|
قصتي يوم اشك بزوجي
السلام عليكم ورحمة الله وبركاته
كيف حالكم ان شالله بخير مبروك الى تزوج والحمدالله على السلامة الى ولد ومنزل مبارك الى سكن بيت جديد وحج مقبول الى حج والف مبروك للناجحين مقدمآ <<<من زمان ماكتبت موضوع الله يعينكم على الهذرا بس ترا متسنتره هنا بين فتره وفتره ارقب الاحداث وعلى الله تكون الهذرا له فايده نبداء الموضوع مالكم بالطويله فايده في يوم من الايام ساعه 2 لليلا فتحت الاب توب وشوي احوس فيه بالمحفوظات الا اشوف صور تخرع اشياء ماتنتصدق تقريبا 20 صفحة كل صوه جنس اوسخ من الثانية وافلام ياويل قلبي من فاتح جهازي وذكر ان امس يوم كنت عند اهلى دق زوجي يسالنى عنه يعنى زوجي فاتح امس وتشتغل شياطين معقوله زوجي يفتح المواقع هذا وربي حتى الواحد مايقدر يطالعه من وسخته وتطيربوهتى وتجتمع شياطين الجن كله فيني شوي واطب بطن زوجي ياربيه وش اسوي فكرت اصحيه من النوم اقوم اسطره لو الطلاق بيدي طلقته بس الحمدالله >>>وهونايم ماعنده من الشيطان طريق وتعوذ من الشيطان يابنت اصبري الحد مايقوم اركدي ياطول اليل ماصدقت ياذن الفجر وطيران اقوم الرجال يلا صلى >>>وش الحرص تصحيه وهو ياذن ابيه يروح عن وجهي لاارتكب به جريمة اجل شين وسعة عين زود على ماهو يشوف الصور يفتح بجهازي بعد وصلى الفجر واركد شوي وابداء ادوره براسي لو بقوله مباشره يمكن يعصب ليش تفتشين بعدي مو حلو الزوجة يحس زوجها انه ماتثق فيه اهم شيء الثقه ويمكن يعاند بعد المهم واقوم والبس الدوام ونطلع مافينى صبر بتكلم قلت تصدق اني مواصله من البارح مانمت قال زوجي ليش قلت ضاق صدري مع جهازي قال ليش قلت خايفه يكون مخترق زي الجهازى الاول المكتبي قال ليش خرب فيه شيء قلت لا بس البارح وانا عنده الا تطلع لي مواضيع كله صور جنس وانا متاكده ماحد يجي الجهاز غيري وانت بعض المرات وكلنا مابنفتح المواقع هذا معناه فيه طرف ثالث يشتغل بالجهاز بس معقوله الى مخترق يقدر يتصفح على جهازي قال بي يوم قلت الخميس سكت زوجي شوي قال احلفي قلت والله جالس يتاففف شوي قلت وش فيك قال تذكرين يوم اسالك عن الجهاز اخذته معي الاستراحه واحد اخذه مني شوي قال بيجربه بيشتري جهاز وعطيته الجهاز نص ساعه تقريبا واكيد انه هو ماحد اشتغل غيره على الجهاز لانه حتى دخل داخل بالحجره ماجلس معنا بالمجلس طيب شلون تعطيه تعرفه انت قال لا اعرفه بشكله يجي مع واحد بعض المرات للاستراحه قلت حصل خير الغلطه غلطتك ليش تعطي احد الجهاز هذا خصوصيات وانا اقول بقلبي قلعته اهم شيء مو زوجي بعد الهذرا هذا كتبته لان كثير مواضيع اكتشفت في جهاز زوجي صور افلام نستفيد ان الواحده تصبر شوي ولا تستعجل باشكوك ومواجهة الزوج يمكن يكون شخص غير زوجها وحتى لو زوجها بطريقة غير مباشره تخوفه من الله وعظم الذنب والله يستر علينا دنيا واخرهويغفر لنا ولكم ويرحمنا ويجمعنا بجنة الفردوس |
هههههههههههههههه
الحمد لله مو زوجك .... |
خير ما عملتي اختي انك ما تهورتي واتهمتيه ..
