|
كل اللي يستخدمو الحنة للشعر .. الرجاء الدخول
السلام عليكم ورحمة الله وبركاته
صراحة .. تعبت مع هذه الحنة .. كلكم تعرفو الصبغة وأضرارها والحنة وفوائدها .. لذلك أنتقلت من الصبغة للحنة ,.. لكن المشكلة إن الحنة فيها عيوب .. أولها إستخدامها على الشعر مش مريح .. وما تطلع بسهولة .. وبعد كل إستحمام ينزل اللون .. وبالتالي المنشفة لونها أحمر .. والمخدة حمرا ,, والملابس حمرا شي مزعج .. صح ؟؟؟ في حل لهذه المشكلة ؟؟ ثانيها .. اللون ما بيطلع زي اللي أبغاه .. يعني بعض الحريم أشوف شعرهم حلو وأحمر فاتح ,, وأحسبها صبغة .. ويقولو حنة .. !! بينما أنا يطلع لون الحنة أحمر داكن .. ولا كأنو مبين .. يعني أتعب تعب في الحنة .. والنهاية . . ما تبين .. بالرغم إن لون شعري مو أسود غامق .. لا .. بالعكس شعري فاتح .. والمفروض ياخذ اللون بسهولة.. في حل لهذه المشكلة ؟؟ أكيد حتسألوني عن الحنة كيف أسويها .. أنا أحط حنة وموية دافية وبس .. لأني سمعت إن أي شي مع الحنة .. يفسدها .. والحنة كلها فوائد .. يعني ما يحتاج نزيدها لبن .. أو مايونيز .. أو ما أعرف إيش .. حنة وبس ومرة جربت وحطيت عليها زيت .. الله لا يوريكم .. جلست شهر أغسل شعري .. والزيت مو راضي يطلع .. فازلين مو زيت .. وقلت توبة .. يالله .. شدو همتكم .. وقولولي خبراتكم .. لأني عجنت الحنة خلاص .. وبكرة بإذن الله ناوية أتحنى.. مشكووووووووووووورين |
ما عندي خبرة ولا عمري حطيت حنة
بس حبيت اسئلك عن صحتك ان شاء الله طيبة ام وليد |
اقتباس:
أهلين حبيبة قلبي أم وليد .. أنا بألف صحة وعافية يارب لك الحمد سألت عنك العافية يا قلبي .. القلوب عند بعضها .. تسلميلي يا أم وليد ... والله يولدك بالسلامة يااااارب |
المنشفة حمرا تصير مالها حل
والملابس00 انصحك تلبسين بعد اول غسلة بعد الحنا لون غامق واول ماتغسلين شعرك افركيه بالمنشفة لين ينشف شوي يعني مايقطر موية وعلى طول حطي خمرية بشعرك عشان الريحة وكثري اما المخدة غريبة لونها احمر! انا احط مع الحنا زبادي وبابونج عشان يغذي شعري |
إذا تبغين لون أحمر فاتح
أخلطي الحنة با الكركديه (( عند العطار )) بدال الماء أو الشاي جربي و راح تدعين لــــــــــــــــي |
اقتباس:
هلا شوبارد .. كيفك .. إن شاء الله بخير؟؟ حبيبتي تسلميلي على المرور .. لكن أبغ أسألك إيش الخمرية ؟؟ أنا أول مرة أغسل شعري بعد الحنة يكون بالموية بس .. يعني بدون شامبو عشان اللون يثبت .. وبعدها بثلاث أيام أغسله بالشامبو .. كذا سمعت .. أما الزبادي والبابونج أول مرة أسمع بالبابونج .. بجرب .. ليش لا مشكووووورة على المرور |
اقتباس:
وبعضهم حطو نسكافية .. وبرضة ما بيفرق مشكورة على المرورو |
انا اغسله بشامبو عشان تخف ريحته وفروة شعري ماتصير حمرا
وبعد ماغسله وانشفه بالمنشفة احط خمرية هذا عطر للشعر مرة حلو صعبة تجلسين مع زوجك وريحتك حنا صح؟؟ الخمرية حل حلو صدقيني |
اقتباس:
أهاااااااا فهمت عليكي .. ممكن ..ومرة وحده قالت لي بخري شعرك بالفحم بس بدون بخور يعني وتروح الريحة .. لكن أنا عندي حساسية من الفحم .. مشكورة شوبارد على التوضيح .. |
