|
مامعنى الاحترام بين الزوجين .. احتاج رأي الرجال ..
اريد أن أعرف ما هو معنى الاحترآم بين الزوجين وبالخصوص احترام الزوجة لزوجها
ما هي صورة احترام الزوجة لزوجها او ما هي دلالات احترام الزوجة لزوجها ؟ تم تعديل العنوان ليتناسب مع المضمون .. |
انا متابعه معاكى يااختى لانى فى حاجه إلى رد مثلك
تمــــــــاما فى انتظار أخوانا الرجااااااااااال |
هلا بيك اختي مصرية والله أبي أنا جواب لأن وجي ذبحني وهو يقول ابي احترام مع انو انا والله احترمه بس اي نوع من الاحترام ما ادري
|
احترام الزوج انك تقومي بكل حقوقه على اكمل وجه ..
وان يكون الاحترام متبادل بينكم .. يعني اذا هو يحترمك ويراعي مشارعك انت نفس الشي بالمقابل لازم تطيعيه و تقومي بكل شؤونه و تراعي مشاعره .. لكن بدون ما اذل نفسي له ... يعني ما اقبل باي حال من الاحوال انه يهيني وان اكون زي العبده عنده .. وش يبي زوجك بالضبط تقبلي يده وراسه كل يوم و تقولي له لبيه يا مولاي ؟؟!!! |
أختي أميرات والله انا مو عارفة وش معنى الاحترام الي يبيه والله كل شي واومرة مطاعه
والله كل شي يبيه اسوي اله ولا عمري اخنته ولاعمري شتمته حتى لو تهاوشنا اتكلم معاه ولو ارتفع صوتي شوي بس ما اقول اله كلام جارح مدري وش يبي اكثر والله انا حيرانه من كذ1 طلبت رأي الرجال خصوصا يقول انا ما اطيعه وربي كل شي يبيه اسويه حتى اخواني يقولون ما ندري وش يبي ما نشوفك مقصرة معاه ياربي ما ادري وش الحل |
الله يعينج عزيزتي بس ليش ما تجلسين معاه وتسألينه شو يقصد بعدم الاحترام لاني اعتقد انه تفسير معنى
الاحترام يختلف من رجل الى آخر...مثلا : زوج بيقول لازم تطيعيني بدون نقاش،،، وزوج آخر بيقول لازم تلبين كل طلباتي حتى لو كان هو مقصر ،،،، والاراء تختلف.. اكيد زوجج ناقصه شي حاولي تتناقشين معاه بهدوء وتعرفين شو قصده والله يوفقكم ويسعدكم اختج --- لمني بشوق |
والله غريب امر زوجك .. انت سألتيه وش مفهوم الاحترام عنده ؟؟
انت كم سنه صار لك متزوجه ؟؟ |
أختي أنس الوجود إذا قدرتي تجلسين مع زوجك جلسة مصارحة وتعرفين بالضبط وش نوع الاحترام اللي يبغاه منك ،،، الله يوفقكم ويسعدكم ويسهل لكم كل أمر عسير يارب العالمين.
|
والله جلست نقاش معه الى الفجر كم مرة ولا يعطيك غاية وسالته وش معنى الاحترام ما يرد ابد وش نوع الاحترام الي يبيه كمان ما يرد
دايم يقول انتِ تدرين وش انا أبي والله حيرني وفوق كل هذ1 والهل هو الي ما يحترمني طق واهانات الانواع وكمان حتى يده يرفعها علي قدام اهله يبي يطقني واخواني يقولون اله والله حريمنا ما تسوي لنا زي ما تسوي اختنا الك والله تعبت من هذ1 الحال ودايم يقول انا ما اطيعه وهو حتى بدراستي تدخل وقال حولي هذ1 التصص وانا حولته حتى ارضية يمكن يصبو الى الكمال والهل ما في احد كمل |
أميرات انا صار الي اللحين سبع سنوات متزوجة وعندي ولد وبنت وشكرا اختي لاهتمامك بالموضوع
لمني الشوق شكرآ اختي لمرورك الكريم ولد نورة والله ياأخي جلست معاه والهل بدل المرة مليون وكمان حتى اخواني جلسو معاه وفوق كل هذ1 طق واهانات منه ومن اهله الي طلعت برة بيت اهله سكنا لحالنا زي الامور ما تغيرت الله يعين بس في ملاحظة أن اوانه دايم يقولون الى حريمهم نبيكم زي زوجة اخونا كل شي تسونه مع العلم اني موظفة ومن توظفت زاد المشاكل قلت اله بترك الوظيفة قال لا مع اني توظفت بالمكان كمان الي يبيه مع اني اقدر اتوظف في اي مكان بس هو اختار المكان شكرآ للأهتمام بالموضوع |
اقتباس:
كيف يطالب بخلق وهو لم يأتي بمثلة من الاصل !! من لا يحترم الانثى ويقدرها ويعاملها معاملة حسنة ويقدر مشاعرها .. لا يستحق ان يكون محل احترام وتقدير من غيره .. |
أنا عرفت وش قصد زوجك ...
