|
خـواتي أنـا في حــيره ][ ساعدوني فليرحمكم الله !!
السلام عليكم ورحمه الله وبركاته
كيف حالكم جميعا اخواني واخواتي اعضاء هذا الصرح الشامـخ ، في حقيقه الامر ترددت كثيرا في طرح مشكلتي هنا ولكن لكثره قرائتي لمواضيعكم الشيقه والمفيده ولكثره متابعتي لطريقه ردودكم وايجادكم حلول للاعضااء .. قررت بعد مشيئه الله ان اكتب اليكم مشكلتي ... في حقيقه الأمر انا امراه متزوجه من فتره مايقارب 10 اشهر تقريبا ، عمر زوجي يقارب عمري .. اشعر بالراحه والحب معه وهو كذلك ولكنه يمتلك عيباً كثيرا مايزعجني ويجعلني احس بالنقص ! زوجي من النوع الذي ادا حدثت بيني وبينه مشكله يستحيل ان يتقدم ويعتذر لي حتى ولو كان على علم بانه هو الغلطان .. وللعلم باني في كل مره اقوم بالاعتذار منه حتى ولو كان هو الغلطاان .. تعبت من الفسحه بتكلم عاامي خخخ يعني بالعربي رجلي عصبي جداااا وساعات احسه على اتفه الاسبااب يعصب عللي .. وادا تزاعلنا مع بعض اني الا مصيري اني اعتذر منه حتى لو هو الا غلطان .. ملاحظه : اني وياه متزاعلين من اسبوع تقريبا وهو الا غلطان عللي ومعصب عللي على اشيااء تافهه والله الشااهد .. وبصراحه اني ماقدر كل مره اروح استسمح منه لاني احس اني اذل روحي ماادري شلون احس ان ماعندي شخصيه !! وادا تصالحنه اجلس معاه واكلمه واقوله ليش ادا غلطت ماتعتذر يرد عللي ويقول للي مستحيل احلمي اني اعتذر .. ليش يعني اني مو انساانه .. فهموني ياااناس !! معنه هو طيب وحنون وياايي مااشااء الله بس وقت الا يعصب خلاص مايقبل مني اي كلمه .. ولو على وده يرمي عللي الا في ايده ابي مشووورتكم الله يخليكم ، هل اني اروح استسمح منه واكلمه او انتظر شووي واخليه يمكن يحس ويجي يتعذر مني والله تعبت ماا آآكل ولا أناام وكله متضاايقه ومهوومه ماادري شسوي محتاااره .. كاني وضعت مشكلتي بين ايديكم .. واتمنى اني القى الحل عندكم ببركه محمد وآل محمد .. اختكم في الله |
كان الله في عونك يا اختي
بس دامه زعلان من ابوع وما فكر يراضيك للحين اجل احلمي زي ما يقولك انه يعتذر لك انا عندي فكرة وان شا الله تنفعك اشتري هديه تكون لك طبعا شي انتي تحبيه وغلفيها وحطيها في مكان يكون واضح قدامه وعليها كرت اكتبي فيه يازوجي العزيز مشكور علي هديه الصلح اللي انت شريتها لي والله انك طيب وعندك ذوق وتدري اشلون تصالحني او اكتبي عبارة اعتذار حلوة هو طبعا بيفكر ان الهديه عشانه بس لما يقرا الكرت حيفهم المطلوب وان شاء الله اكون افدتك وربي يصلح لك الحال |
لكل رجل مدخل تقدر الواحده منا تدخل منه عليه
فمثلا بدل تكلمينه اذا ارسلي لي مسج عتاب واكتبية انت ومن اسلوبك واذا زعلك تغاضي عن اشياء واذا سألك قولي انك ماعطاك قلبك تزعلين علية صدقيني الرجل احنا اللي نعوده على كل شئ الله يوفقك |
اقتباس:
مشكورة وخيتي على الرد والنصح الحلو ، بس ماعتقد يفيد وياه جدي رجلي واني اعرفه عــدل .. اني بحاول اسوي زي ماقلتي بس .. بعد ابي طريقه اقوى اخليه غصب يجي يعتذر .. |
اقتباس:
واقوله اسفه وماراح اعودها .. وهو طبعا الا غلطان .. :( والله اني صبوره بمافيه الكفاااااااااااايه شسووي لكن |
,
, أختي هذا زوجك جنتك ونارك وليس في إعتذارك له إذلال لنفسك بل بالعكس هذا أكبر دليل على طيب معدنك .. صحيح أنه المفروض إذا أخطأ الزوج أن يعتذر ولو كان بطريق غير مباشر .. ولكن مع هذه النوعية يجب أن تكون المرأة ذكية وتعرف كيف تأتي لزوجها .. مع العلم أختي أنه من الطبيعي في بداية الزوج أن يكون الرجل حساس يزعل من أي شيء .. فبعضهم يريد فرض رأيه .. أختي الكريمة أحرصي على عدم مضايقته او إختلاق المشاكل .. إبتعدي عن أي شيء يؤدي إلى غضبه أو زعله .. بالأخير أسأل الله أن يكتب لكِ الأجر على صبرك ( إنما يوفى الصابرون أجرهم بغير حساب ) .. , , |
