|
مشكلتي مع زوجي وأهله ( المشكلة حلت ولله الحمد )
السلام عليكم ورحمة الله وبركاته
أنا عندي مشكلة ومرة متعبتني وارجوا اني القى لها حل عندكم أما متزوجة من 3سنوات ونصف وزوجي انسان طيب وهادئ ورومانسي ويحبني و و و و ...............كل الصفات اللي اتمناها ايام الملكة كان يقول اذا تزوجنا بنسكن في بيت اهله في الدور اللي فوق هو درو مستقل وكامل وحتى درجة للحوش لوحده احنا مشتركين بس في الحوش وانا عندي حوش قدامي فوقي المهم كان يقول بنسكن عندهم سنه او سنتين بالكثير وكنا بعد الزواج لما نمر من مكان قريب من شغله يقول ان شاء الله نلاقي بيت هنا المهم انا كنت دائما انزل واساعد امه في الشغل علشانها كبيرة مع انه عندهم بنت في الثانوي لكنها ما تسوي شيء ولا علموها شيئ واخواته ثلاث متزوجات اذا جاو عن امهم ما يسوون شيء وعيالهم يخربوا وهم ولا يصلحون شيء وحتى امهم تشتكي منهم لكنها ما تكلمهم وانا اللي متحمله الشغل كله وفوق هذا لا جزاء ةلا شكورا بس قدام زوجي يدعون لي ومرة كنت اكنس البيت تحت ومريت من المطبخ وام زوجي وبناتها عندها وتقولهم انها مخليتني مثل الخاتم في اصبعها ولما عرفت ان سمعت قامت تضحك وتقول ايوه والله هي ما قرت وماقمت تدعيلي واخواته كل وحدة بس تتأمر علي وكني الشغالهولا يعجبهم العجب ويحسبون الناس دائما اقل منهم في كل شيء ومن فترة قلت لزوجي اني ابغى اطلع من البيت لأني مو مرتاحة ودائما اهله ما يخلوني اخذ راحتي كل شوي داقين علي يقولون اني مزعجتهم طيب انا وش اسوي حتى اهلي ما عاد يجون عندي ابدا كله منهم يقولون انه احنا مزعجين وهم ينامون بدري المم زوجي عصب وقال ما ني طالع وهذا بيتي وانتي كيفك ولما ذكرته بوعده انو نطلع قالي الحين ما اقدر اطلع ماديا يعني وغير كذا يقول انا ما اقدر ترك امي وابوي بعد ما كبروا واخوانه مسافرين ما في الا هم واخوه الكبير متزوج وساكن في بيت قريب مرررررة من عندنا بنفس الحارة يعني المهم انا قلت خلاص البيت نأجله وبأصبر علشان زوجي لكن بشرط انه مايقولي انزل اشتغل الاشغال الشاقة عند اهله هو قام يقول لي اهلي بتساعديهم غصب عنك واصلن انا ماشاورتك وقعدنا كم يوم ما نتكلم الين هو كلمني وقعد يراضيني وقالي انا كذا والا كذا انا بأطلع بس بعدين وامي بس ساعديها شوي قلت طيب ورجعت انزل ولا فيه احترام ولا شيئ منهم كل الشغل علي من 3 ايام جبنا طاري الشغالات وانهم من زمان كان عنهم شغاله قلتلوا اظاهر بعد ما تتزوج اختكم الاخيرة بترجعوا تجيبوا شغاله لأمكم عشان ما تتعب لوحدها لأن اخته مخطوبة وزواجها في الصيفية قام يقول لي ليه نجيب شغاله وانتي وين رحتي انتي انزلي ساعدي امي انا قلتلو اني ما بكون انزل تحت 24 ساعة قالي لا بتكوني تساعديها عطول وانا مرة اتعب تحت لوحدي والبيت كبير ومع كذا لاجزاء ولا شكورا انا مرة تعبت اليوم صارت مشكله في الظهر وانا اصلن تعبانه ها اليومين وكلمتوا اني ابغى اطلع من البيت وما عاد أغى أنزل تحت اشتغل قالي موضوع البيت لا عاد تفتحيه ونزله بتنزلي غصب انا قلتلوا اذا ماتقدر تطلع اوكيه بس اذا خايف على امك تتعب جيبوا لها شغاله قالي خلاص اجيب لها زوجه ثانية تساعدها افضل والبيت تحت كبير يعني قالها وبكل بساطة انا قلتلوا عليك بالعافية بس تنساني بالمرة وجهزت ملابسي العصر اني بروح لأهلي هو جاء العصر يضمني انا قلتله هذه اخر ضمة يعني قالي ليش وين بتروحي قلتلوا بروح لأهلي خلاص انا كلمت اخوي يمرني المغرب قام يضمني بقوة بسرعة ويتأسف ويقول زلة لسان انا ماكان قصدي ولا يمكن افكر بغيرك وم ها الكلام بس انا اصريت اني اطلع عشان يعرف اني جادة وكلمني قبل اشوي وقلتلوا اني كلمت اهلي عن كل الساااااالفة وهو قالي خلاص انسي السافة وبمرك في الليل ولا عاد تنزلي لكنه يقولها من غير نفس وخايفة ارجع يقوم يسوي سالفة مرة ثانية بس انا ما ابغى ارجع الحين عشان ما يقول هذه ما صدقت والله اني تعبانه ارجوووووووووووكم ساعدوني ................. |
عليكم السلام ورحمة الله وبركاته
عفواً .. هنا المكان الأفضل للمشكلة . |
الله يكون بعونك ......انا اقولك اصبري لاتضغطين عليه بما انه مايقدر ماديا وكذلك امه بتكون بروحها....
