|
سؤال !!! في أول زيارة لزوجتي بعد الملكة !!!
إذا رحت لرؤية زوجتك لأول مرة بعد الملكة وجيت تسلم عليها هل تبوسها (وش رايكم)
الاشراف : تم تعديل العنوان ., بالتوفيق . |
سؤالك غريب
بدايته تقول اذا رحت لرؤية زوجتك" يعني يا رجال ونهايتة تقول " وش رايكم يا بنات " يعني فهمنا لو سمحت لمين وجهت سؤالك |
افهمكم قصد ابو خالد
ابو خالد يسأل هل يجوز للرجل ان يقبل زوجته عندما يراها اول مرة بعد المكلة؟ ويوجه سؤاله للبنات ليأخذ رأيهم ويعرف هل اذا وضعوا في نفس ها الموقف ماذا تكون ردة فعلهم وانا اجيبك اخ ابو خالد بعد الملكة هي اصبحت زوجتك بشرع الله ولك الحق في ان تقبلها وتصافحها وما الي ذلك ولكن ثاني يوم علي طول شئ صعب شوي لان البنت بتكون لسه محرجة ومش متأقلمة علي وضعها الجديد بان اصبحت زوجة ولكن بالتدريج تنال ما تريد بل تصافحها عادي جدا ومرة او مرتين ثم تمهد لها انك بعد ذلك ستقبلها او تحضنها او ما شئت فقط لحفظ ماء وجهها وليس اكثر من ذلك وفقك الله لما تحبه وترضاه ومبرووووووووووووووووووووووووووووووووووووك علي المكلة |
احسها احراج اخرها شوي الله يوفق لك وييسر لك امورك ان شاء الله
|
انا بعطيك رأيي كبنت ومملكه
بصراحه احس إحراااااااااااااج مرررررررره لو كان قبلني بعد الملكه على طول .. خطيبي اول مرتين زارني بعد الملكه كان بس يصافحني .. بالنسبه لي احس كذا افضل عشان ما انحرج زياااااااده وعشان اعرف اقول كلمتين على بعضها :).. بس بعدين خلاص بدى يخف الحيا وصار عادي يبوسني حتى انا كنت متقبله الموضوع .. يعني مو على طووول طبعا كان قبلها يمهد في المكالمات عشان كذا ما تفاجأت .. |
أحسها قوية شوي و بالأخص إذا كان معكم شخص آخر
البنت بنتحرج خليها للمرات القادمة يكون أحسن الله يسعدكم و يوفقكم و ألف مبروك |
اقتباس:
samour أحلى من العقد الزاجل مشكورين على تفاعلكم |
انا على العكس احس فيها من الجراءة والذكرى الجميلة فيما بعد
فقد خضت نفس الموقف واحس اني لا يمكن انساه مع العلم انه في وقته محرج بس كان له وقع ولا ينسى والف مبروك |
لآلآلآلآلآ
حرآم المسكينـــة ... بيغمـى عليهـــــــــــآآ<<< جست جوكنــق أول مـرة ... سلآم من بعيد أو حتـى باليــد ... وعلى ماا تتعـود عليكـ. إن شالله تصير الأمـور طيبـه ... أول ما تشــوفهـآ .. قرب صوبهـآ يعي حسسهـآ إنك تبى تسلم .. وشوف ردة فعلهـآ إذا بـآن عليهـآ إنهـآ متقبله ... مدلهـآ يدك,, وإذا لا ,. يكفــي سلآم من بعيـد !!!! وتقبل مروري |
الافضل مو من المره الاولى لكن الجلسة لها ظروفها ممكن يكون الوقت مناسب
|
يفضل انك تنتظر مو من اول الزيارات اول الزيارات خليها بس مصافحة باليد وبعد فترة اذا حسيت انه حاجز الخجل انزاح بينكم قبلها اذا جيت بتطلع عشان الاحراج يكون شوي اهون والمرة اللي بعدها اذا زرتها وسلمت عليها قبلها بتكون تعودت شوي الله يوفقكم ان شاء الله ويسعدكم |
أنا خطيبي جريء شوي في أول زياره بعد الملكه ( ثاني يوم من الملكه ) سلم علي وقبلني والإحراج اللي فوق كذا قدام واحد من أخواني حسيت اني خجلانه موووووت ،، بس بعدين حسيت انها ذكرى حلوووووه ماتتنسي أبداااااا
أتمنــى لك التوفيق مع زوجتك ياااارب ،، ونصيحه كون على طبيعتك دايما قدامها ،، تحياتـي لينـــــــــــا |
اعتقد انه من اول مره ممكن يكون صعب شويه خليها بعد كام مره علشان تكونوا اخذتوا على بعض
|
الله يجزاكم خير ما قصرتوا من كلامكم شكلها صعبة من جد
بس أعجبتني فكرتك يا روز إذا جيت بتروح |
انا من رايي بدري شوي اخرها
|
بالعكس البنت تحب الشاب الجرىء اللي يبدأ هو بالمبادره
توكل على الله يارب يسعدكم والف مبروك |
اظن انك تساير الامور بالمهل لحين تتاقلم البنت وياك وتصير متعودة عليك هدا رئى والله يوفقك في حياتك الزوجية |
اعتقد إن فيها نوع من الإحراج حتى للشباب راح ينحرج, والله يستر لايطيح قبل يبوسها ....
الله يوفقكم ويجمعكم على الخير والطاعة ويبعد عنكم الشيطان وأعوانه .. بارك الله لكم |
يا أخوان ...يا كرام ... لا تجعلوا الوضع معقدا ... وهو أسهل من شرب الماء ... جعلتم المرأة أمام الرجل كأنها لغز يصعب حله ... أنا من أشد المنتقدين على الرجال خصوصا ... كثرة استفساراتهم عن أمور أعتقد كما يعتقد غيري أنها دون المستوى ... يا أخي تصرف على سجيتك وطبيعتك ... ما تراه انت مناسب ففعله ولا تطلب المشورة من أحد خصوصا في موضوع بسيط كهذا .. أنظر إلى تباين الآراء في سؤالك البسيط هذا ... فالأعضاء فيه بين طرفين .... فكن انت المرجح ... دمت بحفظ الرحمن ... |
| الساعة الآن 05:12 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©