|
مشكلتي مع خطيبي !! التدقيق في كل شيء
السلام عليكم ورحمه الله وبركاته
بعد ماشفت المنتدى والموضيع اللي فيه عجبني كثير وعجبني طريقه رد الاعضاء فيها وكيفيه محاوله المساعده للعضو يعطيكم الف عافيه ماقصرتو بجد ــــــــــــــــــــــــــــــــــــــــــــــــــ ــــــــ ابدء بمشكلتي انا مخطوبه من ثلاث شهور تقريباا وعشر ايام وعمر 23 سنه في بدايه الخطوبه كانت علاقتي معاه اوكي زينه بعد شهر بالضبط صار سوء تفاهم بينه وبين اهلي وحمدلله عدت على خير ومن بعدها صارت حياتي كلها مشاكل في مشاكل انا مو قادره احبه عشان اسلوبه انا مو متعوده عليه ولحد الحين مو عارفه كيف اتعامل مع هالشخص يبغيني احطه في عيوني واسكر عليه اوكي مو مشكله بس المشكله انا مو موجود عندي على طول هو يغيب عني اسبوعين عشان عمله ويصير عندي اسبوع وقت الاوف حقه وانا خطيبه لحد الحين مابعد نتزوج اكيد الحياه الخطوبه فرق عن حياه المتزوجين هو يبغيني اتعامل معاه كاني فيه بيته صعبه علي حيييل طيب بقولكم كيف اسلوبه يمكن تساعدوني عشان افهمه اشوي هو دقيق مرررررررررررررررررررررررره دقيقه في كل شي كل شي يدقق في شكلي في جسمي في اسلوبي في كلامي والحين اخر فتره صاير كلى مشاكل كل يوم هواش على كلامي معاه انا اسلوبي اتكلم معاه عاااااادي اخذ راحتي في الكلام تطلع مني اشياء عاديه مره وهو يسوي فيها قضيه كبيره وحتى مره كنت امزح معاه يؤؤؤؤؤؤؤؤؤؤؤؤؤؤؤؤؤؤؤؤؤؤؤ شصار فيني لعب فيني لعب عيونه صار جمر وهو يصرخ ويهزء وهو يبغيني اهتم فيه كيف اهتم فيه وهو بعيد عني ومااقدر اكلمه حتى تلفون لازم هو يتصل علي اذا كان موجود في دوامه رسمي كل يوم يتصل فيه يهاوش فيني اما اذا كان قريب عندي لا اخف اشوي واحيانا الله يهديه ولا يصير شي واخر اتصال مهددني فيه وقال لي اخر مره اشوفك تتكلمين معي كذا لازم تدققين على كل كلمه تقولينها لي ولا راح تشوفين شي ثاني يعني احتمال اتطلق وانا بصراحه مابي اجلس في بيت اهلي ياليت تلقون لي حل حق هذي المشكله باسرع وقت ممكن لاني بجد تعبت من المشاكل هذي كل يوم تطلع لي سالفه تافه وتصير قضيه بليز ساعدوووووووووني ويعطيكم الف عافيه الاشراف : عذراً, تعديل بسيط في العنوان. بالتوفيق |
سالفتكم اشبه ماتكون بالمثل اللي يقول يجهز العصابه قبل الفلقه ...
