زوجي متغير .. شلون اعرف وين يروح؟
 

السلام عليكم ورحمة الله وبركاته

انا مقتهرررررررررررره و واصله حدددددي
شلون اقدر اعرف زوجي وين يروح؟

كلما اسأله بتتأخر؟ او وين بتروح ؟
يقولي مب شغلج او من متى تسأليني

ابي اعرف منكم شلون تخلون ازواجكم يقولون لكم وين بيروحون؟

و يا شباب شنو احسن طريقه عشان اخليه يقول لي بدون ما اضايقه؟

لان امس يابني من بيت امي و وصلنا البيت الساعه 11 و نص و هو راح و رد الساعه 3 و نص

القهر انه تأخر واااايد يعني هو حده الساعه 1 و مره ياني الساعه 2

و من غير هاي هو من اسبوع ما يتغدا و لا يتعشا معاي يا يكون نايم يا في الدوام يا في المكتب
بس نص الليل وين يروووووووووح؟؟؟؟؟؟

و هالاسبوع هو زعلان مني مادري ليش و لا ينام عندي يعني اول 3 ايام من الاسبوع ما ينام عندي لان عيالي يسهروني و هو عنده دوام فينام في الصاله تحت بس الحين عيالي ينامون قبل ما ينام و لما اقوله تعال فوق يقول: ما ابي، غصب؟!!

بلييييييييز ساعدوني

يمكن سويتي شي زعله لأن تغيره غريب تذكري يمكن غلطتي غلطه خلته يعاملك كذا

إنزلي حبيبتي بالصاله بعيالك وخليه ينام في حجرته والله حريم عجايب
دلعيه وشوفي النتيجه وأعطيه من وقتك شوي ونظمي نفسك إنتي وعيالك والله يعينك

مرحبا انا من رايي انك تصارحيه يعني قوليله ياحياتي بلطف قولي بامانه في شي مزعلك علي انا غلط في شي اذا انا فعلا غلط عليك فانا اسفه من كل قلبي بس ابي اعرف ايش غلطتي عشان ما اعود لها اما اذا تعرفين ان راسه يابس و يمكن يغلط عليك وووو فاحقريه الحقران يقطع المصران كانك ماشفتيه وكانه مايعنيك في شي قومي بواجباته كانك ما نتي ملاحظه شي مصيره يرجع من الطفش وترا طلعته وتأخره يبي يقهرك بس انا متأكده انه عند زملاء او اخوان ومع الوقت يمل من شوفتهم ويرجع يمكن مراح يعتذر لكن راح تهدا الامور وتعود الحياه لمجاريها ببطء بس لاتسوين نفسك ماصدقتي رجع يصير كل شوي يسوي حركه
الله يسخره لك

اللي اذكره ان اخر مره كنا نتناقش يقولي اذا بنتج صارت سنتين يعني بعد شهر خلاص لا تدلعينها

سميها باسمها

يعني مثلا بنتي اسمها عاشه انا ادلعها شوشو و هو يقول خلاص انسي شوشو يا تنادينها عاشه او عووش

انا ما احب اقول عوووش ما احسه دلع و ما احب اقول اسمها الاصلي احسه كبير عليها و هي نتفه
و اسم بنتي على امه فأحسها مب حلوه اقول عوووش جدامهم يعني شوشو احلى

بس هاي اللي صار اخر شي بينا و مادري هاي اللي زعله و لا لا

حبيبتي انا انام في الصاله اللي فوق مع عيالي و مفضية له الغرفه اقوله روح الغرفه يقول ما ابي

و عن الدلع ادلعه و تنظيم وقت نوم عيالي انظمه و هو يخربه
يعني يسولف مع بنتي قبل نومها و يلعب معاها و يخليها اتنشط بعدين هو ينام و انا اسهر معاهم

و الله كم مره حاولت معاه بس كلها اوقات غلط
يعني انا ما اشوفه كللللللش لا غدا و لا عشا و لا قبل النوم
و اذا اتصلت يكون مشغول
مافي وقت اكلمه الا قبل لاينام و يكون ياي متأخر و يبي ينام و مب فاضي انه يرد علي

مادمت مقتنعة انك لم تخطئي في شىء وانه لا يوجد بينكما مشاكل فالافضل ان لا تشغلى بالك ربما منشغل اكثر هذه الايام
فاتركيه حتى يقل انشغاله ويعود كما كان ولا تظهري له قلقك وحيرتك وان حدث حوار اخبريه انك تعلمين انه منشغل و انك تقدرين مسئولياته

هو متضايق مني بس مادري لييييييييييش؟!

يعني حتى لو منشغل ما بيخليني و بينام تحت و هو متعمد (احنا متزوجين من 3 سنين تقريبا)

انا بصراحه من النوع اللي ما يغار من كل شي بس مرت اخوي شكلها عادتني و في وقت مش مناسب ابدااااااا


و الله اشك فيه ان له علاقه مع وحده

انا اذا شفته جي بتريه لين ايي البيت ما بنااام لين اعرف شو السالفه وليش متغير وبقوله اذا في حد ثاني فحيااتك خلاص الله يهينك تم عندها شو تبى فيني احسن من الي اشووفه منك ومن تصرفاااتك ما يناام ولا يتغدى ولا يتعشى ليش انشاء الله

بس ما انصحج اتسوين جي يمكن ريلج ما يتقبل ها التصرف او يسمعج كلام يجرحج بس انا عاادي عندي وهو برااايه

لحظه

ليش تتغدين من دونه انتي والعيااال
قووووليله نحن ما بنتغدى ولا بنتعشى من دوونك وعلمي عيااالج على ها الشي انهم ما يااكلون من غير أبووهم

