|
يهجرني تسع شهور... مالحل ؟؟
السلام عليكم ورحمة الله وبركاته ان شاء الله الكل بخيييير انا قصتي طويييييله لكن تكفون ركزوا معي انا متزوجه من 8 سنوات وعن حب وعشق وعندي بنتين (الله يحفظهم) طبعا شعاري انا وزوجي ( اختلفنا مين يحب الثاني أكثر ) لأني احبه اكثر من نفسي وهو نفس الشئ لكن حصلت مشكله بيننا قبل 9 شهور وهي اني لقيت على جهازه بلوتوثات تستحي العين ان تراها وطبعا مو اول مره القى هالحقاره قلت خلني اشوف شعوره وكأني جلست عليها رحت اضغط كذا ملف وطبعا تركت المحفوظات ومامسحت شئ وصكيت الجهاز ولما فتحه راح للمحفوظات ولقى الملفات اللي انا فاتحتها وهنا جن جنونه وفاتحني بالموضوع وقعدت اتبسم عشان اقهره مثل مايسوي فيني دائم وواضح انه انقهر وصار بيننا جدااااااال الى ان قلتله ايوا ابغى انبسط مثل ماتنبسط وسألته قلت انت تناظرني نظرة احتقار ودناءه صح ؟ ترى انا ابادلك نفس الشعور اذا قعدت تطالع الحرام وزعل علي وحقد حقد والله تقول بعير!!! لكن ماأتحمل زعله وحلفتله اني ماجلست على هالملفات بس كنت ابغاه يحس بغيرتي عليه اذا شاف هالبلوتوثات ورااااااضيته عدة مرات وبجميع الطرق لكن لاحياة لمن تنادي ومع ذلك والله انه ذلني واهاني وانا ساكته عشان ماتزيد المشاكل ومره لاحظوا مره بس ناقضته بشئ تافه قالي انتي مانتي زوجه سنعه شكلي بتزوج عليك بصراحه انرفزت الى ابعد الحدود عاد له 3 شهور هاجرني وقلتله لاصرت رجال تزوج والله وقتها كنت في حالة غضب ولا انا ماأتحمل زعله وجرحه وادري انها قويه وبعدها سكت وصار يحترمني ولايجرحني لكن باقي زعلان وعلى هالحال من شهر 6 هجري الى اخر رمضان كشفته مسجل بموقع زواج طبعا خلاااااص ضاقت فيني الدنيا وزعلت عليه ووقتها كنت عند اهلي وقلتله لاتجي تاخذني انت ماتبيني وتبي تتزوج علي خلااااص روح الله يسهل دربك وماراح تلقى وحده حبتك كثر ماحبيتك وحاول يتصل علي لكن طنشته وبعد اسبوعين من المشكله في رمضان ردني بس رده غبيه وكان الوضع عاااااادي لكن ظل هاجرني الى يومكم هذا مع ان والله اني اهتم بنفسي وشكلي ونظافتي وهيأت الجو له واكثر من مره وشكيت ان فيه عجز جنسي لكنه سليم لان اتضح لي فيما بعد انه يمارس العاده السريه ولا له علاقات نسائيه ولا يطلع خارج البيت الا قليييييييييل واراقب اتصالاته خوفا عليه ومالاحظت شئ الا قبل شهر تقريبا لقيته مكلم على رقم مره وصوتها كبير لاني دقيت من جوال اختي اتأكد من انها مره وكان قاعد معها ربع ساعه مشيت الامر وحاولت انسى لكن قبل يومين جتني بنتي الصغيره وزعلانه وتقول : {ياماما بابا داعد يتلم حلمه ( المسكينه تحسبها جدتها وتبي تكلمها )وهو يدحك علي ويقول هذي بنت صعيله} طبعا هذا لسانها ماتعرف تحكي : ) الله يخليها ياااارب وهنا كانت الصاعقه الكبرى لي لاني كنت اثق فيه وطبعا كنت اراقب مكالماته ومافيه شئ الا هالمكالمتين الغريييييييببه خصوصا انه داااااااااائم في البيت ولا يطلع حتى شحن الجوال مايشحن الا بالشهر والشهرين 10 ريال ولاتقولون عنده جوال ثاني لاااااا لاني مسويه رقابه وتفتيش دوري للسياره من غير مايدري او يشك ادري اني مريضه بحبي له وغيرتي عليه بس عقب مكالمته اللي قبل يومين خلااااااااص احس اني اكرهه ولو الله كان دعيت عليه وماني طااااايقه اشوفه وسألته قلتله من هي المرأه اللي تكلمها أنكر وقالي ماكنت اكلم ولاشئ وقلتله الا وكنت قاعد معها نص ساعه انصدم وقالي وشلون عرفتي ؟؟ عاد هو يجهل الجوالات وسالته ليش ماسح الرقم وطنش مارد علي وانا مازعلت لاااااا بالعكس كان الوضع عاااادي لكن دائما يجي من الدوام الساعه 12 وانا اقوم من عز النوم الساعه 11 عشان اصلح الغدا لكن لي يومين (كاااارشته) يعني مطنشته ماأصلح الغدا الا المغرب يجي من الدوام وانا نااايمه واعلمله الصبح اقوله ترى اليوم مافيه غدا الا بعد ماأشبع نوم وهو يستغرب يقول ليييه اقول كذا مزاجي وساكت ومبسوووط لاني ماسويتله مشكله وانا بداخلي الف سؤال وسؤال وماتمر ساعه الا وأبكي فيها مليييييت من هالوضع وطبعا الى الالان وهو يهجرني ولاأعرف السبب الى درجة اني البس لبس كاااان يعجبه ومايتحمل يشوفني من اعجابه اما الان البسه ولااااااااااحياة لمن تنادي وحاولت ابادره بالجماع لكن مااااااااااقدرت ومستحييييل خصوصا عقب مكالمته الاخيره ومع ذلك متحمله وضعه المادي السييييئ اللبس ماأشريه لي انا وبناتي الا من عيد لعيد واحسه تعود وصار يبخل علينا...وعلى نفسه لا مايبخل بالله عليكم مو شئ يقهر عني انا ائيست ومالقيت الا الاستغفار وصلاة الليل الحل الوحيد تكفووووووون تكفوووووون ساعدوووووني على كثر ماحبيته كثر ماني كارهته هالحين وحبيت اوضح نقطه هو مو زعلااااان لكنه مثل اخوي ......... بعد 3 شهور يكمل لهجره سنه كاااامله والمشكله كل اللي حولنا يستغربون اني ماحملت لان بنتي الصغيره عمرها 5 سنوات ادري طولت عليكم وخبصت بالحكي بس ماعليه لاتلوموني لأن تفكيري مشتت وصدري ضايق الى ابعد حد انا بانتظار الرد اللي كل يوم اقرأها وسلامتكم |
السلام عليكم ورحمة الله وبركاته
اختي فالله اولا باين جدا من كلامك انك مازلتي تحبينه جدا مهما حاولتي الانكار الله يهديه ليكي يارب ويقرب بنكم في اقرب وقت امين عليكي بالصبر والدعاء من اجل بناتك وزوجك وحياتك وحاولي تدافعين عن زوجك بكل ما تملكي من قوه ولا تترددي لحظه بحجت انك بتكرهي لا باين جدا انك مازلتي تحبينه وعلي فكره لا يوجد كرامه بين الازواج والله يوفق بينكم يا رب |
الله يسعدك ياااارب دائم اتسائل اقول انا احبه ولا لا بس والله صرت اكره اشوفه
ولو المسأله مسألة كرامه كان ماسكت على الكلام اللي جرحني فيه وذلني |
|السلام عليكم ورحه الله وبركاته
قرأت قصت كامله بحذافيرها اولآ الله يهدي زوجك ان شاء الله ويرده الى صواب الحق بأذن الله بما اني رجل انا لاحب زوجتى تفتش في جوالى او كمبوتري مهما كان لا تقولين من حق الزوجة تفتش في جهاز رجلها لان فيه خصوصيات وكلآ له خصوصيات ومحد يعرفها مهما كان الانسان وثانيآ انك تقولين لزوجك ان محقي اناظر مثلك هذي والله قوية جدآ والرجل يحقد على المرآه بعذا الاسلوب يعني بدال ما تنصحينه تقابلينه با المثل المفروض تكون الزوجه تنصح با الخير وبهدايه زوجها وخطأك انك قلتي انا منحقي اناظر مثلك....