بدري على الهواش والمشاكل وبعدين ليش تحتكون ببعض وانتم لسا ماتزوجتوا مفروض لا مكالمات ولا غيره لحد الزواج |
مشكور الولهان على ردك
هو ملك علي وعندنا عادي يشوفني واشوفه عشان نتفاهم يعني بس انا مستغربه من اللي يقولون ايام الخطوبه احلى من ايام الزواج انا لحد الحين ماشفت حلا |
وعليكم السلام ورحمة الله وبركاته
نقل إلى مكانه المناسب .. وفقكِ الله .. |
الله يعينك
بس اذا كان بطريقته هذه يساومك على زواجه منكـ ومعتبر زواجه تفضل عليكـ ... هذا الله يعينك معه بعدين ... يعني عامليه بكل ثقة ... وقولي له هذا انا ... تبيني او محد مجبرك واذا هددك ... قولي له يلا سو الي تبيه !! ترى انك تنفصلين عنه قبل الزاوج احسن من بعد الوزواج بكثيييير اعرف صديقي كان عنه مشاكل مع زوجته وقت الملكة ... بغا يطلقها .. امه قالت له تحبها بعد الزوواج وتتعدل الامور لكن للأسف الحين طلقها بعد الزواج !!! اختي ادري ان رايي قاسي ... لكن لابد من الوضوح والمصارحة مع النفس !! ورزقكـ بيد الله .. ولا تدرين وين الخيرة :) وما تدرين يمكن اذا شدتي عليه وعاملتيه ب " تغلي " شوي ممكن يتعدل هو ويحس بقيمتك بالتوفيق :) |
كان الله في عونك أختي
|
مشكور اخوي خيركم لاهله على الرد
انا ابغيه يحس فيني اشوي كذا مره ازعل عليه واتغلى عليه وهو عديم احساس كانه يقولي طقي راسك بلجدار انا ابغي اسوي شي عشان يصحصح باللي فيه اشوي يحس ان لي مشاعر واحاسيس واتمنى الرد والمساعده اكثر اما الطلاق مافكرت في امره لحد الحين بس مابي حياتي تصير دمار انتو عافين كيف اسم المطلقه مو سهله والله |
جسي نبضه هو يبغاك والا لا
بس حاولي تحبكينها ... وبغض النظر عن مشكلتك , الانفصال قبل الزواج يسمى فك الخطوبه مو طلاق .. |
غاليتي قمر الليل .....
اللي هذا أوله قسم بالله ينعاف تاليه !!! هذا ما تجمل هالأيام أجل بعدين بيكون شخص لا يطاق وقتها مايمديك على الندم .. أخيتي أن من أسمى معاني الإنتصار الخروج بأقل الخسائر .. (( لعب فيني لعب عيونه صار جمر وهو يصرخ ويهزء!!!!!!!!!!!!!!!!!!!! ))) يالله فاتحة خيررررر يارب لا شر فيها .. على وصفك يبدو أنه مزاجي وعصبي وهالنوعيه من الرجال ينكدون عيشة الوحده ويجيبون القولون والضغط .. لا تزعلين من كلامي بس أبغى تستخيرين مليون مره قبل ما تلقين بنفسك الى التهلكه بزواجك منه .. أعانك الله لا هو أول ولا أخر الرجال عيني .. وألف واحد يتمناك .. عموما هي وجهة نظر استقيتها من تجربه وحده غاليه مازلت محروقه عليها انها لم تنسحب مبكرا .. وهي تتجرع ألم سلبيتها في البدايه لكنها خسرررررررررت الكثير في النهايه ومسلسل الخسائر مستمر من صحتها ونفسيتها اعان الله الجميع. لك مني كل الود .. |
الله يهديه ان شاء الله انا استغرب من اللي تصير لهم مشاكل في فترة الخطوبة والخصومات اللي تصير والهواش مب فترة تعارف هاذي الله يصلحكم ويهدي سركم ان شاء الله
|
الله يهديييه ويصلحه يارب ... ماشاء الله عليك اختي باين عليك ناضجه وفاهمه وواعيه ... ومب مثل البنات اللي كل كلمتين قالوا طلقني وبنفصل .. << اسفة على هالكلمه وماقصد الكل طبعا في احس الطلاق هاليومين صاير موضه الله يكافينا الشر ..
