي وبصوت عالي والله بيموتني من الخوف والغريب انا اعرف ان اللي يحلم بكابوس يطير منه النوم !! مو يكمل نومه ويدخل بعاشر نومه!! وادري بكره لمن اكلمه ماراح يتذكر او يقولي شدعوه !! مو مصدق انه كان يصيح !! بس شسوي فيه كوابيسه تخوفني لدرجه كرهت اسمعها وهالمره توني مانمت واتفرج عليه قام يصيح ويتكلم وهو يصيح بس مافهمه وصوته يخووووووووووووووووف مستحيل انام معاه اليوم لو يصيح مره ثانيه بصوته المرعب يمكن اموت |
ليقراء المعوذات واية الكرسي وينفث ثلاث ويمسح علي كل جسمه ويقول دعاء النوم. مثل باسمك الله اموت واحيا.
|
سجلي صوته و سمعيه اياه و قوليله اذا منت مصدق اسمع
حبيبتي يمكن تعبان نفسيا من شيء معين و هذا الشيء صار ياثر على احلامه لاني اعرف انه بعض الاحلام هي انعكاس عن الواقع خلي شيخ يقرا عليه |
واضح انه مريض ويحتاج علاج نفسي
الله يشافيه |
فعلا الوضع غريب يمكن هذي حاله نفسيه بس أهم شي الأذكار قبل النوم الله يعينك يالغاليه ويفرج همك
|
حبيبتي أقرأي سورة البقره في غرفة النوم وابعدي اي صور تكون موجوده بالغرفه
------------------------------------------------------------------------------------------------------- |
(حبيبتي أقرأي سورة البقره في غرفة النوم وابعدي اي صور تكون موجوده بالغرفه)
كلامها صحيح واقري على زوجك اختي اذا شفتيه بهالحاله وهديه وخافي عليه مو تخافين منه وبالنسبه للصور انا ما انقطعت عني الكوابيس الحمدلله الا يوم شلتها من الغرفه والله يحفظكم من كل مكروه |
يااختي قبل لاينام حصنيه وخليه يقرا قبل النوم جزء بسيط من القران.......وحاولي ترقيه بنفسك وشوفي يمكن يستجيب للرقيه وساعتها اقنعيه تروحو لشيخ يرقيه.................واذا مو مصدقك حاولي تسجلي صوته وهو نايم ولا تصحيه الابعد ماتسجلي عارفه ان قلبك بيطير من الخوف بس حاولي .............ساعات تجي لزوجي مثل هذي الحالات ويجلس يصيح وينادي امه وانا من شدة الخوف انط عليه وانام على صدره واحضنه بقوة وازعق عليه واضربه من شدة الخوف ومالي الاهو وساعتها يقوم ويحكيني بالحلم ....................زوجك عانى في طفولته يعني كان احد قاسي عليه؟..........انا اتوقع زوجي تجيه لكوابيس بسبب طفولته القاسييييييييييييييه مررررررررره من جهة ابوه واخوه الكبير الله يهديهم.................وقوي قلبك واذا نلم لاتنامي اجلسي اقراي عليه وانفثي ولذل حسيتي تحسن استمري.......
|
حملي سورة البقرة من الانترنت و انقليها لجوالك و يوميا خليها تقرا بالليل حتى لو نايمين بصوت هادي لها أثر نفسي ايجابي ، أنصحك فيها
و أنا مع اللي يقولون خافي عليه مو منه ، لأن الكوابيس مو بإختيار أحد |
الغاليه هالشي الحين ولا من زمان
يعني شي جديد؟ |
أختي أذكار الصباح والمساء مهمه . وكذالك أذكار النوم . اهتمي بهذه الأمور أنتِ وزوجك والله يحميكم من كل شر .
