|
زوجي كذب علي وهو مسافر (ماذا أفعل ارجوكم افيدوني)
السلام عليكم
يا عزيزاتي ارجوكم اسمعوا القصه بالكامل واحكموا من الغلطان وماذا افعل ساعدوني زوجي سافر للعمل وقال لي يومين وارجع وكان حجزه على يومين فقط بعدها اتصل علي وهو هناك وقال اني سوف امدد لان عندي اجتماع مهم بمدد يومين معليش والله ااسفه .......... ( من هل الكلام) المهم بعد ما رجع من السفر انا كان عندي احساس انه لمن قال بمدد ما عنده اجتماع عنده شي ثاني اكتشفت لمن رجع لمن قرات بعض الرسائل في جواله انه كان مواعد اصدقاءه في السفر وارسلهم مسج يسالهم هم وين باي مكان علشان يروح لهم المهم بالرسائل فهمت كل شي لمن جت وسالته مين شفت بسفرك قال ما شفت احد بس عمل واجتماعات ولمن واجههت هو ارتبك وقال كيف عرفتي ؟ المهم اعترف وقال انا مددتت علشان ابغ ارتاح شوي وفرصه اصدقائي كانوا بنفس البلد اللي انا فيه قلت ابي اجلس معهم واشوفهم لمن قلت له ليش ما قلت لي علمتني لو بالمكالمه مو تكذب علي؟؟ قال خفت تتضايقييين انا بضيق صدري اذا زعلتي ولا ابيك تزعليني لاني عارف انك ما تبغيين اسافر مع اصدقائي قلت له الحين ضاق صدري اكثر لانك كذبت علي والفت لك قصه قلت بتممد علشان عمل واجتماع وانت مدد علشان وناسه واصدقاءك طبعا انا زعلت وضاق صدري مررره وانقهرت ليه انا دايم معه صادقه وهو كذب علي صدق انا ما احب انه يسافر مع اصدقاءه وسبق قال لي انه وده يروح مع اصدقاءه ويسافر معهم بس انا ما احب مو عدم ثقه لا بس خوف ما ادري منهم اصدقاءه مدري وش يسوون هناك يااااااانااااااااااس قووولوولي هل لي حق اخاف على زوجي؟؟ هل لي حق احافظ عليه وعلى بيتي؟؟ بعد ما قريتوا هل المشكله وش اسوي معه قولولي ؟؟ دايم يقولي صديقي سافر مدري مين سافر شوفي حريهم ما يقولون شي رغم اني متحمله سفر عمله طبيعة عمل زوجي يسافر كثير ومو دايم اروح معه لان عندي اطفال وبيت المهم هو اعترف انه كذب علي بس السوال انا خايفه يكذب علي بكرا بشي اكبر ومممكن يقول انا بسافر عمل وهو بيسافر وناسه أرجو منكم الافاده وجزاكم الله خيرا |
لو لم يكن يحبك لما كذب عليك.. من رأيي ان تخبريه ان يصارحك بكل شيء وتعطيه عهد انك لن تتضايقي
بذلك تضمني صراحته ولاتكبري الأمر..هو في الحقيقة سافر لعمل ولم يطل مع اصدقائه كثيرا يومين فقط..كوني اعقل منه وتعاهدي معه على الصراحة ربي يسعدك حائزة |
شوفي ياعمري
اذا انك واثقة من زوجك ومن أخلاقه فانتي غلطانة أما إذا ماعندك ثقة فيه فانتي مو غلطانة ياعمري الوحدة ماتشك في زوجها الا اذا شافت عليه شي وطالما انه ماشي في السليم وماشي بمايرضي الله عز وجل فأكبر غلط انه الحرمة تتحكم في زوجها وفي تحركاته بكذا راح تحسيه انه مقيد ويظل يبحث عن أي فرصة عشان يهرب من القيود شوفي ياقلبي زوجك كذب عليكي صح .. بس انتي السبب انتي اللي اضطريتيه للكذب لو كان زوجك انسان مستقيم يخاف الله وانتي واثقة فيه فالمفروض تعطيه الامان .. وتكسبيه .. وتخليه يرتاح في الكلام معاكي .. ويصارحك بكل حاجة زوجك لو كان عارف انك ماراح تعارضيه .. وانك حتكوني اول وحدة تبحث عن سعادته ماكان اضطر انه يكذب عليكي لكن لانه عارف انه الشي هذا راح يضايقك كذب عليكي حفاظاً على مشاعرك يعني بالله لو انه قالك الحقيقة حيقدر يسوي اللي يبغاه ويسافر مع اصحابه ؟ ولا حيلاقي منك اعتراض ومشاكل وووو الخ الرجل يبغى يرفه عن نفسه ماطلب شي حرام .. لكنه اضطر يكذب عليكي حفاظ على مشاعرك وعشان يتقي شر المشاكل لكن لو انكم من البداية اصدقاء متصارحين كل واحد يدور على راحة الثاني وسعادته ماكان اضطر يكذب عليك الله يآلف بينكم يارب |
