|
انا وزوجي زعلانين من بعض والسبب ولد صديقه ( المشكلة حلت ولله الحمد )
السلام عليكم ورحمة الله وبركاته
ادخل بالموضوع على طول البارح اتصل صديق زوجي عليه وقاله بنزوركم وبصراحه استانست لان زوجته مره روعه والسوالف معاها ماتنمل المهم جاونا وعندهم ولد عمره 4 سنوات قليل ادب ومو متربي من اول مادخل من الباب على طول ضرب ولدي اللي عمره سنتين وانا بصراحه عادي مازعلت وضرب بنتي وقلت عادي صغار بيكبرون وينسون لكن انه يضربني هذي كبيره ضربني مره و 2 و 3 وانا سكت يقول لي كلي...........الله يكرمكم ويقول العن ابوك ياقح......... كل هذا وامه ساكته انا بصراحه من اول ماجاو وانا ساكته باعتبار انهم في بيتي وهم عندي من الساعه سبعه ونص ويوم جت الساعه 11 قال لي العن ابوك يا......وتف علي وانا كنت ماسكه الريموت كنترول ومن القهر ضربته به على فمه وبان فيه كدمه بسيطه ادري بتقولون تحطي راسك براس بزر لكن والله العظيم اني كنت واصله حدي واللي قهرني انه امه عادي ماكانها تسمع شي وللامانه الولد ابوه اللي مخربه يعني يضرب امه ويقول لها كلام زي اللي قاله لي واكثر وابوه مايخليها تضربه ولو ضربته يخلي ولدها يضربها يعني حتى هي مالها كلمه عليه المهم زوجي شاف اللي الكدمه وسالني وقلت له قام يقولي انتي ماتستحين تعلمين على وجه الولد في بيتنا واش بيقول ابوه بيزعل وباضطر اروح اعتذر منه عشان اللي انتي سويتيه انا قلت له يعني ترضى ان ولد يقول كلام زي كذا واهله عادي عندهم وانا اسكت ................... وصار نقاش طويل عريض مع اني قلت لزوجي اني ماكنت اقصد بس انصدمت من الكلمه اللي قالها لي فجات ردت فعلي لااراديه وترى ورب الكعبه فعلا ماكنت اقصد اني اعلم عليه لكن كلمته خلتني اطلع عن طوري وانا قلت لزوجي كيف انت تتضايق عشان مايزعل صديقك وصديقك اصلا حتى لو سمع ولده يقول هالكلام ماراح يقول شي عشان مايزعله في النهايه قلت لزوجي اذا صديقك يرضى ان ولده يضربه ويضرب امه فانا مارضى على نفسي واذا صديقك مايبغى يربي ولده علشان مايزعله فمهو على حسابي انا خله بالاول يربي ولده زي الناس بعدين يزعل ومن امس ونا زعلانه وزوجي زعلان وماني عارفه ايش اسوي تكفون قولو لي هل انا غلطانه او لا وااااااااااااسفه على الاطاله |
بصراحة انت غلطت بأنك ضربتيه.........بس عندي سؤال شو كان ردة فعل الام؟؟؟؟؟؟؟؟؟؟؟
وانا بقولك ليش الام ما تقوله شي...... لانها تعودت انه ما إلها سلطة على ولدها...... فهذا شي عادي بالنسبة لها............ أما بالنسبة لزعلك مع زوجك.......... فقوليله انك سوف تعتذرين من امه وخلاص...... واذا كان صديقه زعلان...... فيقوله هي طلعت عن شورها لأن الولد وايد كان وقح.......ويقوله الصراحة هذا من رأيي وطمنينا يوم تنحل........ لأن عندي فضول أعرف شو صار معاك يا اختي اختك أم محمد |
عزيزتي..
