![]() |
أعينوني أعانكم الله,هل مايفعله زوجي طبيعي
انا متزوجة واسكن مع زوجي في منزل اهله ,والحمد لله لا توجد مشاكل بخصوص هذا الموضوع.
ما أشكو منه إنه كلما حصلت زيارة عائلية من قبل اهله في بيتهم يحصل ان يحضر بعض معارفه من النساء والرجال ولأنه لا يوجد مكان يضطر إلى اخذهم إلى غرفتي في الأعلى وليست هذه المشكلة فأنا أقدر الموضوع وهذا واجب مهما كان ولكن المشكلة إنه كلما قرر ان يستضيف احد في غرفتي يجبرني زوجي على طمس جميع معالم وجودي هههه سأوضح ذلك يجعلني الله يهديه أن اجمع جميع عطوري و كريماتي والتي أجاهد كثيرا كثيرا في بقائها مرتبة وجميلة وحتىمشطي و ريشاتي وشبصاتي اللي مالهم ذنب. أنا تناقشت وياه أكثر من مرة بحجة انه ماله داعي ولكنه كل مرة يقول عيب هذول رجال يطالعون وانا اقوله وش يطالعون هذي أغراض مو ثياب مثلا عشان تغار و يقول لا وفي الأخير انا الضحية ,حيث يغادرون وأرجع أنا أصف أغراضي من جد وجديد وأتعب كثير, لأن أغراضي كثار وبعد لأن هالموضوه يتكرر كثير ... مالعمل هل زوجي طبيعي أو مايفعله طبيعي ؟ أتفعلوون ذلك أيها الرجال جاوبوني ؟؟؟؟؟؟؟ أنا غلطانة اذا اشتكيت أو عصبت عليه؟؟؟؟؟ |
اختي هل يدخلهم زوجك الى غرفة
نومك الرئيسيه اللي فيها سريرك او غرفه بجانبها تابعه لغرفة الملابس |
اختي فيافي هو يدخلهم غرفة نومي وهي كبيرة جدا وبها كل شي ركن للجلوس وحمام أعزك الله وسريري بالطبع |
الله يهديه ويسخره لك لو تطلبي من امه انها تكلمه في ان غرفة النوم من الاسرار الزوجيه وينبغى الا يطلع عليها اي احد وان الثقه العمياء في اصدقاءه لاتنفع احيانا وتحاولوا تهيئو غرفه فوق اخرى لهم يكون افضل |
شوفي حبيبتي لمن يقولج شيلي اغراضج من عطورات ومكياج واكسسوارات .. الخ شي طبيعي
هذا دليل انه يحبج ويغار عليج حتى لو قالج لأ صدقيني هذا دليل غيره :) بس انه يدخلهم بغرفة النوم !!!!:eek: توقعين لو وحده من حريم ربعه بترضى بهالشي ؟؟ انا بصراحه لو بمكانج والله ما ارضى احس غرفة النوم خاصه فيني انا وزوجي فقط فقط فقط حتى لو ابنائي ما اسمح لهم يدخلونها واذا دخلوها مايطولون ! يا اختي مو شرط يعزمهم بالبيت خليعزمهم بمطعم او اي مكان ويقولهم اسمحولي البيت ضيق وماعندي مكان !! |
إلي يسويه زوجك من كونه يؤمرك تشيلي هذي الأغراض المذكورة عين العقل ...أجل يخليهم يشوفون شي ممكن يكون من ريحتك والله عيب ..
بكن حتى لو مافي مكان يجلسون فيه يقعدون بالسطح بمجلس العايله تحت برى بمطعم ...!!!! بصراحه ماصدقت إنو أصحابه يجلسوا في غرفة النوم ..الثقه الزايدة ممكن تجيب مصايب .... أنا جلست اقول لو زوجك راح الحمام وهم بالغرفة أو راح يودي القهوة أو يجيب الشاي لو واحد الشيطان وسوس له يفتش ولا ييدس لك بالغرفة شي ..أو صار أمر مفاجيء جدا جدا وأضطر يخرج يقولهم يلأ برى الغرفة عشان بخرج لأنها غرفة نوم ...!!!!!!! غلط غلط يدخل أحد غرفة النوم الخاصة بالزوجين حتى لو أمك وأبوك لأنها خاصة بك إنتي وياه ...تناقشي مع زوجك في الموضوع ذا بهدووووووووووووووووووء فاهمة عشان لاتسوين مشكلة وتخربين على نفسك ولازم تقنعيه بهدوء ولو ماأقتنع أصبري خليك منتبه لغرفتك وأغراضك زين |
شوفــي خيتو طبعي هو يغآر عليك وشي حلو يقولك شيلي آغرآضك لآن هذآ دليل حب
بس آلي مو طبيعي آنه يدخلهم غرفة نومكم آآآآآبــدآ مآيصير آنآ غرفة نومــي آخوآت زوجي مآيدخلونهآ لآن هذي خصووصيآت حتى لومآكآن عندي شي آخبيه بس مهمآ كآن هذي غرفة آثنين متزووجين آمنعيه من دخوولهم آلغرفه <<تحمممست : آلله يهديه ويصلحه : |
فعلا غرفة النوم لها خصوصيتها واللي يعمله زوجج صحيح بس تكلمي نعاه مااعتقد انها حلوة ان ربعه يقعدون في غرفة النوم حتى لو كانت كبيرة والله يسخرة لج ويصلحه ان شاء الله ترى تصرفه طبيعي
|
اكبر غلط ان احد يدخل غرفة نومك وهي من خصوصيات الزوجينالله يعينك واشرحي له السبب
|
يدخل رجااال غرفة النوووم !!!!