تحملي علشان زوجك بس الشغاله الاكيد لازم يجيبها علشان تنتهي المشاكل ولا الطلعه من البيت احسها صعبه با الظروف اللي ذكرتيها..... احتسبي الاجر وما فيه شي يضيع عند رب العالمين....... الله يوفقك حبيبتي |
الله يعينك يا اختي
زوجك شكله طيب ويحبك مو خساره الواحد يتحمل شوي عشانه ......الواحد يدور الاجر ربي يوفقك |
|
اختي ..عندك اطفال او لا ؟
انت خليك في بيت اهلك فترة علشان ترتاحي وهذا الكلام قوليه لزوجك.. واكيد مساعدتك لاهله ربي ماراح يضيع لك تعب..بس اهم شي لاتقعدي كل شويه تتذمري عند زوجك..عشان لا يطفش منك الله يوفقك لكل خير |
انا ما عندي اطفال وهو سواعملية دوالي الخصية في رمضان
وانا والله ما اطفشه بس اذا صارت مشاكل وانا ما تكلمت في وقتها يقولي انتي تستاهلي كان تكلمتي من اول وانا تصرفت بس الحين انا ما ابغى ارجع الا بعد كم يوم وش رايكم |
الله يفرج همك ا يا أختي أنا من رأيي مشكلتك ماراح تنحل وبتستمر نفس المعاناة بعد رجوعك لذلك لابد من حل جذري للموضوع عشان ترتاحي من التعب وانصحك بما انك تعبانه جسديا ونفسيا بالراحة عند أهلك مدة معينة حتى يحضر شغاله ولا تنسي أن ترفعي أكفك بالدعاء إلى فارج الهم والكربات وأسأل الله أن جعل لك من كل هم فرجا ومن كل ضيق مخرجا وأن يسخر لك زوجك تسخير العبد لسيده يارب العالمييييييييييين &
|
لاترجعي خليج بيت أهلج كم يوم خليهم يحسون بقيمتج
انا مريت بمشاكل كثيرة مع اهل زوجي الطيبة والسكوت والتنازل ماتنفع ولاني مو ملسونه ومارد عليهم واصبر واصبر لين افقد صبري اروح بيت اهلي وبعدين يحسون بغلطهم فيني ويعتذرون واصلاً ماكانوا يقدرون يقولون عني شي كنت احترمهم ومارد عليهم واكثر شي اسويه اصيح بغرفتي منهم والزوج كان ايامها سلبي وايد عليه كلمة اصبري او يقول غصباً عنج مثل مايقولج زوجك والا لو يجون بالسياسه ويقول كم كلمه حلوه ويصبر الزوجه ويسوي يدافع عنها بتذوب الزوجه بهالكلام وبتتحمل لانه مافيه ومستحيل تكون فيه زوجه تخدم اهل زوجها غصب عنها وكأنها خدامه الا اذا كان وراها زوج دبلوماسي ولسانه ينقط عسل واللي مثله يخلي الواحده تتحمل العمر كله وفي كل مره يرجعني زوجي يعتدلون معاي بس لاني طيبه واستحي من طيبتهم معاي واصير اطيب منهم فيظنون اني سهله ومايقدروني ويرجعون مثل قبل وازعل انا مره ثانيه صعب اتغير واصير عنيده وقويه وصعب هم يتغيرون وكان الافضل لي ولهم بيت مستقل وانتي دام تساعدين ام زوجك وبناتها صدقيني بتتذكر لج هالمعروف وبتقول لزوجك رجعها وبتتعدل معاج ولاتصدقين سالفة زوجه ثانيه انا سمعتها كثير وماشفت شي وتلاقيه قال لهم انج تشتكين منهم وتبين بيت مستقل فعطوه هالرد الجاهز ومافي زوجه ترضى تكون خدامه الا بطيب خاطر منها وبعدين هو يقول مو قادر يفتح لج بيت ثاني يعني يقدر يتزوج ؟؟؟ فأنا اشوف انج ماتردين وتخلين اهلج يكلمونه ويرفضون اللي يصير لج ويطالبون ببيت مستقل وبعدين بيحاول زوجك يرضيج ويصالحج وبعدها انتي وافقي بس بشروط ومنها مايجبرونج على الشغل واذا عندج مطبخ فوق ممكن تسوين لام زوجك شاي والا قهوه من مطبخج وتعطينها ومالج شغل بتحت ( خاصه وهم من النوع اللي اذا اكرمت اللئيم تمردا) ومن حقج يزورونج هلج ومايعترضون وانه يجيب خدامه للبيت وكل الشروط اللي تبيها وزوجك بيوافق ولا انج تطلعين بيت بروحج وللعلم مو معناته انهم ماراح يتغيرون وانج مابتشتكين منهم بس على الاقل بتخف المشكله وبتكونين وقفتيهم عند حدهم نوعاً ما وخليج مثل مانتي طيبه ولاتردين على ام زوجك ابداً وانا كنت مثلج وعانيت وصبرت وتحملت وزعلت ورحت بيت هلي وتعدلوا وردوا اختربوا وزعلت ورحت بيت هلي ودواااامه طويله عريضه بس عمري ماغلطت على أم زوجي هي تغلط ايه بس انا لا وسبحان الله انحسب لي هالشي ليومها تذكرني عند زوجي وبناتها وتقول بنت الناس قدرتني وقامت فيني احسن من بناتي والحمدالله اللحين بعد ماكنت بغرفة صرت بفيلا كبيره وخدم وكل شي عندي الصبر زين ياأختي وتحملي اهل زوجك وخاصه ام زوجك وترى على كثر ماتبتلين وتصبرين الله يعوضج خير بس مو معناته تسكتين على ضر دافعي على نفسج والله يوفقج ويكتب لج الله اللي فيه الخير |
السلام عليكم..
الله يكون في عونك .. وبصراحة وضعك صعب ..لكن نصيحه زوجك لا تخسريه لأنه باين إنه شاريك ومايقدر على زعلك وفي نفس الوقت ما يبغى يزعل اهله.. ارجعي بيتك لكن خلي رجعتك مشروطة ان يجيب شغالة..ونصيحة ثانية مو عند كل زعل تقولي بروح لأهلي لانه بيطفش وفي الأخير بيقول روحي بلا رجعه.. وتذكري ان بخدمتك لأمه ربي بيسخر لأمك من يخدمها ويسخر لك فيما بعد.. الله يصلح مابينكم ويجمعكم على خير ويجنبكم أولاد الحرام.. |
الله يعطيكم العافية يارب والله ريحتوني بردودكم
على فكرة اليوم اول يوم انا عند اهلي واهله ما يدرون عن ها المشكله شيئ هو كلمني قبل شوي وقاللي امرك عشان مو قادر ارجع البيت لوحدي بس انا قلت له خليني اليوم عندهم بس اما افكر اذا كلمني بكرة ارجع اقوله يطلع يكلم اهلي ويوعده انه ماينزلني لأهله غصب عني ومتى ما قدر طلعنا والشغل عند اهله ما لي فيه وش رايكم |
يختي الحل بسيط
يعني يا انك تكرفين لهم وتشتغلين لهم شغاله طول الوقت ولا تطلعين من البيت ؟؟ حطي حل وسط وحطي لك ساعتين باليوم مثلا تنزلين عند اهل زوجك وتساعدينهم اعتبريها تنازل منك عشان رضا زوجك وتضحيه له حتى لو كنتب ما تبغين والوقت الباقي اجلسي في بيتك سواء فاضيه ولا مشغوله عودي زوجك واهل زوجك على هذا النظام واتراحي لا ضرر ولا ضرار والله يوفقك |
يختي الحل بسيط يعني يا انك تكرفين لهم وتشتغلين لهم شغاله طول الوقت ولا تطلعين من البيت ؟؟ حطي حل وسط وحطي لك ساعتين باليوم مثلا تنزلين عند اهل زوجك وتساعدينهم اعتبريها تنازل منك عشان رضا زوجك وتضحيه له حتى لو كنتب ما تبغين والوقت الباقي اجلسي في بيتك سواء فاضيه ولا مشغوله عودي زوجك واهل زوجك على هذا النظام واتراحي لا ضرر ولا ضرار والله يوفقك |
أختي الكريمة .. أنا من رأيي ترجعين لبيتك