انتي قلتي لما تصير بينكم مشكله (ترفعين صوتك عليه)... وهذا خط أحمر انتي تتعدينه لاتذكرين الواجبات اللي تسوينها والأشياء الحلوه بل اذكري الأشياء اللي تسوينها وانتي معصبة أو زعلانه .. الإحترام هم الكلام بهدوء مع الزوج وتقديره وشكره .. وعدم مقاطعته بالكلام وعدم الصراخ والصياح عليه .. وعدم المشي أمامه (اقصد في الخارج ).. أشياء كثيره هذا اللي يحضرني الآن ... |
بتعرفي شو بدو لا اطيعي بكل اشي شايفك بتردي بكل اشي مثلا شو دخلو بالتخصص يا حبيبتي خلي شخصيتك قوية جوزك بدو وحدة توقو عند حدو
|
اتوقع اختي يقصد احترام خصوصيته ووضع حدود بينكما صح هو زوجك ومابينكم فرق لكن هذا الي اتوقعه يعني احترام رغباته ممتلكاته كل مايخصه اهله عمله
ان شاء الله الاخوان يفيدونا الاكثر لان الاحترام المتبادل بين الزوجين شي اساسي في العلاقة الزوجيه |
السلام عليكم
اختي انا رجل ولم اتزوج بعد لكن احترامي للمرأه .. هو ان اعطيها حقوقها كامله بالشرع من موده ورحمه وحسن عشره ونفقه واحسان وحنان وطيبه واريد منها حقوقي الشرعيه .. الدين والعقل والحب والطاعه في غير معصيه الله .. السؤال عن احوالي و التودد لي والتقرب مني .. اريدها ان شاورتها اخذت برأيها لانها عاقله .. اريدها ان اغضبتها صبرت علي ثم لم تبلغ اهلها فكبرت بعيني.. اريدها خلوقه مؤدبه محافظه على فروضها مقيمه لحدود ربها.. اريدها باره بوالدي ومحبه لا اهلي وكثيرة الزيارات لهم.. اريدها ان تدفعني للعلم والتعلم والترقي بالوظيفه... اريد ان اكون بين يديها كالطفل لأمه .. وساوفي حقوقها كلها بل ماتطلب تجد على قدر استطاعتي.. لكن هذا ردي على موضوعك العاااااام لكن ارد عليك بخصوصيه واهمس باذنك الموضوع ليس موضوع احترام من زوجك لك .. فانتي واضح من كلامك .. 1 - عاقله.. 2 - مؤدبة.. 3 - خلوقه.. 4 - محبه لزوجك.. 5 - تبحثي عن اسعاده.. والواضح ان زوجك لا يرضيه ذلك .. فاسئله لك وجاوبيها بقلبك ولا تكتبي شيء الا اذا اردت ذلك .. 1 - هل علاقتكم الشرعيه على خير ما يرام ؟؟ 2 - هل تلبي كل احتاجاته الفسولوجيه والنفسيه ؟؟ 3 - هل زوجك كثير الحماقه وسريع الغضب ؟؟ 4 - هل انتي معه حنونه ومحبه له ؟؟ ام ناقمه له ومبغضه ؟؟ ..........ز اخيرا انصحك بالصلاه والصبر والدعاء والذكر والتوكل على الله ...فهو يكفيك .. وايضا ارجوا منك اخيرا ان تبحثي وتقلبي في ماضي اوراق زواجك عن شيء مهم ماهي المشكله الاساسيه التي تدفع زوجك لمعاملتك هكذا ؟؟ لانه هذا ليس احترام او غيره هنالك مشكله يمكن انك لم تعلميها او تعلميها ولكن تتجاهلينها انتبهي لذلك .. دمتي بوووووووووووووووود ادعي لي حفظك الله .. |
الاحترام الي احنا نعرفه ان امام الناس تعطيه البرستيج متاعه حتي لو كان غلطان لا تعاتبيه ولان في مقابل كده انه هو كمان يعمل بالمثل لما ترجعون بيتكم تراجعون بعض في الي اعجبك والي لم يعجبك بينكم انتوا الاتنين بس ولا كن برده في هدوء الاحترام مطلوب جداا بين الزوجين ومد الايدي الزوج علي زوجته ده بيكون ضعف منه موش حق ولا قوه ولاكن الاحترام مطلوب بين الزوجين ربنا يهديه لكي معلش ادعي له وربنا يهدينا كلنا مطلوبه
|
ان تحفظ نفسها وبيتها فى غيابه وان لا تتطاول عليه بالكلام فلا يعلو صوتها عليه
ان تنفذ امره وان دعى حد عليها ان تتفنن بطبخ ما لذ وطاب |
اخيتي المشكله ليست فيك انتي فتماسكي وتمتعي بالصبر ...
