|
أيتها العانس كيف علاقتك بأهل بيتك؟
بسم الله الرحمن الرحيم
السلام عليكم و رحمة الله و بركاته ذكرت في العنوان لفظة ( عانس ) لأني بديت استسيغها انا ( عانس ) ولا مفر !! و بصراحه ألي خلاني أكتب هالموضوع هو أني توني طالعه من مشكله مع أبوي مالي ربع ساعه بس << من كثر مشاكلي صرت أتأقلم بسرعه أما بالنسبه لعلاقتي معاهـ حاليا هي لازينه ولا شينه يعني عادي جدا صح أني حاقدهـ عليه لكن مهما كان مالي ألا هو لازم أتمصلح وياه ألين يفرجها ربي و أفتك وبالنسبة للبقيه أمي أعزها وااااجد ولو أن فيه مشاكل بينا يتخللها بعض العبارات ألي تذكرني فيها أني ( عانس ) و بعض الدعوات ألي تعودنا عليها !! و اخواني منشغلين بأنفسهم و قليل ما أجلس معاهم و مع ذلك تصير لي معاهم مواقف بس الحمدلله مو مرهـ أما خواتي علاقتي فيهم أحلا شيء أحس لولا وجودهم في البيت كان يمديني أنحشت من زمااان بس من جد انا هاديه وفي حاااالي لكن إذا كلمني أحد يا ويله !! صرت حساسه من أي شيء و بالذات لو انظلمت و دائما أفكر لو كنت طالعه من بيتهم ما كان هذا حالي لكن شكل لأني طولت عليهم ( و عنست ) ببيتهم نزل قدري عندهم و حسبي الله على كل من كان له يد بـ( عنوستي ) قريب كان أو بعيد !! |
مرحبا أختي
صدقيني رغم الآسى الذي نشعر به والكبت ببيوت أهالينا إلا ان وجودهم نعمة بحياتنا وحتى وجود بيت يحتوينا نعمة من الله وانا مااتكلم بمثالية لكن هذه حقيقة اشغلي نفسك بوظيفة أو دراسة ولاتشعرينهم ان وجودك ثقيل بالعكس حاولي ان تستمهي بالحدود المسموحة والله يرزقك بالزوج الصالح وبمملكتك الخاصة يارب |
مرحبا عبير الرياض
تصدقي سؤالك جعلني أفكر في مصيري لو لم أتزوج و بقيت في بيت أهلي و تزوج اخوتي عن جد موقفي سيكون صعب و مؤلم و لكن هل تتصوري ستتغير علاقة أهلي معي لو طالت اقامتي لديهم ؟ عن جد أقلقتيني يا عبير علاقتي بأمي و أبي الحمد لله و الشكر,, فيما لم تتدخل اطراف اخرى , و لكن اذا تدخلت فيصبح الجو مشحونا حسبي الله على كل من يزرع المشاكل بيننا عن جد شيء مؤلم ... |
متزعليش يا عبير
هما في النهاية أهلنا أحلي حاجة في حياتنا حتي لو حسينا أن هما بعاد عننا لكن مجرد و جودنا معاهم بيدينا طمأنينة و أمان و أحنا عندنا النت بيسلينا و وميحسسناش بأي فراغ |
يا مرحبا بالوفية لوالديها
بما أن علاقتك جيده فيهم حاليا فهذا شيء طيب لكن شيء طبيعي العلاقه تتغير شوي شوي إذا طول الواحد ببيت أهله يمكن الأهل عندي غير .. ما أدري !! هلا جويرية شوفي يا ستي أنا حاليا أتمصلح معاهم لأن مااااالي غيرهم و أحاول اتجنب مشاكلهم قدر الإمكان لأني كبرت على الهواش و المضارب لكن ياليت هما يفهمون!! و بالنسبه للنت أنا ما أنكر اني أقضي فيه أغلب وقتي و صايره مدمنه نت لكن اذا تبين الصراحه أتمنى الفكه منه اليوم قبل بكرة لأني أخااااااف على نفسي الله يعين بس |
عليكم السلام ورحمة الله وبركاته
اقتباس:
وعصبت زيادة لما شفت اسم اللي كاتبه !! وش فيك عبير ؟ لاتكبرين نفسك توّك ماوصلتي العنوسة بس قولي فيه صفارة انذار لكن بدري مسميات والقاب إذا كبّرتي عمرك بصير معك وبعدين بيضيق صدري ويقلب المود صفارات انذار مو وحده وأنا ماصدقت توازنت شوي لأنك من البنات اللي أحسهم متفائلات وواثقات بالله وبأنه بكره أجمل بإذن الله لاتقولين حاقدة على أبوي مهما كان ياعبير قولي الله يهديه الله يسخره الله يطمنه باسمه واكسبي أمك بدعوات منها ومهما قالت ترى من حرّة قلبها يضيّعون بالتعبير وماتطلع معهم إلا كذا وسعي صدرك بدراستك وجددي علاقاتك مع الطالبات والفرج قريب برضاك ورضى والدينك بس قولي يـــــــارب .. |
