|
نصحوني بهذي النصائح قبل الزواج والحمدالله ماطبقتها ( استفيدو يااخواتي)
السلام عليكم00
بعد ماتملكت00 وكل ماجلست مع قريبة مع صديقة مع ناس يحبوني ويهتمون بمصلحتي نصحوني بنصائح كانت تعجبني جدا واتخيل اليوم اللي يجي واطبقها شوفو وش قالو لي: - اعطيه فكرة انك ماتشترين الا الغالي والفخم عشان يتعود عليك وكل مارفض لك شي تشرينه ازعلي وابكي - دايم ازعلي عشان يراضيك00 و لاتتأسفي منه مباشرة ترى بيتعود - مرة استأذني عند الخروج ومرة لا عشان يتعود ان لك راي وحرية شخصية - اظهري لك حبه وانك ميتة عليه وان ماعندك بهالدنيا سواه قولي له انت اهلي وابوي وامي كل الرجال يحسون بالسعادة لما يشوفون زوجاتهم يحبونهم وانهم بدونهم ولاشي - روحي لصديقاتك واذا رفض ازعلي منه حتى يراضيك ويطلعك - مرة سوي غداء ومرتين لا تدلعي وقولي تعبانة عشان يتعود على المطاعم - اذا رفع صوته عليك لاتنامين معاه بالغرفة خلي يحس بقوتك وشخصيتك لين يجي يراضيك - كل شوي اطلبي منه انك تروحين معاه لأي مكان المهم روحي معه - كل ماطلع دقي كل شوي وينك فيه؟ جالس مع من؟ ومتى تجي؟ وش تسوي؟ بيني له انك تحبينه وتهتمين فيه - كل ماشاف وحدة حلوة بالتلفزيون او شاف وحدة بالشارع ازعلي وابكي - استغلي كل طلعة معاه واشتري اي شي تبغينه المهم عوديه على الصرف - كل مازعلك قولي ابي بيت اهلي عشان يخاف ومايتعودها - دلعيه و24 ساعة مدحيه خليه الرجل الوسيم الجميل اللي مامثله احد ولاتمدحين نفسك كثير عشان مايقول هذي مغرورة وشايفة حالها!! - خلك قوية عشان يكون لك هيبة عنده وعند اهله تزوجت 00 بداية زواجي كنت صامتة خايفة كل ماسألني سؤال او رأي او اي شي كان ردي واحد : على راحتك - بكيفك- عادي في هالفترة درست زوجي ودرست افكاره ومتطلباته بالإضافة اني استفدت من النت كثير وتركت النصائح اعلاه تماما وطبقت نصائح من افكاري انا ههههههههه افكار شوبارد ع فكرة الرجال يختفلون في طباعهم لكن بشكل عام النصائح هذي مفيدة لأني نصحت فيها غيري وطبقها وطلعت النتائج ايجابية: 1- كوني مطيعة خلي على لسانك : سم- ابشر - من عيوني - ان شاءالله 2- اي موضوع تتنا قشون فيه لاتكونين دائما تابعة له خلي عندك رأي وشخصية ماهو غلط ولاحرام لكن اذا شفتيه مقتنع بوجهة نظره ولايمكن يغيرها قولي وجهة نظر مقبولة معك حق وبس! ع فكرة انا عن نفسي ماحب المرأة تكون تابعة ومنقادة لزوجها بشكل كبير يمكن الرجل يستغلها شوي الوسط حلو في كل شي! 3- دلعيه وقولي له كلام حلو وامدحيه00 في المقابل امدحي نفسك وقولي له عن كلام الناس ومدحهم لك00 الرجل يحب المرأة الواثقة من نفسها ويفرح كثير لما تقولين له اليوم قالو عني حلوة او شعري حلو حتى لو مواثقة بحالك كثير اكذبي كذبة وصدقيها الرجال مثل الأطفال! 