,
, والله مسكين زوجك !! من الخوف منك يكذب عشان يدور راحته !! أنتي إيش عامله فيه ( فلم رعب ) أعتقد أنه أنتِ من جعله يكذب وهو لم يكذب إلا لأنه لايريدك أنت تتضايقي أو أن تزعلي منه .. كفاية إرعاب لأزواجكم يا نساء :d:d .. لاتكونوا كوابيس عليهم ..!! , , |
أنا صراحة ودي اقول كلمة من زمان في هذا المنتدى
ولعل موضوع أختنا ام حمد هو الأفضل من بعد إذنها . ليش أنتم الحريم (الزوجات) ماتعاملون أزواجكم بأنهم هم جنتكم أو ناركم ؟ لماذا تعاملوه وكأنه طفل من اطفالكم (أخاف يعمل حاجة اكبر - مين الغلطان أنا ولَ هو ؟ - اللي عندي (تقصد زوجها) - لما اتزوجته (بينما الصحيح - لما اتزوجني) !!!!! ياريت ترجعون إلى جادة الصواب يازوجاتنا (بعضكم) . وسلامتكم . |
يا اختي ما فيها شي صراحة لو زوجك سافر عشان يستانس مع ربعه الله يهديكِ خليتيه يضطر انه يكذب عليكِ عشان ما تحصل بينكم مشاكل نصيحة لك لا تضيقي عليه تراه بيصبر وبعدين راح يمل الصبر وبهذي الطريقة انتي تخربي على نفسك وزوجك وبيتك الزوج ما يحب الزوجة المتحكمة ولا اللي تفرض رأيها عليه الله يوفقك في حياتك |
اختي اسمحي لي انت غلطانه ..
شكلك عامله شرطي على زوجك ما يقدر يلتفت قبل ما ياخذ الاذن منك .. وشكل زوجك ضعيف شخصيه معك .. واااضح انك مسيطره عليه بدليل انه يخاف منك ويخاف من زعلك .. و يعمل زي الطفل اللي يسرق الشي وبعدين يكذب لانه خايف من العقااااب .. اختي الرجال ما يحب ان زوجته تحاصره .. اعطيه مساحه من الحريه خاصه اذا كنت واثقه فيه .. طيب خليه يسافر من اجل الراحه مع اصدقائه .. مو لازم سفراته فقط للعمل وانت ترافقينه للمراقبه على تحركاته .. واذا اختي مره ثانيه كذب عليك ترى ما الومه انت عامله له فلم رعب .. فكي عن الرجال شوي واعطيه الثقه لا يطير من يدك .. |
اقتباس:
كلام سليم 100% لا فض فوك اوفقك بكل ما قلت |
كونى له صديقة حتى لا يكذب
لا تجعليه يخاف يحكى لك خيرا لك ان تكونى في الموضوع احسن من ان تكونى على الهامش انتى عزيزتى تجعلين نفسك على الهامش وعندما يكبر اطفالك سيفعلون مثل ابيهم ولن تعرفى عنهم شىء الحل هو الصداقة ثم الصداقة ثم الصداقة ساعديه ان لا يخاف حتى من ان يحكى لك هفواته واخطاؤه حتى تكونى ملمه بمن معكى وفي حالة احتواء له انتى استطعت اكتشاف هذا الموقف لكن اعلمى ان الانسان بطبيعته ذكى ويستطيع تفادى اكتشافك له المرة القادمة اذا ليس هناك حل حقيقى سوى الصداقة لانها سبيل حقيقى للصدق |
والله اختي لك حق تزعلين بس مو لدرجه هذي وبعدين على حسب زوجك اذا كان راعي سوالف وخرابيط لك حق اما اذا كانت سياحه وتغيير جو فما لك حق تزعلين
|
الكذب من الكباْْْْْْْْْْْْْر .محرم من الله ورسول الله صلى الله علية وسلم.