وثالثآ كلمتك له لا صرت رجال تزوج هذي الكلمه على قولتك قوية جدآ في حق الرجال المفرض تكون المناقشة بشكل صريح ما تنطقين بهذه الكلمات الجارحه وبهذا الكلام تبينه يرضى لا والله الى بيحقد عليك اكثر بدال ما تصلحين الموقف زتيه بفلفل حال ومناحية مكالماته للحريم اكيد انه غلطان ويحاول يستفزك باي امر كان واعذريني اني طولت عليك بردي هذا وخلاصه الكلام عليك با الدعاء له با الصلاح والهدياه في كل صلاه والشئ الثاني المصارحه والمناقشة الجادة بجو هادئ وفتح القلوب واعتذري على الكلام الى قلتيه له ان من حقي اناضر مثلك وكلمه لا صرت رجال تزوج حطي عليها خطين احمر با العريض انا ما اقولك انه مو غلطان الى غلطان بس ما فيه احد معصوم عن الخطاء ابن آدم خطاء وخير الخطائين التوابين الله يهدي زوجك ان شاء الله ويرده لك ويجعلك قره عين له ويجعله قره عين لك واكرر اعتذارى اني طولت بردي هذا تحيتي لك |
هلا اخوي algna9
انا والله والله غلطت بس بالله اعتذاراتي مو كافيه ؟؟ والى متى على هالحال وانا ماقلت من حقي اشوف لاااا بس بس قلتله بشوف اللي تشوف ومكالماته مايقصد استفزاز لااااا لانه مايبغاني ادري عنها ومشكووووور اخوي وازين شئ اطالة الرد |
السلام عليكم
والله يا اختي انت شكلك وحده طيوبة ( الله يستر عليك ) نصيحتي لك ( لا تخلين التوافة تغلبك ) وزوجك ما خرب إلا منك .. لان إلي يحب وتعود انه يجلس مع إلي يحبهم لا يمكن انه يقبل الغلط منهم لانه يحبهم وبالتالي فإن اهانته على غلط ارتكبه ومن شخص يحبه شيء ما هو هين ابدا .. و لما قلتيله (( وسألته قلت انت تناظرني نظرة احتقار ودناءه صح ؟ ترى انا ابادلك نفس الشعور اذا قعدت تطالع الحرام )) اكيد كلامك صح لكن المفروض انك ما تكونين مباشرة بهالشكل والمفروض انك تقولين له انا قصرت معك بشيئ عشان تسوي كذا !!! وذكريه بالله عز وجل وبس وهو راح يحس. اكيد راح يحس إذا هو يحبك... في اعتقادي ان الرجل يلوم نفسه كثير في مثل هالحالات ويتمنى ان زوجته ما تكفشه إذا ضعف واستسلم لمثل هالتصرفات .. وهو بزعلته يحاول يفرض احترامه وتقديره لكن انت بكل اسف جرحتيه وما كنت بصفة لما اخطأ. نصيحتي الخالصة لك ( ان ترجعين ) وتقومين بواجباتك تجاهه و حاولي تحبينه زي اول بالضبط ... قولي في نفسك ان اعز انسان على قلبي غلط وانا لا زم اوقف معاه الى آخر لحظة ... تمنياتي لك بالتوفيق |
اقتباس:
اعزميه على عشاء برى البيت بمطعم واتركي اطفال عن الوالدة وافتح جميع المواضيع الى كانت قبل واعتذري له بشكل جدي وقولى له ان الانسان بوقت الغضب يقول اشياء وهو مو حاس فيها واعطيه جو رومنسي بهذا الوقت وكل رجال فيه حنيه وقلب الرجل رهيف مهما كانت المشكال بين الزوجين وبا النهاية ارجو انى قدمت لك لو اشئ القليل بهذه المشكلة ونتمنى لك التوفيق والسعاده بحياتك ويهدي جميع ازواج المسلمات ان شاء الله تحيتي لك |
فهد هاشم
