|
مهملني وأنا مقهورة موت
مراحب.
كثير أحبكم وكثير أستفيد منكم. إنتو أول ناس أفكر فيهم لما أحتاج نصيحة لإني أثق بأرائكم. مشكلتي مع زوجي (متملكين بس). يهملني كثيررررر ومايسأل عني. تخيلو بنكمل أسبوعين ماكلمنا بعض مكالمة طويلة؟؟؟ اللي حاصل إنه الأسبوع اللي فات كنت تعبانة وتوقعت يدق علي ويسئل لما يفقدني، لكن لا حس ولا خبر. زعلت أنا وأنقهرت بس قلت خليني أخلق له الأعذار وما أستعجل بالحكم عليه. كلمته بعد ماتحسنت صحتي وتطمنت عليه. ماكان عنده أي عذر غير مشغول. قلت لنفسي يا بنت لا تكبرين الموضوع. قلت له بس حابة أتطمن عليك وترى أشتاق لك، لاتنقطع عني. الأسبوع هذا وضعي الصحي ماكان تمام. كلمني أمس في النهار وقلت له تعبانة وصحتي مو كويسة. قالي سلامتك ووصاني على نفسي وقالي قد إيش يحبني وكعادته كان حنون معي خلال المكالمة، قالي معليش تكلميني الليلة متأخر ونسهر سوى؟؟ قلت خلاص. قسم بالله أمس في الليل كنت مرة منهكة لكن حاولت أسهر نفسي علشان أكلمه وأبسطه ولا ينشغل باله علي وقلت المدة هذي أحلى مدة، أبيه ينبسط فيه قد مايقدر وأنا أبي أنبسط معاه لإني أحبه وهو يحبني. لما كلمته، كان جواله مقفل، معناته الأخ نايم أصلا. عصبت كثيررررررر. ماعندي مشكلة ينام، بس كان أرسلي مسج لو بالكذب يبين إهتمامه يقولي بنام ويارب صحتك تكون أحسن . تعوذت من الشيطان وقلت يابنت يمكن راحت عليه نومة، أكيد الصبح بيدق يسئل. لا دق ولا سئل ولا أرسل حتى مسج. المشكلة أنا مو طماعة، قسم بالله ترضيني مسج تقولي كيفك. كلمني أخوي يقولي إنه متفق مع زوجي اليوم يشترون حاجات وإتفقو إنه الترتيب يكون بيني وبين زوجي، يعني أكون أنا بالوسط بين أخوي وزوجي. انا ما أبغى أكلم زوجي الحين أبد لإني ما أبغى أترجى عطف أحد هذا أول وثانيا لإني أبغى أجرب معاه القسوة والتطنيش مدام الصراحة والحنية ماجابت نتيجة. أبغى أتركه مدة ما أرد عليه ولا أكلمه لإني تعبت وأنا أحس نفسي صديقته مو زوجته، لما يبغى ينبسط ويغير جو يدق علي ولما ينشغل أو يكون ماله مزاج، ينسى أصلا إنه متزوج. تعبت لإني أبغاه يحس بالمسؤولية ويحس إني زوجته. حاسة بالإهانة من طريقة المعاملة هذي وكأني وحدة رخيصة. الحين أنا ما أبي أخوي يدري عن أسراري واللي بيني وبين زوجي ولا أدري كيف بقول لأخوي أنا ما أبي أكلمه. الشئ الثاني، إنصحوني، كيف أفهمه نقطة الإهمال هذي علما إني كلمته بصريح العبارة وقلت له اللي يضايقني وكان عتب بدلع وحب وشوق، ماحاولت أقسى عليه وطبعا الموضوع تكرر أكثر من مرة. صح أسلوبي في التطنيش؟ |
الرجال ما ينفع معاهم الإ الثقل حتى لو زوجك وفي بيته بعد خليج في الوسط ولا تدقين عليه دوم يعني مسجات كفاية صباح الخير ومساء الخير وهو يوم يفضى بيكلمج |