[grade="00008B FF6347 008000 4B0082"]اختى ام احمد هذا زوجك وليس هو طفل من اطفالك فهوة الذى يختار اصدقاة لا انتى. لاتجعلى علية قيود حتى لايجبر على الكذب والهرب عند ان تتاح لهو اى فرصة.[/grade] |
خليه يسافر مع اصحابه لا تمنعيه من اي شي هو عاجبه يعمله في الحلال طبعا ما عدا الزواج خليه على راحته عشان ما يتعلم يكذب عليكي ويخبي اتركيه يتحرك براحته بس انتي راقبيه من بعيد لبعيد من غير ميحس فيكي وبالعكس شجعيه على كل شي بيعمله حتى لو كان الشي بسيط وحاولي شوي شوي تفهميه انه هاد الشي غير صحيح يعني خدي واعطي لا تعانديه ولا تخاصميه خليكي مرنه
|
عفوا اختي
انت متأكده انك تتكلمين عن زوجك وليس واحد من ابناءك الصغار؟؟؟ يعني انت زوجته و لست امه ؟؟؟ الله يعين |
عفوا اختي
انت متأكده انك تتكلمين عن زوجك وليس واحد من ابناءك الصغار؟؟؟ يعني انت زوجته و لست امه ؟؟؟ الله يعين صدق المثل اللي يقول ومن الحب ما قلت |
بسم الله وشفيكم على الحرمه
شوشو عليها هي ستشارتكم قلت يكذب ما قالت علموني كيف عامل زوجي اذهو راضي كيفه يمكن مستانس على كذا يمكن معجبه حرص زوجته عليه |
جزاكم الله خير على النصيحه جميعا وما قصرتوا
بس كلكم صرتوا ضدي انا يا ناااااااااس مشكلتي ابي اعرف ليه كذب علي من كلامكم عرفت وفهمت ليه اضطر يكذب مشكلتي انسانه شكاكه واخاف انه يسوي اي شي ( الشيطان ما مات) زوجي يسافر كثير اذا بخليه يسافر بعد مع اصدقاءه عزالله ما شفته ابد !! زوجي انسان عملي جدا جدا وحتى في البيت بالعكس متحمله منه اشياء كثيره وصابره ولا احاول اكلفه فوق طاقته وبالنسبة للسفر دايم يقول اصدقاءي سافروا ولا رحت معهم فلان راح وزوجته ما قالت شي طيب انا مو قصدي رافضه السفر اني مقيده زوجي بالعكس انا زوجي دايم يسهر ويطلع ولا عمري قلت له ليه تسهر لاني اشفه يتعب ويتشغل ليل نهار وبالعكس اقول مسكيين يحتاج راحه خليه يروح وينبسط رغم اني اجلس بالبيت لحالي مع اولاد واذا جاء يكون الوقت متاخر ينام علشان عنده دوام انا ما احب يسافر لاني خايفه ما ادري وش يصير مو قصه عدم ثقه قصه خوف وغير كذا ينضروون له اهله واهلي انه سافر ليه وش عنده مسافر ليه ما رحتي معه اذا قلت لهم رايح وناسه مع ربعه !! والله اني بحيره ما ودي اهدم بيتي ودي اكتسب زوجي علموووني تكفووون |
اختي انت اعترفتي انك شكاكة
وهذا النوع من الشك يتعبك اكثر مما يتعب زوجك خففي شوي من الشك ...عشان ترتاحين احنا ما ندري انت وش تقصدين من انك ما تدرين وش يصير اذا سافر هل انت تخافي انك تجلسي في البيت لحالك ...او انك خايفة عليه انه يصير له شي او انك خايفة انه هو يسوي شي ؟؟؟ وضحي اي نوع من الخوف انت خايفته اما بالنسبة لاهله واهلك ..ما لك شغل في كلام الناس مو شرط تقولين انه رايح يتونس ..قولي مسافر شغل والحمد لله انك عرفتي سبب كذبه عليك وربي يسعدكم |
والله يااختى مالومك بس هو سفراته برا او داخليه
ولبلد الي يسافره من البلد الي ـ.....تعرفي انتي |
حببيتي لا تخلي زوجك يندم انه اتزوج !!!
