زوجى يخونى هل اتركة ام ستمر معة ؟
 

السلام عليكم ورحمة الله وبركاته

انا عندي مشكلة كبيرة ارجو منكم مساعدتي وحلها لي انا متزوجة من 18سنة
من 4سنوات اكتشفت ان زوجي على علاقة بوحدة ... ولما واجهتة انكر وبعدين اعتذر وطلب السماح وسامحتة بعد سنه اكتشفت انة يكلم وحدة ... أخرى ونفس المأساة طلب السماح وجلس يبكي عند رجولي ويقول انة ما يقدر يعيش من غيري لما شافني لميت اغراضي وانة يحبني وما رح يعيدها وحلفلي المهم قبل شهر لقيتة يكلم وحدة ... أخرى وما كفاة المكالمة لا يصرف عليها بعد ويدفع لها ايجار بيتها في ..... يعني استغلتة مزبوط لانة مخفة المهم صار نفس السيناريو ابي حل اتركة ولا استمر واطنش عشان اولادي مع العلم انهم 4 واجلس لاولادي وهو بالطقاق الله لا يرده وهذا لا يعني اني ما احبة بالعكس بس خلاص تعبت

الاشراف : الرجاء عدم التصريح بذكر بلدان معينة ..

الاشراف / تم تغير العنوان بما هو مناسب للمضمون

السلام عليكم
حبيبتي هذا مو حل انك تتركين زوجك وابو عيالك لاي من هالدخيلات
واحمدي ربك انو مايحب وحده معينه يعني الواضح انو يحب اللعب بس ويهتم لمشاعرك
لازم تسوين هالنقاط صدقيني راح يرجعلك
1-ادعي الله انو يسخره لك ويجعلك دانه في عينه
2-شوفي ايش ناقصك والله صدقيني الرجل يفرح باي تغير من المراءه حاولي تجددي حياتك معاه كل يوم بشكل واسلوب
3-حاولي تلعبين فيه زي مايلعب فيك بس انتبهي من انو يشك فيك مو قصدي تسوين الي يسويه لا قصدي اعملي نفسك مشغوله بشي وهو مو اكبر اهتماماتك الرجال يموتون بالي يطنشهم يعني شدي وارخي
حاولي صحيح راح تتعبين بس الموضوع يستحق التعب
وربي يسخرهم لنا

مشكورين حبايبي عنادية وحب الطفولة الله لا يحرمني منكم على هالتفاعل مع قصتي وارجو منكم الدعاء لي وابيكم ما تحرموني من نصايحكم لأني فعلا مثل الغريق الي يدور نجاته

بنات اي وحدة مرت في الي انا مريت فيه وتصرفت صح تقولي وش سوت انا بسوي مثل ما قالولي عنادية وحب الطفولة الله لا يوريهم مكروه بس ابي اعرف احد مر بتجربه مثلي وش سوى اكيد الدنيا مليانه خونه مثل عينة الأخ الي عندي انا ماني عارفه اتعامل معاه لأني شاكه في كل تصرف يتصرفه مع العلم انه ما يقدر يجلس في البيت من بعد المغرب لازم يطلع يسهر مع اصحابه ممكن يرجع بدري بس مستحيل يفوت الطلعه واذا قلتله اجلس الليله قال لازم اروح عشان اشيش ما اصبر من الشيشه مع العلم انه لما يمرض يجلس بالأسبوع العشرة ايام ما يدور عليها يعني احس انها حجه عشان يطلع رغم اني مخليته على راحته لأنه لوجلس غصب لازم يسوي هو شه في البيت مستحيل تمر بسلام ............اعتبروني اخت لكم واعطوني حلول لهالشخصيه المريضه لأني فعلا اعتبره مريض نفسي انا في مشكلة حقيقية ارجو المساعدة ..

