|
ابشركم.. خطـــــبت باركولي...
بسم الله الرحمن الرحيم
هلا اخواني واخواتي الغاليات .. بلامقدمات طويله انتم تذكرون موضوعي اللي تعتبكم فيه معي يالغالين اللي كان عنوانه يارب تعبت معها ساعدوني.. ووصلت الردود ل190 رد والحمد الله يشهد الله اني استفدت من ردودكم حبيت ابشركم اني خطبت الحمد الله وخطبت بهالسرعه لاني مستعجل ابي اتزوج لاني راح اسافر لبريطانيا دوره لمده خمس شهور بالصيف وراح تصير هالدوره شهر عسل وشغل بنفس الوقت .. واللي خطبتها تقرب لنا من بعيد وهي من الرياض عن طريق وحده من خالاتي ولله الحمد.. وسالت عنها وعرفت من خالاتي انها الحمد الله ست بيت ممتازه وراعيه ذوق بالاكل وفن ووتحمل المسؤليه لاني بصراحه ماعندي استعداد اربي وحده من اول وجديد والمؤمن مايلدغ من جحره مرتين.. وسالت عن الدين والحمد الله قالو انها راعيه دين وماتترك الفرض وتصلي بااخر الليل وانا ابي وحده تعيني على ديني وخليت خالتي وامي يسالون الناس اللي مالهم فيها صله قرابه كيف اخلاقها والحمد الله طلعت ونعم البنت من اصل وفصل ومن ناحيه الشكل كلمت اختي وشافتها وقالت هي مملوحه يعني مقبوله الشكل لكن اهم شيء الاخلاق.. هاذا الموضوع باختصار اما من ناحيه طليقتي فانا الشهاده لله اني مشيت بمشورتكم قبل لاكلم الشيخ واتاكد وارسلت جميع اغراضها من ملابس وذهب واشيائها الخاصه بشنطه وخليت السواق يرميها عند الباب.. والله يااخواني احس براحه عجيبه واحس انه كأن هم كبر الجبال وانزاح عن صدري باذن الله راح اتزوج باللي تحبني وتقدرني وتحطني بعيونها وراح اخلي حياتها افراح بافراح.. اليوم طلعت اتمشى مبسوط ومرتاح .. وبالي راايق. فعلاا بعض الزوجات تقلب حياتك جحيم بمعنى الكلمه .. طليقتي السابقه اهلها الا الان متمسكين فيني حتى امها دقت علي وحاولت فيني اني ارجع بنتها وان بنتها غلطانه لكن خلاص انتهى الموضوع بالنسبه لي.. وهي مادقت الا يوم درت اني خطبت وانا حرصت اني اوصل الخبر لها عن طريقتي الخاصه .. باذن الله انا خطبت اللي تبي تقدرني وتحطني بعيونها وراح اسوي عرس خيالي بمعنى الكلمه... وراح اخصص بطاقه خاصه دعوه لعرسي لطليقتي مع امها عشان يعرفون ان فيصل الف وحده تتمناه بلافخر وان البنات كثير . لكن حظي السيء خلني اتزوجها.. عموما مالكم بطول السيره انا حبيت ابشركم وحبيت تشاركوني فرحتي وحبيت اشكر كل شخص ساعدني واعطاني نصيحه ويعلم الله اني ادعو لكل من نصحني وجزااكم الله الف خير ... اخوكم المبسوط فيصل.... |
الله يبسطك ويسعدك ويوفقك (آمين)
ألف ألف ألف مبرووووك . |
اللهم لك الحمد حتى ترضى ولك الحمد إذا رضيت ولك الحمد على كل حال ...