ولا تدخلي أهلك في المشاكل اللي بينك وبين زوجك أو أهله وتحاولين تناقشين المسألة مع زوجك وقوليله إنت ماترضى علي أشتغل فالبيت وخواتك قاعدين مايسوون شي وتحاولي معه إنه يجيب شغالة للبيت عالأقل الشغل بيخف عليكي وبصراحة ممكن لما ييجو خواته آخر الأسبوع قعدي معهم ساعة بعدين اسأذني إنك بتروحي تزوري أهلك طبعا تكوني متفقة مع زوجك على هالأمر وفقك الله لما يحبه ويرضاه |
أوافق الأخت صريحه جدا لأن كلامها جدا واقعي وحلها للمشكلة لم يأتي من فراغ بل حل منطقي ومن تجربه واقعيه وتجربه شخصيه نسخة طبق الأصل لمشكلتك أتمنى لأختي ملاذي الأخير الإستفادة من ذلك والله يعطيك العافية يا أختي صريحة جدا &
|
اصبري واتحملي عشان زوجك
الله العالم اني صبرت مثلك 9 سنين والحمدلله جاني الفرج الحياه يا حياتي يبيلها صبر اهم شي ريحي زوجك واهتمي فيه وطنشي |
|
لا حول ولاقوة الا بالله .. معقولة يابنات تقولون خليك عند اهلك !! بكرة لا قدر الله لو زوجك استغنى عنك مين راح ينفعك ..!!
انا ضد هالاشغال الشاقة اللي مسوينها اهل زوجك لكن مب حل انك تطلعي وتخلي زوجك بروحه بما انه طيب ورومانسي ويحبك وفيه كل الصفات اللي تتمنيها .. !! اختي بارك الله فيك ... من رايي اجلسي مع زوحك جلسه حلوة وقولي له عن التعب اللي تتعبينه وفهميه انه ابدا مافي مشكله لو جبتوا شغاله تساعدكم وانتي اكيد ماراح تقصرين مع ام زوحك حتى لو في شغاله يعني هي في النهايه حسبت امك .. بارك الله فيك اختي على اللي كنتي تسوينه والله يكثر من امثالك والله قليل اللي يسوي هاي كله عشان زوجه ... فالله يبارك لج يارب ويطرح البركه في زوجك ويرزقك الذريه الصالحه ... وتأكدي انه مافي شي يضيع عند رب العالمين موفقه اختي ان شا الله :) |
اختي والله عيني دمعت لما قريت مشكلتك مش لانها كبيره بقدر ماهي متكرره نفس الاحداث بس المكان والزمان هو الي يتغير شوفي حبيبتي يمكن لو تقرأي الي كتبته في معاناة زوجي معاناة زوجي بتعرفي بشكل سريع الي يعانيه زوجي
اما اهله فتقريبا نفس معاناتك بس الفرق احنا ماكنا بنفس البيت بس قريبين منهم ورفعو ضغطي وجاني القولون العصبي بسبتهم بس بصراحه وبالرغم انه اهلي بعيدين بس وقفو معاي مش ضد اهله ابدا لانه زوجي طيب ويمكن زي حالتك بس هو يحس انه مضغوط ومايقدر ينقل بنفس الوقت يبغى يرضي اهله ويرضيكي مااطول عليكي انتي خليكي عند اهلك ويتفاهمو معاه عشان تلاقو حل مو لازم انكم تنقلو بكره من بيتكم بس يكون في الخطه يعني شي ليه اولويه اما امه ومساعدتها انتي ممكن تساعدي بحدود المعقول حكاية الانسحاب فجأه هذي تسبب مشاكل كثيييييره انتي وزوجك في غنى عنها انا بعد سنتين معاناه نقلت قبل شهر والحمدلله الصبر يااختي بالاضافه لحل المشاكل الصبر لحاله بدون السعي لحل المشاكل ماينفع |
شوفي حبيبتي انا اهلي كانوا من النوع المتفهم والمقدر واللي يحل المشكله بهدوء وتفاهم وبالمقابل مايرضون علي الغلط ويدافعون عني ولو غلطانه يقولون لي غلطانه