هلا بالغاليه
هي صفارات إنذار وبس ألا شامين ريحة العنوسة كماااان بس تصدقين حلوهـ كائن غريب : ) الله لا يذوقك العنوسه يا غاليه أبوي يا غاليه مشاعري اتجاهه مو بإيدي و الله و بخصوص أمي انا جربت البعد عن بيتنا قرابة الـ5 شهور بس يا غاليه كانت إذا مر يوم مادقيت على وقتي هي تدق وتسئل عني أحس أنها كانت فعلا تحبني مو مثل ألحين مرابطه 24×24 صايرهـ تبي الفكة!! ما نقول ألا يــــــارب |
اقتباس:
الله يحفظ عليك دينك وعقلك ويثبتك ،،، ويرزقك الزوج الصالح الي يقر عينك ويعوضك يااااااااارب .. |
هلا جنّة الدنيا
و الله أحس نفسي قاب قوسين أو أدنى و المشكله أحس فيني رغبة انتقام من الأهل و بالخصوص أبوي وهذا ألي مخوفني !! |
اشتئتلكون يا صبايا <<< عناد ماني قايله ياعوانس من كرهي لهالكلمة بالنسبة ياعبير للعلاقة مع الأهل الحمد لله تمام وخصوصا أُميمتي هالأنسانة ما أوفيها حقها ابد صابرة وراضية ولا عمرها حسستنا بتأخرنا أنا وخواتي بالعكس كاتمة همها ولا تشكي لأحد لا قريب ولا بعيد الله يعظم أجرها ويجزاها الفردوس الأعلى.. أما الوالد ما تتخيلين وشلون شايل همنا ومتضايق من تأخرنا بشكل كبييير وأحيانا تطلع منه كلمات تسم البدن على قولتهم بس أنا ما أشرهه عليه رجال كبير ولا يتحكم بانفعلاته هو قلبه طيب بس غصب عليه أحيانا يقول كلمات من غير تفكير والله يحلله ويبيحه ويعظم أجره على همنا ويجزاه ووالديكم أجمعين الفردوس الأعلى لكن المشكله مو في الأهل... المشكله باللي برى البيت القرايب والمعارف.... تخيلي كل ماأروح مناسبة أو حتى زيارة لأحد أردد هالدعاء حتى يكفني ربي شرهم!! اللهم اكفنيهم بما شئت.. واللهم إني جعلتك في نحورهم وأعوذ بك من شرورهم همسة في إذنك ياعبورة وسعي صدري على أبيّك وتراك مالك غناة عنه وادعيله أن الله يلين راسه ويسخره لك .. ولا تشيلين بقلبك عليه .. واجبك تبرينه حتى لو أساء لك وصدقني عليك بالدعاء له .. أن الله يهديه ويسخره لكم وبإذن الله بتلقين نتيجة دعائك والله ما يخيب عبد رجاه |
همة عالية
هلا فيك يا صبيه الحمدلله أهم شيء العلاقة بأهل البيت أما غيرهم من ألي برى احتكاكك فيهم مو قوي يارب يفرجها عليك و أخواتك قريب الله يجزاك خير يا همه على الهمسه و بإذن الله بينصلح الحال دعواتك لنا |
تشكيلي أبكيلك
شوفي العيب مو فيكي إنتي.. هو الإنسان لم يكبر خلقه يضيق ويصيروا عصبيين لو تلاحظي عصبيتهم مو بس عليكي.. على كل شي أنا أمي صارت تقول لي إنتي حساسة لمن أحلل مواقف الآخرين وأقول كان قصدها كذا وقالت كذا عشان تقهرني ومن هذا الكلام أرد عليها إي عانس وأتبلى على الناس !! تنفجع وتسكت شوفي لو حطيتي فبالك راح تتعبي ، عن نفسي أشغلت نفسي وأي أحد يتكلم معي أقول له مشغولة إلا طبعا لو طلبوا مني شي أنفذه بسرعة لكن أتخاشى الإحتكاك معهم لمدة طويلة هذا الحل الأنسب لتشتري راحة البال.. ينقضي اليوم على كذا بسهولة.. أسأل الله تعالى أن يفرج همك وييسر أمرك عاجلا غير آجل.. اللهم آمين |
عبّورة ،، ممكن سؤال ؟!
