زوجي يعرفها قبل يتزوجني
 

السلام عليكم ورحمه الله..


.بدخل بالموضوع على طول لأني كتبت مشكلتي وامسحت بالغلط وصدع راسي انا ياأخواني متزوجه من خمس سنوات المشكلة هي زوجي قبل فترة تقريبا قبل اجازة الحج كنت اشيك بجواله ولقيت رقم دولي متكرر وغير موجود بالمكالمات الصادره يعني يمسحه وانا لقيته بالسجل المهم واجهته وانكر وحلف انه مهو له وان اخوياه ياخذون جواله واكيد واحد فيهم اهو الي يكلم على هذا الرقم مشيت الموضوع وانا مومصدقه عندي احساس انه له المهم عدت فتره تقريبا شهر ورجع الرقم يتكرر اخذته بدون مايدري واتصلت وطلعت بنت من احدى الدول العربية حاولت اسحبها بالكلام وعرفت منها كل شي الاخت تعرفه من عام 2002 يعني قبل زواجي وتقول انها معرفة اخوه تعرفت عليه يوم كان يسافره للدولة هذي واتصالتهم قليله جدا بين فتره وفتره يتصل يسلم المهم واجهته وانكر وريته الرقم بجوالي ومدة المكالمة عصب على وحط الوم كله علي انا لأني فتحت جواله واستاهل الي يجيني طلع ولما رجع هدا شوي وقالي انا اسف ماراح تتكرر وحلف والله العظيم اليوم الي ناقشته فيه قفلت الموضوع باليل علشان ماكنت ابغى مشاكل ولافكرت اشكي لأحد وافضحه مهما كان اهو غالي عندي ومابغى اخسره والنقاش الي كان بينا مااخذ عشر دقايق لانه ماكان يبغى يتكلم فيه ماله وجهه عدت الأيام وانا ادعي انه تعدل وترك هالسوالف وهو مايبين عليه ابدا انه يسوي هذا الشي كنت اثق فيه 100 بالميه والحين فتحت جواله ولقيت رقم دولي ثاني يعني دوله ثانيه ودقيت وردت بنت وقفلت والله مدري شسوي انا متاكده ان العيب موفيني لأني ماقصرت عليه بشي تحملت كل شي علشان ارضيه واخليه مبسوط بحياته هذي سالفتي بختصار وابغى الحل منكم وانا متاكده اني راح استفيد منكم لاتقولولي واجهيه لأني مقدر بيزعل لو عرف اني فتحت جواله..اهو موبين عليه شي ابدأ بس انا احس دايماً ان فيه شي.

تم تعديل العنوان
الاداره.

الله يعينك ويصبرك هذا ابتلاء من الله عز وجل لكن عليك بالدعاء لك ان يصبرك والدعاء له بالهداية والصلاح

حاولي هالمرة تفتحي الموضوع من بعيد لبعيد كان تقولي صديقتي او جارتي واحكي نفس الموضوع هو حيفهم ان الكلام عليه وانتي دارية بسواليفه ويمكن يحس علي دمه ويبطل مكالمات

ودائما ذكريه بالاخرة وعذاب القبر وقوي فيه الوازع الديني وشجعيه علي ما يقربكم من الله

واذا عنده وقت فراغ حاولو تشغلوه سويا لا تتركي وقت للشيطان يسيطير عليه اسال الله لكي العافية في الدين والدنيا


الله يهدي كل الرجال اميييين يارب العالمييين

المشكلة يدعي انه على خلق ويذكر الله كثير ويقول عندي بنت اخاف كما تدين تدان وكلام الخ...وعن جد اسمع كلامه اصدق اشوف افعاله اتعجب وعلى الوقت اهودايما مشغول بحكم طبيعت عمله ومكالماته موبستمرار يعني بين فتره وفتره احيانا يأخذ شهر مايتصل لكن الغلط غلط المبدأ مرفوض...وشاكره مرورك

انا معك اخوي ان زوجي مايحبها بس خلاص وش الفايدة يتصل يسلم بين فترة وفترة اهو الحن متزوج وعنده اطفال هذي مو ((خيانة زوجية))وعلاقة محرمة ولا انا غلطانه وبالنسبه للتفتيش جواله اهو الي دخل الشك فيني ..

يا اختي الفاضلة هناك عدة اسباب لهذا العمل الذي يقوم به زوجكي اولها ربما هو تزوج بكي في عمر صغير وهو يحس بانه لم يمر في فترى مراهقة وتكوين علاقات لذلك يحس بنقص في نفسة ويعوضة الان واما ان السبب بكي انتي حاولي انتحسسيه بانكي تحبينه واضهري ذالك بالواقع ولا تجعلينة يحتاج الى شيئ او تجعليه هو يطلب منكي شي قومي بالاشياء التي يحبها بدون ما يطلبة منكي وتائنقي دائما لة بالعطور والملابس الجميلة .ادعوا من اللة له ولكي التوفيق وادعي لي ايظا بالموفقية في حياتي الزوجية لان لدي مشاكل ايظا.