|
الانسان ينسى اغلب احلامه
ومع تكرار الوضع يفترض تعودى وايقنتى انه مجرد حلم |
جزاكم الله خير على الرد
انا ماحط صور بغرفة نومي وفي بيتي كله ماحط ادري انها تمنع الملايكه ولمن كنت اكتب امس مشكلتي في المنتدى وانا ميته رعب كنت برع الغرفه ومشغله البقره من النت وبصوت واطي علشان مايزعج زوجي لان نومه خفيف وعارفته مايحب يسمع قران وقت النوم ويقولي اطفي القران ابي انام هو ينزعج من أي شي وقت النوم ولو كان قرآن ويرفض اشغل القران وهو نايم اما تقولون لي ليش اخاف منه ؟؟ فلأنه يكون بصوت وشكل مرعب وبنفس الوقت كانه شخص مجنون وماقدر اتحمل شكله وصوته وخاصه انه تكرر منه كثير وصوته ينسمع حتى لو كنت برع الغرفه وانغز عنده بس علشان يصحى ويسكت وشلون تبوني اواسيه واخفف عنه وهو مو حاس بمعاناه يعني لو قالي كنت حلمان بكابوس وحفت والخ من الامور اللي تبين انه يعاني من الكابوس كنت طمنته وحظنته وخففت عنه وقريت عليه وكل شي ب س هو عادي عنده انا اللي اكلها وهو يرد ينام وعاااااااادي عنده ويمكن اكون انا اللي ازعجته لاني مسكته بالقوه وصحيته اما هو مادرى عن نفسه واذا صحيته عادي بيرد ينام ومو خايف ولا قلبه يرجف ولا شي بيدخل بسابع نومه وانا اللي اكون مرعوبه من اللي شفته وسمعته انا لمن كان يجيني كابوس قبل كنت ارتعب واصحي زوجي واحضنه وجزاه الله خير يحضني ويطمني واتطمن منه احس انه يحميني مع اني كنت اقرا المعوذات قبل النوم وبعد الكابوس الا اني كنت اظل خايفه واتطمن بوجود زوجي ولو راح الحمام اروح وراه واقوله لاتقفل الباب ولا تتأخر علي وانتظره لين يطلع وانام بحضنه واحس معاه بالامان بس اللحين وقفت مني الكوابيس من زمان واللحين هو اللي يحلم ويخوفني ويصيح بطريقه تخوف ويهذي ومافهم له ويالله يصحى بعد ماكان يطمني وكان ملاذي الآمن صار هو اللي يرعبني واخاف منه مع اني انا اللي اقوم بنفسي من الكابوس واحضنه بالقوه واحكيله حلمي وانا خايفه ولا عمره سمع مني شي او صحاني من النوم وقالي شفيج مثل ما انا اسوي له ولمن تكرر منه هالشي صرت اتروع منه الصوت اللي اسمعه بطريقه بكاء عالي وكلام كثير بس مافهم منه ولا كلمه احيانا كنت احاول اركز وش يقول افهم منه وش مشكلته بس اللي يصير اني مافهم ولا كلمه وكأنه بعالم ثاني وبالمقابل يدخل فيني روع احسه بيوقف قلبي واقوم بطريقه هستيريه من الخوف اصرخ عليه باسمه ابيه يقوم وامسكه بكل قوتي اصحيه بالقوه ابيه يصحى وابي اشوف زوجي طبيعي واللي اشوفه واسمعه منه ابيه يختفي بسرعه لانه يطول في البكى ولو مايصحى بسرعه انا اللي بموت ولاتقولوا لي اني اطمنه انا ماقدر وانا اللي ابي من يطمني وانا اللي كلتها منه من امس ماقدرت انام معاه هاربه من الغرفه بكبرها ومانسيت صوته وياليت على كذا بس نايمه بغرفة عيالي الصغار وقاعده اقرا المعوذات ومشغله البقره بس كنت للحين مرعوبه وارتجف مو بس قلبي اللي يرجف كنت احس جسمي كله يرجف من داخل طير النوم مني مادري ليش ظليت متروعه وبالمقابل هو كمل نومه وراح الشغل وانا يمكن مانمت الا ساعتين وبعدين قمت وقعدت اجهز عيالي للمدرسه واللحين اوكي ارتحت بس خايفه يتكرر منه مره ثانيه وانا ماعدت اتحمل اشوفه بهالشكل وهو مايهتم لهذي المشكله واسهل جواب عندي صحيني !!! وبالنسبه للتسجيل سجلت صوته في الجوال ووقتها ماكنت اخاف منه بهذي الطريقه لانه ماكان يصيح كان كلام طوييييييييييييل بعضه مفهوم وبعضه لا بس بصوت عالي وتدرجات في الصوت وطريقة كلامه كأنه مجنون او اهبل وماصدقني الا لمن سمعته وكنت ميته ضحك عليه وهو صدقني بعدين لانه صوته واستغرب من نفسه وانحرج وقالي