فإذا اهلج نفس الشي وظامنه انهم ماراح يكبرون المشكله ويعصبون على زوجك فأنصحج كلميييييييييييهم واظن انهم طيبين كونج طلعتي من عندهم أما زوجك بيظل يحاول أنج تردين بأسرع وقت وماراح يحل مشاكلج بيتجاهلها واهم شي عنده يضغط عليج وتردين وبقولج وش بيسوي زوجك لين تردين بدون ماتسوين حل للمشكلة بيقعد يهدد ( كلام بس ) انج اذا طلعتي ماراح تردين مره ثانيه او انه بيدور زوجه ثانيه او اي شي يخليج تحسين انج ندمتي انج رحتي بيت اهلج وبيكون زعلان من حركتج فأنا انصحج كونه بيزعل في كل الاحوال خليه يزعل ويقول هالكلاك ويفرض رجولته بس بعد ماتكونين كلمتي اهلج وهم كلموه وحطوا شروطهم وعطاهم كلمة رجل انه بيسوي اللي طلبتيه ووقتها حتى لو زعل وقال هالكلام مايخالف دام راح ينفذ اللي طلبوه اهلج بتتحملين واصلا بيضطر يساعدج وبعدين بيحس بالراحه هو واهله وبعدين اهله مايدرون انج زعلانه فإذا رديتي شلون زوجك بيقدر يضغط عليهم بعكس لو دروا انج في بيت هلج وانهم سبب المشاكل فبيتقبلون كلام زوجك لو طلب منهم مايضغطون عليج او لو قالهم بجيب خدامه ولاتضنين انهم بيحرضونه انتي طيبه وهاديه ومثل هالحريم مايتفرط فيهم حتى زوجك بيحس انج طيبه وبيقدر اللي تسوينه ولو مايبين وام زوجك بتحس فيج خاصه وهي عندها بنات وصدقيني اللي يصير فيج بيصير في بناتها وخاصه اللي بتتزوج في الصيفيه بتعاني مثلج لانهم كلفوج فوق طاقتج والله مايطق بعصا والظلم ظلمات ووقتها بتحس ام زوجك فيج وبتراعيج واهل الزوج يوقفون ضد زوجة الولد اذا كانت ترد عليهم ووقحه ومبهذلتهم واول شي يقولونه لولدهم طلقها لكن انتي وش بيقولون عنج راضيين عليج والله يوفقج ياغاليتي متعاطفه وياج وحاسه فيج والله يفرج همج قريب |
الله يوفقكم حبايبي
أنا كلممت اهلي عن المشاكل اللي صارت لأني بجد حسيت اني قهورة ولا ابغى اوصل لمرحلة اني اكرة البيت باللي فيه انا احب زوجي حب شديد وهو والله العالم ماقر قي شيء لكن اذا جاء موضوع اهلة ينقلب ويعصب فجأة عشان كذا انا المرة هذه اصريت اني اروح لهلي واكلمهم وانا عرفة انه شر لاب منه لكن الشكوى لله واهله مايعرفون بشء ولا اظن انهم بيدرون ابد لأنه ما هو متكلم معهم في المشكله ما ادري ليه بس انا ناوية اقوله يطلع يتفاهم مع اهلي واليوم كمان يمكن ما ارجع البيت لأني بصراحة ما طلعت الا لشيء قوي وشديد وما ابغى اجلس كل شوي رايحة جايه لأن المرة الجاية لو صار شيء يمكن ماعاد ارجع ابد لأني والله ما طلعت الا وانا في حاله ما يعلم بها الا الله زوجي قعد طول الليل يحاول اني ارجع معه و الله قلبي يتقطع عليه بس قاعدة اقول لاء خليه يحس اني غاليه ويعرف كيف البيت من دوني ويشوف كيف الدنيا من غير الحبيبة والله اني مشتااااااقة له بس اقول يابنت اصبري هو كمان من الصباح وهو يرسل لي رسايل صباح الخير يالغالية ومن هالكلام وانا ما رديت عليه على اساس اني نايمة وجوالي على الصامت المهم انا احس اني اليوم احسن والحمد لله على كل حال وكلامكم حسسني انه في احد معاي من جد حتى لو ما يعرفني الله يوفق كل من ردت علي ويحقق لها مرادها ويرحمها واهلها وكل من يعرفها على الارض وتحت الارض ويوم العرض يوم لقاك وجميع المسلمين والمسلمات الاحياء منهم والاموات على فكرة اختي صريحة جدا ها الكلمة ما تجوز الله يوفقك والله مايطق بعصا |
الله يووفقك أخيتي ويريح بالك ويهدي لك أهل زوجك ..
