|
ساعدوني اكتشفت ان زوجي ........
السلام عليكم ورحمه الله وبركاته
اخواني واخواتي في هذا المنتدى من باب ماخاب من استشار احب ان اطرح مشكلتي معكم راجيه من الله ان اجد حل او راي او نصيحه لان الانسان اذا وضح في موقف صعب شل تفكيره او اصبح يرا جانب دون اخر الى كل اخصائي في المنتدى او مستشار ا و صاحب خبره او من مرت بمثل تجربتي او اي عضو اطلب ابداء الراي والنصيحه المشكله يااخواني (اشك ان زوجي يكلم ) المشكله اتعبتني واتعبت نفسيتي ليييييييييش ( لاني احب زوجي ) وعلاقتا مع بعض حليوه ليش يعمل كذه اتوقع كثير حريم عارفين انه ازواجهم يكلمون ويغازلون وعادي عايشين حياتهم ومطنشين ويقلون بسلامته وابو طبيع مايخلي طبعه السالفه بدات بشكوك بسيطه بنسبه بسيطه الى ان ارتفعت النسبه الى 90 بالميه تقريبا القهر اني كنت واثقه في زوجي 200 بالميه اول مااثار انتباهي هو دق التلفون عليه ومارد (وزوجي مستحيل يطنش اتصال مهما كان من يوم ماعرفته لو جوالي يرن وهو بعيد عني يجيبه لي عشان مايفص ) الحركه ذي اثارت انتبهاي لكن قلت في نفسي عادي لمن فتحت جواله لقيت ان الرقم هذا دايما يدق دقه ويقفل وزوجي يرجع يدق عليه زاد الشك ياجماعه لكني مازلت اتعوذمن الشيطان اخذت الرقم ودقيت عليه مقفل 24 ساعه يعني ينفتح يستخدم لدقه وبس لو انه زميل او رجال ماكان مقفل وفي نفسالوقت على اتصال بزوجي؟؟؟؟؟؟؟ زادت نسبه الشك الى انه شفت نسبه مكالماته في الجوال تطول الى ساعات؟؟؟؟؟ والفاتوره الشهر ذا عاليه وسالته ليش عاليه يصرف الموضوع ويقول خطا (بالله ياجماعه ماهي واضحة انه يكلم ) ونهايه السالفه حصلت رقم في جواله داق عليه الفجر يوم دقيت عليه ردت عليه حرمه؟؟؟؟؟؟؟؟؟؟؟؟؟؟؟ هنه جتني صدمه مني مصدقه شكوووكي تاكدت تكفون ياجماعه ابغا حل اما بالخدعه اواسلوب مباشر او غير مباشر كيف امسك عليه دليل عشا اواجهه مع العلم انه هذي السنه الثالثه من زواجي صحيح انه راعي قز للحريم في الاسواق وغيره لكن ماقد لاحظت على جوال زوجي شبهات من قبل احيانا اقول يمكن كان راحي تلفونات من قبل وبطل بعد الزواج والحين حن يمارس ال........