اللهم لك الحمد كم من هم فرجته وكم من أيم زوجته وكم من كرب نفثته ... اللهم هذا أخي فيصل أحبه في الله ، بارك له في عمره وأهله وماله ... اللهم يسر الخير له واصرف الشر عنه ... اللهم يارب البريات وياسامع الحاجات هذا أخي فيصل عوضه خيرا واجعل أموره إلى خير ... اللهم أدم السعادة عليه واجعله من السعداء الذين لايشقون أبداً ... اللهم رضه وارض عنه ... اللهم صلي وسلم على نبينا محمد وعلى آله وصحبه وسلم ... الله يبشرك بالخير وأسأل الله أن يبارك لك ... أخي الفاضل فيصل قرأت موضوعك السابق أكثر من أربع مرات ولم أكن أود أن أضيف شيء حتى أجد أن عندي كلام مفيد غير ماقاله الإعضاء لك ... أخي ماشاء الله عليك ونعم الرجل في عشرتك وفي تعاملك وفي إحسانك لأهلك وأسأل الله أن يوفقك لما أنت مقدم عليه ولكن هالله الله أخي فيصل وأنت صاحب الخلق والدين وأنت والله رجل المواقف والرجال قليل لا تجعل للشيطان مدخلا عليك وتكون خطبتك أو أسلوب تعبيرك للفرح فيه انتقام لطليقتك احذر أخي وتذكر قول الله ولاتنسوا الفضل بينكم ... أخي اعرف كم هي كانت معاناتك وكم كانت خسارتك وكم وكم ولكن اعفوا واصفحوا هو أقرب للتقوى ومن عفى وأصلح فأجره على الله ... أخي والله أخاطبك وأطلبك وأذكرك وأنت رجل شهم صاحب خلق ودين ... فلا يراك الله إلا محسنى ... أخوك أبو عبدالعزيز |
الله يوفقك اخوي والف مبروك الله يسعدك ويهنيك ويتمم لك على خير
|
الف مبروك ياعسل
وانا بعد ابشرك متكلمين فيني ههههههههه لا جد والله فيه حكي يعني عسى الله يرزقنا اللهم امين |
ماشاء الله تبارك الله ،، الله يوفقك ويسعدك ويعوضك خير ..
فرحت لك كثيـــــر والله لأنك تستاهل، وزين إنك سألت شيخ ورجعت لها أغراضها .. وخلاص اقطع الي بينك وبينهم نهائي حتى الزواج ماله داعي تعزمهم، كأنك تتشمت فيهم أو تبي تقهرهم !! وإنت إن شاءالله أكبر من هالأمور ،، خلاص هذاك ماضي وانتهى ويكفي الي سويت فيهم ،، الطلاق لوحده أكبر عقاب ممكن تعطيهم إياه، وإنت ماشاءالله ماقصرت عطيتها كلام من العيار الثقيل وعقبه أرسلت أغراضها بطريقة مهينة ،، يعني أخذت حقك وزيادة، فخلهم الآن فيهم الي كافيهم ... أما عن العروس الجديدة فماشاء الله تبارك الله ،، الله يبارك لك فيها ويجعلها خير زوجة ،، أنصحك ياأخي الكريم إنك ماتجيب لها طاري طليقتك الأولى لابخير ولابشرّ نهاااااائيا لأنك لو جلست تسب فيها بتطيح من عين زوجتك وبتقول هذا ماله خاتمة .. وانتبه تكرر نفس أخطائك الي في زواجك السابق، كل شي يزيد عن حده ينقلب ضده ،، دلّع لكن بحدود ... ربي يوفقك ويسعدك وييسر أمرك ويسهل دربك .. |
مبروك أخي الفاضل ...
