هل حدث معكم مثل ماحدث معي ..؟؟؟!!
 

ودي استشيركم بمايحدث معي..

انا تزوجت اول ماتخرجت من الجامعة يعني عمري22الى23 ولم يستمر زواجي الا4شهور واطلقت ومن بعد طلاقي وانا كل مايخطبني احد لايتم الموضوع ابدا ابدا
تصدقون لو اقولكم انة سبع مرات اشوفهم شوفة شرعية طبعا بعد السؤال عنهم والتأكد من اخلاقهم..وكلهم يروحون ومايرجعون غير عاد الحريم الي حدث ولا حرج.... تصدقون انه مرة وافقت على واحد مطلق وعنده اربع اطفال ومستواه بعد مو مرة وبرضوه راح ولارجع
مع اني مو مدح لحالي ولاراح اقول جميلة بس الكل يمدحني وادري ان لي حضوري وجاذبيتي..
والحين عمري 31 والى الان وانا نفس الشي يصير معي

لاتقولو عين لاني قريت عند اكثر من شيخ والكل يقول مافيك شي لاني فعلا مااحس بأي شي.. والبعض قالولي عين طليقك فيك لانه الى الان ماتزوج...
بس انا كيف اعرف هالشي اصلا..وانا مااحس بشي..واقراء سورة البقرة بأستمرار والحمد لله..

فهل مايحدث معي طبيعي...وهل حدث لكم مثل ماحدث معي؟؟؟

دعواتكم لي وللجميع بتفرج همومنا وان يرزقنا الزوج الصالح يارب

ياعنري انتي استخيري اذا احد تقدم لك وإن شاء الله بييسر لك اللي فيه خير لك وانتي دايم ادعي ان االله يرزقك الزوج الصالح

مشكورة اختي الحنونة.. واكيد انا استخير قبل اي شي..

الله يرزقك الزوج الطيب عاجلا ً غير آجل ........

عسى الله يرزقج بالزوج الصالح يارررررررررررررررررررب عاجلا

اللهم انك ان اردت شيء ان تقل له كن فيكون
فيااارب ارزقها زوجا صالحا يقدرها ويسعدها فانك على كل شي قدير
وارزق كل اخوتي في هذا القسم الزوج الصالح واسعدهم

اللهم اميييييين يااااارب العالمين

حبيبتي استمري بقراءة البقرة بتركيز

و شوفي نفسك كيف مع ربك ، حاولي تحصين ذنوبك يمكن عقوبة دنيوية

المهم يا غالية ..... صدقيني إنك بخير و ربك إن شاء الله رايد بك خير ، لكن الإنسان خلق عجولا

أوصيك بالإستغفار و بإخراج صدقة حبذا لو تكون يومية أو متى ما استطعتي لو بنصف ريال

كثري جدا من قول ( حسبي الله و نعم الوكيل )

أنا زيك تزوجت وعمري 19 وتطلقت وعمري 24 ومن ذاك الوقت لين الحين (عمري 29) وأنا يجيني ناس ويروحون , ولاارتبطت بأحد منهم , ويجيني أشكال وألوان وشفتهم أربع مرات غير اللي جو أهلهم بس ماصار نصيب والحمد لله على كل حال , وقعدت أقرأ واستخدمت السدر وهكذا بس ماأحس بشي نهائي والمشايخ رحت لهم ويقولون مافيك شي , في الأخير قلت عيشي يابنت حياتك زي ماهي ووسعي صدرك وإن كان فيه نصيب بيصير وإن كان مافيه خلاص استانسي بحياتك , وبصراحة حسيت بوناسة رغم عدم الزواج , اللهم لك الحمد والمنة ..

أختي
مثل ما قالت الاخت انسان .. عيشي حياتك ولا تخلين همك الكبير الزواج وما تعيشين الا على هالتفكير .. وصحيح كلامك في كثير من الامور طليقي كان حاط عينه عليهم ولا راضيه تتسهل ..

الله يوفقك في جميع امورك

الله لا يحجب عنك رزق يارب

الف شكر يااخوات على ردودكم

الف شكر لأخت الفتاة الحنونه واقولك انه اكيد مافي شي يصير بدون استخارة واكثر من مرة بعد

والف شكر للأخوات همس مشاعر وهمسات وعروس بالامس والله يرزقم ايضا بالزوج الغني التقي ويرزق الجميع يارب

ولأخت دي روم ولله الحمد اني اوضب على قراءة البقرة واشغلها بأستمرار عندي بالغرفة... والله يجزاك الف خير يارب

ولأخت مظلومة لأبد..اتمنى ماتنظلمين ابدا.. وانت ايضا سوي زي ماقالت لك اخت انسان وعيشي حياتك

واكيد يابخت من ينام مظلوم ولاينام ظالم..والله يوفقك يارب...

والاخت بسمات حزن الله لايحجب عنك ولاعلى كل مسلم يارب الرزق

ويرزق الجميع من رزقة يارب انك سميع مجيب الدعاء....

ولأخت انسان مشكور اختي وفعلا راح احاول اسوي زيك واعيش حياتي.. وفعلا اذا فية نصيب بيصيب..