وكاشفته زوجي عصبي ذكي وراعي لف ودوران اسلوبه دائما خير وسيله للدفاع الهجوم (يكون غلطان ويلبسني الغلط) في المواجهات مااخذمنه حق ولا باطل (ملسون ) مايفهمني ومايفهم ان كل امراه تغار ويفسر غيرتي عليه شكوك ماعمري قصرت معاة في شي واحاول اسعده في كل ال جوانب اخر شي رساله اوجهه لكل مبتلى بالمعاكسات وخاصة المتزوجين اخي انت اغناك الله بالحلال فافحفظ النعمه اغناك الله بزوجه محبه فاحفظ النعمه والامانه ولا تخنها هنالك قلب كان يكن لك كل حب وتقدير يرفر فرح بقدومك ويقبل عليك بكل شوق ولهفه ولكن للاسف اذا انكشف امرك هدمت لن اقول ذلك القلب ولكن عشك باكمله فزوجتك عافتك وعافت حياتك مهما فعل لها من مال وطلعات وكلام حب فالحره لا ترضى بمثل هذا مهما كلفها الامر في انتظاركم اخواتي اخواني |
اعانك الله اختي الورده
لا اعرف ماذا اقول لاننا في الهوا سوا ما لنا الا الدعاء لانك اذ افتعلت المشاكل ستخسريه اكثر ويهرب منك الي من تكلمه واسالي مجرب لاني كنت اواجه ووكنت ابعده عني الي ان صار عناد اكثر والي الان وهو يكلم واشوف اسمائهم بعد في الجوال يعني عيني عينك الله المستعان ربي يهديهم جميع ويعمي بصرهم وبصيرتهم عن الحرام اميين يارب العالمين |
اخي انت اغناك الله بالحلال فافحفظ النعمه
اغناك الله بزوجه محبه فاحفظ النعمه والامانه ولا تخنها هنالك قلب كان يكن لك كل حب وتقدير يرفر فرح بقدومك ويقبل عليك بكل شوق ولهفه ولكن للاسف اذا انكشف امرك هدمت لن اقول ذلك القلب ولكن عشك باكمله فزوجتك عافتك وعافت حياتك مهما فعل لها من مال وطلعات وكلام حب فالحره لا ترضى بمثل هذا مهما كلفها الامر والله كلامك محزن ولكن مين يفهم خصوصا مع واحد قليل دين يعتبر هذا الكلام تفاهه ولايفهمه بس لو كل خائن يجرب معناة زوجته كان فهم ومشى صح ويحمد ربه ان عنده زوجه صالحه الله يرحم حال رجال هذا الايام لازم يكون مع كل واحد عشيقه ولا الحريم الي فرطو ا في شرفهم وكرامتهم عشان شحن جوال ولاهدايا |
المركز الاجتماعي بالحي راح يساعدك 00 والدعاء افضل الابواب طرقا على الاطلاق 0
|
و الله قلبي عورني لما قريت كلامج
و بصراحه بديت اشك بزوجي لان معظم النسوان يشوفون جوالات ازواجهم و يكشفونهم بس انا كلما احاول اشوف جواله ألقاه مقفول لازم باسوورد و الله احس جواله متروس بلاوي اختي للاسف ما عندي حل لمشكلتج و ارجو من الاعضاء مساعدتج |
الله يعينك
مدري وش اقولك لاني انا شاكه بزوجي واجهته وما ستفدت شي غير المشاكل ويقول انتي ظالمتني والله يعلم مافي نفسه لكن مالك غير الدعاء والله يصلح حالك ويهدي زوجك |
اختي دليلك هذا مو كافي انك تشكين بزوجك ..
