|
أبغ حل للخصام بين الأطفال
السلام عليكم ورحمة الله وبركاته
من جد وااااااصلة معاية من يوم ما أفتح عيني إلى أخر ساعة في اليوم وإحنا بس ياولد وبس يا بنت والله من جد ما صارت حاولت بالطيب مافي فايدة حاولت أخليهم هم يحلو مشاكلهم بنفسهم مافي فايدة بكلللل الطرق الحديثة والقديمة برضو نفس الموال كل شوية وأنا جالسة أحل مشاكلهم .. مرة وحده أخذت قلم الثانية .. ومرة وحدة ضربت الثانية .. وكل مرة يتفننو في المشاكل وربي إني أدعي في صلاتي وأقول يارب ساعدني على تربيتهم .. الله يهديهم بس |
اذا لقيتي حل علميني
|
عادي بالنسبة الى الاطفال وياما سوف تشهدين
|
امين الله يهديهم يارب تتفاعلون مع الموضوع لاانه بصراحه مهم
|
اقتباس:
يعني مو أنا لوحدي طيب خلونا نتعاون .. ونبحث عن حلول مشكورة أختي علىالمرور |
اقتباس:
لاااااااا أكثر من كذا ما أقدر أتحمل الوضع مزعج .. أتمنى بجد ألاقي حل |
اقتباس:
جدا جدا مهم أنا يهمني أكون مرتاحة في بيتي يهمني أقضي وقت ممتع .. وقت سعيد بين أطفالي .. أما الشجار والأصوات العالية توتر بصراحة . |
هذا وهن أميرات ماشاء الله اجل شو احكي انا مع الاولاد:18:
برجع مرة ثانية بس لاجهزهم للمدرسة واصحصح الله يحفظ اولادنا من كل مكروه |
بقولك طرقي السلمية وغير سلمية
فبشتري الراحة لنفسي وبشتري لولادي كل شي مثل بعضهم حتى ابو لسانين عنده أقلام وكتب ونفس لعب إخوانه وكاتبة على كل شي الحرف الاول من اسمه طبعا اذا كل واحد وغرفته بتساعد فحطيت صندوق وكل واحد بيضب غراضه في غرفته نجي للصراخ والملاكمة والدفاشة طالما مافي أضرار جسدية فأحيانا بسكت وبتغاضى :25: بس منبهتهم لا حدا يشتكي: اكلتها علقة بتصبر وإلا بطل لعب معهم واذا اشتكى واحد ما همني منو الظالم والمظلوم :29: عقاب جماعي:mad: العقاب انو احرمهم من لعبة او ممنوع التلفزة او مافي نت طبعا بشتري هذول الملصقات مدري شو تسمونهم على شكل نجوم وقلوب واشكال رسوم متحركة كل واحد مأدب يسمع الكلمة ما بيعذب الماما اله ملصق والي يجمع عدد معين بالاسبوع إله شي معين بس المشكلة اذا الزوج بيدلعهم ما بتمشي كل هالخطوات يعني انت تحرمنهم من شي وبس تروحي غرفة ثانية بيجي يصالحهم هيك يعمل فيني ابو وليد فصرت انا الشريرة وهو الملاك:d الله يحفظ أولادنا إذا بدك شي ثاني بس أمري أم وليد |
اقتباس:
ماشاء الله عليكي سلامات يا قلبي صراحة اللي قلتيه حلو .. شوفي حكاية كل واحد أغراضة لوحده أنا كمان نفس الشي .. لـــــــــــكــــــــــن : صعبة إنو أخلي العقاب جماعي بعدين يروح حق المظلوم الأقوى يظلم الثاني أنا وحدة من البنات أقوى من الثانية .. فلازم أخذ حقها من أختها ما يصير أتركها بعدين بتتعقد وعلى قولك طالما مافي أضرار جسدية بمشي الموضوع لكن الصراخ والبكي طوووول اليوم يعذب أنا أبغ أوقات يكون في راحة حتى أعرف أقرأ .. أو أشرب لي فنجال نسكافية مو طول اليوم معاهم وأحيانا أتغاضى وأقول أطفال لو ما يبكو إيش يسوو .. خليهم يستمتعو .. بس الوضع مزري .. لازم أحط قانون أو نظام في البيت .. مثلا عندك وقت الغدا .. مهم جدا يكون هدووء .. وقت ما أجلس على النت .. كمان لازم يحترمو إنو أنا مشغولة شوي أما وقت ما أغديهم .. حدث ولا حرج .. ولا أكبر مطعم عائلات .. ياريت أسمع تجارب الأمهات حتى نستفيد مشكورة أم وليد على هذه الحلول .. تسلميلي |
خليها على ربك يا شيخه والله اني اتعذب معاهم من يوم نتفح عيونا من النوم الى موعد التسكير هههههه تعرفي انا عيالي كلهم اولاد لكن موريني النجوم في عز الظهر الحين اكلمك وهم مسويين معارك في حجرتهم وعلى قولك الواحد يبغى هدوء وراحة طول الوقت ازعاح في ازعاج اليوم قررت اقدم طلب للمحكمة انهم يفتحو فرع لنا في البيت <<<< من كثر الشكاوى والله حاولت معهم بشتى الطرق بالكلام بالعقاب اني احرمهم من الشيء اللي يحبوه بس بدون فايدة كثير يقولو لي عشانهم اولاد كذا يسوو ومدري عاد الله يعينا الجميع |
