سؤال للمتزوجات عن سهر الزوج
 

السلام عليكم
حابه اعرف كم يوم في الاسبوع تسمحين لزوجك انه سهر فيهم مع ربعه؟ وشنو رايك في سالفة السهر هذي؟

الزوج من حقه انه يطلع و يسهر مع ربعه بشرط انه ما يكون مقصر في امور بيته و زوجته وعياله ..

يعني الاولويه للبيت و العيال والزوجه يقضي امورهم و يشوف طلباتهم و يعطيهم حقهم في الجلوس معهم والباقي يقدر انه

يستمتع مع ربعه ..

أنا زوجي بيتوتي

وانا أدرس طب


يعني طلعاتنا ثنينا محدودة دايما بالبيت

وهو يطلع يوم بالاسبوع وهو يوم الجمعة مع اصحابه

ما أحدد له أيام معينه
عادي على راحته بس مو معقوول كل يوم يجيني الساعه 3الفجر !!
يعني اذا بغى يسهر لي الساعه 12 او 1 الفجر اوكي مافي مشكله واذا زادها لي نقاش معاه !
بس يا اختي لاتحرمين زوجك من السهر مع ربعه لكن بحدود واخذيييه بالكلمه الطيبه لأن الزوج مايحب الزوجه اللي تعطيه الأوامر !

مرتين بالا سبوع يطلع مع ربعه..

ليس من حق المراه تحديد سهر الرجل من عدمه ...
.... ولكن الواجب على الرجل ... ان ينهي ماعليه من التزامات لبيته ثم يتوكل على الله ...

زوجي مسويله مجلس خاص للربع كل ليله
الرجل ما ينقدر عليه اذا في باله شي بسويه بيسويه
فالافضل انج تخلينه على راحته واخر شي وين بيروح بيرجعلك

مفروض يظهر الزوج مع ربعه

وانا عادي عندي يوميا يظهر

لكن حده لين الساه 11

او

11 ونص

ما شي مشكله

لكن اكثر عن الساعه 12

ممنوع طبعا

حشا ، نظام عسكري مهو زواج

هههههههههههههههه
متابع بصمت

بس حلوة كلمة (تسمحين لزوجك بالسهر)!!!

زوجي يوميا يلتقي فيهم واحس اني مليت في الصباح عمل ينام يتغدى يطلغ يجي يتعشى ينام واذا عندي مشوار يخلصه ويروح ايام الاسبوع 12 -1 والعطل 2-3 شوفو لنا حل

الرجال يحتاج انه يروح عن نفسه

ودام انا واثقة في زوجي وعارفة مع مين يمشي ماعندي مشكلة

اروح عند اهلي انبسط معاهم وهو يسهر وينبسط واذا قعد فترة ماسهر

انا اقوله روح اسهر طالما مو مقصر معايا وحده في السهر للساعة 1 ونص

ومو انا اللي احددله الوقت هو من نفسه يرجع بالكثير في هذا الوقت

بس خروج الرجال وسهره يريحه من ضغوط العمل ونفسيته تصير احسن ويشتاقلك اكثرر

بس كل يوم مو حلوة مرة

يسهر كل يوم لحد الساعه 1ونص او2 وعادي يريح نفسيته ويخليني اشوف طلبات عيالي وشغل البيت عادي مدام انه مايقصر بشيء

