|
زوجتي غير مباليه
السلام عليكم
لي مايقارب سنتين متزوج لكن زوجتي مهمله وغير مهتمه نموذج قبل فتره ضيعت كرت تطعيمات البنت واقول لها دوريها تقول عادي يعطونا وحده غيرهااا وش الحل وماذكر نموذج فقط والا اكثر من مره نطلع وتنسى الرضاعه باستمرار |
ممكن انك تنبها بطريقه واسلوب حلو لن كانت غير مباليه ترى بعض الزوجات يتصرفون تصرفات ويحسبونها عاديه الفت نظرها
وجهها اذا ماعجبك تصرف باسلوب مقنع والله يسخرها ويهديها لك ان شاء الله |
الله يهديها كلم امها خلها تعلمها انها اللحين كبرت وصارت مسئولة عن زو وطفل وبيت لازم تركز
والله يعينك ويسخركم لبعض |
شوف اخوي لكل فعل ردة فعل ...
اذا بتظل تطبطب عليها وعلى اهمالها و تسامح راح تظل على طووول مهمله .. وراح يزيد اهمالها مع الوقت .. لكن من البدايه خليك شوي حازم معها .. يعني كرت الطفل الضايع يا انها تدور عليه او ما في تطعيم واذا صار شي للطفل انت يا امه المسؤوله .. اذا طلعتوا ما جابت رضاعة الطفل لا ترجع فيها البيت خل الطفل يبكي شوي عشان يوجعها قلبها ومره ثانيه ما تنسى زوجتك مهمله و تحتاج شوي للعين الحمرا .. |
ممكن تسمح لي أسألك عن عمر ابنتك ربي يحفظها ويحميها وتقر عينك بها ...
|
اقتباس:
انا اشوف انك تصارحها بعيوبها وعدم مبالتها ابسلوب التوبيخ وتكون شديد معها وحازم وربي يهديها لك ولبنتك |
اقتباس:
لا يا عطر الليل انا ما اعاقب الطفل .. فتأخير التطعيم يومين او ثلاثه مو مشكله .. عشان الام تحس بتأنيب الضمير .. وان الطفل يبكي له 10 دقايق من الجوع كمان مو مشكله علشان الام تحس بالاحراج وتأنيب الضمير وتكون حريصه على تأدية واجباتها على اتم وجه .. |
يمكن تعرفه لاخي رادع عضو معنا بالمنتدى الله يرضى عليه
عنده جملة مشهورة وهون محلها دايما يقول الخيل من خيالها طبعاحقوق النشر محفوظة لأخي رادع جزاه الله خير أم وليد |
اقتباس:
عمرها 6 شهور |
اقتباس:
والله ياختي حاولت معها اكثر من مره لدرجة ان صار اكثر من مشكله علشان الاهمال لكن خوفي من المجتمع لايقولون سوى مشكله علشان جاجه تافهه |
اقتباس:
والله انا ماودي اخلق مشكله ربما المجتمع يعتبرها تافهه من وجهة نظرهم والمشكله انا اللي يوجعني قلبي هي ماعندها مشكله |
اقتباس:
لو مره مرتين ماعندي مشكله لكن مرات كثيره ودائما ماانبها ولكن دون فائده |
انت عاقبها عقاب ماتنساه ابد
كثير من الحريم كذا خاصة اذا كانو متعودين قبل الزواج على الشغالة انا مرة كنت جالسة مجلس وكانو الحريم يتكلمون عن اهمالهم وعدم المبالاة وقالت وحده انها كانت تنسى دايم جوالها في السيارة واحيانا بوك واحيانا تنسى ماتاخذمعها مفتاح تقول مرة نسيت جوالي وقام رجلي اعطاة هندي يصب القهوه في العمل وقاله هذا لك اليوم كلم به بس لاتكلم بره واي احد يدق رد عليه وطبعا وبما انها هي اللي تسدد الجوال :19: وبعدها مانست شئ ابد انا اول ماتزوجت كنت زي زوجتك لكن تأدبت مرة نسيت شئ لولدي وعاقبني انه رجعني للبيت بعد ماوصلنا للمكان اللي رايحينا تخيل حالتي وانا مستعدة ولابسه وشافية على الطلعة وفي نفس الوقت استحي اقول للناس اللي رايحة لهم رجلي عاقبني لاني نسيت اغراض ولدي لانهم راح يقولون انت المهمله وراح اصير غلطانه بعدها تببببببببببببببببببببت ام ربيعة |
اصبر عليها
و كلمها دايم و بين لها محبتج و بين عتبج عليها لأنها أحيانا تهمل في كذا و كذا و كذا و وسع صدرك ، و لا تكبر السالفة اهتما فيها بزيادة و دلعها و اطلب منها انها تكون أكثر حرص و اهتمام و ربي يحفظك لها ياااااااااارب و يسعدكم |
أخوي سبب سؤالي عن عمر ابنتك ربي يحفظها لأن ممكن تكون زوجتك مصابة بإكتئاب مابعد الولادة ..