يمكن الرقم اللي اتصلتي عليه كان لامرأه متصله بالغلط و الجوال حفظ الرقم ولنفترض ان زوجك له علاقات هاتفيه وهذا انت قلتي ان زوجك ذكي يلف ويدور وملسون ويركبك الغلط .. اذا احتمال كبيرررر انك اذا واجهتيه راح يقلب عليك الطاوله و يلومك انك تفتشين وراه ..وقد ينكر او حتى لنفترض انه اعترف لك .. هل تتوقعين من نوعيه زوجك انه راح يتندم ويعتذر منك و يوعدك انه ما يكرر هذا الشي او انه راح يقول دام انها عرفت خلاص ليه اخبي عنها خلني عيني عينك اعاكس في التليفون وما راح يعمل لك حساب.. اختي عشان تواجهين زوجك لازم يكون عندك اكثر من دليل .. ومو اي دليل لازم يكون دليل قوي بحيث انك اذا واجهتيه ما يقدر ينكر .. عندك القدره انك تراقبيه من غير ما يحس فيك .. او حاولي انك تتجاهلي الموضوع اذا ما عندك القدره على المواجهه ..والله يعينك .. وربي يصلح زوجك .. |
يؤؤؤؤؤؤؤؤؤؤؤؤؤؤؤؤؤؤ
كلكم شاكين بازواجكم وتلومونا اذا مانبي نتزوج والله يا اختي صارحيه وما راح تفيد غير المصارحه لانك لو سكتي الموضوع راح يزيد ويتطور ويجي على بالك اشياء واشياء ارهااااااق نفسي الله يعينك ويصبرك يااارب |
ربنا يعينك و يهدي لك زوجك ان شاء الله
|
اقتباس:
النقطه الثانيه هل تتوقعين سكوتي وتجاهلي له ممكن يكون حل صحيح ممكن يعني هذي الي يكلمها ماتاثر على مشاعره تفكره مو ممكن بكره تتطور الحكايه والعلاقه طيب لو سكتله وانا في بدايه حياتي عمر زواجي ثلاث سنوات بكره راح يتجرا ويتجرا بس مااادري وش اسوي وبعدين طبايع الرجال تختلف انا زوجي مثلا اعرف انه يشوف مقاطع جوال اباحيه بس ماعمري شفت في جواله شي زوجي يدخن بس ماعمره دخن قدامي يعني مايجاهر بالحاجه امامي ويخاف من الفضيحه والسمعه السيئه امام اهلي واهله يعني مااتوقع لو واجههته يعاند عيني عينك ... لكن ابغا ادله امسكها عليه عشان مايقول ظالمتني على العموم الله يعطيك العافيه ويصلح الحال |
اقتباس:
كلامي محزن وحالتي تحزن اكثر والله لانياحبه مصدومه فيه ولا توقعتها منه شكره لك المرور حبيبتي ويعطيك العافيه |
عليكم السلام ورحمة الله وبركاته
عفواً .. هنا المكان الأفضل للمشكلة . |
لا تواجهينه الان
خليك حذرة ...اعطية الامان وراقبيه جيدا ..ارجع و اكرر بدون ما يحس اجمعي ادله قويه عليه عشان ما يقدر ينكر والله يعينك |
أسأل الله العلي العظيم أن يصلح حال زوجك وأن يرده إليه ردا جميلا
أختكم لـــــــــؤلــــــــؤة في قـــــــصـــــرهـــــــــا |
لا حول ولا قوة الا بالله......هذي حركات واضحة مليون بالمية انه مغازلجي و يغازل من وراكي...
مع احترامي للاخوة الرجال بالمنتدى..لكن استغرب امر بعض الرجال..الله انعم عليه بالحلال والستر وعف نفسه بالزواج..وياما شباب نيتهم صافية وودهم الحلال والستر...وبعد كل هذا يتبطر ع نعمة الله؟؟؟ كلمة لهولاء الرجال....(كما تدين تدان) واقولك نصيحة..اكتبيها بكل مكان في البيت وعلى حيطان غرفة النوم..يوم يدخل ينام يقرآها..يمكن لعل وعسى زوجك يحس بخطأه...لانه نوعية هذي الرجال مافي اسهل من كلمة (انتي ظالمتيني) عندهم... وتحسبي ربك..ولو مسكتي دليل قاطع ع الخيانة....اربحي كرامتك اختي...وتوكلي ع الله |