لاتخليه ينتقل من حياة العزوبية والوناسة مع الاصحاب لحياة روتينية أشبه ماتكون بالسجن كبت للحرية + مسؤوليات في المنزل ياقلبي زوجك انسان حساس ويقدر مشاعرك .. والدليل كذبه عليك خوفا على مشاعرك ماسافر مع اصحابه وقال مالك شغل فيا لا تتدخلي !!!!!!! فهل تجازي زوج صالح حساس رقيق مثل زوجك بالتقييد ؟ اتركيه ياقلبي على كيفه لاتمنعيه من شي وصدقيني اذا قلتي له روح ياقلبي اهم حاجة انك تنبسط مع اصحابك ولايهمك حاجة ولاتشيل همي انا والعيال .. هو من نفسه راح يفكر ويقول انا طول عمري اسافر واتركهم وهم مستحملين خليني أسافر معاهم .. واذا ما قالها فصدقيني هو ماراح يسافر الا لانه محتاج السفرة هذي فعلا عشان يجدد نشاطه ويقدر يستمر في حياته معاكم بسعادة وراحة بال اما حكاية خوفك .. فانتي مو رقيب على زوجك .. ربي هو الرقيب عليه وهو اللي بيحاسبه .. واتأكدي انه الرجل ماهو طفل تمشيه على كيفك واذا راقبتيه ماراح يسوي غلط .. لاياعمري الرجال اذا بغى شي سواه ولا همه منك ولا من عشرة زيك .. كوني واثقة من هذا الشي .. اذا خوفه من الله اولا .. ثم حبه لكي ثانيا ما منعه من ارتكاب الغلط .. فانتي مستحيل حتمنعيه .. اما الاهل والناس فمحد له دخل فيكم وفي حياتكم طالما انكم انتو الاثنين متفقين .. مرة اخت زوجي قالت .. فلان سافر عشان عنده شغل .. طيب زوجك ليش يسافر ؟ قلت لها دام انا وهو متفقين فانا مرتاحة ومبسوطة .. :) ربي يوفقكم ويسعدكم |
اختي انا كنت هكذا اقول لخطيبي
" انا حاسه ان اصحابك ضرايري دائما معهم " بعدين صار يحس كانه يقترف ذنب اذا راح وياهم ، قمت قلت له انا لا امانع خروجك معهم وابن انك تنبسط لكن تعطيني حقي وتعطيهم حقك ،ومن يومها ما عاد يحسسني ان صحابه مثلا اهم مني او شي لاني كلمته بكل حنيه وحب وشوية دموع : ) لان الرجال احيانا يمر باوقات يزهق من كثير اشياء وبعد ذلك يعاود لطبيعته فلا تقلقي ولا تدعي الشكوك تخرب حياتكم تذكري انك تحبيه وهو يحبك دايما |
السلام عليكم ورحمة الله وركاته..\انا اكره شئ بحياتي الانسان الكذاب احتقره بشكل فضيع.. من حقك تزعلي لكن بنفس الوقت فكري يعني اليوم كذب عليك لسفره مع الربع بكره بيكذب بشئ ثاني اكبر واعظم فانتي اكسبيه وعطيه الامان حتى تدري بشنو قاعد يصير من تحتك لانه لا شعوريا راح يقولك وبكذا تكوني مطلعه على كل شئ ونفس الوقت هو ماخذ حريته..