انا مع الاخوان روحي واستسمحي من زوجك وابو اطفالك مستقبلآ ان شاء الله
مالك غنى عنه مهما كانت الاساب سواء الغلط منك اومنه كلها سوا في رضاء الزوج عن الزوجه من جميع النواحي وسف تكبرين بعينه اذا استسمحتى من زوجك وفهمتيه انا الواحد اذا غلط او ماغلط يتعود على المسامحه وطيبه القلب وخلك حنونه القلب على زوجك وابعدي الشيطان عنكم واخيرآ اقول الله يهدي الجميع لما يحب ويرضى بأذن الله تحيتي لكي |
أختي هذا زوجك جنتك ونارك وليس في إعتذارك له إذلال لنفسك بل بالعكس هذا أكبر دليل على طيب معدنك ..
صحيح أنه المفروض إذا أخطأ الزوج أن يعتذر ولو كان بطريق غير مباشر .. ولكن مع هذه النوعية يجب أن تكون المرأة ذكية وتعرف كيف تأتي لزوجها .. مع العلم أختي أنه من الطبيعي في بداية الزوج أن يكون الرجل حساس يزعل من أي شيء .. فبعضهم يريد فرض رأيه .. أختي الكريمة أحرصي على عدم مضايقته او إختلاق المشاكل .. إبتعدي عن أي شيء يؤدي إلى غضبه أو زعله .. بالأخير أسأل الله أن يكتب لكِ الأجر على صبرك ( إنما يوفى الصابرون أجرهم بغير حساب ) .. ما شاء الله أخي ( أبوفلان ) الله يخليك انا مع الاخ ( أبوفلان ) أختي a & s كان الله في عونك و الله يوفقك |
لمن زوجك يعصب انتي يرتفع صوتك وقت النقاش والجدل حتى لو انك ماتغلطي عليه؟؟0000000000000كيف طريقتك في الاعتذار يعني تقولي له اسفه اناغلطت ؟0000000000000000000ان شاء الله الاقي رد على اسئلتي عشان اقدر افيدك بشي لو بسيط
|
شوفي زوجك على ما عودتيه
وانتي في بداية زواجك لا تعودينه انك ضعيفه عند الغلط لان بعد سنين ان شاء الله راح تتطلع منه بلاوي مثل ما انتي شايفه بالمنتدى من قصص الزوجات وسكوتهن عن اخطاء ازواجهن من البدايه اذا انتي غلطتي اعتذري له وقبليه بعد بس اذا هو غلط لا تكلمينه واذا عند وما اعتذر بكيفه كلميه بعد فتره عادي كان ما في شي بس غيري اسلوبك شوي معه وتحسسيه بالغلط يعني لازم يتعود على الاعتذار والله لو غلط على احد من اصدقاءه وزعل عليه كان اعتذر له . شوفي هو يقولك تحلمين يبي يعلمك من البدايه على ان الغلط منه عادي وترى هذا للاسف بسبب التربيه الغلط بمجتمعنا ان الولد ما يعيبه شي وعاد يغلط ويمشي ... اسمعيها مني ترى الضعف عند الغلط ما تنفع مع بعض الرجال مو كلهم وللاسف مع الايام والسنين والعيال يستغلك مثل ما صار مع كثيييير من الزوجات.. واتمنى هذا ما يصير ابدااااا |
عزيزتي اعذريني مو معقول كل مرة مرة تعتذري انتي وشئ ثاني غلطااااااااااااااااانة انك تطلبي من زوجك انه هو يعتذر على اغلاطه بالشفهي يعني يقوله انا اسف انا غلطان .... ما دام طبع زوجك كذا انه يرفض هذا الشئ فلا تدوري او تبحثي اصلا انك تسمعي منه هذا الكلام " احلمي اني اعتذر ...." ما دام هذا طبع زوجك 10 شهور يعني صار مفروض تعودتي على اطباعه يعني خلي البساط احمدي اذا صار لا سامح الله زعل وهديني واعصابك ارتاحت تصرفي عادي تعاملي عادي ولا تبيني انك زعلانة يعني حاولي تحتوي الموقف لا تروحي كل مرة تعتذري (دام انك مو غلطانة) ولا تنتظري زوجك يعتذر بعض الرجال يرى في الاعتذار للمراة انقاص من رجولته ولا تغفلي عزيزتي ان زوجك يمكن يعبر عن اسفه (اعتذاره) وعن حبه لك باساليب غير مباشرة بتلبية طلباتك وبالتعبير عن حبه ب ...