والله افرش لهم جلسه في ساحة البيت و اسوي لهم قهوتهم و قدوعهم ولا اسمح لزوجي انه يدخل رجااااال الي غرفة نومي .. انا الخادمه ما اخليها تدخل غرفتي هالمره رجااال اجانب ؟؟!! الله اكبر !!!!! |
هي الان بتشتكي من مشكله وانتوا ركزتوا على مشكله اكبر . طالما هما موافقين وهذا شيء عادي عندهم ومافي مشاكل فهذا شيء خاص فيهم
بالنسبه لسؤالك انه هل طبيعي انه يطلب منك تشيلي اغراضك بالعكس هذا شيء حلو وبيدل على حبه الك وغيرته الجميلة واللي فعلا بمحلها . الله يوفقكم ويسعدكم |
صراحه زوجك مو طبيعي خير ان شاء الله يدخلون غرفة النوم
يا اخي سولك خيمة برا واعزم فيها اللي تبي اشرحيله هالشي وش الكلام هذا. وانتي اللي ذابحك تصفيف الاغراض ولا مو هامك انهم يدخلون الغرفة نفسها . انا ارتفع ضغطي وانا اللي ما صاري هالشي . |
انا مستغرب كيف بسمح لنفسو يدخل رجال غرباء على غرفتكم وحتى لو كانو من المحارم لا يجوز ان يدخلهم غرفة النوم
|
أشكركم لردودكم الجميلة والصحيحة ,بس انا اتكلمت معاه كثير عشان يغير هالطبع بس هو متعود من ايام العزوبية وانا بصراحة استسلمت:rolleyes: من شدة عناده وصارت مشكلتي مشكلة الاغراض وتعبها..
بس تدرون بحاول اشد علية اكثر :29:الاني وايد امدلعته واااايد . الحين براويه الانه الحين قاعد يقول أن ولد اخته بي يجي يتغدا والله الاشب له تنور ههههه أشكركم عقلتوني ماكنت اتخيل الموضوع بهالحساسية شكرا لكم جميها.. يالله هدوني علييييه... |
اختي خيال البحرين ..
كل بالمسايسه و اللين زين .. طمنينا عن اخر اخبارك اختي ... ترانا ما نحب المشاكل .. |
ما أدري
بس أحسه اكبر غلط ، لأن غرفة النوم مقدسة عش الزوجية ، حتى العيال المفروض لا يدشونها الا للضرورة القصوى بس تصرف ريلج غلط في غلط في غلط |
اي اغراض الي تشيليها والي تحطيها
اكبر غرض موجود هو فرشتك لحافك مخدتك لما يقولك كذا قوليله تعال ساعدني نشيل السرير المفروض من الاول اختي ما سمحتي بهالوضع ما في بالبيت صاله مجلس مقلط اي مكان تاني بس غرفه النوووم والله صعبه جداااا الله يعينك |
مب طبيعي ...
|
يمكن احنا بنحس هالشي تعقيد زايد
لكن زوجك معو حق شو بعرفك شو بيدور بمخ الشباب او الرجال يمكن يشوفو الكريمات والعطور والاشياء ويقول هاي بتتزين لزوجها او او او عارفة انو شي بعيد وغريب يجي في بال حد لكن انت مابتدخلي مخ الناس لكن من الغلط انهم يدخلو غرفة النوم ويشوفو السرير انا بالنسبة الي غرفة النوم احسها الها حرمة مايدخلها اي حد وخصوصا الرجال بالزات ناقشي وشوفي كيف ممكن توجدو حل ممكن تعملو جناح صغير يعني الغرفة بما انها كبيرة الجزء الخاص بالقعدة افصلو يعني حطو ساتر او شي كانو افصلو الاجزاء مابعرف انتي ادرى ببيتك الله يوفقك ويهديكي |
ياحليلكم يا لبحارنه الله ياذيك الايام الله عالايام الرفاع وعالي وعسكر انا اشوف زوجك جدا طبيعي وهويغار عليك انصحك انه ما يدخلهم ويروح يطلع وياهم لم اي مكان البحرين فيها اماكن تفتح النفس
|
كيف ترضي بس !!
|
والله هذي الغرفه من اخص خصوصيات الزوجين وما لاحد حق يدخلها حتي الاولاد فما بالك بالغرب
|
الساعة الآن 12:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©