|
زوجي الله يحفظه اموت فيه لكن قهرنى
اخواني اول شي احمد الله واشكره لانه رزقني بزوج فيه مواصفات تتمناها اي بنت في زوج المستقبل دين وخلق وادب وجامعي وميسور ماديا واهل كثير طيبين معاي وهو دايما مبتسم ويكره النكد ويحب صلة الرحم ومستحيل يفوت صلاة بالمسجد وتبارك الله ثقافته عاليه كثير لما اعصب مثلا يبتسم ويقولي قولي كل اللي بخاطرك واتكلم وهو عيونه بعيوني ويهز راسه ويتفاعل معاي واخر شي يحضني وبصراحه لو اكون على اخر درجة تعصيب مجرد مايحضني انسى كل شي وتصير الدنيا بعيني من احلى مايكون..!!!
اكيد بتسالون طيب وش مشكلتك؟؟ اولا انا صارلي سنه و8 شهور متزوجه والف حمد وشكر مستانسه ومرتاحه الله يرزق كل خواتي بجاه وجهه الكريم...بس فيه مشكله صغيره قاهرتني هو عمره 28 سنه وانا 25 الان يعني اقوله ابغى عيال وهو يبتسم ويقول ((على فكره هو اكبر نصاب ولسانه ينقط عسل)) ياحياتي خلينا نستانس بحياتنا شوي ودي اشبع منك وللحين حنا صغار لاحقين على العيال بعدين انتي بوكرا تصيرين تهتمين فيهم وتتركيني مين يهتم فيني الشغاله تهتم فيني اقوووووووووولكم نصاب كبير مع انه والله العظيم يموت بالاطفال عنده بنت اخته بس يرجع من الدوام الظهر ويتحمم يحطها بحضنه وينامون مع بعض واحيانا يخلص دوام يمر عليهم يجيبها معاه ويجي..وانا بعد اموت بالبنوتات وربي ودي الله يرزقني ..يعني مدري كيف يقيس الامور من جهه ادري فيه يمووووت بالاطفال ودايما يلاعب عيال اخوانه وخواته والصغار يموتون فيه يعني هو كثير حنون وياخذهم للسوق ويشتريلهم لو كان مشغول يترك شغله بس لايكسر خاطر حد فيهم ومن جهه ثانيه يقول ويحلف انه خلص بعد رمضان الجاي اذا الله احيانا وحجته يبي يعيش حياته معاي وبصراحه هو عنده هوس باهتمام المراه بنفسها كان شرطه علي من اول ماتزوجنا اننا نسجل بنادي مع بعض وسجلنا انا وهو بنادي فيه قسم نسائي وجنبه واحد رجالي واكثر الل يجونه عوائل لما اخلص انا تدريب اشوفه ينتظرني بالسياره وماعليه اثار تدريب اقوله ليه ان شاء الله ماتدربت؟؟؟ يقولي انا من طلعت على الدنيا وانا ادرب ومهتم بجسمي بس انتي لازم تحافظين على رشاقتك!!! شاهدي من الكلام معقوله الهوس وصل فيه لهالدرجه انه مايخلف علشان مايخرب جسمي!!! ارجع واقول وربي احلى زوج فدددديته الله يطول بعمره دين ووسامه وكشخه وعلم وكل شي بس فيه هذا العيب ودي يكون عندي اطفال حتى اختى تزوجت السنه اللي طافت وعندها بنت وليش انا لا...ترى كلمت اهله وكلهم معاي ويكلمونه بس هو نصاب لانهم هم بعد مثلي كلهم يحبونه ومحد يقدر يزعله |
لاحقين على الاطفال تاكدي مع وجود اول طفل راح تتغير حياتكم نهائي استمتعي مع هذا الرجل الاكثر من رائع
|
صارحيه بانك تريدين الانجاب
وقوليه اني احبك واتمنى ان يرزقني طفل جميل ووسيم مثلك لان الا يام تمضي والاطفال جميلين ان يكونوا بين الزوج وزوجته رعاكم الله |
اولا ماشاء الله تبارك الله ..
لاحقة ياعسل على الاطفال وقدري النعمة ((اقصد شريك حياتك)) والله يديمها عليك وادعي ربنا هو الي بيرزقك بكل الي تتمنية .. |
ما أدري شقول لك بصراحة..
ماحبيت أطلع بدون مأترك لك دعوة.. الله يرزقك بالذرية الصالحة البارة اللي تسعدك بالدنيا والاخرة |
دخلت اقولك ......