في الحياة الزجيه تمر سنين على الزوجين من اصعب مراحل الحياة وسبع سنوات من ضمنها .. نصيحتي لكي تمتعي بالصبر واغدقي الحنان ولاتقصري في واجباتك . |
انتي ماقصرتي معاه يابعد جبدي والصبر له حدود
والفرص الي يبيها لازم يكون عليها شاهد واحد غيره يحب يده مقلوبه انه عنده هالسكرة لكن حسبي الله ونعم الوكيل فيه كنتي وردة ولطموح يشع منك بس خلاك مشتتة الله على الظالم خيتو ولا بنساج من دعائي اختج ام ريحانة ههههه بس لا تخليه يحطمك كوني الاقوى دائما لانه زهرة عمرك عيالك محتاجينك |
اخي سيد الرجال والله انا مستغربة زيك ودايم اساله شنو تبي قول واذا ما تقدر تقول اكتب في ورقة واان من عيني اسوية
سيدة برتقالة والله بعمري ما سويت الي كتبتيه مش مدح في نفسي والله ودايم اقدمه على نفسي أختي توتي فروتي والله زوجي عنده كامل الحرية في الخروج انا عندي أهم شي راحته وفي عملة ما اتدخل الا اذا هو طلب استشارتي او طلب اقتراحات. أخي سيف المهند لفت نظري الى نقطة وهي المشاكل الي بينا دايم يطلعها خارج دائرة حياتنا ويروح يشتكي الأ فلان وفلان سوأء صديقة أو أهلي أو غيرهم وأنا دايم انبه عليه ما يصير كذ1 الي تسويه غلط لازم نحل الشي بينا يقول لا اراء هذولا مهم كمان اقول هذي حياتي وحياتك بس ماكو فايدة أبسط شي حتى في بيتي ما يأخذ براي يعني مرة غير مكان التلفاز اقول اله خليه بهذا المكان لان افضل لعين العيال والله اخذني وزفني زف وفوق هذا قال انت اصلا وحده المفروض ما ناخذ رايك بالمرة ومو رجال الي ياخذ رايك وبعدها أخذ رأي أصدقائة قالو اله هذ1 بيتها وهي تقرر ذا ما اخذت راحتها ببيتها وين تاخذها أحس انه يصبو الىآ الكمال وهذ1 مستحيل سمسمو شكرا لممروك اتي الكريمة واهتمامك بالموضوع منى يالغلا ترى وربي مع انو موظفة اسوي الي يبيه وكم مرة يروح يشتكي الى اخواني علي يقولون اله احمد ربك عندك زوجة كذ1 تعال شوف زوجاتنا انا حتى بحملي باولادي لا بالحمل ولا الولادة صار عندي شغالة ونفاسي كان لحالي لان امي كانت مسافرة تصوري شغل بيت وانا نفساء اقول اله ابي شغالة بس وقت النفاس كمان طنش والله انا راضية بحياتي الي معاه بس لازم يوضح هو شنو يبي الحيران شكرآ لاهتمامك بالموضوع دمعات روح شكرآ يالغلا والله انا بأكبر حيرة من الي يصير والله نفستي مرة تعبانه واللحين عند أهلي لأن اخوي أجى البيت بالصدفة وشافة يضربني واخذني بيت أهلي أخر كلام قال اله الى زوجة خاله انها مغرورة وشايفة حالها وما طيعني وتعير اهلي وانا وربي ما سويتها قسم لو تشوفون المشاكل الي سوها اهله الي والله يشيب راسكم منها وانا عمري ما قلت الى اهلي عنها وكيف ما اطيعه وهو حتى بدراستي تدخل وسويت الي يبي ولما يطردني بيت أهلي يدق علي بجون ضيوف جهزي اكل واجهز اله وانا ببيت أهلي والله نفسيتي مرة تعبانة لان مو حاسة بالاستقرار ابد لا أنا ولا عيالي الله يوفق الجميع واتنمى أرآء أكثر من الاعضاء |