حلول أم وليد حلوة و معقولة
بس ايش رايك تاخذين مرة حلاوة و مرة لعبة و مرة قميص حلو و مرة قصة جميلة يعني كذا شغله يحبوها العيال ، و تجي مثلا لبنتك الكبيرة تقولي لها : اللـــــــــــه شوفي أختك مرررررررررررة تحبك هدتك هالقصة -مثلا- لأنها تبغاكي تحبيها زي ما تحبك ،،، و تجي لأختها تسوي معها نفس الشي و تقوليلها : اللـــــــــــــه شفتي أختك قد إيش تحبك هدتك هالشباصة الحلوة لأنها تقول إنك حلوة و تبالك حاجة حلوة تطلع عليك ٍ ، المفروض تحبيها زي ما تحبك ، و حاولي قدر المستطاع لا تتهاوشي وياها ،،،، و بكذا كل ما سويتي هالطرق و المحايلات تحننينهم على بعض و قدر الامكان ما تكثر المشاكل ،،، الله يحفظك لهم و يفرحك بيهم ، و لا تتعصبي تراها شقاوة جهال ، يكبرون و تبقى كلها ذكريات حلوة و مضحكة ، بس ديري بالك عليهم ، و الله يجعلهم الذرية الصالحة |
اقتباس:
الله يسعدك اختي ام وليد عاجبتني طرقك اما اختي سمو الاميرة انا بنت وحدة ومعذبتني...ما اتهنى معاها لا في بيتنا ولا عند اهلي ...ابدا ماتريحني حتى لو اروح زيارات تفشلني من الناس وحتى في السوق..تزعجني لا اعرف اشتري ولا شي ونفس الشي في المستشفى الله يهديها المشكلة شايلة هم لو ربي اراد وحملت...كيف راح تمشي حياتنا..انا ما اتحمل ازعاج الاطفال انا عارفة اني قرقرت كثير:25: ..بس حبيت احكي معاناتي...اذا احد يديني حل |
اقتباس:
هههههه مستشفى .. سوق .. ولا أفكر ليش أتجننت سوق إيييه .. أنا لو أروح سوبر ماكت أصير فرجة ببلاش .. في كل مكان أحس إني أتضايق من إزعاجهم وكثر طلباتهم بالرغم والله إني قبل ما أطلع أجهز كل شي اللي يبغ الحمام الله يعزك أدخله .. واللي يبغ ياكل أأكله ويحلي كمان .. ما يبقى شي .. وبس نطلع .. تعالي شوفي الطلبات .. والبكا .. أصلا خلاص ما أفكر أطلع معاهم .. دائما أطلع بدونهم .. الهه لا يحرمنا من الأجر يارب |
اقتباس:
ليش يا أم لجين تحرمين نفسك بالبداية كنت اتفشل قدام الناس وما أبغى حدا يطالع فيني وفي اولادي وبستحي اذا عملو شي وصارت العالم تناظرهم وهن بيستغلو هالشي فكنت ما أرفض لهم طلب فهذاك الزمن راح خاصة اذاعندك أكثر من ولد الله يحفظهم بدك تبكي أبكي خيو وما بشتري الا بكيفي وصار زوجي يستحي ويروح يسبقنا قلت ما علبه يا هن يا أنا:25::25: يطلبون لعبة ب50 دولار و بدك تجيبي 3 صارت ازمة إقتصادية مو طلعة:d لسبوع وأنا هيك لبطلو ما بحرمهن من شي بس كمان مو كل شوي بدي وبالاخر الاسبو ع كمكافأة جبت لهم اللعبة فلانو محتجبة صارت الناس تطالع فيني كإرهابية وعم اعذب أولادي:eek: والله العظبم ارتحت بس اذا بياخدهم ابوهم بيعلق معهن جربي وما تخسري شي لازمتك همة |
المشكلة يام لجين
انا لسه وحدة وقهر لو احبس نفسي عشانها... هيا نشبة بس صراحة ابوها الله يهديها اللي خلاها تركب على رووسنا هذي وهي باقي صغيرة ثلاث سنوات وكم شهر اجل كيف لو كبرت...مدري بتعقل ولا لا...الله يهديها ..قولوا امين |
اقتباس:
ويسعدك حبيبة فلبي وبهني قلبك ويطعمك الرضا ويقر عينك بشوفة اولادك في احسن المراتب ويرزقك الذرية البارة تسلم لي يا عسل |
لاقوة الابالله
اولادي من كثر البكاء والصراخ والجري تقولي مشبوكين بكهرباء 220v:18: الله يهديهم وانا جربت طريقه سويت جدول وعلقته فى غرفتهم واكثر واحدعنده علامات صح لها هديه من ابوه والمخطئ ماله شئ:mad::confused: بس ابوهم الله يعافيه ما يخليني اشد عليهم ويقولي بكره يكبروا وتملى من هدوء البيت والطريقه الثانيه اني افصلهم عن بعض وخصوصا فى (اوقات الذروه):d كل واحدفى غرفه ويحل التمارين الى انا اسويها له او بالدور واحد يشوف كرتون والثاني يكتب عشان تحسين الخط :rolleyes: وهكذا الاختراعات قائمه طالما فى المنزل توم وجيري :16: الله يخليهم ويحفظهم |
| الساعة الآن 05:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©