وأنا أرى أن إهمالها لطفلتها علامة من علاماته .. ابحث عن اثبات ذلك أو نفيه ولا تجعل هذا الأمر يشد العلاقة بينك وبين زوجتك والحياة أمامكم .. أراح الله قلوبكم بالرضا وفرج همك وحزنك وأزاح غمك .. والهمك السداد والرشاد والصواب في التعامل مع هذه المشكلة ... |
بارك الله فيكم جمعيا
وساخذ جميع ماذكر من نصائح بعين الاعتبار ولعلي المس تغيرااواهتماما في الايام المقبله |
دعاسم00
هذا للأسف حال الكثير من البنات في هذا الزمان 000ولا تستغرب00 لأن اغلب الامهات لا يعتمدون على بناتهم في البيوت بولا تعودها على حمل المسؤوليات000والتجريح والاستهزاء والمشاكل لا تأتي بخير زوجتك اخي العزيز لم تتعود على حمل المسؤليات 00 وولادة طفل اكبر مسؤوليه بالنسبه لها 00 وللجميع00 والحل يكمن في إعطاءها مسوؤليات اكبر لتقوم بها على اكمل وجه000 سواء ان تكون داخل البيت اوخارجه 000 وإعطاءها الثقه00مع قليل من الصبر من ناحيتك00 ومره عن مره ستتغير وتكون حريصه اكثر00 جعلها الله قرة عين لك00 |
اقتباس:
اخوي المثل يقول .. الخيل من خيّاله والمره من رجّاله .. اذا راح تظل بهذ الاسلوب اذا ابشر بوجع القلب المستمر الي ان يجيك يوم و تنفجر لان الضغط يولّد الانفجار .. لكن اذا تنفس عن ضيقك من تصرفاتها عند كل تصرف خاطئ ما راح تنفجر ..بل راح تهتم اكثر بواجباتها .. |
الله يعينك
الله يهديها |
يعطيكم العافيه
|
ياأخي الكريم واضح إن زوجتك صغيرة وهذه أول بنت لكم
يعني مسؤلية جديدة بالنسبة لها أول مرة تتحملها تحتاج زوجتك وقت لكي تتعلم وتتعود على الحياة الجديدة تخيل لو أنك أول مرة تدخل دورة تعليم اللغة الإنجليزية وأنت غير ملم بشيء وطلبوا منك أن لا تخطيء ولا تنسى كلمة وتتقن اللغة ...فهل هذا معقول؟؟ بالطبع لا لابد ان تحتاج لوقت حتى تتعلم وتطبق وواضح إنك من النوع اللذي يحب النظام لذا أنت متضايق لا يااخي لنتعلم من قدوتنا ومعلمنا... قال صلى الله علية وسلم : خيركم خيركم لأهله وأنا خيركم لأهلي (رواة بن ماجة) ... وقال صلى الله عليه وسلم رفقا بالقوارير .. وصفها رسول الله صلى الله عليه وسلم بالقارورة لسهولة كسرها والمقصود كسر خواطرها فرفقاً بها ياأخي وعلمها بلطف ولين ومحبة ولا تكدر حياتها بسبب هفوات في بداية طريقة تعلمها فجل من لايخطيء ولاتجعلها تنفر منك بسبب ملاحظاتك ونقدها على كل كبيرة وصغيرة لأنها بذلك ستشعر بفتور نحوك وكره ولكن المحبة ونصحها بدلال وتوجيهها ومساعدتها في طرق للتعلم سيجعلها تحبك والمحب لمن يحب مطيع اسأل الله أن يكون لكلامي أثر في نفسك فكلنا في بداية حياتنا كزوجتك والحمد لله وقف بجانبنا أزواجنا وتغاضوا عن هفواتنا حتى أصبحنا خبيرات ولله الحمد ومع ذلك لابد من هفوات فجل من لايخطيء كما أسلفت. أم جمانة |