والله يوفقك لما فيه سعادة الدارين ... لكن نصيحة من أخت ... بلاش ترسل كرت دعوة لا لطليقتك ولا لأمها... هي أكيد حست بغلطتها ومجروحة فلا تزيد عمق جرحها .. أرجوك .. خليك أحسن منها وادعيلها يجيها اللي يسعدها وتسعده ،، واحنا ندعيلك الله يسعدك مع اللي اخترتها وتكون الزوجة الصالحة اللي تقر عينها فيك وتقر عينك فيها .. وبارك الله لكما وبارك عليكما وجمع بينكما على خير ... أختك .. أم حمزة |
الحمد لله
الله يعطيك خيرها ويكفيك شرها.. والله يهدي طليقتك ويصلحها ويرزقها زوج تحترمه وتقدرة.. لكن أتمنى مايكون في قلبك شي من القهر والإنتقام لطليقتك.. لأني حسيت منك أنك ودك تقهرها.. ياأخي أتركها وأنساها وعيش حياتك من جديد وأبدأها صح.. لاتقول بسوي عرس خيالي لأن الله نهى عن الاسراف التبذير.. اللي تقدر عليه تصدق فيه للفقراء والمساكين بنية إنه الله يوفقك في حياتك الجديدة والله ولي التوفيق |
ألف مبرووك ..
ماشاء الله تبارك الله .. الله يتمم لك على خير ويسعدك .. وأنا مع أختي جنة الدنيا .. والله يوفقك ويرزقك الذرية الصالحة .. ولاتنسى دعائك لطليقتك بأن يعوضها الله خيرا .. |
الف مبرووووووووووووووووووك
الله يوفقك ويعوضك ويسعدك في حياتك الجديدة واهم شي انك تدعي لنفسك ولخطيبتك بالتوفيق اما طليقتك لاترسلها و لا لامها بطاقة دعوة خلاص لان اللي بينكم انتهى ويكفيها الم طلاقها0 |
الف مبرووووووووووووووووووووووووووك ولكن
لا يأخذك حب الانتقام اخي الفاضل خلاص ما كفاك انك طلقتها يعني اكبر اساليب التأديب وذاقته خليها تفتكرك بالطيب اللي انت عيشتها فيه ولا تنهيها بقلة احترام وشماتة على قول المثل وانت رايح كثر من الفضايح بس عندي استفسار واتمنى ما يكدر صفو سعادتم ليه ما اعطيت زوجتك فرصة ثانية يمكن غيرت من نفسها كثير وكبرت وعقلت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
اقتباس:
هلا اخوي ابو عبد العزيز يااااااااااالله احرجتي والله داعوتك اثرت فيني واحرجتني بكلامك الطيب فعلاا رب اخ لك لم تلده امك.. والله ماقد سمعت احد يدعي لي مثل هالدعاء الا والدتي حفظها الله جزاااااك الله الف خير يالغاااالي والله انت اسم على مسمى انسان غير وانت غير بسمو اخلاقك وتعاملك ... وربي يوفقك ويسعدك دنيا واخره .. ومن ناحيه الدعوه هي ليست انتقام يالغالي بس هي تذكير بأنها فقدت شيء لايمكن يتعوض .. لاني حبيتها من قلب لكن الشيء اذا زاد عن حده انقلب ضده.. |
اقتباس:
جزااك الله الف خير اخوي.. |
اقتباس:
|
اقتباس:
على انها غلطانه ولازم تغير اسلوب حياتها كليا اذا تزوجت من شخص ثاني .. وان الحياه والزواج مو طلعات وتمشيات وسفريات وصرف فلوس.. الزواج اخذ وعطى ومثل مالرجل يعطي ينتظر الطرف الاخر يبادله نفس العطاء.. ومن ناحيه سؤالك عن اني ارجعها... الحياه صعبه ويالله الشخص يستحمل نفسه واخطائه فمابالك لو يقعد يستحمل اخطاء الاخرين.. عموما الله يستر عليها مع غيري.. |
الف مبروك ياخوي فيصل والله يسعدك بس ياخوي لاتجرح طليقتك يكفيها الندم اللي تشعر فيه واكيد الحين اهي نادمه على قد شعر راسها وانت اكبر من انك تنتقم او تجرح مشاعرها وان شاء الله تتوفق بزواجك واتمنالك السعاده .