هذا المسكين زوجك طلع برااااءه .. |
ربنا ستر الحمد لله
|
اقتباس:
هلا بالغلا الحمدالله انه مو زوجك كان من يصير زوجي >>>هذا تفكيره مشكوره ياقلبي على المرور |
اقتباس:
مرحبتين اميرات الحمدالله ان الطلاق مو بيدين الزوجه كان لك موقف ماعنده الا الطلاق يسلمووو على التواجد |
ما شاء الله عليك
زين انك تصرفتي هالتصرف وابعدتي عنكم مشكله ممكن تصير وتكبر لو تصرفتي تصرف آخر الله يبعد المشاكل عنا وعنكم |
الحمد لله انك طلعتي عاقلة .. :d
لكن الجهاز هو خاص فيك ؟؟.. اذا هو خاص فيك انتي والله ما ادري كيف زوجك خلاه قلبه يعطيه واحد ما يعرفه .. ؟؟ ترى الصور هذي بسيطة .. يمكن لك صورة مخزنتها وإلا شي .. حرصي على زوجك شوي ... تحياتي |
ماشاءالله عليك
يمكن لأني شكاكة رايي راح يكون غيرك تماما لو مر علي هالموقف ماحس اني بصدقه ابد ابد بس بسوي نفسي مصدقته وامشي الامر واراقبه من بعيد لبعيد بس انت اعقل مني ماشاءالله اريح لك والله |
ما شاء الله عليك اختي
فعلا في العجلة الندامة لازم الواحد يفكر قبل اي تصرف حتى لا يظلم احد و يندم ربي يسعدكم |
صار لي مثل هالموووقف بالضبط
وقال عذر مشاابه بس لااازالت الشكوووك تلعب بعبي :) وعودآ حميدآ ,,, وتراك طولتي الغيبه وحشتييييينا ... لاتتعودينها يا اموره ..:) |
اهنيك اختى على فكرك الراقى وصبرك لو استعجلتى كان اهتزت الثقه بينك وبين زوجك
تقبلى مرورى السريع سالم نورس |
ههههههههههههههههههههههههههههههه
الحمد لله على سلامة زوجك ماتوطيتي ببطنه بس لو انا كا شبت حريقه ماطفت والله انك حكيمه |
بصراحه انتي خطيره وكذا ؟؟؟؟؟؟؟؟؟؟؟؟؟؟؟؟ ما شاء الله عليك من وين جاك الصبر .....
أكيد أنتي قصيميه |
وعليكم السلام ورحمه الله وبركاته
هههههههههههه الحمد لله بس الله يوفقك ويسعدك ويعطيك العافيه لك فائق احترامى |
هههههههههه
موقف رهيب وتصرفك حلو بس الغبي اللي اخذ الجهاز ما عرف يسكراللي فتحه لا حول ولا قوة الا بالله |
الحمد لله عدت على خير
|
ما ادري اختي بس والله اضحكتيني يعني االرجال اللي اخذ الجهاز بنص ساعه نزل كل الصور والأفلام هذه ليش طيب
تبين رايي زوجك قلك كذا حتى يبعد عن نفسه الشبهه وطبيعي يتصرف كذا انا لو مكانه سويت كذا والرجال صعععععععب يعترف انه يسوي كذا بالذات قدام زوجته انا ما اقلك انه متهم ولكنه ليس بريء يعني شوي نفكر مع بعض يوم قلتيله كذا كااااااااااااان عصب وقلك وريني هالصور اشوف وزعل من صاحبه لكني انا ومن خبرتي الطويلة في مجال الرجال انه في هذا الزمان لايووووووووووووووووووووووووووووووووووووووووووووووو ووووجد رجال (إلا من رحم ربي) لايشاهد افلام او صور فاضحه وانا اراهن على هذا الشي واصبحت هذه الأشياء اخطر والله ممانتصور نصحية لكل اخت زماني فرض علي احاول ان اثق بزوجي لالالالالالالالالالالكن لالالالالالالاعطيه ابدا ابدا ثقتي يبقى هناك دائما عين مستيقظة الفتن كثيرة وطرق الشر مفتوحة على مصرعيها............ اتمنى لكي حياة سعيدة وهانئة |
بصراحه هذرتك حلوه 000واهم حاجه طلع مو زوجك ربي يحظه لك وبيعده عن الحرام