كم عمره أبوك ؟؟ |
مب مرتاحة ببيت أهلي أبدا ,, كل شي بحساب لين خلاص طفشت هم مب فارقة معاهم أننا ما تزوجنا ,, أما اخواني الشباب زوجوهم حتى لو ما كان عندهم الرغبة ,, خايفين عليهم !!! أبوي الله يهديه ,, ما كد سمعته يدعيلي بالزوج الصالح أخوانا الشباب عندهم أهم منا نحنا البنات تخيلوا أبوي يدعي لبنت أخوي اللي توها سنتين أن يشوفها عروس ويشوف عيالها ونحنا البنات ما سمعناها منه أمي ,, أحيانا أحس منها اهتمام وخصوصا لما تفكر فينا بعد عمر طويل ,, منو بيهتم فينا !!!! خلاص ما أقدر أكمل حاسة بغصة :( |
عبورة
حتى أنا أفكر أنتقم ,, ومب صعب ترا |
مرحبا Miss Hawaii
صادقه أمي أحسها كل سنه عن سنه أشد و أصعب في تعاملها على أنها مو كبيرة مره أهلا جنّة الدنيا 46 سنه |
الفــتاة
تعوذي من الشيطان يا بنت و مين قال مو صعب .. ألا أصعب من الصعب ما أتكلم عن الأهل هم في ستين داهيه << خربتها أنا أتكلم عن عمري أنا ما أقول ألا الحمدلله أن ربي مايجازي على النوايا و يالغاليه حاولي تبعدين هالأفكار لأنها مضرهـ و تتعب و يمكن بأي لحظة ضعف يستغلها الشيطان لصالحه ألا أكيد أبليس مافيه أحرص منه على المعاصي أعوذ بالله من أبليس و نحن في ابتلاء لازم نصبر عليه ولا ننسى الإلحاح بالدعاء و كثرة الطاعات الله يفرجها علينا قريب |
الله يكون بعونكم وييسر اموركم ويرزقكم بالزوج الصالح
امين عذرا اختي عبير الرياض .. ولكن اردت ان اعلق على الاخت " الفتــــــاه" وبالأصح هذه العباره ... وربما يجيب على استفسارات بعض الاخوات اقتباس:
ولكن ربما الوالد حفظه الله لايريد جرح مشاعركم اي .. " وخلينا نتكلم بالعامي علشان اوصل لك المعلومه صح " الوالد الله يخليه لك يمكن مايدعي لكم قدامكم علشان مايجرحكم .. او خايف على مشاعركم او ممكن تقولوا جالس يتشمت فينا ولكن يمكن يدعي لكم في نفسه او اذا كان لوحده او في صلاته وانا متأكد انه يدعي لكم بالسر ومتأكد انه حاس باللي انتم فيه ويتألم لما يشوفكم قدامه وده انكم كلكم في بيت ازواجكم .. لكن ماوده يدعي لكم قدامكم علشان مايجرحكم انا مثلا عندي اخت عمرها 18 سنه .. يعني مو كبيره ولا شي لكن مستحيل ادعي لها بالزواج قدامها مو معنى هذا اني اكرهها لا وربي اللي رفعها سبع وارخاها سبع مو كرهـ لكن علشان ماتقول هذا يبي الفكه مني << وانتم تعرفون قد ايش البنت حساسه وربي اتمنى لها افضل عريس بالكون لكن ماحصل هالشئ مع العلم انو يتقدم لها عرسان لما نجي نسأل عنه اذا كنا مانعرفه يطلع لنا عيوب تخلينا نرفضه واكثرهم قلة الدين ومع العلم ان بعضهم يتقدمون وهي ماتدري واحنا بدورنا اخوانها ..لأن الوالد متوفي .. نسأل عنه ويطلع مايصلح لها ونرفضه وهي لسه ماتدري مو معنى ذلك اننا بنقطع رزقها او متجاهلين رأيها ؟؟ لا والله .. بس نبي لها الافضل اما من ناحية رأيها فهو بتأكيد اهم شي واقسم بالله العظيم ماراح تتزوج الا برضاها وماعاش من يجبرها واحنا احياء حتى لو كان اقرب قريب لكن احنا نتجنب نقولها في البدايه علشان ماتتحسر او تفهمها خطأ وتقول ماخذو رأيي او يقطعو رزقي .. مع اني ادري ماراح تقول هالكلمه لو مدري ايش .. اختي واعرفها زين زين لكن نتجنب المشاكل وانتو عارفين الضغط يولد الانفجار يعني لما تدري ان جاء عرسان تقدمو لها ورفضناهم وش راح يجي في بالها ؟؟ اكيد مع الوقت راح توسوس وفي النهايه تنفجر .. والشيطان حريص لكن اللي ابي اوصله لك ان مو كل واحد مايدعي لك او مايتكلم معك بهالموضوع انووو مايحبك .. لكن اكيد خايف على مشاعرك في الاخير اعذروني على الاطاله .. وان شاء الله وصل لك اللي ابيه الله يوفقكم وييسر اموركم ويرزقكم بالازواج الصالحين ويهني كل متزوج ومتزوجه بشريك حياته ويبارك فيهم و لهم وفي ذريتهم ويرزق كل عزوبي وانا واحد منهم بالزوجه الصالحه يارب :d:22: اخوكم شوق والم |