كما ذكرتي انه يحبك و ... فتحملي اوقات غضبه واسعي جاهدة لاختزالها |
والله انكم مساكين يالبنات بصراحة
اول شي عليكي بالدعاء الى الله انه يحل مشكلتك .. وحاولي انك تبعدين عن الاشياء الى توصلكم الى الزعل بقدر ماتستطعين |
أولا اختي والله اني ضحكت ضحك فعلا لما وصلت لها العبارة :/ (تعبت من الفسحه بتكلم عاامي خخخ )
لان واضح انك تعبتي بالذات انك كتبتي كلمة الفسحه غلط >>>> (الفصحى ) كذا تنكتب _ لاتزعلين مني ترى امزح معك :):):) بالنسبة لمشكلتك عااااااااااااااااااادي جدا صدقيني ان كلام ابو فلان صحيح 100% كلنا مرينا بهالمرحله ونطنش ونعتذر ومع مرور الوقت لما زوجك يعرفك زين ويعرف معدنك الطيب بيتغير وبيعتذر ...<<<<<< بس اهم شي لاتقولين له اعتذر !!! علشان لا يحط في باله ان هالموضوع يقلل من شأنه اتركيه بكيفه ... بسألك لما تزعلين بدلع مو من جد مايراضيك ... بقولك شي زوجي الله يهديه ويحفظه لما يزعل من جدددد اراضيه وأقر له وأعترف اني غلطانه ولما ازعل تمثيل على شي ما يسوى يراضيني يعني احياناا لما ازعل على سالفه كبيره ما يراضيني ولما ازعل على سافه تافهه مايحتاج انه يراضيني عليها يقوم يراضيني !!! يعني مثلا / مره كنا نتغدى انا وزوجي ولما خلص قام وراح عند التلفزيون انا تضايقت ان ليش ما يقعد معاي على الأكل لين ما أخلص حتى لو هو خلص قبلي ؟؟؟ احتراما لمشاعري .. وضحت له هالشي وانصدم ما توقع اني ممكن ادير بالي على شغله مثل هذي <<<< طبعا على فكره أنا ما أقوم من طاولة الأكل لين ما يخلص هو حتى لو اني خلصت أكل <<< بروتوكولات مايمديكم عليها ;) المهم بعد هالسافه تغير وصار ما يقوم الا لما اخلص أكل ... يعني قصدي ان الوقت مهم جدا لمثل هالأمور ... وفقك الله وسدد خطاك .. |
اقتباس:
لا يجوز السؤال ببركة لا الرسول محمد صلى الله عليه وسلم ولا غيره من البشر ولا الإستعانه بغير الله سبحانه و تعالى لأنه داخل في باب الشرك نصيحتي أصلحي مابينك وبين الله و أبحثي عن الحق فالدنيا فانية و الآخرة هي الباقية الله يهديك و يصلح لك زوجك |
اختي عينتك كثيره قد يكون من البدايه تعود انه انتي من يعتذر وبعدين مقيوله ابنك على ماتربيه وزوجك على ما تعوديه وخاصه اذا كان الرجال مايهمه ال يكون على استعداد ان يزعل العمر كله
|
حسيت روحي نفس المشكلة
أنا مثل حبيبتي متزوجة من تقريبا 8 أشهر ومستحيييييييييل زوجي يعتذر وإذا أنا مااعتذرت يضل حاقرني سبوع عادي عنده وانا ماتحمل الله يوفقنا جميعا بحق محمد وآل محمد |
اقتباس:
مشكور اخوي على الرد ، بس وربي اني كل مره اعتذر واقول هدا زوجي وبكره يصير ابو عيالي بس ليه يعني يقول لي كذا .. اني مستحيل اجي اعتذر منش اني مابي اعوده على هالشي .. لان ان شااء الله ادا الله كتب لي وياه بعيش درب وياه ، وموحلوة بحقي اني كل مره اعتذر حتى لو اني مو غلطانه .. اني مابي ابني حياتي وياه على اشياء ماتعجبني مثل الضعف والغلط لااء .. لاتقول للي يااخووي اني عنيده او شريه .. بالعكس اني ماحرك نسمه في البيت ... بس هو الاجبرني اصير كذا من ضغطه عللي وعلى نفسيتي .. كرهت الحيااه وربي .. نفسي يجي ويصالحني على الاقل يكلمني ماينطق اسفه افففففففففففف وش هالحياه يعني المراه كله ماكول حقها وبس .. الدين دين الانصااف .. :( اني احبه وابي اكلمه واخاف ارد اضعف مثل كل مره واروح اعتذر منه وابوس راسه اني ماعتبر هذا الشي ذل لانه بسوي حق زوجي لاء .. بس الشي الا يزيد عن حده ينقلب ضده واني طفشت |