|
اقتباس:
هلا اختي الخوف انه اذا سافر يسوي شي غلط لان الشيطان ما مات والخوف من اصدقاءه ممكن يسون بلاوي وبعدين كثرة السفر مع الاصدقاء ممكن تتطور الامور هناك |
اقتباس:
هو رجال فاهم عاقل ...يعرف الصح من الخطأ وله رب يحاسبة انت اللي عليك انك تنصحية ...اما انك تحجري عليه و تمنعية من السفر ..فهذا مو من حقك وليش فرضتي انه يمكن يغلط اختي الشيطان في كل مكان ..داخل البلد وخارج البلد واللي بسوي الغلط يعرف يسويه في عقر دارة انت اهدأي و حطي شوي ثقة في زوجك والا انت بألسوبك هذا راح تخليه فعلا يرتكب الخطأ لان كثر الضغط يولد الانفجار الله يعينك |
اقتباس:
هلا والله سفراته لا خارجيه يعني دبي الكويت ابو ظبي الاردن على حسب عمله |
الله يجزاكم خير جميعا والله نصايحكم مرررره مفيده
وشكل ببدا اخف من اللي انا فيه بس وش اسوي هذا من حرصي على زوجي وحبي له وبعدين مو الزواج فيه تنازل ليه انا اتنازل عن اشياء كثيره علشانه هو لان الاشيءا ما يحبها طيب ليه ما يتنازل عن السفر علشان لان ما احب ؟؟ الله يعيين والله الحياة الزوجيه مو سهله ابدا وصعبه ودي افهم زوجي ودي اخليه يصراحني دايم ودي ودي ودي ودي ................ انا مضحيه بالاشياء كثيره علشانه وصابره يكفي انه من كثرة عمله يهمل البيت ومع ذلك اسكت واقول حرام يشتغل دايم مو فاضي رغم انه كزوج عليه مسئوليات لبيته واتصرف انا باي طريقه علشان اكمل الاشياء الناقصه |
ياقلبي الحياة مشاركة بين الزوجين واللي الزوج مايقدر يسويه مافيها مشكلة انتي تكمليه
زوجك مشغول في عمله مو في شي ثاني لاسمح الله زوجك يشتغل ويتعب عشان مين .. مو عشانك انتي وعيالك ؟ دايما اتذكري هذا الشي .. واتذكري انه لو مو انتي والاولاد كان شغله اخف واسهل بس عشانكم يتحمل عشان تعيشوا حياة كريمة زي ما تتمنوا حبيبتي اذا تبغي زوجك يصارحك لازم تعطيه الامان وتكسبيه لاتمنعيه وتفتحي عينه على حاجات يمكن اصلا ماتكون موجودة في باله وانتي تلفتي نظره لها عوديه انه يصارحك بكل حاجة ومايخبي عنك اعطيه الامان هو متوقع ردة فعلك دايما تكون عنيفة .. لكن لو كان واثق انه ردة فعلك حتكون هادئة وبسيطة وغير معارضة .. ماتتوقعي انه حيتغير معاكي ؟ :) موفقة يارب |
شوفي اختي لاتضغطين عليه كثير ولا تكثرين اسئله خليه يسافر يغير جو وتتغير النفسيه ويشتاقلك
انا زوجي من اول ايام زواجنا يسافر ويخيم ويطلع كثيرر |
ليس لدي ما اقوله
و لكن خذي بكلام اختي تالينا والبقية ايضا تحياتي لكي |
| الساعة الآن 11:46 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©