|
حتى اعيد أخي.. كما كان قبل زواجه !!!!!!!!
السلام عليكم
اعزائي مللت كثيرا التفكير في حل لما نعانيه مع اخي هو ثاني اخواني وقد تعبنا كثيرا حتى اقنعناه بالزواج تزوج وهو على ابواب الثلاثين من امرأة في اوائل العشرين عرضنا عليه كثيرات من هن اجمل منها واهم عائليا ولكن النصيب !! هي وللأمانه لم نرى منها ما يعيب لا هي ولا أهلها ولكن لأحظنا من بعض المواقف انه يغلب على عائلتها طابع الحرص الزائد "" البخل "" وانهم يحبون ان يأخذو ولا يعطو ولم نعطي للأمر بالا خصوصا انه تبين لنا فيما بعد الزواج المهم اخي قبل لزواج كان دائم الكرم معطاء لا ياتي الى بيتي الا وبيده شئ كحلويات او شيبس وعصير لإبنتي كذلك عندما ازورهم في بيت امي لا يمكن الا ويطلب العشاء من المطاعم او يحضر الجاتوهات ويعمل حفلة مفاجئة لأبنتي وكذلك الحال عند زيارته لأخينا الأكبر وبناته الآن وقد تزوج وله الآن قرابة التسعة اشهر وزوجته حامل لم نعد نرى شيئا من ذلك حتى وان ذهبنا لزيارته في البيت انا وامي فانه لا يقدم لنا الا الشئ البسيط " شاي قهوة " حتى وان طال الجلوس لا يقدم العشاء ونحن على العكس تماما .... نحسن ضيافتهم ونكرمهم جدا من عشا وخلافه والهدايا بجميع المناسبات زواجه حمل زوجته سكن بيت جديد ولكن بدأنا بالنفور من البخل الذي نراه به وهو عليه جديد بل تأثرا بزوجته فصار الأمر يؤرق امي ويؤرقني وانا افكر بطريقة أخبره فيها بانزعاجنا بدون ان اسبب المشكلات خصوصا وانني من دله على زوجته يعني عن طريقي ودايما ما يقولون لي انها من اختياري :eek: ساعدوني ارجوكم ماذا افعل حتى اعيد اخي كما كان قبل زواجه |
أختي الفاضلة ،،
أتساءل لماذا تربطون التغير الحاصل بزوجته ؟!!! لم لايكون بسبب أنه تزوج وأصبحت له مسؤوليات والتزامات ،، ولم يعد وضعه كما كان في السابق ؟!! أضيفي إلى أنه ـ وكما تفضلتِ ـ قد سكن في بيت جديد ومعروف أن الرجل في هذه الحالة تتدهور ميزانته بعض الشيء ..! ولديّ أيضاً تساؤل آخر إن سمحتِ لي ..! مالّذي يقلقكم في أمره طالما أنكم لستم بحاجته ولم تروه يبخل على نفسه وزوجته ؟! لاأرى أبدا أن تصارحيه ـ ولاحتى أن تلمحي له ـ لأنك لاتعلمين عن وضعه الماديّ، وقد تضعين نفسكِ في موقف محرج ... وُفّقتِ وسُددّتِ ... |
اختي جنة الدنيا شكرا لإهتمامك السريع
نحن نعلم عن التزاماته ومسئولياته وقد كنا خير معين له في امور زواجه وبيته وهو ولله الحمد له راتب طيب والأهل بحاجته ويترتب عليه مساعدتهم فالوالد متوفي وهو واخي الكبر يتشاركون مسئولية الوالده وباقي الاخوان والجميع وراءه مسئوليات ومن باب صلة الرحم واقتداء بالرسول الكريم " تهادو تحابو " وامور هي صغيرة ولكن تكرارها اصبح مشكلة تؤرق بان اخي لربما تأثر ببخل " لنقل الحرص الزائد والذي لاحظناه على اهل الزوجة وعليها شخصيا اتمنى ان المح له لانه لربما يجهل تأثرة ويعتقد اننا لم نلاحظ شيئا ولكن الأمر مؤثر جدا على الوالدة خصوصا وانه لم يعد يعطيها كما كان قبل زواجه وشكرا كثيرا لإهتمامك |
إن كان الأمر كذلك فأنتِ أعلم بشخصية أخيك ومدى تقبّله ...
