|
بنات اختي والشـاب ؛ مالحـــل ؟!
السلام عليكم ورحمة الله وبركاته
اود ان اطرح عليكم هذه المشكله لانني احترت في حلها عندي بنات اختي واحده عمرها 24و الثانيه 20يحبوني مره ويثقوا فيني مره وتعاملنا مع بعض زي الاخوات قبل فتره جاتني الكبيره وقالت لي سويت شي غلط وابغى اعترفلك فيه انا واختي تعرفنا على شاب من احدى المنتديات وصرنا نكلمه احنا الاثنين بالجوال ولنا فتره واحنا نكلمه وقابلنا مره في مكان عام وعترفتلي انها ندمانه وانها مسويه شي غلط والله ششهاده حقاان البنات مالهم في هذا الطريق وهم مره مؤدبين لكن ما اعرف ايش الي حصل المهم انا جلست معاهم واتكلمت ووعدوني ان هذا الموضوع راح ينتهي طبعا انا مو عايشه معاهم علشان اعرف الموضوع انتهى ولا لا انا ما اشوفهم غير مره بالاسبوع لكن عرفت طبعا من بعض التصرفات ان الموضوع ما انتهى زي ما وعدوني انا محتاره كيف اتصرف لو قلت لامهم يعني اختي راح يفقدون الثقه فيني وما راح يحكولي عن شي ولو عرفت اختي اني انا اعرف وما قلت لها راح تزعل مني لانه موضوع مو بسيط هل اكلم الشاب اللي متعرفين عليه وقنعه انه يبتعد عنهم لكن اظن ان الحل هذامو مره ناجح الانه ممكن يعند او اكلم اختي واقول لها ما تقول اني انا اللي خبرتها لانه ما احد يعرف في الموضوع غيري والله محتاره كيف اتصرف حاسه ان البنات عارفين انه شي غلط بس ماهم قادرين يتركوه ساعدوني الله يجزاكم خير الاشراف : توضيح العنوان . |
اكبر غلط انك قلتي لهم ما تكلو الشاب تعرفي ليش
لانك انتي كذا اعطتيهم النصح بالوجه وخلاص لازم جيتي لهم من قصص واقعيه من حوالكم وهم يعرفونهم علشان يقتنعو ولازم تبقي واقفه جمبهم لانهم خبروكي ومأمنين عليكي لكن كذا بس اعطتيهم النصيح وبس كذا مارح يفتحو الموضوع معك مره تانيه قولي لهم وش نهايه العلاقه مثلا يبي يتزوج وحده فيكم خليه حياه يجي يتقدم اذا صادق واذا مو صادق شوفو وش رح يرد عليكم يعني لازم اقنعتيهم قبل النصيحه وبالاخر حكيتي لهم النصيحه انصحك تقفي جمبهم فهم في حاجه لك وكلميهم كل يوم بالتلفون واحكيلهم شو اخر اخبار حبيب القلب ومن هالكلام علشان ما تحسسيهم انك فقط معارضه الموضوع واهم شي تبقين جمبهم في هذه الفتره علشان ما يرجعون يطلعون معاه ومين دراكي انه ما رح يقول لهم تعالو عندي البيت او شي من هالقبيل لذا عليكي الحذر في التعامل معهم حتى تكسبيهم وتبعدي عنهم هذا الشيطان بقتناع منهم وليس جبرا في رعايه الله |
انا تكلمت معاهم كثير موبس نصحتهم تكلمت معاهم في كل الجوانب وحكيت لهم قصص وقلت لهم ايش نهايه الطريق هذا وهو قيل لهم انه ما يقدر يتزوج لانه امه مريضه وقلت لهم يعني يبغى يتسلى بس لكن احس ان البنات فاهمين بس موقادرين ينهوا الموضوع
مشكور فوفو |
ادعي لهم دايما باهدايه واسعي بتزوجيهم اهم سوو كذا محتاجين عاطفه
واكسبي ثقتهم عشان يقولون لك كل شي ودايما خوفيهم من الله ومن قص الشباب وكذبهم على البنات وكل ارسلي لهم ايملات مره بناتيه ومره دينيه |
انتبهي انك اتكلمينه انتي !!!!!!!!