عيالي بيبي عمره 7 شهور و بنتي سنتين و اصلا ما تاكل من شهر ما تاكل يعني لو كلت شي زين

و انا حامل في الشهور الاولى و لا اتغدى و لا اتعشى اكل سندويتش جبن و اشرب عصاير بس
و الله هالاسبوع نزلت كيلوين و نص

انا متأكده 100% انه يتغدا و يتعشا مع الربع اكييييييييد
بس جدامنا انه اللي ما يبي ياكل

و عن سالفة اقوله عن حد في حياتك و الخ

قلت له شفيك متغير علي هالاسبوع؟ شعندك؟ و هو يقول بكره بكلمج انا تعبان ابي ارقد و قعدت على راسه و لا في فايده ساكت ما يتكلم و انا رايحه فوق و قفت عالدري و قلت له يعل اللي مفرق بينا يموت

و رحت الا يقوم من نومه و يقول من يموت ؟ قلت له اللي مفرق بينا سكت و رد ينام

الله يعينج صرااحه عيل ما عندج غير حل وااحد وهو لا تسوين له ساالفه يعني ما جنه موجود في البيت البسي واكشخي ولبسي عياالج ورتبيهم والعبي مع بنوتج وخلي البيت يجنن هو بيستغرب شو السالفه طبعا بتقولين ولا شي وظهري سيري عند أهلج عند أهله المهم يشوف انج متغيره وصاايره غير صدقيني بيستغرب وبيي هو يسأل أو لما يشوفج ما مهتمه واتمرين من عنده وانت اتغنين بيي هو يتحرش فيج اعرف انج مقهوره وما تقدرين بس حااولي وخلي ربيعتج او خواتج او حد يزوورج

هههههههه و الله انج خطيره يا اشواق افكارج حلوووه

خلاص انا بخليه لا بسأله وين رايح و ليش متأخر
ليش اعور راسي

صج بشوف لي شي اسويه يلهيني عنه و عن الافكار السودا اللي تيي على بالي
و خلاص ان شا الله بكره بروح المول اشتري لي ملابس يديده و كشخه و بكشخ حتى لو اني حامل و لايعه جبدي

يالله ان شاء الله يصير اووكيه واذا ما فاد خبريني بنشوف شي ثااني له ما عليج عندنا أفكاار بس يباااله صبر مب استسلام
واحبااط ونترك الموضوع.

غاليتي
ماقلتي لنا كم لكم من سنه متزوجين الله يسعدكم؟؟

في الغالب حصل عنده حالة ملل زوجي وهو شئ طبيعي أحيانا بس مسألة التأخير والطلعات متأخر قديكون صديق أو شله جديدة للتو تعرف بها فختل نظامه .
وعدم النوم فوق تتبع لحالة الملل والسأم من الرتابه قد تحتاجين لإضافات في غرفه النوم شموع فواحه أو حتى مفرش جديد مع البخور الطيب .. سينسى الصالة :)

والأهـــــــــــــــــــــــــــــــــــــــــــــ ـــــــــم من ذلك كله ...

نصيييييييحة مني لا تضييييييييييييييييييييييقي عليه بالأسئله وين كنت ؟؟ متى بترجع؟؟ ليه تأخرت؟؟؟

إذا بيتكلم من نفسه زين إذا مايبي لا تضغطين عليه عشان مايحلى في عينه الجو اللي برى أكثر ويتملل زياده من البيت .

ختـــــــــــــــــــــــــــاما ... اليك اقتراح سينفعك بإذن الله :

قد تكونون بحاجة لأجازة زوجيه ليشتاق كل منكما للأخر فاطلبي منه بالويك اند تنامي عند أهلك عله يشتاق وتتعدل الأمور وعدلي نفسك بنيو لوك قصه أو صبغه من باب التغيير .


ودمتم بوووووووووووووووود عاشقة الرياض

هلا عاشقة الرياض

متزوجين من 3 سنين تقريبا يعني بعد شهرين و نص بنكمل 3 سنين

المفرش و الله توني من اسبوع ماخذه مفرش جديد و والله ماخذته عشانه ( لانه يحب ماركة بربري) و من حطيت المفرش ما نام عندي و الله كرهت المفرش

العطور و البخور و الشموع ما اقدر احطهم لان زوجي يتضايق من الروايح و كل شوي يستخدم البخاخ و الله حتى ما اقدر اتعطر في الليل لازم اتعطر قبل ب5 -6 ساعات

و عن الاسئله و الله ما اسئله كللللللللش بس احسه مصخها شافني ما اسأل قام يتأخر

و عن الاجازه الزوجيه و الله الاجازات عندنا بالهبل كل شوي مسافر و انا اروح بيت اهلي و اذا كنت مربي اقعد الاربعين عند امي و اذا حسيت ان احنا متمللين من بعض اقوله نفسيتي تعبانه ابي اروح بيت امي

بس و الله اللي ينقصنا سفره عائليه محترمه، اقوله ابي اسافر يقولي انتي حامل و لا عيالج صغار و الخ الخ

ههههههههه و عن النيو لووك و الله يبيلي بس هو ما يخليني (قهررررررررر)
كم مره اقوله النسوان يتعدلون لازواجهم يسوون لهم مفاجأت يقولي لا لا تسوين لي مفاجأت

و الله من تزوجت لين الحين ما غيرت بشكلي حتى انا تمللت من نفسي

مره قصيت شعري بس اطراف الشعر لانها مقصفه و الله سوا ل سالفه تقصين بدون استئذان و حاله و الله

من ذاك اليوم ممنوع اقص شعري او قذلتي (الغره) او اصبغ شعري