بصراحة لو كنت مكانك لضربته عمداً لا عن غير قصد. معكِ كل الحق في أن تستائي من هذا الولد .. خاصة أن أمه لم تحرك ساكناً .. وخاصة أيضاً أن والداه بالتأكيد يدركان سوء تربيته وتصرفاته ورغم ذلك يجبران الناس على تحمل قلة ادبه ووقاحته دون خجل. ولكنني بصراحة كنت أفكر وأنا أقرأ موضوعكِ فيما هو أهم من ذلك .. وربما يجب أن أنصحكِ بدخول مناقشة حامية أخرى مع زوجكِ .. الذي على ما يبدو نسي وسط كل هذه القصة أن أولادكما قد شاهدا مثالاً حياً على قلة الأدب والتربية ومن غير المستبعد بالطبع أن بجربا تقليده. زوجكِ هداه الله خاف على زعل صديقه وحمل هم تقديم الاعتذار له ولم يفكر ولو للحظة أن الأطفال بشكل عام يعشقون التقليد حتى ولو لم يفهموا ما يقلدون .. ولم يدر في باله أنه سمح بتقديم مشهد مجاني في البذاءة لأبنائكما و أنهم سيحتفظون بهذا الموقف وهذه الألفاظ البذيئة في ذاكرتهم وستظهر على السطح في يوم ما قريباً أو بعيداً .. لكما أو لغيركما. عزيزتي.. إن كنتِ قد أخطأتِ في شيء .. فهو سماحكِ لهذا الطفل بضرب أبنائكِ ـ وأنا أتخيل أن طفلاً بهذا الطبع سيكون عدوانياً جداً مع غيره من الأطفال ـ وسماحكِ بأن يسمع أبنائكِ ويشاهدوا هذه التصرفات القبيحة .. ومسؤوليتك تجاه أبنائك أن تحمي أخلاقهم من مثل هذا النمودج السيء. |
بالعكس
أنا أقول انج ما سويتي شي غلط لأن الولد أصلا قليل أدب و مو متربي و بعدين وش فيه زوجك يصاحب ناس كذا يعني انتي بروحج قلتي انه أبو الولد يضرب أمه و يقوللها كلام ماسخ يعني وشلون ترضين ريلج يواصل و يوطد صحبته برجال ما يحترم حرمته ؟!؟!؟ لا تتأسفين لأنج ما غلطتي حبيبتي و ربيع ريلج خله ايولي ، يروح في ستين داهية أحسن خل يزعل و يقطع علاقته بريلج لأنج مانج مجبرة تحتملين تصرفات ولد أمه و أبوه ما ربوه و ما علموه الأدب ... ربي يفرج كربج و أعيد و أقول انج ما غلطتي |
اقتباس:
ام محمد هلا وغلا فيك بالنسبه لسؤالك عن تصرف امه احسها عادي مابان عليها شي وبالنسبه لزوجي اللي مزعله اني قلت له اني ماني ندمانه على ضربي للولد رغم اني ماكنت اقصدها وبما اني ماني ندمانه ماراح اعتذر من حد مع احترامي لوجهة نظرك والف شكر على ردك دمت بود |
اقتباس:
اختي العزيزه مهره اشكر لك ردك واقول لك سبحان الله كانك معانا لان ولدي اللي عمره سنتين صار يقلده في اشياء كثيره وبما انه لسا صغير ماتعرفي اشلون تتصرفي معاه تقبلي فائق امتناني وشكري دمت بود |
اسرة مثل هذه افضل عدم الاختلاط معها لان حتى اولادكم سوف يتلعمون منهم عدم احترام الكبار ،اعتذرى لامه ، ووقفوا التواصل معهم بعمق
الجار يربى ابنك معاك ليس مباشرة وانما من خلال اولاده الذين يربيهم ابعدوا من هيك ناس وبلاش وجع راس |
اقتباس:
