|
ماكنت اتخيل الزواج هكذا
السلام عليكم ورحمة الله وبركاته
ماشاء الله اقولها مليون مره على جميع اعضاء هذا المنتدى ومشرفينه على الحمكه اللي عندكم والكثير من ارائكم السديده عشان كذا حبيت استشيركم وأخذ برايكم وانا كلي ثقه بعد الله بكم انا متزوجه من 3 سنوات ولى طفله عمرها سبع شهور احب زوجي موت وهو كمان يموت فيه كنا مانصبر عن بعض رومانسيه اغلب الاوقات لكن بشكل متزن تجدد دائم بحياتنا كنت احاول مايكون فيه روتين ورتابه بحياتنا لاني مابغى حياتنا تمر بحالة فتور دائما افاجئه بحفلات و اجدد بشكلي ولبسي و ابتكر حركات واحاول بكل الطرق اعرف ايش الي يسعده دائما اسائله اذا كان مرتاح اولا طبعا عمره ماسألني عن اي شئ اذا عنده هم احاول اشيله منه صح انا حساسه في بداية الزواج وكنت ازعل على أي تصرف او احيانا اصلح نفسي اني زعلت ادلع عليه تعرفوا ايش يصلح يزعل معايه ولا يكلمني وكمان اذا كنت متضايقه من أي شي اما من اشتياقي لاهلي لاني بعيده عنهم او من الغربه يشوفني مااتكلم >>> طبعا مايكلمني يسكت ويتضايق ولا يحاول يهديني يعني لما احتاجه يكون حيل بعيد ولا يهتم كلمته كذا مره ارسلتله رساله بس مافي امل ادلع واتغلى عليه ابغاه يدلعني احس انه مهتم فيني كأنثى اتعامل معاه بطفوله الاقي العكس يجيني اتفشل احس انه يتعامل مع امه او اخته الكبيره يبغى مني الاغراء بس ياعلم كيف وهو مايساعدني او حتى عمره ماطلب منى شي يساعدني ويشيل بعض الاحراج بعد ولادتي احس انه اتغير بعد عني حيل وخصوصا الشهرين اللي فاتو عادي نمت معاه اولا ماتفرق عنده يخرج ويطول وهو ماكان كذا انا والله نفس مانا ماتغيرت بالعكس كلمته انا مانبغى فتور احاول اجدد بحياتنا ومن نفسي لكن بدون نتيجه حتى لما اقوله اجي انومك او انام معاك يقولي عادي انا بنام اذا مانتي نايمه عادي لاتجي انا بجد قربت افقد انوثتي معاه لانها فعلا ماتعنيله شي ملاحظه: زوجي والله من أي ناحيه ثانيه مبسوطه معاه ومو مقصر بس والله اللى ناقصني مهم لحياتنا عشان مايصر فيها ملل ويدور عند غيري التجدد انا طولت عليكم لكم ابغى نصايحكم وخبراتكم وشاكره لكم الاشراف / عفوا تم تعديل كلمة بالعنوان لتكون بالفصحى |
حبيبتي الله يوفقك ويحنن قلب زوجك عليك من وجهة نظري المشكلة فيها ثلاث ابعاد
1- ممكن يكون كل اللي انت فيه من الغربة والبعد عن الاهل والله في الغربة اي مشكلة ولو كانت صغيرة بتكون في نظرك جبل هذا احتمال 2- ممكن تكون اللي حاسة فيه هذا اكتئاب ما بعد الولادة او حتى بقايا لان فيه ناس يطول معاها وما يروح الا بالعلاج 3- ممكن تكوني نتيجة الولادة تغيرت عندك المنطقة من اسفل ممكن تروحي للطبيبة النسائية وتعطيك اللازم اذا كان هذا الشئ جزء من الموضوع 4- حبيبتي كيف ما تغيرتي لازم الوحدة تتغير وشكل الحياة الزوجية كله يتغير بعد اول مولود بصراحة الاهتمام اول كان له اصبح الان مقسوم على اثنين الحل قريت في بعض الردود لموضوع شبيه بموضوعك انه لازم انت تخرجي من زوجك الكلام الحلو يعني اذا لبست فستان خذي رأيه اكثر من مرة واذا قال حلو قولي له يجنن ومن هذا الكلام يعني اسحبي الكلام منه سحب وممكن كمان ترسلي له رسالة على الايميل يكون فيها الكثير من الكلام الحلو واللي تطلبي في ثناياه اللي حاساه واللي تبغيه منه |