الله يهديه
|
وعليكم السلام ورحمة الله وبركاته ،،
اختي في الله : انا بسألك سؤال واحد ولا تجاوبيني عليه.. كيف علاقتكم (انتي وزوجك) بالله سبحانه وتعالى ؟؟ هذا انما هو ابتلاء و قد يكون عقوبة .. اختي لا انا ولا احد غيري في هالمنتدى راح يحل لك مشكلتك.. حافظي على الصلاة في اوقاتها .. و نبهي زوجك على الصلوات (صلاة الفجر) !!!!! قال سبحانه و تعالى :"ان الصلاة تنهى عن الفحشاء و المنكر"... عليك بالدعاء الصادق في ظهر الغيب .. عليك بالدعاء في صلاة الليل و ان شاء الله تشوفي نتيجة.. المصارحة ممكن يكون اثرها عكسي .. و السكوت ممكن يتمادى الزوج و يقول زوجتي ما تدري عن شي .. بس الدعاء اشوف انه احسن سلاح. نصيحتي : حاولي تتقربين منه اكثر .. كيف؟ حاولوا تروحون زيارة لبيت الله الحرام (عمره) و ياليت تكون بدون اطفال.. اسكنوا في فندق حلوووو .. خصوصا هالايام الاسعار ببلاش (بس لا تروحون في اجازة بين الفصلين).. ومن خلال هذي السفره حاولي تصلحين قلبه و تبعدينه شوي عن شياطين الانس و خليه يحس ان العمره هذي سبب جذري في تغيير حياته .. واسال الله ان يوالف بين قلوبكم و يبعد زوجك عن هذا المرض !! اسف على الاطالة ، و ان شاء الله نسمع اخبار تسر !! على فكره ترى العمره مو لازم اسبوع (يومين ، ثلاثه تكفي) وانتي و شطارتك !!!! ابو متعب .. |
الله يهديه
|
الله يعينج اختي الغاليه والله يهدي زوجج ويصلحه يااااااااااااااااااااارب
برأيي اختي اذا حاولتي تراقبينه وتبحثين عن دليل بتتعبين نفسيا وبتتعب اعصابج.. حاولي اختي ان تكوني طبيعية جدا وقومي بكل واجباتج على اكمل وجه...واذكري له قصة من تأليفكِ عن شخص مثلا تصرفاته مثل زوجج والله عاقبه في اهله او اقرب الناس له...فكما تدين تدان...اهتمي بنفسج اكثر من قبل ولا تبينين له انج ضعيفه او متضايجه واكثري اكثري اكثري من الدعاااء في الثلث الاخير من الليل وبإذن الله مع قليل من الصبر ستتحسن الامور ..ولا تتضايقين ولا تحرقين اعصابج لانج ما بتقدرين تفكرين او تتصرفين ...وربي يهدي زوجج ويصلحه ويجمعكم بالمحبة والخير اختج---- لمني بشوق |
طنشي واعملي نفسك مش واخده بالك عارفه انه صعب ومتعب للاعصاب بس ضروري عشان ترديه
كوني له عروسه جديده بمعنى الكلمه وبكل ما اوتيتي من قوه لاتجعلي عنده فراغ او وقت ليفكر بشيئ آخر خاليكي على طول شاغلاه في الشغل رسائل وتيتيفونات لهفه واشتياق قبل ما ينزل هتيجي امتى هستناك على احر من الجمر يرجع البيت يلاقي ملكه مستنيه رجعته استقبليه بلهفه وفرحه زي الاطفال خديه وقضو وقت بره البيت في مطعم مره علي البحر مره اعملي له جو في البيت ليالي رومانسبه مخطط لها اجعلي كل نقطه انوثه فيكي دائما تتحدث عن نفسها صوتك شعرك ملابسك رائحتك ميكياجك كل يو انتي جديده ومرحه وسعيده لأنه معك خليه يحس اته تزوج امرأه اخرى غيرك وأؤكد لكي اذا فعلتي هذا أقل شيئ سيشعر زوجك بتأنيب الضمير وسيراجع نفسه والله يهديه ويسخر لكي قلبه ويبعد عنه الشياطين وأوصيكي بقراءه سوره البقره كل 3 أيام على الأقل وادعي الله في كل سجده ان يعمي عينه عن نساء العالم الا سواك وطمنينا عليكي |