وأرى أن من الأفضل أن تأتينه من باب المزح "مزحة برزحة" ... وفقك الله ويسّر أمرك .. |
غاليتي
جربت ه الطريقة وقلت مرة له بالمسنجر شو رايك بكرة نتجمع عند الوالدة والعشا عليك والحلا علي وبالمرة نعزم مرة اخوك واولادها بحكم زوجها مسافر قال يصير خير ومن ثاني يوم جينا عند الوالدة وجاء بعدي وايد ورة وايد قدام هو وزوجته !!! وبصراحة كثيييير تفاجئت وانصدمت وكأنه ما صار بينا اي كلام بالمسنجر وانا جبت معايا الحلا ! بصراحة افكر احكيله بصريح العبارة انت صرت بخيل ومقصر بحقوق امك واختك شو رايك ؟؟ |
ياشيخه احمدي ربك انها جت على كذا
اخوي من تزوج وهو شايل الخيزرانه علينا وقدام مدامته وبحجه يربينا !!!!!!!!!!!!!!! عجبي زوجته تخز الرجال بعيونها بالشارع ويضربنا حنا الي جالسات بوسط البيت؟؟؟؟؟؟؟؟ هههههههههههههه عقب ماتزوج صار يربينا مسكين الظاهر ماشي بمبدا اياك اعني واسمعي ياجاره وله الحين 12 سنه على هالحال كل ماقهرته زوجته وماقدر عليها فش حرته فينا حسبي الله على كل ظالم |
الله يفرجها عليكم وعلينا ويصلح الأحوال .. ننتظر آرائكم في كيفية التعامل مع الأخوة المتزوجين وزوجات الأخوة
|
اقتباس:
والله هم ضحك وهم يبكي بس ضحكتني حتى اخواني تغيروا على امي المسكينة وصار كل خيرهم لحريمهم عكس زوجي من يوم ماتزوج صار رضي فيها بزيادة ويقدم مشاويرها علي دنيا حظوظ |
انا مع الرد الاول لجنة الدنيا لاني وقعت في نفس الموقف زوجي كانت حالته الماديه ممتازه جدا وفجاه خسر كل شي بسبب الاسهم ولله الحمد بس اهله مو راضين يتفهمون الموقف على بالهم انه عنده مال هارون وانا مانعته مايعطيهم بالرغم ان حالتهم الماديه حلوه ومايحتاجون بس درا للمفاسد صرت اقنعه يعطيهم من الراتب ونضغط عل نفسنا
|
[ مااقول الا الله يزوجك وتنشغلي بزوجك وعيالك عن بخل اخوك ويغنيك انت وامك عن اخوك وغيرو بالعافية ان شاء الله يارب..........وانصحك لاتدققي كثير الله يعافيك لانك حتتعبي ........
وتقبلي مروري الاشراف: لفظ المشيئة تكتب هكذا (ان شاء الله) |
مشكورة غاليتي سماسم وانا متجوزة وببيت زوجي الله يخليه وعندي بنت بس الموضوع انه امي المهمومه بسببه وانا كمان لانه بصراحة في مجتمعنا الأخ لازم يزور اخته وامه ويكرمهم وهذا ما امر به الدين الحنيف
واهلا بك في احلى منتدى |
طيب وكيف علاقتك بزوجتوا.... .؟اذا كانت مرة تمااااام حاولي ترجعي اخوك عن طريقها تتكلمي معها وتحاوريها من غير ماتحسسيها انها هي السبب في تغير اخوكي عليكم وادخليلها من باب توطيد العلاقات بينكم لاأكثر وبحث الاسباب التي تؤدي الى ذلك..........ان شاء الله تكوني فهمتي وش اقصد
تقبلي تحياتي |
مشكورة سماسم
بالفعل انا دخلت من هذا الباب ( عن طريق توطيد العلاقات بالزوجة وخصوصا انها جديدة علينا ) ومن هنا عرفت انها هي السبب في التغيير بس سوالي لو المح لها انه تغير وصار بخيل ما رح تفهم اني بأقصدها مع اني كثير بلمح لها باشياء بس بتعمل كانها ما فهمت او .. الله اعلم علشان كذا قلت الأفضل انه اصارح اخوي لأنه هو المهم في نظري مشكورة لمرورك واهتمامك |