انا تقريبا حالي مثل حالك
بس قريت موضوع لاخت نسيت اسمها مره حلو واستفدت منه ان الزوج يحب ينسحب شوي من حياته مع زوجته حتى يستعيد شوقه وحبه وحاجته للحنان والحب لزوجته والمراه بهذا الانسحاب لازم تترك زوجها براحته يعني خذي راحتك اهتمي بنفسك وفكري وش بتسوين له مفاجاه بس لا تسوين نفسك زعلانه .... لان انتي عارفه وش بيسوي .... بعدين انتي راقبيه من بعيد مع انشغالك بنفسك وبيتك وبنتك ثم التقي معه بعد هذا الانسحاب بالكلام الحلو ووووو وراح تشوفين انه يتجاوب معك موفقه |
يمكن فترة و بتمر ....؟
الرجال أحيانا يحتاجون لنوع من البريك فترة راحة من الورمانسية و القصص هذه حاولي تكون جافية معه انتي كمان لكن بعتدال فقط أشعريه بأنك انتي كمان متغيرة و لو ما فهم حاولي بالكلام الصريح لكن انتبهي من الووووووون و االنكرار الرجال ما بحبوا النساء اللي بونوا و بنقدوا حاولي تكوني معتدلة بنقدك و ايجابية الله يوفقك يا رب |
الرجل اللي يعامل زوجته بهالطريقه ماعنده احساس بالحب تجاهها لانه المفروض عليه ابسط الاشياء انه يجلس معاها ويلاطفها ويلبي مشاعرها المدفونه
|
بنان911
مروحه ماريا13 رحال الله يعطيكم العافيه ومشكوره على ردودكم ان من النوع اللي اسكت على الاولى واتحمل الثانيه والرابعه بس بعدين خلاص انفجر وابدا مااعتقد ان اللي انا فيه من الغربه صح انها سبب بس لو يساعدني عليها معنويا واللله تهون ومااخفي عليك اني المسئوليه كبرت علي بس والله في البدايه احاول ارتب كل شئ فبل مايجي عشان اتفرغ له انوم بنتي قبل موعد نومتنا وتصدقي هو وقت مااقوله بنومها يصحصح فيها ويلعبها بعدين سرت اطنشه اهم شي انا ارتاح ..... احس انه حتى جنسيا بعد عني انا اساسا متغيره عليه الشهرين هذي غصبا عني وثقلانه وماعدة اساله عن شي ولا عدت اتصل عليه قلت خليه متى ماحب يرجع لطبيعتته رح يلقاني اشراايكم الاشراف / عفوا تم حذف التفاصيل الخاصة |
..............حبيبت قلبي.................
مافكرتي ان ممكن عنده مشكله في العمل ................او مع اصحابه.............. الرجل يحتاج وقت عشان يعترف بلي عنده......................اصبري ............وادعي................... واكيد انه يرجعلك..................... لكن لا تتغيري عليه...................واجباتك وحركاتك وابتسامتك..................ولبسك واغراك................لا تنسيها............... واهم حاجه اول مايدخل البيت ........رحبي فيه وابتسمي..وبيني له انك ماشتقتله كثير.............. وجنسيا اكيد يتغر مادام فيه شويه اضطراب.................... لكن الي اعرفه بتحصل احيانا مشاكل بعد النفاس واول طفل..............بحكم انك بعدتي عنه في النفاس..........وانشغلتي ببنتك الله يخليها لكم يارب............. وايضا انتي كمان تغيرتي.............لا تقولين لا............... لانك تعبانه من البيت والبنت والبعد.................واثر شويه معاكم............... ..............هونيها وتهون...................... الله يهدي سركم يارب............ |
وعليكم السلام ورحمة الله وبركاته