اقتباس:
بس انت لاتعصب هدي روحك .. ماايهدى ابدا طريقه الاعتذار : اني اروح له واقوله ساامحني يافلان انت زوجي وانت حبيبي .. وان شااء الله مايصير جدي بينا مره ثاانيه .. ومارح اعضبك ولا اضاايقك واني اسفه على كلشي صاار .. اتخيلوا حتى لو اني مو غلطانه اقوله جدي .. |
اقتباس:
وهذا الا اني هالمره ابي اسوويه .. ابي اشد على روحي شووي واحسسه انه غلط وابي اغيره شووي لاني طفشت صرااحه .. باين عليكِ فاهمه قصدي زين مازين عشان كذا كتبتي هذا الرد وتتوقعين انه يجي يكلمني ؟؟؟ على الاقل بس مابيه يقول آآآآآآآآآآسف بس يجي يصالحني وبس لاني مابي صراحه زي ماقلتي ابني علاقتي وياه على انه هو سي السيد ماقلنا شي انت الرجال بس مو جدي عاااااااااااد الدنيا اخد وعطاء |
اختي انا مع الاخت مروحه .. لا تعتذرين .. اعملي نفسك مو مهتمه و تكلمي معه بشوية تكلف .. لكن اوعي تعتذرين ..
لانه راح يتعود على هذا الشي .. قوي قلبك اختي .. |
اقتباس:
لما نترااضى ويمر كم يوم .. اقعد اكلمه واتنااقش ويااه واساله ليش ماتجي تعتذر حتى وانت الغلطاان ؟؟ يقول للي تحلميييييييييين |
اقتباس:
اي والله مسااكين :( كلشي فوق راااسنا ولازم صبري وسكتي |
اقتباس:
اففففففففففف لا مو عادي عندي ابدااا اني انساانه وهو انساان يعني ماكو فررق ابداا ! ليه لازم في كلشي نتناااازل ....................... ملاحظه : هههههههه وربي شسوي يمكن من القهر ياوخيتي كتبتها جدي ، الله يهدي الرجال بس |
اقتباس:
بس تصدقون من تهاوشنا للحين محد كلم الثااني ... ساعدوني يااشااطرات ، وعطوني حجه قوويه اوشي عشاان اخليه يجي يكلمني !! |
حبيبتي انت السبب في اللي انتي فيه من معاناه .............اتوقعتك انك من النوع اللي ممكن تعلي صوتها على زوجها وقت ماهو يزعل كان ساعتها له حق مايراضيكي لان الرجال مايحب الحرمه اللي صوتها عالي بس اتفاجات لمن قولتي تهديه وتطاوعيه وساكته من الخوف وهذا شي طيب ورررررااااااائئئئع بس ان زوجك يقابل هالطيبه ووالاخلاق منك ويطنشك لحد ماتعتذري هنا الغلط واللي صدمني اكثر طريقتك في الاعتذار ............حبيبتي حطي لنفسك اعتبار واحترام تلاقي زوجك يحترمك حبي نفسك قبل حبك لزوجك اغليها يغليك زوجك اانا مااقول طنشيه او ردي عليه او عامليه زي ماهو يعاملك لا لا لا ........................شوفي كلمه زوجك انه مستتتتتتتتححححححححححححيل يعتذر لك كان من البدايه اصلا ماطلبتي انه يعتذر لك لانه راح يعرف ان الاعتذار مهم لك اكثر من اي شي والشي الثاني هو يستغل حزنك وتاثرك ببعده عنك وقت الزعل فيضغط عليكي اكثر ويزيد بعد عنك عشان تعتذري له....................