بس احيانا الواحد يفكر كثير بعمرة.. ؟؟ والله يوفقك ويرزقك يارب..

اختى فى الله كااايدهم
ادعو الله ان يرزقك بالزوج الصالح

لسه ما جا نصيبك... الله لا يعجلك لشر ولا يأخرك لمثله..

الله يرزقك ويفتح لك باب رزق حلال طيب لا يسد!

غريب قعلا

الله يفرج همك و يرزقك الزوج الصالح

آمين

اقرأي المعوذات و آية الكرسي إلى جانب البقرة كل يوم

الله يسهل امرك اختي ويجمعك بالزوج الصالح عاجلا غير اجلا

وانا مثلك ياكثر ماانخطب ومدري وش يصير يانهم يقولون نبي نخطب منتظره وليومك ماطقوا الباب
او يخطبون وبنفس الوقت يماطلون مثلا واحد تخطب امه والعريس ينتظرها بالسياره وقالت لها امي خلي الولد يددخل عند ابوها ولتوقع لو طلبوا نظره شرعيه ينوافق ردت الام بعدين حنا الحين بنسافر انا طفشانه من هالجو وبغير جو!!!!!!!!!!!!!!!

او تجي وحده وتقولي او لامي بعضهم تصريح والبعض تلميح ان خاطرهم يخطبون ونلمح لهم ان مافيه مانع ولا احد يجي
واخر واحد من اول طلب لي رفض الطلب ولما ضغطوا عليه اهله رفض الزواج كله!!!!!!!!!!!!!!!

صرت نكته اهلي على قوله المثل كثرة اخطباها وبااااااااااارت
الله يرزقنا من واسع فضله
والبقره حاولت اقراها كثير وابي اركز فيها فاما اسرح واصير بس اقرا حروف مااعيها او اتعب واوقف من ربعها
غريبه مااسرح بشي معين مثل الصلاه لا اضيع ولنا انتبه لنفسي الا مخلصه كم صفحه بدون وعي مني
الله المستعان

الله يرزقك بزوج صالح ..تقي ..هني ..عاشقا لله ورسوله .. ناجح في حياته .تكوني له قرة عينه وقلبه ويكون قرة عينك وقلبك.
اللهم امين
اللهم امين
اللهم امين

الف شكر على ردودكم والله يرزقني ويرزق جميع البنات عاجل غير اجل ياااااارب..

وفقكِ الله يارب

والله ياقلبي.. حالي من حالك.. بس الحمدلله شاغلة وقتي باشياء مهمة..

انا اذا فكر بالعريس واسترسلت.. وليش كل البنات انخطبو وتزوجوا.. وانا لا يضيق صدري.. واذا فكرت انه ممكن بعد دقائق اغادر الدنيا.. واخاف ويصير تفكيري بالاخرة..

حبيبتي خل نفكر بالاخرة.. والدنيا ماهي دايمة..

يجون وقبل يوصولون الباب يرجعون.. وعندنا جارة اذا احد دخل بيتنا تموت.. من خوف انه خطيب واتزوج قبل بنتها.. والحين بناتها تزوجوا وعيالها اللي اصغر مني.. وانا لا..


والله المعين..

اختي العزيزه نصيحه لكي وان لم تشعري لعلامات عين اقري سورة البقره واعلمي الخيره فيما اختارها الله
انا لم يتقدم لي أي احد ويفرجو لما يعرفون ان لم يتقدم لي احد او يتزوجني
توكلي على الله فهو يرزق من يشاء يارب يرزقنا

الف الف شكر لجميع اخواتي في هذا المنتدى

فعلا احس ان عندي اكثر من اخت..

الله يرقكم ويفق الجميع عاجلا غير اجل..

* يارب ان كان رزقي في السماء..انزله
وان كان رزقي في الأرض..اخرجة
وان كان رزقي قليلا.. كثره
وان كان رزقي بعيدا..قربه
وان كان رزقي قربا..يسره
يارب..يسر ولاتعسر..

وسعي صدرك يااختي الزواج رزق من عند الله .. صدقيني ربي بيعوضك باذن الله اهم شيء الصبر..

اختي والله مااستبعد انها تكون عين وصابتك!! والله اعلم

لكن انتي كثري من القراءه والرقيه الشرعيه على نفسك,,

والله يرزقك ويخلف عليك >>ااامين

الله يستر وقل اعوذ برب الفلق..من شر ماخلق.. ومن شر غاسق اذا وقب..ومن شر النفاثات في العقد

ومن شر حاسد اذا حسد...

الله يبعد العين عن الجميع يارب..

وربي انه مازال الوضع على حالة.. بتصدقون لو اقول لكم قبل فترة ولد عم ابوي كلمو بيت عمي

وقالو انهم راح يزورونا في بيتنا وراح يكلمون الوالد في خطبتي..

وفعلا اتصلو واخذ مو عد وجو وزارونا في البيت..وتعشو عندنا وطلعو ولافتحو موضوع ولاشي...

هذا الكلام كان قبل 3 اسابيع... ولاحس ولاخبر..

يعني جد احس الوضع مو طبيعي ... الله يستر بس