|
قال الله تعالى :*وان تعفو اقرب للتقوى ولا تنسوا الفضل بينكم ان الله بما تعملون بصير*
أراد رجل أن يطلق زوجته ، فقيل له : مايسوؤك منها ؟ قال : العاقل لا يهتك ستر زوجته . فلما طلقها قيل له : لِمَ طلّقتها ؟قال ما لي و للكلام فيمن صارت أجنبية أخي الكريم أولا ألف ألف ألف مبروووووووووووووووووووووووووووووووووووووووك جعلها الله قرة عينك وجعلك قرة عينها وجمعكم على خير يارب... أخي الكريم بما أن الله كرم عليك ورزقك فما لك من تلك من أصبحت اجنبية استعيذ من الشيطان وخلك رجل شهم اللي ما تهزه امراة أو ينزل لهالمستوى لا تضرها لا بالقول ولا بالعمل مالفائدة من هذا كله.... فكر بمستقبلك الحين وادعي ربك ان يهديها ويصلحها ويبارك لك في زواجك القادم....ألف مبروك مقدما |
الف الف الف مبروك ان شاء الله تكون متل ما تمنيتي اخي وان شاء الله زواجا مباركا بادن الله
|
اقتباس:
يفرحك كمافرحتي لي.. ومن ناحيه نصيحتك اختي الكريمه بأني اقطع علاقتي فيهم هاذا اللي بيصير فعلاا على الرغم من بعض محاولاتهم لتصليح الوضع لكن انا قررت وانتهى الموضوع.. ومن ناحيه اني مااجيب طاري لزوجتي الجايه عن طليقتي فهاذا شيء اكيد لانها صارت من الذكريات فقط... وانا طبعا راح انسها تماما لاني غارق مع العسل باذن الله مع زوجتي القادمه.. ومشكوره على نصايحك مره ثانيه ... ^_^ يرجى مراعاة حدود التخاطب بين الجنسين .. وفقك الله .. |
ألف ألف مبروك
الله يهنيك ويوفقك |
الله يوفقك يااخوي وييسر امرك وان شاء الله تسعد مع زوجتك
ليس لدي نصائح جديدة غير مااتفضلوا به عليك الاخوان والأخوات غير أنني أنبه لاتجعل فرحك مباهاة لطليقتك ولاترسل لها بطاقة زفافك لأنها قد تتصرف تصرف يحزن زوجتك الجديدة ولربما تسببت بفضيحة فحسب ماوصفتها اراها غير عاقلة.. موفق إن شاء الله أختك حائزة |
مبروك ..
مادري وش سالفتك مع زوجتك الاولى عطني الرابط لو سمحت! |
الف مليون مبروك اخوي فيصل الله يسعدك ويوفقك مع العروسه الجديده والله العظيم اني فرحت لك فرحه ماتنوصف وانشاء الله ربي راح يعوضك ببنت الحلال الي تحترم الزوج وتعرف قدرك لانك نادر في مثل ها الزمان ونصيحه لاترسل كرت ولاترسل لهم شي بعدين يفكرون غلط ويقولون ماقدر ينسى بنتنا ويوصل الكلام للعروس ابعد ياخوي عن الشر وغنيلو الله يسعدك مره ثانيه ويبعد عنكم الاعين تحياتي لك ولا تنسى اخوانك واخواتك بعزيمه الفرح
|
السلام عليكم ورحمة الله وبركاته,
اخوي "حنون بس متعذب" ما اعرف عن موضوعك الاول ولا اريد اعرف اهم شي عندي انك مبسوط ومرتاح مع زوجتك الثانية والله يكتب لكم الي فيه الخير ويجمعكم دائما على خير في الدارين...وعفى الله عما سلف والرسول صلى الله عليه وسلم عمره ما انتقم لنفسه وما في داعي تكيد زوجتك الاولى فخبر خطبوبتك اظنه كافي عليها والله يكتب لها الخير. بالتوفيق. |
مبرووووك
وبالتوفيق اخي الكريم الله يعوض كلا بخير |
طالما انت اخوي مقتنع زادك الله قناعة وسعادة والله يوفقك ويسعدك ويسخرلك زوجتك لسعادتك فتكونان لبعضكما نعم الانيس في الغربة والله يسهلها عليكم
|
اقتباس:
|
الف مبروك اخوي .. وربي يسعدك ..
|
الله يسير امورك وتتهنى بزوجتك الجديدة وتعوضك باذن الله كل الي فات و إن شاء الله تبدا معاها من جديد..........وانا متاكدة واثقة إن شاء الله انك بعد الزواج راح تعيش بعالم ثاني غير تستغرب منه عن ايام القهر والدلع و البرود.........تستاهل والله اني فرحت لك كنك اخوي.