زوجك ماسك عليكي حاجتين ويضغط عليكي بيها هي انك ماتقدري على بعده وتطنيشه لك والشي الثاني حاجتك للاعتذار اللي مستحيل يقولها لك عشان تتنازلي انتي وتروحي تعتذري له....... يعني الافضل انك تبدئي تتغلبي على هالحاجتين ..الاعتذار... ممكن ان زوجك مايعتذر صريح ويقول اسف لا الرجال لكل واحد طريقه ممكن يوديك سوق او يشتري حاجه بسيطه بدون اي كلام اعتذار منه او ممكن يطلب زوجته للفراش ويبدع معاها ووووووو اشياء ةاساليب كثيرة لازم تفهمي اسلوبه في الاعتذار وتكتشفيها صحيح يمكن زوجك مستحححححيييييل يعتذر بس راح يعوضك بدل كلمه اسف بعلبه شوكولاه او حتى حلاوة بنص ريال او ممكن يتكلم معاكي بطريقه عادييييييييييه ولا كان شي صار وانتي ساعتها تتعاملي معاه طبيعي لانه خلاص اعتذر بطريقته ....ولمن يزعل زيكون هو السبب وانتي متاكده انك ماغلطتي اتركيه لحد مايرضى بس خليكي طبيعي معاه بس بدون رومانيه زايدة ولا تلصقي فيه روحي صرفي نفسك عنه بقرائة او زيارات او شغل بيت وخليكي بعععععععععيييييييده عنه ومشغوووووولا للاخر بس تكوني مبتسمه على طول وكلمي صحباتك قدامه واضحكي بصوت عالي واتونسي وهو لا تقصري معاه بشي ابببببببببببببببددددددددددا بس لا تبالغي وكلامك معاه على قد كلامه اذا سالك جاوبي ببساطه وعلى قد السؤال ...مرة مرتين وصدقيني هو اللي بيطفش لان اكتشف ان مو قادر يضغط عليكي بشي وانتي مبسوطه وعايشه حياتك ومرتاحه به او بدونه وهو قلقان متى بيسمع منك اسفه حبيبي ابدددددا لا تقوليه ممكن يجيكي ويحاول يزعلك لان هو الحين بيموت قهر بس انتي سوي نفسك مو فاهمه القصه ولا سبب زعله وتصرفي كانك وحده موفاههههمه شي ولا تتناقري معاه ...............اختي حبيبتي اتمنى تكوني فهمتي عليه معليش مستعجله وعلى لساني كلام كثير ابغى اقوله بس مشغووله ودخلت بس اتطمن
|
اقتباس:
والله كلامك كله صح واني الا من البدايه رخيت معاه الحبل وصاار همي اني ماتباعد عنه ولا ازعله ونسيت اني قاعده اعوده على اسلوب غلط ومو في صالحنا حنا الاثنين .. كلامك عين العقل اختي وراح احط كل كلمه من الاقلتيه حلقه في ودني والله يعطيش العافيه ويحقق مرادش والله يقضي حوائجش ياااربي وادا في شي من النصاايح هم لاتبخلين علينا فيها .. ...... بس عندي سؤال واحد : لو كان زوجي من النوع الا يطنش كللش وماجه كلمني ولاشي .. شلون بسوي له هالاشيااء ي .. يعني شلون بعامله بعدم اهتماام .. لان هو صراحه يوم نزعل مع بعض مااايكلمني كلش بالمره يدش ويطلع وهو سااكت ويقعد ينتظر منوالي اني اروح اعتذر منه وبس ! الله يعييني عليه ياارب وانتظر ردش وخيتي والله يعطيش الصحه والعافيه |
حبيبتى والله هذه ليست مشكلتك وحدك
