![]() |
ساعدوني وربي ادعيلكم من قلبي
تأخرت دورتي 3 أسابيع
عملت فحص حمل عن طريق البول ( أعزكم الله ) ظهرت النتيجه بأول خمس دقائق خط واحد << يعني مو حامل لكن بعد ثلاث ساعات أو اربع يظهر لي خط شفاف ثاني هذا اللي محيرني رحت بالجهاز للصيدلي قالي الخط هذا مو شي وفاعلية الجهاز تنتهي بعد عشر دقايق يعني مايصلح تعتمدين على الجهاز بعد ساعات فاعليته بالدقايق الاولى عملت فحص بالدم امس قالوا لي مافيه حمـــــل أنا مقتنعه ان مافيه حمـــل وحمدت الله على حال وخيرها بغيرها ان شاء الله بس اللي محيرني الخط الشفاف هذا وشو مع ان كل الصيدليين قالوا لو مو شي أبي اي وحده خبيره تقولي وش الخط الشفاف اللي يطلع بجهاز فحص البول بعد عدة ساعات ؟ وهل الثلاث اسابيع كافيه لفحص الحمل بالدم ؟ |
ما اعرف والله
لكن الله يوفقك ويرزقك باللي تتمنيه |
تسلمين والله ماقصرتي ..
بس ابي الاجابه من صاحبات الخبره لاني متزوجه جديده وابغى اعرف وهل سبق انها مرت عليكم هذه الخطوط الشفافه بجهاز فحص الحمل |
عزيزتي::::::: انا في حملي الاول اللي سقط طلع لي الخط الثاني شفاف وكنت حاااامل
اما في حملي الان في ثواني طلع لي خطين حمرااان الله يرزقك اختي... إذا تأخرت الدورة يومين تقدري تسوي تحليل الدم في المشفى وهو ادق واضمن......... |
اختي العروسه الصغيره .. الله يرزقك يارب ويتمم عليك
بس بسأل الخط الشفاف هذا طلع لك بثواني ولا بعد ساعات ؟ وهل تحليل الدم ادق من تحليل البول ؟ |
أكيد تحليل الدم ادق بكثييييييييييير من البول انصحك بالذهاب غدا لعمل التحليل........اذا كان حمل الف مبرووك واذا كان لا رح يعطونك علاج ......3 اسابيع مو قليلة.......
انا تأخرت يومين ورحت سويت تحليل الد وتطلع النتيجة بعد نصف ساااعة وتكون مضمونه ان شاء الله....... هل بالعادة تتأخر عليك الدورة بهالقد؟؟؟؟؟؟؟ هل دورتك منتظمة؟؟؟؟؟؟؟ وليش انتي واثقة ان مافيه حمل؟؟؟؟؟؟؟؟ هل تعانين من مشاكل انتي ولا زوجك لاسمح الله؟؟؟؟؟؟؟ |
أختي .. أنا اقول اني متأكده ان مافيه حمل لاني سويت تحليل دم امس يمكن ماانتبهتي وقالوا لي مافيه حمــــــــــل..
لا مافيه مشاكل ولله الحمد بس أنا استغربت من الخط الشفاف هذا .. سويت تحليل بالبول مرتين ونفس الشي يطلع لي خط أحمــر بأول الدقايق بعدين خط شفاف بعد ساعات |
تحليل الدم ادق بكثيييييييييييييييييير وانصحك بتحليل الدم
وبالنسبة للخط مثل ماقالوا لك تنتهي فاعليته بعد عشر دقايق . |
تسسلمون على الردود فديتكم
بس محد جاوبني على سؤالي هل سبق وان وحده فيكم طلع لها خط شفاف بعد عدة ساعات ؟؟ |
حبيبتي تأخر الدورة ثلاثة اسابيع كثير جدا
انصحك تروحي للدكتورة تشوف السبب ويمكن تعطيكي حبوب تنزل الدورة طبيعي تحصل لخبطة بالهرمونات بعد الزواج اما الخط الشفاف فماله اي دليل ولاتشغلي بالك فيه ومادام عملتي تحليل الدم لاتسالي عن تحليل البول لانه تحليل الدم قطع الشك باليقين وهو ادق مليون مرة من تحليل البول الله يرزقك الذرية الصالحة يارب |
تحليل الحمل بالدم ممكن يغلط
ارجعي اعملي تحليل منزلي وشوفي النتائج وش تطلع والله يكتب لك الي فيه الخير بس عن تجربه اذا طلع خط خفيف بكون حمل لانه ما يغلط هذا الجهاز يعني ممكن يغلط انه يطلع نتيجه انه مافي حمل وهو موجود الحمل لكن العكس ما اظن يخطأ والله اعلم اعملي التحليل كمان مره وخبرينا في رعايه الله |