و إذا بيسهر للفجر ؟

العنوان واضح منه ان الجيوش على الحدود ومتمركزين وجاهزين بالسلاح بانتظار شرارة الحرب .
انتي وجهتي السؤال للمتزوجات وكان المفروض توجهينه للمتزوجين لأنهم هم اللي يطلعون هم اللي يسهرون ويفترض تسألي المتزوجين كيف يتم القضاء على سهركم وطلعتكم من البيت ... انا كنت في الماضي التعيس ايام الاسبوع السبت والاحد اجلس مع الاولاد واذاكر لهم واذا مطلوب منهم اعمال مدرسيه اقوم بها ولا اخرج لاني ابدا المذاكره معهم بعد صلاة المغرب ونستكمل بعد صلاة العشاء اما يوم الاثنين نبدأ المذاكره بعد صلاة العصر الى قبل صلاة العشاء واخرج إلى الساعه 11:30 وارجع للبيت يوم الثلاثاء مذاكرة مثل السبت والاحد يوم الاربعاء يوم مفتوح للجميع بمعني نخرج بعد صلاة المغرب لكوفي شوب انا وزوجتي وأولادي ونتقهوى الى ان تحين صلاة العشاء ونذهب لمطعم ونتعشى ونجلس للساعه 11 أو 11:30 ونقوم بعد ذلك بأخذ جولة في السياره الى الساعه 12:30 أو 1:00 بالليل ونرجع للبيت ننام ويوم الخميس لا مذاكرة ولا شي ولكن اذا كان المنزل ينقصه احتياجات كثيره اخذ زوجتي للسوبر ماركت انا وهي فقط بعد المغرب الى صلاة العشاء ونذهب للبيت واكون واطلب عشاء من احد المطاعم ويوصلونه لنا وعاد بعدها اتعشى واطلع واسهر للساعه 1:30 - 2:30 ويوم الجمعه اذاكر للاولاد بعد الغداء ونستكمل بعد العصر ولا اخرج نهائياً من المنزل .... ولكن كانت حياتي جحيـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــم
رغم هذا الترتيب و التنظيم والقيام بالمسؤلية بشكل كامل وتوفير لجميع الاحتياجات من اساسيه وكماليه كنا اذا قعدنا بالكوفي شوب كذا مره يعلا الصوت ... اذا رحنا السوبر ماركت ورجعنا اول ماتدخل البيت تولع ليش كنت رافع راسك فوق ليش ماكنت تناظر تحت مثل كل الرجال لدرجة اني قلت لها كيف تبيني اناظر وسوت لي الحركة وقلت وش رايك المره الجايه راح ادخل السوبر ماركت احبي ... او ازحف على بطني عشان ما اشوف احد .... دايم تردد انت منت قد المسؤليه مع اني احيان اقوم بدور الاب والام بنفس الوقت مثلا في حال مرض احد الاطفال وهي داريه انه مريض ماتقول لي الا بعد ما انام يعني تصحيني الساعه 2 أو 3 واوديه لحالي وهي رايحه بسابع نومه بس تصحى تصحيني وترجع تنام اقول امشي معانا تقول انا وراي قومه الصبح وعيال ماكأن وراي انا دوام ...ونرجع وهي في سابع نومه وهذا صار اكثر من مره .... لما يصير خلاف بيننا مايحلا لها الكلام الا قدام العيال واقول لها المفروض اي نقاش مايكون برا غرفتنا والعيال مالهم ذنب يطلعون على مشاكلنا ترا هم ما اختاروا اني اكون ابوهم ولا اختاروا تكونين انتي امهم وهم اطفال من حقهم يعيشون طفولتهم ولكن لا حياة لمن تنادي ... وقلت لها بأن طريقتك هذي راح تأثر علي وممكن اتغير وطبعاً للأسوأ ولكن ماهمها ... والآن اصبحت حياتي غير مرتبه السهر صار على طوووووووووووول يومياً اكون بالبيت على اعصابي على جمر بس حدي اتعشا وعلى طول الاستراحه اسهر لـ 2 واحيان الى 3 سواءًَ فيه دوام والا لا الخميس والجمعه السهر ممكن يمتد لـ 4 عادي ... ولا عاد صرت اذاكر للأولاد ولا لي خلق امسك دفتر معاهم ونتايجهم بدل ماكانوا متفوقين كلهم اصبحت النتائج عاديه أول كانوا دائماً من الأوائل اما الان لا الرابع الخامس وهكذا ... عموما حياتي المرتبه سابقاً اصبحت فوضويه حالياً ... والآن اتمنى تكوني استوعبتي انه مو شرط كل المشاكل سببها الرجال لأني اعتقد ان نسبة المشاكل الزوجيه اذا اعطيت نسبة مئويه على من يتسبب فيها قد تكون النساء وبنسبة 75% اما الحلول اعتقد ايضاً ان نسبة 75% بيد المرأه .