|
هل اخطات بطلبي من زوجي المقعد الامامي
السلام عليكم
عندما نذهب الى مشوار ما مع اهل زوجي تجلس اختة الكبرى بالمقعد الامامي اعتبارا انها كبيرة و بمقام امة ( رحمة الله عليها ) ....ز بالبداية كنت اتضايق كثير لانها مش امه بجد و ما شا الله عيالها متان بجد اتضايق نصي يكون عالباب من كثر ماني متضايقة .......... الحين عندي طفلين و نفس المأساة اثنينهم بحظني لدرجة اني ما اشوف قدامي و اذا صار مشوار بعيد و الله اني اوصل معصبة تخرب علي كل وناستي .... و لا تاخذ عندها واحد فيهم و لا بناتها يعرضون المساعدة كل وحده بأذنها ( الاي بود ) حقها و انا بالزاوية اتألم من ظهري بسبب الضيق ... و لما كلمت زوجي بالموضوع ما عارض اني اكون قدام تفهم الوضع و ركبت انا قدام طلعت قبلها عشان اصير قدام .... كنت مرتاحه لا بأس اهون من ورا ... بس لما وصلنا محد طايق لي كلمة و انا صرت مرت الولد الشريرة ... وطول القعده تذكره بأنها ربته لما ماتت امهم و انها بحسبة امه و تذكر قصص عن حريم شلون بارين بأم الزوج .... برأيكم ... هل مقياس الاحترام و التقدير هو المقعد الامامي .... انا مقتنعه اني مو غلطانه و لا حتى لمت زوجي او بينت لة اني متضايقة بل بالعكس سأستمر هكذا لان المقعد الامامي من حقي دام امة متوفية ..... و انا مع هالصغار صحيح ممل الوضع و ضيق بس اهون بألف مره من ورا ..... هل انا صح ام غلط ؟؟؟ تم تعديل العنوان ليتناسب مع الطرح |
عزيزتي انا معاج ان الوضع يضايق بس لا تخلين المقعد الامامي يسبب حساسيات بينك وبين اهله..
يعني احيانا اجلسي بالامام واحيانا بالخلف واعتقد ان هذي احسن طريقه..لان اخته اذا زعلت بتقعد اتكرر وتذكره بأنها هي اللي ربت واعتنت وكبرت وهذا مع الزن ممكن يضايق زوجج.. والله يوفقكم ويسعدكم ويحفظكم اختج --- لمني بشوق |
شوفي حبيبتي كان المفروووض يكون موقفك
من البدايه محدد يعني من البدايه تركبين قدام........ وإنتي حاولي تسألي زوجك أو أي أحد أمين عنها مع أخت زوجها...... مين إللي يركب قدام؟ فإذا هيا كانت تركب قدام وأخت زوجها ورى دقيها بالكلام بهذي الحقيقه وإذا كانت ترجع ورى وأخت زوجها قدام... فــــــهنا لاتردين عليها أبدن....وطنشي.... مع الأيام بتتعود وخلاص......... مشي حالك والأمور بتمشي....... بس لاتجادلينها وتدخلين في مظاربه مالها أول ولاتالي..... |
للاسف الغلطة غلطتك حبيبتي كان من الاول تحطي النقط على الحروف وما تخليها تتجرا انها نقعد للقدام لان ده مكانك المفروض كونك زوجته وهي اخته مهما كان وزنها ووضعها بالعائلة ...انتي استمري على هدا الحال واحرصي على القعود قدام لغاية ما تمل وتتعود ويصير الامر عادي بالنسبة لها ومع زوجك تكلمي معاه باسلوب محترم ومقنع وربنا معاكي
|
[
ما شوفك غلطانة ابد لو امه صح هي تقعد كدام بس هذه اخته وبعدين انت اسبابك مقنعة . بس عيالك شلون مسوية معهم ان شاء الله مو مضايقين عمتهم وبعدين انتو مشاويركم كلها مع بعض ولا شنو...........؟ |
اكيد مو غلطانه
لو انها امه كان قلنا هذا احترام لها لكن المقعد الامامي من حقك وبما انه زوجك ما علق وراضي لايهمك احد يكفي انهم معكم في مشاويركم تحمد ربها وربي يعينك حبيبتي |
اكيد الرجال يحب المدام تجلس امام انا اشوف زوجي ينزعج عندما يجلس ابني امام
طيب انت خلي الخدامة تجلس امام وانت والاخت الحنونه روحو ورا لاتزعلين |
كبري عقلك ولاتخربين على نفسك بسبب مقعد امامي وخلفي ،،، واجلسي بالمقعد الخلفي واحتسبي الاجر عند الله بصبرك على هالوضع ،،،، وغير كذا قولي لزوجك يبيع سيارته ويشتري سياره اكبر شوي ،،، حتى لو كان موديلها اقدم بسنه او سنتين .