سؤال واحد فقط اخوي ورجاء جاوب بصراحة
لو زوجتك قالت لك نفس هالكلام
(((انا لي صداقات ... سوا في الخارج او في الداخل ... لكني ما احبهم ... لكن احب الكلام مع الطرف الاخر

صح اولاد هالبلد حلوين لكم ولو يظل ولد البلد اغلى انسان وانت عيوني .. وانت قلبي وانت حيااتي ...))

بالله وش بيكون ردك
الحلال بين والحرام بين والله عادل سبحانه عقاب الذكر والانثى واحد
الله يكفينا واياك بحلاله عن حرامه وبفضله عن سواه

انا عضوه جديده السلام عليكم ورحمة الله وبركاته ايش اللي حركتها مالها داعي يالاخو صح كلامها تبغى تتاكد زوجهاراعي حركات ولا لا والله يسعدك اختي ويوفقك مع زوجك ويهدي زوجك وزوجي قولوا امييييييييييين الاختلاف في الراي لا يفسد للودقضيه يالاخو

الله يهديه ويسعدكم ويبعد عنكم كل شر .

اختي الحمد لله انها علاقه زماله لا اكثر
اعرف انه لايجوز
لكن زوجك احسه ليس من النوع اللي يخربط
احنا بديرتنا صاير عادي المتزوجين يكلمون نساء ويسلمون عليهم
عشان هالسبب
انصحك ان لاتكبري الموضوع واكسبيه
لأن الرجل يحب ان تثق فيه زوجته
ومدام اخبرتك هذه الفتاه بكل شي تاكدي انها فقط مجرد زميله له وهذه الأيام صاير عادي عند الناس الله يهديهم

اولا كلام الرجل مع امرأه اجنبيه لا تحل له حرام وامر مش عادي كما تفضل بعض الاخوه في الردود ولا يجب ان نتقبله بحجة ان اغلب الناس صارت هيك .وهذا نقص في الوازع الديني .
اختي في الله اعانك الله وصبرك وادعي لزوجك بعد كل صلاة بالهداية والصلاح واذا زوجك ترك هذه الاتصالات فما تسأليه ولا تفتحي الموضوع تاني " يا ايها الذين امنو لا تسألو عن اشياء ان تبد لكم تسؤكم"
وفقكم الله واسعدكم .

والله انا معكم انه مو حق خرابيط وهو مايسافر كثير واذا سافر يومين ويرجع والعلاقه زمالةفقط بس انتم افهموني الله يخليكم انا زوجة واغار ومااتخيل انه يكلم وحده غيري وانا والله ماقصرت بشي وهو يشهد على كذا بالعكس اداريه واتحمل كل شي علشان يتم مرتاح بحياته الزوجية ومن ناحيه لبس وغيره الحمدالله ماقصرت معه ولابحقوقه الشرعيه لأني يوم فكرة اتزوج وافتح بيت كنت ابغى ارتاح وخلي حياتي حلوة مونكد وهذا الي مخليني اداري حياتي بس قلتلكم المبدا مرفوض لو انا انحطيت في مكانه والعياذ بالله وش كان سوى ..بس ابغى منكم تقولولي وشلون اتعامل معه لأني اعطيته كل شي وهو جزاني بكذا اشد ولااكون عادي..والله يجزاكم الف خير للي ردو وشاكره مروركم..

ما في شئ اسمه علاقة زماله بين رجل وامراة !!!!!!!!!!!!!!!

اصبري ولاتستعجلي في اخذ القرار انتي امراه مثل اي امراه تغير على زوجها بس في امورتتطلب الحكمه نساء كثيرات مررن في موقفك انا وحده منهم استغفري ربك يجعل لك من ضيقك فرج الله يهديه ويصلح حاله

اختي بيدك تهدمين بيتك
احنا نصحناك
لا تظلمين زوجك ارجوكي
هما بينهما مجرد زماله
انا لا ادافع عنها ولا عنه
لكن لااعرف كيف انصحك واخفف عليك

والله يا اختي يا بقايا امنيه هي هنا المشكله انه في مجتمعنا صار التحدث والكلام والاتصالات مع المرأة الاجنبيه اكثر من العادي وفعلا سببه يرجع لضعف الوازع الديني ...

يعني انا زوجي لما نكون بره في مول او اي مكان يتقدم وبكل بساطه وما في اي مانع للتحدث مع اي امرأة اذا توجهت الينا باي سؤال لا ان يترك لي المحادثه معها كوني امرأة مثلها ......ولما اكملمه يقول لي عادي اكلمها بالضبط مثل ما اكلم اي رجال

يعني الموضوع صار عدهم اسهل مما تتوقعين .......وخلي وحده منها تكلم اي رجل وباي موضوع عام ممكن يكون على كاونتر بسوق او صاحب محل ...على طول تصير عيونهم في روسهم من الغضب ...ولا حول ولا قوة الا بالله ......ما اقووول غيييييييير حسبي الله على اللي دخل كل هالمعتقدات والاشياء الغريبه على مجتمعنا الاسلامي والعربي

لا أعلم لمازا يفعل الازواج هكزا بزوجاتهم اللاتي يحبونهم ولمازا تقبل اي واحده ان تقيم علاقه ولو عابره مع شخص متزوج اختي اقرأي موضوع "اعيش مقهوره ام مازا افعل " واجيبيني واعطيني رايك بارك الله فيكي انا في حيره متلك واكاد اصل للجنون