|
هل هي شوفة شرعية؟؟ ام فحص؟؟ ام تحقيق؟؟
عمري 30 سنه وسبق لي الزواج
وتقدم لخطبتي اثنان في نفس الوقت احترت بينهم الاول لم يسبق له الزواج وبنفس عمري والاخر مطلق عمرة 40 ولدية ولد وبنت ومركز مروق جدا جدا وعائلة وماده فخترت الثاني..بعد استخارة واستشارة طبعا تقدم بشكل رسمي بعد السؤال عنه وقابل اهلي وجدا اعجبهم اسلوبة ومنطقة واخلاقة وجى موعد الشوفة الشرعية وشفته وكنت جدا مرتاحة له وهو ايضا بين علية ذالك..لانه اول ماطلع من عندنا كلم الوالد ليأخذ موعد ليأتو اهله لانه هو موافق.. وفعلا اخذ مو عد وجو اهله..طبعا جت امه واثنتيبن من خواته وخالته (ماصارت شوفة) كأنه فحص..:( المهم الي حصل اني لم ارتاح ابدا ابدا لأهله ولااسلوبهم في الكلام فقد بدؤ بمدح طليقته امامي وانها كانت غاية في الجمال وانهم لايعلمون سبب تطليقة لها وبداؤ بأسأله كم عمرك؟؟ قلت 29 صغرت حالي شوي قالو شكلك 19 سنه شكلة بيجلس ينتبهلك انتي وعيالة مو انتي الي بتنتبهين لهم....:15: (استغربت من الكلام) ومافهمت شي.. ثم السؤال الاخر؟؟ هل لديك خلق لأطفال هل تحبينهم قلت اكيد..من مايحب الاطفال... الي بعده تقول لي قومي جيبي الصينية وقدميها لنا... ايش هذا... بدأ على ملامح وجهي التوتر والضيق من التصرفات والكلام تصدقون قبل لايطلعون وحدة تمسك شعري وتشده.. (شكلها تبي تتأكد انه باروكة او لا) تضايقت كثير وحسيت اني مستحيل يكونو هذولي اهل لزوجي انا لااستطيع ان ارتبط بواحد اهلة من هالنوعية فرفضت ان اتمم الخطبة..لاني لااستطيع العيش او الاحتكاك بأهل مثل هالنوعية وبماانني هادئة كثيرر ..ولااحب المشاكل ولااستطيع الرد فهذا الي حتما سيسبب لي مشكال مستقبليا معهم.. فرفضت.. ولان الكل يلومني كيف ترفضينه وهو مركز وخلاق وماده وشكل؟؟ ويلوموني انه ماراح يجيك شخص كامل.. وانا واثقة انه لايوجد شخص كامل(الكمال لله) والفرصة لمى تجي ماراح تتكررر..!! ولاكن ليس من حقي ان اختار من ارتاح لة ولأهله معا..لان مؤكد ان اهلة بيكونو اهلي..فكيف وانا مو مرتاحة لهم ابدا.. هل تسرعت برفضي له بسبب اهله؟؟؟ ياليتكم تفيدوني عشان ضميري مايأنبني اكثررر.. |
أختي برأيي أنك تسرعتي فعلا
أنت ستعيشين معه وليس مع أهله وكان من الممكن أن تشترطي عدم تدخل أهليكما في حياتكما الزوجية وفقك الله |
شكلها الخطة نجحت...