|
غلطانه والف غلطانه اسمحي لي وش الفرق قدام ولا وراء المساله مساله احترام وتقدير قبل يكون لاخته الي ربته وتعبت عليه يكون احترام لزوجك للاسف ان هه الاشياء البسيطه بامكانه تكبر عيون الاهل في الزوجه ولكن للاسف حطي نفسك انك بمكان الاخت ترضين زوجت اخوك ترجعك قدام وهذي الزوجه بين يوم وليله اقولك نصيحه كبري دماغك وكلكم راح تاصلون سواء بس الغيره وين تخلونها لا تقولين ان هذا رد رجال انا ست زيك والله اني اروح بالمقعد الخلفي ولاخته الي من نفس عمري وما اشوف الا الزين وخاصه ان زوجي ما تفرق معاه
|
اجلسي للامام وما يهمك ،، وخلي اليحكي يحكي
لكن لو كانت امه موجوده بالمقعد الامامي الها ،،، انا بصراحه كثير ما اتمنى اجلس بجانب زوجي لكن والدته معنا فالحق لها لانها ام ولو كانت امي لكانت هي في المقعد الامام خليكي بالامام ولا تتنازلي عليه لانه اذا تنازلتي مره رح تتنازلي اكثر من مره |
بصراحه انتى مش غلطانه
لان دى اخته مش امه مهما كان وضعها فهى اخته |
سبحان الله
يعني سؤال عزيزتي كم الوقت الي يستغرقه مشواركم في السيارة الي تطلعين فيها مع أهل زوجك ساعة ساعتين او ربع ساعة ولا نصف ساعة او كم بالضبط حبيبتي انا متزوجة ولي اخت زوج كبيرة في السن و اكبر منه اكن لها الاحترام والود ومنها ماأخليها تركب ورا ابدا والمشوار مهما طال ما يتعدى ربع او نصف ساعة يعني الامر كله مايستاهل الزعل ولا الوقفة عندها حبيبتي زوجك لك وهو عندك طول الوقت وما اعتقد ان موضوع جلستك جنبه مهم في المقعد الامامي اقدر شعورك بس فضليها انتي على المقعد بس اطلبي من اخواته انهم يساعدوك في حمل واحد من اولادك الين توصلوا بالسلامة للمشوار والله السالفة ما تستاهل خصوصا ان اخته الظاهر انها اكبر من زوجك فتقديرا لها ولزوجك سوي هالشي من طيب خاطر وما تسوى المشاكل علشان جلسة لمدة محدودة الله معاك حبيبتي وآسفة على االاطالة |
من وجهة نظري خليها تركب قدام مافي فرق أهم شي زوجك يقدر لك هذا الشيء
|
أجلسا كلتيكما في المقعد الخلفي وأتركا المقعد الامامي فاضي
|
ليش زوج اخته وينه ؟
|
اختي زوجك لك لحالك بكل مكان
فما فرقت سيارة ابدا! ولافرق مكان ابدا! طالما بضحي بموقف عشان يزيد مقداري عند زوجي اخت زوجي اكبر مني بتقريبا ب10 سنوات ودايم تركب معنا وترفض تركب قدام تبغى تركب ورا تقول عشان ماضايقك وتاخذين راحتك بس انا احلف اني ماركب قدام اولا استحي منها ثانيا وهو المهم عشان يقدرني زوجي وينبسط مني واركب ورا مع بناتها وعيالها ووعيالها يجننوني اللي يجلس علي واللي يسحب شنطتي واتضايق منهم كثثييير ومشوارنا طويل يعني ممكن في السيارة ساعتين!! بس عشان ينبسط زوجي مني :) ولما تنزل لبيتها اشوف زوجي مقدر لي هالموقف وطول الوقت يقولي انت بنت سنعة وفاهمة الامور وذكية تعجبيني امر بسيط بس يطيرك فوووق عند زوجك فكري بعقل ياحلوة |
تدرين صارلي ساعه افكر شنو اردلك ..........بس حسيت الموضوع مو مستاهل كل هالتفكير مني والزعل منك .......مرات اقوووول طالما انه امه متوفيه .خلااص محد ياخذ مكانك جنب زوجك
ومرات اقوووول طالما هي اخته الكبيره وبمقام والدته لا لها حق الجلوس في الامام بس ليش ما تخلين الموضوع عادي مره انتي قدام ومره هي .....ولما تكوني انتي في الخلف اطلبي منها تاخذ واحد من عيالك عندها او عند بناتهاما فيها شي دافعي عن حقوقك اشوي ......احسن ما تروحين المشوااار وانتي تعبانه من الجلسه الطويله وما تستانسين بالطلعه انا ام زوجي هي تطلب مني اجلس قدام بس انا ما اقبل ما تخيل نفسي انا قدام وهي ورا ...كبارالسن لهم التقدير والاحترام |
بصراحه ولا تزعلين خلقتي مشكله من لامشكله ...