الخمرية مالها علاقة بالفحم
تجي بتولة مثل دهون العود تحطين على يدك شوي وتمسحين بشعرك وفيه في السوق عطورات مثل العطورات العادية خاصة بالشعر ماكني اخذت راحتي بموضوعك؟؟ بس من جد ودي افيدك لأني انا راعية حنا |
اقتباس:
الله يسلمك يا شوبارد الموضوع موضوعك .. وأنا ما كتبت الموضوع إلا عشان أستفيد أجل بما إنك راعية حنة .. قوليلي كم ساعة أخليها على شعري .. أنا أخليها أربع ساعات .. وأغطيها بكيس نايلون .. والسؤال الثاني .. وطولي بالك معليش .. كم مرة تحطيها في الشهر .. أنا سمعت يقولو كل إسبوع مرة .. لكن أشوفها كثير على تعب الحنة .. تسلميلي |
احطها كل اسبوعين واخليها من ساعتين الى ثلاث ساعات بس الحين بخليها ساعتين
لأني اشتريت زي حق الكوافيرات اللي لما اجلس يكون فوق على شعري وحار عشان يجفف الحنا بعدين اغسله بقولك طريقة سهلة مرررة وقفي على البانيو واغسلي جسمك رطبيه بس وشعرك لا بعدين اجلسي وسكري الدش وافتحي الصنبور ونزلي راسك تجاه الصنبور وافرقي شعرك يمين يسار وخلي الموية تنزل على شعرك عشان يساعدك وانت تفرقينه) وخلي معاك فرشة شعر قديمة خصصيها للحنا وابدأي اغسلي شعرك بشويش الين ينزل الحنا كله بعدين مشطي شعرك وانت تغسلينه عشان كله الحنا ينزل كذا ماوسختي البانيو ولاالجدران ولاعفستي نفسك ولاشي اغسلي شعرك بشامبو وجسمك بعد ولاتنسين اذانيك <<< معاناة مع الاذان لما احط حنا ولما تطلعين غرقي نفسك بالعطورات عشان الريحة ولاتصيرين كنك عجوز :) |
اقتباس:
والله جبتي على بالي طريقة السشوار ... بالفعل توفر الوقت أسأل مجرب ولا تسأل طبيب طريقتك حلوة .. تسلمي يا شوبارد ....تسلمي |
هلا حبيبتي ام لجين اعتقد نظرية انك ماتغسلينه بالشامبو خطا وهي السبب ان ملابسك ومخدتك تصير حمراء انا اغسله بالشامبو وبعده بلسم واضيف للحنا بيضه وحده ونتائجه حلوه يعطي لون ولمعان |
سمو الأميرة فيه موضوع تناقلوه بالنت من زمان كان يحدد إيش تضيفين للحنة علشان تكتسبين لون معين
أذكر مثلا الشاي للون البني ، الكركدية للأحمر ، الكركم أو القهوة + البيض للأشقر ... و هكذا بالنسبة لأول غسله أنا أغسلها بالبلسم فقط و بالشامبو إذا كان عندي مناسبة بنفس اليوم لاحظت كل ما طال مكوث الحنة على شعرك كل ما بانت نتائجها أكثر ، يعني أكثر من 3 ساعات |
انا احط ع الحنه زيت الخروع ووالزيتون وبيكون مره حلو وما فيه اي مشكله
|
بخصوص موضوع الألوان اللي بتيجي في الملابس و المخدات
ممكن تخلي حاجات مخصوصه للحنة عباية وكيس ومخدة يكون لونهم غامق سمعت ان فيه ناس بيحطوا الحنة 3 ايام ورى بعض عشان يثبت اللون بصراحة أنا ماجربتها لما تغسلي شعرك ممكن مع الأغتسال لأن الحنه مفيدة للجسم الحمام بيتوسخ بس مافي مشكلة قليل من الماء يحل الموضوع |
يا حبيبتي بالنسبة للون إنه يصبغ أو لأ,,