اللهم آآمين .. |
تضمنين اهله ما يقلبونه عليك في غيابك
ألا بياخذون راحتهم وانت الي عطيتهم الفرصه |
ترى اهله ما يدرون عن شيء ابدا
والحين كلمته وقال انه بيمرني اليوم في الليل بس عصب فجأة يوم قلت له اطلع اتفاهم مع اهلي وقال انا ما احد يملي علي شروط مع اني قلتله بس اتفاهم معهم واهلي مو قايلين لك شيئ بس اوعدهم انك ما تجبرني انزل اشتغل اشغال شاقة تحت واذا رجعوا اخوانك من الدراسة والسفر نطلع من البيت قال لاء انا ما ني مكلم احد وتكرما مني بمرك وربع ساعة بأنتظرك تحت واذا ما نزلتي بروح والمفروض اللي اخذك يرجع والا انا تكرما مني بس بمرك واللي يبغى يتفاهم معاي يجي لعندي خلي اخوكي هو اللي يجي هو رجال البيت انا قلتله لاء اخوي مو جاي لعندك وانا مو نازله ارووح معاك ولا برد على الجوال قام عصب وسكر مع انه يوم كلمني في البداية كان مرررررررة متأثر من غيابي عن البيت وعطاني من ذاك الكلام الرومانسي وانا خلاص رضيت والقلوب تصافت بس يوم قلت له اطلع قال لاء وعصب والحين حالتي تأزمت وش اسوي يانااااااااااس |
|
انا قصدي انه يعطيني كلمة قدام اهلي عشان يلتزم فيها
لأن قد اتناقشنا في ها الموضوع بيني وبينه ووعدني ورجع بعد فترة يقول انزلي وهم بيساعدونك وكنت انزل ولا احد يساعدني بالعكس يطلعوا شغل زيادة عشان يتعبوني اكثر على فترة غيابي مع ان انا مو ملزمة اني اسوي معهم شيء ابد بس والله ارحم ام زوجي ومع كذا ما احد يرحمني واذا صار اي شيء مني يفسروه غلط ويسوون لي مشكلة وانا اذا اشتكيت له يقول لي انا نا لي دخل اتفاهموا انتوا طيب هم بناتهم يدخلوا اهلهم في كل شيء وانا ادخله وهو ما يرضى يسوي شئ طيب وش السواه انا اذا تفاهمت بيني وبينه بيرجع وينسى ويقولي انزلي تدرون اهله مرة سافروا لمكة اسبوع قام يقولي انزلي نظفي البيت قبل لا يرجعون طبعا تنظيف كامل مع غسيل الحوش انا وزوجة اخوه الكبير وذيك كمان اتعذبت منهم بما فيه الكفاية وانا ما رضيت انزل لأنهم يقولون ان احنا شغالات وهم الاميرات قام مسكني يبغى يضربني ويوم شافني بكيت تركني بالله كل هذا ليه وكمان مرة سويت عمليه تلقيح صناعي عشان الحمل وما نجح معاي وكنت تعبانه وينزلي دم وجسمي كله يعورني قالي الظهر تنزلين وساعدي امي ابوي جايب خضار انزلي رتبيها قلتلو انا الحين مرة تعبانة قالي انتي مو تعبانة اكثر من امي مع ان امة ما فيها شيء بس عندها حساسية في صدرها وذاك اليوك ماكان فيها شيء واخته موجودة يعني هي ما تعرف تسوي الخضار بس دائما يقولون هي ضغيرة مع انها اصغر مني بثلاث سنوات بس يعني مو كثير وانا يوم تزوجت كنت اصغر منها ومسكت مسؤلية بيت ومع هذا حلاني انزل وانا تعبانه وامه طلعت بنتها ترتب رفتها اي كلام وانا رتبت ومسحت الثلاجتين ومسحت دواليب المطبخ كاملة وانا بموت من التعب بالله هذا يرضي مين انا والله احبه بس ما طلعت من البييت من شيء سهل الله يسامحة هو واهلة وانا قصدي بس يوعدني قدام اهلي عشان يلتزم |
احتسبي الاجر وما فيه شي يضيع عند رب العالمين.......