رسالة عاجله الى الاخت عبير الرياض والى كل اخت تطلق على نفسها مسمى عانس
انا اختي تزوجت وعمرها 15 سنه بالغصب لولد خالتي وجابت ولد وتطلقت بعد 3 سنوات وأخذوا ولدها منها وبعدها تزوجت ولد عمي وهي الزوجه الثانيه وجابت ولد وتطلقت منه بس ولدها عندها وبعدها تزوجت واحد من جماعتنا وجابت بنت وتطلقت منه وأخذ البنت بحجة الدراسة وعمرها الحين 32 سنه ونفسيتها الله لا يوريكم دايم تقول لو ما تزوجت كان أحسن لي كل واحد من اعيالي لحاله الله يوفق الجميع لما يحبه ويرضاه |
اقتباس:
اللي تتكلم عنه هنا مب أبوي ,, معقولة ما أسمعه يدعيلنا ولا مرة !!!! قبل لا يتزوج أخوي الصغير كنت أسمعه دايما يلّح عليه بالزواج وأنه يتمنى يشوف عياله قبل لا يموت ( الله يطول في عمره ) لين ما تزوج أخوي والحين عيال أخوي عنده غالين ولا حد يقدر يقولهم شي أو يرفض لهم طلب لأنهم غالين عيال الغالي فكر في أخوي الصغير ولا فكر فينا ,, هذا اللي جرحني وباختصار ,, أبوي ما يريدنا نتزوج اقتباس:
أختك الله يحفظها بعدها صغيرة ,, أنا في ضغف عمرها ,, احسب كم عمري عاد ,, كبيرة صح ؟ يوم كنت في سنها ,, ما كنت أفكر بالزواج مثل الحين لأني صغيرة ولاحقة وكونك أنك رفضت من تقدم لها بسبب عيوبه فهو يختلف عن الرفض النهائي اللي بدون أسباب أو بسبب ما أقول عنه إلا تافه ,, وعالعموم أختك بعدها صغيرة وما تعرف تحكم على المتقدمين لها وانت ما شاء الله عليك مبين أنك مهتم فيها ومب مقصر معاها . وأنا ما قلت أن الوالد ما يحبني ,, لكنه يفضل أخوي علينا وهو الأهم عنده ونحنا مجرد بنات قاعدين في البيت لا نروح ولا ني ,, مهما سووا فينا فغصبا عنا قاعدين .. ويا ليت عندي أخو مثلك يهتم فينا ,, يمكن ما كنت فكرت حتى بالزواج ,, لكن أخواني مب هامنهم ,, ومب فارقة معاهم ,, أبوي يقول غيركم بنات وايد ما تزوجن ,, مب انتن بس اللي ما تزوجتن ,, بالله عليك شو معناه هالكلام ,, ما له غير معنى واحد لو ظليتن بدون زواج لطول العمر عااااااااااااااادي وفي بقلبي أشياء وايد بس ما ودي أقولها ,, لأني أكيد بنفجر من الصايح وجزاك الله خيرا أخوي على الدعاوي اللي دعيتها لنا |
فرج الله همك اختي الفتاهـ .. وجعل الله لك من كل ضيق مخرجا
ورزقكم بالازواج الصالحين التقاهـ وتأكدي " لن يغلب عسر يسرين " وانكٍ لن تموتي الا مستوفيه رزقك بالكامل اسأل الله ان يكون عاجل غير اجل لكِ ولكل مسلم ومسلمه اخوك شوق والم |
شكرا على مشاركتكم
الله يجزاكم خير |
يالله يابناااات
الله يرزق كل وحده فيكم الزوج الصالح عاجلا غير اجلا الله يعينكم ويصبركم والي لهااا نصيب بتاخذه في اخت في الله في احد المنتديااات تقووول انه سبع من صديقاات اختهاا تزوجوو بسبب مداومتهم على هذي الايه ونفس الاخت الي وضعت المووضوع دوامت على الايه وتقدموو لهااا لكنهااا رفضت بسبب دراستهااا جربو يابنات منتوا خسرانين شي الايه (( ربي إني لما انزلت إلي من خير فقير)) اتوقع الايه رقم 14 من سورة القصص اقروهاا كل يوم مئه مره والله يسعدكم وانااا معاكم.. انااا توني صغيره وخايفه يفوتني القطاار بعد هههههههه :) يعطيك العافيه حبيبي عبير والله يوفقك يارب |
|همسآآت|
الصغير بكرة يكبر الله يجزاك خير و شكرا على النصيحه سمعت بالقصه كثير لكن مالها سند قوي |
| الساعة الآن 10:44 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©