4- اظهري له حبك لكن لاتبينين انه هو الوحيد بهالدنيا بيني له انه فيه كثير احباب لكن هو اغلاهم ( بعض الرجال يستغل فرص ويحاول يضعف زوجته) 5- فعلا عوديه على الصرفية في البيت لكن بالتدريج وبدون زن ولامضايقات وحاولي تساعدينه في امور بسيطة جدا اذا كنتي موظفة 6- لاتطلعين من البيت الا وانت مستأذنة حسسيه برجولته وانه وليك وماتطلعين الا بشوره 7- لاتجيبين كلمة ودني لأهلي ولاتتعودينها حسسي نفسك وزوجك انه بيتك وحياتك ومملكتك هي بيتك وبس بتعلقينه فيك كثير 8- اذا هو غلط عليك لاتراضينه ابد واذا ماراضاك هو ابدي بالتلميح واذا انت زعلتيه على طول راضيه حاولي ان زعلكم مايطول ابدا عشان ماتتعودون على الزعل 9- سوي له اكله ولاتتكاسلين الرجل يحس بسعادة لما ياكل من زوجته ولما يشوفها تعبت عشانه اللهم اذا كنتي تعبانة لاتسوين او اذا فيه اتفاق بينكم قبل 10- لاتزعجينه لما يطلع من البيت باتصالاتك كل شوي واسئلتك حسسيه انك واثقة فيه حتى لو مواثقة المهم اعطيه الحرية وحلو لما ا لزوجين يبعدون عن بعض شوي عشان مايملون 11- خلك نعومة وانثى بكل ماتحمله هالكلمة الرجل يعشق النعومة وتتتغير افكاره معها اذا بتطلبين طلب وحاسة انه بيرفض قربي له بريحة حلوة ولبس نعوم وبوسة وضمة وحركات بسيطة وحسسيه برجولته قولي حبيبي بطلب منط طلب بس لاتردني بيسوي فيها عنتر بيقوول وشو ههههههههه قولي كذا كذا بيقول لا قلت لك ماحب هالامور قولي عشاني ياحياتي طلبتك وعلى طول بإذن الله تعالى امرك مستجاب 12- اذا انت ودك بأي شي طلعة لصديقات او مطعم اوغيره اطلبي منه لكن اختاري الاوقات الحلوة والمناسبة 13- خلك معاه مثل مايحب ودايم اسأليه وش تحب وش تبغى مني نصيحة لوجه الله كل ليلة قبل النوم قربي عنده قولي حبيبي راضي علي؟ وشوفي هالكلمة شلون تأثيرها عليه والله بيصير لك مثل ماتبغين واذا تذكرت شي راجعة لكم اتمنى استفدتو من خبرتي المتواضعة لاتنسوني من دعواتكم ان الله يرزقني الذرية الصالحة |
تسلمين حبوبة اي والله ماقصرتي
|
نصايحك قيمة حبيبتي شوبارد
الله يديم المحبة و الود بيناتكم و يسعدكم و يهنيكم و يرزقكم الذرية الصالحة عاجلا غير آجل |
أحسن ما فعلتيه هو عدم تطبيق النصائح الآخرين! يريدون خراب بيتك ! أرى بأن للمرأة أن تتصرف حسب طبيعة زوجها.فالرجل المسرف لا يمكن أن يكون محمودا و المرأة المسرفة كذلك...