اقتباس:
|
حلو التطنيش بس ما يكون بقسوة,,
وبالنسبة للترتيبات لا تتركينها بالعكس هذي أشياء تخصك أدخلي في الموضوع بس كوني جديه وعملية يعني بلاش عتاب ورومانسيات وكلام حلو ,, يمكن راح يحس بنفسه ويفتح معاك الموضوع ويبين لك سبب عدم اتصاله,, وإذا ما فتح الموضوع معاك عااااادي لا تكدرين على نفسك ولا شي ,,ترى الرجال ما يحطون هذي الأشياء في بالهم هذا هو الزواج لا تتخيلين أنك راح تعيشين حياة حب وغرام وعشق ويصير هيمان فيك وكل شوي يدق ويرسل.. صح ودنا بهذا الشي لكن الواقع يختلف,, الزواج صح فيه شي حلو بس مسؤولياته أكثر |
طولي بالج حبيبتي
حاولي انج توصلين له فكرة انج تتضايقين من هالاسلوب وانج لما تنتظرين احد .. ماتحبين انه يخلف وعده ابد لمحي بالبدايه .. لا تصرحين ولو مثلا وعدج ونام عنج .. انتي بالصبح اتصلي له وتدلعي عليه وعاتبيه باسلوبج قولي له انج نطرتيه وكنتي مشتاقه وايد وكان ودج تقولين له عن وايد اشيا بخاطرج بس في سياق الكلام حطي له الاعذار عشان ماياخذ موقف دفاعي وسيده يرد ويقول والله كنت تعبان .. ولا تلفوني ماكان مشحون وانطفا او اي عذر ثاني وتنقهرين تدلعي عليه .. وقولي له ادري انك مشغول .. وتراني استانس وايد لما نتكلم مع بعض .. عبري له شكثر تستانسين من مكالمتكم .. وشكثر هي ضروريه عندج .. وشكثر تنتظرين مكالمته قولي له حتى وانا مشغوله مارحت عن بالي .. يعني مايحتاي اقول لج عن هالكلام :) ترى الرجال تختلف اطباعهم حاولي كثر ماتقدرين انج تفهمين طبع ريلج لان في بعض الرجال فاهمين الثقل غلط .. لينيه بدلعج .. وخليه يطلع له وقت من تحت الارض بس عشان يكلمج وياخذ بخاطرج ويتلهف عشان يسمع صوتج وانتبهي لا يصير كلامج كله عتب .. ترى تمل النفس موفقه حبيبتي |
اقتباس:
قولي لي وش رأيك، أطنشه وأجرب الأسلوب الثاني؟؟ والأهم كيف أتصرف مع أخوي وأنا فعلا ما لي خاطر أكلم زوجي الحين كثير أسعدني ردك، الله يسعد قلبك يارب |
هلا فيج حبيبتي
بالبدايه ماعليج امر وضحي لي هالنقطه يجوز فهمتها غلط انتي قلتي ببداية كلامج اقتباس:
وبردج الثاني قلتي اقتباس:
يعني انتي تبينه يطول في مكالماته ؟؟ ولا تبين نوعية المكالمات تختلف ؟؟ ولا شقصدج بالضبط .. لان التبست علي السالفه هني طيب تقولين انج دللتيه ودلعتيه وهو مبسوط مع اني اشوف فترة انكم ماتكلمون بعض بالثلاث ايام صعبه شوي ؟؟ شالمانع يعني ؟؟ حتى لو دقايق يطمنج عليه وتطمنينه عليج ماتفرق .. بعدين هو بيحس باهتمامج اكثر بهالطريقه حاولي تعرفين عن شغله اكثر .. مو بالتفاصيل عاد .. ام يعني مثال عرفتي عنده اجتماع ,, او دورة .. او اي شي يخص شغله بيني له انج معتمه .. وساليه عن اجتمعه ودورته لا تتقصين عن اخبار شغله بالتفصيل .. مجرد رؤوس اقلام .. ولا تلحين الرياييل مايحبون تنفرض عليهم الاسئله بروحهم يتكلمون من انفسهم وايد افضل حسيتج حبيبتي متضايقه .. تحسين انج تضحين بوقتج مرات .. وانتي مشغوله عشان تكلمينه وقلتي تتعبين وانتي تكلمينه بس ماتحسسينه .. هالضيق اللي قيج .. من عدم تقديره لتضحيتج .. وهالشي اذا ماحليتيه الحين راح يتراكم وعلى اي مشكله بسيطه او حتى شي تافه راح تنفجرين .. قولي له .. حبيبتي تراي مشغوله الحين .. او فديتك تراي تعبانه من قومتي للصبح ماريحت بس ما ابي انام قبل ما اسمع صوتك يعني قولي له شفيج .. انتي شنو حاسه فيه .. لا تضغطين على عمرج وبعدين لما يتعود انج تتفرغين له .. وانتي ماعاد فيج تتنازلين اكثر راح يحس بتغيير فيج وبيسألج شفيج هذيج الايم ماكنتي ترديني .. ماكنتي تقولين لا .. ماكنتي تقولين بنام .. سبحان الله مع انها اشيا طبيعيه بس لانج ماعودتيه تقولينها له اصلا بالعكس .. اذا تمللتي من هالكمكالمه الطويله ,, او كنتي تعبانه او شي دلعيه بشوية غزل .. وودعيه .. لا تخلين مكالماتج تطفي كل الشوق اللي فيه خلي جمر الشوق والع .. ماتبينه يسكر من عندج وهو بعد متملل .. بالنسبه لاخوج ممكن تستغلينها فرصه انج تقولين له وتتفقين معاه عن الوقت وكل التفاصيل .. وتحسسينه انج زعلانه منه بس على خفيف .. غيري من اسلوبج .. مثلا اذا انتي متعوده تدللينه بكلمة .. نقول "حبيبي" لا تقولينها بهالمكالمه .. خل يحس بتغيير منج .. وهو شلون بيدري انتي زعلانه ولا لا لو مالمحتي له .؟ انا بصراحه مو متزوجه ولا مملكه ولا شي .. وبانتظار اللي اكبر مني وافهم مني وخصوصا ام جمانه فديتها .. احب اقرا حلولها بس ان شاء الله افدتج |
اقتباس:
أنا فكرت أرسل مسج وأقوله اللي أبغاه بخصوص الترتيبات وبعدين أقوله وعلى فكرة ترى أنا بخير وشكرا على إهتمامك وبعدها أقفل الجوال. إنتي وش رأيك؟؟ ياعمري أنا مو طلبي حب وغرام وهيام، أنا طلبي إحساس بالمسؤولية تجاهي كزوجته. طيب فرضا إحتجت شئ؟؟ فرضا زاد التعب علي؟؟. أنا عقلانية نوعا ما وأدري الزواج مسؤولية وعلى قد ما أقدر جالسة أوفي بحقوقه، تبقى مسؤوليتي أنا، أبغاه يفهم إنه أنا زوووووووووووجته مو حبيبة وسوالف أخر ليل لما يحب وبس. أنا زوجته يمكن أحتاج شئ، هو مسؤول عني، يمكن أبغى نصيحته، يمكن ويمكن ويمكن، فيه ألف إحتمال لإحتياجتي له. تسلمين ياقمر |
اقتباس:
أهلا ياقمر اللي أنا أبغى أقوله، بالنسبة لطول المكالمات، هو يطول معاي كثيررر لما يكلمني. أنا معترضة على الكم. نجلس بالأيام مانتكلم مع بعض. أول كنت أسمح له يغيب يومين بالكثير وبعدين يرجع يدق علي عادي، الحين السالفة صارت تطول وعذره مشغول. عمري ترى أنا ما أعاتبه بطريقة مباشرة، كلها والله بدلال وحب بس أنا مليييييت وإستحيت من نفسي وحاسة كرامتي مهانة. شخص يكلمني كل ماحب يتدلع ويسمع حب ويطنشني مدة لغاية مايحتاج يسمع كلام حب ثانية ويرجع. صرحت له وعاتبته بغنج، مافيه فايدة. وش أسوي يعني؟؟ أصارخ عليه وأعلي صوتي؟؟ ما أقدر لإنه أسلوبه معي وإحترامه لي أثناء المكالمة يجبرني على إحترامه. ما أقدر أعلي صوتي على شخص محترم معي خلال كلامة. طيب أصارحه بس بحب وهذا اللي سويته ولا فاد. يعني وش أسوي أطنشه؟؟؟ تقولين أستغل الفرصه، كيف أستغلها. هو لما يكلمني يترجاني أكون معاه وأضل معاه ومايرضى أقفل منه، توصل لدرجة الترجي والتطلب. صعبة أشوف زوجي يترجى أجلس معاه وأسكر منه. والله صعبة. الأسهل علي أرسل مسج باللي أبيه وأقفل جوالي كم يوم ولما يكلمني بقوله على اللي كان مضايقني وليش قفلت جوالي. أبغاه يحس باللي أنا أحس فيه وفيه حل ثاني، لما يكلمني الليلة علشان الترتيبات، أقوله كل اللي بخاطري بكل صراحة. وش رأيك ياعمري؟ |
على فكرة بخصوص شغله، أنا أتطمن عليه من وقت لوقت، وطبيعة شغلي وحياتي أصعب من شغله مليون مرة وأطول وقت.
|
انا ضد ضد ضد ضد ضد ضد ضد ضد رمي الكلام وتسكير الهاتف
وقفله بعد غلط شنيع اكبر وبعد ضد المسجات لارسال احاسيس مضايقتج خلج عقلانيه اكثر وتحملي تتهورين الحياة الزوجية يبيلها صبر .. وطولة بال توج باول المشوار مو من كم شهر تعبانه هالكثر اذكر قصة وحده عرضت مشكلتها بالمنتدى .. ظروفها غير عن ظروفج تماما بس غلطت نفس الغلط اللي تفكرين تسوينه ارسلت مسج لريلها وعاتبته بالاولي والتالي تدرين شسوى .؟ طنشها هي تحترق وهو مطنشها عقب ما ارسلت المسج توقعت ان الكره في ملعبه وهو لازم يراضيها ويشيلها على راسه من فوق عقب ما قطت اللي بقلبها .. المجمع من ايام او شهور اضطرت هي ترجع تعدل الخطأ اللي سوته تحملي تخطأين هالخطأ ولا تعطين الموضوع اكبر من حجمه ولا تطيجين في فخ المقارنه .. كل زوجين ولهم طريقه واسلوب في الحياه انا ما اقول انج تقارينين روحج باحد .. مجرد احتمال .. يطيح فيه الكثير منا وبعدين ما عرفت لج فديتج مرة تفولين انه ما يهتم ولا تكلمون بعض بالكم يوم ومره تقولين هو يترجى ويطلب تظلين معاه على الخط حبيبتي .. في شي مضايقج مو عارفه توصلينه لنا .. لأن كلامج فيه تشتت واضح يمكن نفسيتج تعبانه الحين وتكتبين بانفعال هدي .. وماراح يصير الا اللي انتي تبينه تقولين يحبج ويحترمج .. الاهتمام تبينه يزيد زيدي اهتمامج انتي ولا تقولين سويت وفعلت السالفه مو نتيجة فعل لمره وحده وخلاص .. يصير السحر الموضوع يبيله جهد وصبر ما فكرتي وشلون بتتعاملين مع المشاكل عقب الزواج ؟ اتمنى اني ما ازعجج بردودي .. بس شدتني مشكلتج واحاول اهديج على اقد تقدير :) |
ما أدري أحس أن الحركة شوي صعبة,,