ايواالله طيوبه لدرجة السذاجه بس ماكنكم قلبتوا علي ؟؟ ههه بصراحه نقاش معه مستحييييل لان الصمت يلااااازمه يا algna9 (ياخي ذبحني اسمك وانا احول بالكيبورد انجليزي ) هههه ترى انا اكااااابر الهم وامزح (تنهييييييييده ) طرت علي فكرتك لكن مدري اول كان يستاهل لكن هالحين لا وبعدين احس ان انتهى دوري معه لاني حاولت اراضيه وهو ماحاول بس حاول يجرح والله والله فيه كلام قاله لي الى الالان اتذكره وابكي منه اشكركم من كل قلبي على الرد بصراحه ردودكم تريحني لاني كااااااتمه ولا أحب افضفض لأحد يقربلي |
اسمي القناص كما في الصور
والله متحمس لمشكلت ابيها تنحل باي وسيله كانت لا يستاهل الرجال وكما قلتي انه قالك كلام جارح لك ترى حتى كلامك والله قوي والله ما راح ينساه الا ان يشاء الله سوي الفكرة وتوكلى على الله وهو سيد الرجال وتذكرى ابن آدم خطاء وخير الخطائين التوابين ومتفائل ان شاء الله اليوم تنحل هذه المشكله الى لها تسع شهور تحيتي لك |
ان شالله يالقناص
ااااااه الله يهديك رجعت المواجع والله حننت قلبي والله احس انا الغلطانه مع اني متزوجته من 8 سنين وماسمع مني غير هالكلمتين وهو ولا على باله ان شالله تنحل |
بإختصار ...
هذي قبل لا يكون زوجك هو حبيبك .. عشرة سنين وبينكم اطفال .. تحبينة وتموتين عليه .. بس الشيطان دخل بينكم .. حافظي عليه .. ولا تخلين وحدة (نقط نقط) تستغل ضعفه وتاخذه من بيته وبناته ومنك ياعمري .. حبيبتي ترا ما في كرامه بين الزوج وزوجته .. اقصد عرضي على الجماع .. لبسي احسن لبس وهيئي الجو .. وقولي له "أبيك" .. الله يوفقكم ياااااااااااااااااااااااااااااارب ويبعد عنك الشيطان ،،،،،،،،،،،،، وبشرينا عن اخبارك ........... |
الله يهديه لك يا اختي
انتي حاولي تكلمينه و قولي كل اللى في خاطرك مع كلمات حب و شوق اهو زين انك عرفتيه انك كشفتيه و خبرتيه انك مانتي راضيه على هالوضع و وقفتي له وقفه قويه. يمكن اهو الحين خجلان منك بس ما يبي يعترف (متى الرجال اعترف بغلطه دأما المرة غلطانه)بس الحين اعتري له عن كلامك الجارح و قوليله بكل صراحه انك اعتذرتي له كذا مره و سوتيل المستحيل علشان يرضى و اهو مو قابل.بس و طنشيه لا تكلمينه و لا تحاولين فيه خليه يحس بأهمالك له و انتي عيشى حياتك و امرحي و يا عيالك خليه يشوف الطنااااااااااااااااااااااااااااش و يمكن يحس و يحاول اهو يراضيك الله المستعان على الرجاجيل الله يهديه و يصلح حاله و يرجع لك احسن من الاول |
السلام عليكم ورحمة الله
اختي في الله اصبري وحكمي عقلك لاتستعجلي بأي شي هذا الكره اللي حاملته بقلبك مؤقت بس لانكم متباعدين وبينكم مشاكل .. راح اتكلم معك من البدايه صحيح هو غلطان بوجود ملفات غير اخلاقيه عالجهاز بس في نظره دائما الاحظها عند الرجل ان ممكن هو عادي يشوف اشيا مثل كذا لاكن الحرمه عيب ومايصير انها تشوف مثل ذا الافلام واقولك غلطتي باللي سويتي بس ماتتحملي اللوم كله هو كان السبب في ذا الشي .. شوفي مالك الا الله صلي وادعي في الليل بعد منتصف الليل واكثري الدعاء وابكي في صلاتك (الله ان شاء الله هيستجيبلك لانك مظطره ومحتاجه) بعدين انتي ياتشدي مره ياترخي مره تفاهمي معها واتكلمو حاولي تهيأين جو هادي واتكلمي معاه بدون مشاده او صريخ ...اخر شي اقوله اني مستغربه الحب الكبير اللي كان بينكم ينقلب على هالنحو انتبهي تتكلمي عن حياتك الخاصه وحبكم قدام الناس او حتى صاحباتك واقري على نفسك دايم العين ماترحم ... الله يرجعه لك مثل ماكان |