امسحيه لان كان كأنه كلام واحد من المجانين !! وش بستفيد من التسجيل انا ادري انه يصدقني انه كان يصيح بس انا وش بيصبرني وقت مايكون هو بهالحاله المخيفه !! ومشكلتي ان زوجي مايعاني ولا حاس بمشكله انا اللي اعاني من اللي اشوفه اما هو مايدري عن نفسه ومو حاس بمشكله وعادي بيكمل نومه المشكله عندي انا !! اما بالنسبه للسؤال متى هالشي بدى عنده من اللحين والا من زمان فالجواب الصياح بهالطريقه مو من زمان من اللحين من شهور مو متأكده بالضبط من متى بس ماكان فيه هالبكى والكلام الغريب وماكنت اخاف منه بهالطريقه اللي ترعبني واحسها تقتلني !!! |
اقتباس:
أسال الله العظيم رب العرش الكريم أن يشفيه ،،، |
والدي تجي هذي الحاله يصيح و احيانا يرافس
و دينها لشيخ قال هذا سحر |
لا حول ولا قوة الا بالله
اختي الكريمة أعانك الله بصراحة أقرأ موضوعك وأنا أضحك لأنه ذكرني بأحد أصدقائي يعاني من مثل هذه الحالة وأكثر بعد في أحد المرات يقول كنت أحلم اني في معركة مع مجموعة وبدأت أصارخ وأشتم بصوت عالي فحاولت زوجتي ايقاظي فلكمتها على عينها لكمة تركت أثر في وجهها لمدة أسبوعين واستيقظت على صراخها من الالم وفي احدى المرات كاد يرميها من الشباك وهو نائم والله أدري الموضوع يبكي ما يضحك بس فيه طرافة لكن ما نقل لي خوف زوجته من الوضع، فقط اذا بدأت المعركة تبعد عنه أعانك الله وعافى زوجك |
صوريه بكميرا فيديو <<<<<<<< ترى ما يمزح خليه يشوف نفسه لانه واضح انه مو مستوعب ومو مصدق وش تقولى له اذا نام
وغير كذا لازم يقرى المعوذات قبل ينام وما ينام على جنابه تحياتى |
جزاكم الله خير على الرد
اقتباس:
اقتباس:
اقتباس:
|
خلااااااااص بصوره بالفيديو علشان يحس فيني ومايلومني على خوفي منه ويصدق ان فيه شي غلط .. واذا صوته وكلامه الغريب اللي سجلته له من قبل استغرب منه ولو لا انه متأكد أنه صوته ماكان صدقني وشلون لو شاف نفسه بهالطريقه وسمع صوته وكلامه الغريب يمكن يوافق يتخذ موقف من نفسه ( وان شاء الله مايتطور للأسوأ)!!
وللعلم زوجي مايقرا على نفسه ولا يحصن نفسه نهائيا وينام على جنابه واخر شي عنده هذي الامور ومن اخر الامور عنده انه يضيع وقته على قراءة المعوذات على نفسه ممكن انا اقرا عليه بس هو لا وانا مو دايما اقرا عليه نادر اقرا عليه المعوذات قبل النوم وبنيتي انه يتعود عليها بس اشوفه مو مهتم ولو صارت له حالة البكاء هذي وقت النوم انا اكون في حاله ما تسمح لي اقرا عليه !! بالعكس اهرب منه علشان ما يكررها مره ثانيه جدامي لاني اكون خايفه كثير منه لانه يكون واحد ثاني مو زوجي وماعرف انه زوجي الا لمن يصحى وشكله بيشيبني من كثر مايخوفني |
زوجك هو اللي ينضرب! حلوووه هذه ..
خليه يحصن نفسه قبل ما ينام ,, |
كلامهم صح
نزلي الرقية الشرعية وشغليها في البيت و شغليها وانتو نايمين وكمان سورة البقرة واتفضلي هي رابط الرقية http://audio.islamweb.net/audio/inde...audioid=125065 وهي رقيات اخرى http://audio.islamweb.net/audio/inde...audioid=145165 http://audio.islamweb.net/audio/inde...audioid=145166 http://audio.islamweb.net/audio/inde...audioid=150100 http://audio.islamweb.net/audio/inde...audioid=150101 http://audio.islamweb.net/audio/inde...audioid=150102 http://audio.islamweb.net/audio/inde...audioid=150103 http://audio.islamweb.net/audio/inde...audioid=153056 موفقة اختي وحماك الله انت و زوجك بإذنه تعالى |
والله ياأختي انها مشكله أنا رأي تصوريه بكامير الفيديو وتوريه عشان يخاف ويحافظ على الأذكار ويحصن نفسه ..