الله لا يحرمكم من بعض واضم صوتي للاخت اللي قالت استمتعي بحياتك قبل الاطفال .. لان الرشاقة والرومانسية بتسين راحتك فيهم بعد اول طفل ،، واسالي اي مجربة .... الله يحفظكم ولا يغير عليكم ... نصيحة اختي .. لا تتحدثي بصفات زوجك في المجالس ولا تتحدثي فيها لاي أحد فالعين حق غاليتي ............ الله يوفقك ويرزقك كل ما تتمني ... أم حمزة |
اولا الف مبروك،
انا كان عندي نفس المشكل انا و زوجي لنل نفس العمر و صار ليسنة و نصف زواج و لما قررنا (هو الي قرر) ننجب الله ما رزقنا و الان انا راسي واجعني و نفسيتي كثيلر تعبانة من كثر الادوية و التحاليل و الدكاترة و زوجي بعد بدا يتعب نفسيا ،و هدا كله لاننا كنا رافضين نعمة ربنا ،لهدا انصحك خوفيه من الله ،و الله ندمت و ندمت "قدر الله ما شاء فعل"يعني 8 اشهر كفاية من المتعة و الدلع و السفرات ،ربي يهنيكم و يسعدكم و يرزقكم بالذرية الصالحة. |
ربنا يرزقك بالذريه الصالحه ويخليلك زوجك ويديم عليكم السعاده والهناء
|
ماشاءالله تبارك الله والاولاد لاحقة عليهم
|
وهل تستعملين وسيلة لتمنع الانجاب؟
اظنك تعلمين انك ان استخدمت وسائل تعوق الانجاب قبل ان ترزقي باطفال ربما تسبب مشاكل تؤخر الانجاب فيما بعد فاحترسي وبخصوص الموضوع فرايي ان تعيشي حياتك وتستمتعى اللحظة واعلمي ان كل شىء بقدر واذا قدر لك الانجاب الان فلن يستطيع احد منعه ربي يسعدكم ويرزقكم بالذرية الصالحة |
اقتباس:
|
اقتباس:
والله اني كلمته وجيته باللين بس ماينفع معاه مباشره يقبل الموضوع لضحك ومزح ويضحكني وينسيني موضوعي الاصلي قايلتلك نصااااااااااااااااااااااااااااب كبيررررررررررر هو |
اقتباس:
|
اقتباس:
|
اقتباس:
نصيحتك هذي تذكرني بخالاتي وخواتي دوم يقولون لي وانا توبت اني اتكلم قدام الناس اللي اعرفهم بس انتن خواتي هذا احساسي وبعدين ماتعرفوني يعني من هالباب ودي اقول اللي في قلبي سواء مدح او ذم وغايتي بس احطكم في الصوره على اساس تساعدوني بس بكل الاحوال خوفك علي واهتماك عندي بالدنيا يااميره ياربي يطول بعمرك ويوفقك ويخليكي يااصيله انتي |
اقتباس:
لا الزعل ينفع معاه والا اللين ينفع واحترت بنفسي وعلى فكره موضوووووووووووووووعك مرررررررررررره ارعبني وانا راح اقوله اليوم على قصتك يمكن يتعض |
اختي ترف واختي ranrona
الله يجزاكم خير ويطول باعماركم ولايحرمكم ممن تحبون اللهم امين |
اقتباس:
ورقه وقلم ويحسب وانا اقول ياربي يغلط بس واحاول اغلطه بس والله هو حررررررررريص لابعد مماتصورين ولما يشك يستخدم طرق تضحك نصاااااااااااااااااااااااب والله نصاب وضحوووووك مدري شلون تصير. الحمدلله على كل حال ...ااااااااااااااااااه يااختي استغفر الله ياربي والله اطالع وجهه احيانا اقووووول مايستاهل هالوجه يزعل حتى لو انحرمت من الاطفال يالله عسى ربي يعوضني عن صبري ان شاء الله |
الله يرزقك بالعيال ويهدى زوجك ويوافق
|
اسمعيها نصيحه من اختك انا عندي صبي متل القمر وحامل ببنت الله يجيبها ويقومني بالسلامه والاولاد هادول نعمه الله يديمها ويرزق كل مشتاق ومحروم وانا اموت بزوجي تقريبا معظم صفاته صفات زوجي وبالعكس هو من كان متلهف عالاولاد وبالفعل حبلت بعد 7 اشهر زواج ولم يثبت الحمل المهم ان اول سنه زواج هزه احلف بيها والله حتي هو وحبلت المره التانيه بعد 8 اشهر من الاجهاض الاول وكنا ندوب ببعض بغض النظر عن الخلافات البسيطه وبعدين بمجرد مجئ الطفل الاول وبرغم اني لم اقصر مع زوجي ولم ياخزني حب ولدي منه بل زاد ارتباطي به وحبي له قالها لي"ابنك اخدك مني" وبالفعل تغيرت كل امور الحياه وبعد ان كان من الممكن ياخدك زوجك وحبيبك علي كافيه تتعشون مع بعض وتستمتعون سويا اختلفت الضهرات وصارت لها اشكال اخري
صحيح زوجك يحب الاطفال ولكن استمعي لكلامه وخزيها نصيحه "اشبعوا من بعض " ولاحقين الاولاد ان شاء الله |
تصدقون يا ناس ....