بعض الأزواج كثرت ملاحقة الزوجة لهم والإهتمام الزائد المنصب عليهم يفقدهم الرغبة بها نصيحتي لاتقاطعيه فيشعر أنك أهملتيه ويجد حجة عليكِ بل أدي حقوقه كاملة بإيتسامة رضى ولاتشعريه أبدا بزعلك ولكــــــــــــن....تدللي بمشيتك وبكلامك وضحكك ثم ابتعدي عنه وتحججي بإنشغالك بأي شيء أثيريه بلباسك وكلامك المعسول ثم ابتعدي عنه بحجة تنويم إبنتك مثلاً ابدأي معه الملاطفة التي قبل المعاشرة ثم استأذني منه لأنك تريدي أن تنامي أو تقرأي كتاب مثلاً بإختصار كوني السهل الممتنع فالزوج يحب الشيء الذي يتشوق له جربي وطمنينا |
الله يسر امرك ويارب تتحسن حالك
|
اقتباس:
وطمنينا عنك |
وانا بعد عرفت انه الرجال تجيه احيانا اوقات يحب ينسحب شوي مع نفسه
لكن اللي يقهر ليش الرجال لما يشوف زوجته ملهوفه عليه يتغلى؟ والله قهر الله يسخركم لبعض ويسعدكم ويصلح الامور |
سفينة الصحراء
يعطيكي العافيه بس كلام ام جمانه صح وكمان كلام ملفوف يعطيهم العافيه وانا والله اني متعامله معه بطريقهم ومقدره انوا الرجال لازم يجي له وقت وينسحب بس والله القهر لمنه يعاملني بالمثل فقط بالاشياء السيئه مثلا: انا ومالي خلق اتكلم او اني طفشانه فاسكت وماابينله شئ حده يشوفني ساكته يسكت مثال ثاني :بدايه الزواج كنت ازعل اذا اتاخر (انا عارفه انه غلط اللي سويته بس الحمدلله اتغيرت ) فلما يجي و يشوفني زعلانه يزعل ويسكت ولا حتى يجبر بخاطري ويقولي معليش اتاخرت عليك بس ابغى كلام يخجلني حتى من فعلتي اذا كنت تعبانه يسيبني ويجين بعد فتره طويله ويقولي سلامات انا ساكته ومطنشه وسرت اكتم بقلبي واعامله بنفس طريقته ولا شرايكم |
اختي الفاضلة
أنا أعطيك رأيي كرجل الرجل لا تنتظري أن يسألك ما بك كأن تسوي نفسك زعلانة أو تتغلي عليه لا... إذا أردتي منه مساندة اطلبي منه ذلك قولي له أنك متضايقة اطلبي منه أن يخرج بك للتنزه قليلا فلا تنتظري منه ذلك فهو كذلك غذا عنده مشكله يحب أن يبتعد عنه الناس فيفكر نفس التفكير إذا أحس أن عندك مشكلة يبعد عنك فلا تنتظري اطلبي منه ما تريدين مباشر وسوف يسعد بذلك تحياتي |
اقتباس:
اختي بالنسبة لتأخره عن المنزل لا بد أن تبيني له أنه تأخر كأن تسألينة بطريقة غير مباشرة ( اشتقت لك وتأخرت عليه - ولهت عليك ) من هذا الكلام ولكن لا تسكتي إن سكت يقول هي ما يهمها ويسكت مثلك ولكن انتبهي من سؤاله مباشرة مثلا لا تقولين له ليه تأخرت ؟ |
اهلا بك اختى الكريمة
انا مع راى أم جمانة ... نسأل الله ان يفرج كربتك ويرزقك بالسعادة والاستقرار تفضلى هذا الرابط اتمنى انة يفيدك باذن الله كيف تطلب الزوجة الحب ومتى ؟؟؟ دمتم بكل الخير |
كيوي ليمون
تسلم ياخوي بس حبيت اسالك الواحد لمن يشوف اللي قدامه متضايق مايحاول يخرجه من الي فيه؟ ليه الازواج مايتعاملوا مع زوجاتهم بعقلهم الراجح وينزلوا لمستوى تفكير زوجاتهم ؟ ليه دايما الزوجه هي اللي تسعى لتجديد وهو ولا يسأل ؟ ليه لما نواجهم باللي ناقصنا من الحنان والتجدد يتهربوا او يتصيدوا اخطانا؟ واسفه على الاطاله بس والله نفسي اعرف |
http://www.3z.cc/sml/30/0001.gif تفضلوا بزيارة مفضلة المتزوجين ..الجديده (تحديث جديد) http://www.3z.cc/sml/30/0001.gif دمتم بكل الخير رقة ** |
اقتباس:
ان طبيعة الرجل تختلف تمام عن المرأة ... واعتقد ان هذا هو السبب الرئيسى فمعظم الازواج يتصرفون بهذة الطريقة ما فعلتة هو اننى تفهمت طبيعة زوجى وبدات اعتاد عليها |