حبيبتي انا اعرف انه الولد مو متربي والحمد لله انهم مايزورونا كثير لكن انتي فهمتي الموضوع غلط مو الاب يضرب امه الولد الصغير هو اللي يضرب امه وبالنسبه للعايله هذي بصراحه طيوبين واصحاب مواقف وبيننا وبينهم ذكريات حلوه لكن شكل الولد بيخرب كل شي يعني فعلا هم مايعيبهم الا ولدهم الف شكر على مرورك الكريم دمت بود |
الخلاصة حبيبتي انج ما غلطتي
و مثل ما قالت اختر مهرة ، لو كنت مكانك ضربته عمد مو من غير قصد انتي ما غلطتي ، و المفروض ريلج تفهم وضعج و بروحه كان كلم الولد وصرخ عليه ، مو يصرخ عليج انتي !! انتي ما غلطتي ، خلي ريلج يراجع نفسه كم يوم و يعرف انج ما غلطتي و ربي يفرج كربك |
اقتباس:
وحتى لوقلت لزوجي نقطعهم بيقول اصلا هم مايزورونا الا في السالفات يعني احيانا 6شهور او اكثر شكرا على الرد دمت بود |
زوجي يقول لو إنه مكان زوجك بيروح يكلم صاحبه و ينصحه
و أنا من رأيي ، إنه ألحين أهم شئ تروحي تراضي زوجك و تبيني له إنك صح غلطتي و ماكان قصدك و لا تعاندي زوجك و قوليله اللي صار صار خلاص بيني و بينك الولد يستاهل و عجبتيني هههههه :d |
حبيبتي أنا لومكانك راح أعمل نفس الشئ وراح أضرب الولد
لأنه بجد قليل حيا ونرفز وعن زوجك طنشيه ومن حاله راح يهدئ ويجي يكلمك وممكن يعتذرمنك ويعرف إنك على حق وموغلطانه بالتوفيق ياقمر |
صراحة كاسر حاطري الولد ... توه صغير وبتلفظ بهالالفاظ ...
يمكن انا ضد الضرب .. كان ممكن تنبهينه .. او تقولين لامه بادب لوسمحتي ما ابي اولادي يتعلمون هالالفاظ ... بس بما ان الشي صار وخلص .... لاتخلين الشيطان بينكم ... روحي لزوجي واعتذري منه وقولي له انك ماقصدتي تضربين الولد ... او اتصلي في ام الولد قبل واعتذري لها وقولي لها اسمحي لي بس طلعت الحركة غصب عني وفهميها انه هالشي غلط .... وممكن يحطها في مواقف محرجه .. ثم روحي وريلج وقولي انك صلحتي اللي سويتيه ... والموضوع انحل بينكم .... وان شاء الله زوجك بيرضى ... لا تخلون الشيطان بيتكم ... موفقه |
اختي روح الطير
زوجي على فكره دايماينصح صديقه ويقول له انت ماعرفت تربي ولدك وصديقه عارف هذا الشي لكن يقول اني لو ضربته يتقطع قلبي عليه وهو يبكي وارجع اراضيه وبالنسبه لزوجي انا قلت له اني ماكنت اقصد بس اني ماندمت وهذا هو الصدق عشان كذا هو زعل حس اني ابغى اعانده يمكن مشكووووره ودمت بود |
و عليكم السلام ورحمة الله و بركاته
صراحة انت مو غلطانة بالعكس المفروض الاهل يربوا ابنهم حتى لا يضطر الناس ان تربيه و حقيقة و الحق يقال ليس فقط الابن يحتاج التربية بل الاب ايضا و الذي يقول لزوجته هذه الكلمات المنحطة و العياذ بالله و امام الابن .. انا لو كنت مكانك لما تركت اولادي يلعبون مع ابنهم حتى لا يتعلمون الكلمات الدنيئة و التي لا تخرج إلا من فم من تعود عليها و العياذ بالله بالعكس انت ما اخطأتي و كان يجب عليك ان توقفي الولد المتربي من البداية و تقولين لامه تربيه و ما يقول هذه الكلمات .. لكي لا يلوث البيت بكلماته انا لله و انا اليه راجعون |
اختي روعه