انا من رأي الاخ السيف المهند ماشاء الله كفى ووفى جزاه الله خير
بس اضافه بسيطه انه الاحترام لازم يكون متبادل يعني كيف يضربك ويهينك اما اطفالك ويطالبك بالاحترام ! انا عن نفسي لا احترم الرجل الذي يهين ويضرب زوجته عمال على بطال الله يهدي زوجك ويسخره لك ويوفقك الى طاعته واحترامه ................. |
بقايا أمنية يسلمو على المرور والله يوفق الجميع وشكرآ على مرورك
|
أخي السيف المهند إن شاء الله لي مرور واجابة على استفساراتك وشطرا لاهتمامك بالموضوع
|
والله العظيم .. نفس حالتي تعرضت لطلاق مرتين وكل مره يقول ماتحترمني
وشو الاحترام مانب عارفه اذا قال انتي ماتحترميني كزوج احترق اعصب اتنرفز !!! طلباته مجابه البيت يمشي زي الساعه كل اللي يبيه مجاب ومع ذلك انتي ماتحترمين .. فاهمين الاحترام غلط الظاهر من جد وشو مفهوم الاحترام عنددددددددددددددددددددددددددكم يارجال هالزمان المشكله اذا سألتة يقول تذكري وانتي تعرفين طيب قول وشو مايقول !! |
أختي الكريمة : الاحترام كلمة قد يختلف معناها من شخص لاخر ،لكن أرى أن تظهري له بعض الإعجاب برأيه وتصرفاته وبما يجلبه الى البيت ،فقد تكون الوظيفة أحيانا سببافقد تشعرين أن بإمكانك أن تقومي بكل شيء حتى من الناحية المادية ، ويكون لهذا الأمر انعكاس على تصرفاتك معه دون تعمد منك،كما أن على الزوجة مثلما على الزوج أن يعرف كل منهما ما في داخل الاخر بملاحظة انفعالات وتصرفات كل منهما للاخر فتسبقيه إلى ما يريد ولا تتجاهلي مشاعره فأكيد أنه يحبك وان هناك مساحات مشتركة بينكما يجب أن تجديها ولا تدعي التواصل ينقطع وفي كل هذا سيكون لك الأجر والثواب، مع ملاحظة أنه لا يوجد مذلة بين الزوجين فالود والتراحم اساس العلاقة الزوجية
وأسأل الله ان يصلح حال زوجك ويكرمك بهدايته |
اهلين خيوتو انس الوجود
ان شاء الله تنحل كل مشاكلك الله يهدي سرج يارب وطمنينا |
السيف المهند والله جميع مطالبة مجابة
أخي الصافي والله مدري وش اقول بس والله اهتم فيه كثير وهو غيور بدرجة كبية والله كل صغيرة وكبيرة يتدخل فيهل بحياتي حتى لبسي بالبيت يعني ولا شي فيه راحتي وكل ذ1 بسرعه اقول اله إن شاء الله حتى ما يعصب وبعد يقول ما في احترام ولاتحترميني وش يبي أكثر المرفوض والله إنه المفروض يبين نوع الاحترام لان والله عايشة بحيرة كل شي اسويه ما يعجبة والله تعبت حتى انا قلت اله تبي الوظيفة بتركها بس اللحين بعد ما راجعت نفسي ما أبي اتركها لأن حياتي مش مسقرة معاه مع اني توظفة بمدرسة لآن هو طلب هذ1 الشي وكمان ما أحط مكياج ولا اتشخ بحجة إنه يغار طيب انا بمدرسة ومع بنات وفوق هذا يتبلى علي يقول انا احط كحل وانا وربي ما احط والله ذبني من سوالفة اخرتها شكلي بنفصل لأن نفسيتي مرة تعبانه منه وشكرآ للأعضاء الله يوفق الكل |
أتمنى ألاقي ردود أكثر من الاعضاء
|
اختي انس الوجود .. كان الله في عونك ..