ترى هذي على حسب طبيعة الشعر أنا بالنسبة لي شعري ماينصبغ إلا بالموت,, موالحنة لأ الصبغة حقت الكوافيرات لما أروح للمشغل يتعبون معاي عشان شعر ينصبغ فما بالك الحنة!!! فأنا أستعمل الحنة للفايدة مو للون,, مثل قولت : الحنة سماد الشعر |
شوفي يا ام لولو
انا كنت استخدم الحنة وكان شعري زي الحلاوة والله احلى منه مافي حتى ام زوجي لما خطبتني انهبلت على شعري :d المهم انا اقولك على طريقتي كنت احط مقدار من الحنة + مقدار مساوي من السدر + مقدار مساوي من المايونيز + ملعقة عسل + ملعقة خل + ( ماء فاتر مذوب فيه إما نسكافيه أو بابونج أو شاي ) + كل الزيوت الموجودة عندنا في البيت :d أعجنها وأحطها على شعري لين اطفش يعني ما احسب الساعات أخليهاااا الين أحس اني ابغى استحم اقوم اغسلها وكنت اجلس تحت الدوش وبيدي المشط ، الموية تنزل على شعري وامشط بالمشط اليييييييين تنزل كل الحنة ومايبقى لها أثر أبداااااا بعد كده أغسله بالشامبو مرررة كويس يعني مرتين أحط شامبو وأغسله بعد كده أحط البلسم أو الفاشكول حسب المزاج بالنسبة للزيت ماخرج من شعرك وصار زي الفازلين طبيعي لانك ماغسلتيه بالشامبو وهذا غلط وطبعا ماكنت اشتكي من ملابس حمرا ولا مخدات حمرا ولا كانت ليلتي حمرا :d وكنت أحطها باستمرار يعني يوم ورا يوم أو كل يومين زي كده والله شعري كان خطييييييير انا كنت احطها للفايدة بس مع الوقت لقيت الناس يسألوا ايش اللون اللي صابغته مرة حلو ؟؟ وقتها تفاجأت ، تقدري تقولي اني نسييييييييت تماما انه الحنة تلون :d بالتوفيق ياقلبي |
حبيبتي ماقلتي كم ساعة تتركينة على شعرك ؟؟
انا بالنسبة لي اخلية ثلاث ساعات وحيان اكثر ... بعدين خلية يخمر نصف ساعة وحطية احسن ويثبت الون مع ان شعري مليان شيب؟؟لاتحسبيني عجوز بعدين نوعية الحنا لها دور ؟؟؟وليش تتركين شعر ثلاثة ايام بعدين تزيتين ؟قدة الشعر صار دهني ؟ ادهنية من البكرية الشعر يكون متعطش للزيت ......... هذا كل ما لدية ,,,,,,,,,,,, ادعيلي بالوظيفة بالله عليك وعلى كل من قرا ردي |
بصراحة ياالغاليات حمستوني احني شعري
اتمنى شعري يكون فيه لمعه |
ممكن الحناء يعطي لون من غير إضافات !!؟؟ وش اللون ؟؟
|
اختي الكريمة اني احني شعري بعض الاحيان ولكن عندي مشكلة ان بعض الجدور وخاصة الامامية
الي فيها اللون الابيض ماتخد لون الحنة ومادري ليش الي عندها فكرة تساعني وشكرا لك اختي على هذا الموضوع المفيد |
مره في التلفزيون قرأت معلومة عن الحناء اللي ما تثبت بس ما جربتها
يقال انك اذا اردتي ان تثبت لون الحناء في شعرك أكثر استخدمي مغلي قشور الليمون و البرتقال على شعرك أو عصير الليمون افركي به شعرك يوميا لمدة 5 أيام الى اسبوع و بذلك تثبت الحناء اكثر جربي الحناء مثل ما ذكرتي طريقة خلطك لها بس حطي عليها شوية خل يثبت اللون و مافي مانع تحطي شوية زيت لوز حلو او زيت زيتون او خروع بس لا يكثر و اعجنيها بمنقوع الكركديه الدافئ و عند العطار في بودرة اسمها دم الغزال حطي منها ملعقة مع الخلطة و استخدميها و خلي الحنة على شعرك أطول فترة يعني من اول ما تصحي الين المساء اذا ممكن و اغسلي شعرك كالعاده شامبو و بلسم و عشان الريحة خذي من محلات البخور و العود خلطات تعطير الشعر و اطلبي منه شي تبخري بيه شعرك و صدقيني الريحة ما ح تبين معاها بالعكس روعة نشفي شعرك و حطي عليه المعطر و بعدين بعد السشوار بخريه بالبخور و ادعيلي يا قمر و لا تنسي تحكيلي ايش صار معاكي تحياتي |