تسلمين على ردك وبصراحه رايي من رايك الاخت حامله الهم الولد مو اول مره يزورنا ومو اول مره يغلط علي وعلى عيالي وانا مو ملزومه اتحمل سوء تربية اهله له وبما انهم يرضون انه يغلط دايما وما يعلموه الصح والغلط يتحملو ردات فعل الناس الاراديه واللاراديه ومشكووووره دمتم بود |
اختي والله اللحظه الي مريتي فيها صعبه
بس دام الوالدين تقولين طيوبين ما اشوف له داعي تقطعون علاقتكم بهم عشان ولدهم الصغير وماله داعي يصير زعل بينك انتي وزوجك عشان الولد والله مو حلوه في حقك تقاطعين عائله وتزعلين مع زوجك والسبب مين طفل لجيرانكم من رايي اختي ارضي زوجك وكلمي الام مو عشان مو عشان تتعذرين عشان ترضين زوجك ومنها فهمي امه انها لازم ما تسكت عن ولدها وتفهم ابوه انه ولدها مثل ما هو ولده وتهمها تربيته |
اقتباس:
اختي الوفيه لوالديها مشكوووووره على رايك اللي اتفق معاك عليه وربي يوفقك في اختباراتك ياااااارب دمت بود |
اقتباس:
اولا احنا مو ناويين نقطع علاقتنا فيهم حتى لو كنت ابغى هذا الشي زوجي ماراح يرضى وبالنسبه لامه دايما انصحها لكن هي تقول الولد عنيييد وما قدرت عليه والاب طبعا مايساعدها الله يعينها دمت بود اتمنى اشوف راي اخواني الرجال لو انت مكان زوجي وزوجتك تصرفت نفس ما انا تصرفت وش تسوي وشكرا مقدما |
انا اللي اعرفه الناس لما اتسير اتزور ناس في بيتهم يحترمون حرمة البيت ويحترمون اصحاب البيت ترا مثل ما الزائر له حقوق مثل اكرامه وغيره ترا حتى صاحب البيت له حقوق مثل احترامه واستئذانه وغيره....يعني ماتي تكسر شي في البيت واتقول والله الولد صغير بس في تربية تنبه الأولاد بعدم مشاغبتهم.....لو انا اعرف ولدي بيفشلني ماكنت باخذه معايه بيت الناس ويتهزئون.....ويابخت من زار وخفف
و من المحقر لصاحبة البيت ان تأتي هذه الألفاظ في ظل سكوت الأم(الأم مدرسة)....لو الألفاظ هينه كان سكتنا لكن مثل هالالفاظ والله مو بس اضربه.....والولد هذا قاعد يعكس بيئه بيته وبكرة راح يدخل المدرسة يعني لين احينه امه وابوه ما تداركوا حجم الكارثة في تربية الولد....يمكن هالضربة تكون صفعه لهم تصحيهم من غفلتهم ومافي داعي للاعتذار لان هم اللي اللازم يتخذون هالطريقة مب انتي هم اللي لازم يعتذرون.... المهم انتي مب طفلة وزوجك ليس بطفل وتقدرون تتفاهمون بدون عناااااااااد......وقولي لزوجك لوكان احد من عياله قال هالكلام في حال زيارتكم لاقربائكم شو بتكون ردة فعلة؟؟؟ الله المستعااااااااان |
اختي العزيزه حرم فلان فلاني
اشكر لك ردك على موضوعي ولك كل الشكر دمت بود |
فعلا شي يرفع الضغط
وش هالاهل ...وين عايشين ...يمكن يلتلفظ كلمات مثل ..ح.... ك...يعني كأي طفل طبيعي لكن كلمات بهالبشاعة ...شي مفجع صراحة والله انا اشوف ان اللي المفروض ينضرب هم الاهل على سوء تربيتهم صالحي زوجك ...لكن بدون اعتذار رسمي يعني طيبي خاطرة بكلمة حلوة او نظرة لكن اعتذار ما اعتقد الموقف يستحمل |
اقتباس:
كلام سليم ياقلبي زوجك ماله حق يزعل ولاتعتذرين انتي ماغلطتي ولو انا مكانك كان توطيت ببطنه :16: |
اختى الهام الله يصلحنا واياكم الخطأ منكم كلكم من اهله ومنك انت كذلك
حتى لو اهله عودوه على هذا الاسلوب الخاطئ مفروض يوم يسوى شى خطأ ينبه عليه ..حتى امام اهله احسسهم انه هذا التصرف منه مش مقبول وما اظن هذه اول مره ياتونكم حسب كلامك ..حاولى انت تنبهين امه ..وتحسسينها انه هذا خطأ..والصراحه اذا كان كذيه اسلوبه ..اعتقد انهم ناس غير مرغوب فيهم فى المرات الجايه ..وخلى زوجك يكلم ابو الولد لانه هذه قلة اداب لدرجه ما يستحملها احد ..وانت مشكلتك صبرتى على الخطأ..وتحملتى ..ونفجرتى فجأة ..كان عليك انك تحلين الموضوع اول باول ..حق ما تكتمين فى خاطرك وبعدين انفجرين بتصرف كبير يضر بالوالد ..والتقويم يكون بالتدريج |
ما غلطتي ابداً ولوكنت مكانك كان قطعت لسانه
وزوجك الأفضل إنك تراضيه ولكن بدون اعتذار لأنك ما غلطتي |
راضي زوجك
ولكن أبداً لا تتنازلي عن حق أولادك في العيش مع أناس محترمين ماذا سوف تستفيدين من طيبة أمه وسواليفهم وأولادك يتعلمون كلمات يستحي الواحد يقولها في الشارع ! قولي لزوجك (بعد فترة من مراضاته ) تخيل ولدك يقول هذا الكلام لأمك (جدته) كيف سيكون موقفك وقتها ؟. |
يا اختى
ناقشيه فهو من حقه اختيار اصدقائه لكن ليس من حقه ان يفرض عليكى صداقاتك من النساء كون السبب فقط انهم زوجات اصدقائه وذكريه عن تاثر طفلك بسلوكيات طفلهم |
حبيبتي انتي ما غلطتي بالعكس اللي سويتيه هو الصح هذا الولد لازم يتأدب اذا مو بالكلام بالضرب واذا اهلو ما يقدرون على تربيته فالناس اقدر والله لو كان ولدي كنت ضربته على طول
|
معك حق
ممكن اتحمل من طفل القريب او الصديق الكلام .. لانه بزر ويكبر ويعقل .. اما انه يمد يده او يتفل علي فهذي لا والله لصفقه بطراق ماينساه طول عمره |
أختي
الصراحة رجعت من جديد ، جلست أفكر مع نفسي ؟ و حطيت ولدي مكان الولد اللي انضرب و إن شاء الله ما يكون ولدي كذة ، لكن مجرد إفتراض فكرت يا غالية بإنه هذا طفل و الطفل قال الكلمات هذه و مو عارف معناها و مو عارف إنها قلة أدب و تربية فالمفروض أهله يتربوا مو هو ، لإن الطفل يقلد أي شئ يشوفه ، حسيت إنه كسر خاطري يمكن يشوفها كلمات عادية لإنه متعودها من أهله صح إنه موقف يرفع الضغط ، لكن نزلت تفكيري لمستوى تفكير الطفل و حسيت إنه مسكين بالفعل و إنه ضحية أغلاط أبوه و أمه يمكن حركتك ما كانت مقصودة ، بس أتوقع لو كنت مكانك و بما إنه أمه ساكتة و ما تتدخل أعتقد كنت بأمسكه من البداية ( و ما أحط بنفسي لحد ما أنفجر عليه ) و أجلس في نفس مستوى طوله و أحط عيني في عينه و أقوله لا تسوي كذة مرة ثانية و أعلمه إنه الشئ هذا غلط و أكسب أجر في المسكين هذا لإنه في الأخير ( طفل ) و الأطفال أحباب الله و لا تزعلي مني و فكري بها من ناحية أخرى :) |
عزيزتي