اختي مثل ماقالوا الاخوات تغير اخوك يعتبر طفيف نسبة الى بقية الاخوان ولكن لامانع من مصارحته لان بعض الرجال يكون غافل مع كثرة مشاغله ومسؤؤلياته الله يصلح الحال |
هلا أختي ...صارحيييييييييييييييييييييييييه بأسرع وقت وبأسلوب حلو لأن أول الغيث قطرة يعني ربما تكون بداية تغير الله يسخره لكم يااارب لأننا عانينا من هالمشاكل الي أسبابها زوجة الأخ بشكل مو طبيعي والسبب السكوت أول التغير بحجة أننا لانريد المشاكل والنهاية أمي تزعل عليه وتغضب و و و الخ..بالتوفيق
|
وعليكم السلام ورحمه الله وبركاته
اختى انصحك بالجلوس معاه يعنى اعزميه على بيتك وقوليله ابغاك على انفراد وكلميه بصراحه لاكن بأسلوب حلو وذكريه بأيام زمان وذكريه بمسؤليته الى عليه خصوصا مسؤليته يعنى اشوف الهدايا مالها داعى لاكن المسؤليات لازم وضرورى الله يعينك وصلى ركعتنين فى اخر الليل اطلبى فيها ربك وسبلي امورك لله واستخيرى الله قبل لاتكلميه ولاتقسي عليه كلميه بطيبه وحننى قلبه عليكم وبالتوفيق الله يعطيك العافيه لك فائق احترامى |
مشكورة لكل من تلطف واخذ من وقته لموضوعي ومشكلتي بورك فيكم من منتدى اروع من الرائع واعضاء قمة في الأخوة في الله
احبابي بصراحة من تلميحاتي لأخي سوى عزومة غداء يوم الجمعة الي فاتت للعائلة كلها وطبعا استغربت الوالدة واستغرب اخوتي بعدين رحنا وانبسطنا انا لم اتكلم معه بالتصريح لاني لم استطع ان اجتمع به على انفراد لكن فقط بعض محادثات متفرقة على المسنجر والآن ما ادري برايكم اتكلم معه والا خلاص يمكن يكون فهم لوحده من تلميحاتي له والتي كلها كانت عبارة عن مزحات له مرة ولزوجته احيانا مشكووووووووورة يالغالين ودعواتكم الله يتمم حمل زوجته ويرزقهم الولد الصالح |
اخوييييييييييييييييييي وانا
يا غاليين
بس حبيت اقول ايش صار مع اخوي وانا احس والله ان موضوعه غريب اخوي من بعد زواجه طبعا تغير مثل ما ذكرت لكم ومن انواع التغير ان زوجته صارت المتكلم الرسمي عنه وعن اموره يعني لو بدنا نعمل شي طلعه عائليه فيها قطة والا اي شي لازم فيه دفع ،،ما يقول اخوي على الموضوع ماشي بس يناظر زوجته وهي تتكلم وعلى طول ( نحن ما معنى ,,, وبدنا نوفر للبيبي ,,,,, ورانا مصاريف ما نقدر ) ومن هذه العبارات والتي دائما ما تضايق الوالده واخواني عموما سبحان الله العظيم قبل كم يوم اتصل اخوي وقال ان زوجته بالمستشفى والأطباء ما عرفو ايش فيها بس تتالم اضطرو ينيموها بالمستشفى وطبعا كلها مصاريف على حسابهم والحمد لله هي الحين بخير بعد كل الفحوص اتضح ان عندها زي الشد العضلي بمنطقة الخاصرة مما يوهم انها كلى المهم الحمد لله كلنا دعينا لها بالسلامه وهي الحين بخير بس المبلغ الي وضعه عليها كان كبير جدا اضطر انه يتسلف فوقه مني ومن غيري لا ادري لماذا جاءني احساس ان ما حصل له لربما نتيجة ان امي لم تكن راضية عنه وعنها والآن زادت حيرتي هل اتكلم معه واخبره ام لا ايش رايكم باحساسي صحيح والا لأ واكلمه والا لأ |
