~®§§][][ (بطاقة دعوة )..فكرة جديده لليلة رومانسية ][][§§®~
 

http://www.up-00.com/uploads/nMO45537.gif

اهلا وسهلا بأعضاء منتدانا الرائع من اخوان واخوات...واتمنى ان تقضوا اوقات ممتعة
ومفيدة في عالم الرومانسية..


الفكــرة :

ندخل في الموضوع....الفكرة كانت عبارة عن ارسال بطاقة دعوة الى مقر عمل زوجي
وكتبت فيها انه الليلة بنستضيفه في (( عالم الاحلام )) اللي هو بيتنـــا...وكتبت انه
في مفاجآت كثيرة عند حضوره...طبعا دوام زوجي ينتهي الساعة 9 بالليل لانه بنظام
الشيفتات...المهم طبعا خذيت اجازة من العمل لمدة 3 ايام وقضيت وقتي كله في
الترتيبات والتخطيط...
بعد ان ارسلت البطاقة الصبح بإيد اخوي استغليت النهار كله في التجهيزات..

************************

طبعا بدأت بالتنظيف واشتريت شيفون احمر غامق وقسمته لـ 20 قطع ووزعتها بطريقه
فنية على الكنب في الصالة وغرفة النوم وغرفة المساج ( عبارة عن غرفة صغيرة في
احدى زوايا البيت وخصصة للتدليك ) .. وزينت الكرسي المتحرك ( مثل اللي في المكاتب )
بالشيفون الاحمر وحطيت مخدة صغيرة حمراء عليها ..وحطيت الكرسي عند الباب
وكتبت على الباب من الخارج (( اول ما تدخل بتشوف كرسي امامك اجلس عليه
وارتاح يا حياتي )...والفكرة هذي لها سبب بذكره بعد شوي ..

************************

المهم زينت ارضية البيت بالورود الحمراء المجففة والطبيعية على شكل امواج وعلى
الجوانب وضعت شموع مختلفة الاحجام حمراء وذهبية اللون..
جهزت طبعا غرفة التدليك بالورود والشموع وجهزت
الزيوت الطبيعية بنكهات ( الورود المختلفة )...والفوط الحمراء والبيضاء..

************************

بعدها اتجهت لغرفة النوم زينتها بالشيفون الاحمر والذهبي وغيرت شرشف السرير
للاحمر والمخدات ذهبية وكتبت على السيراميك بعض الرسائل الصغيرة الغرامية و
بعض ابيات شعر قصيرة وغرامية...ووضعت جهاز لفقاعات الصابون في غرفة النوم
لتملأ الغرفة فقاعات...ووزعت الشموع طبعا والورود بخرت الغرفة..

************************

وبعدها رحت للصالون وغيرت اللوك كله...قصيت شعري وغيرت لونه وطبعا اشتريت
لبس صيني احمر فيه خطوط ذهبية بعذ الاكسسوارات المناسبة ..

************************

وبعدها خليت العشـــاء آخر شي قبل الوصول بساعتين ...طبخت اكل صيني عبارة
عن مأكولات بحرية و شوربة وبعض الفطاير الصينية..وزينت الطاولة بعد ان حطيتها في
زاية الطالة وحول الطاولة الشلالات المائية الصغيرة ليكون العشاء على صوت خرير الماء وضوء الشموع ..وجهزت الجاكوزي في البيت..وايضا الحمام ( اعزكم الله ) زينته
بالشموع والورود..

التنفيـــذ :

اول ما وصل زوجي طبعا كنت مجهزة كل شي...وحضرت عصير الليمون مع النعنان
البارد ..وكان في إيدي..طبعا دخل زوجي ..وخذيت عنه شنطة العمل..وطبعا جلس
على الكرسي وكان يبتسم ويتفدى ...وانا بكامل زينتي ومظهري الجديد امامه كان
متفاجئ من قصة الشعر واللون واللوك كله..وقام يتمدح...قدمت له العصير مع بوسه
وقمت احرك الكرسي مثل العربة وهو جالس طبعا الى غرفة التدليك..
وقبل ما انسى كانت فكرة الكرسي المتحرك علشان زوجي يوصل تعبان ومرهق فما
حبيته يمشي لغرفة التدليك وايضا كنوع من التغيير والتدليل..
المهم اثناء التدليك كنت اهمس في اذنه مره اقول له ( احبك ) ومرة ( فديتك ) وهكذا
بعد التدليك ذهب زوجي وجلس في الجاكوزي لمدة 10 دقائق فقط وبعدها راح اتسبح
واتأخر ولما رحت اطل عليه كان ما خذ راحته جالس في البانيو بين الورد وفرحان و
شوي وينام...قلت له لا لا حبيبي ما اتفقنا على جذي ..طبعا ضحك..قلت يللا العشا
جاهز...وانا غيرت ملابسي ولبست ايضا لبس صيني بس مختلف..وجهزت العشاء
تعشينا وزوجي يتمدح فيني ..وسولفنا في امور كثيرة...وبعدها ذهبنا لغرفة النوم
وتفاجأ زوجي الغالي بالغرفة وجمالها...والحمد لله عدت الليلة على خير ومحبة ومودة