اختي اميرة الرومانسيه انا مع كلام اخوي القناص من ناحية الفكره
تنازلي لان مهما كان هذا زوجك صحيح انتي ماغلطتي لكن حتى مايخرب بيتك وتمكنين زوجك قبل لايضيع من بين ايدينك واثناء الاعتذار حاولي تذكرينه في سنيين اول وانك مهما كانت الظروف قويه ماتفرطين في حبك له لانك ( وفيه ) وانك عاقله وغير كذا من الكلام بس اهم شي حنني قلبه عليك وقلي له انك تبين مصلحتكم وان الدنيا ماتستاهل هذا الشي كله وفي نفس الوقت لاتسين الدعاااااء لكم بالخير وان الله يفرج همك ويرده لطريق الصواب لان الدعااااء انجح التجارب سبحان الله وطمننيا عن حالك يالغاليه وربي يخيلي لك بناتك ويرد لك زوجك مثل قبل وا احلى بعد |
يا اختي انتي غلطتي من البدايه ما كان فيه داعي تفتشين من وراه حتى وان كان هذ
|
حبيبتي سألتي زوجك ليش هالهجران؟
|
اختي حابه اقولك شي بس لا تنحبطين لأن هذا الواقع الرجال اكره شي عنده ينقاله اذا انت رجال انتي قلتي له اذا انت رجال سوها شو قصدك اذا ماسوها يصير مو رجال يمكن ناوي يسويها او سواها بحجة انه يثبت لك رجولته وشلون 8 شهور متحمل شي غريب
|
بسم الله الارحمن الرحيم
قرات قصتك وساعطيك الحلول مع اني اكاد اكتب حلولي في كل من يسال لكن مع اختلافات بسيطه انتي انسانه طيبه الى ابعد حد ... وغيوره ايضا الى ابعد حد ....ومتفانيه الى ابعد حد ... لذا توجد الكثير من صفاتك التي تحتاج الى ترويض وهذا دورك .... وساعطيك حلول لا تضحكي منها بل نفذيهااااااااااا وانا اتحدى اذا نفذتيها في ظرف اشبوع فقط سيعود لك زوجك كم كاااااااااااااااااااان ..........ز 1 - الصلاه المحافظه عليها في كل وقت ... 2 - ذكر الله والاستغفار والتوبه اليه .. 3 - التوكل على الله وحده هو حسبك وهو سيكفيك .. اجعلي امر ك لله وهو القادر على حله .. 4 - اختاري لك مكان مناسب بالبيت وضعي سجادتك وتوضي وقومي الليل واسجدي واركعي وارفعي يديك وادعي رب العباااااااد بان يهدي زوجك ويرده اليك و يحببه فيك .. 5- ابتعدي عن كل امورك الاوله من تتبع لزلاته ومراقبه له .. 6 - احذري مراقبته بجواله او الشك فيه بيني له حسن نيتك .. 7 - اهتمي ببيتك من نظافه وابناء واكل وكانك توك متزوجه .. 8 - قدمي له كل الماكولات التي يحبهاااااااااااااااااااااا ........... بعض الحلول 1 - احذري مراقبته ابدا ابتعدي عن هالمشكله ........... ................ 