ادعي لي الله يحقق الي اتمناه |
(( حنون بس متعذب ))
اسئل الله ان يوفقك مع زوجتك ويرزقكم الذريه الصالحه ويجمع بينكم بالخير واهم شي عليك بالدعاء بالتوفيق معها وبالنسبه لا اغراض طليقتك جميل تصرفك انك رجعتها لها ريحتني وانا مع رأي بعض الاخوه انك ماترسل دعوات ولا شي لا اهل زوجتك لانه مو لازم يعرفوا عن حياتك الجديده اهم شي تكون انت مبسوط في عش الزوجيه والناس بكيفهم لا سمح الله لو تكون فيه عين من احد او نظره هنا بتتمنى ان احد مايعرف عن حياتك اي حاجه وبالاخير لاتنسى ان تحصّن نفسك بالادعيه والاذكار ولاتنسيك ليلة الزواج دعاء الاذكار والتحصين والله يوفقك ويسعدك ويهنيك لك مني اجمل تحيه |
ألـــــــــــــــــــــــــــــف مبرووووووووووووك
الله يسعدك دنيا و آخرة و يهنيكم يـــــــــــــــارب ويتمم لك على خـــــــــــــــــــــير |
اقتباس:
السحر والعين منتشرة هالأيام انتشار النار في الهشيم !! شي ماتتصوره خاصة بين الحريم للأسف !! الحقد يعميهم الله المستعان .. عشان كذا خلك بعيد وانسهم ولاتحرص إنهم يعرفون أي شي عن حياتك ،، وإذا كان قصدك تعطيها درس فصدقني ماعقب الطلاق شي !! وحافظ على وردك اليومي لاتنساه أبدا، ولاتتكلم عند الناس عن فلوسك وأملاكك أبداً ،، وتذكر قول الرسول صلى الله عليه وسلم: (استعينوا على قضاء حوائجكم بالكتمان) .. الله ييسر أمرك ويحفظك من كل شر .. |
الف الف الف مبروك
الحمد لله المنتدى بدت تدخله الافراح الله يديمها واسال الله التوفيق لك في حياتك القادمه ونصيحت اخت كون مع الله حتى يكون معاك وراقبه في كل عمل واجعله خالص لوجهه لارياء ولا انتقام وانسى الماضي نهائيا وابداء صفحه جديده جمليه بيضاء نقيه واسال الله ان يتتم لك فرحتك ويسرلك زواجك ويتممه على خير ويكفيكم شر كل ذي شر واكثر من الاذكار اليوميه وياريت ماتعرف طليقتك خبر زواجك لان ما احد يضمن الناس بها الزمن وبالتوفيق |
ماشاء الله.... تبارك الله مبروك عليك ألف ألف مبروك ..الله يهنيك ويسعدك ...أخي الكريم فيصل .. أوصيك ياأخي أن لاتنسى دعاء الذي يقال عندالدخول على الزوجة في ليلة الزواج .... {{اللهم إني أسألك من خيرها وخير ماجبلت عليه ؛ وأعوذ بك من شرها وشر ماجبلت عليه }} أما مافات أنساه بكل آلامه ولاتتذكره ...وأكثر من الحمد والشكر لكي يزيدك الله من نعيمه ... قال الله تعالى :- (لَئِنْ شَكَرْتُمْ لَأَزِيدَنَّكُمْ ) 7 إبراهيم .. أسأل الله لكَ .... [اللهم بارك له في سمعه وبصره وقلبه ؛ وتب عليه أنك أنت التواب الرحيم اللهم أجعله شاكراً لنعمك مثني بها عليك ؛ اللهم أسألك له خير الدعاء وخير النجاح وخير العمل وخير الثواب اللهم أرفع درجاته وتقبل صلاته وأغفر خطيئته اللهم أسألك له الدرجات العلى من الجنة؛؛ اللهم زده ولاتنقصه وأكرمه ولاتهنه وأعطيه ولاتحرمه وآثره ولاتؤثر عليه وأرضه وأرض عنها ؛؛اللهم أكثر ماله وولده وبارك له فيما أعطيته ؛وأطل حياته على طاعتك وبارك له خطيبته وجعلها زوجة صالحة تقر عينيه بها] آمين ..آمين .. اللهم صلي على نبينا محمد صلى الله عليه وسلم ... |