اكبر غلط !!!! وواصلي مع البنات وشدي وارخي معهم وهدديهم بعض المرات !!!! الله يهديهن ويفتح على قلوبهن ويرزقهن الازواج الصالحين ! |
الحين البنتين كلهم يكلمون نفس الشاب؟؟
|
night2005
الفارس2007 البحله بالنفس مشكورين على المرور ا ايه هم يكلمون نفس الشاب ايش رايكم اكلم اختي ةلا لا |
صراحة غريبه انهم ثنتينهم يكلمون نفس الشاب معناه انهم بس للتسليه وضياع الوقت لان كل وحده عارف نهاية الطريق ولا كيف تصدق واحد يغازل اختها شئ غريب فعلا
انت لازم تعرفين طبيعة المكالمات اللي بينهم يمكن معتبرينه زي اخوهم ويحكون له مشاكلهم لان كثير من الشباب في البداية يخدعون الفتاة بانه مهتم بها وبمشاكلها وتكون هي تمر بمشكله او ازمه ماتصدق انها تلقى منفس وما وصل الامر الى المغازلات فأذا عرفت نوعية الحديث اللي يدور بينهم تقدرين تحلين المشكلة فاذا كان الحديث ما وصل للمغازلات والكلام الفاحش فعليك النصيحة لهم لانه هذا بداية ولا تعلمين احد وان كان الامر وصل للمغازلات وووووووووووو فعليك النصيحة اولا ومن ثم الاغلاظ عليهم والشدة واذااستمر الامر علمي امهم ووصيها انها ماتقول انك خبرتيها علشان مايفقدون الثقة او اذا قدرتي لاتعلمينها لكن الفتي نظرها لحد ماتنتبه لان الامر مو بسيط لا زم انه يوقف |
سوي طريقة ذكية تخوفهم من غير مايحسوا انك انتي صاحبة الفكرة
مثلا وصلي لهم أن هذا الشاب مدمن او له سوابق أو سبق وهدد بنت او قولي لهم احس ان امكم شاكة في الموضوع وانتبهي انتي تلكمينه يمكن يصير مراهق ويزعجك انتي |
أنا مع كلام أخوي أبو ربيعة وأخوي سديد الرأي يعني أذا بتخبرين أمهم شككيهم أنك حاسه أن أمهم شاكه بالموضوع
والله يخلصك من مشكلتك بأقرب وقت. والله يستر عليكم وعلى بنات المسلمين. كثرت المغازلات وصارت زي شرب الماء أنتبهو لبناتكم.. |
الله يهديهم و يبعدهم عن كل شر
لا تخبري امهم حتى لا يفقدزا ثقتهم بك و لكن داومي عل نصحهم اسأليهم ما الاخبار و قولي لهم انا اعلم انكم لم تنهوا هذا الموضوع لما ؟ تحدثي معهم كثيرا و لكن لا ارى ان تهدديهم بشئ حتى لا ينفروا منك قولي لهم انك تخافين عليهم اخبريهم مثلا أن امكم ذكية و لربما تلاحظ و انها لو علمت ستكون كارثة و هكذا اعانك الله على ذلك و جزاك خير الجزاء |
مرحبا اختي...