2 - بيني له مدي حبك واعتذارك من خلال الورق وابتعدي عن الكلام المباشر على الاقل في بدايه تجربه حلولي.. مثلا اكتبي كل ست ساعات ورقه وضعيهااااااااااا له في مكان مناسب يراهااااااا اكتبي مثلا زوجي الغال زوجي وحبيبي زوجي وابو اولادي من لي غيرك بعد الله كم اخطات بحقك كم لم اعرف قدرك كم وكم ضيعت من عمري وانا غافله عن واجباتك زوجي لا تواخذني بما كنت افعل فقد جهلت حقك واعمتني غيرتي عنك كم قصرت في واجباتك كم حلمت عني كم اذكر حسن عشرتك كم اذكر حبك لي فاندم على كل لحظه ابتعدت عنك فيهااااااا زوجي اقبل اعتذاري فاني لك محبه وعلى طاعتك ساعمل زوجتك المحبه فلانه ........... بعدها استخدمي اسلوب رساله اخرى في وقت لاحق واذكري حاجتك لاحتضانه ولكلامه ولمشاعره وكم تتوقين لذلك - لا حياء بالدين اكتبي له هذا زوجك - ولن اكتب لك رساله هنا حتى لا افهم خطا ولقوانين المنتدى .. .............. اعملي بعد فتره يوم او يومين اذا لم تنفع الرسائل رساله قصيره زوجي الحبي ادعوك بكل فخر لعشاء في بيتنا هذا سابعث بالاولاد لامي وساعزمك هنا الليله ارجوك ان لا تتاخر علي العشاء عند الساعه كذا زوجتك بانتظارك فلانه ........... وقومي يتنظيف بيتك وغرفت نومك واحسني عشاءك وضعي صنوف يحبها زوجك ثم قدمي المائده بفن وذووووووووق تسبقها القهو عامليه كانه ضيف انظري له ابتسمي لا تتحدثي دعيه يبدا اذا انتهى عشاءه اذهبي معه للمغسله ساعديه اذا عاد قدمي له الحلا وماشابهه اجلسي بمقابلته ثم بجانبه لا تتحدثي دعيه ينظر اليك دعيه يعجب بك - طبعا البسي اجمال ثيابك - بعدهاااااااااااااا قبلي جبينه وقولي زوجي ارجوك انسى مامضى ونحن اولاد اليوم سامحني ولن ترى بعد ذلك الا خيرا ارجوك عطني فرصه هذه المره واستكتي سيسامحك زوجك وعيشي حيااااتك سعيده لكن كل ذلك بفضل الله لانك توكلتي عليه وبفضل دعائك الله ان يحنن قلب زوجك ....... ..................................ز اذا لم تنفع الطريق السابقه فاخر الداء الكي صارحيه بحاجتك الماسه ل ....... لان هذا حقك ويجب على زوجك اداءه ولكن هنا اصبري وجربي ما قلت لك .. الله يوفقك ويسعدك دعواااااااااتك لي .. |
شوفي ياأميرة الرومنسية...من الواضح جدا لي أن زوجك من النوع الكتوم الزعول لكنه يحمل في قلبه الطيبة والحبية...اللي أثر فيه وجرح كبرياءه هو تصرفاتك معه (تجسس على مايعتبره خصوصياته كلامك القاسي انك تبادلينه نفس الشعور وهو يرى البلوتوثات...لاصرت رجال تزوج.... الخ) انتي كذا جرحتي كبريائه وحطي على هالعبارة ألف خط وهذا واضح جدا وزاد الطين بله انك تكرشينه على قولتك وهو في قرارة نفسه كأنه يقول الله يشفيها ...معليش هو عايش حالة من الحيرة والذهول لأنه مايتوقع أن كل هذا يصدر من قلب هو متأكد أنه يحبه الذي هو قلبك ..
هااللي فوق كله تشخيص... والعلاج سوي ضد ماسويتيه من جرح لكبرياءه ببساطة عامليه كزوجة وحبيبة وصديقة فقط لا كمحقق استخباراتي رطبي الجو بالكلام الجميل أفهميه أنك لم تفتحي البلوتوث لكي تشاهديه عن رغبة -وهذي لازم يفهمها - اعزميه على عشوة براا ارسلي له مسجات فيها تذلل له ...وبالنهاية لا تتفرعنين عليه ....ولا تنسي بالأول وبالآخر الدعاء والاستغفار ...وأنا متأكد انه يحبك ومو راضي عن الوضع ...ابدي انتي بالمبادرة وستري النتيجة فتاااااكة :) وستسرك بحول الله . |
اختي اميره رومانسيه ..
