|
مارايكم بالسكن بجوار اهل الزوج
بعد التحيه والحب والاحترام لكل اعضاء المنتدي الرائع
احب ان اطرح مشكله الكثير والكثير وانا منهم هل السكن بالقرب من اهل الزوج وخاصه اذا كانت الزوجه مالها شخصيه ولاتعرف تأخذ حقها والزوج مايقدر ولايحترم زوجته ويعتبرها هي المجرمه في حق اهله رغم كل مايسونه فيها وهو عارف بس مايحب يعترف بخطى اهله لانه غير قادر علي تصحيحه ارجوكم ناقشوا الموضوع بقوة لاني حيرانه |
انا بصراحه لا اويده ابدا ابدا لانى عشت تجربه مريره وقد كرهت ذلك ولكى شكرى وتقديرى
|
هذة المرة الالف نناقش الموضوع
انا امانع وبـــــــــــــــــــــــــــــــــــشدة خلك بعيد حبك يزيد |
بالعكس ترى أهل الزوج ماهم بعبع..
هم أوادم مثلهم مثلنا.. صح أنا ماأقولك هم مثل أهلك لكن لا تحطين في بالك الفكرة السيئة عنهم وانه راح يجيك الشر منهم.. أنا في نظري أن السكن قريب منهم حلو لأن ممكن تحتاجينهم في بعض الأحيان.. وبعدين بالنسبة لزوجك لو راح يزورهم بيكون قريب منك مو يروح لأخر الدنيا عشان يشوفهم!! وبالنسبة للشخصية : مالها شغل السكن بعيدين كانو ولا قريبين!!! |
قريب عادي المهم مو معاهم واهل الزوج لهم كل الاحترام فهم من اخذت ابنهم وهم اهل ابنائي
|
فكري في الموضوع لو كان لمصلحتك اسكني جنبهم
ولو كان مو في مصلحتك ابعدي احسن |
أختي الكريمة أنا واقعة في نفس مشكلتك وهي معقدة أكثر لأنهم يجبرونا على السكن بجوارهم واحنا قررنا الابتعاد
نصيحتي لك ابتعدي عنهم قدر المستطاع لأنهم سيكونون سبب المشاكل بينك وبين زوجك وسيتدخلون في حياتكم إذا كنت تبحثين عن السعادة الزوجية والاستقلال في تربية أبنائك فالسكن بعيد عنهم سيريح رأسك وهذه نصيحة عن تجربة أتمنى لك التوفيق أختي |
خوفتوني من كلامكم انا شقتي امام منزل اهل زوجي بس احنا لسه متملكين
بس انا كنت شايفه ان هذا المكان ميزه مش عيب لاني احب اهله جداا وهما معاملتهم معي طيبه ماشاء الله لاقوه الا بالله قولولنا كيف نتفادى المشاكل لاني صعب اغير مكان السكن مع العلم هما في عماره وانا في عماره تانيه بس قدام بعض |
ما اعتقد انها مشكله
احنا في بيت بروحنا بس نبني بيت جنب بيت اهله و انا بصراحه متحمسه و انطر متى يخلص البيت و اهل زوجي الحمد لله متفهمين و ما يحبون المشاكل و امه شخصيتها مثلي يمكن اخته شخصيتها وااايد قويه بس الحمد لله حبوبه و انا اتفادى المشاكل و انا عن نفسي هاديه و ما احب اتكلم وااايد يمكن هالشي زين لان مرات الوحده اتكلم وااايد و يزل لسانها و تبدا المشاكل |
حبيباتي قبل الزواج مو هو بعد الزواج فالتغيير في المعاملة يكون 360 درجة
والمثل بيقول اسئل مجرب ولاتسأل طبيب وأنا قبل الزواج كنت مثلكم أو أكثر لكن هلا الله لا يسكني جنبهم |
يا ريث حدا حدي بهالغربة
كنت تونست فيهم وحسيت انو الي أهل سبحان الله على هالدنيا ما بيعرف بقيمة الشي الا فاقده أم وليد |
حسب الوضع !!!