اولا حبيبتي الي صار لزوجة اخوك قضاء وقدر
انا اول ما تزوجت زوجي ومن خلال تصرفاته كنت اتضايق من بخله وبعدين عرفت ان ظروفه صعبه بسبب تكاليف الزواج ووو.. انا واهلي الحمدلله كريمين ومايجي احد عندنا الا معشينه عندنا حتى خواته واهله اذا جو عندي مااقصر معهم رغم ظروف زوجي الا اني احاول اسوي حلا كيك اهم شي اضيفهم ولو اقوله جيب شي من بره يقول مو لازم عادي هم مب غريبين ...وتفاجئت منهم مره يقولون بالتلميح ان ولدهم كان كريم وبعد ما تزوج صار بخيل .. بصرااااحه انا زعلت مره بس تمالكت نفسي يانااااس مو اي شي يسويه الولد تقولون من مرته ترى الظروف والمصاريف تخليه يتصرف بحرص وهذا الشي بعد يضايق زوجته بس وش تسوي تقعد تشتكي عندكم !!!!... والدليل على ان اخوك ظروفه صعبه انه تسلف منكم يوم تنومت زوجته... اخيرا لو نطبق هذا المثل الرائع ( استمح لاخيك عذرا ) كان الدنيا بخير |
حبيبتي مرووحة
انا معك بكل الي قلتيه بس حبيت اوضح اني مو انا الي متضايقة انا مع مرة اخوي واخوي واعرف ظروفهم وهي مثل ظروفنا الي قلته اني اخاف عليه من عدم رضا الوالده عنه واخاف يكون الي صار لهم عقاب عشان كدة انا بحيرة اتكلم معه والا لأ اخشى انه ما يدري ان الوالدة تشكي من انه صار بخيل عليها ومشكووووووووورة ع المرور الكريم |
بلاش تجيبى لة مشاكل ولنفسك مشاكل بعدين انتم اخوات والبيت محتاج مسؤليات كثيرة وعلى فكرة اللى انتى حكتية اى زوج كدة بعد مايتزوج بيختلف طبعة من ناحية قبل الزواج 380 درجة صدقينى ممكن والله اعلم يكون مسؤليات ويقول اللى يحتاجة البيت يحرم على الجامع كل اللى تزوجو كدة لا تشغلى بالك وتزعلى مع اخوكى ولا تنتظرى منة انو يعطيكى هدية او ابنتك المفروض الاساس لام هى اللى تزعل وهى اللى تحكيلى بيكون متقبل اكتر من ان يسمعها منك صدقينى
|
اقتباس:
|
اول شئ اختي..
اكون صريحة معك.. بعض الاخوات تغار من مرت اخوها وتعتقد انه اخوها ملك لها.. وما يحق لزوجته شئ... وانه لازم يكون مثل ما سبق.. انتي اذا تزوجتي تصير عندك امور اهم من كيك وجيبز.. انتي ما تعرفين التزامات المادية حقت اخوك.. وبعدين اخوك رجال استقل في حياته.. ليش تبغين تفسدين حياته.. اخوك بكرا بيصير اب.. مسؤول عن طفل.. والبيت اللي اخذه اخوك ما اعرف اذا هو بيت ملك او ايجار... اذا ايجار الله يعينه.. يصير همه همين.. الاول تسديد الايجار.. والثاني تجميع فلوس حق بيت جديد.. وانتي ليش متهمة مرت اخوك انها بخيلة وانها هي وعائلتها مأثرين على اخوك.. حرام ان بعض الظن اثم.. اهم شئ بالموضوع انه اخوك يكون مرتاح مع زوجته.. وانه يوصلكم وما يقاطعكم.. وانا اعرف وحده اسره فقيرة.. لما تزوج اخوهم.. قاطعهم نهائي.. ولما امه طلبت منه يعطيها ترامس قهوة وشاي.. عطاها القديمة حقته هو وزوجته .. وراحت زوجته قالت لهم خذول هذولي بولوا فيهم... تخيلي لحد هنا وصلت.. بعدين بقولك شئ ترى اسرار الزوجين مو لازم تعرفونها انتوا ولا لزم تتدخلون بحياتهم.. انا كانت لي قريبة ما تعزم احد ببيتها.. وهي لما نعزمها نكرم عليها.. وهي ما تعزم احد واذا صار جيناهم.. بس قهوة وشاهي وتمر.. تقريبا 6سنوات على هذا الحال.. وانا مستحيل اتدخل بحياتهم.. او اسألهم ليش انتي كذا.. اخر شئ تبين لي.. انه زوجها يسدد ديون مايعلم فيها الارب العباد.. وانه ما يفضل لهم من راتبهم الشهري الا اللي يكفي حق خبز وجبن..