الله يوفقك حبيبتي |
ياختي انا لين انصح فأنا انصح من تجربه مرت علي اللي تقولينه عن زوجك مايبين انه بيتغير إذا رجعتي له
ومليون في الميه قال لاهله وهم اللي يقولون له يسوي هالشي معاج ويقول خلي اللي خذاج يردج وهالنوعيه مايصلح انتي تتفاهمين معاها بتتعبين نفسياً معاه وبتنهارين انا جربتها وتعبت كثير وقمت ماكلمه وابوي اللي كلمه وتفاهم معاه ترى مع الرجال كلامهم غير احترام وعقل وجد مو مثل كلامهم معانا يا يمثل كلمتين ويتقن الدور للآخر ونصدق وبعدين نكتشف الحقيقه ويا يمثل الدور وينفضح بسرعه قبل يتقن الدور الا من رحم ربي وانتي خلي ابوج يكلمه باسلوب طيب ويقوله تعال نتفاهم واللي فيه الخير بيصير والله انه زوجي كان يقولي اذا بتروحين بيت ابوج احلمي تاخذين العيال معاج ومع هذا بس يوصل ابوي واخواني بيت اهل زوجي ولا شي يصير من كلامه ويكون ماله حس ويقولي ابوي جيبي شنطتج وتوني اجهز شنطتي بملابسي وملابس عيالي لان زوجي كان مانعني ويهدد لو رحت ماراح اخذ عيالي (يضغط علي بس وانا صدقته) بس جدام ابوي مايقولي شي ويمر زوجي يشوفني آخذ ملابسي وملابس عيالي احطهم بالشنطه ويسكت مايقدر يقول شي التهديد بس عندنا احنا الحريم الضعيفات يستقوون علينا وعند الرجال يعرفون انهم غلطانين ومايتكلمون وبعدين انتي مظلومه واللي يصير لج فوق طاقتج يعني مو قاعده تتبلين عليهم والا تبطرين في النعمه وكسرتي خاطري لين قلتي انهم ماراعوج بعد تعبج من التلقيح الصناعي ذكرتيني بحالي كنت توني راده من المستشفى بعد عملية تنظيف للرحم لاني فقدت جنين في اول حمل لي ونزفت كثير وكلهم تخرعوا من كمية النزيف اللي غرقت فيها سريري وغرفتي مافي الا ام زوجي اللي قدرت تمسكني هي وزوجي علشان ابدل ملابسي وودوني للسياره اما خوات زوجي خافوا من الدم وانا نفسي كنت خايفه وانتفض من حالي ورحت المستشفى بحالة يرثى لها ومع هذا ماعبروا تعبي لين رديت ثاني يوم من المستشفى صج ماجبروني اشتغل بنفس اليوم بس كانوا يقولون لي وزوجي موجود اني لازم اتحرك واشتغل وعادي اللي صار لي وماجبت شي وعلى وشو ارتاح لازم تقوم وتتحرك هي ماجابت طفل وقمت من سريري وانا منتهيه بس علشان اقعد معاهم في الصاله وكأن مافيني شي وش يبون مني مااااااااااادي اهم شي اكون جدام عيونهم!! الظاهر كانوا خايفين زوجي يتعاطف معاي حتى هذا مايبونه !! لين امي زارتني بنفس اليوم وشافت حالي وعدم الاهتمام فيني وخذتني عندهم وهناك ارتحت اسبوعين تغذيه واكل مخصوص وطازج وعطف وحنان من ابوي وامي واخواني وبعدين يقولون لنا ليش نحب اهلنا اكثر من الزوج وليش نتمسك بأهلنا !!! وللعلم زوجي كان مثل زوجك مقفل مايفهم الا كلام اهله كان توه ماعنده خبره في الحياة بس تعالي شوفيه اللحين لو قلت له عن مشكلتج بيقول لا مايصير ومو مجبوره تخدم اهل زوجها ومن حقها بيت بروحها مافي نقاش في هالموضوع مايبيله كلام واقسم لج بالله هذا كلامه دايماً في نفس المشكلات ومايرضى لخواته واي واحده بمثل هالظلم ... وصاير ينصح أي حد عنده نفس المشكله وينسى مسكين انه يوماً ما كان مثلهم ...!! بس انا ماذكره بالماضي يهمني الحاضر ويعجبني انه فهم للحياه وانتي غاليتي احنا تحملني بس للصبر حدود ولين فقدنا صبرنا لجأنا لأهلنا مثل اللي سويتيه بالضبط وراح تتعبين بس بتوصلين لنتيجه لانج مظلومه وماتعديتي على حد والله مايرضى بالظلم ............................ (( ومن اليوم ورايح ماراح اقول ..الله مايطق بعصا دام ..انها حرام )) انا شدراني ;) اسمعها من امي واهلي والكل |
الله يهديك اعتقد الي سويتي للحين كفايه
اذا دق عليك وقالك بمرك وافقي و لا تقولين شيء لأن اعتقد الرجال بدا يطفشششش ثم اذا رجعتي بيتك حاولي شوي شوي تسحبين نفسك من مساعدة أهله يعني مو فجأة مابي اشتغل مع أهلك |