اخي الفاضل توقيعك بصراحه مميز
وضحكني ثانيا: الله يسخر لك زوجتك |
عنديلك طريقه يمكن تجيب نتيجه معها بس محتاجة منك ذكاء على شوية خبث مع صبر
حاول تشوف الأشياء أو الشغلات المهمه جدا عندها يعني مثلا موصيتك على فستان أو غرض تجيبه في يوم عزيمه أو عرس أو غرض مهم جدا لها أو للبيت وطنش كأنك نسيت واذا عصبت خلك باااااااارد وكأن الموضوع مايستاهل وقلها كل واحد ينسى وبعدين ليه ماذكرتيني أنتي؟ وأنا صاير أنسى كثير هالأيام. ومع الوقت غصب عنها بتصير هي الحريصه وبتعتمد على ذاكرتها خاصه لو عملت فيها حركة النسيان في أمور هامه جدا بالنسبه للمرأه وبعطيك مثال: ممكن تشوف يوم تكون معزومه فيه على زواج أحد الأقرباء وموصيتك على غرض مثلا وسو نفسك نسيت أو اطلع برا البيت قبل وقت الذهاب كأن عندك شغل وخلي جوالك في البيت كأنك ناسيه وياليت بعد لو تقفل باب البيت وانت طالع وتاخذ مفاتيحها وتحطها في سيارتك كانها هي الي ناسيتها والطعها لين الساعه 12 واحده انت وضميرك واذا رجعت البيت كأنك انشغلت مع ربعك أو أي حجه ونسيت الموعد. أنا أتوقع بعد كم موقف من هالنوعيه بتحس بالشي اللي كانت تسويه فيك وبتتحسن ذاكرتها وبتكون حريصه أكثر وبالتوفيق. |
اقتباس:
كلام جميل اشكرك عليه وصراحة انا احب النظام |
اقتباس:
بارك الله فيك |
اقتباس:
فكره حلوه وذكية اشكرك عليها |
لسلام عليكم
اخي كلام الاخت ( ام جمانه ) عين العقل .... لن اضيف اكثر لان تقريبا هذا ما دار ببالي ..... مبين انكم اول سنين زواجكم .... الله يعينكم و يسخركم لبعض .... مع الايام ستتحسن لانها بتتعود على طبعك و بتصير لك زي ما انت تتمنى و انت ما راح تقدر تستغنى عنها .... بس الصبر و الدعاء ثم الصبر و الدعاء ....... الله يسعدك اخي و تقبل مروري ....... |
يا أخي ما أعتقد انه لامبالاة لاني أعاني من نفس الشي هذا نسيان مش مبالاة، أنا كنت قبل ولاداتي ذاكرتي قويه و نادر ما أنسى شي أو اسيئ التصرف لكن بعد الولادة اصبت بحالة نسيان غرييييييييييييبة لدرجة اني صرت ادور لي على علاج لتقوية الذاكرة كل شي انساه موبايلي، الشنطة مفاتيحي كروتي كل شي حتى صرت مضرب مثل للنسيان لكن الحمد لله زوجي متفهم هذي الحالة لانه شافني قبل وبعد!! بس صبرك عليها انا متعاطفه وياها واااااااااااااااايد!