انا في ولدي طلع خط خفيييييييييييييييييييف جدا
وفي نفس اليوم رحت سويت تحليل دم وطلعت حامل بس سوي تحليل دم مره ثانيه |
عزيزتي انا حصل لي مثلك ظهور خط شفاف يعني مو حامل
وبعدها جاءت الدورة اعملي التحليل بعد موعد الدورة وان شاء الله تكونين حامل |
الله يرزقك ياااااااااااااارب اللي تتمنينه وانا كذا مره طلع معي خط شفاف بعد الخط الاول يمكن بدقايق بس اتوقع انه مايعني شي لاني كنت اسوي تحليل دم ويطلع مافيه حمل----------
أختي والله انا قعدت تقريباً سنه وشهرين بدون حمل ومن صار على زواجي 6 اشهر راجعت دكتوره مدحوها لي بس طيرتني حطت كل البلاوي عندي الله يكفيني شرها وعطتني علاجات وقالت معي قرحه انا مارتحت لها وسحبت عليها وعلى علاجاتها وجلست خمس شهور في البيت بس ادعي ومتوكله على من خلقني وخلقك المهم بعد5 شهور رحت لمستشفى معروف بعد الاستخاره وبديت معاها علاج ومانسيت اني ادعي وطلبت من زوجي يجيب عسل مقرئ فيه وماء زمزم مقرئ فيه وصرنا نشرب ومعتمدين على الله موقنين بان الرزق والشفاء من الله ولا تنسي طبعا اوراد الصباح المساء وكثرة الاستغفار وصقيني كل تأخيره فيها خيره وربي يعلم اللي حنا مانعمله يعني ربي ماأخر حملك الا وله حكمه في ذالك وانشالله ربي يغدق عليك الرزق وكثري من الاستغفار (استغفروا ربكم انه كان غفارا يرسل السماء عليكم مدرار ويمددكم باموال وبنين ..........الايه) |
الله يعطيكم العافيه كلكــــــم
ويرزق كل محروم يارب . |
المفروض انو يطلع الخطان بعد 5 دقايق او اقل ازا كان في حمل
وانتي للتاكد افحصي دم تاني لانو الدم ادق وروحي للدكتور عشان تطمني وربنا كريم |
الله يعطيكم العافيـــــــه بنات
والله اجابتكم ريحتني واهتمامكم فرحني الله يوفقكم يارب .. ويرزقكم اللي تتمنونه .. |
عزيزتي.. انا طلع عندي خط شفاف جدا بس بعد 10 دقائق والصيدلانية قالتلي انو مو حمل،، بس طلع حمل لان الدورة تاخرت اسبوعين ولما رحت الطبيبة ما شافت بيبي ع الجهاز وطلبت مني فحص (هرمون الحمل بالدم) وهذا ادق من الفحص الاعتيادي للدم وهو نتائجه اكيده باذن الله فكانت النتيجة اني والحمد لله حامل وبعدها طلبت مني الطبيبة ازورها بعد اسبوع لحتى تشوف البيبي ع الجهاز حتى يكون حجم البيبي كبر ويبدا يظهر وفعلا بعد اسبوع تمكنت من رؤية الطفل والحمد لله.. انصحك تعملي فحص هرمون الحمل بالدم ولا تستعجلي باخذ اي دواء لحتى تنزل الدورة تاكدي اول ....وان شاء الله خير ((رب لا تذرني فردا وانت خير الوارثين))صدق الله العظيم
|
افحصي دم مره ثانيه... ماراح تخسرين شي
|
يعطيكم العافيـــه .. والله يرزق كل محرومه يارب ..
حلمي قريب .. أنا سويت فحص دم مرتين كله سلبي حتى فحص البول سلبي بس متعلقه بالخط الشفاف هذا ومتأمله انه يطلع ايجابي مع ان الدكتوره قالت لي فحص الدم ادق من البول ومايصير تكذبين فحص الدم وتتعلقين بفحص البول وزوجي رفض اني اراجع اي طبيبة عشان تعطيني شي ينزل الدوره .. يوم شاف ردودكم قال نروح يوم السبت واعملي فحص لهرمون الحمل بالدم واذا ماصار فيه شي راجعي اي اخصائية عشان تعطيك علاج للدوره المتأخره .. تسلمون :) |
الساعة الآن 06:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©