أولا لأنك بعدك بس ملكة ,, ثانيا ترى أبو طبع ما يغير طبعه!! ممكن يتعدل يومين بعدين يرجع لطبعه وممكن مايتغير شي,, أنت شنو أستفدتي,, بس راح تنقهرين زيادةوبس,, ياعمري أبيك تفهميني الرجاااااال مايفكرون مثلنا.. تخيلي لو كان هو تعبان وما أتصلتي عليه تتوقعين راح يزعل؟؟ إذا يزعل أنا أقول معاك حق,, لكن صدقيني ماراح يزعل لأنه يشوف هذا الشي عاااااااادي وماله لزمه.. يا حبيبتي أهم شي يوفر لك الأشياء اللي تبينها وإذا أحتجتي شي قولي له أبي هالشي أو أو أو .. لكن سالفة أنك تبين تحسين أنك زوجته الحمد لله قاعد يجهزلك ويدور خاطرك يوم خلاك بينه وبين أخوك ,, ماسوى هذى الشي لأصحابه أو لأحد غيرك.. فأنا أقول لك عيشي حياتك ولا تنكدين على عمرك توك بأول المشوار .. وبعد الزواج راح يخف أكثر وأكثر ..أنت شراح تسوين بتنكدين على عمرك زيادة ولا بتطلبين الطلاق!!!؟؟ ياعمري أنا لي 3 سنين وهذا هو الواقع بيدك تنقهرين وبيدك تطنشين وتنبسطين كوني مصدر سعادته عشان أنت راح تستانسين .. |
اقتباس:
اللي أقصده ياعمري، هو مقل بالمكالمات والسؤال من حيث الكم، يعني كل كم يوم يكلم مكالمة وحدة، بس في المكالمة هذي يطول معي كثيررررررر، ممكن خمس ساعات. ياحبيبة قلبي اللي خلاني أتأثر بالشكل هذا هو تعبي، توقعت يهتم بتعبي ويسئل عني. يمكن لو ماكنت تعبانة وهو عارف، يمكن ما إهتميت ولا عصبت. بس بقولك شغلة، ترى سبق إن سويتها وعاتبت بمسج، على طول يراضيني، مايتحمل أرسل له مسج وكم مرة يترجاني يقولي لا تعاتبيني بمسج لإنك كيذا تقسين علي. هو والله ما أظلمه محترم كثير وحنون كثير بس قاهرني الإهمال هذا. شورك وهداية الله، بإذن الله ماراح أرسله مسج اليوم، بترك الجوال مفتوح وماراح أقفله، بس إذا دق أقول اللي بخاطري؟؟ بقولك شئ عنه، ترى لو بسوي شكلي زعلانة بس بالأسلوب يعني، ماراح يفهم، بيحسب زعلانة من أحد ثاني أو مضغوطة أو أي سبب ثاني بس لا يمكن يفهم إنه زعلانة من عدم سؤاله. لو أكلمه ببرود، بيظن من الشغل أو شئ. فهمه بطئئئئئئئ في الأمور هذي وأنا بصراحة مالي خلق أعاتب وأشرح وأتكلم، يعني الموقف واضح، وش أكثر من سؤال لما تتعب زوجتك؟ رأيك يالغالية يهمني. الله يفرج همك يالغالية ويجزاك ألف ألف خير |
اقتباس:
هو يحب أنا أدلعه وأهتم فيه. ينبسط لما أقوله أخاف عليك وينبسط لما أقوله ألبس وأنتبه لأكلك وينبسط لما أسئله كيف مزاجك وإن شاء الله ما أحد ضايقك. ينبسط من الأشياء البسيطة هذي ويحس بقيمتها. طيب أنا؟ مالي حق أحس بقيمتها؟؟ عموما مثل ماقلتي ياعمري، الرجال شكل تفكيرهم شئ ثاني مختلف كليا عن تفكيرنا. الله يسعد قلبك ويوفقك في حياتك ويجزاك ألف خير. |
وصلنا حق المشكلة الاساسيه