اعتقد المشكله ليست فيك انتي .. انما المشكله في زوجك هو من يعاني من النقص واعتقد انه محتاج لطبيب نفسي .. يا اختي قولي له هذا العطاء اللي اقدر اقدمه لك اكثر من كذا عطاء ما عندي .. يعجبك كان بها ما يعجبك عطني انت الحل لاني عجزت عن تقديم المزيد هذا حد طاقتي و قدراتي .. |
انا مع الاخوان الاحترام هو القيام بجميع حقوق الرجل من جميع النواحي
وحسن الاسلوب في الكلام معه من خلال المناقشة في الامور العصبية وعدم رفع الصوت عليه مهما كان وطاعت الزوج في رضاء الله سبحانه وتعالى هذا الى اقدر افيدك فية تحيتي لكي |
السلام عليكم
أنا رجل ومتزوج والحمدلله الأحترام بين الزوجين يجب أن يكون موجوداً في الحياة الزوجية الزوج يحترم زوجته يحترم رأيها يحترم وجودها في منزلها لايلغي وجودها وكذالك الزوجة يجب عليها أحترام زوجها ، إحترام وجهة نظرة تنفيذ أومره بطيب نفس بقدر إستطاعتها البحث عن الشئ الذي يحبه وتفعله والبعد عن الشئ الذي يكرهه هذا من الأحترام كذالك من الأحترام مشاورته في كل صغيره وكبيره في المنزل لأنه صاحب البيت. وبتأكيد أن هذه النقطة مشتركه بين الزوجين |
أخ منادي شكرآ لإهتمامك بالموضوع أنا زوجي احس ما يرضية شي والله كل شي يبيه اسويه وكل شي خاطره فيه اسويه وحتى لما توظفة قطع عني المصروف وقلت عادي مع انو المصروف الي يعطينياها كان رمزي ما يكفي شي 200 ريال بالنسبة لراتبه ولاعمري تكلمت ولا قلت اله ابي اكثر او شي ثاني وكان الوضع عادي لما توظفت سحب المصروف مني فصارت مصارفيني علي بالاضافة الى شراء سيارة من راتبي ولا طلبت منه شي ما حملته شي فوق طاقته بالمرة يعني شنو يبي أكثر رآحة من كذ1 أنا ابي اعرف شنو الحل مع زوجي لأن خلاص قربت أطلب الانفصال منه لأن كل شي اسويه ما يعجبه ولا يرضى بشي ودايم انا مقصرة طيب ما يشوف حاله انه عيشني 6 سنوات على موكيت بس البيت فاضي وانا عندي الوضع عادي بس غرفت النوم الموجوده وجهاز التلفزيون والله الوضع عادي عندي كان ولا عندي شي بالموضوع مدام انا عايشة مع اولادي ومعاه
والله تعبت احس روحي خلاص واخر شي يجي اخوه يقول ان هذي مأذيته أصلا من اخذها وهي كل مشاكل والله قلبو السالفة علي وأصل المشكلة انه معاي بشخصية ومع الناس بشخصية ثانية وانا كمان ساهمت بهذا الشي لما كان يغلط علي ويطقني ما كنت اقول الى اهلي وكنت دايم امدحه بينهم الله يعين بس وشكرآ للمرور الاعضاء الله يوفق وفرج جميع كرب المسلمين زامتنى اتلقى كثير من المشاركات والردود على الموضوع |
اقتباس:
أختي الله يفرج كربتك ويوفقك في الدنيا والأخرة حاولي مع زوجك بالكلام الطيب والهادئ . ناقشيه ماذا ؟ يريد ماذا يحب ؟ أخبريه أنكِ ملكه، راتبك له بس هو يأمر اصبري والله يعينك . وإذا لم ينفع كلامي أهلك في الموضوع |
هلا اختي انس الوجود .. اسمحي ارد عليك كأول مشاركه لي بها المنتدى القيم .. وارجو ان ينفعك الله بما اكتبه .. اولا برد عليك كرجل بشكل عام متزوج او غير متزوج .. عندي قناعه تامه بان المرأه جزء من الرجل كما قال الله تعالى ( { هو الذي خلقكم من نفس واحدة وجعل منها زوجها ليسكن إليها) سورة الاعراف آية 21 يعني كل الناس الله خلقهم من نفس واحده يعني نفس الاحاسيس والمشاعر الموجوده عند كل الناس متشابهه وهذا من عدل الله سبحانه وتعالى لذلك المؤمن يدخل الجنه والكافر الي النار .. اللي اقصده انو مو صعب عليك