ما قد شفت حرمه تقول على رجلها ما فيه عيب ... لازم تطلع عيب فيه مهما كان...... ارحمونا حرام عليكم ... الله يرزقك بالذرية الصالحة البارة اللي تسعدك بالدنيا والاخرة ... |
الاطفال بهالزمن ماوراهم الا النكد..
تمتعي مع زوجك بس.. طلعي كل طاقتك والله بعد اول طفل راح يحدث تغيير كبير في حياتكم اسالي مجرب ولا تسالين طبيب :) وبالتوفيق |
مدام توك لك بس سنه ونص استااااااااااااااااااااااااااااااااااااانسي والله خواتي يتمنن انهن ماحملن بسرعه بس عشان يستانسن مع ازواجهن وهو معه حق لان اول طفل تنقلب حياتك وتصير الرومنسيات قليلة او نادره استانسي وسافري للمكان اللي تبينه مدامك خفيفه بكره ان شاء الله ربي يرزقك وتذكري كلامي هذا الله يديم اللي بينك ان شاء الله
|
اقتباس:
, .... والله ضحكتني الله يسعدك دنيا وآخره .. , , الأخت الكريمة بنت وايل نصيحة لوجه الله خلي زوجك على راحته والله إذا حملتي ستجدينه يبتعد عنك شيئا فشيئا لأن الحمل باختصار : تقيؤ , مافي أكل , دوخه , آلام في البطن , مافي خروج من البيت .. زوجك راح تصير فيه ردة فعل عكسية .. خاصة إذا كان يحب يطلع معاكِ ويجلس معك وتأكلون مع بعض لأن كل هذه المشاهد ستنتهي بمجرد الحمل .. واسألي مجرب .. فأنا أقول : إمشي على كلام زوجك لأن بكره إذا صار ينفر منكِ راح يحط اللوم عليك ويقول أنتي إلي خليتيني بهذا الشكل .. أتمنى لكم التوفيق بالدنيا والآخرة .. , , |
سبحان الله المال والبنون زينة الحياة الدنيا الله مايحرم المسلمين ويرزق كل مشتاق بالذرية الصالحة
على فكرة فى كتير مخلفين اطفال كتير ومهتمين بازواجهم وبرشاقتهم المشكلة لا قدر الله اعرف صديقات لى الوسيلة اللى بيخدوها عملت عندهم عدم انجاب وضعف فى التبويض ثانيا ده رزق ليه تمنعوا الرزق انصحك مفيش حاجة توطدت العلاقة بين الزوجين اكثر من الاطفال وعلى فكرة كفاية تعلقه ببنت اخته فكيف تعلقه بابنائه واتقى الله الاولاد نعمة لا يدرك النعمة الا من حرم منها اسال الله ان يرزقك والمسلمين ذرية صالحة |
الله يجمعكم على طاعته هنيئا لك أختي الكريمة و صدقيني انت حصلت على رجل رائع .
مبروك . |
الله يسعدكم مع بعض بس حيرتيني!!
|
شكله ريلج نصاب من نصابين الجنوب: )... نفس ريلي : )
اختج قمورة |
تكاد الردود أن تكون كلمة اتفاق أن تجعلي المور تسير في سيرها الطبيعي .. وفقك الله أختنا الفاضلة ..