اقتباس:
شكرا حبيبتي ام داليه على تعقيبك |
اقتباس:
شكرا اختي على تعاطفك |
اقتباس:
لكن صدقيني بيكون في قرارة نفسه عارف انه غلطان وانك كشفتيه حتى لو قال انك ظالمتني الله يعين ويصلح الحال الله يسعدك على الراي |
اقتباس:
|
اقتباس:
لكن بعد الثقه هذي كلها يخوني ليش؟؟؟ ومااقدر اصارحه الا معي دليل قوي ؟؟؟ كيف اجيبه وصحيح اليوم يكلم بكره يقابل شكرا على مررررورك |
اقتباس:
شكرا لك |
اقتباس:
|
اقتباس:
بس في رايك اش الادله القويه شكرا لك وفي انتظار ردك |
اقتباس:
الله يجزاك خير يالؤلؤه |
اقتباس:
الله يجزاك خير اخي على المرور |
اقتباس:
شكرا لمرورك |
الى اختى هونى على نفسك انا ممكن اقولك انك تمسكى الموبايل وتعبثى فيه وتشوفى الرسائل انا حصلى نفس الموقف وكنت اكادان اجن وبدات ادعبث فى الموبايل ولكن طلع مظلوم حاولى عن طريق غير مباشر انك تتكلمى معاه عن الرجال اللى لا يتقوا ربهم وان كما تدين تدان وان الانسان يجنى على نفسه حاولى تفهميه وتصححى اوضاعك ربما فيكى شئ خلها يفكر يعمل علاقات انا كنت اتكلم مع زوجى واقوله ايش يستفيد الرجل انه يتكلم مع وحدة غير زوجته واقول ان النساء كلهن واحد لا فرق وان الواحده اللى بتتكلم بره بتكون من بره هللاهللا ومن جوه يعلم الله وحاولى تتجملى اكثر وتوريله انك احلى بنت شفها اقولك على سر انا خليته يشك فينى يعنى انه قاعد مش على بعضهخليت عينه فى وسط راسه مثل ما يقولوا المصرين بجد شوفى ايه اللى نقصقك واعمليه تغنجى بصوت ك وادلعى وربنا معاكىومتسبيش نفسك للشيطان
|
اقتباس:
اخي اشكرك من اعماق قلبي فكلماتك اضات لي جوانب اخرى اتمنى استمرار ارائك معي جزاك الله خير |
اقتباس:
شكرا لك |
اقتباس:
وصدقتي اعصابي تتعب لما ادور ورا بس لا بد حتى اتاكد ولا اظلمه شكرا لك اختي من الاعماااق |
اقتباس:
صعب جدا اعمل الي قلتيه الان تدرين ليش لاني كنت له مثل ماذكرتي واكثر وفي الاخر انصدم بخيانته وغير كذه نفسيتي احسها مره ماهي متقبلته شكرا لك من الاعمااااااااااااااااق خليك معايه |
اقتباس:
وجزاك الله خير |
اختي ..الله يعينك ...اكيد الشك يذبح
ما ودي افتح عليك ابواب التعب والقلق لكن انت تبغين تتأكدين انه ما يكلم عشان ما تظلمينه لكن اذا تأكدتي انه يكلم ...ممكن اعرف وش راح تسوين ؟؟؟ يعني هل عندك خطة مرتبه مسبق ومستعده لها ...وان هذه الخطة راح تنجح بنسبة كبيرة ؟؟ الله يصبرك |
لاحول ولاقوة الا بالله
ياختي صارحيه لكن لازم تكونين متأكدة من كل كلمة تقولينها له عشان مايلقى له مخرج ويصرف |
الله يفرج كربج
وش أقول ؟؟ بس أغلب رجاجيل هالوقت كذا !! أحسن شي انج لا تواجهينه ، تناسي فكرة المواجهة و مالك الا الدعاء لأن المواجهة بتعقد الموضوع أكثر و أكثر و طبيعة الرجال العناد ، بتزيد ترسخ الفكرة براسه و بيكلم بنات و حريم أكثر و أكثر لذلك تجاهلي الموضوع و توجهي لربك بالدعاء |
| الساعة الآن 12:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©