ان الله لا يغير ما بقوم حتى يغيروا ما بأنفسهم .. ابدئي اختي التغيير من داخل نفسك اولا .. اسلوبك وطريقتك في التعامل مع زوجك من وجهة نظري غير صحيحه .. ليه ما تجلسين الصبح تعملين له الفطور .. ليه تظلين نايمه لحد ما يرجع من العمل ويلاقيك نايمه و مو طابخه له الغدا و مرتبه البيت .. ليه ما تخلين له البيت زي فندق خمس نجوم .. اهتمي ببيتك وبزوجك وبنفسك .. وحسسيه بهذا الاهتمام .. ليه ما تخلينه يلاحظ انك متغيره من ناحية المظهر والجوهر .. اختي زوجك ناقصة اهتمام وحنان .. تبغين تطنشينه و هو اللي يركض وراك بعد ما عملتي فيه اللي عملتي من تفتيش ومراقبة و حرج لكبرياءه كرجل .. زوجك نعم غلط .. لكن انتي ما حاولتي تحتوين الغلط و تحتوين زوجك .. انت باسلوبك خليتي زوجك ينفر منك .. تستطيعين ان تستعيدي زوجك بزيادة ثقتك بنفسك وبزيادة ثقتك فيه .. عامليه معامله طيبه و حسسيه انك مسامحته وان شاء الله ترجع الامور الي الاحسن .. وطمنينا عن اخبارك اختي .. |
اختي اميرة الرومنسية
احس انك مبسوطة على مشكلتك ههههه او انك واثقة من انك تقدرين تحلين مشكلتك بس ( تستطلعين الآراء ) عموما ماني في طور تحليل شخصيتك ولكن ارجع اقول (( احس ان الخلل فيك )) وانك شخصية غير مبالية مع كامل احترامي لك اريد فقط ان اذكرك بما ذكرت به الاخت اميرات ( لا يغير الله ما بقوم حتى يغيروا ما بانفسهم ) والله المستعان تحياتي للجميع |
المشاكل تتكاثر مع المعاصي
الرجوع الى الله بنصحه ونصحه ونصحه كثرة الاستغفار والذكر تطمن القلب ومن صبر فإن الله معه لا تملي الابتسام في وحهه وحسن معاملته حتى يعود اليك بإذن الله احسن من قبل |
الله يوفقك ان شاء الله لكن اعلمي ان الرجل لا يفكر مثل تفكير النساء معليش انا ضدك في امور كثيره الرجل ما يحب احد يعانده اعرفي الاسباب قبل ما تلومينه اولا ليش يشوف الافلام في جواله وعالجيه بالتعويض والصراحه ثانيا الرجل ما يحب احد يقلل من قيمته لانه راح يعاند بطبيعته ثالثا غلطتي بدل ما تكسبينه بصفك انك تطنشينه وهذا اكبر غلط اكسبيه في صفك واعرفي الاسباب والرجل له نزوات يندم عليها اذا لقى الصدر الحنون والصديقه قبل الزوجه غيري طريقتك معه كانك تعرفينه لاول مره او متزوجه جديد خليه يتفاجأمن التغير وراح يرجع لك احسن من اول واعلمي ان بعض الرجال اذا كان فيه خلاف مع زوجته والمده طويله شوي عند اول اتصال من امراه بالغلط على جواله راح يجاري الاتصال انا اقول البعض ولا اعمم لكن المراه يجب ان تكون صديقه قبل زوجه ولا تخلين اتصالاته مع هذه المراه تكبر اكسبيه في صفك اهتمي فيه اعطيه الشي الي راح يبحث عليه برا الرجل كالطفل يحتاج الحنان والعطف والدلع والله يهديك ويهديه ويسخركم لبعض.
|
| الساعة الآن 11:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©