|
باين ان زوجك رافض فكرة الانجاب علشان تحافظي على رشاقتك
يعني يرفض نعمة ربه علشان رغبات جنسية هو من حقه بس اللي يحب مو يحب علشان الجمال والرشاقة يعني المظهر الخارجي المفروض يحبك علشان جمالك الداخلي انا زوجي يحبني انا جميلة الحمدلله ورشيقة بس زوجي دايم يقولي يبي اطفال اقوله بيخترب جسمي يقولي مو مهم بتكونين حلوة في عيني مهما صار الااطفال نعمه |
والله ياختي وانتي توصيفين كانك توصفين زوجي الله يحفظة
نفس التفكير والطباع بس لما شاني متلهفة على العيال ما استخدمنا اي مانع بس كان يتمنى ان اتاخر في الحمل طبيعي من الله ولكن الحمد لله ابدا ما اتاخرت 3شهور بعد الزواج وحملت بتوأم بنات الله يخليهم قالي بس خلينا اربيهم ونعتني فيهم وبعدين انفكر في الثالث بس الله رزقنا وما شفت نفسي الا حامل وجبت ولد بعد 2ونص من البنات الحين يقول خلاص الحمدلله ومن ناحية المعاملة بالعكس هو اللي شال العيال ورباهم معاي يسهر الليل اذا احد فيهم مرض وما ينام الا بعد ما ينامون صراحة ابد ما اتغير معاي بالعكس حسيت انو صار احبني اكثر والعيال اقربون ما يبعدون وبعدين كل ما يشوفك تعبانة يقرب منك ويحاول اخفف عنك دام هو احبك فلا تخافين من العيال وظلي دافعي عن حقك |
أنا رأيي انك تخلينه على راحته واستغلي الفرصه هذي انبسطي بحياتك قد مااااااتقدرين عشان لو بكره جبتي عيال وانكبت عليك المسؤوليات بتحنيين لهالأيام الحلوه ... لاتنسين ان العيال مسؤولية العمر كللله .. بس أهم شي تتأكدون من سلامتكم وأن ماعندكم أي مشاكل تعيق الإنجاب ...الله يحفظكم من كل شر ..
الله يسعدك دووووووم يارب وكل المسلمين والمسلمات .. |
الله يسعدكم ويرزقكم الذرية الصالحة
|
خواتي حبيباتي اخواني الافاضل الله يجزاكم خير وينولكم اللي في بالكم ماتصدقون شكثر كلامكم اثر فيني
وانا بالنسبه لي خلاص والله اخذ عهد على نفسي اني مااكلمه خصوصا بعد اللي صار امس!!! تعالوا اقولكم وش صار امس . امس قبل صلاة العشاء قال خلينا نروج لجدتي اليوم وناخذها معانا نحضر الدرس ((فيه درس يقدمه احد الشيوخ الله يجزاه خير كل يوم سبت بعد صلاة العشا)) بعدها رحنا وصلنا جدته وهي انسانه جدا محترمه قليلة الكلام وحكيمه وهو يحبها كثير ويستشيرها بكل حاجه وهي بعد تموت فيه المهم قلت هذي فرصتي بس وصلنا بيت جدته كلمتها وقلت لها ياجده كذا وكذا وابغى اطفال وطبعا هذي مااول مره اكلمها المهم بعد شوي هو دخل علينا كان تقوم جدته قالت تعال ياووووولد هو حس كان يبي يهرب قالت اقولك تعال كان يجي وهو منزل راسه وطبعا حس اني كلمتها ويطالعني ويضحك المهم قالها امري ياست الحسن يا ياااااااااا ياااااااااا وصار يمدح بجدته طبعا هو اكبر نصاب بالعالم مايخلي احد يزعل منه ((قلت بقلبي طاحت جدته الحين)) المهم كلمته وقالت خلص نبغى نشوف ضناك وكذا وهو جلس بيني وبين جدته وامه موجوده واخته بعد كان يقوم النصاب ويمسك خدودي ويقول لجدته حلفتك باله حلفتك بالله هالوجه هذا الطفولي ((وبعدين حط يده على بطني)) وهالبطن الزغنطوطه هذي ممكن تخلف هذي اصلا طفله زغنونه هذي اصلا تبغى مين يرعاها اصلا انا مااتخيل انها تحمل وتجيب عيال هذي بيبي وووووووووووووووووووووووووووووووووووووووووووووومن هالكلام اللي نصب بنصب طبعا انا اعترف اني بلحظتها طحت واعترف انه لو قال بهذيك اللحظه انه مايبغى عيال بحياته اقوله تم ههههههههههه لانه نصاب ياناس وربي مااقدرله اعتررررررررررررررف مااقدرله,,, المهم جدته قالت له خلص يانصاب بكيفك بس راح تندم ..كان يقلب على جدته لا يالغاليه اني الغلا وانتي الحلا وانتي وانتي وانتي وماخلا كلمة مديح ....باختصار هذا نصاب عالمي لذالك انا خلص والله ماراح انكد عليه مسيره هو يجي ويطلب مني وبالنسبه لكم يارب انه يوفقك كل شخص فيكم ويخليلكم كل غالي ويجعل ايامكم كلها فرح وسعاده والف الف شكر لكل من نصحني وبصراحه كلماتكم كان لها وقع على تصرفي معاه على الاقل قدرت ارسم خطوط عريضه لعلاقتي المسقبليه معاه. ومره ثانيه الف شكر لكم |