مالك الا الصبر والاحتساب والمناصحة ياأختي...خصوصا بعد هذي العشرة الطويلة واحذري احذري احذري أن تتركي له البيت لأن هذا الإجراء سيزيد المشكلة تعقيدا ..من الواضح أن زوجك لديه قلة وازع ديني مع تأثر شديد بأصحاب السوء والله المستعان ..لذلك عليك ان تحلي هذي الاشكالية من هذا الجانب أهديه شريط ديني كتاب روحي وياه لمحاضرة منتقاه احسني التعامل معه بيني له أن هذي الامور لا تليق بمسلم ناضج في سنه وعمره ..هو لا يبحث عن عاطفة بقدر مايبحث عن شهوة عارضة يزينها له ابليس ...استمري في نصحه وأظهري له الحزم والشدة مع الشفقة لحاله ...وأدعي له وأخبريه بذلك ....الله يصلح الأحوال..ويوفقك لما يحب ويرضى ويسخره لك ويجمع بينكم بخير ..

عليكم السلام ورحمة الله وبركاته

عفواً .. هنا المكان المناسب للمشكلة .

الله يهدي زوجك واصبري ان شاء الله يقدر صبرك وحفاظك على اسرتك

اختي لا تتركين بيتك

ادعي لزوجك والحي بالدعاء

وحاولي انك تساعدينه انه يبتعد عن هالطريق

الله يجعل زوجك قرة عين لك ويجعلك قرة عين لزوجك

ويرزقكم بر أبناءكم

ربنا يهديلك زوجك ان شاء الله ويقوى ايمانك وثقى دايما ان الله معك

لاتتركيه وعليك بالدعاء آخر الليل له مفعول السحر وحاولي تغيري من ديكور البيت ومن نفسك واكتبي له رساله قولي له اين الوعد وانك واابنائه امانة عنده وذكريه بالله ---------الخ والله يفرج همك واكثري من دعاء لاله الاالله سبحانك اني كنت من الظالمين بعد كل صلاة

كان الله في عونك اختى ميمونه
ونصيحتي لك اذا قررت ان تبقي معه فلا تحاولي ان تبحثي خلفه عن اي شئ يغضبك منه اويحزنك حتى لا تتاثر نفسيتك .
انا مع بقاءك في بيته لكن لا تضغطي على نفسيتك باكتشاف اخطائه وتحملها ....واخبريه انك تحسنين الظن به وتثقين فيه ..
وكلي امرك لله فهو حسبك ..

اختي .... هل حاولتي تغيري من نفسك ؟؟؟

انا لا اقصد ان تلبسي و تتزيني ...لا ...انا اقصد في شخصيتك

شوفي وش يجذب زوجك في هؤلاء النساء ؟؟؟

او قد تكون الخيانة مثل الادمان عنده ...يعني ما يقدر يعيش بدون ما تكون عنده علاقة

لكن ....يجب ان تتأكدي انها علاقة غير جسديه ...لان هنا الوضع خطير

الواحد يخاف من الامراض اللي تنتقل من هذه العلاقات

كيف هو معك و مع اولاده ؟؟؟ هل هو مقصر في حقكم من جميع النواجي المادية والعاطفية ؟؟

لا انصحك بترك البيت

وربي يعينك

اشكر لكم مروركم جميعا والله لايحرمني منكم على هالمعنويات والمعذرة على التأخير في الرد لأنشغالي وابي اقولك حبيبتي انه مره حنون مع اولاده ومعي وكريم لابعد درجه تتخيليها وطلباتنا ملباه مجرد ما نطلبها هادي لابعد درجه لا يوجد به اي عيب سوى ماذكرت وهذا الي قاهرني لو كان وفي لي كان اقول انه كامل بس صحيح الزين ما يكمل

والله انا عندي هذا الموضوع

http://www.66n.com/forums/showthread...=1#post1656964

واخذت منه الضمانات المادية

واحد صك بمبلغ كبير (هو اعطانياه بدون رقم ليضهر ندمه )

ثنين سوالي تنازل عن الاولاد في حالة حدوث فراق

ثلاث حول العصمة بيدي (هذا انا وقفته بعد ما بدأ بالمعاملة لان ما تحملت هذا الامر )

بس يبقة الجرح النفسي هذا مستحيل في شيء يمسح

نظرت الى عيوبي وحاولت احسن منها شوي شوي

ما اذكره بالي صار ولا اعيره

ويمكن تقرأي موضوعي الثاني ومشورات الاخوة والاخوات كانت مفيدة ورائعة جدا

http://www.66n.com/forums/showthread...=154075&page=3

شكله راعي نسوان ومارح يتيغير طنشيه وابقي مع اولادك ولا تحسسينهم بشي حرام مالهم ذنب وهو طنشيه مرة مرة وادعي له بالهدايه في جوف الليل فهو القادر على كل شئ..