حقيقة هذه مشكلة معظم الازواج انهم يعتبروا ان الاعتذار يقلل من شخصيتهم ويضعفهم امام زوجاتهم ومنهم زوجى.. ولكن انت متزوجه من 10 اشهر فقط صدقينى سوف يتغير بعد فترة ..معظم الازواج يبدأوا الزواج بهذه الطريقه لفرض السيطرة والاحساس بالقوامه ليس اكثر ولكن الحل الوحيد امامك اذا كنت فشلتى فى التعامل معاه بالمنطق..فعليكى بالدلع والكلام الطيب مثلا قولى له انت لازم تصالحنى انا زعلانه منك قولى ذلك وانت تحضنيه عاتبيه بلطف ولين وليس بالمنطق..والله اننى جربت كل حاجه مع زوجى حتى اننى كنت اذهب اليه واقول له انا زعلانه صالحنى فيقول انا مش غلطان اقوله مش مشكله بس صالحنى االاول لانك وحشتنى اوى فيقولى خلاص متزعليش بس انا مش غلطان..بعد فترة اصبحت ارضى بهذا افضل ان اعتذر انا على شىء غير مقتنعه به..وصدقينى طالما ان الحب موجود من ناحيتك وناحيته فهذا هو المهم ولكن اصبرى عليه فأنت لازلتى فى البدايه ومع الوقت سوف تتغيروا انتوا الاتنين...اسعدك الله وانزل عليكم السكينه ..وما يضايقك بشده هو انك تحبيه وتعتبرى ان الوقت الضائع فى الزعل وقت غير لازم وممكن حله بسهوله..ولكنك تنتظرى منه الحل وهو ينتظر منك انت الحل...ولا تنسى انه زوجك وحبيبك وكل حياتك...اصبرى عليه قليلا..اتمنى لك كل السعاده |
حبيبتي اول شي بدري على الانسجاااااااااااااااااام الكلي توكم 10 اشهر بدرييييييي
ثاني شي وش هالزعل الي اسبوع ياشيخة حرام عليك اتوقع موضوع سخيف كلمة منك وكلمه منه اسبوع مايصير حدكم كم ساعة وش هالقساوة ثالث شي انتي حاطة دوبك بدب الاعتذار عشان كذا نسيتي كل حسناته خلي العشرة والكلمة الطيبة والوقفات فالمعاسير تخليه يرجعلك ويسويلك كل الي تبيه ومهما تسويله اطلبي العوض من الله واحتسبي الاجر ودمتي |
اختي الكريمة
صفة الغضب والعصبية صفة سلبية في زوجك وفة انه ام يتعتذر ايضا صفة سلبية فيه وغالب الظن انه تربى على هذه الصفتين فلذلك انتي بدورك حلي المشكلة .... ومثلي الموقف الإيجابي بان تعتذرين منه ... طالما ان المشكلة تنتي بكذا ... وحطي في بالك انك تعملين الشي الصح ... وان عقلك " اكبر من عقله " ... معليش ان قسيت على زوجك ولكن فقط لازيدك قناعة .. وانك بهذا لاشي تكسبين الاجر العظيييم اختي ما اجمل ان نضحي من اجل حياة زوجية هانئة ... ومن اجل علاقة حب رائعة .. ومن اجل اسرة سعيدة ناجحة اختي والله اني مقدر موقفك ... وثقي ان ما تعملينه هو الصح ... وان الله لا يضيع اجر من احسن عملا وما في شي يضيع عند رب العالمين ... فانصحك بالاستمرار في نفس الاسلوب اذا كانت المشاكل تنتهي بالاعتذار ياليت كل النساء بمثل عقلكـ :) |
اقتباس:
الله يهدية زوجك لابد تعرفية على المنتدى خلية يتثقف يبدوا انه من النوع اللي مايحب يعتذر لاحد ولاكن قولي له ترا الظلم شيين |
اختي الحبيبة لا تعتذري لا تعتذري..صحيح هو يبين انه قوووي بس مثل ما اختي roneroro علمتك...هو من تعملين بنصائحها راح يهدأ و ما راح يقول اسف بس راح يصالحك....بس انتي مثل ما قالت الاخت,,,يجوز من تعملين بنصائحها راح يجي و يكلمك...صدقيني ترا ما راح يقدر يتحمل..هو عملها بعناد لانك انتي طلبتيها منه و سألتيه ليه ما يعتذر..لهذا هو بعناد ما يعتذر...
|
| الساعة الآن 01:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©