لا استطيع التعليق |
هو على حسب اهل الزوج و طبيعتهم وزي ما قلتي شخصية الزوجه لها دور كبير في الموضوع وشخصية الزوج انا مثلا ساكنه بعيد بمدينه ثانية لكن مو خالصه من تدخلهم في كل كبيرة وصغيرة تدري ليش لأن لأن زوجي يستشيرهم في كل حاجة ورايهم هو الماشي والمشكلة اني زي ماقلتي ما عندي شخصية قوية واصلا مش من النوع تتكلم وتدافع عن حقها يعني اذا سيطروا اهل الزوج بعيدين لو قريبين احنا اللي رايحة علينا وضايقين المر وما حد حاس فينا
|
ام الزوج = امك
ابو الزوج = ابوك اهل الزوج = اهلك فكري فيها بنفسك لو يحصلك تزوجتي وتسكني مقابل هلك بتوافقين ... * من تحربة بعض الناس واهل الزوج كانوا مش طيبين هذا مايعني كلهم كذا .. الاصل في اهل الزود انهم يكونون طيبين لانكن ماوافقتوا عليهم الا بعد ماعرفتوهم .. الله ييسر لك الخير يارب .. |
,
, إذا كان يعلم الإنسان بوقوع المشاكل فالأفضل له ولزوجته الإبتعاد .. أما إن كان أهل الزوج ناس طيبيين ويعاملون زوجة إبنهم كإبنتهم فأنا أنصح وبشدة .. , , |
قولوا ماشاءالله 3 مرات :d:d
انا اول ما تزوجت سكنت عند اهل زوجي 8 اشهر لان في البداية كانت ظروف زوجي صعبة...لاكن بعد ما الله يسرها استأجرنا شقة وسكنا فيها تقريبا 3 سنوات بعدها انا كنت اصر على زوجي ان ننرجع نسكن عند اهله بيت اهل زوجي في مزرعة كبيرة فنحن بنينا بيتنا عند نفس المزرعة وسكننا معاهم وبصراحة ما شفت منهم الا الخير .... لمن يكون عندي ضيوف حماتي تساعدني بخبرتها وكمان تساعدني في تربية الاولاد ووووو وغيره من الاشياء الطيبة وكان مشاويرنا مع بعض........... بصراحة انا اعتبرها اقرب صديقاتي وليست حماتي وبس الان انا مغتربة بسبب دراسة زوجي وانا اشتااااق موت لحماتي واخوات زوجي وعيشتنا معا مرة ثانية قولوت ماشاءالله 3 مرات:22: |
اختي فكري بالموضو ع كثير
والله اني ندمانة اني وافقت اسكن عند اهلة لاني استحيت منة فترة الملكة وانا من النوع اللي ما اتكلم وهما يحبوا السيطرة |
حبيبتي عن تجربة المعاملة الحسنة مفعولها كالسحر وتلين الصخر انا ساكنة مع اهل زوجي بعمارة وحدة والله انهم صارو يخدموني اكثر من بناتهم والان انا ما اتخيل اني ابعد عنهم لانهم خادمينني كثير في موضوع الاطفال يعني لمن ابغى اطلع مشوار او نزهة اووووووووو ما اشيل هم اولادي لانهم يمسكوهم ليييييييييييييين ارجع
وبعدين المرأة السوبر ذكية هي اللي تقدر تكسب قلب اهل زوجها قبل قلب زوجها |
السلام عليكم
كل واحده منك تتذكر انها غدا ستصبح عجوزا وبعدها ام لولد هل يتزوج ويبتعد عنها وهي تريده قربها ؟؟ جاوبوني ؟؟ .................................................. ........................ المهم الزوج اذا متفهم واهله غير محتاجين له بصراحه السكن لوحده افضل.. اذا اهله امه او ابوه او كلاهما كبير وماعندهم احد يهتم بهم فالحقيقه والواجب رضى الوالدين والاهتمام بهم والسكن معهم ولتكن الزوجه باره بوالديه محبه لهما .. صدقوني الزوجه والام ليسوا اعداااااااء ........ بل حبايب متى ماعرفوا حقوق الشرع والتزموا بها فالام لا بد ان تراعي سعاده ابنها وتقدر خدمه زوجته لها.. والزوجه لا بد ان تطيع زوجها وتبر بام زوجها لا نها امها ... لا بد ان تقدروا مااقول ايما رجل اختار امرأه على امه هل هو عاقل بار ؟؟ اسال الله ان يرزقني زوجه صالحه تحب والدي .. وايضا همسه الام لا بد ان تهتم بابنها وتبحث عن سعادته .. والزوجه الذكيه تكسب اهل زوجها.. من ارادت السعاده فلتلتزم حدود الشريعه ولتطع زوجها ولتحبه وتحب اهله.. ومن اراد السعاده فليبحث عن زوجه تعينه لبر اهله وليس تنفره عنهم.. ياخواني الاهل ليسوا وحوشا والزوج الذكي من يكسب حب زوجته واهله ويحببهم ببعض ويجعل علاقتهم دائما رائعه بطريقته الدبلوماسيه هذا مااردت قوله ودمتم بوووووووووووود |