برأيي ان اهله رافضين هالزواج لاسباب لا يعلمها الا الله وبما انهم ما قدروا يقنعوه بالعدول عن الخطبة لجأوا الى هذه الخطة الخبيثة وطبعا كل شئ سار حسب ما ارادوا بس الحمد لله انك رفضتيهم لان الباب اللي يجي منه الريح سده واستريح.... |
لا يا حبيبتي لا اراك تسرعتي انت لم تريه الا مرة و بالطبع هذه المرة مستحيل توضح العيوب و لا يوجد انسان الي من العيوب فلا تعتقدي ان كله مميزات
و اهله بهذه الصورة لا يمكن تحملهم و انت لا تتزوجي الرجل و حده و لكن سيكون عليك ان تحبي اهله و تبريهم ز كذلك عليهم ان يحبوك و يحسنوا معاملتك فكيف تعاملك امه هكذا ثم تصبح جدة لابنائك او كيف تعاملك اخته هاكذا و تكون عمة لهم اذا وافقت ثم بعد ذلك اسأت معاملتهم ستكونين انت المخطئة و ليس هم و ما دمت استخرت فلا تندمي عوضك الله بخير منهو رزقك الزوج الصالح و الذرية الصالحة آآآآمييييييين |
أختى الكريمة
أنت ستتزوجين الرجل وليس أهله أهله مهما كانوا مجرد أنهم فيه اعتقادات عندهم الأم تحب أبنها والأخت أيضاً وتريد أن تقول أنها هى التى أختارت شريكه زوج أبنها أو أخته فما المشكلة فى هذا الأمر كان يحدث هذا الأمر كثيراً فى الماضى أما الآن فهذا الأمر قليل فأختى أنا أرى أنك تسرعتى فى هذا الأمر ما دام هو يريدك فإن أرسل إليك مرة ثانية فأجيبى أختى وحاولى أن تقتربى منه فالزوج لكى أنتى هو الذى سيكون معكى وما دمتم تريدون بعضكم البعض فلا داعى من الآخرين مهما كانوا وربنا يسعدك ويوفقك لما فيه كل الخير |
اولا سبحان الله كل شىء نصيب
وهذه اقدار لا يعلمها الا الله عز وجل ولكن اعتقد انك تسرعتى لانه فى حالة انك تعيشى فى مكان مستقل لن يكون هناك اختلاط مع اهله بالشكل الكبير ولكن الاهم كان التأكد من خلق ودين الرجل هذا هو الفيصل ولكن اعتقد الى الان هناك فرصة بأذن الله فقط الوسطة فى المعرفة يخبره بسبب رفضك وقلقك والله اذا ارادك سوف يطمئنك عن هذه النقطة اما اذا كان هو راضى عما فعله اهله فلن يعقب وان كنت ارى ان ما فعله اهله ليس مبالغ فيه ولكن فقط يكمن طليقته قريبه لهم ويتمنوا ان ترجع اليه اسألى الله عز وجل ان يقدر لك الخير |
مثل ما قالوا الأخوات الكريمات الدعوة نصيب .. وهذا مونصيبك .... الصراحة .. ما أتوقع ولا أتخيل فيه ناس كذا ... خيييييييييير تقولي جيبي الصينية ... آصلا المفروض انتي سلمتي جلستي خمس ق وطلعتي مو المفروض تطولين ؟؟؟؟؟ وبعدين تلمس شعرك ؟؟؟ هذي ما قد سمعت عنها بس شفتها في مسلسل سوري وقديم ..... وبعدين سؤال آخر ... جية أهله .. بعد ما طلعتي عليه وأعجبتيه ... وش الغرض منها ؟؟؟ ممكن يجون قبل ما تطلعين .. إذا رآيهم مهم عنده ولا أنا غلطانة ؟؟؟ الله يكتب لك اللي فيه الخير لك وييسر أمرنا وأمرك .... بالتوفيق
|
عزيزتي لا تلومي نفسك
فالزواج نصيب ومكتوب وبما انك استخرتي وربنا صرف عنك هذه الزيجه لأي سبب فهذا الخير لك ومالك نصيب فيه وعسى أن يرزقك الله بزوج أفضل منه آمين |
عذراً اختي بس أبغى أسأل أنتي ليش رفضتي الأول ؟؟؟؟
على الرغم أنه لم يسبق له الزواج |
اختي الفاضلة من رايي انك تسرعتي المفروض انك راح تعيشي معه مو مع اهله وعلى العموم الله يكتبلك اللي فيه الخير
|
هذا قسمه ونصيب 00ولو نصيب بيرجع ثاني؟؟
انا شافني( 6) رجاجيل كلهم انحاشو كنهم شايفين جني؟؟ههههههههههه لا وتراهم متزوجين واثنين منه شياب؟؟ماقلت شي بس الله وكيلك وين الباب؟؟؟معد شافو الدرب؟؟ انصدمت لين قلت امين؟؟؟؟ انا ماني شينه متوسطة الجمال00بس وش تقولين ياكافي الشر؟؟؟ بعد ماذقت المر؟؟جاء النصيب؟؟بعد سنه طلقني وانحاش معهم الي جهه غير معلومه؟؟؟ومازال البحث عليه جاري ومن يدلي عنه له جائزه ؟؟دعوه حلوه |