ياكلون.. حتى الخضروات والفواكة ماهي في بيتهم.. وعافين انفسهم.. والله لما عرفت حالها بكاني شقد هي وزوجها عفيفين.. وزوجها كان اذا جات ماناسبات للعائلة مايحضر والكل يتهمه.. لانه ما يقدر ماعنده فلوس..التزام ديون.. فواتير كهرباء وماي تلفون.. قسط سيارة .. ايجار بيت..تسديد ديون.. وهو بخاطره يامن له حياة كريمه مع زوجته..لدرجة باع سيارته واشترى سيارة اقل منها.. زوجته زعلت بس قلت لها مو مهم السيارة ما راح تاكلين وتشربين فيها.. صديقتي بنت ناس اثرياء.. زوجها شاب .. 30 سنة.. اول حياته وتعرفين الرواتب الحين.. وكيف الغلاء.صديقتي مقصرة على انفسها كثير.. وما تعزم احد ابد ببيتها..ولاتكلم احد.. واهلها يمدونها بالملابس..وابوها يعيطها ملابس .. زوجها ما يقدر يشتري لها..هي تقولي ما نقدر المصروف يروح بين الفواتير.. والتسديد الديون حقت العرس.. وزوجها يعمل دوامين.. الصباح .. ويسدد برابته الديون اللي عليه.. والعصر ويراتب اللي بالعصر.. كل يوم يعطونه ماديته..يشتري فيه خبز واطلبات الطفل ..والاشياء البسيطة.. وساعات يجمعها ويجعل مع زوجته فيها خميس وجمعه.. يمشيها على مطعم او شئ.. ولاحظي صديقتي بنت اغنياء وكريمين جدا اهلها.. واخت زوجها جالسه لها جلسه.. وليش ما تعزموني.. وتعزمها اخت زوجها(( اخت زوجها متزوجة واحد ميسور ماديا)) وصديقتي تعتذر..صديقتي تقول انا ماعندي فلوس اقدر اوفر لها الاكل اللي يليق فيها.. ولا اقدر البس بفخامة لبسها..واخت زوجها كله تحسسها انه انتي اللي غيرتي اخوي.. وانه وانه.. وتتصل عليهم بالليل وتقول لاخوها اتصل علي.. وتظل تتكلم على الجوال بالساعة والاثنين.. تقول حرام فاتورة الجوال..عاليه ..تقول اخوها ما يبي يحرجها بس هي مو راضية تفهم.. انا قلت لها طنشي اخت زوجك.. ولا تحتكين فيها.. هذي تبي دمار بيتك.. انتي لا تدخلين ولا تدرين عن اخوك... وخليه هو وزوجته.. الدنيا مو مهم فيها كيك وجيبز.. اهم شئ هي ماضرتكم بشئ.. واخوك واصلكم.. لا تلفظ عليكم.. بشئ.. وطلع عنكم..وخلاكم.. لاتلحقونه بالمشاكل... يمكن الرجال في باله اشياء مو لازم يصارحكم فيها.. واذا على مصورف او غيره.. خلي احد اخوانك الذكور .. فقط بدون تدخل النساء.. يكلمه ومو شرط يقولوكم شنو قال.. يسأله كلام اخ لاخ..ورجل لرجل.. ويسأله كم تقدر تساعدنا بالمصورف..وهو يحدد معه.. وخلاص.. وانتي لاتفاتحين اخوك ولا شئ... تخيلي لو هذا انتي وزوجك.. ويضغطون عليك اخوات زوجك.. وانتي واياه ترسمون مشروع لحياتكم..هل ترضين احد يدخل.. |
| الساعة الآن 06:36 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©