حبيباتي السكن عند اهل الزوج او قريب منهم (بحيث يقدرون يشوفونك ) له سلبيات وايجابيات من سلبياته تدخل اهل الزوج في حياتك يعني روحاتك جياتك تحركاتك وخصوصا اذا كنت ماتقدرين تحطين حد في التدخل وفي هذة الحالة انا افضل الابتعاد عنهم غنيييييييييييييييييييمة ومن ايجابياته انك كل ما مليتي من الجلسة لوحدك رحتي عندهم او احتجتي شي ضروري تروحين لهم وهكذا اتمنى اني اكون افدتكياعمري والله يسهل عليك بالنسبة لي افضل السكن بعيد عنهم لاني احس بالاستقلالية من ان علاقتي بهم جدا طيبة والحمدلله بس على قولة المثل *خلك بعيد تبقى حبيب*
|
على حسب اللي بتعاشرينهم
أنا أشوف إنها قد تكون نعممممممممممممة عظيمة وممكن تكون نقمة أدعي الله يسخر لك الصالح |
مرحباااااااااا
اذا كنت في بداية زواجك فالافضل الابتعاد قدر الامكان لان كل شي يتغير بعد الزواج
ولكن اذا عشت سنين وعرفت اهل زوجك وتأكدتي انهم بينفعونك وتنفعينهم وماراح يكون فيه ضرر او اختراق لخصوصيتك فاتوقع القرب حلو والنصيحة العامة هالزمن ما احد ينفع احد خليكي مرتاحة بعيد احسن لانه يمكن لو تقربي يغير زوجك عليك او ينشغل عنك باهله ربي يوفقك |
انا ساكنه مع اهل زوجى ومرتاحه معاهم اكثر من راحتى ببيت اهلى
|
لا حبيبتي خليكي بعيده ويريحي راسك
لانه بيتك رح يكون مفتوح وزوجك رح يكون عندهم طول الوقت وما رح تقدري تحكي ولا تعملي الي بدك اياه معو على العموم هو احسن من ان تسكني معهم في نفس البيت يعني الشغله درجات لو تقدري تبعدي انصحك تبعدي واذا لا بكون افضل منه ما اجبرك تسكني معهم بنفس البيت |
هذا يعتمد على اهل الزوج وبرأيي المعاملة الحسنة من الزوجة تجعل الحديد يلين
موفقة |
نصيحة مني
لاتسكني بقربهم عشااااااان تاخذي راحتك في اللبس في النوم في كل شيء صراحة أنا كنت ماأقدر ألبس لزوجي عشان الباب قدام الباب وكل شوي وهم عندي والبس الروب واتعب بس مكياج وتسريحات ماكنت اسوي عشان استحي يشوفوني حتى يوم يسافر زوجي ويرجع بالسلامة البس واتزين ويجوووووووووووني والحمد لله الآن نقلت منطقة ثانية نسيت شي زوجي كان عندهم أغلب الوقت وحنا تونا متزوجييييييييييييييييييييين مالنا سنة وبصراحة أهل زوجي طيبين معايا وأنا الحمد لله طيبة معهم وفقك الله هذا رأي وأنت تعلمي مايصلح لك |
اقتباس:
وان حد ارادنا يضرب باب الغرفه يستاذنا --انا اساسا غير محجبه بالتالى اتنقل بالبيت بحريتى -- اما عن المكياج لا اضعه فى البيت لان زوجى دايما يخاف الطخ ملابسه او تكون الوان على وجهه ههههههه هدومى خدمهم يغسلونها والطباخه تطبخ للبيت كله ارجع من العمل اكلى جاهز فى غياب الطباخه طبخت اربع مرات تطوعا وعجبهم طبخى |
حبيبتي
جمع الله بينكم بخير بس مو كل الناس مثل اهل زوجك وبصراحة لبس البنطال والقصير والعريان محرم إلا أمام الزوج فقط لذلك لا ألبس أمامهم إلا المحتشم أتم الله عليك نعمته |
اقتباس:
حتى البجاما لا اخرج بها خارج غرفتى لاى سبب كان |
| الساعة الآن 03:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©