الف شكر لكل من ارسل لي من الاخوه والاخوات وراح اجيب على اسئلتكم
اولا الاخ ابو مريم..صحيح انا راح اعيش في بيت مستقل ولاكن الجدار بالجدار يعني لابد ان ارهم تقريبا شبة يومي..واعتقد حتى الطلعة والدخلة بتكون محسوبة علي اما الاخت وقودي امل فأقولها صحيح هو جى اول واقتنع وصحيح جيت اهلة مالها داعي ولاكن كيف ممكن اتزوج واحد ماشفت اهله ولاهم شايفيني..يعني العادات تحتم ذالك..بالرغم من انه قرارة بيدة لانه مو صغير في السن عمرة فوق 40 وعنده عيال..بس (الاهل عاد وش تسوين) والي شفتية في المسلسل صار حقيقة مو كلام مسلسلات.. واشياء اخرى لم اذكرها ... يعني لاتخافين اذا صار لك مثلي .. اما الاخت الحائرة..فأقولها صدقيني كنت في حيرة بين الاثنين كبيرة وجلست افكر اكثر من شهر ومااخترت الاول لانه نفس عمري وانا احب وافضل من هو اكبر مني سنا..ولدية تجربة وتصدقين خفت لمى قالو لي يمكن ربي عاقبك انك رفتني الاول..بدون سبب مقنع وانا والله كنت مسخيرة..وحتى على الثاني استخرت.. وربك يكتب الي فية الخير.. والف شكر للجميع والله يرزق كل البنات والمطلقات والارامل..بس بزوج واهل خيرين |
اولا الزواج قسمه ونصيب وانا اشوف انه عين العقل انك رفضتيهم هذى عائلة تخوف وخصوصا اول لقى لهم معاك يعنى اللى اوله كذا وش تاليه اجل
وبعدين لاتهتمين ولا تفكرين ولا تقولين ربي عاقبني علشان الاول هذا نصيب ويمكن خيره لك والله يزقك ويرزق الجميع الازواج الصالحين |
ما فائدة السؤال ؟ انتي استخرتي ورفضتيه واللي يقولك مركز واخلاق وشكل قولي له وعسا ان تكرهو شيئا وهو خير لكم.. يمكن كانت الخيرة انك رفضتيه لا تنسين انتي استخرتي..
حبيبتي الموضوع انتهى مافيه فايده من اللت والعجن فيه انسيه وعيشي حياتك وادعي ربي يرزقك باللي افضل منه وخلاص.. |
طيب يالغاليه مافي حل ان الاول يرجع يتقدملك مرة ثانيه
اذا امكن ياليت تعيدين النظر بالموضوع والله يوفقك ويعوضك خير ام الى رفضته خلاص مافي فايدة من الكلام الى راح راح والله يرزقك الخيرة وين ماكانت |
أنا ما أدري ليه ما تجي الأم و إذا بتجيب أحد تجيب وحده من بناتها
ليه لازم الخاله و العائلة كلهم لأن صعبه تعجب البنت كل الأذواق كل وحدة بتطلع عيب الله يعين بسسس |
اللهم هذه أختي في الله يسر أمرها وفرج همها ونفث كربها ..
اللهم ارزقها بالزوج الصالح الذي يدلها على الخير ويعينها عليه ... اللهم وأرها الحق حقا وارزقها اتباعه وأرها الباطل باطلا وارزقها اجتنابه .. أختي الفاضلة لطالما أستخرتي الله فاحمدي الله على كل حال أي نعم قد يكون الخطأ والشر من الإنسان لأن الله لم يخلق شرا محضا ولكن الموضوع إذا خرج من يدك فلا تندمي وتتحسري واستعيني بالله ولا تعجزي وإذا مازال الأمر في متناول يديك فهنالك فرصة بأن تراجعي نفسك في الموضوع ... وأحب أنبهك إلى أمر وهو أن أهل الزوج صحيح أن راحتك لهم مهمة لأنك سوف تعيشين معهم حتى لو لم يكن في نفس البيت وسوف تكون بينكم زيارات ولقاءات وغير ذلك لكن طالما كان الزوج صاحب خلق ودين وصاحب شخصية وكلمة فبإذن الله لن يؤثر ذلك ولكن المشكلة عندما يكون الزوج ليس له شخصية أو أنه يرى أن زوجته يجب أن تنقاد لأهله وهكذا يسر الله أمرك وأسعدك |