|
انا اشوف افضل حل تعاقبها يعني لو نست شي للبنت و انتم طالعين رجعها للبيت و ارجع انت اطلع
وربي تتأدب و معاد تنسى شيء و الأوراق الرسمية مايخالف معليش حطوا لها صندوق في درج معين و الاوراق المهمة تنحط فيه على طول و الحياة مشاركة اخي يعني اذا نست ذكرها و اذا ذكرت اثني عليها رفقا بالقوارير ارى النساء يا عالم مساكين وربي كلمة توديهم و كلمة تجيبهم يعني تعاونوا حاول تذكرها دائما و الحمدالله مشكله عن مشله تهووون اخي الله يسخركم لبعض |
اخي الكريم
الزوجه اذا رات زوجها مهتم بكل شئ ويتابعها باستمرار تتخاذل وتترك كل شئ له هو لكن ان حملها المسؤؤليه وانصرف الى مسؤؤلياته تلفت هي الى واجباتها كاام وتحرص عليها بمعنى دعها تنسى الرضاعه يوم وتذهب لزياره ويتعبها الطفل بالبكاء ولا تستجيب لها وبعدها ستركب الرضاعه قبلها في السياره وغيرها من بقية الامور الله يهديها ويسخركما لبعض |
الله يعينك مشكله النسيان وعدم المبالاة
|
....
انت عرضت مشكلتك وما تعانيه من زوجتك بسبب اهمالها واللي احب اقول لك ان كثير من النساء مهملات وانا احس بشعورك اللي تحسه ولكن يا اخي نصيحة لوجه الله لا تفكر في هذا الموضوع ولا تتعب نفسيتك ومعليش تحملني حاول انت تتأقلم على هذا الوضع لأنه مهما عملت لن تتغير ( الا في حاله واحده بس وسأذكرها لا حقاً ) ولكي لا يكون هذا الاهمال والا مبالاة سبب مشاكل بينكم لا تتحس من هذا الموضوع لأنك لو فكرت فيه على طول ستصبح انت مثل ( كونان ) تدور على نقاط اهمالها ولن ترى من ايجابياتها اي شي مهما فعلت وستلغيها بتركيزك وبحثك عن النسيان من عالم الانسانيه لأن الانسان خلق نساي بطبيعته اي ان النسيان بحدود معينه معقول ومقبول فهي قد تنسى شي نسياناً وليس اهمالاً وانت ستأخذه على انه اهمال ولا مبالاة وبهكذا تريدها بلا شعور منك انت ان تكون روبوت أو مكينه أو جهاز كمبيوتر لا ينسى ... صدقني ان كثير من مشاكلنا عندما تحدث لا تكون متعمده بل وتكون مسبباتها صغيرة جداً ولكن لغياب الحوار وروح التسامح واحسان الظن بالآخرين وعدم النسيان والتعامل بأن كل فعل لابد أن يكون له رد فعل موازي له بالقوه أو أقوى ومخالف له بالاتجاه جعلنا نعاني مما نعاني منه وياما حصلت مشاكل بأن احد الطرفين فهم خطأ وتصرف أو تكلم بناءً على مافهمه وللأسف أن الطرف الآخر يجاريه في المشكله وقد تمنعه المكابره من توضيح الأمر .... وعلى فكره كثير من الأخوات اللي ردوا قبلي اللي تقول الخيل من خيالها ( وهذا بكل صراحه كلام لاقيمه له ولا لون ولا طعم ولا معنى ) وللاسف اننا في القرن الواحد والعشرين ولا زلنا نطلق مثل هذه العبارات ... هل تريدون من الخيال أن يعسف الخيل وكيف يعسف الخيال الخيل يعسفها بالضرب والتجويع وتحميلها اكياس ثقيله من التراب ... لكي تعرف انها ان لم ترغب أن يركبها هذا الشخص وحاولت ان ترميه من فوق ظهرها بأن الجوع والضرب والأحمال الشاقه ستكون نصيباً لها ولكي تكسب صحتها تقبل بأن يعتليها الخيال قد لايكون حباً فيه انما هروباً من العذاب. هذا هو الخيل من خيالها .... واللي تقول لك حمر العين عليها وهذي شكلها مدلعه ... صدقني لو سويت كذا معاها عقاباً على اهمالها وعلى افتراض انها مشتركه