تفهمي زوجك ومافيه احد بالكون يمكن يفهم الزوج اكثر من زوجته لان الله خلقها سكن للزوج .. ظروف الانسان تاثر على نفسه وهي اللي تخلي كل شخص يختلف عن الاخر .. حاولي تكتشفي ظروف زوجك سواءا السابقه قبل الزواج او الحاليه بعد الزواج على شان تفهمينه صح .. بعض الرجال حسب درايتي مايحب يبدو بشكل ضعيف قدام زوجته ومايقدر يصرح لها باللي في خاطره وعن رغباته .. انصحك يكون عندك دفتر زي المذكرات تكتبين كل اللي تبين تقولينه لزوجك برومانسيه وعن حبك له وعن الاشياء اللي تبينه يغيرها من طريقة تعامله وتخلينه يكتب تعليقه في نفس المذكرات عن اللي يبيه بالضبط وعن مفهومه للاحترام وتوعدينه بتنفيذها بالحرف الواحد .. آسف على الاطاله وعندي كلام ثاني بس اظن الفكره واضحه .. اتمنى لك السعاده وتقبلي تحياتي
|
اخ يحبني لك والله يمكن شفت ردودي والله طلبت منه أنه يكتب وش يبي بس هو دآيم يتهرب ويرفض يقول هي تدري انآ وش أبي منهآ
وبالصرآحة أنآ بالرومنسية مش مقصرة معىه ولا بالكلىم الحلو بس في يوم عقدني حيل وقمت أخآف أقول اله كلآم بعدهى حلو يعني الموقف كآن إن لمآ يدق جوآل من العمل كنت اتكلم معاه وادلعه وربي بعد مارجع رجع معصب وكنت اتكلم معاه وجلس يسرخ الين انتهىآ بضربي ومن نتيجة الضرب ظليت 3 أيىم ما اتحرك بالسرير ومن يومها اخآف أقول اله شي يعني قل الكلام الحلو وخوفي ان يرجع ويسوي الي زي الي صآر قبل وظروفي زوجي أول مآ خذته كآن رآتبه ضعيف بس الحمدلله الله فرجهآ واللحين كل يوم يتحسن وصآر من الاحسن الىآ الاحسن أخ يحبني كيف تعرف زوجك وش يبي وهو ما يعجبه شي ولآ يرضية شي يعني مخليني في حيرة ومخلي الكل مس بس انآ حتىى أهلي مستغربين أخ منىدي انآ ببيت أهلي شكلك ما طالعت ردودي زين انآ ببيت اهلي لآن اجىى أخوي بالصدفة البيت عندنا وشاف زوجي يطقني ومآ رضىآ بالوضع واللحين انا ارتآح ببيت أهلي لآن نفسيتي مرة تعبآنه وشكرآ مرة ثآنية لإهتمامكم بالموضوع وأتنمى ألاقي الحل الله يوفقك جميع الاعضآء |
(أنس الوجود) الله يفرج كربتك . بما إنك الآن في بيت أهلك وأخوك وقف معك لاتتعبين ووكلي أمرك إلى الله وماتضيق إلا تنفرج
قولي الحمد لله كثير من الزوجات ليس لم أحد إلا الله ليس لها أهل يقفون بجانبها إما لضعفهم أو ليسوا على هذه الدنيا فحاولي أستعادة قواك وفكري في المستقبل وانصحك نصيحه أن تبري بأمك أو أباك إذا هم موجودين البر بالوالدين ، البر يالوالدين . |
أخي منادي 28 ربي يوفقك الحمد لله انا قلت الهم اللحين بآخذ فترة راحة في بيت اهلي حتى استعيد قوتي وكمان افكر براحة بالمستقبل وأدور كمان بعض الحلول الي يمكن تساعد على استمرار الحياة الزوجية والحمدلله معاي أمي وإن شآء الله ما اقصر معاها وأتمنى أن أكون لها من البارين دوم وفي حاجة ثانية اخواني كانو يعرفون عن موضوعين من مده بحكم ان زوجي دايم يروح يشتكي لهم وكانو مطنشين وما يصدقون إنه يسوي كذ1حتى صرت مرة ضعيفة ومآكل وكمان يغمى علي والله ما تحركو الا يوم شافه اخوي يطقني قدامه وانا جلست أبكي واقول الهم حرام عليكم تنتظرونة لين يذبحني بس الحمدلله يمكن صلاح الي ان اخوي يشوفه حتى يصدقون وش كان يسوي فيني وإن شاء الله انتظر من الله الفرج وانا وكلت أمري الى الله
شكرا لجميع الاعضاء |
ماأقول إلا الله يفرج كربتك
|
| الساعة الآن 11:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©