انا لاأييد الي بتقول انك ماغلطتي ولا تعتذري لزوجك زوجك مازعل لانك ضربتي الولد لانه قليل تربية وهو معترف بالهشي والدليل انك قلتي انه كلم صاحبه بخصوص ولده فانا اقول ونصيحة لك عزيزتي حااااولي ترضين زوجك وتستسمحيه لان زوجك من الرجال الي يبي كلمته ما تنزل ولا تعانديه لانه حس بعنادك واصرارك على رأيك حااااولي ترضينه بكلام حلوا بس قوليله ان الولد نرفزني وخلاني بمزاج سيئ وماراح يصير بخاطرك الا طيب واتصلي على زوجة صديقه وياريت زوجك وانتي تساعدينهم في تربية الولد يعني اهديها كتيبات واشرطة تهم تربية الطفل وهاذا واجب وحق للابناء مو بس امام الناس بل امام الله عز وجل وشددي عليها كذا يمكن زوجها يقراء الكتب او يسمع الاشرطة ويستفيد ولك خالص تحياتي |
صباح الخير على الجميع
في البدايه احب اشكر كل من تشرف ورد على موضوعي وافادني احب اقول لكم ان المشكله انحلت طبعا بعد نقاش طويييييييييييييييييييييييل عريييييييييييييييض واتفقنا على الاتي اولا راح اقطع علاقتي في هالعايله وماراح ازورهم وبما ان اخر زياره منهم اذا مارجعنا الزياره بزياره راح ينسحبون ثانيا فيه وحده من حريم اصدقاء زوجي بعد ملسونه وماتحترم احد والمشكله انه صديقه المقرب جدا فانا مارح ازورها في بيتها واذا جاتني راح استقبلها بس ماارجع لها الزياره وبكذا تنسحب ثالثا انه زوجي واصدقاءه على راسي لكن ماني مجبوره ابني علاقه مع حريمهم اذا هالعلاقه تسبب مشاكل بحياتنا رابعا احب اقول لكم ان صديق زوجي فشله قدام اصدقاءه في الدوام وقال لهم زرناهم وعلمو وجه ولدنا في بيتهم وزوجي قال له الكلام اللي ولده قاله قال عادي بزر ومو مفروض تسوون اللي سويتوه عشان كذا قررنا نقطع علاقتنا فيهم لان مامنهم امل خامسا اشكركم جميعا على ردودكم وافادتكم لى وجزاكم الله جميعا كل خير |
الحمد لله أنها انحلت
الله يديم المحبة والمودة بينكم يارحمن يارحيم |
الحمد لله ر العالمين
الله يتمم لك الفرحة والسعادة يارب |
ياجماعه في النهايه هذا طفل عمره 4 سنوات تضربه وحده ام عيال وبالريموت
اختي الكريمه اعتذري لزوجك فأنتي من اخطأ في حق الطفل واحسبي فارق السن بينك وبين الطفل وبعدها احكمي اختي الكريمه هؤلاء اطفال نحن من نربيهم انا اهون عليه انك ضربتي امه لأنه هي من تراه ولا تحرك ساكن |
غاليتي انت مو غلطانة وانا احسدك على طولة بالك
والله اتوقع لو كنت مكانك لضربته عمدا من ثاني غلطة لان الطفل يتعود هو غلط عليك مرة وثنتين وشاف ان الامر عادي الله يهدي زوجك |
انتى ما غلطى وخلى راسك مرفوع وزوجك مفروض اقدر الضرف اللى مريتى بيه والله لو كنت مكانك كنت سويت اكتر اتحمل اى شى الا تصرفات عيل قليل ادب حاولى انك تراضى زوجك بس ما تعتدرىله وما تخلى هيك شى ينغص حياتك ترى ما تسوى
|
اقتباس:
الحمد لله .. اسأله تعالى أن يديم عليكما السعادة .. نسخة لعالم المشاكل المحلولة .. |
| الساعة الآن 02:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©