اول شي اختي اقول لك ..ما شاء الله تبارك الله ...والله يوفقك لما فيه الخير
ومسألة الانجاب هذا شي عند الله حتى لو اعتقدنا عبثاً اننا نمتلك الاسباب ، لكن مو هذا المهم .. المهم انا من زمان كنت خايف عليكي كنت قريت لك موضوع لكن مدري ليش مارديت عليكي , انصحكي اختي انك تتكلمي عن مشكلتك وبس >>يعني لا تعطين الناس تفاصيل زيادة قد تكون لاتفيد في حل المشكلة ....لأن العين حق>>>طيب حنا بعالم افتراضي >>معاكي بس الامور هذي ماتعرف نت ولاغيرة وبعديـــــن ليه المغامرة ,, ختاماً : الله يوفقكم لما فيه الخير وحصنتكي بلا اله الا الله اخوك /عاقل بن فاهم ولد وايـــــــــــــــل |
اقتباس:
وبنفس الوقت اقدر خوفك علي كأخ والشكر بعد موصول لاختي ام حمزه اللي ذكرتني قبل بهالنقطه ولكن الله يشهد ياخوي غايتي من الشرح هو فقط علشان تتعرفون على جوانب شخصيتي انا وزوجي واهله على اساس تكون الصوره واضحه للحل لا اكثر وقبل شوي قريت رد وحده من الاخوات الله يحفظها قالت هو يفضل الجنس على نعمة ربه وانا متاكده انها لم تقرا مواصفات زوجي لانه بالفعل شخص يخاف الله كثير والى يومنا هذا محافظ على دروس المسجد شاهدي انه رغم كل الشرح ولاتزال الصوره غامضه.المهم هذا اللي حبيت اقوله من غايته بالاسهاب بالشرح ولكن الحمدلله على كل حال احمد واشكره ياخوي لان رب العالمين يستاهل الحمد اللي وفقني بزوج واهل زوج بصراحه ماكنت احلم فيهم ...ومره ثانيه اقول الله يوفقك وينولك اللي في بالك ويجعل لك في كل خطوه وسلامه ويفتحها بوجهك وين ماتروح . بس فيه عندي سؤال محيرني بصراحه ليه مركزين كثير على موضوع العين يعني انا اعررررف كثيررررر كثيرررررررررر زوجات وازواج عايشين مع بعض احلى عيشه ودايما حياتهم هناء وسعاده وبالنسبه للمشاكل تصير يعني ولكن بحدود...اما اذا تقولون قليل فبصراحه انا اشوفها كثير هنا في المنتدى بس لان المنتدى ماجاء علشان يطرح ((اللاحلول)) المنتدى مختص بالمشاكل فلا يجب ان نعمم تجربة المشاكل بالمنتدى على اغلب حياة الناس .....خلونا نشجع العزوبيات والعزاب عسى الله يوفقهم. كلمه اخيره..مافي احلى من الزواج اذا كان فيه تكافؤ الطرفين...وتفاهم بس بس بس |
كل ممنوع مرغوب
إذا شاف زوجك إلحاحك راح يرفض وإذا طنشت موضوع الأولاد وتناسيتيه راح يطالب فيهم جربي هذا الأسلوب يمكن ينفع معه والله يوفقكم دنيا وآخره تقبلي مروري السريع[/b][/b][/b] |
الله يسعدكم ويرزقكم الذريه الصالحه
|
انا خطيبى على فكره كان شرط عليا بعد الجواز مفيش خلفه إلا بعد سنتين
عشان نعيش حياتنا مع بعض لكن تخيلى غير رايه دلوقتى عشان انا بحب الاطفال جدا وهو من حبه ليا بصراحه مابيرفضليش طلب ربنا يخليه ليا ويقرب مابينا ولا يبعدنا عن بعض ابدا ويبعد عنا العين لان العين دى سببت مشاكل مابينا الله واعلم هاتتحل امتى اختى خدى بالك الحسد ذكر فى القرآن وانا حياتى الان شبه مدمره مع خطيبى بسبب الحسد ادعيلى ارجوكى |
اخوي مهندس العلاقه
اختي همساااااااااااااااااااااااااااات اختي المصريه جزاكم الله خير على دعائكم ونصحكم الله يقدرني على الصبر بس اللهم امين |
| الساعة الآن 01:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©