اختي مالك الا الصبر وادعي له وكيفي حياتك على انو مو موجود -----------انا مريت بنفس مشكلتك واكثر بس تدرين وش سويت حسست نفسى اني متزوجته زواج مسيار يعني يجي بكيفه ويروح بكيفه عشان اريح مخي لاني انهرت من كثر التفكير والمشاكل بيني وبينه اها السبب خلته يتمادى اكثر فسويت كذا ---انا ماقول لك انو هذا الحل الصحيح بالعكس المفروض اننا نحارب عشان بيوتنا بس لمل يكون معجبه الحال وراضي بكذا ويقدم هالاشكال علي اذن اضعف الايمان اني اطلع حالي من المشاكل واطلع باقل الخسائر وعلى الاقل اربي بنتي بجو بعيد عن المشاكل وما انقص من قدر ابوها في عينها لانها ان مافهمت اليوم احنا ليش نتهاوش بتفهم بكرا وعشان كذا انا سحبت نفسي من مستنقع المشاكل وريحت راسي ------------ماادري هل مشاركتي راح تعجبك ولا لا بس حبيت ان تقرين يمكن ان ما اقتنعتي اليوم تقتنعين بكرا ------------------لانهم مشو بها الطريق بكامل ارادتهم وهم مقتنعين انهم مو غلطانين عشان كذا ما بغيت انفخ في قربه مقطوعه -------------انا متزوجه من ست سنين -----انتي تقولي من 18 سنه يعني عيالك كبار ما شاع الله نصيحه لاتخلينهم يحسون بالي يسويه ابوهملانك بكذا راح تحطمينهم بعيد اشر عنهم ويمكن بعدين يمشون نفس طريق ابوهم وانتي الخسرانه خليك تطلعين بشي زين من هالدنيا واحسني تربيتهم وعيشي عشانهم وربيهم احسن تربيه الله يرزقك برهم ان شاء الله ولا تقصرين مع زوجك ولا تحطمين نفسك اكشخي والبسي وهو بالطقاق ان جاء حياه الله وان ما جاء مع السلامه مصيره بيرد لك ويعرف قيمتك -----------انا عمري 26 سنه واعمل مدرسة انجليزي ------------ خلينا نساعد بعض عشان نجتاز هالمشاكل

والله ياغالية ما أقدر اقول لك إلا الله يكون بعونك وإقرأي موضوع الغالية صائمه لله

نفعك الله به

http://www.66n.com/forums/showthread.php?t=140445

اشكر مساندتكم لي والله العظيم اني حسيت براحه ما تتخيلونها كل ما قريت الي واصلتوني فيه الله يسعدكم في حياتكم وما يوريكم الي شفته انا والي مثلي وبالنسبه لمعلمة انجليزي اتمنى اننا نتواصل مع بعض ونحاول نلقى حل لمشكلتنا وماشاء الله عليك مديتيني بقوه لم تكن في شخصيتي وادعو الله لي ولك ان يهدي لنا ازواجنا ويسخرهم لنا ويعمي عيونهم عن غيرنا والله ما ادري الي فيهم هذا فترة وخلاص ولا بو طبيع ما يجوز عن طبعه

ليش المرأة لما زوجها يخونها او يتزوج عليها الجميع يقولولها اصبري ولاتتركي بيتك وسامحيه ومالك غيره
ولما المرأة تخون او تحب على زوجها تقوم القيامة وتصيروا تقولوا اتركها واحرق قلبها واتزوج عليها والخاينة ماتتعاشر وايش اللي مصبرك عليها
الى متى المرأة تتحمل كلام المجتمع ونصائحه
اتمنى لك التوفيق ياأختي