و كثرة الدلال و الغضب دون سبب تحط من رصانة و عقل المرأة و مع الزمن يستخف بغضبها زوجها و أهلها و أهله... |
الف مبروك عزيزتى شوبارد ... متاخرة المباركة جدا اعذرينى
بارك الله لك على نصائحك فى نصائح نصحها بك الاخرون مهمة ... انا شخصيا اعمل بها وتجيب نتائج حلوة :) - اظهري لك حبه وانك ميتة عليه وان ماعندك بهالدنيا سواه قولي له انت اهلي وابوي وامي كل الرجال يحسون بالسعادة لما يشوفون زوجاتهم يحبونهم وانهم بدونهم ولاشي - دلعيه و24 ساعة مدحيه خليه الرجل الوسيم الجميل اللي مامثله احد ولاتمدحين نفسك كثير عشان مايقول هذي مغرورة وشايفة حالها!! - خلك قوية عشان يكون لك هيبة عنده وعند اهله - اعطيه فكرة انك ماتشترين الا الغالي والفخم عشان يتعود عليك :) " اما هذة النصيحة اضحكتنى - كل ماشاف وحدة حلوة بالتلفزيون او شاف وحدة بالشارع ازعلي وابكي لان بكدة كل الزوجات ستقضى كل ساعاتها فى البكاء :) اسعد الله وفقك فى حياتك ورزقك بالسعادة والحب والاستقرار دوما وبالذرية الصالحة المباركة اللهم آمين |
جزيت خيراً
|
يسعد قلبك ياشابورتي<<<< من زمان مادلعتك :d
ماشاء الله تبارك الله الله يسعد قلبك ويألف بين قلبك وقلب زوجك ويحنن قلوبكم على بعض ويقر اعينكم بالذريه الصالحه الباره البنين والبنات يارب فعلا عزيزتي كلام بعض الحريم :(:(:29: نصائح مالها داعي ابدا الله الهادي لسوا السبيل فعلا ليس كل مايقال صحيح جزاك الله كل خير على نصائحك المجربه وهذا عين العقل ياغاليه الله يفتح لك ابواب رحمة ويسخرلك من في السموات والارض حصنتك بلا اله الا الله |
مشكورة اختي شو بارد والله زوجتي للاسف كانت تتبع الطريقة الاولى بالضبط سبحان الله...يا خسارة بس
|
رزقك الله بالذرية الصالحة عاجلا غير اجل وجزيتي خيرا
|
رائعة يا شوبارد ... بل رائعة جدا و مميزة ..
لقد عانيت من نصائح الاخرين في بداية حياتي الزوجية .. و كل يوم كنت ابق نصيحة لين ما دارت بي الدنيا و حصلت مشاكل عديدة ... و لما اتبعت افكاري الخاصة و تعاملت مع زوجي على شخصيته الامور تعدلت كثيرا و صار للافضل و لله الحمد.... نصيحة لكل البنات الحديثات في الزواججججججج. تعاملي مع زوجك بنائا على شخصيته هو فقط و لا تديري بالا للنصائح الهدامة و لو كان القصد منها الاصلاح ... تحياتي لكم......... |
وآو روعــــــــــــــــــــة ...!!!
وجــــــآن آضيفهـــآآ للــ favorites .. بصــــرآحه موضوع يستحـق القرآءة مرة ومرتين وعشــــــــــــرر ..!!! قبل عرسي بشهرين برجع آكلمـــــــــــج ... كووني موجوودة .. لني بكـون في حـآجة احم احم ^_^ تحيــآتي |
شوبارد ..روحي الله يوفقك دنيا وآخره ..