وزي ما قلتي اهم حاجه الثقة ما تنعدم بين الزوجين بوركتي حبيبتي على عدم استعجالك 000 |
اقتباس:
تقدر تقول غلطه مافكر زوجي بنسبة للصوره لي لا الحمدالله مانزل صوري بجهاز نت اصلا ماصور نهااااااااااااااااااااااااااااااائي حياك الله اخوي ومشكور على النصيحه |
اقتباس:
يمكن الى خلاني اصدق لاني بعرف زوجي اذا كذب على يوضح على شكله مايضبط الدور يسلموو على تواجد قلبي |
اقتباس:
اذا انتى تعرفين زوجك زين بتعرفين هو يكذب او لا يسلمو على المرور العطر |
اقتباس:
بس وش يصبرا ماهنا صبر بس الحمدالله المره هذا هبطت شياطيني ولا كان علوم مشكوره على التواجد |
اقتباس:
اهتزاز الثقه مشكله حياك الله اخوي |
اقتباس:
والا شوي وتوطي بطنه وسطره مو حريقه لو ان الطلاق بيدي طلقت شياطين قامت ترقص براسي يسلمووووووو يالغلا |
اقتباس:
اندري من وين الصبر رحمة من ربي لا والله مو قصمنجيه بس جيران القصمان>>>>>>>>>>>متاثره بالكلامهم يسلمو ياقلبي |
اقتباس:
مشكوره على المرور الكريم |
اقتباس:
مافكر يمكن ان الجهاز المحفوظات تحفظ كم يوم لان الغالب بالاب توب تكون المحفوظات يوم واحد بس حياك الله اخوي |
اقتباس:
حياك الله يالغلا |
اقتباس:
اختي بس والله اضحكتيني يعني االرجال اللي اخذ الجهاز بنص ساعه نزل كل الصور والأفلام هذه ليش طيب لا هو مانزله على الجهاز وحمل هو فتح المواقع بس وانا حصلته بالمحفوظات زوجي بعرف اذا كذب على يوضح من شكله بعدين واضح عليه انه متفاجى كااااااااااااان عصب وقلك وريني هالصور اشوف وزعل من صاحبه زوجي اولا مو من النوع الى يعصب بسرعه ثانيا زوجي دايم يقول وش بيستفيد الشخص يشوف صور كفار غير الذنوب الحمدالله زوجي من النوع الى مايحب المقاطع والصور بعدين صور فاضح ماله منه اي فايده بعدين هو مو صاحبه معرفه سطحيه صعبه بيروح يعاتبه وزوجي هو الغلطان ليش يعطيه الجهاز قلبي الثقه اهم شيء بالحياة اذا انعدمت كيف بتكون الحياة والرجال مو واحد والزوجه تقدر تاخذ من زوجها الى تبي بدون ماتوضح له انه تشك فيه بالسياسة والحكمه بيقول له الزوج كل شيء المراه تملك سحر وسلوب مايملكه الزوج بالغالب مشكوره يالغلا على تواجدك العطر |
اقتباس:
ربي يسلمك اهم شيء الثقه يسلموووووووووو على المرور |
ما شاء الله عليك تصرفتي بحكمة .
|
اقتباس:
ومن قال انها اذا ظلت تراقب زوجها ووتتبعه بترتاح وياغاليه مايصلح تشككين الحرمه بزوجها هي واثقه فيه واكيد هي عاارفه زوجها اكثر منك واكثر من اي وحده بالمنتدى ومانزلت هالموضوع عشان نشكك بزوجها او نتهمه ...او الرجال عمومآ مثل مافيه الطالح فيه الصالح والصالح اكثر ان شاء الله احسني الظن وغمضي عينك المستيقظه :) وحتى لو شفتيه وكشفتيه بالجرم المشهود غضي الطرف عنها يمكن هو حاسب لك حساااب وبالمناقشه ينهدم هالاحترام وماعاد يحسب لك ادنى حساااب تقبلي كلامي كأخت حريصه وودها بالخير لك .. والف شكر ل |
ما شاء الله عليك عرفتى تفتحى الموضوع بطريقه حلوه
الله يبعد عليكم ولاد الحرام ياااارب ويقرب بينك وبين زوجك |
--------------------
|
| الساعة الآن 12:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©