اهم شي ترتاحون بالسياره وتكون واسعه وبس ... |
هذا الموضوع حساس وبسيط في نفس الوقت الاحظ تصير حساسيات فيه كثير لو امه من غير كلام تجلس بالامام اما اخته ولو كبيرة تجلس وراء بتزعل شويه وبعدها بترضى
|
اقتباس:
|
طيب الزوووج ماله رأي بهالموضوووع؟؟؟
أعتقد إن الرأي الأول والاخير يرجع للزوج وشخصيته وحسب نظرته وتقديره .. بالنسبة لي .. زوجتي ترفض تركب قدام إذا كان معي أحد من أخواتي وتحلف إنها ماتركب قدام..وماشاء الله الكريم .. الحين كل أهلي طايرين بزوجتي ويفرحون فيها أكثر من فرحتهم فيني ..... |
t]اختي هذاحقك ولااحديزعل من الحق وكلام اخواتي صحيح انتي من البداية عطيتها وجة اجلسي قدام اناامه وياللةاستحملهاوشلون اخته واذاجلست الكرسي قدام تبي تزعلها وتنسى كل شي بينكن وتخليكي شريرةبنظرهااحقريهاواركبي قدام والحقران يقطع المصران وانااختك]
|
سبحان الله
يعني سؤال عزيزتي كم الوقت الي يستغرقه مشواركم في السيارة الي تطلعين فيها مع أهل زوجك ساعة ساعتين او ربع ساعة ولا نصف ساعة او كم بالضبط حبيبتي انا متزوجة ولي اخت زوج كبيرة في السن و اكبر منه اكن لها الاحترام والود ومنها ماأخليها تركب ورا ابدا والمشوار مهما طال ما يتعدى ربع او نصف ساعة يعني الامر كله مايستاهل الزعل ولا الوقفة عندها حبيبتي زوجك لك وهو عندك طول الوقت وما اعتقد ان موضوع جلستك جنبه مهم في المقعد الامامي اقدر شعورك بس فضليها انتي على المقعد بس اطلبي من اخواته انهم يساعدوك في حمل واحد من اولادك الين توصلوا بالسلامة للمشوار والله السالفة ما تستاهل خصوصا ان اخته الظاهر انها اكبر من زوجك فتقديرا لها ولزوجك سوي هالشي من طيب خاطر وما تسوى المشاكل علشان جلسة لمدة محدودة الله معاك حبيبتي رد رااااائع وصااائب .. |
اخطأت ثم اخطأت000وكبري عقلك00 يا اختي
وإذا كان المقعد الأمامي يعنيك لهذه الدرجه00 فالأولى به الكبير 00اختا كانت او زوجه 00 |
اقتباس:
|
المقعد الامامي من حقك
هي بس اول الامر راح تزعل بعدين راح يصير عادي خلي معاملتك معاها حلوة كثر ما تقدرين ... وان شاء الله مع الوقت راح ترضى |
أختي سيدة البرتقال ههه أنا ردي للعبرة وحتى تعرف الاخت ان الموضوع لا يستحق
كل هذا الضجيج تذكرت قصة جحا الذي حمل الحمار مع ابنة ومشى في الاسواق ههه |
طبعا حبيبتي وبدون اي نقاش المقعد الامامي لك مادام امه متوفيه الله يرحمها
واخت زوجك تركب قدام مع زوجها !!!!!!!! انا اذا رحت مع اخوي استحي واركب ورا احس مكلفه عليهم بعد .. والله لو وشو ما اركب قدام وزوجته ام عياله ورا... خييييييير |
السلام عليكم ورحمة الله وبركاته
اختي سيدة برتقاله ... اذا المشكله من يقعد قدام ومن يقعد ورا فانا اشوف انك كبرتي الموضوع زياده عن اللزوم ... وصراحة الاولى يعني انه اخته تقعد لانها حسبة امه ... انا مادري مسويين من ورا وجدام قصه .. خلاص يعني ماركبتي الجين فدام ركبي لما تكونون لحالكم ولاتكبرين الموضوع اختي وتعوذي من ابليس .. اما اذا الموضوع موضوع الضيق .. فممكن تقولين لاخت زوحك بكل ادب ممكن تخيلي بناتك يساعدوني مع الاولاد لانه ورا ضيق وانتو يعني كلكم عله وجده وكل من بساعد ال2 ... الا هو مسافة الطريق انتو مابتعيشون في السياره .. موقفه اختي والله ييسر لك الخير يارب |
انا معاه بالكلام وموافقه للاخ خالد الذابح