والله يا كلامك انه عين الصواب والصح .. أدعي الله ان خطيبتي تسمع أو تقرأ كلامك والطيبين زيك مو إلي زي ماتقولين يعطون نصائح والمقصود منها في الاساس الإفساد .. تملكت قبل سنة وشوي .. كنا في البداية زي الحلاوة .. لكن بعدها كثرة الانتقادات والحركات والعتابات إلي مالها اي داعي .. زعل من أقل كلمة .. والسبب وانا متأكد من ها الشي أقاربها وصديقاتها الله لا يوفقهم .. لأن أغلب الأحيان تعاتبني وبعدها تحس إني زعلت وتجي تعتذر مني وبعد شوي إلا هي زعلانه من ايش مدري .. ؟؟ المهم الله يوفقك والنصائح هذي صادرة من انسانة صادقة ومحبة لأخواتها .. وحنا ترى يجينا زي كذا خاصة نصائح ليلة الدخلة .. تخيلي زميلي ( معلم ..؟؟ ) يقول لاتجي زوجتك ولا تقربها بس من بعيد وأشياء قريبة ؟؟ إلين هي إلي تطلب منك تفض بكارتها..؟؟ والأخر يقول حاول إنك ماتشبع زوجتك وتوصلها للنشوة .. طيب ليه ؟؟ على شان ماتتعود وتضطر في كل جماع انك تشبعها ..؟؟ ووووو الخ من الامور التافهة .. إلي أكثرهم يريدون بها الافساد واغلب إلي ينصحون تراهم مايطبقون إلي يقولون .. تحياتي |
بارك الله فيك
ولي قاعده دائما أطبقها في حياتي الزوجيه (الرجال ليسوا سواسيه فمن فعلت شي وصلح معها قد لايصلح لزوجي فقط لذلك ليس كل مايقال لي أوأسمعه أطبقه) لاأعمل بالنصائح كلها وفورا بل انتقي مايناسب وضعي ووضع زوجي وكم اكره كلمه (عـــوديه) فقد سمعتها مرارا قبل زواجي ولو فعلت كل ماسمعت لانقلب حالي رأسا على عقب وفقك الله وأسعدك ووفق المتزوجين والمتزوجين.. |
مشكووووووووره شوبارد ع النصايح..
والله يرزقكم الذريه الصالحه ان شاء الله.. |
رحم الله والديك شوبارد وبارك الله فيك
نصائح مميزه ومفيده |
اختي الحبيبه كعادتك طيبه ونصوحه
الله يسعدك ويكثر من امثالك ياريت عندي اخت مثلك حقيقه نصائحك ذهب بس ماعرف متى راحاتزوج ومتى يجي الفارس ههه ما اكذب عليكي في اشيا احس انها تحتاج لتوضيح اكثر للي ماعندهم خبره وخايفين مثلي ابغيكي اختي اذا عندك وقت تقولين لي كيف البنت تكون ناعمه وانثويه وكيف انها تحسسه انه مو كل شي ؟؟؟ الله يسعدك يارب |
سلمت يمينك غاليتي نصائح اكثر من رائعة جزاك الله الف خير
|
نصائح ذهبية من قلب ذهبي
جزاك الله خير و رزقك الذرية الصالحة |
مشكووووووووره شوبارد على النصائح..
والله يرزقنا و يرزقك الذريه الصالحه ...آمين.. |
سلمت اناملك حبيبتي شوبارد
|
اللهم ارزقها بالذرية الصالحة والمسلمات
اختي بارك الله فيك نصائحك ثمينة اتمنى تدوبنها لكل فتاة مقبلة للزواج |
اقتباس:
|
اقتباس:
|
اقتباس:
|
اقتباس:
|
اقتباس:
كيفك وش اخبارك واحشتني والله وتسلمين على كلامك الحلو الله يفرحنا فيك قريب يارب |
اقتباس:
عادي كل انسان يغلط المهم انها تعدلت الآن ان شاءالله الله يسخر ها لك |
اقتباس:
يازين هالدعاء والله |
اقتباس:
اللي تبغى حياتها تمشي صح تترك كلام الناس وتمشي على طباع زوجها وبس اسعدني ردك عزيزتي |
الله يسعدك ويباركلك بزواجك يارب ونصائح حلوه
|
هههههههههه بعض النصائح مضحكة كأنها تصرفات اطفال..