ياحبايبي والله
الله يريح عليكم طيب يا اخواتي انا قايله لكم انه موضوع الشغل احنا تناقشنا فيه وما استفدت لأنه بعد فترة يرجع الحال على ماهو عليه عشان كذا ابغى كل شيء قدام اهلي عشان يكوم كلام رجال وانا تراني مرة احب زوجي عشان كذا طلعت البارحة لأن ما ابغى يجي يوم اطلع ولا عاد احب ارجع فهمتوا علي السؤال المهم الحين انا قلت لأهلي كل اللي صار واخوي الكبير هو ولي امري لأن الوالد الله يرحمة ويغفر له ولجميع المسلمين وانا كلمت اخوي ن الموضوع وقال بيجي في الليل ونتكلم بس زوجي وش اسوي اذا اتصل ارح والا اخليه يتكلم مع اهلي مباشرة ؟؟؟ |
خلي اخوك يسلم عليه ويكلمه بهدوء ولا امك افضل
تقوله بنتي بترجع بس تعطيني وعد انك ما تجبرها تنزل تشتغل شغل فوق طاقتها والاحترام بينهم موجود .. واذا عصب وهم مكلمينه زين وبادب يعني اهله دارين بالسالفه ومعبين راااااااااسه تماااام |
من غير ما اقرا الردود
نصيييييييييييييييييييييييييييييييييييييحةة حلى الموضوع باىىىىىىىىىىىىىى شكل غير انك تخرجى من البيت اكيييييييييد ..........ولا تخرجوهن من بيوتهن ولا يخرجن....... نصيحة بجد اعرف واحدة كان سبب طلاقها سبب هايف بس كبر لما خرجت من البيت والان هى تتمنىىىىىىىىىىىىىىىىىىىىىىىىىىىىىىىىىىىىىىىىىىىىىى ىىىىىىىىىىىىىىىىىىىىى ان ترجع لزوجها |
السلام عليكم
دمعت عيناني لما قرات انه ضمك ضمه كبيرة من اخت محبه لك ، ارجعي بيت زوجك ، حتى كلمية انت وقولي له انه يجي ياخذك قرات رواية لهيفاء بيطاء اسمها يوميات مطلقة ذهبت الي بيت اهلها ترتاح 3 اسابيع وبقيت عندهم طول العمر ليه؟ اهل الزوج يكبرونها براسه خليها بكرة ترجع لحالها وينكسر راسها واهلها يقولوا خليه تا هو يجيويعرف قيمتك حبيبتي حياتك مع زوجك بسعادة اكبر من كل شيء واهم من كل الشغل والاهل والبيت ارجعي بحب وود وابتسامه وقوليلة انك اشتقتي له وان الحياة مش حلوه بدونه، وصيري انزلي تحت كل يوم ساعتين فقط حددي وقتك لان هذه مشكله يواجهوها الكثير وقولي له انك تحبي امه لكنك تتعبين ولازم تعطي بيتك حقه اسمعي منيييييييييييي وارجعي بيتككككككككككككككككك حبيبتي انت الله يهيديكي واستعيذي من الشيطان |
اقتباس:
|
الله يحرم وجوهكم عن النار يابنات
وأخييييييييييييييييييييييييييييييييييييييييييييييي ييييييييييييييرا والحمد لله رجعت لبيتي أمس في الليل زوجي جاء لبيت أهلي وماكانوا اخواني موجودين بس كلمناهم في التليفون انه بيجي وهو تكلم مع امي بهدوء وما طولوا بس امي قالت له اخر مرة ومن ها الكلام البسيط واخوي قال في التلفون خلاص دام انه بيسوي لها اللي تبغاه لا تكبروا الموضوع والحمد لله طلعت معاه ورحنا السوق وجبنا عشا ورجعنا والحمد لله والشكر على كل حاااااااااااال هذه لكل من دخل موضوعي وخفف عني وامتعني بأرائه ومشاركتي بالمشكله الله لا يردها ويبعد عنا جميعا كل سوء http://www.ibnalislam.com/vb/uploade...1202290463.gif http://www.ibnalislam.com/vb/uploade...1202290305.jpg اعوذ بالله من الشيطان الرجيم اعوذ بكلمات الله التامات من شر ما خلق سبحانك اللهم وبحمدك أشهد ان لا اله الا انت استغفرك واتوب اليك |
يالله الحمدلله ان انتهى موضوعم بشكل ودي
الله يسعدكم ويوفقكم |
الله يسعدك
ويوفقك ويسخر لك زوجك ويرزقك الذريه الصالحه |
الحمدلله الذي بنعمته تتم الصالحات
الله يوفقكم ويسعدكم ان شاء الله |
الحمدلله الذي بنعمته تتم الصالحات ...
الله يحفظكمو يحليكم لبعض يارب :) مبروووك :) |
الحمدلله والشكر الله يديم الحب والموده بينكم
ويخليكم لبعض ويكفيكم شر المشاكل |
| الساعة الآن 05:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©