اختي في الله .. حاولي تتكلمين معاه بصراحة وتبينين له انه مثل مايبغكي تثمنين كلامك معاه هو بعد لازم يسوي نفس الشي ... بس في كلمه لفتت انتباهي وهي يوم قلتي انه يوم يكون عندك يكون ارحم ومب عصبي .. فيمكن البعد هو اللي يسوي فيه جي ... الله ييسر لج الخير يارب |
اختي الفاضلة
من المحتمل أنه وجد بعض الاشياء التي عكرت مزاجة وجعلته عصبياً الانسان اذا تمنى شيء في زوجتة او وجد صفة لا يحبها وعجز عن أصلاحها يكون عصبي وجاف في معاملتة بسبب المشاكل التي يمر بها مع زوجتة حاسبي نفسكِ على كل خطأ يحصل بقصد أو من غير قصد وابتعدي شيئاً فشيء عن اي صفة لا يحبها التغيير لا يأتي في يوم وليلة فهو يحتاج الى النفس الطويل وهذا شيء يجب أن يفهمه زوجكِ جيداً دعية يشعر انكِ مصممه على تغيير بعض الاشياء فانه اذا شعر انكِ تريدي التغيير لن يفكر بالطلاق حتى ولو قالها وقت الغضب وحتى لو قالها وقت الغضب امتصي غضبه بأسلوبكِ العاطفي |
فترة الملكة من اجمل واحلى الذكريات اللي مرت علي , فيها كل انواع الرومانسية والحب والتفاهم مع انه تخللتها بعض
الاخطاء والزعل , لكن نعود من بوابة محمد عليه الصلاة والسلام في كيفية تعامله مع زوجاته رضي الله عنهن , التقليل من الاخطاء امر بسيط لكن يحتاج الى معونه من الله ثم من تفكيرك الايجابي , , بالنسبة للتدقيق فهذا تصرف المزاج يعني زوجك الظاهر انه مزاجي حيل , حاولي انك تغيرين بعض الروتين مثل تفاجئينه بهدية منك ( مجموعه عطور مع لوازم رجولية : محفظة + قلم + ميدالية ) يعني مفاجئات تخليه يحس انك تعاملينه بكل حب وإخلاص , ولاتنسين دائما وابدا الدعاء الدعاء الدعاء له ولك بالثبات وان يجمع الله بكما على خير وطاعه . اتمنى ذكر مواقف للنبي عليه السلام وللصحابه الكرام ونماذج من سيدات وامهات الدين ومنهم التابعات , الله يبارك لكم ويجمع بينكم على حب وتقوى وخير . |
الله يعينك عزيزتي ويرقق قلب زوجك
حسب خبرتي المفروض ان ايام الخطوبة والملكة تكون من احلى وارق الايام تمنياتي لك بالسعادة |
الله يعينك والله
ماعندي زياده على كلام الاخوان والاخوات لكن حبيت انبهك لنقطتين : 1- تريثي ..يعني لاتستعجلين في الزواج وانتي تعانين منه في الملكه !! لازم تدخلين على بينه .. اما نظام خذني جيتك ترى والله مو في صالحك 2- لاتحسسينه انك ضعيفه حيال لقب مطلقه!! ترى هالشي بيخليه يستقوي عليك .. يعني انا اشوفك تتنازلين عن اشياء كثيره خوفا من الانفصال!! تخوفك هذا يعتبر نقطه ضعف ممكن يستغلها اسوأ استغلال اذا كان من بعض النوعيات من البشر الله يصلحهم بس الله يكتب لك الصالح |
كان الله في عونك اختي
اهم شي تطولين فترة الملكة شوي حتى يبان اكثر ثم تقررين وفقك الله لكل خير |
ليا راجعه ان شاء الله
بعد ماارجع من السفر |
اختي الله يصلح شانكم انتي مملكه يعني شرعا زوجك اتوقع المشكلة يبغى منك اهتمام اكبر يعني تسالي عليه مو لازم هو دايم يتصل ممكن انتي تتصلي تسالي عنه تعزميه عندكم بالبيت تطبخي له اكله يحبها ترسلي مسج حلو ولو هاوش وزعل قولي له بدري هذي احلى فترة وحاولي تلبي رغباته لو حسيتها معقولة ويحتاج تغيريها اختي هذي ميزة انه خطيبك يدقق فيك يعني يخبرك بالي مايحبه ويبغى يغيرك للافضل في كثير رجال مايتكملوولا كلمة ويروحو يدوروا من ورا زوجاتهم ولما يسالوهم عن السبب يذكر عيوبها كله وكون هذي اول مرة تعرف انه متضايق منها ولكن بعد ايش
قليلين الرجال الي كذا وهذا دليل انه شاريك ويريدك زوجه له ولكن عنده تحفضات على بعض تصرفاتك وانتي بعد لو حبيتي منه يغير شغلة ممكن تنبهي لها والله يوفقكم ويتمم لكم على خير |
مشكورين حبايبي على النصايح المفيده
انا بتحمل هذا الاسبوع وبحاول اغير نفسي مثل ماهو يبغي وبشوف النتيجه الله يستر يعطيكم الف عافيه ماقصرتو معي بجد |
هلا حبيبتي ..