الريال يحبج وحنون ومحترم وماعليه كلام اللي مضايقج انج فترة الليكنتي تعبانه ما سأل اقول لج شي ترى احلى فتره هي هالفتره .. كلموا بعض اكثر .. اخذوا اللي بخاطر بعض اكثر لا تخلون مكالماتكم كل كم يوم خلي نفسج بالنسبه له .. ادمان مايعرف يمكل يومه قبل ما يسمع صوتج .. مو 24 ساعه التلفون على اذنج .. لا مو هذي القضيه بس شفتي لو هو يوميا يتطمن عليج .. بيعرف متى تعاتبين ومتى لا بيعرف من صوتج متى تعبانه ومتى لا واذا مايلاحظ هالشغلات على الاقل بيكون فيه تواصل يومي بتقولين له ,, وراح يتطمن عليج اكثر و مدامه مايلاحظ التلميح خبريه اذا كلمج قولي له وبنبرة زعل .. ما اعرف اسلوبج واسلوبه انتي ادرى بس ممكن بنبرة طفوليه فيها دلع عن اللي بخاطرج .. والاحسن في وقت مايكون فيه مشغول باي شي متفرغ لج انتي 100 بالميه عشان رده يشبع عاطفتج .. وترتاحين من هالموضوع ومن هالضيق فديتج ما ابغي منج غير دعوه صادقه في ظهر الغيب بان الله ييسر امر خطبتي ويرزقني كل اللي ببالي |
المشكلة الأساسية لديك ياأخت فراولة بالتفاح أنك لا تدركين أنه يوجد فروق جوهرية في التفكير بين الرجل والمرأة
لذا أنصحك بقراءة كتاب ( الرجال من المريخ والنساء من الزهرة ) وكذلك الاستماع إلى مجموعة أشرطة بعنوان ( ماذا يريد الرجل من زوجته ) للدكتور عبدالله هادي وكتاب اكتشفي السعادة الزوجية ل د . لورا شلسنجر , وكتاب قوة الزوجات الخفية للمؤلفة السابقة . وإذا رغبت في المزيد من أسماء الكتب المفيدة يمكنني أن أزودك بها لاحقاً في الختام اتمنى من كل فتاة مقبلة على الزواج أن تهتم بتثقيف نفسها من ناحية معرفة خصائص الزوج والحياة المشتركة أكثر من اهتمامها بالملابس والمكياج والمجوهرات ويمكن اكتساب هذه الثقافة من خلال القراءة أو حضور الدورات الخاصة بهذ الأمر . |
سأقول لك من خلال ما مررت به زوجي أو خطيبي شبيه بخطيبك يتصل لمدة لا تصل للمدة التي تتحدثين بها مع خطيبك لأنه من دولة أخرى وينقطع لأسابيع كنت أشعر بمثل ما تشعرين به.. وصارحته.. لكن لا حياة لمن تنادي! وفي أحد المرات صارحته وعاتبته بشدة لكن بأسلوب مهذب ومؤدب ووقتها عرفت ظروفه الحقيقية منها كانت ظروفه المادية، ومن بعدها لا أعاتبه أبدا والآن انعكست الآية صار هو من يسأل ويرسل وإن أهملته الخلاصة هي أن أغلب الرجال يحسون بقيمة الزوجة إذا ابتعدت عنهم وأهملتهم ونصيحة خذيها مني لا تكبري الموضوع لأن الأيام القادمة ستحمل أمورا أكبر وأعظم من أمر كهذا .. وفقك الله وأصلح كل أمورك |
بس توكم مالكم اسبوعين لاتحكمين علية يمكن هو يمر بظروف مايقدر يكلم او يطول اصبري علية وادعيله
|
بعد إذن صاحبته الموضوع أختي دروب الصبر ممكن تعطيني اسماء الكتب عن الزواج الله يوفقك .
|
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©