الله يشفيه.. |
اختي صريحه جدا وش صار على زوجك
|
اشكر كل من رد على الموضوع
وجزاك الله كل خير اختي ملك شادي على الروابط وفي ميزان حسناتج انا حفظتهم عندي وسمعت شوي من الرقيه الشرعيه وماكملتها لاني انشغلت وبعدين سمعت رقية المس لفارس عباد بس ماكملتها انشغلت كثير وماقدرت اسمعهم للآخر طلعت لي شغلات وطلبات كثيره للعيال والبيت بس ان شاء الله بسمعهم كاملين واللحين مشغله على رقية المس بصوت واطي علشان زوجي وقلت اجرب على نفسي وبصراحه لمن سمعتهم قبل ماخفت وبالعكس كنت اسمع والصوت عالي ومرتاحه بس اللحين وفي هالوقت بآخر الليل حاسه بخوف وانا اسمع رقية المس وبصراحه اكثر انا مو خايفه من سماع الرقيه !!! انا خايفه لاني قاعده بالصاله اللي مقابل غرفة نومي وكل ما حطيت عيني على باب غرفتي تذكرت زوجي وتخيلت بكائه ويزيد خوفي انه ممكن يصيح مره ثانيه !!! واللحين حارمني من النوم ومطير النوم من عيوني مو قادره انام معاه بنفس الغرفه الا اذا وعدني انه ماينام وهذي صعبه اما وش سويت معاه فانا ماسويت شي غير اني كلمت ولدي الكبير وقلت له عن بكاء ابوه واستغرب ولمن قلدته انفقع ضحك مو مصدق ان ابوه يصيح بالطريقه اللي وصفتها له وقلت له اني ابغيه يصور ابوه فيديو بالجوال ووافق وهو يضحك بس ماقلت له اني خايفه منه ابي اشوف ولدي بيخاف من شكل ابوه والا بيكمل تصوير وضحك !!! لان اللي يشوفه بهالحاله يتخيل انه قاعد يتعذب وعايش برعب ووده يصحى من الكابوس اللي فيه بس من يصحى ولا كأنه كان يعاني مايدري شسالفه فأحسن شي يشوف نفسه وادعوووووووووووولي تعدي مني هالحاله حاسه بنار تحرق بطني من الخوف وانا ماخاف من زوجي بس لمن يصير له هالشي اخاف منه لاني احس انه واحد ثاني ويخوف بس باقي اليوم عادي معاه اكلمه بس اخاف منه اذا نام واترك غرفة نومي واخاف ادخلها وهو موجود طبعا كم يوم لين يروح الروع مني وانسى وبعدين انام معاه وكلها كم يوم ويدخل زوجي بصراع مع كابوس البكى والهذي ويرعبني ويطير النوم مني وارجع لنفس الحاله واللحين هو نايم وانا خايفه ياربي ابي انام مثل خلق الله وش هالحاله ليش انا غير !! استغفر الله العظيم.. |
لاحول ولا قوة الا بالله العلي العظيم...
أختي اشفقت عليه أنا... والله الموضوع مايضحك... خليه يروح لشيخ يرقيه ... الله يشفيه ويحفظه ويحفظك واولادكم من كل سوووء |
السلام عليكم ورحمة الله وبركاته صباحك أمن وسكينة ياااارب... الله يكون في عونك ..ويشفي زوجك.. لكن ضحكتيني بجد لما قلت انه هو إللي ينطق لانه سلمي بصراحة ضحكت بقوة وخفت لا يقول زوجي استخفت المرة آخر الليل تضحك لوحدها.. اقرأي المعوذات في يديك وانفثي وامسحي زوجك بها قبل ماينام وتأكدي من نظافة مفرش السرير..وخليه يغسل ويتوضأ قبل النوم.لان ممكن يكون الجاثوم والله أعلم.. وصدقيني الخوف اللي فيك ما ألومك لو كنت مكانك كان سويت الهوايل .. الله يطمن قلبك عاى زوجك ويطمنا عليك.. أختك..gawlp |
السلام عليكم
كيف حال زوجك هل عاد له هذا الفعل ؟ |
الله يكون في عونك
|
صباحكم خير
توني من ساعه قعدت من النوم ;) امس سهرانه وادور وين انام بغرف عيالي ونمت بغرفة بنتي ومشغله البقره والصبح قمت علشان اجهزهم للمدرسه وبعدين مريت على غرفتي وزوجي محد راح الدوام وماشفته مثل امس بس هالمره ماخفت من غرفتي وطفيت الانوار وطحت على سريري ونمت من الارهاق يومين مانمت مثل الناس وشكثر كوابيس وشكر اتصالات بس عادي احلم وارد اكمل نومي وارد على الجوال وارد اكمل نومي مررررررررهقه بس اللحين الحمدالله عال العال واتوقع اليوم بنام بغرفتي مع زوجي ( اقول هالكلام لان احنا تونا بالنهار يمكن في الليل اخاف ) وطبعا زوجي مادري عنه ردت له الحاله والا لا لاني مانمت عنده يومين بس ان شاء الله بعد ماريحت اليوم وردت لي العافيه وجاتني طاقه جديده ان شا ءالله راح اتحمل اي تصرف من زوجي وماراح انهار بسرعه لاني ارتحت شوي وغير ولدي ببلغه لو صار لابوه اي شي علشان يصور لان ولدي هالايام كله يسهر علشان امتحاناته والله يهدي زوجي ويوفق ولدي وعيالي كلهم اقتباس:
خلني اقدر اخليه يروح يصلي في المسجد بالاول علشان يوافق يروح لشيخ يرقيه زوجي من مده منتكس بدينه وزين منه يصلي في البيت ( ويجمع بعد ) لو حد بيرقي فهو انا اللي برقيه هذا اذا خلاني وما استهزأ مني أو منعني بس ان شاء الله اذا شاف نفسه يمكن يوافق على الاقل بقوله بقرا عليك علشاني انا مو علشانك عذبتني معاك واتوقع بيوافق اقتباس:
والغريبه اني عمري ماشفته يصيح بحياتي كلها يعني في الواقع ولا مره صاح اقوم اسمعه وهو نايم ولا بصوت غير عن صوته مغير صوته في النوم وشكله يخوف ومافهم منه وش يقول وتحسينه مجنون ! وعزيزتي شفتي شلون التصرف غريب يعني انتي خفتي من زوجك يقول عنج استخفيتي لانج تضحكين اخر الليل لوحدج !! وشلون زوجك لو شاف واحد يصيح اخر الليل وهو نايم بصوت عالي وبدون دموع ويهذي ويتكلم وكأنه مجنووووووووووووووووون وشبيقول!! وبالنسبه لفرشه هو نظيف وانا وياه نعاني من وسواس النظافه ففي هالنقطه تطمني اقتباس:
فجزاك الله كل خير لانج ماحملتيني فوق طاقتي وبينتي ان ردة فعلي طبيعيه اقتباس:
من امس منحاشه منه ;) بس ان شاء الله اليوم بترجع المياه لمجاريها وبنام معاه وبقرا عليه وان شاء الله مايصير شي وان صار بنادي المنقذ ولدي الكبير يصور واتحداه اذا ماخاف على ابوه اقتباس:
وشاكره لكم جميعا |
شدعوه !!
|
السلام عليكم ورحمة الله وبركاته,
اختي "صريحة جدا" الله يعينش على مصيبتش ويشفي زوجش...ممكن اساعدش بان تقنعين بل لازم زوجش يسوي ها الامور الشرعية:- 1- ينام على طهاره 2- ينفض الفراش ثلاث مرات 3-يقرأ سورة الاخلاص والمعوذتين ثلاث مرات وينفث على كفيه ويمسح على جسده ما استطاع ان يصل اليه ولا ينسى آية الكرسي 4- يدعي بها الادعية الشرعيه:- بِاسْمِكَ رَبِّـي وَضَعْـتُ جَنْـبي ، وَبِكَ أَرْفَعُـه، فَإِن أَمْسَـكْتَ نَفْسـي فارْحَـمْها ، وَإِنْ أَرْسَلْتَـها فاحْفَظْـها بِمـا تَحْفَـظُ بِه عِبـادَكَ الصّـالِحـين . اللّهُـمَّ إِنَّـكَ خَلَـقْتَ نَفْسـي وَأَنْـتَ تَوَفّـاهـا لَكَ ممَـاتـها وَمَحْـياها ، إِنْ أَحْيَيْـتَها فاحْفَظْـها ، وَإِنْ أَمَتَّـها فَاغْفِـرْ لَـها . اللّهُـمَّ إِنَّـي أَسْـأَلُـكَ العـافِـيَة . اللّهُـمَّ قِنـي عَذابَـكَ يَـوْمَ تَبْـعَثُ عِبـادَك . (ثلاثاً) بِاسْـمِكَ اللّهُـمَّ أَمـوتُ وَأَحْـيا الـحَمْدُ للهِ الَّذي أَطْـعَمَنا وَسَقـانا، وَكَفـانا، وَآوانا، فَكَـمْ مِمَّـنْ لا كـافِيَ لَـهُ وَلا مُـؤْوي اللّهُـمَّ عالِـمَ الغَـيبِ وَالشّـهادةِ فاطِـرَ السّماواتِ وَالأرْضِ رَبَّ كُـلِّ شَـيءٍ وَمَليـكَه، أَشْهـدُ أَنْ لا إِلـهَ إِلاّ أَنْت، أَعـوذُ بِكَ مِن شَـرِّ نَفْسـي، وَمِن شَـرِّ الشَّيْـطانِ وَشِـرْكِه، وَأَنْ أَقْتَـرِفَ عَلـى نَفْسـي سوءاً أَوْ أَجُـرَّهُ إِلـى مُسْـلِم اللّهُـمَّ أَسْـلَمْتُ نَفْـسي إِلَـيْكَ، وَفَوَّضْـتُ أَمْـري إِلَـيْكَ، وَوَجَّـهْتُ وَجْـهي إِلَـيْكَ، وَأَلْـجَـاْتُ ظَهـري إِلَـيْكَ، رَغْبَـةً وَرَهْـبَةً إِلَـيْكَ، لا مَلْجَـأَ وَلا مَنْـجـا مِنْـكَ إِلاّ إِلَـيْكَ، آمَنْـتُ بِكِتـابِكَ الّـذي أَنْزَلْـتَ وَبِنَبِـيِّـكَ الّـذي أَرْسَلْـت . اسال الله الكريم رب العرش العظيم ان يهدي زوجش على المواظبة في الصلاة وان يفتح عليه من خيره وبركاته انه ولي ذلك والقادر عليه |
أختي اسئل الله أن يهدي زوجك تقولين أنه مقصر في الصلاة . إذن هذه هي المصيبة.