اشتري اهل زوجك لانهم اهلك الحين واذا شروك ما راح يرضون عليك با اي شي وهو كرسي ياوخيتي تحملي الزحمه لدقايق والحب والاحترم لعمرك كه |
اقول لك شئ ياغاليه :
انا باول الزواج كنت احتراما لاخته الكبيرة اخليها هي تجلس قدام لكن لما مره طلعت ولقيت زوجي لما جلست جنبه قال لي معليش المرة الاولى خليتيها والحين احنا بناخذها بتقول ليش لو سمحتي ترجعي بصراحه كتمت العبره بعين وسكت بس لما رديت البيت قلت له اسمع انا احترمك واحترم اهلك على عيني وراسي بس موقفك مررررررررررررة يزعل وقلت له انا اسفه انا احق من اختك مهما كان غلاها عندك او عندي بالجلوةس جنبك " وافقني بس كانت ردة فعله بالنسبه لي سلبية لانه قال كيفك انتي تصرفي انا ما بقول شسئ وبعدها اخذته عهد على لاجلس بس المشكلة باخته الكبيرة لس ما جت وجلست مع اني اعرف انها بتعلق بس ما علي ولا اكون كل مره مقهورة ... |
يا جماعة الخير اذكروا الله وصلوا على النبي .. كلهت سياره !! الطريق فيها اذا بيطول بيطول ساعه ساعه ونص هاي اذا وصل هالكثر هو مب سفر !! .. والله حنى لو سفر ماتستوي مشكله عشانه ..
انا اخت زوجي اصغر مني بسنه .. ساعات يمرون علي هي وزوجي واحنا في بيت ابوي .. ويوم تيي تبي نرجع ورا والله مارضى .. ليش مسويينها قضيه !! انا اسفة ع هالاسلوب بس صراحة مب مستوعبه !!! |
اجلسى قدام
وبما ان توجد مشاكل من ذهابكم معا بالسياره حاولى ان تقللى من هذا |
الي سويتيه صح
هذي امه مو اخته >>>>>>> عصبت انا منها واذا ربته مايعني انها صارت امة |
اخته الكبيره أحق بالمقعد الامامي احتراما وتقديرا لها
احنا عندنا لو كانت اخت زوجي اكبر مني بسنه وحده تكون هي احق بالمقعد الامامي |
اشوف المقعد الامامي من حق الاخت الكبرى
لانها كبيرة ... وتستاهل الاحترام وصراحة اشوف الموضوع ما يستاهل ... يعني حرام تصير مشاكل على شي ما يسوى !! :) |
لاياقلبي المقعدالامامي لك انتي وحدك وتجلسين جنب زوجك.وخيرعشانها اخته الكبيره تركب قدام والله حاله وليش هي ماتروح مع زوجهايوصلها مشاويرها.بس لوكانت امه اكيدبتجلس قدام عشانهاكبيره وام زوجك.
وانتي فهميهابطريقتك الخاصه.ليش ركبتي قدام.والاخ اللي يقول احتسبي الأجرواجلسي في الخلف. ليش ماتحتسب الأجراخته وتجلس في الخلف سبحان الله دايم يقع اللوم على الزوجه وانهاشريره. |
اقتباس:
|
والله لو انك زوجتي وهذا تفكيرك
لا اركبك بشنطة السيارة بصراحة الموضوع جداً سخيف ومجرد التفكير فيه اسخف طول ما ان تفكيرك منحصر في هذي الامور ابشري بالمشاكل طول العمر المفروض لو هي تقول لك اركبي قدام ترفضين احترام وتقدير لها ولزوجك والله ان زوجتي كبرة بعيني مليوووووووووووووووووووووووووون مره لانها هواش هي واختي الكبيرة من يركب بالمقعد الخلفي حتى اني اعصب عليهم الله يصلح حالك ويهديك بس |
عندي سؤال أنتم كل مشوار تأخذون العيلة كلها لدرجة أن صار مشاكل على المقعد الأمامي ولا بس كم مشوار صرتي تقولي أخته تركب في المقعد الأمامي !!!!!! طيب كيف لو كانت عندك ضره مثل حلاتي كيف بتحلون مشكلة المقعد الأمامي دندتوا حتعملوا هوايل!!!! حبيبتي كبري عقلك أنا أخلي أخوات زوجي الكبار يركبون في المقعد الأمامي و ماأرضى أركب في المقعد الأمامي مع زوجات أخواني لدرجة مره أنا وزجة أخوي كل وحده تحلف على الثانية وأخوي يطالعنا بالأخير قال بتركبون ولا بمشي!!! مره ثانية كبري عقلك
|
| الساعة الآن 05:08 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©