النتيجــه :

في اليوم الثاني الصبح زوجي صحاني من النوم وكان مجهز الفطور فديته..وفطرنا مع
بعض وهو الفرحه مبينه عليه....بعد ما راح الشغل رحت ابي اطبخ الغداء ولما فتحت الثلاجة لقيت رسالة مكتوب فيها التالي:

يا اغلى ما املك في هذي الدنيا..والله اني احبج وحبي لج يزيد كل ثانية
كلمة شكرا قليلة واااااااااااااااااااااااااااايد في حقج على المفاجأة الرائعه
لكني اقول الله لا يحرمني منج يا عمري وادعي من كل قلبي ان يجمعنا مع بعض
في الجنة يارب
وانتظري مفاجأتي الاسبوع القادم بإذن الله

احبج وبشتاقلج زوجج : ...........

************************

طبعا فرحت وايد للرسالة ويكفي انه يقدرني ويقدر كل اللي اسويه له..

كان ودي احط صور بس والله ما سنحت لي الفرصة إني ألتقط صور ..بس اتمنى ان
الفكرة كانت واضحة ..

واسمحو لي على الاطالة

اختكم ---- لمني بشوق

http://www.up-00.com/uploads/Bd945580.gif

وعليكم السلام ورحمة الله وبركاته

ماشاء الله تبارك الله ..

فكرة رائعة جدا ..

اسأله تعالى لكما السعادة والتوفيق وأن يصلح لكما ابنائكما ..

,
,

ماشاء الله تبارك الله ..

والله إن النفس تطمئن ويدخل في القلب السرور عند قراءة الأفكار ..


فعلا أفكار راااائعة اللهم بارك ..


لم تتركي لنا شيئاً أختي ..

فعلا هذا المنتدى يحتاج من يبعث فيه الروح التفاؤلية بمثل هذه المواضيع ..

ولو كانت مدعومة بالصور لكان وقعها على القلب أكبر ..

دمتم بحفظ الله ورعايته ..


أسأل الله أن يديم عليكم نعمة الحب والمودة ..

حصنتكم بلا إله إلا الله ..
,
,

ماشاء الله تبارك الله ..

الله يسعدكم

ماشاء الله فكره رائعه جزاك الله خيرا اسأل الله لك السعاده في الدارين ويارب كل الازواج تقدر ذلك

ماشاءالله تبارك الله

نفسي اسوي زي كذا

بس بصراحة ماعرف انسق واعمل حركات

الا في ملابس واشياء خاصة فيني!!!
لو في صور واقتبسنا الحركات هههههههههه

الله يهنيكم ويخليكم لبعض

ماشاء الله على الأفكار الحلوة

ماشاء الله تبارك الله والله أفكااار راااااااااااااااااااااااااااااااائعة من جد أحتاج اني اتعلم هالفنون وهالحركات لاني احس اني مقصره فيها والمشكله انت زوجي يمووووووووووووت في الدلع والدلال وعسى الله يسعدك ياربي وتتحفينا بكل ليلة رومانسيه بس نبي صور المره الجايه معليش عالتشرط تحملينا ...

الله يسعدك ياااااااارب

مرحبا عزيزتي ...اسعدتني طلتج الحلوه
الف شكر على المشاركة وربي يسعدج

هلا بج يالغـــلا..تسلمين على المرور والمشاركه
سعيده جدا لان الفكره عجبتج واكيد تقدرين تطبقين الفكره وهذا احد الاسباب
اللي خلتني انزل الموضوع..ربي يوفقج اختي ويسعدكم ويحفظكم

هلا بج حبيبتي ومشكوره على مرورج ومشاركتج الحلوه
وسعيده جدا لان الفكره عجبتج..ربي يسعدج ويوفقج

هلا بج حبيبتي..سعيده جدا بمرورج ومشاركتج الرااائعه..ومادام زوجج يحب الدلع
فلا تقصرين معاه هذي فرصتج...وان شاء الله المره القادمة بحط صور انتي تامرين
أمر حبيبتي..وربي يحفظج ويسعدج ويوفقج يااارب

ما شاء الله فكرة روعه

الله يسعدك دنيا وآخرة

تحيتي لك

ماشاء الله تبارك الله ..

حصني نفسك حبيبتي ولاتنسين أذكارك أبدا ..

الله يوفقك ويسعدك يارب ..

ماشاء الله أفكار راااايقه الله يهنيكم ( يلا يازوجات خلونا نشوف ابداعاتكم )

تسلمين يالغاليه على المرور والمشاركه
وربي يسعدج ويوفقج ويجزيج كل خير

آمين يارب العالمين...الف شكر اخي الكريم على دعواتك الطيبه
وجزاك الله خير على المشاركة الجميله والله يسعدك ويوفقك دوم يارب