هدي أعصاابك .. وكثفي دعااء هذي الأياام .. فترة الخطووبة المفرووض كلها دعااء .. بين كل اذان واقامه ادعي والحي بالدعااء .. والأخوان والأخوات كفو ووفوو .. بس أنا جبت لك شغلة دينه وهم جابو حلول ترى قلبه بين يدي رب العالمين يسخره كيف يشآآء .. فاحرصي على الدعاء في كل سجدة وفي كل حيــن .. وانصحك بعد خليـــك وآآآآثقة من نفسك .. ترى ممكن الثقة تحول هالتصرفات اللي هو يتضايق منها الى إعجآآب.. وباين عليه يحبك بس يعبر بطريقة ثانية .. بدليل انه مايستغني عن اتصالاتك .. فانتي وضحي له انك تحبينه بطريقتك الخاصة ودلليه بأسلوبك ..:) وعليك بالاستخارة اولا واخيرآآ .. وزي ماقالت خطيبة مطووع أنا معها في النقطة الثانية اللي قالتها.. وعذرا ع الاطاااالة . وبالتوفييق :) :) |
اختي قمر الليل مشكلتك اعاني منها انا ايضا ومطروحة ايضا بعنوان مختلف = انا في ورطة مع خطيبي..اتصرف كيف ... واتمنى اجد نصائح مجدية لنوعية الرجال اللي هما منهم خطيبي وخطيبك ..انا اسفة مش قادرة افيدك بشيئ بس اتمنى اننا نوفق من ايجاد الحل الانسب وربنا الموفق
|
خطيبك متخلف لانو مفروض ايام الخطوبة يتقرب منك ويكون رومنسي معك ويخلي عصبيتو لبعد الزواج اذا الحين يعاملك كذا كيف بعد الزواج رح يمنعك تضحكين اتوقع انو مريض نفسي واسف لكي اختي لكن هذه الحقيقة ومثل هذه العقلية انفصالك عنو الان اسلم الك من بعد ما تتورطين وتصيرين في بيتو
|
شكراا على ارائكم الحلووووه
وانا الحين التجئت الى الدعااء له كل يوم بعد صلاه الفجر ادعي ان الله يهديه واول مره امس كلمني كان عادي بس مدري وش فيه شكله بيقلب على اخوي ها المره لان اهله جاو بيتنا وحنا كنا طالعين المزرعه وهم ماعطونا خبر انهم بيجون ماعرفنا الا بعد ماجاو بس حمدلله كانت امي موجوده في البيت هو بعد ماعرف ان اهله جاو بيتنا وماكنت انا موجوده في البيت يقول لي خلي يصير عندي خبر ان اخوك يدري ان اهلي بيجون ولا خبرك انا اوريه بس خليني اتاكد من اهلي قبل والله او اعرف ان اخوك يدري ان اهلي بيجون ولا عطاكم خبر راح يصير كلام ثاني وهذا دايم اسلوبه في التعامل قلت لكم القصه عشان تعرفون كيف اسلوبه يتعامل احس مااقدر ومدري كيف اتعامل مع هالانوعيه من الناس |
من جد هذه بدايتها
أجل كيف لو تزوجتيه الله يعينك حبيبتي و يسهل أمـــــــــــــــــورك |
| الساعة الآن 02:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©