في المنتدى ستجدها بعد تحميرة العين منزله موضوع زوجي عديم احساس زوجي مايعرف كيف يتعامل معي زوجي اهانني زوجي مدري وش فيه ... يا اخوان نحن في هذا التجمع انما نحن اخوة نحاول قدر مانستطيع ان نقدم العون لبعضنا البعض وندعوا الله بعضنا البعض في ظهر الغيب فكل شخص يضع نفسه مكان صاحب المشكله والاخوات يضعن انفسهن مكان الطرف الاخر في المشكله ويكون مانكتبه انطلاقاً من هذا المبدأ .... اخي حاول تجرب اللي اقول لك عليه ... انا لو كنت مكانك ماراح اقابل خطأها بخطأ مثله ابداً مهما كانت الأسباب لأنني لا اتعامل مع عدو لي بل مع زوجتي وأم ابنتي وانا لا ارضى لها الغلط سواء كان عن طريقها أو أتسبب فيه انا ويهمني أن تعرف أخطائها لتقوم تصرفاتها ولا أسمح لكائن كان الاطلاع على عيوبها حتى لو كانت امها مستحيل مستحيل مستحيل فهذه تبقى أولاً وأخيراً زوجتي وشريكتي في الحياة ... وانا قريت احد الردود يقول بلغ امها وهذا غلط هذا يعقد ويكبر الموضوع وبالعكس نقطه سلبيه تحسب عليك ... انت الرجل والرجل خلق لتحمل الصعاب والرجل كما هو معروف تفكير الرجل عقلاني وتفكير المرأه عاطفي فلا تلغي الجانب العقلاني لديك وتستخدم الجانب العاطفي فيك والذي لن يدلك سوا على مكامن العيوب رغبةً بإيجاد فرصة للانتقام ..... اطلت ولكن هذه النقاط قد تكون مفيدة لك : - اذا كنتوا طالعين ونست الرضاعه لا تتذمر لأن اللي حصل حصل وانت يهمك الجاي لايتكرر والطفل ماله ذنب تأخر رضاعته قل لها الله يهديك ماكان لي نفس ارجع لكن ماأقدر أجلس وبنتنا ( فلانه ) رضاعتها بالبيت يله مشينا وزين اللي نسيتي الرضاعه وحنا بهالمكان قريب على الأقل ولو جنبك صيدلية لا تشتري قل لا خلاص نروح للبيت وليش نشتري وحنا موجود عندنا وانتي نسيتي تاخذينها .... وودها للبيت ونزلها وقل ماودي ادخل البيت الحوقت هذا لأني مامليت لكن نسانك للرضاعه هو اللي رجعنا والا كانت قعده حلوه بس يله مافيه نصيب واطلع من البيت لك نص ساعه والا ساعه لو تقعد بالسياره وخلك طبيعي وبدون تكشير . قبل لا تطلعوا بالسياره اذا جيتوا بتمشون قل هااااااااااااه ياقمر نسيتي شي والا لا اخاف نطلع ومايمدينا نستانس بالقعده الا ناسين شي وتخربين علي الجو اكيد مانسيتي شي ياويلك لو تقولي لي نسيت شي ترا برجعك البيت وانا بطلع للفجر لأن مزاجي الليله تمشي .... طبعاً وانت تضحك ... واخيراً لا تبحث عن الأخطاء لأنك لو بحثت اكيد بتلقى ولو هي دققت فيك يمكن تلاقي اكثر من اخطائها اللي تعد عليها .... صدقوني حنا بشر مو ملائكة ولسنا منزهين عن الأخطاء ..... ولنتعلم التسامح .... التسامح .... التسامح .... والتغاظي طواعيةً . دمتم بود وآسف على الاطاله .... |
اقتباس:
اشكرك على هذا الكلام الحلو والجميل وصراحة احرجتني بكلامك هذا وبارك الله فيك ونفع بك اخي ولهان كلام منطقي وعقلاني ساستفيد منه الكثير |
يااخي تصدق نقطه الخلاف بيني وبين زوجي هذة النقطه وكان يغضب مني بالايام وعندما اناقشه يقول لي انتي انسانه غير نظاميه وهو بالمقابل انسان نظامي ومع مرور الايام تحسنت قليل ولكن خذها مني الطبع يغلب على التطبع
|
| الساعة الآن 06:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©