والمشكلة التي هو فيها الآن سببها عدم الإرتباط بالله والأخوان والأخوات يقولون: الأذكار لابد يقرأها قبل أن ينام . كيف يقولها وهو مقصر في الصلاة الصلاة أهم أهم قال الله تعالى: "فأما يأتينكم مني هدى فمن اتبع هداي فلا يضل و لا يشقى و من أعرض عن ذكري فأن له معيشة ضنكا و نحشره يوم القيامة أعمى قال ربي لم حشرتني أعمى و قد كنت بصيرا قال كذلك أتتك آياتنا فنسيتها و كذلك اليوم تنسى" [سورة طه 123]. أختي انصحيه وانصحيه مرات ومرات أن يصلح من حاله في أمر الصلاة وإذا انصلح حاله في الصلاة سوف يكون في راحة وطمأنينة . وتأثر هذة الطمأنينة على بيته أيضاً. |
والله العظيم انا لو منج بشرد برع البيت .. زين يوم ان عندج اطفال ولا الله يكون فعونج .. الصراحه انا خفت الله يكون فعونج ..
الاخوان ما قصروا والله ييسر امورج ان شاء الله .. |
يا اختى الا تعلمى سبب ما يعانى منه زوجك
سبق وقد كتبتى عن موضوع صورك فى جوال زوجك وانه دائما ما يحب مشاهدة المقاطع السيئة من اصدقائة ومشاهدة القنوات الخارجة عن التقاليد وعدم الالتزام فى الصلاة واشياء اخرى نسأل الله ان يتوب علينا ويغفر لنا ويهدينا يا اختى هذه هى اسباب ما يعانى من احلام مفزعة وقلق وكوابيس يا اختى كلمية ان يهتدى ويرجع الى الله حتى يبارك له الله فيك وفى ابناءه ويحفظهم له كلنا نخطأ ونسأل الله ان يغفر لنا ولكن المداومة على المعصية شىء خطير ربى يغفر لى ما لا تعلمون ويجعلنى احسن مما تظنون ويرزقنا بحسن الخاتمة آمين آمين آمين وصلى الله على سيدنا محمد وعلى آله وصحبه وسلم |
فعلا الوضع غريب يمكن هذي حاله نفسيه بس أهم شي الأذكار قبل النوم الله يعينك يالغاليه ويفرج همك
|
الله يعافيه ان شاء الله...ان شاء الله يشفى من هذي الحاله باسرعه وقت ممكن......شغلي سوره البقره و رح تشوفي انو الحاله ان شاء الله ما راح تتكرر ان شاء الله..