الف شكر
الشعر بيكون لماع وناعم مع مايونيز او زيت وتعطى لون لو معاها قشر رمان او قهوه |
اختي الغالية
انا طريقتي في الحنة استخدم الحنة الحمراء اليمني حوالي 3 ملعقة كبيرة ممتلئه و اضيف عليها كوب زبادي + شوية شاء مغلي ثقيل ( يعني 1/2 ماء عليه 2 ملعقة ص شاي و ارتكيه يغلي ليكون مركز ) + شوية مغلي اوراق البصل ( اختياري ) + شوية مغلي اوراق الكرديه + شوية مغلي البابونج ( اختياري ) + ملعقة صغير بودره اسمها دم الغزال ( اختياري ) + 1/4 ك خل مغلي البصل و مغلي البابونج يعطي الشعر اصفر مكتوب مع احمر الحناء و الكرديه و الشاي يكتم اللون انا كل المكونات هذه استعملها انظري ل لون شعرك في الشمس تلاقيه الوان لكن الاساسي علي محمر كل ما هو يغلي يضاف علي الحنة و هو ساخن و الفها بكيس نايلون و اتركها ليلة كاملة في الفرن ( غير مشتعل ) مكان دافئ حتي تختمر ( انا اعدها في المساء و استعملها صباح اليوم التالي ) و اليوم الثاني اضيف لها 2 ملعقة عسل ابيض و اقلبها و تضاف الي الشعر يكون شبه مبلل حتي يسهل وضعها و تكون الحنة غليظة القوام حتي لا تسيل علي الوجه تضاف الي الشعر و تغطي بكيس الشعر لمدة ساعتين ثم ارفع الكيس و اتركها اعتين حتي تجف بس لا تعرضي نفسك الي تيار هواء تغسل الحنة من الشعر بالماء اولا جيدا ثم تغسل بالشامبو و لاكثري غسلها حتي لا يجف شعرك و ممكن استعمال البلسم هذه طريقتي و شوفي هذا الرابط ايضا http://www.66n.com/forums/showthread.php?t=79053 تحياتي |
انا من عاشقات الحنة
و بستعملها عادي مرة في الاسبوع بس نصيحة لازم تحطي مع الحنة مقدار ملعقة زيت أيا كان نوعه (أنا بحط زيت الزيتون) تم تضيفين الأعشاب اللي تحبيها و كمان عشان اللون لازم تتركي الحنة و المكونات اللي خلطتي معها ترتاح شوي و أحسن شئ تحت أشعة الشمس يمكن ساعة أو ساعتين لأنه كلما ارتاحت أكتر بتعطي اللون أكتر و بعدين لما تحطيها على شعرك تتركيها كمان مدة معقولة ساعة أو ساعتين أو أكتر اللي تحبين بس ضروري تغسليها بالشامبو و معلومة إضافة الزيت للحنة بيخليها تزول بسرعة من الشعر |
طريقه مجرباها للحنه
كميه الحنه المناسبه لشعرك تعجن بكركديه مغلي اذا كنت تريدين الشعر احمر اما اذا كنت تريديه بني اعجنيها بشاي احمر مغلي ثم اضيفي 2 ملعقه زبادي واتركي الخلطه نصف ساعه ثم ضعيها علي شعرك لمده لا تقل عن 6 ساعات حتي تجف علي شعرك وتعطي اللون المطلوب اما عن المنشفه عليك باتخاذ منشفه غامقه اللون لمثل هذه الايام الاولي بعد الحنه وايضا المخده عليك بوضع شيئ من القماش السميك عليها حتي لا تتتسخ من اللون وذلك فقط قبل وبعد غسلها في ذلك اليوم |
| الساعة الآن 04:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©