الله يوفقك ويسعدك والله تستاهل كل خير وعلى فكره أنا كنت من المتابعين جدا لموضوعك مع طليقتك وحتى اني كنت مسافره وهناك ظليت متابعه أول بأول <<<<<قصة حياتي : )
المهم نصيحتي لك مثل ما قالوا لك الأعضاء انتبه انك تعزمهم ولو جو يمكن تصير سالفه بالعرس تنكد عليكم ليلتكم وهالشي أبد ما له داعي ولاتنسى لو وصل الخبر للعروس انك عازم طليقتك بتفسرها شي ثااااااني وهذا الكلام متأكده منه حنا الحريم هذا تفكيرنا !!! وأقولك مره ثانيه الله يسعدك ويوفقك وإذا بتسافر 5 شهور ضروري تكون زوجتك تكون ربة بيت لانها بتعتمد على نفسها وهالله هالله بالبنت ... |
الف مبروك منك المال ومنها العيال وعسى الله يسعدكم ويهنيكم
|
الف مبروك الله يبارك لك ويوفقك يارب
بس طلبتك لاتردني لاترسل دعوه لطليقتك هي اكيد ميته الف موته واذا في قلبك مشاعر انتقام اكيد انك باقي تحبها وتبي تقهرها وهالحب متصور لك بكره اطلب الله لك بالتوفيق ولاتخرج عن المألوف في الزواج حتى يبارك لك ربي فيه |
,
, ألف ألف ألف مبرووووووووووووك يا حنوووون .. وياليت تطلب من الإدارة أنهم يشيلون ( المتعذب ) من إسمك .. الله يبارك لك ويتمم لك على خير ويؤلف بين قلبك وقلب خطيبتك الجديدة .. ولكن ..!! الكرت لاترسله لطليقتك لأن العشرة إنتهت وكن كما قال الله تعالى ( أو تسريح بإحسان ) .. الله يوفقك .. , , |
الف الف الف الف الف الف مبرووووووك
|
الله يوفقك و يكتب لك اللي فيه الخير .. لكن نصيحة اخت لأخوها اذا تبغى السعادة وراحة البال مع زوجتك الجديدة ، لا تفكر نهاااائيا في طليقتك حتى لو لم تكن امام الزوجة الجديدة ، لا تفكر لو على سبيل رد على موقف او اثبات ان الف وحدة تتمناك انت اللي يهمك انك تكون سعيد مع زوجتك الجديدة مو انك ترد على طليقتك .. ارجو ان تتقبل نصيحتي و تعمل بها من الآن ، فانا متزوجة من رجل مطلق و الحمدلله نعيش في سعادة ولكن سيرة طليقته هي ما يعكرها ويسبب بعض الخلافات احيانا ، لذلك تعلمنا انا و زوجي ان لا نفكر فيها و لا نأتي بسيرتها نهائيا برغم انه انجب منها طفل ، و نصيحة اخرى عليك بالدعاء و الاستخارة حتى في موضوع زواجك الجديد
الله يسعدك و يوفقك لما فيه الخير |
| الساعة الآن 02:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©