انا من رأيي ان امهم لازم وضروري انها تدري هذول بناتها وهي الوحيدة اللي بتعرف كيف تتصرف معاهم .. انت قولي لها بس حرصيها انها ماتقولهم ان انت قلت لها .. عشان ماتخسرين ثقتهم .. خليها تقول انها شافت رقمه بالجوال .. او سمعت وحده منهم وهي تكلمه الله يهديهم ويستر عليهم .. وان شاءالله تنحل مشكلتك بأقرب وقت |
تعرفي اختي خطر ببالي فكره
انك تكلمين البنات مو انتي وحده من صديقاتك علشان ما يعرفو انك لك دخل في الموضوع خلي صديقتك تكلم بنات اختك وتقول لهم انا خطيبته واذا بقيتو تكلمو الشاب رح افضحكم ومن هالكلام الي يسيل الركب او انا اخته وامي زعلانه وقالت لي اكلمكم واذا بقيتو تحكي معاه رح افضحكم وما تردو على اتصالاته ابدا لاني انا الي بكون اتكلم واشوفكم تردون او لاء والله لعمل واسوي كذا تخوفيهم وش رأيك بهذه الفكره ؟؟ رح تردعهم وتخوفيهم بنفس الوقت ورح يلجأو لك مره ثانيه ويوقولو لك قولي لهم شفتو كيف حذرتكم من الاول واذا كرروها كرري الاتصال بكذا ما يعرفو انك انتي وبنفس الوقت مارح يعيدو الاتصال في رعايه الله |
اشكركم
على المرور انا كمان اشوف انه لازم اكلم امهم ابو ربيعه سديدالرأي همي الاخره شكرا |
ادعيلهم بالهدايه بس مش غريبه ان هما الاتنين بيكلموا نفس الشاب
|
فقيره الى الله
زوجه زوجها فوفو مشكورين راح اعمل بنصيحتك اخت فوفو وان شاء الله تنحل المشكله |
بشري وش صار..
|
اقتباس:
سوي مثل ما قالت |
لازم تخبرين أمهم وهي تحاول تتصرف بعقلانيه
وتتفقون أنت وهي على طريقةوأسلوب يناسب الوضع أسأل الله أن يعينك |
أختي الكريمة انت في أول الطريق معهم فالثقة بك من قبلهم دليل على نجاحك معهم وارى ان تتواصلي معهم في بناء الثقة وتتسلسلي بشكل منطقي لنهاية هذه العلاقة وخاصة ان العلاقة مع الاثنين ولو كان جادا في امر ما لما فعل ذلك
وانصح بعدم تدخل حضرتك معه مباشرة وابقي التواصل معهم وابداي ببدائل تشغلهم عن هذا الأمر وان يحاولوا قطع الصلات معه ابتعادا عن امور لا يحمد عقباها ولك جزيل الشكر |
انصحك لا تكلمين الشاب لان اذا كلمتية بيدري ان البنات متعلقين فيه
وكذا بيكبر الشيطان الى عندة انصحك مثل كلام الاخوان حذريهم من القصص الواقعية الله يهديهم ان شاء الله |
اشكركم اخواني
واعذروني لاني كنت تعبانه شوي وما قدرت ارد اتكلمت معاهم مره ثانيه باسلوب شديدشوي وجاف وقلت لهم اني عندي معلومات عن هذا الشاب وانه سيء وانه معروف عنه التشهير ببنات الناس والحمد لله النتيجه طيبه الكبيره وعدتني وحلفت انها تنهي العلاقه والصغيره كمان وكلموا الشاب وبلغوه بانهاء العلاقه انا واثقه ان شاء الله من الكبيره بس الصغيره مو مره وقلت لاختها الكبيره انتي المسؤله عنها وانا كل يوم اكلمهم وان شاء الله ربي يهديهم والله ما ابغى امهم تعرف نفسي انهي الموضوع بيني وبينهم |
تصرفك حكيم ما شاء الله عليك حتى انا كنت افضل ما تقولين لامهم عشان تبقى الثقة بينك وبينهم ويمكن الام تتهور وما تتصرف التصرف المناسب الله يهديهم ويفرح اهلهم فيهم..
|
البحله بالنفس
مشكوره نورتي |
| الساعة الآن 03:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©