يعطيك العافية اختي.. |
مبرووووووووووووووووووووووووووووووووووووووووووووووو ووووووك
مبرووووووووووووووووووووووووووووووووووووووووووووووك مبرووووووووووووووووووووووووووووووووووووووووووك اختي شوبارد على الزواج رغم انها متاخرة بس والله فرحتلك من كل قلبي الله يسعدك ويوفقك .................................... انا اوافقك الراي يا شوشو ,,,,,,,,,((دلع شوبارد)) |
كلام في الصميم ياشوبارد
احب اضيف نصيحة نصحوني فيها وماطبقتها لاتعطي اهل زوجك فرصة للتقرب منهم فلا يأتي من خلفهم الا المشاكل! اهل الزوج هم اهلك تقربي منهم لكن لاتلغي شخصيتك حاولي لأن محبتهم من محبة زوجك..وصدقيني انك راح تكبري في عيونه ربي يسعدك ياشوبارد وكل البنات ان شاء الله والمتزوجات يارب أختك حيوزه |
بصراحة ما ضيع اغلب البنات إلا هالنصائح النارية إلي ذكرتيها يا اخت شوبارد في بداية حديثك....
اقول وبكل بساطة الخير واضح والشر اوضح فاتبع الخير واترك الشر وستجد خيرا وكل شيء بالاعتدال ... حتى الحب يجب ان يكون باعتدال كما انك ذكرتي نقطة مهمة وهي ان الناس تختلف عن بعضها من حيث الثقافة والاطباع والقناعات فالواجب ان تفهم الزوجة زوجها ( كما هو كائن ) وليس كما يجب ان يكون ... تحياتي لك وشكرا على الدرر التي ذكرتيها |
السلام عليكم ورحمة الله وبركاته..
نصائحك 100% صحيحة.. وعلى هالطاري كنت اتصل في زوجي واساله وين انت يرد متى بترجع يرد وانتظر واذ ناخر اتصل مرة ثانية كان يعصب ويتضايق فقررت اني اترك هالعادة واستخدم الاسلوب الدبلوماسي وارسل له مسج خذوا الساعات من اوقاتنا ولكن لا تنسوا بان ثمه قلوب تنتظر وقع خطاكم.. وكان لها مفعول كالسحر.. و الحمد الله |
شكراً شوبارد على النصائح القيمة...
وهي فعلاً فلسفستي في الحياة الزوجية... أما النصائح اللي يقدمها بعض ضعاف النفوس من النساء... طبقتها إحدى قريباتي للأسف... وأنتهى بها الامر إلى الطلاق... وذاقت الأمرين حتى أعترفت بخطأها وعادت لزوجها .. والحمد لله.. فعلاً لكل زوج شخصيته المستقلة عن غيره من الأزواج... وعلى هالاساس ... كل وحده تعامل بزوجها بما تعرف عن شخصيته ... لا بما يُملى عليها من نصائح مفسدة للبيوت... دعائي بالتوفيق للجميع..........:) |
شو بارد <<كلامك صحيح كل رجل اله طريقه ومفتاح للوصول لقلبه والزوجه الذكيه تعرف وين المفتاح وتفتح فيه قلبه
لقيت طريقتك مع زوجك تقريبا الى حد كبير نفس طريقتي مع زوجي مع انه اخد مني يمكن سنتين لفهمته ((يمكن لانه خبرتي كانت محدوده جدا)) بس حبيت اقولك كمان اذا الرجل تنرفز عليك حتى لو هو غلطان ميه بالميه لا تردي عليه لحد مايهدى (وضحيله وجهة نظرك) بحس بالذنب وبيقدر انك سكتي عنه وبتزيد غلاتك في قلبه |
مبروك اختي ووووو الله يسعدكم
|
جزاكم الله خير
والله يوفقكم دنيا وآخرة |
اختي الحبيبه كعادتك طيبه ونصوحه
الله يسعدك ويكثر من امثالك ياريت عندي اخت مثلك حقيقه نصائحك ذهب بس ماعرف متى راحاتزوج ومتى يجي الفارس ههه ما اكذب عليكي في اشيا احس انها تحتاج لتوضيح اكثر للي ماعندهم خبره وخايفين مثلي ابغيكي اختي اذا عندك وقت تقولين لي كيف البنت تكون ناعمه وانثويه وكيف انها تحسسه انه مو كل شي ؟؟؟ الله يسعدك يارب |
| الساعة الآن 02:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©