رقه
مشكووووووووره الله يسلم هاليدين يارب من النار |
اقتباس:
انا مانكر فضلهم الله لايحرمنا منهم بس ولله الحمد ماعتقد نحن مقصرين من ناحيه الواجب احنا ماعشنا قصص غرام ولله الحمد قبل زواجنا ماحسينا بطعم الحب الا لمن تزوجنا خلاص كرسنا كل جهدنا وتفكيرنا كيف نحافظ على هالحب في عشنا الصغير ونخليه يكبر معانا كل ماكبر عشنا بس لو انا اتنازلت عن حقي من الاهتمام والدلع وانوا حياتنا تكون كاني في بيت اهلي لا انا هذا الشي ماابغاه بعدين تعالي اقولك لما احنا نرضى بالاحنا فيه يروحوا وبصمت يدوره عند غيرنا وقال ايه احنا السبب طيب من الاساس ليه ماتعطونا والله انا احنا حررريم ينضحك علينا بكلمتين حلوين ليه مايحاولوا يتوصلوا لنا زي ما نتعب احنا |
اقتباس:
للاسف هذا ما يحدث فى معظم بيوتنا المشكلة ان الرجل تربى بطريقة معينة فى بلدنا يخجل من التعبير عن مشاعرة واوقات يعتبرها ضعف وعيب فية اعرف زوجة تحب ان ترقص لزوجها وهو لا يرضى ويقول لها ان الرقص ما فية ادب وتجدة يغلق على نفسة غرفه باليبت ليطالع قنوات الاغانى ويشاهد من يتراقصن غريب هذا التناقض الرجل اوقات يشعر بالخجل من زوجتة ولا يحب منها اشياء معينة كالرقص لة مثلا او كلام الغزل ويعتبر استسلامة لها ضعف ينقص من رجولته الرجل بطبيعتة كتوم ونزيد على المشكلة طريقتة تربيتة التى تشعرة ان فى البوح والاستسلام لمشاعر الحب ضعف والتعبير عن الاحاسيس يفقدة احساسة بالقوة والسيطرة المشكلة متاصلة فى جزور التربية للاسف حاولت اغير زوجى ولكن دون جدى سألتة منذ عدة ايام " بتحب فيا اية " ؟ نظر اليا ولم يجد كلمة واحدة يقولها وقال لى انا خجلان ولا اعرف اعبر و تركنى وذهب حاولت كثيرا ولكن لن استسلم وسأحاول وساحاول لعل وعسى :d |
الله يرجع السعادة لبيوتكم والحب لقلوبكم
والله ما في مشكلة كبيرة موجودة يمكن زوجك احساسو بالمسؤلية زاد بسبب الطفل الجديد يمكن عندو هموم يعني حاولي تقتربي منو وتفهمي منو انتي السبب الله يوفقكم بحياتكم |
اقتباس:
كلام في الصميم اختي رقة ومحاولاتك جيدة لكن ارى ان يكون السؤال محدد وش رايك في.... وتحددين له شي معين تكوني اعددتيه بشكل جيد فيتشجع الرجل والمهم انك لا تنتظري منه اطلبي منه ان يشاركك همومك |
اقتباس:
اختي الفاضلة تدري وش تحتاجين تحتاجين كتاب يتكلم عن شخصيات الرجال اقرأي كتاب الرجال من المريخ والنساء من الزهرة واسألي عن كتب اخرى تدي في المنتدى الرجال غالبا لا يظهرون مشاعرهم والسبب التعود في بيئة تعودت على ذلك ولكن بالمصابرة والدعاء تستطيعين تغيير زوجك أتمنى لك التوفيق وصلاح الزوج والذرية وأن يجلع في قلوبكما المحبة لبعض |
اقتباس:
الله المستعان عليهم انت كم لك سنه متزوجه زوجي صح خجول بس كثير كان يعبر لي عن مشاعره بس الان جدا اتغير عاد تصدقي احس السبب في تغير الرجال على زوجاتهم هو المكابره إحساسه انه مايقدر يستغني عنها طيب لييييييييييييه؟ بالعكس شئ جدا رائع المراءه تحس بهاذا الاحساس والغبيه منا تستغل هذا ضد زوجها رقه اختي ليه ماتقولي لزوجك انك لازم تكسري الحواجز اللي بينكم وانو كلامو هدا يمنعك تاخذي راحتك |
| الساعة الآن 03:53 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©