اولا انتى استخرتى ربك فلاتحزنى على الاول ولاتحزنى على الثانى وعلى فكرة اهله كانوا حيتعبوكى اوى انا جربت هذه النوعية من الاهل
|
يا غالية اذكري الله أولا
ثانيا ... أهم شيء في الموضوع هو الإستخارة لأن ما خاب من استخار ، و مهما كانت نتيجة الإستخارة سلبية أو إيجابية مفروض نرضى لأنه هو الخير لنا و الأصلح ثالثا ... هذولي شكلهم أذكياء ، و كانوا مخططين على فركشة الخطبة ، و واضح إن علاقتهم بولدهم مو كويسة ، لأن لو كويسة كان قبلوا باللي هو قبل فيها ، يعني ما خربوا عليه و كسروا خاطره ، من ناحية ثانية و بالإضافة إلى إن العلاقة سيئة بينه و بين أهله واضح إنهم يتحكمون فيه ، لأن ماله داعي جيتهم بعد جيته هو و موافقته عليك ، خاصة إن عمره 40 سنة يعني ناضج و قادر على اتخاذ قراره ، لكن طالما جو يطمنون على قراراه فواضح من البداية إنك ما راح ترتاحين معهم ، و إنهم بيتدخلون بكل كبيرة و صغيرة ، و يمكن يجبرونه على اتخاذ قرار ضدك فيما بعد رابعا ... بالنسبة لأهلك و لومهم لك بإختصار قولي ( كل واحد أخبر بنفسه ) ، أنت عارفة نفسك حساسة و رقيقة و ما فيك جلد على مجاراة ناس تفكيرهم عدواني و إن أعصابك معهم بتكون مرهقة 24 ساعة ، كلمة أقولها و مقتنعة فيها ( كل واحد أخبر بنفسه ) لذلك ما لنا حق نلوم أحد على قرار هو اتخذه و خاصة لو قرار يتعلق فيه هو شخصيا بالدرجة الأولى خامسا و الأهم ..... قولي ( إنا لله و إنا إليه راجعون ، اللهم أجرني في مصيبتي و اخلفني خيرا منها ) موفقة |
دام انك استخرتي
صدقيني معناه احسن انك رفضتيه حصل لي موقف و استخرت و ربي ما كتب لي الموضوع ذاك لكني اصريت عليه لانو براسي انه فرصة لا تعوض و سبحان الله كانو اهلي كمان يدفعوني عليه و يقولوا لي سويه احسن لك .. و سويته و لقيت مشاكل لا تعد و ندمت اشد الندم بس الحمدلله ربي خلصني على خير يعني مهماا بين لك الناس انك غلطانه لا تزعلي لانك الصح دامك استخرتي ربي يوفقك و |
الحمد لله على كل حال... وقعلا ماخاب من استخار..وماخسر من استشار
واللهم اجرني في مصيبتي واخلف لي خيرا منها.. والف شكر لكل من راسلني ورد علي واالله يعطيكم الف عافية.. |
اقتباس:
هموووم |
اختي ممكن لما مدحو طليقته يقصدون بذلك ان الرجل تعامله طيب وجميل
ثاني شي اختي ممكن لما قالو انه راح ينتبه لك ولعياله انك شكلك صغير وهذا شي جدي عندهم اختي انتي رفضيته والي فات مات الله يعوضك ان شاء الله بزوج افضل منه ودعواتك لي بان الله يفرج همي ويرزقني بالزوجه الصالحه السنه هذي |
امين امين امين..ويرزق الجميع يارب
ومشكور اخي.. |
مافي شي يكمل
ودام انك مارح تعيشين معهم فالمفروض تكون العلاقه معهم رسميه جدا وأهم شي الرجال أولا أما لو بتعيشين معهم فهذولي العيشه معهم جحيم ويحق لك ترفضين عموما دام انك خلاص رفضتي فالكلام ماينفع الحين الله يعوضك باللي فيه الخير |
دام انك استخرتي وفي النهايه طلع رفض هذا من الاستخاره ومعناته الله ما رايدلك بس ان شاء الله ربي يعوضك بللي احسن منه ويرزق الجميع يارب
|
دام إنهم مدحوا في طليقته فأتوقع إنه العيب من ولدهم
لإنه نادرا ما نشوف أهل يمدحوا بزوجة ولدهم ؟ |
لا تندمين ابداً صدقيني لو اراد الله لك الزواج ... لكتب لك الزواج ولكن هذا امر انقضى من فوق 7 سموات ... لياتي الرفض على لسانك وليس انتى من رفض ... ولكن الله هو من قدر هذا الشي فلا داعي للندم وعيشي حياتك عسا ربي يووفقك |
| الساعة الآن 09:42 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©