|
ياغاليتي :
اول ما تبدي بفعله تشغيل شريط سورة البقرة بالبيت او قراءتها كامله بعدين خليه يتوضى ويقراء المعوذات قبل ما ينام لا تحسسينه بخوفك بهالطريقه عشان ما يكون هناك حجوزات بينكم وحاولي تتقربي منه وتسأليه اش اللي يشوفه واش اللي يصير معاه بالحلم لا تتهاوني بالامر من ناحيته وتركزي على نفسك ...... |
اعتقد والعلم عند الله وعلى كلامك انه بدا مايصلي في المسجد
اقول اعتقد انه مسحور او مسكون ولو تنسقين مع احد اخوانك او اخوانه وتشرحين له الحاله ويتم الذهاب به الى شيخ يقرأ او انكم تجيبون له شيخ يقرأ عليه بالبيت انصحك بسرعة الاستجابه |
جزاكم الله كل خير
اخوي ABUSANAD بحاول اقنعه يطبق اللي ذكرته مع انه صعب ومساعدتك ماراحت هدر انا اطبقها على نفسي وان شاء الله الله يستجيب دعائي ويهدي زوجي ويداوم عليها .............................................. اقتباس:
بس عزائي الوحيد انه للحين معترف فيها واهم شي مايتركها نهائي وفعلا مثل ماقلت اهم شي الصلاه اذا انصلح حاله معاها بتنصلح جميع اموره وان شاء الله راح استمر بنصحه وجزاك الله خير .............................................. عزيزتي حرم المرزوقي جزاك الله كل خير على الدعاء .................................................. .. اقتباس:
سبحان الله كل هالفوضى بسبب البعد عن الله انزين وليش هو مايعاني او يحس انه بمشكله ليش ساكت مع انه اكثر كلامه اذا عصب او زعل يبين فيه انه عايش بهم وجحيم لأنه يقول الله يلعن اليوم اللي جيت فيه والله يلعن ويلعن .. والله ياخذني .. ومن وين جاني البلا .. انا ايش اللي صار لي.. انا انتهيت ..خلاص انتهيت وتمتمات كثيره لحظه مايعصب او يزعل وكلها سب وسخط من حياته وممكن تظهر فجأه ويكون موقف مايستدعي كل هالثوران وكل هالعصبيه واللعن والسب الكبير بس بيرد يهدي اعصابه وهو يسب بمصطلحات سب وشتم عمرها مامرت علينا من شدتها ويدخن بشراهه ويرد يتفرج على القنوات او يطلع من البيت صاير مزاجي بس ماعمره قالي انا متضايق او حاس بشي غلط بالعكس مكيف حياته بهالوضع نوم وتدخين وقنوات مو خلاعه ( لاني منعتها والا مايمانع ) بس قنوات افلام واغاني وماتخلو من آثام وكله في البيت الا بعض الاوقات يرد فجأه يسهر برع البيت وبعدين ياليت قعدته في البيت بفايده معانا الا باللي ذكرته بس وبالعافيه يهتم لأمور البيت والكوابيس انا اللي اعاني منها هو مايتذكرها وقليل الكوابيس اللي يتذكرها وعمره ماشتكى منها الشكوى مني انا !! بس فعلاً زوجي ماله الا يقرب من الله وان شاء الله ينصلح حاله وجزاك الله كل خير على الدعاء .................................................. ............... صوت الحكمة .... حبيبة بسام ... رحيق الجنان ... جزاكم الله كل خير |
اقتباس:
واصلا بعد ماصحيه من الكابوس يرد ينام على طول ومايدري عني خفت والا مت..!! لانه يكون دخل بسابع نومه و احيانا بعد ما اصحيه من كابوسه يعلق ويقول معقوله سمعتيني أويعلق ويقول كان حلم ويرد يكمل نومه واحيانا مايعلق بس يكتفي يطالعني بإرهاق وبعيونه الحمر لأني قعدته من النوم غصب ويرد يكمل نومه وانا بعد اللي شفته وبعد ماينام ولا كأنه صار شي اخاف وانتفض ويطير مني النوم بس زوجي مايدري بدرجة خوفي ولا حس اني خايفه منه لانه رد ينام مره ثانيه واذا حكيت له بعدين لين يرد من الشغل ماعاد اكون خايفه واكون هديت ولين اذكر له اللي صار فانا اذكره له وانا هاديه مو خايفه منه لانه هو مايخوفني الا في الليل ووقت ماينام ومايكون بوعيه اقتباس:
وقتها اخاف بعد من كابوسه واسكته واقوله خلاص لا تقول حلمك اسكت ولاتذكره مابي اعرف وش حلمت وانساه ويرد ينام بعد دقيقه او دقيقتين يعني الكوابيس اللي تخوفني ويصيح فيها مايتذكرها تماما او يقولي كأني كنت اطلع صوت بس معقوله سمعتي !! ويرد ينام على طوووووووول .... والكوابيس الخاصه باعيالي يتذكرها !!!! اما قولج اني لازم ما اركز على نفسي اكثر منه فلاني انضريت منه ولو ماكان يصارخ وهو نايم ويخليني افز من نومي علشان اصحيه من كابوسه ماعترضت لنفسي ولو كان مايخليني اصحى مرعوبه من بكائه ما شكيت انتي ماتدرين انه اول مايبدى يصيح ويهذي اني صرت لا إرادي افز وانا اشهق واسمي بالله من الروع اللي فيني وانادي باعلى صوتي باسم زوجي علشان يسكت لاني عرفت ان مصدر الاصوات اللي اسمعها منه وامسك زوجي لا ارادي على طول وهو نايم وبكل قوتي علشان يسكت ويصحى من كابوسه ويكلمني كشخص طبيعي فشي طبيعي ان الشكوى والتركيز بيكون بنفسي اكثر لاني انا اللي اتضرر يا اختي وبنفس الوقت اكيد ابي حل المشكله لزوجي وشاكره لج نصيحتج وان شاء الله ماراح اتهاون .................................................. ............. اقتباس:
اما مسحور او مسكون هالكلام يخوف !!! انا كلمت الوالده بموضوع زوجي وانصدمت وقعدت تتعوذ وكل شوي اعوذ بالله من الشيطان الرجيم خررررررعتني (هالكلام يحسسني ان زوجي فيه شي) وبعدين عطتني شريط عن الرقية الشرعية واللحين دايم اسمعه بالسماعات وانام عليها ومواظبه عليها وركزوا على ( مواظبه عليها ) لاني اتكلم عن نفسي اني اقرا واسمع رقية وماسويها لزوجي اللي يعاني من الكوابيس !! وبصراحه انا ماقدرت على زوجي مو مهتم يقرا وبنفس الوقت ماقدرت اقرا عليه !! اولا لاني من يوم ماكتبت المشكله في المنتدى وهو ينام قبلي حتى في إجازة الاسبوع تفاجأت فيه نايم بتقولون لي اوكي اقري عليه وهو نايم صح كلامكم وانا حاولت بس ضعفت وخفت جاتني افكار ووساوس انه ممكن مسحور واني ممكن وانا اقرا عليه او انفث عليه يصير فيه شي والا اسمع شي يخرعني فأخاف وماقرا عليه واكتفي احصن نفسي واتعوذ واتلحف واغطي وجهي مابي اشوفه ادري جبانه بس موبيدي اصلا صرت مع كل حركه منه وهو نايم أو مع كل صوت يطلعه لو تنهيده بسيطه افز اصحيه لاني خاااااااااااااايفه يتطور للأسوأ وطول الليل جذي أي صوت يطلعه واي هلوسه افز اصحيه ويفتح عيونه وهي حمره من عمق النوم اللي كان فيه فيكتفي يطالعني ويرد ينام وانا اصحيه بسرعه على أي صوت مو طبيعي او افهم انه بدايه للهلوسه او البكى علشان مايتمادى الا اذا كنت نايمه وصحيت على بكائه ووالله العظيم انه في كل مره اصحيه مايعصب علي وبالمقابل يكمل نومه !!! وانا مستغربه منه لو ماكنت نايمه وحد من العيال ازعجه بصوت خفيف من برع الغرفه كان طلع من الغرفه وهاوشهم وعصب عليهم لانهم ازعجوه وطيروا النوم منه ويقعد بعدين بعد مايصحى من النوم المغرب والا العشاء ياخذ ادوية بنادول لان العيال خربوا نومته وصاده صداع وبالمقابل من عز نومه اصحيه لاني خايفه منه فيكتفي يطالعني ويكمل نومه ولا عمره تضايق من حركتي !!!! وبالمقابل انا اللي ماقدر انام معاه (ماشاء الله تبارك الله مابي احسده بعدين يعصب علي لاني اقعده من النوم ) وللعلم انا صايره سلبيه مع زوجي موقادره حتى ارقيه حتى مشاكلي انا سلبيه بحلها اقل شي اسويه اني اتهرب منها وحاسه اني استسلم بسرعه وحاليا في هالكوابيس ورغم عرضي لها كمشلكه وطلبي حل لها الا ان كل اللي اسويه حاليا هو اني قاعده احصن نفسي انا وعيالي وافتح على البقره 24 ساعه في البيت وبغرفة عيالي وبغرفة نومي بس بشرط بدون وجود زوجي لان القران بيزعجه ومايخليه ينام حتى لو الصوت واطي واشغل على الرقيه الشرعيه واسمعها انا باستمرار بالسماعات لاني اقدر على نفسي وعلى عيالي بس ماقدر على زوجي ياليت تقولون لي على طريقه تساعده لو افترضت انه سحر والا غيره كيف اقوي نفسي وماخاف وكيف اقنعه والا اقنع اهله احس الموضوع صعب اولاً لانه مو حاس انه فيه شي من سحر أو غيره وثانياً صعب لان وزوجي مركزه كبير في العمل وله اعتبار وماودي حد يعرف اللي في زوجي لدرجه قمت اوصيه اذا سافر بدوني انه ينام بغرفه بروحه مابي حد يكتشفه لان هالكوابيس والهلوسه وقت النوم مايلاحظها الا اللي ينام معاه فاخاف يشوفون زوجي بهالوضع وبعدين شلون اقنعه بشيخ يقرا عليه و شلون اقنعه يجيبه البيت او يروح له او يوافق على الفكره وأنا راضيه حتى يقرون علي معاه بس يوافق لان زوجي حالياً مايحب المشايخ واصحاب اللحى ( بعد ماكان من اصحاب اللحى !! ) |
| الساعة الآن 08:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©